Post: #1
Title: العلاقة بين بقرة عباس (زول ساكت) ولاعب المريخ وارقو !!
Author: عمر الفاروق
Date: 08-08-2009, 07:10 AM
اخونا عباس زول ساكت عضو المنتدى اووول حاجة سلامة العودة من الإجازة في السودان ..
وفي زيارة خاطفة مني عشان امشي اسمع ونسة العائدين حقت السودان بقا فيهو شوارع ظلط وشوفت الصينية بتاعت شارع هناي ديك شاااالوها ويا زول والله البلد ماشة ماشي عمارات سااااي والناس شغالة تبني ..الرواتب اتصلحت السودان بقا سمح يا عمر لكن عايز جري .. والعجب اللبس اوووو البنات بقن يلبسن لبس غريب ..
فاجأني عباس بحكاية مغاييرة تمااااما فلا جاب لي سيرة سودان ولا جاب لي سيرة شوارع ولا يحزنو ..
قصة واااااحدة بس خلتني اضحك من ما سمعتها ولحدي اسة وربما يمتد الضحك شهر لي قدام ..
جات سيرة وارغو ونحن بنحضر في هلال خرطوم تلاتة فجأة عباس ضحك وقال لي ياتو وارغو ؟ وارغو حق المريخ ولا وارغو البقرة ؟
ما فهمتو ..
قال لي لالالالا عشان نحن في الجزيرة هناك عندنا اتنين وارغو ..
قال لي عندو ود عمو اشترى ليهو بقرة قبل شهرين كده من لاسوق وفي مزاد ..
البقرة سعرها وصل لي مبلغ خياااالي كأغلى بقرة تتباع في سوق يوم الإتنين وظفر بيها ود عم عباس ومشى بيها البيت فرحااان والحلة كلها تتكلم عنها ..
بقرة سميينة وامييينة ماشاء الله عليها ..
اها قووووووومي يا البقرة طلع ما فيها لبن والبتحلبو بستلة صغيرووونة ما بتملاها كل يوم يقول بكرة بكرة بكرة ..ولحدددددي اسة البقرة رطلين ما حلبتهم ..
برااااهو سيد البقرة الاشتراها مشا ليها فييي زريبتا وقعد يتكلم معاها وقال ليها والله انتي مااا بقرة انتي اظنك وارغو ..قروشك كتيييرة ولبنك حببببة :)
حالياً البقرة دي أشهر بقرة في حلة ناس عباس وماف زول بيعرفا الا بي وارغو ...
|
Post: #2
Title: Re: العلاقة بين بقرة عباس (زول ساكت) ولاعب المريخ وارقو !!
Author: وليد محمد المبارك
Date: 08-08-2009, 07:14 AM
Parent: #1
ماسورة زيها
|
Post: #3
Title: Re: العلاقة بين بقرة عباس (زول ساكت) ولاعب المريخ وارقو !!
Author: عمر الفاروق
Date: 08-08-2009, 07:18 AM
Parent: #2
وليد يا مبارك :
اسة ممكن البقرة دي نطلق عليها انها بقرة ماسورة ؟
الله يستر ما يقوم ود عم عباس ده يديها لي جارهم على سبيل الإعارة ومزمل يسمع بيها ..
|
Post: #4
Title: Re: العلاقة بين بقرة عباس (زول ساكت) ولاعب المريخ وارقو !!
Author: محمد عبدالرحمن
Date: 08-08-2009, 07:28 AM
Parent: #3
| Quote: الله يستر ما يقوم ود عم عباس ده يديها لي جارهم على سبيل الإعارة ومزمل يسمع بيها |
ههههههههههههه
ياعمر ..
البقرة طلعت (غارزه) يعنى .. الكلام تجيب ليها نطح
|
Post: #5
Title: Re: العلاقة بين بقرة عباس (زول ساكت) ولاعب المريخ وارقو !!
Author: وليد محمد المبارك
Date: 08-08-2009, 07:32 AM
Parent: #4
لو اتبع القوانين وشاف رغبة البقرة ما بتجيه مشكلة
لكن لو عمل زي شداد
طيراتو حرقت معانا ...
