والله ضرعانية-الهادي حامد (ود الجبل) رائد الأغنية الشبابية الحديثة..

http://www.youtube.com/watch?v=ye-UmhRUmRw&feature=related

وتبقي أديب أساسي

ويكتب فيك ملاسي


شكرا حسين ملاسي للحضور


سيف

الهادى حامد (ود الجبل كما يحلو للبعض) فنان قامه بقامه الجبل

الهادى حامد فنان مبدع ولكنه لم يلقى اى اهتمام يزكر من جميع وسائل الاعلام ومن شركات الانتاج فقط لانه شخص متواضع
قد لايعلم الكثيرين ان الهادى حامد هو صاحب هذه المدرسه المنتشره الان والتى تسيدها محمود عبد العزيز ورفاقه الشباب .
هذ الفنان انسان رائع وقد يكون لم يسمع به معظم جيل اليوم نتيجه لابتعاده عن ارض الوطن وابتعاد وسائل الاعلام عنه .

الهادى حامد صاحب معظم الاغانى التى تغنى بها الكثيرين من الشباب واستطاعو من خلال اغانيه الوصول الى النجوميه التى بنيت على حساب جهد هذا الفنان .

من روائع هذا الفنان الانسان : بفرح بيها والتى يظن الكثيرين انها ملك لمحمود عبد العزيز

والمدينه ___ وافتقدتك _ ووصونى ليك _وسرحتى_وقالو لى سرو _ما أتعودت أخاف من قبلك

ولو شفتى كيف_ومع السراب_ ولو تعرف معنى الاشواق _ والعقبال لى بان _والبنفسج فى ربيعو _كل هذه الاغانى الرائع تغنى بها هذا الرائع ولاقت نجاح منقطع النظير ولكن كما يقول المثل :

(الخيل تجقلب والشكر لى حماد)
كل تلك الاغانى هى التى ساهمت فى ظهور محمود عبد العزيز وجعلته فى المقدمه على حساب هذا الهادى حامد

http://www.sudaneseonline.com/vb/showthread.php?t=21284

http://www.youtube.com/watch?v=-3uyh7ImNy4&NR=1

أكتبي لي(أفتقدتك)

المدينه


طـلـعـــت مــــن جــــوه احــــزانـى الـــعديدة
نجـمـة تحى بتــضــوى فى دجى الليلات وحيده
فكـرة فـنــانه وجــديـدة نـظــــره لـماحه وفريده
فـتـشـتـــا عـنـهــا فـى الــقــــري النـائية البعيده
وســألــتــا فـى بـــلاد ومـــدن عديده
ابحرتا فى كل الموانئ اكـوس عليها
أهـــــاتــــى بــيـــهـــا وانـــاجى فيها
مـشــتــاق علىّ المهـا احتويها اشمها
بالـحــنـــــان الــعـــنـدي كلو أضمها
وصـــدفــه فى ابعد وفى اجمل مدينه
وإلــتــقـينا والدهشه هى اللى اتكلمت
وقـبــل الأيــادى العيون هى السلمت
مـــن شـــــدة الأفــــــــراح بـكـيــــنا
الـــمـــديـــنــه نـيـله صفاق ليله فتان
والــفــــرح فــــــاض بــيــهــــا دفاق
والــخـــــيــــال والــــوادى فــتــــــان
طارت الأحـلام عـصـافـيــر غناء للعش الغدير
جنـت أوتــار الطنـابـيـر هـزت النشوة المزامير
وانا بين مصدق وما مصدق إنى بلقاها إلا ياها
هـى ذاتـه حـبيبتى ذاته اللحظة نازل فى حماها
وفى ضـراهـا واتـقـاسـم واتقاسم الاحلام معاها .

آخرى معاك
ك / عزمى احمد خليل غ / الهادى حامد ودالجبل

مـا اتـعــودتــا اخــاف مــن قـبـلـك إلا معاك حسيت بالخوف
أعـمــل آيـه ما القسمه اختارت وكل الناس حاكماها ظروف
عــارف ويــن خطواتك ماشه وآخري معاك هو المامعروف

يـامــا كـتـيــر فـكــرتـه اصــارحــك واستـنـيـتك تبدأ السيره
لا أتكـلــمــتــه ولا لـمــحــتــه ولا بـيـنـتــه الـريـــده مصيره
والحـنــيــه الكـنــت بـديــتــهــا هـســع بـقــت بتشوفه كتيره
وزي خليتنى اشك فى ريدتى وخفته تكون مشغول بى غيره
أنـا مـن قـبـلـك مـا اتـحـيرتا جيت وريتنى دروب فى للحيره

والله عـشــانـك يـامــا صـبـرتـه لـمـا الصبر فتر من صبري
ولـمـا نـسـيــت الـدنــيـــا وحاتك من أعمارنا سنينها بتجرى
لا اتـلـومـتــه مـعـاك لا لـمـتـك وقلته براك بتحـس بى قدرى
وقـلــتــا عـلـيـك بـكـره بتتغير وألقى فى ريدك فرحـة عمرى
إلا لــقـــيــــتـــك لـســع تـايــه فـى دنـيـــاك ومـتـــوه أمـرى

