هل صحيح ان لبنى رفضت عفو رئاسي .. ؟

Quote: صدور عفو رئاسي للبنى حسين ومع تفاقم الحالة.. فان الاسئلة تبقى نفس الاسئلة.. مع بعض الاضافات لخصوصية الحالة. مع صدور القرار من رئاسة الدولة في حق لبنى حسين.. يزداد الرهاب رهابا.. فالقضية ليست فردا.. القضية حول القانون وتطبيقه.. فبدل ان تلغي رئاسة الدولة القانون على استحياء بقرارها وتنتصر للقضية المطروحة.. فضلت ان تقصر الامر على الحالة وهي لبنى حسين.. وماذا عن مساواة كل السودانين امام القانون؟!! هل تحوصلت المشكلة في الذهنية الرئاسية حول ان لبنى حسين الصحفية تواجه اتهام.. هل عجزت ان ترى المسالة من جانبها الواضح وضوح الشمس؟ لم تخذلنا لبنى.. رفضت العفو الرئاسي في سابقة لابد ان يخلدها التاريخ

المصدر : Re: بيان أول من مبادرة لا لأقهر النساء


ادونا تفاصيل بالله يا جماعة ؟

شن يا شفت سؤالاتكـ كترت كــدا!
نتابع غريبة نحن ولا نقعد نرد على أسئلتكـ دي؟

غريبة بقى بتاع نسوان
فلانه عرسوها
وفلانه طلقوها
وفلانة طهروها

اخر ليك تابعني انا

البت دي شايف سويتو ليها راس وقعر

تطلع شنو هي لبني دي؟؟

واحده مرقت من بيت اهله بدون ما يكون معاها لا ابوها لا اخوها لا زوجها ولا بالكتير اختها
وقعدت ليها في حفله لي اخر الليل

اها الناس قادننا لبني لبني انشا الله يدوها مليون صوت والا يعفوها والا يحرقوها

اعتقد انها اكتسبة شهرة بطريقه ستندم هي واسرتها عليها لمسلكهم البائس ... طيلة حياتها وحياتهم

عالم فضايح

واسفا علي بنات السودان

فيصل كلامك ده ما سليم


حا اجي معاك في خط الدين

لبنى تعتبر سيب والسيب تملك زمام امرها كما قال الدين


الشهرة التي اكتسبتها لبنى تستحقها ..


ما احتمال لبنى دي يكون وصلها اخوها .. وجي اخر الليل عشان يرجعها
زي ما كلنا بنودي اخواتنا لي حفلات صديقاتهن .. ونجي نرجعن اخر الليل


انت كنت عاوزها تنجلد .. وتسود صحيفة سوابقها بمقولة افعال فاضحة .. بس عشان لبسة بنطلون ومشت حفلة


هل مشي الحفلة ولبس البنطلون فعل فاضح ؟

ما كده يا فيصل

Quote: لبنى تعتبر سيب والسيب تملك زمام امرها كما قال الدين

اوفقك الرأي

ودعني اعرف لك المرأة الثيب حسب المصدر

Quote: المقصود بالمرأة الثيب ما معنى الثيب ؟؟ وماتفسير قول الرسول صلى الله عليه وسلم "إن الثيب أحق بنفسها من وليها" الفتوى : الحمد لله والصلاة والسلام على رسول الله وعلى آله وصحبه أما بعد: فالثيب من النساء من زالت عذرتها ، وقد اختلف في تعريفها شرعا، فعند الأحناف هي من لم تتزوج، وعند الشافعية والحنابلة: هي الموطوءة في القبل، سواء كان الوطء حلالا أو حراما، أو كان وهي نائمة، وهي تقابل البكر، كما في قوله تعالى: ثَيِّبَاتٍ وَأَبْكَاراً [التحريم: 5]. وكما في الحديث المسؤول عنه، ولفظه كما في صحيح مسلم عن ابن عباس رضي الله عنهما: الثيب أحق بنفسها من وليها، والبكر تستأمر، وإذنها سكوتها. وفي رواية له: الثيب أحق بنفسها من وليها، والبكر يستأذنها أبوها في نفسها، وإذنها صماتها. وربما قال: وصمتها إقرارها. قال النووي رحمه الله تعالى في شرح مسلم في معنى أن البنت أحق بنفسها من وليها: أحق هنا للمشاركة، ومعناه أن لها في نفسها حقا، ولوليها حقا، وحقها مقدم على حقه، وأوكد من حقه، فإنه لو أراد تزويجها كفؤا وامتنعت، لم تجبر، ولو أرادت أن تتزوج كفؤا فامتنع الولي أجبر، فإن أصر زوّجها القاضي، فدل على تأكيد حقها ورجحانه. ولمزيد من الفائدة، نرجو الاطلاع على الفتوى رقم: 5916. والله أعلم. المصدر اسلام ويب http://www.islamweb.net/ver2/Fatwa/ShowFatwa.php?lang=A...39834&Option=FatwaId

لغاية هنا تمام ..صاح

ولكن اين نحن من قيم المجتمع السوداني ومن الاسس التي تربت عليها بناتنا وامهاتنا يا وليد ؟؟

Quote: انت كنت عاوزها تنجلد

ان ثبت خطأها نعم

Quote: هل مشي الحفلة ولبس البنطلون فعل فاضح

وليد لقد رأيت انت كما رأيت انا والجميع ذاك البنطال
اما كان الاجدر لو استترت اكثر... درأ للشبهات ؟
هل رأيت يوما فتاه محتشمة تعرضت لهكذا نوع من المشاكل؟
يا عزيزي : كل فتاة من اسرة محترمة تخاف علي سمعتها من الخدش لا تمضي فيما مضت اليه هذه اللبني
صدقني منطقها هذا لا يقبله عقل اي سوداني بسيط كما هو حالي
والله انني لاشمئز قرفا من تصرفها هذا

اعرف انك غير متفق معي هنا لكن يا اخي نحن امة تحكمها تقاليد تتخطي تعاليم الدين احيانا ولكنا لا نستطيع تخطيها


مودتي التي تعرف

Quote: ولكن اين نحن من قيم المجتمع السوداني ومن الاسس التي تربت عليها بناتنا وامهاتنا يا وليد ؟؟

يا فيصل قيم المجتمع لسوداني متارجحة مع الزمن

في بوست عن لرحط وعن جكسا في خط سته امشي اقراه

لحدي بداية السبعينات الفتيات في السودان والخرطوم تحديدا كن يلبسن اعلى الركبة


الفيصل في الامور دي للدين ما للعرف لانه العرف يتماوج مع امزجة الناس وامزجة الحكام

Quote: ان ثبت خطأها نعم

وان لم يثبت ؟

Quote: وليد لقد رأيت انت كما رأيت انا والجميع ذاك البنطال اما كان الاجدر لو استترت اكثر... درأ للشبهات ؟ هل رأيت يوما فتاه محتشمة تعرضت لهكذا نوع من المشاكل؟ يا عزيزي : كل فتاة من اسرة محترمة تخاف علي سمعتها من الخدش لا تمضي فيما مضت اليه هذه اللبني صدقني منطقها هذا لا يقبله عقل اي سوداني بسيط كما هو حالي والله انني لاشمئز قرفا من تصرفها هذا

بالعكس يا فيصل
ما فعلته لبنى هو من اجل الحفاظ على سمعتها
وقد قالتها في لقائها في العربية

سبب مشيها في القضة سمعتها

قالت بالحرف الواحد
من يسمع اني جلدت في افعال فاضحة
لن يتخيل ان السبب هو لبسي البنطلون
لكنه سيتخيل امور اخرى

هسع لبنى دي لو ماكن سوت كده
وانت كان سمعت بي موضوعها ده بعد كم شهر
وجا زول قال ليك لبنى جلدوها في قضية افعال فاضحة

هل حا يخطر ببالك انو السبب بنطلون ؟

Quote: اعرف انك غير متفق معي هنا لكن يا اخي نحن امة تحكمها تقاليد تتخطي تعاليم الدين احيانا ولكنا لا نستطيع تخطيها

