الشِــويفعه ..

الشِويفعه الطاعمه زينه

وقّفت حال المدينه

أي زولاً شافه خافه

خاف قليبو يكون سجينه


الشويفعه صباحه بقَ

بهرجت وحَمارنا شقّ

لما بابنا الساهي دقّ

ودرت حيلنا ومشينا


البنيه الفي قفاهُ

نرجس الروض وشذاهُ

زاد بويتنا في انتباهو

وادهش الدهشه العلينا


أحلي من باكرنا زاتو

شافعه بتزلزل ثباتو

لو حصل للزهر جاتو

الورود الرب يعينه


يا مباهج يلا طولي

وبيني بينه لا تحولي

الشويفعه التامه طولي

زينت جيد المدينه

*

فا
رو
ق

ممكن برضه تكون

فا
صول
لا
سى
دو
رى
مى

وممكن تلخبتا وتشكها كم مره

وفى كل مرة حتديك نغمات شهية وطاعمة

وكاملة السم والحلا

شكرا يا زول

على تزيين الحيطان الجوانا
وتجميل دواخلنا

بلوحاتك السمحة

بأنغماك الأسمح

Quote: فا رو ق ممكن برضه تكون فا صول لا سى دو رى مى وممكن تلخبتا وتشكها كم مره وفى كل مرة حتديك نغمات شهية وطاعمة وكاملة السم والحلا شكرا يا زول على تزيين الحيطان الجوانا وتجميل دواخلنا بلوحاتك السمحة بأنغماك الأسمح

مطرنا وعافية ذاتنا..


كل الدوزنه التي سكبتها علي الإسم..

تبين ما يعتمل في حرفك من قدره علي الجمال.

لخبطناها كم مره وما جات زي ما قلت ..

ياخي إنت دواخلك ما محتاجه لتزيين

ولا لشخبطتنا ولخبطتنا..


كل الود يا صديقي

رمضان كريم

أحلي من باكرنا زاتو

شافعة بتزلزل ثباتو