Post: #1
Title: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: بدر الدين الأمير
Date: 08-05-2009, 05:12 PM
اللقيا لحظات جميلة تجملنا ونتجمل لها
والعمر لايتكرر لكن الذاكرة الجمالية تكرره
بكم اتسعت ذاكرتى الجمالية وتبسمت ذكرياتى
تنهدات: ان تلتقي نافخ كير المنبر(فيصل نوبى )
وتكتشف انه في حضرة الكُبارة ابوبكر يتحول الى
حامل مسك تلك تنهدات أخرى !!!!
|
Post: #2
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: بدر الدين الأمير
Date: 08-05-2009, 05:46 PM
Parent: #1
ابوبكر سيد احمد
رجل من كوكوب آخر ... حنكته من الايام تجربة وتجارب
في شتى الوان المعرفة والتعارف ورغم المحن وعثرات الترحال مازال
مخضر الآمال في غد مشرق حين التقيته بمنزله العامر الواسع الزاخر بالفنون
كنت شارد الذهن بين اللوحات التشكيلية التى تستنطق في صمتها كل صامت وحديثه
الشجى الحنين الحزين المتفائل الذى ادهش صديقى للبنانى غسان جورج تامر.....
تنهدات: تكملة للاجبابة على سؤالك يافيصل نوبى لماذا انا مهتم بالجسد ولغة الجسد:
الكلام لمنى فياض(فسخ الجسد)
تتخطى صورة الجسد حدود التشريح إن العصاء والقبعة وأى قطعة من الملابس تكون هي ايضا
جزءا منها ويسهل دمجها بسبب صلتها اللصيقة بالجسد فعندما نمس شيئا بواسطة عصا ممسوكة
باليد نشعر باحساس على مستوى طرف العصا لان هذه العصا اصبحت جزءا من صورة الجسد.
|
Post: #3
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: عبدالكريم الامين احمد
Date: 08-05-2009, 05:51 PM
Parent: #2
حمد الله علي السلامة والله..
وايامك ساكوبيس والله..
وبختك برفقة مهندسنا الكبير ابوبكر وبقية الاخوان الاعزاء
...
وقلت لي نوبي قال ليك انت بتاع لغة جسد لووووووول
|
Post: #4
Title: Re: ابوبكر سيد احمد وعصام على وبدر الياس وفينوبى صل ومهدى الامين .. يالكم من سمار
Author: كمال سالم
Date: 08-05-2009, 05:59 PM
Parent: #3
يابختك ياود الأمير,, كنت فى حضرة الدندون شخصيا ؟؟
طيب كده ماقرررررررربنا نوصل .
|
Post: #5
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: فيصل نوبي
Date: 08-05-2009, 06:01 PM
Parent: #3
الترتيب ده بالعمر
لوووووووووول
-
اصل البيت و اجيكم بس
دايرين تشوهو سمعتنا
|
Post: #6
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: إبراهيم عبد الحليم
Date: 08-05-2009, 07:45 PM
Parent: #5
يا أمير من هو أبوبكر سيد أحمد هل هو الفنان الجميل أبوبكر سيد أحمد البيغنى صباحية غيمة ليل خريفية لصديقنا المشترك الشاعر مدنى النخلى واقف براك
إبراهيم عبد الحليم
|
Post: #7
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: ضحيه ابراهيم
Date: 08-05-2009, 09:32 PM
Parent: #6
| Quote: دايرين تشوهو سمعتنا |
انت عندك سمعة عشان يشوهوها ...
لوووووووول ...
هوى دا انا محمد عبدالرحمن بكتب من جهاز ضحية ..
ماتقوم تنط فيهو يافيصل ..