التقليد وكت يظلم لابد وانه يتنسف ؟

ما مشكلة نقول انو البطلون في عرفنا ممنوع

لماذا لا تجلد تابيتا بطرس وهي تمثل الدولة بملابس تشبه الملابس التي ترتديها لبنى؟

العدالة لا تتجزاء يا فيصل


واكيد ياك فيصل صديقي الذي اعتز به

ليتها تقبل بالعفو ان كان هناك بالفعل عفو صدر بحقها

موقفها حقق الغرض الذي كانت تسعى اليه

Quote: موقفها حقق الغرض الذي كانت تسعى اليه

فعلا يا حيدر

بعد ده شغل منظمات مجتمع مدني

مفروض تشيل شيلتها وما تختبئ خلف لبنى اكتر من كده

Quote: اها الناس قادننا لبني لبني انشا الله يدوها مليون صوت والا يعفوها والا يحرقوها

منتهى البؤس

مرحب فيصل

سلام وليد - هاك هذا الخبرعن سودانائل

Quote: تمثل الاستاذة لبنى احمد حسين غدا الاربعاء الموافق 29 يوليو الجارى وعند العاشرة صباحا بمحكمة جنايات الخرطوم شمال تحت المادة 152 من القانون الجنائى لسنة 1991م ملابس تسبب مضايقة للشعور العام ، وذلك بمقر المحكمة جوار ميدان جاكسون وبالقرب من شارع الحرية (وليس محكمة السجانة كما تقرر سابقا). . وكانت الاستاذة لبنى احمد حسين قد رفضت تسوية تقدم بها الدكتور محى الدين تيتاوى رئيس اتحاد الصحفيين السودانيين لشطب البلاغ مقابل تعهدها بعدم تكرار ارتداء ملابس مماثلة ، كما رفضت عفوا رئاسيا يعفى عنها ضمن ثلاث فتيات كانت محكمة النظام العام بالسجانة قد ارجعت اوراقههن لمزيدا من التحريات فيما اصدرت حكمها بالجلد والغرامة بحق عشرة اخريات تحت نفس المادة من القانون ، وقالت لبنى ان وجود المادة 152 ( من ياتى فى مكان عام فعلا او سلوكا فاضحا او مخلا بالاداب العامة او يتزيا بزى فاضح او مخل بالاداب العامة يسبب مضايقة للشعور العام يعاقب بالجلد 40 جلدة او بالغرامة او بالعقوبتين معا ) دون تجميد او تعديل من شأنها ان تكرر عمليات القاء القبض على فتيات آخريات وجلدهن دون ان يمنحن عفوا رئاسيا لان الرئيس لن يسمع بهن على حد قولها وبالتالى لن يعفى عنهن .. ودعت لبنى التى ثمنت اتجاه والى الخرطوم لتعديل وتغيير قانون النظام العام رئاسة الجمهورية الى اصدار مرسوم مؤقت لحين انعقاد البرلمان يجمد المادة 152 التى وصفتها بتجاوز دستور 2005 ووثيقة الحقوق والحريات باتفاق السلام الشامل , اضافة لمخالفة المادة المذكور للشريعة الاسلامية لان اسمها "افعال فاضحة " مما يسوق المجتمع باكمله نحو رمى المحصنات اللائى يجلدن لمجرد "هدوم " بالفاحشة حيث ان اسم المادة" الافعال الفاضحة " له تاويل واحد فى المجتمع السودانى هو الرزيلة . . من جانب آخر تقدمت الاستاذة لبنى احمد حسين بمرافقة محامى بعثة الامم المتحدة فى السودان الخميس الماضى ببلاغ لشرطة الخرطوم شمال ضد مجهولين تعرضوا لها الاسبوع الماضى آخرهم صباح يوم الاربعاء الماضى حيث هددها احدهم بالقتل اثناء المحكمة uلى غرار ما حدث للمصرية مروة الشربينى فى محكمة الم انية حيث قال لها شخص يقود دراجة نارية سوداء قديمة امام منزلها : ( يا فردة .. اعمل حسابك فى المحكمة من مصير مروة ).

Quote: ليتها تقبل بالعفو ان كان هناك بالفعل عفو صدر بحقها موقفها حقق الغرض الذي كانت تسعى اليه

لا يا حيدر ويا وليد ... ما حقق، لأنو القانون البائس لا زال موجود.

إذا قبلت لبنى العفو .. أو إختبأت وراء الحصانة المحصلة واحدة، لأنها بتكون في نظر القانون والمجتمع مدانة وتم العفو عنها وتظل موصومة بالإدانة. أما إذا تمت محاكمتها وتبرئتها تكون نظفت صحيفتها، وحتى لو أدينت بعد المحاكمة تكون أخدت فرصتها في إيصال وجهة نظرها ودافعت عن نفسها بدلاً للرضوخ والقبول بالعفو.

فضلاً عن مقاومة القانون الجائر نفسه .. والسعي لإلغائه.

مرحب ابو لعزائم

انا قصدي انو لبنى اوقد الشرارة .. واتى اون منظمات المجتمع لمدني لتفعل فعلها

ياخ ما ممكن طوالي تاريخنا صانعنوا الصدف والافراد بس

اصلوا مافي مؤسسية وتخطيط وتنظيم


لو حدث تغير في القانون حا يكون بفضل لبنى وحدها لا شريك لها

وده كلام ما كويس في حق شعب وبلد وامه

Quote: البت دي شايف سويتو ليها راس وقعر تطلع شنو هي لبني دي؟؟ واحده مرقت من بيت اهله بدون ما يكون معاها لا ابوها لا اخوها لا زوجها ولا بالكتير اختها وقعدت ليها في حفله لي اخر الليل اها الناس قادننا لبني لبني انشا الله يدوها مليون صوت والا يعفوها والا يحرقوها اعتقد انها اكتسبة شهرة بطريقه ستندم هي واسرتها عليها لمسلكهم البائس ... طيلة حياتها وحياتهم عالم فضايح واسفا علي بنات السودان

ما فعلته لبنى تعجز انت وامثالك عن فعله ... فضحت هذا النظام واهله واطروحاته في شجاعة يحسدها عليها امثالك عجزا وجبنا ... ما اكتسبته من شهرة يجئ من ثباتها وصمودها في الدفاع عن حقها وحق نساء السودان في رفض القوانين الظالمة والمجحفة في حق المرأة .... لاتتحدث عن اسرة كريمة لا تعرف عنها شيئا وكسر قلمك الصديئ ..

مرحب بكتاش لو كتبت الاسم صاح

مرحب كمال عباس

لو فعلا لبنى رفضت عفو رئاسي

حا تكون اوصلتني حد الاندهاش في الثبات على المبدأ


بس انا عاوز اكيده اكتر يا كمال

دي مفروض نتاكد منها

لانها فعلا مفروض تسجل في ذاكرة التاريخ ان حدثت

شكرا وليد

Quote: بس انا عاوز اكيده اكتر يا كمال دي مفروض نتاكد منها لانها فعلا مفروض تسجل في ذاكرة التاريخ ان حدثت

الخبر ورد في مصادر أخري منها القدس العربي.... وتلاحظ أن لبني علقت
علي العفو الرئاسي بإعتبار ه أمر واقع وأمر قد حدث فعلا و لذا لم تقل أنها لم
تتطلع علي عرض لعفو رئاسي!!
تحليلي الشخصي: أن ماحدث كان عرضا للعفو مرر للبني عبر قنوات رسمية
وقامت هي برفضه ...فهناك فرق بين قرار بالعفو و عرضا لإصدار قرار بالعفو

Quote: تطلع شنو هي لبني دي؟؟

مواطنة سودانية لها حق اختيارها لملبسها ومأكلها ومشربها

إنت تطلع شنو؟

Quote: واحده مرقت من بيت اهله بدون ما يكون معاها لا ابوها لا اخوها لا زوجها ولا بالكتير اختها وقعدت ليها في حفله لي اخر الليل

المشكلة وين يعنى؟؟؟
بعدين زى ما قال ليك وليد ياخ يمكن البت دى اخوها ولا ابوها ولا اى واحد من اهلهم وصلوها مكان المناسبة وحيرجعو ياخدوها
انت البيثت ليك شنو إنو البت دى طلعت كده براها من بيت اهلها ، وفرضآ طلعت براها من بيت اهلها يعنى تكون دى مشكلة



