Post: #1
Title: خدش الحياء .. بين القانون والواقع المجنون !!
Author: صلاح أبودية
Date: 08-06-2009, 10:30 AM
جلست أمامى فى مكان يرتاده العديد من محبى الناديين العملاقين !
واضعة ساقاً على فخذ !
صوتها يعلو على أصوات من هم حولها !
تضحك لتخطر كل الموجوديين أنها هى التى تضحك !
أحسست أنها تراقب كل حركاتى ومن معى !
نظرت إليها مستفسرا إن كانت تعرفنى !
نفثت من فمها بينى وبينها سحابة من دخان الشيشة التى كانت بينى وبينها مثل راية الكورنر !
وخلال السحاب تسمرت عيناها على عينى !
أحسست بالحرج هربت بنظرى متعقباً دخان الشيشة فى فضاء النادى الواسع !
وعدت بنظرى متسسللاً فوجدتها بنفس البصر الحديد !
مرة أخرى أحسست بالحرج والخجل ..
ولا أدرى لماذا قفزت إلى ذهنى فجأة كلمة خدش الحياء !
أدرت الكرسى الذى أجلس عليه قبالة التلفزيون !
ذلك الوضع جعلها خلف ظهرى تماماً !!
يعلو صوتها أكثر وأسمع أصوات أخريات معها !
صوت نغمة عالية ووقحة تصدر من تلفون خلفى !
أسمع صوتها الذى أصبح واضحا ومميزا !!
أسمعها تستأذن لتحدث شخصا ما فى التلفون !
وأحس بحركتها المعلنة وهى تغادر طاولتها !
وتمر بالقرب مني تتحدث مع محدثها من الطرف الآخر !
لا حول ولا قوة إلا بالله !
بعد أن عبرت طاولتنا إستدارت إستدارة كاملة !!
وهى تحدث محدثها : لحظة يا حبيبى أجيب طرحتى !
وماذا ستغطى الطرحة يا حبيبتو ؟؟
الظهر ولّ الشعر ولّ الصدر !
وإن تحرفنت الطرحة وغطت كل ذلك ..
بماذا سوف تغطى باقى الفتحات ..
أسفل البطن ..!!
وبين الساقين !!
نمشى يا أبو صلاح والله الحتة دى بقت فظيعة !
خاطبنى صديقى الدكتور !
نمشى يا دكتور !
نهضنا سوياً وإتستخدمنا كل مهارات المراوغنة
لنتحاشاها فى الممر المؤدى إلى خارج المكان !
ده شنو يا صلاح !
أظن يا دكتور ده خدش الحياء البقولوا زاتو !
أنا غايتو حيائى إنخدش !
إنت حياءك كيف ؟
إنت عوير يا صلاح أنا حيائى ما قاعد أشيلو معاى !!
بخلى فى البيت !
ده كلام شنو يا دكتور ؟؟
هسى إنت قاعد معاى من قبيل بدون حياء ؟؟
آآى وإنت حياءك غير ما خدشتو وجرّحتو عملت ليهو شنو؟؟
|
Post: #2
Title: Re: خدش الحياء .. بين القانون والواقع المجنون !!
Author: عابدون محمد عابدون
Date: 08-06-2009, 10:32 AM
Parent: #1
الحتة دى ياصلاح مافيها كشة ولا شنو ؟
|
Post: #3
Title: Re: خدش الحياء .. بين القانون والواقع المجنون !!
Author: صلاح أبودية
Date: 08-06-2009, 10:51 AM
Parent: #2
عابدون كيف حالك ؟
| Quote: الحتة دى ياصلاح مافيها كشة ولا شنو ؟ |
لا فيها كشة ولا فيها قشة !
خدش ساى !
|
Post: #4
Title: Re: خدش الحياء .. بين القانون والواقع المجنون !!
Author: محمد أبوالعزائم أبوالريش
Date: 08-06-2009, 11:13 AM
Parent: #3
Quote: لا فيها كشة ولا فيها قشة !
خدش ساى ! |
(خدشة) ما تعتّر ليك
معليش ... الجاتك في حياءك سامحتك.
|
Post: #6
Title: Re: خدش الحياء .. بين القانون والواقع المجنون !!
Author: صلاح أبودية
Date: 08-06-2009, 11:44 AM
Parent: #4
| Quote: معليش ... الجاتك في حياءك سامحتك. |
أبو الريش !
تانى أنا بسوقو معاى ؟؟
|
Post: #5
Title: Re: خدش الحياء .. بين القانون والواقع المجنون !!
Author: طارق الكوتش
Date: 08-06-2009, 11:23 AM
Parent: #3
لا حول ولا قوة الا بالله
عزيزى صلاح تحياتى
نظرات ... ضحك ... صوت عالى
انه الفهم الخاطئ للحريه ( رجال او نساء ) >
تنتهى حريتك حيث تبدأ حرية الآخرين
انا هنا فى بلد تعتبر مفتوحه ( دبى )
واللبس اشكال و الوان ( فاضح فى كثير من الاحيان )
ولكن لا وجود لصوت ضحك عالى او نظرات للمعاكسه
او هكذا سلوك ( رجال او نسوان ) ............
اعتقد وجود قانون واااااااضح
و ناس يطبقونه بفهم و شفافيه و ادب
ليساعد الناس فى التعايش باحترام وممارسة
حياتها الطبيعيه هو واحد من الاشياء المطلوبه
فى مثل هذه المواقف ........................
__________
نحن طولنا من السودان و نتابع اخباره من خلالكم
هل فعلا وصل الى هذا الحد ّّّّ!!!!!!!!!!!!!!!!!!!
لا حول ولا قوة الا بالله
________
خارج النص
ما تكون ده القهوه البتابع فيها مباريات المريخ
غايتو كان ياها ده ... ارجو الراجيكم ساى
هاهاهاهاهاهاها.......................
احتراماتى
|
Post: #7
Title: Re: خدش الحياء .. بين القانون والواقع المجنون !!
Author: صلاح أبودية
Date: 08-06-2009, 12:19 PM
Parent: #5
طارق الكوتش !
ربنا يكتب السلامة إن شاء الله !
Quote: نحن طولنا من السودان و نتابع اخباره من خلالكم
هل فعلا وصل الى هذا الحد ّّّّ!!!!!!!!!!!!!!!!!!!
|
أسأل مولانا!!
ما يجينى واحد طاير أقول أنا مولانا أنا قاصد البرنامج الإذاعى !
|
Post: #8
Title: Re: خدش الحياء .. بين القانون والواقع المجنون !!
Author: صلاح أبودية
Date: 08-10-2009, 11:15 AM
Parent: #5
Quote: ولكن لا وجود لصوت ضحك عالى او نظرات للمعاكسه
او هكذا سلوك ( رجال او نسوان ) |
عارف ياطارق !
عمرو توفيق صاحبى قرا البوست وقال تعليق ظريف ..
قال لمن يشوف خواجيّة ماسكة سجارة ..
بيحس إنو الزولة دى بتدخن !
لكن لمن يشوف سودانية ماسكة سجارة ..
بحس إنها لا تدخن ..
إنما تتبجح !
|
|