كتر خيركم ياناس الامارات بدرالدين منذ وصوله
وحتى الآن يتحدث عنكم ...واخذ فيصل نوبى نصيب
الاسد من الونسة ..فيصل حول حق الترويج لبدرالدين
وترويج باحترافية كمان ...
|
Post: #13
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: abubakr
Date: 08-06-2009, 03:31 AM
Parent: #6
| Quote: يا أمير من هو أبوبكر سيد أحمد هل هو الفنان الجميل أبوبكر سيد أحمد البيغنى صباحية غيمة ليل خريفية لصديقنا المشترك الشاعر مدنى النخلى واقف براك |
عزيزي الفنان ذاك ابوبكر محمد سيداحمد ذو صوت شجي وفنان مقتدر وانا ابوبكر سيداحمد محمد المهنة " بناء" وليس لي الا صوت البشر العادي ولكني مستمع لكل صوت جميل ..
|
Post: #8
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: Yassir Tayfour
Date: 08-05-2009, 10:00 PM
Parent: #2
Quote: تنهدات: ان تلتقي نافخ كير المنبر(فيصل نوبى )
وتكتشف انه في حضرة الكُبارة ابوبكر يتحول الى
حامل مسك تلك تنهدات أخرى !!!! |
يا ود الأمير صاحبنا فيصل نوبي ما "نافخ كير"
___
ولكنه الكير نفسه..
|
Post: #9
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: بدر الدين الأمير
Date: 08-06-2009, 00:34 AM
Parent: #8
| Quote: وقلت لي نوبي قال ليك انت بتاع لغة جسد لووووووول |
كيكى ياغافل
نافخ الكير فيصل نوبى على وشك ان يصبح زميلك في العمل
وحا ينتمى لنفس المؤسسة التى تعمل بها أى قطر للبترول
|
Post: #10
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: بدر الدين الأمير
Date: 08-06-2009, 00:41 AM
Parent: #9
| Quote: طيب كده ماقرررررررربنا نوصل . |
كمال
لو باحث عن وصلك عن طريق نوبى
قول يادينا عليك السلام .....
|
Post: #11
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: بدر الدين الأمير
Date: 08-06-2009, 00:57 AM
Parent: #10
Quote: من هو أبوبكر سيد أحمد[/QUOTE
ابراهيم عبدالحليم
عمنا المهندس ابوبكر سيد احمد هو درس الماضى والحاضر والمستقبل
|
Post: #49
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: كمال سالم
Date: 08-08-2009, 12:57 PM
Parent: #10
Quote: كمال
لو باحث عن وصلك عن طريق نوبى
قول يادينا عليك السلام ..... |
أراك ياود الأمير قد قدمت النون وأخرت الياء
وأنت تقصد يادنيا عليك السلام .
أرجو مراجعة مثل هذه الأخطاء الإملائيه والتى
ربما تؤدى إلى تغيير المعنى .
|
Post: #12
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: بدر الدين الأمير
Date: 08-06-2009, 01:08 AM
Parent: #8
| Quote: ولكنه الكير نفسه.. |
ياسر
شهادتك باعلاه قد نحتاجها في المستقبل القريب
ونحن مهددين بان يصبح هذا الـ... مقيم معنا في
الدوحة
|
Post: #14
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: abubakr
Date: 08-06-2009, 03:38 AM
Parent: #1
| Quote: اللقيا لحظات جميلة تجملنا ونتجمل لها |
يالامير والله زدتوني انت وغسان بهجة وشرفا حين زرتموني وانتما مشغوليين بعمل اراه متفردا واعيا وحرفيا سيجد نصيبا من القبول عال في هذه المدينة القاسية والتي لا تقبل عملا الا بعد منافسة اختلطت فيها عوامل كثيرة بحجم هذا العالم وعولمة التجارة ...وسعدت بان التقي بك وعصام المستمع الواعي ومهدي المهذب في مكانك العامر بصحبة الجميل نوبي ...
|
Post: #15
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: حيدر حسن ميرغني
Date: 08-06-2009, 04:32 AM
Parent: #14
متين بقى جميل
شوفت صورتو امس
كان عادي جدا
..
...