انت يازول ما عندك اخوات؟؟
ياخ اعتبر لبنى دى اختى ، اختك ، اخت اى موطن سودانى ، مش من حقنا نقيف معاها ونسوى ليها الف راس وقعر كمان؟ اقلاهو بالقلب وهو اضعف الايمان

بعدين ياخ انت منو عشان يقدوك عاوز تشارك شارك بى ادبك ما عاوز تشارك ياخ المنبر ده فيهو مليون موضوع غير لبنى امشى اعمل فيهو الدايرو ياخ

Quote: صدقني منطقها هذا لا يقبله عقل اي سوداني بسيط كما هو حالي

حقيقه انت سودانى وبسيط جدا جدا..... جدا
الله يصلح الحال
الاخ الشفت
مش كان الاجدر طرح سؤالك فى نفس المصدر
وتانى
الله يصلح الحال

Quote: لو حدث تغير في القانون حا يكون بفضل لبنى وحدها لا شريك لها

ولو - لاسمح الله - حدث للبنى ما لايحمد عقباه

لن يقدر الاخرين الا على الشجب والادانة

لما لم تدعم مظمات المجتمع المدني واتحاد نساء السودان الشرعي خصوصا هذا الموقف

ولو بتسيير مظاهرة تضامنية

دي حكومة شغالة بمزاجها عشرين سنة

عملت شنو الادانات والتوقيعات من قبل

حكومة قتلت وشردت وعذبت دشليون نفر

مرحب يوسف الولي

Quote: مش كان الاجدر طرح سؤالك فى نفس المصدر

عندي رائي في موضوع لمصدر


لا لقهر النساء


وكانما الرجال ما مقهورين ولا قاعدين ينجلدوا


الموضوع بصورة البيان فقد عندي معناه واتاطر في ايطار ضيق لا يعنيني
فما انا بقهر للنساء
ولا اعتقد انه النساء مقهورات

بدليل انهم طلعن مظاهرة الرجال غلبهم يطلعوها

وليد


نهارك سعيد

Quote: هل صحيح ان لبنى رفضت عفو رئاسي .. ؟

طالما الموضوع إتذاع في وسائط الإعلام والرئاسة ..ما نفتو يبقى صحيح ..

مرحب داليا

Quote: طالما الموضوع إتذاع في وسائط الإعلام والرئاسة ..ما نفتو يبقى صحيح ..

ما بالضرورة يا داليا

Quote: ما بالضرورة يا داليا

معاك ما بالضرورة !لكن في العرف الإعلامي إذا لم يحدث تكذيب للخبر المعين فمعناها صحيح ..

مرحب هيثم درار

يا وليد
سبق وان داخلت في اول بوست للبنى ، لكن بعداكـ ، لما راجعت نفسي لقيت انو الشارع غير ذلكـ

انا القصة دي ابت تدخل راسي خالص ، قصة يقبضوها عشان لابسة بنطلون

فلاتوجد حملات نظام عام على زي النساء ، ولو كان البنطال محرم في قانون الدولة لكنا جميعا في بوكس الشغب


انا متأكدة انو في حلقة مفقودة في القصة دي ولا انتو ما معاى؟؟؟؟

فلنكف عن ترديد بنطال وما ادراك

تحياتي يا وليد

شـكرا أستاذة شمائل

Quote: متأكدة انو في حلقة مفقودة في القصة دي ولا انتو ما معاى؟؟؟؟ فلنكف عن ترديد بنطال وما ادراك

التهمة المعروضة أمام القضاء تتعلق بالزي وليس فيها شئ يمسك سلوك
أو أخلاق متهمات ... ويمكن أن تكون المادة قد أستغلت لتصفية حسابات أخري!! عموما أتمني أن أقرأ تحليلك لمسببات القبض !!

Quote: ويمكن أن تكون المادة قد أستغلت لتصفية حسابات أخري

بالضبط كدا دا الاحتمال الوارد



شكرا كال عباس

نكف كيف يا شمائل

اذا كان ده موضوع التهمة

وده القالتو لبنى في لقائتها الصحفية



تحياتي

كلامك صاح يا وليد دا موضوع التهمة القالتو لبنى ، لكن لحد الآن نحن لم نسمع من الطرف الآخر


لكن يا وليد بالمنطق والعقل والشايفنو في الشارع ، هل حصل ان قبض على احداهن بسبب ارتدائها البنطال ، ثم ان البنطال اللي ظهرت به لبنى+الطرحة نصف التوب ، دا انا بعتبره زي اسلامي كامل بل خموم


فاذا الموضوع تصفية حساب بين لبنى وجهات اخرى وعشان ما نكون كالحمار يحمل اسفارا مفترض النظام العام يورينا الحاصل شنو بالضبط لانو دا الطرف اللي ما سمعنا منه او بالاصح ما سمعنا من مصدر رسمي بل طراطيش كلام

انا عرفت من ناس النظام العام ان قضية في طور المحاكمة لا يحق الحديث فيها فما عارفة قانونيا الكلام دا كيف


لكن الشئ الانا بصر عليهو انو مفترض نتنور عن الحاصل بالضبط شنو في قضية لبنى

تحياتي يا وليد ، وربنا يجيب ليك عفو بوردابي ويريحك من عناء هذا البوست (وش عافيين منو)

مرحب يا شمائل


يا زولة انا بورداتي بجلد فيها براي وبحكم
بكري زاتو لو جا هنا برشو


المهم بما انو لبنى ذات نفسها قالت الموضوع بنطلون انا معاها الى ان يظهر شي تاني

الأخت شمائل النور الحقيقة تشكيكك في الأمر غريب وأرجو لو إنك قاعدة في السودان تقابلي أي واحدة
من مبادرة لا لقهر النساء لأنه وفي العام 2008 وحده كانت ضحايا هذا القانون 43الف ضحية وهي إحصائية من بلاغات
أمن المجتمع
ولو لاقيتيني حأعرفك واوريك عدد القضايا التي مست شابات اعرفهن ومتعلقة فقط بالزي وفي الغالب عدا حلة واحدة كنت
كل الأزياء بنطلون


وعلى أي حال لو كانت المستهدفة لبنى تحت أي زريعة فواجبنا مناصرتها

عدا ذلك سوف نعمل على إلغاء هذا القانون بكل السبل
ولن نتشكك لحظة في حقنا في العيش بإنسانية وكرامة في وطننا الذي هو ليس هبة من أحد

مع تحياتي

Quote: واحده مرقت من بيت اهله بدون ما يكون معاها لا ابوها لا اخوها لا زوجها ولا بالكتير اختها وقعدت ليها في حفله لي اخر الليل

فيصل

" رفقة امينة "

مش فى حاجة كدا فى القانون ؟

يعنى واحدة شغالة فى الامم المتحدة الحارسة العالم زى ما بتقول .. دايرا ليها

حراسة ؟

يا شيخنا انت الظاهر عليك ما شفت الخرطوم قريب .. تعرف لو كل واحدة بتطلع

من بيتها يكون معها " محرم " .. الا نتسلف لينا كم مليون من الصين يشتغلوا

محرمين !!

يا شيخنا الحكومة بقانونها القطعتو من راسها دا .. مورطة مع لبنى .. اخير

تشوف ليها حل !! .. الامم المتحدة بسكرتيرها مفتحين حارسين الحكم !

http://www.sudaneseonline.com/ar2/publish/_26/Sudan_News_A3355.shtml

مرحب صلاح

مرحب يوسف

Quote: البت دي شايف سويتو ليها راس وقعر تطلع شنو هي لبني دي؟؟ واحده مرقت من بيت اهله بدون ما يكون معاها لا ابوها لا اخوها لا زوجها ولا بالكتير اختها وقعدت ليها في حفله لي اخر الليل اها الناس قادننا لبني لبني انشا الله يدوها مليون صوت والا يعفوها والا يحرقوها اعتقد انها اكتسبة شهرة بطريقه ستندم هي واسرتها عليها لمسلكهم البائس ... طيلة حياتها وحياتهم عالم فضايح واسفا علي بنات السودان

بل انت الفضيحة لا غيرك
واسفي على السودان وفيه امثالك ..

