Post: #1
Title: بيع منزل محمد الأمين خليفة بالمزاد العلني الخميس القادم
Author: Ali bas
Date: 08-09-2009, 08:44 AM
كتب عبد الماجد عبد الحميد فى زاويته صدى الخبر بصحيفة الإنتباهة اليوم نداءا لرئيس الجمهورية بعنوان:
أخي الرئيس هل ترضى لنا الشماتة؟!!!
وقد وصف فيها الرئيس ب"الأخ الإنسان" وناشدة بحق الإخاء فى الله أربع مرات! ثم بحق ألق الإنقاذ الثورة وباسم طابور شهدائها وبحق الشهامة والرجولة أن يتدخل لإنقاذ منزل م الأمين خليفة من البيع..حتى لا يشمت فينا الأعداء .. نقول هذا مع استغرابنا لحال بعض المصارف التى تمهل أصحاب الديون والمرابحات ذات المليارات وتصمت عن ملاحقتهم وتجهد موظفيها فى ملاحقة بعض المتعثرين فى 80 ألف ج مثل م الأمين خليفة..
|
Post: #2
Title: Re: بيع منزل محمد الأمين خليفة بالمزاد العلني الخميس القادم
Author: فتحي الصديق
Date: 08-09-2009, 08:59 AM
Parent: #1
براهم في الملعب يا أخي... براهم ومافي لاعب تاني غيرم.. واحد يفلس..وواحد يناشد..وواحد ممكن يتبرع من مال الجوعى عشان البيت ما يتباع.. وواحدين هنا بتلاقيهم اختلاس 200 مليار جنية (على ذمة اخر لحظة)
|
Post: #3
Title: Re: بيع منزل محمد الأمين خليفة بالمزاد العلني الخميس القادم
Author: الرفاعي عبدالعاطي حجر
Date: 08-09-2009, 10:56 AM
Parent: #2
من اين لمحمد الامين خليفة بيت في كافوري وهو ضابط الجيش
وهل اي ضابط جيش من دفعته عندو نفس البيت في كافوري وبنفس
السعر ؟؟؟؟؟؟؟؟؟؟؟؟؟؟؟؟؟ هي مكايدات بين الحزبين المتنافرين
لحين ...... لكن سؤال ىخر ألا ترى في الامر محاولة لتنفيس الساحة
وضرب قضية لبنى التي تحاكم الانقاذ وكل قوانينها وقضية تصريحات
الكوماندر القوي ياسر عرمان ... اعتقد ثمة علاقة بين هذا وذاك
فليذهب الى الجحيم محمد الامين خليفة وكل الاثرياء من اجل فقرنا
وضنكنا هذه مسرحية نتنة الاخراج والتأليف من قبل .
وين الترابي واثريائه في المنشية ألا يستطيعون التسديد عن محمد الامين
خليفة ؟؟؟؟؟؟؟ ياراجل ألم اقل لك انها مجرد لعب ادوار وخلوها مستوووووورة
حكمة قالها علي الحاج زمااااااااااااااااااااااان بين الاخوان ملح ملاح واسرار .
.....................................................حجر.
|
Post: #4
Title: Re: بيع منزل محمد الأمين خليفة بالمزاد العلني الخميس القادم
Author: صديق الموج
Date: 08-09-2009, 11:09 AM
Parent: #3
يا زول والله محمد الامين ده لو ولدوه لواء لما
استطاع ان يبنى بيت فى كافورى.
غايتو كل من اجرم فى حق هذا الشعب المسكين لو
جاء زول جاريه من كراعه جنبنا ما نقول ليه الرسول فوقه..
يمهل ولايهمل..الى مزابل التاريخ كل هولاء الاوباش،،،
|
Post: #5
Title: Re: بيع منزل محمد الأمين خليفة بالمزاد العلني الخميس القادم
Author: قلقو
Date: 08-09-2009, 11:53 AM
Parent: #4
أسألوا اهل حلفا الجديدة عما فعله بهم وبمطاحنهم وبجمعياتهم التعاونية عندما كان المدعو محمد الأمين خليفة مسئولا عن الأقليم الشرقى فى ايام الأنقلاب الأولى .