هنيئا لك يابدر بالرهط الميامين
|
Post: #16
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: عمر سعد
Date: 08-06-2009, 06:59 AM
Parent: #15
الامير كيفنك
مشينا السودان غير علاء الدين مافى زول اشتغل بيناكتر خيرو
جينا الامارات اكتشفت الان انو فيها بورداب دبى فرع(مطينا)
حمد لله على السلامه يا ريت لو صادفتك هناك؟
|
Post: #17
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: محمد عبد الماجد الصايم
Date: 08-06-2009, 11:24 AM
Parent: #16
يا سلااااام ياخ!
باللاي أدونا الأذن نتوهط هنا!
كلمة السر
| Quote: نافخ كير المنبر(فيصل نوبى ) |
|
Post: #18
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: فيصل نوبي
Date: 08-06-2009, 12:21 PM
Parent: #17
بدر الدين الأمير
البرجوازي صاحب (السيقار) و السيجار دي يجب أن تنطق حسب البرجوازية ..
دوماً يكتب و يهتم بلغة الجسد و الدليل البوست الأخير الذ يطفو علي سطح المنبر ..
يتنهد ما بين المداخلة و الأخري ..
واحد ممن أقراء لهم بينما ينتابني إحساس أنه يجلس علي كرسي وثير يتمايل يمنة و يسري ..
يصيغ العبارات و الكلمات ..و تجلس إحداهن أسفل قدميه أو امامه لتكتب مداخلاته ..
( في يوم ما راودني إحساس أن من يكتب هذه المداخلات هو معتز القريش) 
بينما يحمل هو هاتفيه في يد واحد ينظر الي المتصلون لينتقي من بينهم من يرد عليه ..
ويمليء علي تلكـ الفاتنة الجالسة بين قدميه حروف تكتبها ..
ثم يدور دورة كاملة بكرسيه الوثير ذاكـ
و بعد نهاية الحروف يطلق زفيراً يتماشي مع برجوازيته لتكتب هي "تنهدات"
ثم يواصل كلامه و هي تنقل أو تتنقل ..
..
الي حين وردني إتصال هاتفي يليق بما وضعته له من صورة ..
المتصل : الو .. فيصل نوبي ؟ ( دون حتي السلام عليكم )
العبدلله : نعم .. تفضل ..
المتصل : فيصل نوبي !! تتخللها دهشة أو حتي نبرة زيادة التأكيد
العبدلله : نعم أيوه فيصل نوبي ..
المتصل : (طٌـز فيكـ)
العبدلله : جزاكـ الله خيراً (بعد أن جمعت ما آتاني الله من صبر نفذ من خلال الفترة الماضية )..
_
نواصل ولا كفاية يا "سعادتكـ"
_
التعديل لأن سيرفر بكري بيقلب كلمة " طُـز " الي (.........)
|
Post: #19
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: بدر الدين الأمير
Date: 08-06-2009, 12:56 PM
Parent: #18
طبعا ياحيدر انت قصدك بعادى جدا
|
Post: #20
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: بدر الدين الأمير
Date: 08-06-2009, 12:59 PM
Parent: #19
| Quote: يا ريت لو صادفتك هناك؟ |
والاهم ياعمر سعد انك حا تصادف نوبى في الدوحة
|
Post: #21
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: بدر الدين الأمير
Date: 08-06-2009, 01:02 PM
Parent: #20
Quote: باللاي أدونا الأذن نتوهط هنا!
|
ود الصايم
جيب كيرك وتوهط قرب كبيرك الذى علمك نفخ الكير
|
Post: #22
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: بدر الدين الأمير
Date: 08-06-2009, 01:09 PM
Parent: #21
| Quote: نواصل ولا كفاية يا "سعادتكـ |
نوبى
انفخ كيرك ولايهمك
تنهدات: الكلام للمتنبى:
إذا ترحلت عن قوم وقد قدروا
أن لا ترحل فاالراحلون هم
|
Post: #23
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: Salah Abdulla
Date: 08-06-2009, 01:25 PM
Parent: #22
يانوبي ، إزيّك
Quote: البرجوازي صاحب (السيقار) و السيجار دي يجب أن تنطق حسب البرجوازية ..
دوماً يكتب و يهتم بلغة الجسد و الدليل البوست الأخير الذ يطفو علي سطح المنبر ..