Quote: البت دي شايف سويتو ليها راس وقعر تطلع شنو هي لبني دي؟؟ واحده مرقت من بيت اهله بدون ما يكون معاها لا ابوها لا اخوها لا زوجها ولا بالكتير اختها وقعدت ليها في حفله لي اخر الليل اها الناس قادننا لبني لبني انشا الله يدوها مليون صوت والا يعفوها والا يحرقوها اعتقد انها اكتسبة شهرة بطريقه ستندم هي واسرتها عليها لمسلكهم البائس ... طيلة حياتها وحياتهم عالم فضايح واسفا علي بنات السودان

ياخي موش بالغتا؟؟!!
ما تمرق من بيت اهلها وما تقعد في اي حفلة لنصاصي الليالي
موش دا ياهو سلوك كل نساء السودان يقعدن في الحفلات لغاية نصاصي الليالي
اصلو ما حصل شوفتا لي حفلة مافيها نسوان قاعدات ويحضرن قطع الرحط الفجر
نجي نقول عليهم كلامك دا؟

المسلك البائس هو مسلك من يصمت على الظلم والخطأ

اسرة لبنى اسرة واعية فاهمة لو كل الاسر كدا
لما اتجلدن البنات غموتي..

دكتورة نجاة حبابك

Quote: Quote: البت دي شايف سويتو ليها راس وقعر تطلع شنو هي لبني دي؟؟ واحده مرقت من بيت اهله بدون ما يكون معاها لا ابوها لا اخوها لا زوجها ولا بالكتير اختها وقعدت ليها في حفله لي اخر الليل اها الناس قادننا لبني لبني انشا الله يدوها مليون صوت والا يعفوها والا يحرقوها اعتقد انها اكتسبة شهرة بطريقه ستندم هي واسرتها عليها لمسلكهم البائس ... طيلة حياتها وحياتهم عالم فضايح واسفا علي بنات السودان

انت رجل مقهور عشان كده امشي المسجد ادعو وابكي وقول ونعوذبك من غلبة الدين وقهر الرجال

Quote: سبق وان داخلت في اول بوست للبنى ، لكن بعداكـ ، لما راجعت نفسي لقيت انو الشارع غير ذلكـ انا القصة دي ابت تدخل راسي خالص ، قصة يقبضوها عشان لابسة بنطلون فلاتوجد حملات نظام عام على زي النساء ، ولو كان البنطال محرم في قانون الدولة لكنا جميعا في بوكس الشغب انا متأكدة انو في حلقة مفقودة في القصة دي ولا انتو ما معاى؟؟؟؟ فلنكف عن ترديد بنطال وما ادراك

مرحب فيصل نوبي

سيف مساعد حبابك

مع اني زعلان منك

تصل لحدي الخرطوم ولا تكشكش لينا

Quote: فلاتوجد حملات نظام عام على زي النساء ، ولو كان البنطال محرم في قانون الدولة لكنا جميعا في بوكس الشغب انا متأكدة انو في حلقة مفقودة في القصة دي ولا انتو ما معاى؟؟؟؟ فلنكف عن ترديد بنطال وما ادراك

شمائل ازيك



منو القال مافي حملات نظام عام على الزي ؟ لو ما صادفتك ما معناها ما موجودة ..القصة يا شمائل

القانون حسب الامزجة وعصاية قايمة وعصاية نايمة ..وما عارفة تلميحك ده لشنو لكن الموضوع

هو "البنطلون " كما قالت لبنى ..ولبنى بالنسبةلي وللكثيرين شخص موثوق في كلامو ، وما معروف عنه

اللولة ..، ده الجانب الشي التاني ليه المعنين بالامر ما قالو في حاجة تانية ده ما الموضوع !!، أما

إذا بتلمحي لأنها هي مستهدفة بشكل شخصي فهي نفسها قالت بتستبعد ده ..وحتى لو ده كان صحيح ـأي

الإستهداف ـفهو برضو من خلا ل "البنطلون ..وإذا ما فهمتك يا ريت توضحي ..

داليا
ازيكـ ،،

حملات المظهر العام دي فعلا كانت في بداية تطبيق الشريعة لما حجبوا المعلمات والطالبات وكانت فعلا في حملات في الشارع العام دي لاقتنا وبتذكرها حتى بداية فترة الجامعة بدات تنحسر ، لكن في الوقت الحالي فلا توجد ،، اطلعي شارع المطار باليل واقيفي قدام اي نادي وشوفي براك بتعرفي اذا في حملات او غير ذلك

Quote: القصة يا شمائل القانون حسب الامزجة وعصاية قايمة وعصاية نايمة

والله برضو احتمال وارد


بعدين يا داليا الزي اللى ظهرت به لبنى دا انا بسميه زي اسلامي كامل الحشمة


طيب اذا كان البنطلون هو السبب اللى بدعوه ناس النظام العام ، فلماذا بنطال لبنى بالذات ، طيب فلنسأل لبنى هل هي اول مرة تخرج فيها ببنطال؟؟


يا داليا القصص الحقيقية بتتدارى خلف اسوار تحمل لافتات ساذجة،

يعنى ما ممكن نحن نبقى نلوك في كلمة بنطلون بنطلون وتكون القصة الحقيقية ما بنطلون ولا يحزنون


انا بلمح لـ:

القضية ما بنطلون

----------
سؤال هل ما زالت لبنى تمارس كتاباتها الصحفية بجانب عملها في الـ UN؟؟

سلام يا وليد و تحية

يا وليد لبنى لو قبلت العفو الرئاسى تكون بالغت بعد وقفتها دى و تكون نسفت قضيتها
منظمات المجتمع المدنى شغلها تعبان و بعض منها ارزقية قضايا؟ نعم
ولكن السبب شنو والحل شنو يا وليد يا اخوى؟؟؟؟ نجيب منظمات من وين و ناس يديروها من وين
ما ياهم اولادنا و بناتنا و قاعدين يتوراثو و يورثو فى مشاكل فكرية و تنظيمية وأدارية كتييييرة
و ذيادة فوق ده قاعدين مطاردين من حكومة جايرة .. محنة والله
مافى حل غير الناس دى تقوم و تقع لغاية ما تعرف الدرب العديل وتقوم بدورها
الدرب العديل ده ياوليد ساسو مرمى من بدرى ودونك دور منظمات المجتمع المدنى والنقابات فى 85
والله لولاهم انتفاضة ابريل ما كنا شفناها بى عينا دى



اشكرك يا كمال على توضيح موقفهاوثباتها فقد نزل بردا و سلاما

Quote: اعتقد انها اكتسبة شهرة بطريقه ستندم هي واسرتها عليها لمسلكهم البائس ... طيلة حياتها وحياتهم عالم فضايح واسفا علي بنات السودان

