Post: #1
Title: إنتو حفلة القبض على لبنى دي ما كان فيها كاميرات ؟ ولا موبايلات ؟
Author: khalid fahmi
Date: 08-04-2009, 06:07 PM
Parent: #0
أبعدتنا المشاغل الخاصة و ظروف العمل عن المتابعة ..
وكل ما ألقى فرقة أتاوق .. القى العناوين والصور والشعارات كلها ( لبنى )
بس سؤال حارقني شديد
ليه الناس دي كلها رافعين صورة لبنى الصباحية خارج إطار الحفلة !
الحفلة دي ما كان فيها كاميرات ؟؟ ولا فيها جوالات بكاميرات ؟؟
لو امكن تدونا صورة من الليلة إياها ..
... بدلا عن صورة المكتب ,,,
..
|
Post: #2
Title: Re: إنتو حفلة القبض على لبنى دي ما كان فيها كاميرات ؟ ولا موبايلات ؟
Author: lana mahdi
Date: 08-04-2009, 06:42 PM
Parent: #1
Quote: ليه الناس دي كلها رافعين صورة لبنى الصباحية خارج إطار الحفلة !
الحفلة دي ما كان فيها كاميرات ؟؟ ولا فيها جوالات بكاميرات ؟؟
لو امكن تدونا صورة من الليلة إياها ..
... بدلا عن صورة المكتب ,,, |
أخي الحبيب حالد
الملابس اللابساها لبنى في الصور الرافعنها الأحباب الزملاء في بروفايلاتهم هي نفسها الملابس التي حضرت بها لبنى الحفل و تم اعتقالها و هي ترتديها..
لنا
|
Post: #3
Title: Re: إنتو حفلة القبض على لبنى دي ما كان فيها كاميرات ؟ ولا موبايلات ؟
Author: mayada kamal
Date: 08-05-2009, 06:24 AM
Parent: #2
الاخ خالد فهمي
كيفنك
شكرا على الاوقات القضيناها معاكم في كوالا
Quote: ليه الناس دي كلها رافعين صورة لبنى الصباحية خارج إطار الحفلة !
الحفلة دي ما كان فيها كاميرات ؟؟ ولا فيها جوالات بكاميرات ؟؟
لو امكن تدونا صورة من الليلة إياها ..
... بدلا عن صورة المكتب ,,, |
لو ما عملو كدا تبقي انت ما في سودانيز اونلاين
|
Post: #4
Title: Re: إنتو حفلة القبض على لبنى دي ما كان فيها كاميرات ؟ ولا موبايلات ؟
Author: محمد أبوالعزائم أبوالريش
Date: 08-05-2009, 06:46 AM
Parent: #3
الأخ خالد ....
الإجابة بسيطة:
الصور التي تراها الآن خارج المحكمة قام بتصويرها أشخاص أرادوا التوثيق .. ويعلمون أنهم سيعودوا لأجهزة كمبيوترهم وينشروها هنا. بينما يوم الحفلة، لم يكن الحدث قد جرى بعد، ولم يظن أحد أن صورة سيلتقطها الآن ستكون سبق. (حصل مرة وقفت في الشارع عشان تصوّر شكلة بين إتنين؟) لكن لو علمت الغيب، وعرفت إنو الشكلة دي حتتكلم عنها القنوات الفضائية والمواقع الإلكترونية، أكيد كنت حتصورها.
تحياتي
|
Post: #5
Title: Re: إنتو حفلة القبض على لبنى دي ما كان فيها كاميرات ؟ ولا موبايلات ؟
Author: malamih
Date: 08-05-2009, 06:49 AM
يا خالد فهمي بي صراحة ... إنت نايم نوم
|
Post: #6
Title: Re: إنتو حفلة القبض على لبنى دي ما كان فيها كاميرات ؟ ولا موبايلات ؟
Author: اميمة مصطفى سند
Date: 08-05-2009, 08:49 AM
Parent: #5
Quote: ليه الناس دي كلها رافعين صورة لبنى الصباحية خارج إطار الحفلة !
|
الأخ خالد
لو فضيت شوية ورجعت يومين لوراء بتقدر تعرف الناس ليه رافعين
صورة لبنى خارج إطار الحفلة وإذا وقتك ما بسيمح كلام لنا مهدي
شرح ليك الضايع منك..
