Post: #1
Title: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: صباح حسين طه
Date: 08-08-2009, 09:09 AM
بت أختي عمرها خمسة سنوات وعلي غير أختها الكبيرة شعرها أبي يقوم كلو كلو
ما خلت ليها زيوت السوق من أملا لكابور وزيت الترمس وبذرة القاطونة
ما خلت ليها الكركار بكل أنواعه وربيط الشعر ومشاطه وأدوية الدكاترة
والفيتمينات والتغذية
ما باقي ليها إلا الفقراء والصلاة علي النبي
أها كان فيكم واحدة تطمنها ربنا يطمنكن
|
Post: #2
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: Abuelgassim Gor
Date: 08-08-2009, 09:14 AM
Parent: #1
يا صباح
عاصف التحايا
تجيبى ضبان ضكر ...
وتجيبى نمله انتايه ...
تقومى تضبحى ضكر ألضبان ....
وبعد أسبوع تضبحى ألنملة ....
بعد ما يعفونو تقومى تسلخى كل واحد ....
أها جلد ألضبان ألضكر وجلد النملة الانتايه تختيهم فى زجاجة بعد ما تسحنيهم ...
بعد داك تجيبى كول ...
وتجيبى أمنجيووووو ....
وتشيلى ديل كلهم وتمشى لشيخنا ناذر .....
بكمل ليك ألوصفة
|
Post: #3
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: صباح حسين طه
Date: 08-08-2009, 09:39 AM
Parent: #2
قور يا أخوي أنا والله بتكلم جد
بطل هزار ياخ
|
Post: #4
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: ALZOLZATOO
Date: 08-08-2009, 09:46 AM
Parent: #3
صباح الخير ياصباح
طالما الشعر حلف بي دينو وايمانو مايطلع كلو كلو خلوهو على راحتو لانو المشكلة مش من البت المشكلة في الخلايا الجذعية كاااااااااك ودي تخصص اختنا داليا حافظ ممكن نحول ليها المايكرفون في الاستديو الرئيسي ، اختنا داليا هل يمكن التحكم في عمل الخلايا الجذعية كان نقوم بتحسين الخلايا قبل انتقالها الى الشخص الاخر كان يقوم الشخص المتجذع له بتعديل الجذعة الخاصة ببويصلات الشعر .
اذا داليا ماجاوبتك ح اديك وصفة بتعملها المدام للبت وشايف شعرها ماشاء الله ماشي كويس كل يوم عامل معاهم شكلة انو بعد ما تتسرحوا سراحا جميلا نضفوا المشط معاكم
كامل تضامنا مع بت اختك
زاتوووو
|
Post: #5
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: Manal Mohamed Ali
Date: 08-08-2009, 10:04 AM
Parent: #4
صفق شجر النبق
اخلطيه بشوية مويه وختيه ليها في شعرها لمده ساعة
+++++++++
|
Post: #6
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: على محمد على بشير
Date: 08-08-2009, 10:17 AM
Parent: #5
انا سمعت بى مجموعه كريمات متكامله على ما اظن فى الرياض السعوديه
ح اسال ليك المدام عن اسم المجموعه دى واجيك صادى
لانو المدام كان كلمتنى عنها قبل فتره قصيره لارسالها للسودان لحاله
طفله قريبه ومشابهه لحالة بنت اختك ..
|
Post: #22
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: صباح حسين طه
Date: 08-08-2009, 01:30 PM
Parent: #6
أخي الكريم الزول ذاتو
رغم أنك خلط المزاح بالجد بالإشارة للموضوع القيم للأخت الجميلة داليا
ألا أن ما كتبته ربما يكون أكبر أمل لكل من يعانون من مشاكل الشعر لأنوا
يبدوا أن ابحاث الخلايا الجذعية دي هي أكبر أمل لحل كل المشاكل المستعصية
بس الله يستر المولانات ما يطلعوها لينا حرم
.....................................................................
أختي الحبيبة نولا
شكراً ليك علي الوصفة لكن أختي قالت ليك إنها سمعت إنه صفق السدر بنشف الشعر
هل تعرفي زول جربها
...........................................................................
أخي الكريم علي محمد علي
شكراً علي الوصفة وإنشاءلله دايما متواجد للخير وفيه
...........................................................................