كتب فيصل الرشيد اعلاه
فعلا عالم فضائح
اين تاء التأنيث
وا اسفاه عليك

لطفي

مرحب لطفي

Quote: غريبة بقى بتاع نسوان فلانه عرسوها وفلانه طلقوها وفلانة طهروها

كلام يا عوض دكام ,,,

وليد مشتاقين ياااااااخ

Quote: تحول محاكمتها إلى محاكمة للقوانين المهينة للمرأة فى بلادها: لبنى أحمد حسين الصحفية السودانية التى تواجه عقوبة الجلدبسبب إرتدائها بنطلون لـ الاهرام : لن يرهبنى التهديد بمواجهة مصير مروة الشربينى فى المحكمة ولن أقبل عفوا رئاسيا إلا بعد إلغاء القوانين المسيئة قدمت إستقالتى من الأمم المتحدة لأحاكم كمواطنة سودانية ولست وحيدة فى معركتى من أجل نساء بلدى الشريعة الإسلامية لاتتحدث عن جلد النساء بسبب ثيابهن وتعاقب من يرميهن بالسوء بثمانين جلدة أجرت الحوار أسماء الحسينى طفت على سطح الأحداث فى السودان مؤخرا قضية الصحفية السودانية الشابة لبنى أحمد حسين التى تواجه عقوبة الجلد بسبب إرتدائها بنطلونا إعتبره قائد الشرطة الذى القى القبض عليها وأخريات أنه يقع تحت بند أفعال فاضحة ،وتصاعدت القضية بمثول لبنى أمام القضاء يوم أمس الأول أمام القضاء ،وبإصرارها بالتخلى عن الحصانة الممنوحة لها بموجب عملها فى بعثة الأمم المتحدة بالخرطوم لتتم محاكمتها كمواطنة سودانية . وفى حوارها معها عبر الهاتف من الخرطوم بدت لبنى مصرة على المضى قدما من أجل تحويل محاكمتها إلى محاكمة لقوانين وصفتها بأنها مهينة لكرامة المرأة فى السودان ،وقالت صاحبة عمود "كلام رجال "الشهير التى كانت تطرح الكثير من الآراء الشجاعة أنها ستستقيل من عملها لتحاكم كمواطنة سودانية ،وأضافت أنها لاتشعر أنها وحيدة فى معركتها وتشعر أن الشعب السودانى كله معها ضد هذه المواد المخالفة للشريعة والدستور وإتفاق السلام السودانى . وقالت لبنى وهى أرملة الصحفى الراحل عبد الرحمن مختار مؤسس جريدة الصحافة السودانية وأحد رواد الصحافة بالسودان أنها تلقت تهديدا بالقتل من مجهول حذرها من أنها ستلقى فى المحكمة مصير الشهيدة مروة الشربينى ،ولكنها أكدت أنها لاتخشى شيئا لأن الأعمار بيد الله،وأنها لن تقبل عفوا رئاسيا تردد الحديث عن صدوره إلا إذا تزامن مع إلغاء القوانين المهينة للمرأة ،لأن القضية بالنسبة لها ليست قضية شخصية وإلا كانت قد أستخدمت الحصانة أو أسلوب آخرلمعالجتها ،وإنما القضية بالنسبة لها هى وقف القوانين التى تتحرك بموجبها الحملات الجائرة التى قدتطول فى المستقبل آلاف النساء والفتيات فيجلدن دون ذنب أو جريرة سوى إرتداء ثياب قد لاترضى البعض ،كما حدث ألاف المرات فى السابق دون أن يكون بينهن صحفية لتفجر الموضوع ،وليظل الجلد وصمة عار بعد ذلك على جبينهن فى مجتمع لايعرف معنى للفعل الفاضح إلا ممارسة الفاحشة. إلى أين وصلت قضيتك أمام القضاء ؟ = بدأ النظر فى القضية بالفعل أمس الأول ،وحضر معى محام من بعثة الأمم المتحدة بالخرطوم ومحامين آخرين تطوعوا للدفاع عنى من مختلف التوجهات السياسية ،وقد طلب محامى الأمم المتحدة من المحكمة تطبيق الإتفاق بين الأمم المتحدة والسودان والذى يقضى بألا يخضع أى موظف يتبع الأمم المتحدة سواء من السودان أوخارجه للمحاكمة إلا وفقا لإجراءات معينة ،وقد احتج مدعى الإتهام على ذلك إحتجاجا شكليا ،أما أنا ومحاميى الآخرين فقد طلبنا من المحكمة أن تمهلنى فترة زمنية لرفع الحصانة أو الإستقالة ،فطلب قاضى المحكمة عشر دقائق للنظر فى الأمر،وبعدها قرر أن يمنحنى حق الإختيار مابين التحصن بالحصانة وبالتالى عدم المثول أمام المحكمة أ و مواصلة المحاكمة ،فاخترت تقديم إستقالتى لمواصلة المحاكمة . -وهل ستستقيلين بالفعل من وظيفتك الإعلامية بمكتب الناطق الرسمى بإسم الإمم المتحدة فى السودان ؟ =تقدمت بإستقالتى بالفعل إلى السيد أشرف قاضى ممثل الأمين العام للأمم المتحدة بالسودان ،ولكنه إقترح على أن يمضى الأمران معا ،رفع الحصاتة والمحاكمة ،وأخبرنى أن أمر رفع الحصانة أمر لايستطيع أن يبت به ،وأنه لابد ان تقره الأمم المتحدة من نيويورك . -وإلى أى الخيارين تميلين ،إلى الإستمرار فى وظيفتك مع رفع الحصانة للمحاكمة أم إلى الإستقالة ؟ =بعد الموقف المشرف من قطاعات الشعب السودانى لمساندتى فى قضيتى ووقوفهم معى وجدت أنه لزاما على الوقوف معهم فى قضاياهم ،ووجدت أن ذلك لايتم إلا عبر قلمى ،وقد قررت الإستقالة التى لم يبت فيها حتى الآن حتى أعود للصحافة الى إنقطعت عنها منذ حوالى عامين ،بسبب إلتحاقى بالعمل فى الأمم المتحدة منذ مارس عام 2008،وقبلها ببضعة أشهر لعدة أسباب أبرزها رقابة الأجهزة الأمنية على الصحف السودانية. -وماالذى تغير الآن ؟ =رغم أن الرقابة مستمرة ،فهناك فرص أخرى ...فى الصحف العربية وغيرها . -صرت الآن مشهورة بعد القضية ...هل قدمت لك عروضا فعلية للعمل بالصحف العربية ؟ =نعم ،ولكن لم أبت بها بعد . -هل كان هناك تداعيات أخرى للقضية عليك غير التعاطف الذى أشرت إليه ؟ =تلقيت تهديدا من مجهول حذرنى بأننى سألقى فى المحكمة مصير مروة الشربينى المصرية التى لقت حتفها على يد متطرف ألمانى فى إحدى المحاكم ،وقد تقدمت ببلاغ إلى الشرطة . -وهل ستواصلين تصعيد القضية رغم ذلك ؟ =نعم سأواصل معركتى أمام القضاء ،ليس فقط من أجل الحصول على البراءة ،وإنما من أجل إلغاء المادة 152 من القانون الجنائى لعام 1991 ،لأنها لاتتوافق مع دستور عام 2005 ،ولاتتناسب مع وثيقة الحقوق والحريات فى إتفاق السلام الشامل ،كما لا تتوافق ايضا مع الشريعة الإسلامية . -كيف ؟ = لأنها تتحدث عن ملابس ،وإسمها أفعال فاضحة ،ووفى المجتمع السودانى مضمون واحد لمصطلح أفعال فاضحة وهو الرذيلة ،وبالتالى فإن إستمرار وجود مثل هذه المادة من شأنه أن يقود المجتمع بأكمله ،وهو ماحدث بالفعل إلى رمى المحصنات وقذفهن ،وهذه جريمة تستوجب معاقبة مرتكبها وفقا للشريعة الإسلامية بالجلد ثمانين جلدة ،أما جلد البنات كعقاب على مايلبسون فليس من الشريعة فى شىء ،ومن يقول بغير ذلك فعليه أن يقدم لنا الدليل من الشريعة والسنة النبوية ،وانا كمواطنة سودانية ألتزم بدستور السودان وبإتفاقية السلام التى أسفرت عن تطبيق قوانين فى شمال السودان مستمدة من الشريعة الإسلامية ،ايا كان رأيى فى ذلك . -ماذا أردت أن تقولى بإصرارك على المحاكمة حتى آخر المدى ؟ =أردت أن أقول أن هذه الواقعة التى ألقى القبض على فيها ضمن فتيات أخريات ،عرفت لأن صحفية هى أنا كنت من بينهن ،لكن هناك عشرات الآلاف من الفتيات تم جلدهن من قبل ولم يسمع بهن أحد ،وإستمرار وجود المادة 152 فى القانون من شأنها أن تدفع إلى مزيد من الحملات ،التى ستطول مزيدا من النساء والفتيات ،وربما لاتكون بينهن صحفية . -هناك حديث عن عفو رئاسى قد يصدر بشأنك ..هل تقبلينه ؟ = أقبله إذا تزامن مع إلغاء أو إتجاه لإلغاء القوانين والمواد المهينة والمحطة لكرامة المرأة . -وهل ترين ذلك ممكنا فى وقت قريب ؟. =هناك تصريح جيد لوالى الخرطوم الدكتور عبد الرحمن الخضر يدعو لتعديل قانون النظام العام ،وهو إتجاه جيد أشيد به ،وعلى منظمات المجتمع المدنى والأحزاب السياسية والجهات القانونية تقديم مقترحاتها لولاية الخرطوم ،التى يطبق عليها وحدها قانون النظام العام ،أما بالنسبة للقانون الجنائى لعام 1991،والذى صاغه الدكتور حسن الترابى وصحبه ،فإننى أطالب وأتوجه للرئيس بأن يصدر مرسوما أويبتدر مشروع قانون جنائى بديل ،وهذا من حقه ،من أجل ألغاء المواد المهينة للمرأة والمحطة لكرامتها ،والتى تقود كل المجتمع لرمى المحصنات فتشيع الفاحشة ،وهذا ليس من مقاصد الشريعة . -هناك من يرى أنك تسعين لتصعيد القضية ولاتقبلين الحلول والتسويات التى قدمت؟ =إذا كنت أنظر لها كقضية شخصية ل"فتحت حقيبتى" وقت القبض على وإنتهى الأمر ،لكننى أرى الموضوع أكبر من ذلك بكثير ،هو موضوع حريات وحقوق المرأة والمجتمع بأكمله ،ولذا رفضت أى حل فردى ،وكان يمكن بحصانة الأمم المتحدة التى أتمتع بها أن ينتهى الأمر . -هل حاول أحد من المسئولين الكبار فى الدولة الإتصال بك والتفاهم معك على طى القضية ؟ =نعم كثيرين بدون ذكر أسماء ،حدث ذلك لأننى صحفية مشهورة ،لكن من للنساء الضعيفات غير القادرات على الشكوى ،واللواتى لايستطعن مواجهة المجتمع بعد جلدهن ،والذىن يصبح بعد ذلك الجلد وصمة عار على جبينهن ،لأن المجتمع لايتخيل انهن جلدن لمجرد إرتدائهن ملابس صنفها البعض تبعا لاهوائهم . -البعض قال إنك تسعين للشهرة وإلى إحداث فرقعة إعلامية ؟ =لم ألق القبض على نفسى ....كنت فى حفلة ولم أكن فى ندوة أو ورشة عمل ،كنت فى مكان عام يرتاده عدد كبير من الناس العاديين والأسر . -يقال أنه يقف خلفك ناشطين وأحزاب معارضة دفعتك لتحويل قضية عادية إلى محاولة للتعريض بالمؤتمر الوطنى الحاكم ومشروعه الإسلامى ؟ = كان على من يقول بذلك أن يسأل قائد الحملة الذى قام بإعتقالى هل دفعته جهات للقبض على . -هل كان أمر القبض عليك عملا عشوائيا أم مقصودا من وجهة نظرك ؟ =لا أستبعد تما أن يكون مقصودا ،ولاأرجحه تماما ،لكن هناك إستهداف لكل النساء . -كيف مرت عليك لحظات إلقاء القبض عليك ؟ =كل ما كان مايشغلنى وقتها هو تهدئة البنات الأخريات اللاتى قبض عليهن معى ،وبعضهن كن صغيرات السن،وكن فى حالة سيئة ،وقد عقوبن بالجلد،وأنت تعرفين القيود فى المجتمع الشرقى،وأكثر ما أزعجنى فى هذه القضية أن إحدى الفتيات التى تم القبض عليها وهى فتاة صغيرة وقدجاءت لمكان الحفل العام مع أخواتها لكن لأنها الوحيدة التى كانت ترتدى بنطالا ألقوا القبض عليها تركها خطيبها لما علم بالأمر لأنه لم يكن قادرا على فهم حقيقة ماجرى ،لكن ما أسعدنى فى وقت لاحق أنه إتصل بى بعد تصعيد القضية وقال لى أنه فهم الأن ماحدث وأنه يشعر انه أخطأ فى حق خطيبته وعادت المياه لمجاريها بينهما . -هل كنت ترتدين ذات الزى الذى تظهرين فيه دائما فى المحكمة ووسائل الإعلام ؟ =نعم هو هذا الزى،ولا أراه بالطبع زيا فاضحا،فهو زى محتشم . -ولماذا وجهت كروت دعوة لحضور محاكمتك وجلدك ؟ =لوكنت فى أوضاع عادية لكتبت مقالا عما حدث ونشرته ،لكن الرقابة القبلية على الصحف تحول دون ذلك ،وخشيت ألا ينشر الموضوع ففكرت فى بديل ،ولم تكن هناك خيارات ،ففكرت فى كروت الدعوة التى وجدتها أسهل وأسرع وسيلة لنقل ماحدث ،وقمت بتوجيهها إلى الصحفيين وعلقتها على مداخل الصحف ،كما وجهتها إلى وسائل الإعلام والمراسلين الاجانب بالخرطوم ومنظمات المجتمع المدنى ،فتلقفت منتديات الإنترنت التى ليس عليها رقابة الدعوة ،وفوجئت بعد يوم بهيئة الإذاعة البريطانية تجرى معى حوارا حول القضية على الهواء مباشرة ،ومن وقتها أصبحت قضية رأى عام عالمى ،ووجدت تضامن كبير جدا من مختلف أنحاء العالم وفى العالم العربى والسودان ،وقد سعدت جدا بهذا التضامن لأنه يجدد الثقة فى الإنسانية . -وهل تشعرين أنك قادرة على مواجهة السلطات والمضى فى تحديها ؟ =أنا لا أقاوم أى شخصا بعينه أو سلطة بعينها ،وإنما أقاوم موادا جائرة فى القانون،وقناعتى أن الحق سينتصر فى النهاية وليس القوة ،وأنا لاأعتبر اى شىء تقدمه الدولة من أجل التصحيح تنازلا ،وليست القضية من كسب ومن خسر ،وإنما المهم هو المصلحة العامة ،كما لاأشعر اننى وحيدة فى هذا الأمر فأنا اشعر أن كل الشعب السودانى يقف معى . -لكن ألاترين أن الأمور ليست بمثل هذا السوء بالسودان ،وأن هناك تحولا وإنفتاحا حدث بالسودان ؟ =نعم هناك تحولا كما ذكرت ،لكن هناك إزدواجية فى المعايير وكيل بمكيالين ،وهناك نوعين من الشرطة فى الخرطوم ،شرطة النظام العام الذى يبطش ويضرب السودانيين العاديين ،وفى الوقت نفسه توجد شرطة آخرى تقوم بحماية كبار الناس الذين لايتعرض لهم أحد ولايسأل أحدهم مع من يمشى ،وأن أقول إذا كان مايطبق هو الشريعة فلماذا لاتطبق على الجميع . -وكيف ترين سيناريوهات المستقبل بالنسبة للقضية ؟ =كل الإحتمالات مفتوحة ،وأستعد لها جميعا ،بما فيها التهديد الذى تلقيته بالقتل ،وأؤمن بالطبع أن الأعمار بيد الله .