بنشتكيه للكاف ( زريبة مواشي الجزيرة )
|
Post: #6
Title: Re: العلاقة بين بقرة عباس (زول ساكت) ولاعب المريخ وارقو !!
Author: فيصل نوبي
Date: 08-08-2009, 07:33 AM
Parent: #4
قلت لي مشي ليها في الزريبة ؟
يعني هسي بيكون الوالي مشي لي وارقو برضو ؟
لووووووووووووووووووووووووول
|
Post: #7
Title: Re: العلاقة بين بقرة عباس (زول ساكت) ولاعب المريخ وارقو !!
Author: عمر الفاروق
Date: 08-08-2009, 07:36 AM
Parent: #2
| Quote: البقرة طلعت (غارزه) يعنى .. |
غايتو يا محمد كلامك الايام دي بقا كللللو فنانات !!!
اسة الجاب الغرزة هنا شنو ؟؟
|
Post: #10
Title: Re: العلاقة بين بقرة عباس (زول ساكت) ولاعب المريخ وارقو !!
Author: عبدالوهاب علي الحاج
Date: 08-08-2009, 07:47 AM
Parent: #7
وارغو دا تطير عيشتو
هنا مطلعنو بقرة وحسين ملاسي طلعو بطة
الناس حقو تصبر على المحترف وما تستعجل وارغو دا اكيد مكسب
يعني ممكن في اي لحظة يفتح
في الممتاز قال انتظروني في سيكافا
سيكافا راحت قال انتظروني في الابطال واحتمال يجي منو
اها هسه بقرة صاحبك دا مش ممكن تكون بتنتج جبنة
شوف رطل اللبن بكم وشوف كيلو الجبنة بكم ؟
ما تستعجلوا ياجماعة اتريثوا دايما
التوقيع :
ضكر البط
|
Post: #8
Title: Re: العلاقة بين بقرة عباس (زول ساكت) ولاعب المريخ وارقو !!
Author: عمر الفاروق
Date: 08-08-2009, 07:39 AM
Parent: #2
نوبي يا حبوب:
| Quote: يعني هسي بيكون الوالي مشي لي وارقو برضو ؟ |
المشكلة اسة ما بقت في الزريبة يا نوبي المشكلة بقت في الحلب ..
|
Post: #9
Title: Re: العلاقة بين بقرة عباس (زول ساكت) ولاعب المريخ وارقو !!
Author: عمر الفاروق
Date: 08-08-2009, 07:42 AM
Parent: #2
| Quote: لو اتبع القوانين وشاف رغبة البقرة ما بتجيه مشكلة |
المشكلة يا قريبك البقرة شكلها كانت كاتبة إقرار بي الإنتقال لي ود عم عباس ده ..
انا خايف يكون عد اللبن ده يكون من قلة القش ..أصلو بعيد عنك قالوا بيرسلوهوا ليها بي DHL
|
Post: #11
Title: Re: العلاقة بين بقرة عباس (زول ساكت) ولاعب المريخ وارقو !!
Author: عمر الفاروق
Date: 08-08-2009, 08:02 AM
Parent: #2
| Quote: اها هسه بقرة صاحبك دا مش ممكن تكون بتنتج جبنة |
ابشرك يا عبد الوهاب بقرة عباس دي بتبيض عديييل كده ..
اما بخصوص الجبنة فكمااان ابشرك بتطلع جبنة مضفرة وجبنة مثلثات ..
انت قايل جبنة البقرة الضاحكة دي من وين ؟؟
ما ياها بقرة وارغو دي ..
تخريمة :
الله يستر من وارغو يقول انتظروني في كأس العالم للاندية ..
|
Post: #12
Title: Re: العلاقة بين بقرة عباس (زول ساكت) ولاعب المريخ وارقو !!
Author: اساسي
Date: 08-08-2009, 08:11 AM
Parent: #11
really funny
ـــــــــــــ
معليش ما عندي كيبورد عربي
|
Post: #13
Title: Re: العلاقة بين بقرة عباس (زول ساكت) ولاعب المريخ وارقو !!
Author: عمر الفاروق
Date: 08-08-2009, 08:18 AM
Parent: #2
اساسي:
| Quote: معليش ما عندي كيبورد عربي |
الترجمة يا حبيب ..
|
Post: #14
Title: Re: العلاقة بين بقرة عباس (زول ساكت) ولاعب المريخ وارقو !!