محمد الأمين خليفة الذى لم يكن يتنقل من منزله الى مكتبه بمجلس الشعب الا على متن اللنش النهرى لزوم الترطيب وصفاء الذهن بينما كان الشعب الذين هبوا لأنقاذه يكافح من أجل موطئ قدم فى اى وسيلة مواصلات متهالكة. وبفعله هذا ربما يكون هو ادخل ثقافة اللنشات الرئاسية للسودان وعليه يقع وزرها ووزر من عمل بها بعده . وبعد المفاصلة التاريخية رفض ان يسلم السيارات المخصصة له ولأسرته لأنو مسألة الفطام من الميرى والبلوشى دى حاجة صعبة خلاص .
ان الله يمهل ولايهمل ولسه الخرا ورا .
|
Post: #6
Title: Re: بيع منزل محمد الأمين خليفة بالمزاد العلني الخميس القادم
Author: سلمى الشيخ سلامة
Date: 08-09-2009, 12:24 PM
Parent: #5
| Quote: بيع منزل محمد الأمين خليفة بالمزاد العلني الخميس القادم |
دا واحد عشان يكف العين
او تكون ناقصة ليهو كم مليار لزواج واحدة من بناته
او زوجته "زانقاهو فى عفش جديد
كلها احتمالات
لكين مش عشان هو عايز يبيع
ما باع زمان وانتهى
تانى فى بيعة يعنى
هى لله
هى لله
|
Post: #7
Title: Re: بيع منزل محمد الأمين خليفة بالمزاد العلني الخميس القادم
Author: BAKTASH
Date: 08-09-2009, 12:38 PM
Parent: #6
| Quote: بين الاخوان ملح ملاح واسرار |
انهم لا يحترمون الملح والملاح .. لا شرف لهم ولا نخوة يتقاتلون من اجل المال والجاه والسلطة و النساء ... لو كانوا يعرفون ذلك لما الوا لما هم فيه الان... دعهم في غيهم يمعهون فالشعب لهم بالمرصاد..
|
Post: #8
Title: Re: بيع منزل محمد الأمين خليفة بالمزاد العلني الخميس القادم
Author: Anwar Ahmed
Date: 08-09-2009, 01:07 PM
Parent: #7
دي تمثيليه إسمهاألاأنقاذ والزهد
لم تتعلق قلوبهم بالدنيا
ياخي في عشرين مليون مالاقين جحر
|
Post: #10
Title: Re: بيع منزل محمد الأمين خليفة بالمزاد العلني الخميس القادم
Author: Hisham Ibrahim
Date: 08-09-2009, 01:18 PM
Parent: #8
للزمن
أولاً : كافوري دي يا جماعه في وقت كانت القطعه فيها بي 800 الف جنيه بالقديم
تاني : كافوري دي معظم الخطـه الإسكانية القامت فيها وزعوها لي ناس الجيش .
وبعض من ناس الشرطة والفئويين من عامة الشعب
الكلام دا بالنسبة لقطعة الأرض ما حاجه تانية
ومحمد الأمين خليفة دا قبل الإنقاذ كان مؤجر بيت بس !!
دا للزمن زي ما قلت ليكم !!
هشام
|
Post: #9
Title: Re: بيع منزل محمد الأمين خليفة بالمزاد العلني الخميس القادم
Author: jini
Date: 08-09-2009, 01:15 PM
Parent: #6
يا كافى البلاء ما لقالوا زولن يدينو!
انتوا الناس ديل ما ادوهم معاش !
والشماتة فوق شنو البلد بقة جمعية ولا ختة نسوان!
والله الصحفى دا يا هو الداير دق فوق جعابو بدل لبنى بت الرجال!
جنى
|
Post: #11
Title: Re: بيع منزل محمد الأمين خليفة بالمزاد العلني الخميس القادم
Author: على محمد على بشير
Date: 08-09-2009, 03:50 PM
Parent: #9
Quote: انتوا الناس ديل ما ادوهم معاش !
|
ادوهم يا جنى
لكنه راهن على الفرس الخاسر
فايام المفاصله اختار صاحبنا المنشيه ضد القصر
وهاهو يخرج من مولد الانقاذ بلا بيت وبجريمة قتل الشهيد كرار
|
|