مرحب الصادق اسماعيل

مصدرك ولنك ليه لو سمحت


تسلم

العوض المسلمي

والله الشوق بالكراتين ياخ

ياخ انت زول كريم وعزيز

والكريم سيد ناس
لانه الكرم سيد الاخلاق


انا اعزك جدا

نعم يا وليد لبنى رفضت عفو رئاسى
كما قالت فى عدة حوارات ...
شايفة الناس اللابسة بناطلين خافت ... لووووول
اها اتبلبلتوا ولا لسه ..

شمـــــــــــــايل النـــــــــــــــــور ,,,,

شكلك دارسة محاسبة ! خلينى انورك عن جوانب قانونية بصورة عامة

اولا .... ماذا يعنى توجيه التهمة .....؟؟؟؟

توجيه التهمه دا معناه انو موضوع المحاكمة يجب ان لا يتعدى التهمة
الموجهه فى صحيفة الاتهام يعنى لو التهمة الموجهة كانت سكر يمتنع على القاضى
النظر فى اى ملابسات تهمة غيرها .. ما لم تضمن هذه الاتهامات فى مرحلة توجيه التهمة

كما يمتنع القاضى عن توجيه اى ادانه للمتهم بتهمة لم ترد فى صحيفة الاتهام ..
واذا دا حصل ببقى دا سبب لعيب الحكم وبطلانه ومخالفته الواضحة للقانون ....

فى هذا الكيس تم توجيه التهمة للبنى وهى الزى الفاضح ..
والزى الذى قبضت لبنى وهى ترتديه ياهو ذاتو الفى الصور دا ...
الان لبنى ستحاكم فى زيها فقط حسب التهمه الموجهه
محاولة تصوير الوضع وكان هناك اشياء اخرى ستظهر اثناء المحاكمة
دا ذى ما قلت ليكى كلام زول دارس محاسبة

او زول صاحب غرض ..... واربا بك من الاحتمال التانى ...