أخي الكريم عماد عبدالله
نشارة تاكلك إنشاءلله.....وانت دايما موجود في كل خير لك شكري
|
Post: #7
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: ALZOLZATOO
Date: 08-08-2009, 10:19 AM
Parent: #5
يامنال
صفق شجر السدر ( النبق ) ده بيطلع العفاريت مش الشعر
وصفة غير موفقة تراي اقين ليتر try again later
زاتوووو
|
Post: #8
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: Emad Abdulla
Date: 08-08-2009, 10:22 AM
Parent: #5
النِشارة ..
و تكون نشارة مهوجني .. تلخيها مع زيت خروع بكر .
و بجطك بجطك بجطك .
......
وللا كمان أجدعوها .
|
Post: #9
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: انور التكينة
Date: 08-08-2009, 10:28 AM
Parent: #8
غايتو انا سامع انو المخ الموجود فى سااق الابل بيغلوه و يبقى ودك و مفيد فى مثل هذه الحالات ..
قريبتنا دخلت التجربة و كانت مفيدة لحد ما ..
بالمناسبة يمكن الحصول على مخ الساق من جزارات جنوب سوق ليبيا تبيع لحوم الابل
|
Post: #10
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: مريم بنت الحسين
Date: 08-08-2009, 10:33 AM
Parent: #8
إممممم
انا رايي مختلف شوية... سيبوها .. مع الاعتناء العادي بالشعر.. وتغذيته بزيوتنا البنعرفها.. والاهتمام الاكبر بتغذيتها هي بحاجات فيها فايدة.. زي الخضار والفاكهة وخاصة الجرجير.. الملاح ده ماااا بنفع براه... لانه الشعر بقوم من الغذاء ما من الزيت البي برّه ده... بالنسبة للمجموعة القال عنها الاخ.. اعتقد هي مجموعة Palmers الامريكية... انا بستخدمها لنفسي... وهي برضها بتحتوي على زيت زيتون .. وهي كويسه خالص... لكن ما بتضمن ليك انه الشعر يطول... هي بتحسّن من نوعية الشعر..
الاهم من ده.. انه البت ما تعقّدوها بالشعر... وما تتكلموا عن الموضوع امامها.. وما تحسسوها بإنه ده نقص فيها.. ومشكلة كبيرة.. وما تقارنوها بأختها.. على العكس.. حاولوا تبرزوا جمال الشعر العندها بصورة تخليها فخورة بيه..
بنت الحسين
|
Post: #11
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: عزاز شامي
Date: 08-08-2009, 10:35 AM
Parent: #1
يا صباح سلامات و الله يقوّم شعر بنت اختك بالسلامة
الموضوع ده تسألي منو عمر الفاروق يفتيك في التصحر ومكافحته
الزيت الكتير بيعمل طبقة على فروة الشعر و بيمنعها من النفس و الهوا الفريش
انصحكم تحلقو ليها شعرها زيرو زي اولاد الهنود
و بعدين تستخدمو التونك المنبت للشعر و بعدين لما الشعر
يقوم استعملو الزيت مرة في الاسبوع فقط وبلاش مشاط لانو بيجر
الشعر من جذورة و التقوموهو الليلة بيقع باكر .. الثوم برضو مفيد
بس البنت حتبقى وحيدة و الشعر بيقوم و الصاحبات زاتهن بيقومو طايرين
المعادلة صعبة ما بين شعر صحي طويل و حياة اجتماعية حافلة ...
الاختيار لكم في النهاية بس الثوم بيقوم الشعر في كوع ناشف خليك من فروة شعر
لما تبقى كبيرة شوية عليكم بالحنة و حتدعولي ...
صفق النبق برضو ممتاز ما تشتغلي بزاتو
لانو عايني البروفايل و اقنعي تب .. لوووووووووول
|
Post: #12
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: محمد البشرى الخضر
Date: 08-08-2009, 10:46 AM
Parent: #11
يا خوانا متأكدين كاتبة البوست حسابها ما مهكر
معقول زولة جادة جداد شديد وما ضحكونجية تكتب ليها بوست زي دا والإنتخابات الرئاسية على الابواب
|
Post: #13
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: العوض المسلمي
Date: 08-08-2009, 10:51 AM
Parent: #12
الكركار يا صباح ,,,
|
Post: #14
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: Elawad Eltayeb
Date: 08-08-2009, 11:40 AM
Parent: #13
أمسكي في كلام عزاز ده قوي
وبضيف ليهو
أعملي ليها دلك أو مساج بحنان لفروة الرأس كل يوم قبل النوم.
