هل رايتم خروفا يتحدث.... سبحان الله ( فيديو خطر جدا)!

انه سيء الذكر صلاح (الخروف) مدير عام جمارك السودان الاسبق في لقاء تاريخي مشهود ومحضور عرضناه من باب ( كي لا ننسى) ونحن الشعب النسااااي جدا واحاول ان اقدم كل مرة انموذجا ولو مكرورا من معية حكامنا الراشدين الابرار والذين نكن لهم كل احترام وتقدير ومودة بل مستعدين ان نقاتل لاجلهم وندافع عن سمعتهم حتى لو كانوا سيئي الصيت!


http://www.youtube.com/watch?v=OChQhVRkylI

يا هشام اخوى دا ماخروف
سلامة الخروف
دا حاجة كدا
اول مرة اشوفا
زول مردوم فى الكرسى لمن تحس الكرسى زهجان
وبعدين دى طريقة لغة حوار ؟
قال للمتحدث
ـ بتكلم معاك باللاهونى ؟
دى لغة جديدة دى يا مرسى ؟
عالم ما بتختشى
يا هشام طلعنا اكبر مخابيل
مش ما عندنا ذاكرة وبس
ما عندنا مخ زاتو
هسى زى عمنا دا قاعد فى راسنا كم سنة ؟
حسبى الله ونعم الوكيل

العزيزة اختى سلمي


المصيبة انو شالوهو من الجمارك بترقية على ما اعتقد للصندوق القومي للضمان الاجتماعي
وهواكبر نقاطة بتاعة لقف قروش ولهط منها قريبنا جدا المدعو ماهل ابو جنة اموال السنين وهي الان باسمه عقارات في الخرطوم والقاهرة وشركات الى ما شاء الله!

الأخ / هشـام

أتفق معك فى وصف هذا الأخرق بالخروف ، وليسامحنا الله إن ظلمنا الخروف
بمقارنته بهذا المسخ فعلا كان لقاءا قبيحا ، فهذا كان يمثل هرم جمارك
السودان ، وفعلا تمت ترقيته ونقله لمكان آخر هكذا هو ديدن الإنقاذ.


.

.

والله دي حكاية
ده زمن المهازل التي عليها ان تمرح..

وهذا هو قدرنا ان يكون في السلطة اناس علي شاكلة هذا الافق الاضيق والسطحي والارعن
ياخ لا تعرف تضحك ولاتعرف تبكي وغايتو الله في

سوف ادافع عن الخروف وارفع عليك دعوي ياهباني

كيكي العزيز

سلامات

اهلنا قالوا : الجايات اكتر من الرايحات!

اها دحين تاني يا الشقي في قولك بنشوف اكتر من الشفناهو
من عجايب الناس العجايب ديل!

.

العزيز بشير

تحياتي

انها ماساة شعبنا الطيب ان يتحكم فيه
اولئك المشوهون الفاسدون فاقدو الاهلية الاخلاقية
و ينبغى علينا ان نذكر شعبنا دوما بهذه الكائنات الشوهاء
التي تتحكم في مصيره

.

.

.

.