لبنى ستحاكم فى البنطلون اللابساهو دا .... ونصف الملاية والبلوزة الطويلة دى
لو عندك راى فى الكلام دا ... قولى ...

Quote: يا داليا القصص الحقيقية بتتدارى خلف اسوار تحمل لافتات ساذجة، يعنى ما ممكن نحن نبقى نلوك في كلمة بنطلون بنطلون وتكون القصة الحقيقية ما بنطلون ولا يحزنون انا بلمح لـ: القضية ما بنطلون

ما ساذج الا كلامك هذا ...

اها القضيه البتلمحى بيها شنو ؟؟؟
انو الموضوع فيهو دعارة ؟؟؟؟؟؟؟؟ سكر ؟؟؟ افعال فاضحة ؟؟؟

طيب وديل بحاكموها عليهن كيفن والتهمة الموجهه واااااحده ؟؟
هى الزى الفاضح ؟؟؟ انت قايله الزول لما يصل المحكمة تانى فى حاجة
للقيل والقال والخيال ؟؟
د ى دعوة منك لاطلاق الخيال او الاخيلة المريضة ولكن هيهات
عشان الكلامات دى لبنى وزعت رقاع الدعوة لحضور محاكمتها
ليشهدوا بنفسهم موضوع الاتهام ويشاهدوا زيها وتقطع على الجميع من (اصحاب الاخيلة
المريضة ) الخيــــــــــــــــــــال

لبنى ستمثل للمحاكمة حول زيها فقط وليست هناك اى تهمة اخرى وجهت لها
حتى نكف لنرى ....
فهو البنطال البنطال البنطال
ولاجلة وليس لغيره ستنعقد محكمة لبنى ...
وهذا لمن يهمة الامر

دينا يا صحبتي

مشتاقين وكده


مرات مرات بتبقي لي دكين دكين

ما عارف ليه


اخبارك ؟

دينا خالد



وسعي مدارك فهمك وراجعي كلامك كويس وانا اعي ما اقول







ـــــــــــ
بالمناسبة انا ماقرية محاسبة ولا قانون

سهام المجمر حبابك ياخ

والله انا معجب ومخلوع من ثبات لبني
لكن مرات اقول لي نفسي ( نفسي فقط) يا وليد ما تحملوا البت اكتر من طاقتها ... وتقدموها قدامكم خصوصا انو الموضوع الخايضاهو يمس امنها وعملها ( استقالة من مكان شغلها ) وشرفها ( افعال فاضحة )

عيب تسوقوا البت قدامكم عشان تكسبوا نقطة باحتمال خسارة كبيره للبت

تاني اقول ياخ ما هي مخيره .. ده خيارها وهو خيار كويس .. خيار زول عندو قضية عاوز تكسر مقاديفها مالك
عموما انا ما قادر اركز

هل اشجع لبنى المضي قدما رغم كل شي
ولا اقول ليها كفاية العملتي وهو كتير جدا .. واشجع المجتمع يتم الباقي

والله ما عارف !

عموما شكرا سهام

مرحب عادل

الأخت دينا خالد
تحية

Quote: او زول صاحب غرض ..... واربا بك من الاحتمال التانى ... لبنى ستحاكم فى البنطلون اللابساهو دا .... ونصف الملاية والبلوزة الطويلة دى لو عندك راى فى الكلام دا ... قولى ...

ربما كانت الأخت شمائل تشير الي أن السبب الحقيقي والخفي هو تصفيةحسابات سياسية ومحاولة تلجيم الأستاذة لبني من خلال إستخدام القانون ....يعني
أن القانون هنا وظف كأداة لتصفية الحسابات ولم تقصد الاخت شمائل أن هناك تهمة
أخري ستظهر من خلال مجريات المحكمة !!
كمال

الأخت شمائل النور- تحية

Quote: داليا القصص الحقيقية بتتدارى خلف اسوار تحمل لافتات ساذجة، يعنى ما ممكن نحن نبقى نلوك في كلمة بنطلون بنطلون وتكون القصة الحقيقية ما بنطلون ولا يحزنون انا بلمح لـ:القضية ما بنطلون

كلامك دا يحتمل أكثر من معني ويمكن وبصراحة أن يفهم بأكثر من وجه
فأنا أفهم أنك تقصدين أن المسألة مسألة إستهداف وترصد ومحاولة لتلجيم
لبني
ولكن قد يفهم غيري أنك تقصدين أن لبني قد وقعت في محظور أكبر من لبس البنطلون
وأن جرمها أفظع!! وطبعا هذا قول مردود لأن التهم المثبتة هي الزي واللبس ولو كان هناك أمر أخر لتم توظيفه لأقصي مدي ولـطالب خصومها بصلبهاعلي مدخل المدينة !!1ولشهروا بها ولكنهم لم يجدوا ثغرة في سلوك أو أخلاق لبني تمكنهم من مثل هذا الأدعاء لذا تهافت رئس النظام ملوحا بالعفو وتهافت نقيب
الصحفيين عارضا وساطته!!
......ومن هنا أرجو أن توضحي مقصدك بصورة جلية ومباشرة

كمال تحياتي


والله خلت ان قصدي يفهم من الصياغ لكن لا مانع من التجلية


انا قصدي ياسيدي ان ممكن يكون في تصفية حساب بين لبنى وجهات بعينها بسبب كتاباتها الصحفية ، وهذا ما جعلني اطرح سؤال هل ما زالت لبنى تكتب بجانب عملها في الـ UN ، وهل فعلا ما كتبته عن الايثانول هو سبب كما يدعي الكثيرون



تحياتي

Quote: البت دي شايف سويتو ليها راس وقعر تطلع شنو هي لبني دي؟؟ واحده مرقت من بيت اهله بدون ما يكون معاها لا ابوها لا اخوها لا زوجها ولا بالكتير اختها وقعدت ليها في حفله لي اخر الليل اها الناس قادننا لبني لبني انشا الله يدوها مليون صوت والا يعفوها والا يحرقوها اعتقد انها اكتسبة شهرة بطريقه ستندم هي واسرتها عليها لمسلكهم البائس ... طيلة حياتها وحياتهم عالم فضايح

يـا هذا ،،، من الاخر ،،، فعلاً عندما أختارت لبنى أسم عمودها الصحفى

( كلام رجـال ) كانت تعبر وتتحدث عن من هم مثلك ،، لان مثل مداخلتك النكرة

هذه لا تعبر عن كلام الرجال ،،

ولبنى وأسرتها لم ولن يسلكو مسلك بائس ،، بل أنت البؤس والبؤس أنت يا نكرة

ومثل مداخلتك هذه قمه الفضيحه يا فضيحه يا نكرة ،،

وخلف هذا الكيبورد قل ما تشاء لانك لا تعبر عن كلام الرجال !!!




أذهب من حيث أتيت يا بــــائس

مرحب كمال مبارك

صديقي فيصل الرشيد

ياخ انا متأسف جدا انو البوست بتاعي تكون انت التخت حقتو .. وتنال فيه اذى كتير

واتمنى انك تتفهم موقف لبني وتديها حق انها تدافع عن نفسها.. انت ظلمتها كتير يا فيصل
كتير جدا جدا جدا جدا


خالص ودي
واكيد ثقتي في صفاء سريرتك وحسن نيتك
لكنها الكرموسومات .. وبعضا من تربية مجتمع تحتاج الى مراجعة شاملة
مع اسفي

وليد الشفت

رفض لبنى للعفو الرئاسى يزيدها تمسكاً بشرفها
ما تبحث عنة لبنى هو الإعتزار الرئاسى!!!

______________________________

ويجب توجية طاقات الدولة للتنمية البشرية
الآن وزارة داخلية دولة بعينها فى مواجهة مواطِنة واحدة تخيل!!!