وما تكتروا من الزيوت خلو المسامات تتنفس.
|
Post: #15
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: محمد الطيب يوسف
Date: 08-08-2009, 11:43 AM
Parent: #13
الكلام الفوق ده كلو خليهو وركزي مع كلامي الحاقولو ليك ده
لكن في الاول جاوبيني علي كم سؤال
الاسرة من جهة الوالد والوالده شعرهم كيف
طويل ولا قصير غزير ناعم خشن
هل شعرها كان كويس وبعدين ساءت حالته ولا من الولادة اصلاً هوخفيف وسئ
لو استعملتو حاجت قديمة وماادت فايدة نزلي لي اساميها لو ممكن
وبيحصل خير ان شاء الله
مودتي
|
Post: #16
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: د.نجاة محمود
Date: 08-08-2009, 11:49 AM
Parent: #15
سلامات يا صباح
قولي لبت اختك الكلام التحت الشعر
خليها تمسك في دي قوي
يديها العافية ويطول ليها شعرها يارب..
وخليها تسرح مارينز تسريحة حلوة وبتظهر جمال التقاطيع..\
مع المودة والاحترام
|
Post: #17
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: ALZOLZATOO
Date: 08-08-2009, 12:16 PM
Parent: #16
Quote: صفق النبق برضو ممتاز ما تشتغلي بزاتو
لانو عايني البروفايل و اقنعي تب .. لوووووووووول |
ياعزاز ،
ممكن تخليني افهم الجملة الفوق دي صاااح
زاتوووو
|
Post: #18
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: عزاز شامي
Date: 08-08-2009, 12:23 PM
Parent: #17
Quote: Quote: صفق النبق برضو ممتاز ما تشتغلي بزاتو
لانو عايني البروفايل و اقنعي تب .. لوووووووووول
ياعزاز ،
ممكن تخليني افهم الجملة الفوق دي صاااح
زاتوووو |
زاتو، سلامات .. معنى كلامي انو انت عندك شعر واليدو في الموية ما زي اليدو في النار..
إذا ضايقك التعليق فانا اعتذر عن اي ضيق سببتو ليك و ممكن امسحو من مداخلتي ...
|
Post: #19
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: Hisham Ibrahim
Date: 08-08-2009, 12:26 PM
Parent: #17
يا صباح يا أختي
برضو شوفي كلامي دا
الهنود لمن يلدو الشافع والا الشافعه لحدي
عمر 5 سنه بيـ يحلقوا لي الطفل صـلعه بي الموس
لحدي عمر 5 سنه ويقيفوا منو
أنتي جربي أحلقى ليها بيـ الموس نظيف !
وبرضو أسألي عن كلامي دا
هشام
|
Post: #20
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: ALZOLZATOO
Date: 08-08-2009, 12:44 PM
Parent: #19
اختنا عزاز
لا مافي اعتذار ولا حاجة كده فهمتك صاح ممكن تعمليها بالخط العريض
لانو انا بحاول مابدي الشيطان يفسر لي الحاجات علي مزاجو بسال صاحب الشان مباشرة
شكرا للتوضيح
تحياتي تاني
زاتووووو
|
Post: #21
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: ombadda
Date: 08-08-2009, 12:49 PM
Parent: #19
الممثل العالمى الشهير روبرت دى نيرو مع زوجته الفاتنة...!!!!!
بالمناسبة غريس (هذا هو إسمها) ذات شعر طويل مسدل
والصورة خير من ألف كلمة ومرافعة..
|
Post: #24
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: صباح حسين طه
Date: 08-08-2009, 01:58 PM
Parent: #16
أخي الكريم العوض المسلمي
شكرا ليك كتير وفي الحقيقة الكركار دا اللازمة الوحيدة الممكن ما تخلوا منه معظم البيوت
السودانية واثبت مفعوله مع كتير من بناتنا وأخواتنا...تسلم يا أخوي
.................................................................................
أخي الكريم العوض الطيب
شكراً كتير علي المشاركة والنصيحةوما عدمناك
.................................................................................
الأخ الكريم محمد الطيب يوسف
من كلامك أديتني إحساسي كأنك من المختصين في موضوع الشعر
الأسرة علي العموم شعرهم غزير وناعم
البت اتولدت بشعر ناعم جدا لكن حلقوا ليها والجديد قام قصير جدا وغير ناعم
كل الإستعملوه معاها هو الكركار والزيوت المعروضة في السوق ذي الفي محلات التيمان
تشكر يا أخوي ومنتظرنك.