الاخت ميادة
| Quote: لو ما عملو كدا تبقي انت ما في سودانيز اونلاين |
حبوبة الله يرحمها كانت دائما بتقول "لو عندك كلمة طيبة قوليها ولو ما عندك أسكتي"
أعتقد ده أبسط تعبير عن مشاعر الغضب والسخط على الوضع الحاصل لنساء بلدي
|
Post: #7
Title: Re: إنتو حفلة القبض على لبنى دي ما كان فيها كاميرات ؟ ولا موبايلات ؟
Author: mayada kamal
Date: 08-05-2009, 09:03 AM
Parent: #6
الاخت اميمة سند
Quote: الاخت ميادة
Quote: حبوبة الله يرحمها كانت دائما بتقول "لو عندك كلمة طيبة قوليها ولو ما عندك أسكتي"
أعتقد ده أبسط تعبير عن مشاعر الغضب والسخط على الوضع الحاصل لنساء بلدي |
مع احترامي للحبوبة الغالية
دا منبر عام مافي زول عنده الحق يحدد للزول يقول متين ويسكت متين
ثانيا : البمنع شنو زي ما دا رايك | Quote: أعتقد ده أبسط تعبير عن مشاعر الغضب والسخط على الوضع الحاصل لنساء بلدي |
انو دا يكون برضو رايي
| Quote: لو ما عملو كدا تبقي انت ما في سودانيز اونلاين |
واي زول حر في رايه ولا شنو
|
Post: #15
Title: Re: إنتو حفلة القبض على لبنى دي ما كان فيها كاميرات ؟ ولا موبايلات ؟
Author: khalid fahmi
Date: 08-07-2009, 09:00 AM
Parent: #6
الأخت أميمة
سلام
Quote: الأخ خالد
لو فضيت شوية ورجعت يومين لوراء بتقدر تعرف الناس ليه رافعين
صورة لبنى خارج إطار الحفلة وإذا وقتك ما بسيمح كلام لنا مهدي
شرح ليك الضايع منك.. |
رجعت أكتر من يومين لكن برضو ما لقيت إجابة وسط الكم الهائل من عناوين عن الأخت لبنى ..
يا ريت لو عندك رابط لأي بوست اجد الرد فيه ..
لم اجد الرد في مداخلة الأستاذة لنا
تقديري
|
Post: #8
Title: Re: إنتو حفلة القبض على لبنى دي ما كان فيها كاميرات ؟ ولا موبايلات ؟
Author: malamih
Date: 08-05-2009, 09:27 PM
Parent: #5
.
|
Post: #9
Title: Re: إنتو حفلة القبض على لبنى دي ما كان فيها كاميرات ؟ ولا موبايلات ؟
Author: معاوية عوض الكريم
Date: 08-05-2009, 09:41 PM
Parent: #8
مافى زول شافها لما قبضوها
لكن المؤمن صدّيق ..
|
Post: #10
Title: Re: إنتو حفلة القبض على لبنى دي ما كان فيها كاميرات ؟ ولا موبايلات ؟
Author: lana mahdi
Date: 08-05-2009, 09:48 PM
Parent: #9
Quote: مافى زول شافها لما قبضوها
لكن المؤمن صدّيق .. |
لا يا معاوية
ما عشان المؤمن صديق و بس
لكن عشان لبنى صادقة في المقام الأول
لم يحدث أن ضبطها قراؤها تكذب عليهم و لم يحدث أن فعلت من الأصل..
ولو كانت ترتدي ملابس غير التي قالت إنها كانت ترتديها ساعة اعتقالها و تصورت بها لكان إعلام الإنقاذ أول من نشرها على الملأ فقط ليدق عنق مصداقيتها...
لنا
|
Post: #14
Title: Re: إنتو حفلة القبض على لبنى دي ما كان فيها كاميرات ؟ ولا موبايلات ؟
Author: khalid fahmi
Date: 08-07-2009, 08:52 AM
Parent: #5
| Quote: يا خالد فهمي بي صراحة ... إنت نايم نوم |
بصراحة ... يا ملامح
كنت نايم نوم شديييييد ..