يتنهد ما بين المداخلة و الأخري ..
واحد ممن أقراء لهم بينما ينتابني إحساس أنه يجلس علي كرسي وثير يتمايل يمنة و يسري ..
يصيغ العبارات و الكلمات ..و تجلس إحداهن أسفل قدميه أو امامه لتكتب مداخلاته ..
( في يوم ما راودني إحساس أن من يكتب هذه المداخلات هو معتز القريش)
بينما يحمل هو هاتفيه في يد واحد ينظر الي المتصلون لينتقي من بينهم من يرد عليه ..
ويمليء علي تلكـ الفاتنة الجالسة بين قدميه حروف تكتبها ..
ثم يدور دورة كاملة بكرسيه الوثير ذاكـ
و بعد نهاية الحروف يطلق زفيراً يتماشي مع برجوازيته لتكتب هي "تنهدات"
ثم يواصل كلامه و هي تنقل أو تتنقل .. |
غايتو في وصفك لبدر الدين ده ، قرررربّت من الحقيقة ..
الأهم إنك أوردت تلاتة حقايق ثابتة ..
ندعها لفطنة القارئ ، ليحددها ..
البدر ، بركة الما لمّيت في صاحبي ودالبشرى ..
|
Post: #24
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: محمد عبد الماجد الصايم
Date: 08-06-2009, 01:34 PM
Parent: #23
غايتو يا أب شنب أنا عرفت واحدة من الـ 3!
| Quote: تلكـ الفاتنة الجالسة بين قدميه |
|
Post: #25
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: فيصل نوبي
Date: 08-06-2009, 01:42 PM
Parent: #23
أخو عماد عبدالله
الوصف أعلاه رسمته في مخيلتي قبل أن ألتقي بدر الدين ..
المصيبة ..
ماذا بعد أن إلتقيته ..
_
القاريء ما داير ليهو فطنة .. عشان ما تجيب ليها فتنة
|
Post: #26
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: إبراهيم عبد الحليم
Date: 08-06-2009, 02:35 PM
Parent: #25
| Quote: عزيزي الفنان ذاك ابوبكر محمد سيداحمد ذو صوت شجي وفنان مقتدر وانا ابوبكر سيداحمد محمد المهنة " بناء" وليس لي الا صوت البشر العادي ولكني مستمع لكل صوت جميل .. |
أخونا الراقى أبوبكر abubakr
يا أخوى كدى عرفتك وقاعد أقراء ليك كتير وبمتعة
يا أخوى ود اللمير ده ما بفتح ليهو بوست بشكر ساى علا كان الزول بستحق وأخجلنى والله تواضعك وتواضع كلماتك
إبراهيم عبد الحليم
|
Post: #27
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: بدر الدين الأمير
Date: 08-06-2009, 03:40 PM
Parent: #26
Quote: غايتو في وصفك لبدر الدين ده ، قرررربّت من الحقيقة ..
|
ودعبدالله ياصلاح
نوبى جايك بالدرب ابقى عليهو عشرة بس ما اشوفو حايم فى بنى عمران
|
Post: #28
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: بدر الدين الأمير
Date: 08-06-2009, 03:44 PM
Parent: #27
Quote: وأخجلنى والله تواضعك وتواضع كلماتك
|
ابراهيم
ونحن بخجلنا حضورك الراقى
|
Post: #29
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: abubakr
Date: 08-06-2009, 03:46 PM
Parent: #26
| Quote: يا أخوى ود اللمير ده ما بفتح ليهو بوست بشكر ساى علا كان الزول بستحق وأخجلنى والله تواضعك وتواضع كلماتك |
كتر خيرك وخير الامير الذي جمع .. تابعت لك لقاء تلفزيوني واغنية مصورة في المانيا- ربما- قبل فترة في احدي الفضائيات ولذا اعرفك واتمني لك انتشارا يليق بعطاؤك الفني
|
Post: #31
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: Salah Abdulla
Date: 08-06-2009, 04:59 PM
Parent: #30
Quote: المتصل : (طٌـز فيكـ)
العبدلله : جزاكـ الله خيراً |
بدرالدين قال ليك كده ( بس )؟؟
وإنت كان ردك المهذب ده؟؟
قهاااااااي آآآآآآآي آآآآآآي
هو الله ده شافوه بالعين؟؟؟
|
Post: #32
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: محمد سنى دفع الله
Date: 08-06-2009, 05:53 PM
Parent: #31
كلام عجيب
بدرالدين
جمع الشامي والمغربي
والنوبي
كلام غريب !!!