...........................................................................
الأخت المتميزة والرايدة د.نجاة
البت ما شاءالله آخر ذكاء وتهذيب الله يخليها لأمها وفعلاً مع التسريحات الخاصة بالشعر
بتظهر التقاطيع الحلوة للبنية الله يديك العافية ويخلي ليك وليداتك
|
Post: #23
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: صباح حسين طه
Date: 08-08-2009, 01:46 PM
Parent: #12
أخي الكريم أنور التكينة
تشكر كتير يا أخوي علي الوصفة ومخ الساق فعلاً سمعنا بيه وجربوه ليها بس كان
مخ ساق الخراف وجاب نتيجة بس ما مشجعة خالص..تسلم
.........................................................................
البت الطيبة مريم بت الحسين
شكراً علي الإرشادات المفصلة وفعلاً لما ودوها الدكتور قال ليهم نفس كلامك دا
بس أمها الموضوع شاغلها شديد خاصة وإنو البت حليوة بس شعرها بسيط بحاول
معاها إنوا ما تعمل من الحكاية موضوع ولو إني لا أظن أنها تستطيع تقنع بما
قسمه الله لبنتها
...........................................................................
الأميرة الصلدة والمثقفةالجميلة عزاز
نصيحتك يا اختي عجبتني شديد لكن أختي الت البت دخلتها المدرسة ما
ممكن تحلق ليها صلعة عشان تصبح مصدر لسخرية زميلاتها ويعقدوها..لكن قالت بتستعمل
التونك والزيت مرة في الاسبوع والتوم وبتوقف المشاط...إنشاءلله دايما موفورة للخير
...............................................................................
ود الخضر كيفنك
انت يا أخوي لسع متذكر...خلاص قشها لي في وشي وبعتذر ليك قدام الناس ديل
بس والله البوست بتاعي جاد ولو شفت حالة أختي لو قالوا ليها في علاج في كندا تسافر ليه
تسلم يا أخوي
|
Post: #25
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: صباح حسين طه
Date: 08-08-2009, 02:05 PM
Parent: #23
أخي الكريم هشام إبراهيم
أمها قالت كان شعرها ناعم وجميل ومن حلقت ليها قام خفيف وقصير
وتاني أبدا ما بتعمل كدا....شكراً جزيلاً أخي
...............................................................
|
Post: #26
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: Abuelgassim Gor
Date: 08-08-2009, 02:48 PM
Parent: #25
يا صباح
Quote: قور يا أخوي أنا والله بتكلم جد
بطل هزار ياخ |
أها أقول ليك ....
كان معانا واحده راسها زى ألركبة....ولا شعراية واحده مفاى
لكن قدرت تجزب أنظارنا كلنا ....وهاك يا خلط ....
ألشعر يا بتمى ما مهم .....
هسى سلمى ألشيخ دى شعرها لا طولا ولا حاجة ...لكن أنا معجب بيها
طبعا سترد على وتقول لى ( يا قور يا كوز يا معفن) .....
شكرا
|
Post: #27
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: Rawia
Date: 08-08-2009, 04:53 PM
Parent: #26
إيييييييه
دا موضوع مهم
لو البنية دي كبيرة شوية كان المسألة بتبقى ساهلة لانه الموضع فيهو بلبيع حبوب وكدا
|
Post: #28
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: lana mahdi
Date: 08-08-2009, 04:55 PM
Parent: #27
Quote: إيييييييه
دا موضوع مهم
لو البنية دي كبيرة شوية كان المسألة بتبقى ساهلة لانه الموضع فيهو بلبيع حبوب وكدا |
راوية ممكن نسأل عن إجراءات وقائيةو كدة (:(:(:(:
|
Post: #29
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: Rawia
Date: 08-08-2009, 05:35 PM
Parent: #28
| Quote: راوية ممكن نسأل عن إجراءات وقائيةو كدة |
لنو ياخ أنا بحاول أديها من تجارب سابقة وكدا الموضوع الجديد دا لسسسسة مابنطلعوا بالساهل كدا.. لانه مكلف
ياخ أنا بتذاكر سفرو وكله على بعضه كلفني الشي الفلاني.. الحالة الموضوع كان فيهو قسم أبقراط والدكتور ماشال حقو إن شاء الله إيدو ماتنشل ويديهو الفي مراده
|
Post: #30
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: Osman Musa
Date: 08-08-2009, 06:06 PM
Parent: #29
ولايهمك
عليك بزيت شحم الباعوضة
أمسحى زيت شحم الباعوضة 3 مرات صباح مساء .