و يادوب صحيت ..
لكن برضو ما لقيت إجابة ..
تقديري
|
Post: #13
Title: Re: إنتو حفلة القبض على لبنى دي ما كان فيها كاميرات ؟ ولا موبايلات ؟
Author: khalid fahmi
Date: 08-07-2009, 08:49 AM
الأخ الكريم محمد أبو العزائم
سلامات
Quote: الأخ خالد ....
الإجابة بسيطة:
الصور التي تراها الآن خارج المحكمة قام بتصويرها أشخاص أرادوا التوثيق .. ويعلمون أنهم سيعودوا لأجهزة كمبيوترهم وينشروها هنا. بينما يوم الحفلة، لم يكن الحدث قد جرى بعد، ولم يظن أحد أن صورة سيلتقطها الآن ستكون سبق. (حصل مرة وقفت في الشارع عشان تصوّر شكلة بين إتنين؟) لكن لو علمت الغيب، وعرفت إنو الشكلة دي حتتكلم عنها القنوات الفضائية والمواقع الإلكترونية، أكيد كنت حتصورها.
تحياتي |
عزيزي أبو العزائم
حصل حضرت حفلة إياً كانت .. ما لقيت زول ماسك الجوال و بيصور ؟؟؟؟؟
فرق كبير ما بين شكلة في الشارع .. و ((( حفل ))) !!
لا أقصد صور لتحقيق سبق صحفي أو خلافو ..
أقصد صور للذكرى .. ما كانت موجودة ؟؟؟
معقولة بس !!
تحياتي
|
Post: #12
Title: Re: إنتو حفلة القبض على لبنى دي ما كان فيها كاميرات ؟ ولا موبايلات ؟
Author: khalid fahmi
Date: 08-07-2009, 08:45 AM
Parent: #3
الكريمة ميادة
سلامات
نتمنى أن نراك مرة اخرى بيننا في ماليزيا الساحرة ..
| Quote: لو ما عملو كدا تبقي انت ما في سودانيز اونلاين |
لو ما كان سودانيز اون لاين كدا .. و كدا ...
ما كان استمر أكتر من كدا ؟
الرأي والرأي الآخر .. سبب الاستمرارية ..
عشان كدا .. خليك دائما كدا .. مع إعتبار الرأي ال (كدا) ..
.. تقديري
|
Post: #11
Title: Re: إنتو حفلة القبض على لبنى دي ما كان فيها كاميرات ؟ ولا موبايلات ؟
Author: khalid fahmi
Date: 08-07-2009, 08:38 AM
Parent: #2
الأستاذة الفاضلة لنا
فائق التقدير
Quote: أخي الحبيب حالد
الملابس اللابساها لبنى في الصور الرافعنها الأحباب الزملاء في بروفايلاتهم هي نفسها الملابس التي حضرت بها لبنى الحفل و تم اعتقالها و هي ترتديها..
لنا |
لم اجد إجابة على سؤالي ..
لم أسأل عن الملابس هل هي الملابس ام لا !
بل سألت عن وجود كاميرات أو أي توثيق بكاميرا الجوال كما هو متعارف لدينا في أي حفل !!!
ولا زلت أتسآءل ...
وين صور الحفل ؟؟
!!
عاطر الود
|
Post: #16
Title: Re: إنتو حفلة القبض على لبنى دي ما كان فيها كاميرات ؟ ولا موبايلات ؟
Author: الصادق عوض
Date: 08-07-2009, 09:07 AM
Parent: #11
عاوز بالصور شنو يا خالد ؟
|
Post: #17
Title: Re: إنتو حفلة القبض على لبنى دي ما كان فيها كاميرات ؟ ولا موبايلات ؟
Author: khalid fahmi
Date: 08-07-2009, 09:34 AM
Parent: #16
أستاذ الصادق
سلام
| Quote: عاوز بالصور شنو يا خالد ؟ |
موضوع أستاذة لبنى بقى بالمانشيت العريض محلياً و عالمياً ..