|
Post: #33
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: khaleel
Date: 08-06-2009, 05:57 PM
Parent: #32
يا لورد
هل انخفضت اسعار (الدامبكس ) في دبي
مع الازمة المالية العالمية دي
|
Post: #34
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: mahdy alamin
Date: 08-07-2009, 01:04 PM
Parent: #33
كانت ليلة سمر جميله
نورت الامارات يا بدر
سنلتقي قريبا وتمنياتي لك بالتوفيق والنجاح
ونتواصل ...........
|
Post: #35
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: Salah Abdulla
Date: 08-07-2009, 02:32 PM
Parent: #25
وبتضحك كمان ؟؟
--
أصبر لي ..بلم فيك في واحد من دواعيس الدوحة..
|
Post: #36
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: عزام حسن فرح
Date: 08-07-2009, 03:07 PM
Parent: #35
بدرالدين الأمير
إتْ ما تجيب مِن النِهاية وتريِحنا ياخ
عاوِز شنو مِن الرطانا بِالضبط ... كُل
يوم تِتلم فوق رطاني ... خلاص إستلبناك
شايفك مِن سمعت < فريه > إنو البتلصق
فوقنا بنرفع عنو صلاة < العصر > قُمت
على حركات العرب تِتحكحك فوقنا ...
<نِحنا> و<إتو> بيناتنا تارات وحزازات
تاريِخِية ليها 1400 سنة مُش لو قابلت
فَيصل نوبي لو قابلت بعانجي ظاتوو ما
بِنسامِحكُم كلو كلو ...
الحسس القديم فوق الجديد ضِفنا
|
Post: #37
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: معتز القريش
Date: 08-07-2009, 03:59 PM
Parent: #36
يا فيصل نوبي
| Quote: ( في يوم ما راودني إحساس أن من يكتب هذه المداخلات هو معتز القريش) |
من زمان أقول عليك بتفهما قبل (ما تطير)[IMG]http://www.sudaneseonline.com/db/attention/010_Smile.gif[/IMG]
|
Post: #38
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: abubakr
Date: 08-07-2009, 06:08 PM
Parent: #36
| Quote: عاوِز شنو مِن الرطانا بِالضبط |
ياقريبي .. نحن عايزين الامير يتنوب وكمان عايزيين كل المستعربة والعاربة تتنوب عشان يشاركونا الاستمتاع بالزي دة :
الفنان النوبي خضر العطار في اغاني زفة من الفولكور نوبي (حاشية: للمستمعيين المستعربةان يصبرو شوية علي المقدمة فهي مناجاة بالنوبية )
http://www.supload.com/listen?s=XtZOnY
|
Post: #39
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: بدر الدين الأمير
Date: 08-07-2009, 06:55 PM
Parent: #38
Quote: تاريِخِية ليها 1400 سنة مُش لو قابلت
|
تعرف ياعزام
صديقى العزيز الرطانى المهندس الشفيع الجزولى سعيد
عندو اصرار شديد على ان العرب المسلمين في ذلك الزمان
حين ضربوا دنقلا بالمنجنيق كان المنجنيق في ذلك الوقت
يعتبر من اسلحة الدمار الشامل لذا يجب توثيق ذلك بل وتدريسه
|
Post: #40
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: بدر الدين الأمير
Date: 08-07-2009, 07:14 PM
Parent: #39
Quote: كانت ليلة سمر جميله
|
الصيدلانى مهدى الامين
وعجبى لقد افلحت يامهدى في تلك الامسية في نبش الذاكرة