طبعن زيت شحم الجراد قد يؤدى بعد فترة الى تلف الأوعية كلوكلو .
( أرجو أتباع النسب المنشودة لحرن الشعر ) تحياتى
|
Post: #31
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: على محمد على بشير
Date: 08-08-2009, 06:24 PM
Parent: #30
يا صبوحه
المدام بتقول ليك المجموعه اسمها الجدائل او زيت الحشيش
وهى متوفره فى الرياض السعوديه
يلا لو عندكم زول فى الرياض ادوهو دفره ..
|
Post: #32
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: صباح حسين طه
Date: 08-09-2009, 07:06 PM
Parent: #31
شكراً أخي أمبدة علي المداخلة وقصدك وصل
.......................................................................
شكراً مرة تانية أخوي قور والله يخليكم انت والأخت الكريمة سلمي الشيخ سلامة
.......................................................................
الأخت الجميلة راوية
كتير إمتناني علي مداخلاتك في البوست وأرجعي للماسنجر ففيه رسالة لك
أشكرك مرة تانية
.......................................................................
الأخ الكريم عثمان موسي
وصفتك رايعة بس بتنفع للأخ عماد عبدالله فهو يبحث عنها من زمن طويل
......................................................................ز
الأكرم علي محمد علي
شكري الجزيل علي إهتمامك بالموضوع وإنشاءلله نجرب الوصية وربك يجعل فيها البركة
|
Post: #33
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: سلمى الشيخ سلامة
Date: 08-09-2009, 09:47 PM
Parent: #26
صباح ازيك
وتسلمى ياحبيبة برضو بضم صوتى لصوت نجاة وخليها مع التحت الشعر
Quote: هسى سلمى ألشيخ دى شعرها لا طوالا ولا حاجة ...لكن أنا معجب بيها
طبعا سترد على وتقول لى ( يا قور يا كوز يا معفن) ..... |
عن اذنك يا صبوحة
يا قاسم قور يا كوز يا معفن
بالجد انا عارفاك كنت مكسر فى منو ؟
اقول ولا مافى داعى ؟
ياعم التلب اسوية موجودة ؟
اها كدا كويس ؟
عارفة يا صباح كانت اسوية دى اجمل زول فى المعهد
شعرها محلوق خلقة ليوم الليلة
لكنها ما شغالة بيهو الشغلة
وامكن تكون دى خاصية جمالها
بالجد قصة الشعر دى ما تاخدى بالك منها
احكى ليك قصة
فى القاهرة كانت جماعة عقد الجلاد ساكنين فى الحى العاشر يوم لقيتهم ليك بحلقوا لبعض
قعدت واتحكرت وقلت ليهم الا تحلقوا لى معاكم
ـ يا بت الشيخ شعرك طويل
ـ ما خساكم
يا زولة قولى كل زول يجى "يجز "براهو " يجى التانى يقول ليهو
ـ ياخ الحلاقة دى مفتولة
لمن بقى "كدوية عديل "
كنت ساكنة مع السنى دفع الله فى الجيزة جيت المساء كنت زول تانى
الشعر مكرود "تب "
انبهم طبعا وما خليت العادة دى لغاية الان تزن لى اقوم ليك عليهو بالمقص
ولا كانه حصلت حاجة
يوم قمت حلقت 2005 كنت فى السودان
امى الله يرحما جيت البيت "طبعا طلعت شعر طوال "
سالتنى
ـ يا بتى شعرك وديتى وين ؟
ـ حلقتو يمة زهجنى
وهى اتاريها كانت زعلانة كلمت اخواتى وحزنت جدا لزعلها لكن تقولى شنو فى الجن
|
Post: #34
Title: Re: يا أخواتي عليكن الله ما بتعرفن وصفة تنمي شعر بت أختي ..... حرن كلو كلو
Author: محمد عبد الماجد الصايم
Date: 08-10-2009, 09:24 AM
Parent: #33
up لله في لله كــدا!
حد عندو أي اعتراض؟
|
|