كـم حــاولــتـــا أعــانــد ذيـــك واقـســى عـلـيـك بكـلمة شويه
إلا وحــاتــك غـصـــبـــاً عـنــي قـبـــل عـنــادى تجـى الحنيه
ودربـــاً سـرتــو مـعــاك بـى قـلــبى منو بلاك ما بتبقي الجيه
مــا فــارقـتــه فـى يــوم ذكــراك وأنـا ذكــراي عـندك منسيه
أنــا مـجــبـــور أسـتـنــى رضــاك وانت أريتك ترضى علىّ

بفرح بيها
بفرح بيها
البنيه الهاجده في احضان خواطري ..البشتهيها
بفرح بيها .. بفرح بيها
البنيه اللامست ايد السعاده..وضجت الاشواق عليها
الحبيبه .. الايقظت
نبض الحروف .. في قلوب صدر الكلام
القريبه .. الزيي لي
في عيونها برتاح الهيام
دي الشوقها نص الليل بصحي
غامض الغمضه وجليها
وبفرح بيها
ليها بتحن القوافي ... فيها تندس المرافي
الجمال الشايفو فيها
في رحاب دنيتنا مافي
جايه من فوق البنيه
ولامست إيد السعاده .. وضجت الأشواق عليها
بفرح بيها .. بفرح بيها

فاتت

فاتت وفى السحاب مسراها
لملمت السحاب فى عينى
شان القاها
فاتت فاض فى عينى حنين
وغازل للبرق بضياها
ستفت الفرح لى لقاها
وما لاقت خطاى خطاها
ومن حزنى العلى غنيت
ضحك فى صحوى حزن رؤاها
فاتت يا شوق الولف فى غنايا
ويا حزن الرحيل فى غناها
ولو يسعد خطى الترحال
بيوسع فى مداى اساها
مهما يتوهه الترحال
يهوم بالغياب جواها
فاتت حاترجع هى زى أول
وتفتح بالفرح دنياها
وتقدح قلبى بالآمال
وعارف نبضى جوه دماها
طويل خطو الأمل ممدود
أكيد فى يوم القاها .. فاتت .

الوعد المستحيل .

أنا كنت قبلِك.. لا غريب !!
ولا كنت عارف لي دار
لا عرفت معنى دهشتين
ولا ضقت طعم الإنتظار
صدقت وعد المستحيل
بنيت على الأوهام مزار.
*************

قلت أغني !!!
صوتي ضاع وسط الزحام
كانت الأحزان معاي
في سكتي وجوّه الكلام
لا الهوان قادر عليه
ولا الفرح في حضني نام
*************

في زمني الحزين
تاره للترحال بداية
الخطى التواهه لاقت
والأماني علينا جايه
لا الزمان حسيت مداه
لا حروفي لقت نهاية

Quote: الوعد المستحيل . أنا كنت قبلِك.. لا غريب !! ولا كنت عارف لي دار لا عرفت معنى دهشتين ولا ضقت طعم الإنتظار صدقت وعد المستحيل بنيت على الأوهام مزار. ************* قلت أغني !!! صوتي ضاع وسط الزحام كانت الأحزان معاي في سكتي وجوّه الكلام لا الهوان قادر عليه ولا الفرح في حضني نام ************* في زمني الحزين تاره للترحال بداية الخطى التواهه لاقت والأماني علينا جايه لا الزمان حسيت مداه لا حروفي لقت نهاية

الاخ العزيز سيف اليزل
التحية والود لك

الهادى ود الجبل كما عهدته فنان جميل ومجدد وهو من الفنانين القلائل الذين يملكون ذخير ضخمة من الاغنيات ومقدرة على التنويع فى الحانه .. فقط تنقصه كاريزما محمود عبدالعزيز وعلاقات نادر خضر ليكتسح الساحة الفنية.

ملحوظة
ارجو ان اقوم بتصحيح بعض الاخطاء التى وردت فى اغنية (وعد المستحيل) حيث اننى مؤلفها ، كى لا تؤثر على المعنى المقصود منها:

البيت الثالث يقرأ كالآتى :
لا عرفت معنى الدهشة كيف

المقطع الثالث ، البيت الاول والثانى يقرآن كالتالى :
وجيتى في زمني الحزين

شاره للترحال بداية



وتقبل اكيد احترامى واعزازى

بشري سليمان

يا زول يا رائع

يا شاعر يا مبدع

كم أنا فخور بك ,وأنت بيننا

حقيقة المنبر ذاخر بالمبدعين

وأنت أحدهم

هسع أنت ذاتك ما بعيد عن الاضواء زي صاحبك الهادي ده

وشكرا علي التصحيح.



مودتي الاكيدة


سيف