والحديث عن المحطة الاخيرة لمصطفي سيد احمد وتفاصيل الحضور
والغياب كنت سعيد بزرزتك واسئلتك النبيلة . اونت الذى لم
يرى السودان حتى الآن ولكنك شفته تعشقه وتتغزل فيه من خلال
اغنيات مصطفانا
|
Post: #41
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: بدر الدين الأمير
Date: 08-07-2009, 08:04 PM
Parent: #40
السنى يانسيب الرطانة (الحلفاوين)
هو في اعجب واغرب واجمل من تفاصيل الامس
ورقيص معتصم رقم صفر مع معتز القريش وتصفيق رطانى
الفرح عزام
تنهدات: الكلام لحميد والغنا لمصطفانا
ايه الدنيا غير لمت ناس في خير
او ساعة خزن
|
Post: #42
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: بدر الدين الأمير
Date: 08-07-2009, 09:22 PM
Parent: #41
| Quote: من زمان أقول عليك بتفهما قبل |
معتز
انت الان اصبحت الصديق المشترك بين فيصل نوبى ورقم صفر
بس دايرن ترجمة غير معنوية للاغنيات باعلاه (الرطانة غير
مرغوب في ترجمتهم اوتداخلهم وبالخصوص رطانى بحرى المدعو
عزام حسن فرح
تنهدات: تخمينان اولاد عبدالله مقبولة حسب ...
|
Post: #43
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: Emad Abdulla
Date: 08-08-2009, 07:03 AM
Parent: #42
نوبي .. !!!!!
اللييييييييييله ..
قال ليك كده ؟
حليل أبوي .
الشافك بعد ده غولوغطير تلمبوسا أبتكان إلسوت بالاكسواواحي .. مااااا كضب .
......
ده كلو هيّن ..
الكلام تجي الدوحة و تبقي من رواد " صالة مصطفي " الفي حوش البناني الأزرق ..
و .. ظووووووووووووط .
|
Post: #44
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: منى على الحسن
Date: 08-08-2009, 07:59 AM
Parent: #43
Quote: اللقيا لحظات جميلة تجملنا ونتجمل لها
والعمر لايتكرر لكن الذاكرة الجمالية تكرره
بكم اتسعت ذاكرتى الجمالية وتبسمت ذكرياتى |
الاخ بدر الدين الامير
سلامات ...
نكون احسن منك نحن معشر النساء ونقول ليك
يا مرحبا بيك هنا في دبي حتى لو فتحت لينا!!!!
يا اخ نحنا فكرتناعنك عكس فكرة نوبي ....
لكن بي مقابلتك الاختصرت على الجنس الخشن فقط نقول شنو ؟؟؟
يعني نمشي نتفق مع نوبي وللا شنو !!!!!
ولكن رغم ذلك بتجبرنا جمال بوستاتك نقول ليك ويا هلا بيك ونورت دبي
|
Post: #45
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: بدر الدين الأمير
Date: 08-08-2009, 08:09 AM
Parent: #44
عماد ياصاحب صاحبى صلاح عبدالله
قريبك نوبى ممنوع يدخل فريج بن عمران
يارب ناس قطر للبترول يجدعو في دخان مع
هجو الاقرع
|
Post: #46
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: عزام حسن فرح
Date: 08-08-2009, 08:10 AM
Parent: #43
بدرالدين
| Quote: السنى يانسيب الرطانة (الحلفاوين) |
السني ده منو ... علو محمد السني ... الزول
ده نوبي (دنقُلاوي) ودُنقُلا دي كانت أرض إتِفاقِية البقط
وأول مسجِد بُني في جنوب مِصر (أسوان حينذاك ما أكانت
داخلة مع مِصر) نضمي الدناقلة أكان لُغة الدواوين ونضمي