و كل واحد يتناول الموضوع من منظور يحقق اهداف مختلفة
ناس شايفين إنو دي قلة ادب بنات .. وناس متاكدين إنو مخطط لنشر العري ..
و ناس بيشوفو إنو لبنى مظلومة و لبسها المنشور أكثر من عادي بل و منضبط..
و ناس بيقولوا إنو دي فرصة للتخلص من القوانين الظالمة المقيدة للبس المرأة
و ناس دايرين يفشوا غلهم من النظام العام. .. وناس دايرين بأي صورة يظهروا لبنى بثوب الشيطان.و ناس وناس ....
و حقيقة عشان تقدر تتخذ موقف في قضية ذي دي لازم تلقى إجابة لكل الأسئلة المحتاج تعرفها لتحديد موقفك.
و انا صراحة ما عارف ليه الكلام عن لبنى بس ؟؟؟ والصور المنشورة للبنى فقط ؟؟ وخارج إطار الحفلة ؟؟
أفهم من كده باقي البنات كانو لابسين لبس فاضح و ما يستحقوا الوقوف معهم ؟؟؟
و حقيقي ما قادر استوعب إنو ما كان في تصوير و لو بالجوال في الحفلة..
لو في صور من الحفلة .. اعتقد أن دورها سيكون كبير في تحديد المواقف ... و أوضح من الصورة الحالية.
المشكلة في منو بالضبط أنا ما قادر أفهم : ممكن تفهمني ؟؟؟
1) فينا نحن كمجتمع نحب السير خلف أي هتاف دون الوقوف على الحقائق
2) في لبنى لأنها تنادى بحقها في قضية خاصة وتصمت عن استغلال غيرها لقضيتها لغايات أخرى
3) في عساكر وضباط لانهم نفذوا تعليمات دون أن يتحققوا
4) في القانون الذي يعاقب على الزي الفاضح دون أن يعرف بدقة الزي الفاضح
5) في جهات عدة تتاجر بقضايا الشعب العامة والخاصة لنحقيق أهداف و غايات شخصية
6) في مجتمع يعتبر كل من يتم القبض عليها (مجرمة)
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تقديري
|
Post: #18
Title: Re: إنتو حفلة القبض على لبنى دي ما كان فيها كاميرات ؟ ولا موبايلات ؟
Author: معاوية عوض الكريم
Date: 08-09-2009, 04:00 PM
Parent: #17
Quote: ناس شايفين إنو دي قلة ادب بنات .. وناس متاكدين إنو مخطط لنشر العري ..
و ناس بيشوفو إنو لبنى مظلومة و لبسها المنشور أكثر من عادي بل و منضبط..
و ناس بيقولوا إنو دي فرصة للتخلص من القوانين الظالمة المقيدة للبس المرأة
و ناس دايرين يفشوا غلهم من النظام العام. .. وناس دايرين بأي صورة يظهروا لبنى بثوب الشيطان.و ناس وناس ....
|
100%
|
Post: #19
Title: Re: إنتو حفلة القبض على لبنى دي ما كان فيها كاميرات ؟ ولا موبايلات ؟
Author: khalid fahmi
Date: 08-12-2009, 12:56 PM
Parent: #18
تسلم يا معاوية يا 100 % ...
|
Post: #20
Title: Re: إنتو حفلة القبض على لبنى دي ما كان فيها كاميرات ؟ ولا موبايلات ؟
Author: محمد أبوالعزائم أبوالريش
Date: 08-12-2009, 01:38 PM
Parent: #19
الأخ خالد ...
شايف كل كلامك عن (حفلة)، مع إنو الواضح إنو الحكاية ما حفلة، ولكن مكان عام بيجوا الناس ويتعشوا فيهو وعلى ما أظن كان في فرقة بتغني. يبقى في وضع زي ده، لو جاء واحد صوّر ناس (خاصة لو كانوا بنات) قاعدين في طربيزة، حيكون إتعدّى على خصوصيتهم، وممكن تحصل ليهو مشكلة.
____
الجهات التي إتهمت لبنى باللبس الفاضح لم تنفِ أن ما ظهرت به في الميديا هي نفس الملابس. ولو كذبت في دي ما كانوا حيفوّتوها ليها.
|
|