Author: عبدالله كع
Date: 08-08-2009, 09:04 AM
Parent: #13
يا عمر بقرة قريب صاحبك بجي منها انشالله
لكن البقرة التانيه وحاتك .. الضحك شرط اهله
|
Post: #16
Title: Re: العلاقة بين بقرة عباس (زول ساكت) ولاعب المريخ وارقو !!
Author: abuguta
Date: 08-08-2009, 09:17 AM
Parent: #14
وارغو ..مشبهنومن قبل ب محل فى الخرطوم2 شرق القوصى,,,هذا المحل فتحوه اى حاجة ما نفع
والمحلات الجنبو شغالة قرف,,,,اها صاحب المحل اطلق عليه اسم وارغو,,,
لكن ياعمر وارغو دا يقوم يجيب قون فى الهلال,,اما انشلت رجلو,,او علق من الفرحة
عموما الزول دا خالتو معانا هناك,,وهو خاطب بنتها,,,لو ادونا ليه اعارة للاهلى ابقوتة
يكونو ما قصروا,,,
تسلم
هااااااااااااك وارغو دا,,,هاك اوكامبو دا اشهر مداعبة للرئيس مع مواطن
فى مباراة المريخ والنيل الاخيرة,,لو ما طلع وارغو,,كان المريخ طوى
ملف دورى 2011
تحاتى
|
Post: #15
Title: Re: العلاقة بين بقرة عباس (زول ساكت) ولاعب المريخ وارقو !!
Author: حمزاوي
Date: 08-08-2009, 09:11 AM
Parent: #13
عمر الفاروق ولدنا
مسكاقمي
انت مش قلت ان وارغو دا احسن لاعب
ولعاب لحد ما عوير
وعندو كورة تمام التمام وقعدت تشكر فيه
اجيب ليك الرابط
ولا بلاش
|
Post: #17
Title: Re: العلاقة بين بقرة عباس (زول ساكت) ولاعب المريخ وارقو !!
Author: haroon diyab
Date: 08-08-2009, 09:32 AM
Parent: #15
ياعمر يافاروووووووووووووووووووووووووووووق
هاااااااااااااااك اللبن ده
ولو انت نسييييييييييييييت
انا مانسييييييييييييييييت
حلبتنا الاوووووووووووووولي
ايام المطرة .....صببببببببببت
وكاااااااااااااااااااااااااكـ
|
Post: #18
Title: Re: العلاقة بين بقرة عباس (زول ساكت) ولاعب المريخ وارقو !!
Author: haroon diyab
Date: 08-08-2009, 09:35 AM
Parent: #17
عارف ياعمر......
المحيرني الاسمو رمدان ده
قبال سنة كتب الكلام ده
حسع يقول شنو.......؟
وهاااااااااااااااااااااااااااااااااكـ
الشتل ده......وبرضو كاااااااااااااااكـ
|
Post: #19
Title: Re: العلاقة بين بقرة عباس (زول ساكت) ولاعب المريخ وارقو !!
Author: عبدالوهاب علي الحاج
Date: 09-20-2009, 10:03 PM
Parent: #18
فوق لعناية طلحة
|
Post: #20
Title: Re: العلاقة بين بقرة عباس (زول ساكت) ولاعب المريخ وارقو !!
Author: طلحة عبدالله
Date: 09-20-2009, 10:27 PM
Parent: #19
زمان قلتها
وارغو من طينة ايفوسا
كلاهما اراقوز يهرج في الملعب .
أها يا وهبة
|
Post: #21
Title: Re: العلاقة بين بقرة عباس (زول ساكت) ولاعب المريخ وارقو !!
Author: ارصد محمد جلال
Date: 09-20-2009, 10:39 PM
Parent: #19
انت في وارغو ولا الزول الجاكم 6 شهور بس ب 900 الف $ وللان ماجاب هدف
ولا التاني ود الحلة الاسمو كابوندي ياخي ده بالجد ماسورة ههههههههههه لو سجلتو مجاني برضو خسرانين
و
كل سنة وانت طيب
|
|