المحس أكان لُغة الرجرجة والدهماء (شبكتني في الوصفين
ديل شكيتك على الرفع السما بلا عِمدان) زماااااان قُبال
ما العرب يِخربو علينا البلد أكانت القبيلة فِرِت واحدة
جو العرب يتحكحكو وناسبو المحس والدناقلة وملكو اللرِض
بِإستِغلالِهِم نِظام التوريث النوبي (عن طريق الأُم الفحواهو
إنو النوبي أكان بِورِث ود أُختو المُلُك واللرِض) ومِن يوم
داك ما شُفنا خيرًا تب ... دخلو إفريقيا (المغرب) خربوها
مشو الشام خربو ... في فِجتُم مدينة الرسول وأعمالا خربوها
عِنو اليمن السعيد جابوهو اللرِض ... إلا ناس فارِس ما قِدرو
عليهُم ... دُنُقلا أكانت سوق ... العِندو فوقا حُمار سيد بلد
والدناقلة مُلوك النوبِيون ما عِندهُم كبير شغله بِالتِجارة
ولِيوم الليلة ما حُرفا فيها ... أها بلدمُ إستلمو التُجار
ناس الغرِب وبقايا الأتراك ... المحس ضارتُم القهنوبا
العتمور ولَيه البحر (العرجه الفوق أبو حمد العامله مِتل
حرف S ) جوهُم كام فكي مِن جِهة الصباح (مكة) وناسبو بِيوتات
وما غِلبو في نشر الدين الإسلامي ... البِغلِبُم شنو ونحنا يوت
كُنا بِنعرِف الله وأكان جدي قُبال سَيِدنا مُحمد ما يِتَولِد بِورِث
بِتو مِتِلا مِتل أخوها (وفي نفس الوكِت ده أكان سَيِدنا عُمر بِن
الخطاب بِوإد بِتو وأد ... سمِح وكتين دايِر تكتُلا السيف ما
حداك ما تشيل بيهو راسا ... ما تعذِب البِنِية بِالوأد ...
نان كدي الله بِرسِل رُسُلو لِمِتِل ديل ... مِن تسمع وجود رسول
في قوم تقطع الشك في فسادُم ... علشان كدي ما بِتلقى نبي
نوبي ... صيني ... هندي ... شِن سببُم ... وهُم عارفين حدود
الله
|
Post: #47
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: بدر الدين الأمير
Date: 08-08-2009, 08:46 AM
Parent: #46
Quote: نكون احسن منك نحن معشر النساء ونقول ليك
|
اكيد اكيد يامنى حانتقابل ...
بس فيصل نوبى ضللنى حين سألته
عن الاصفياء الموجودين في دبى
كان رده كل الناس سافرو او هربو
من حر دبى ... ياستى حقك علينا
وحا نلتقى قريبا لان ظروف عملى
تجعلنى ان اتردد كثيرا خلال الفترة
القادمة على دبى وبالمقابل ان الدوحة
حا تمسخ بعد ما يقيم فيها الممسوخ فيصل نوبى
تنهدات: الكلام للطيب صالح
الحضارة عندى انثى وكل ما هو حضارى فهو انثوى
|
Post: #48
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: بدر الدين الأمير
Date: 08-08-2009, 09:42 AM
Parent: #47
Quote:
السني ده منو ... علو محمد السني ... الزول
ده نوبي (دنقُلاوي) ودُنقُلا دي كانت أرض إتِفاقِية البقط
وأول مسجِد بُني في جنوب مِصر (أسوان حينذاك ما أكانت
داخلة مع مِصر) نضمي الدناقلة أكان لُغة الدواوين ونضمي
المحس أكان لُغة الرجرجة والدهماء (شبكتني في الوصفين
ديل شكيتك على الرفع السما بلا عِمدان) زماااااان قُبال
ما العرب يِخربو علينا البلد أكانت القبيلة فِرِت واحدة
جو العرب يتحكحكو وناسبو المحس والدناقلة وملكو اللرِض
بِإستِغلالِهِم نِظام التوريث النوبي (عن طريق الأُم الفحواهو
إنو النوبي أكان بِورِث ود أُختو المُلُك واللرِض) ومِن يوم
داك ما شُفنا خيرًا تب ... دخلو إفريقيا (المغرب) خربوها
مشو الشام خربو ... في فِجتُم مدينة الرسول وأعمالا خربوها
عِنو اليمن السعيد جابوهو اللرِض ... إلا ناس فارِس ما قِدرو
عليهُم ... دُنُقلا أكانت سوق ... العِندو فوقا حُمار سيد بلد
والدناقلة مُلوك النوبِيون ما عِندهُم كبير شغله بِالتِجارة
ولِيوم الليلة ما حُرفا فيها ... أها بلدمُ إستلمو التُجار
ناس الغرِب وبقايا الأتراك ... المحس ضارتُم القهنوبا
العتمور ولَيه البحر (العرجه الفوق أبو حمد العامله مِتل
حرف S ) جوهُم كام فكي مِن جِهة الصباح (مكة) وناسبو بِيوتات
وما غِلبو في نشر الدين الإسلامي ... البِغلِبُم شنو ونحنا يوت
كُنا بِنعرِف الله وأكان جدي قُبال سَيِدنا مُحمد ما يِتَولِد بِورِث
بِتو مِتِلا مِتل أخوها (وفي نفس الوكِت ده أكان سَيِدنا عُمر بِن
الخطاب بِوإد بِتو وأد ... سمِح وكتين دايِر تكتُلا السيف ما
حداك ما تشيل بيهو راسا ... ما تعذِب البِنِية بِالوأد ...
نان كدي الله بِرسِل رُسُلو لِمِتِل ديل ... مِن تسمع وجود رسول
في قوم تقطع الشك في فسادُم ... علشان كدي ما بِتلقى نبي
نوبي ... صيني ... هندي ... شِن سببُم ... وهُم عارفين حدود
الله |
عزام عجبتنى منك هذه البكائية النوبية وذكرتنى ببكائية
العرب الاندلوسية ( لكل شىء إذا ماتم نقصان فلايغر بطيب العيش
انسان هى الامور كما شاهدتها دول ومن سره زمن ساءته ازمان)
شخصيا اشهد انكم سلالة متحضرة والمراة عندكم هى الوجد والمجد
والعدل بل في معابدكم هى الاقرب للتقوى . ونحن همنا كيف نتقى
شرها لذا كان ومازال الواد بغض النظر عن شكله او منفذه عمر اوعمرابى
|
Post: #50
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: بدر الدين الأمير
Date: 08-08-2009, 05:59 PM
Parent: #48
| Quote: ربما تؤدى إلى تغيير المعنى . |
كمال
شاحد ربى يسعدك دينا ودين
وياصاحب الاقلاب في القرآن جائز
وانت صاحب رواية (خالدينافي الطريق إليها)
تنهدات: الكلام لحسن توفيق والغنا لمصطفى سيد احمد
عشقت ابتسامك
حين ابتسمتى
وقلت لقلبى
تمهل
ان الطريق إليها
ملىء باقصى الحجارة
وإن للورد شوك
يمزق ثوب الاغانى
....
|
Post: #51
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: بدر الدين الأمير
Date: 08-08-2009, 05:59 PM
Parent: #48
| Quote: ربما تؤدى إلى تغيير المعنى . |
كمال
شاحد ربى يسعدك دينا ودين
وياصاحب الاقلاب في القرآن جائز
وانت صاحب رواية (خالدينافي الطريق إليها)
تنهدات: الكلام لحسن توفيق والغنا لمصطفى سيد احمد
عشقت ابتسامك
حين ابتسمتى
وقلت لقلبى
تمهل
ان الطريق إليها
ملىء باقصى الحجارة
وإن للورد شوك
يمزق ثوب الاغانى
....
|
Post: #52
Title: Re: ابوبكر سيد احمد وعصام على وبدر الياس وفيصل نوبى ومهدى الامين .. يالكم من سمار
Author: بدر الدين الأمير
Date: 08-15-2009, 11:44 PM
Parent: #51
بدر الياس
(ابداك من وين)
لما تركل شعرك ...
وتلوز بالاسى في اشعار الاخرين ...
|
|
|