مرحب حسين مكاوي

Quote: صديقي فيصل الرشيد ياخ انا متأسف جدا انو البوست بتاعي تكون انت التخت حقتو .. وتنال فيه اذى كتير واتمنى انك تتفهم موقف لبني وتديها حق انها تدافع عن نفسها.. انت ظلمتها كتير يا فيصل كتير جدا جدا جدا جدا خالص ودي واكيد ثقتي في صفاء سريرتك وحسن نيتك لكنها الكرموسومات .. وبعضا من تربية مجتمع تحتاج الى مراجعة شاملة مع اسفي

وليد يا صديقي

صدقني احتراما لك حتي لا اخرج البوست عن موضوعه واجره الي مهاترات مع هؤلاء الرجرجه والفاشلين امتنعت عن الرد لهم
ومن اراد منهم السير في طريق قلة الادب وما بين القوسين كما قال واحد اخونا عن مثل هؤلاء فانا جاهز بفتح ليهم بوست واصطادهم كما الذباب

اما عن لبني فأنا لا امانع ولا احتج كونها طالبت بحقها امام جهة منوط بها رفع الظلم ولكن الا تري ان الموضوع يشوبه غموض؟
الا تري ان الامر قد زاد عن حده حتي اصبح امل من الملل
الا تري ان كل من هب ودب اصبح مدافعا عن حقوق المرأة ونصب نفسه محاميا عنها؟
الا تري من داخلك انها تستحق ماجري ويجري وما سيجري لها؟

عموما رأيي بصراحة وقد قلته ولا يهمني هؤلاء الفاشلين مدعي النضال والحقوق لاعقي احذية الاسياد وهم يعلمون

ولنقل تأكيدا لقولك ...ربما هي الكرومسومات يا عزيزي

ودي الذي لا ينتهي

ــــــــــــــــــــــــــــــــــــــــــــــــــــــــ
سيف مساعد: لمن تصل الاراضي المحرره بتاعتكم اعمل مس كول وسلم علي ستك الوصية في الرقبه يا فرده

وليد لك التحية

لبنى ما ثيب
لبنى إنسانة تعرضت للقهر وهي رمز لمن تعرضن ويتعرضن للقهر تحت مسمى قانون النظام العام
لبني واحدة من 43الف حالة كانت ضحية لهذا القانون البائس والجائر والمريض مرض الذين وضعوه

عفيت من لبنى إذ رفضت كافة التسويات الجبانة
عفيت منها وهي تضعنا مرة أخرى في مواجهة تجار الدين المأفونين

مرحب شادية

Quote: لبنى ما ثيب

مع كل ما تفضلتي به
وما ناكرنوا على لبنى

وبما انو لبنة ارملة
فهل ثيب

وما اعتقد انو ثيب نبذه لحدي ما ينكروها !!

تحياتي

Quote: شمـــــــــــــايل النـــــــــــــــــور ,,,, شكلك دارسة محاسبة ! خلينى انورك عن جوانب قانونية بصورة عامة اولا .... ماذا يعنى توجيه التهمة .....؟؟؟؟ توجيه التهمه دا معناه انو موضوع المحاكمة يجب ان لا يتعدى التهمة الموجهه فى صحيفة الاتهام يعنى لو التهمة الموجهة كانت سكر يمتنع على القاضى النظر فى اى ملابسات تهمة غيرها .. ما لم تضمن هذه الاتهامات فى مرحلة توجيه التهمة كما يمتنع القاضى عن توجيه اى ادانه للمتهم بتهمة لم ترد فى صحيفة الاتهام .. واذا دا حصل ببقى دا سبب لعيب الحكم وبطلانه ومخالفته الواضحة للقانون .... فى هذا الكيس تم توجيه التهمة للبنى وهى الزى الفاضح .. والزى الذى قبضت لبنى وهى ترتديه ياهو ذاتو الفى الصور دا ... الان لبنى ستحاكم فى زيها فقط حسب التهمه الموجهه محاولة تصوير الوضع وكان هناك اشياء اخرى ستظهر اثناء المحاكمة دا ذى ما قلت ليكى كلام زول دارس محاسبة او زول صاحب غرض ..... واربا بك من الاحتمال التانى ... لبنى ستحاكم فى البنطلون اللابساهو دا .... ونصف الملاية والبلوزة الطويلة دى لو عندك راى فى الكلام دا ... قولى ...

Quote: ما ساذج الا كلامك هذا ... اها القضيه البتلمحى بيها شنو ؟؟؟ انو الموضوع فيهو دعارة ؟؟؟؟؟؟؟؟ سكر ؟؟؟ افعال فاضحة ؟؟؟ طيب وديل بحاكموها عليهن كيفن والتهمة الموجهه واااااحده ؟؟ هى الزى الفاضح ؟؟؟ انت قايله الزول لما يصل المحكمة تانى فى حاجة للقيل والقال والخيال ؟؟ د ى دعوة منك لاطلاق الخيال او الاخيلة المريضة ولكن هيهات عشان الكلامات دى لبنى وزعت رقاع الدعوة لحضور محاكمتها ليشهدوا بنفسهم موضوع الاتهام ويشاهدوا زيها وتقطع على الجميع من (اصحاب الاخيلة المريضة ) الخيــــــــــــــــــــال لبنى ستمثل للمحاكمة حول زيها فقط وليست هناك اى تهمة اخرى وجهت لها حتى نكف لنرى .... فهو البنطال البنطال البنطال ولاجلة وليس لغيره ستنعقد محكمة لبنى ... وهذا لمن يهمة الامر

شكراً دينا خالد
تنوير مهم استفدت منه كثيراً
أعادني لسنوات خلت وتلك المحاججة القانونية الثرة التي تولاها ( جلاكين ) المحامين المحتفين بزميلهم العريس الشيوعي عزالدين حمد مع قوة الشرطة التي أتت لـ ( تفرتق ) حفلة عرسه ( أرجو أن أتمكن من قصها عليك ذات بوست ).
أرى أنك قد ( عصرتي شوية ) على المحاسبين .
ظني أن تعاملهم مع الأرقام قد أكسبهم حساسية إختيار مفرداتهم بدقة بالغة
أما أؤلئك الذين يرمون الكلام على عواهنه أو يعطون الإيحاء بأنهم أصحاب القول الفصل أو أنه " بإمكانهم كتابة الفصل الأخير في كتاب التاريخ " - على قول منصور خالد-
فـ دحين شوفي ليهم كلية تانية .

______________

سلامات وليد

أرجو ألا أكون قد ( نقزت ) خارج الحلبة

Quote: مرحب ابو لعزائم انا قصدي انو لبنى اوقد الشرارة .. واتى اون منظمات المجتمع لمدني لتفعل فعلها ياخ ما ممكن طوالي تاريخنا صانعنوا الصدف والافراد بس اصلوا مافي مؤسسية وتخطيط وتنظيم لو حدث تغير في القانون حا يكون بفضل لبنى وحدها لا شريك لها وده كلام ما كويس في حق شعب وبلد وامه

كلام زي الدهب يا شفت..

يا ريتهم يستوعبوا الكلام دا..

ايمان يا بتنا

اخبارك واخبار الاسرة

تسلمي يمه
وتحياتي لناس البيت كلهم

الاخ وليد

كيف حالك


ماطرحه او لنكن منصفين , ما استفرغه فيصل الرشيد في هذا البوست يجب الوقوف عنده لنعلم كيف يفكر

هذا الجاهل ان كان له فكر من اساسه فسقطاته اصبح من الصعب السكوت عليها ويجب ان يعلم هذا الدعي

بان وقوفنا مع الاخت الاستاذه لبني حسين لم يكن موقفا بجانبها مثل ماهو موقف عام لكل مايمس المراه

السودانيه ولم تكن لبني الا رمزا ,ولكننا لا نستغرب من شخص مثل فيصل الرشيد هذا التصرف القاصر

وهذا ان دل على شئ انما يدل على سوء اخلاقه ويتبين هذا من خلال البوست المهبب الذي اظهر قلة حياءه

في الترحيب باخت عزيزه زارت السودان في فترة سابقه ومدى الانحدار الذي مارسه هذا الشخص في ذاك

البوست والذي تجدونه هنا عندما التقيت حنين ... وجها لوجه ..يوجد اعجاب و ..

وعندما لفت انتباهه بعض الاخوه الافاضل قام بحذف كل ماكتبه ووضح جليا بان ماكتبه فى البوست عاليه

كان يعبر بجلاء عن نفسه الدنيئة فانا لا استغرب صفاقته في هذا البوست لما تعودناه منه من تهور

ولامبالاه , نسال الله له عاجل الشفاء , فهو مريض يستحق الشفقه والرثاء .

دندونتي
التي لا أفتقد .. تخيلي ما مشتاقين و لا أي حاجة
و طلعت فردنتكـ لستكـ بس .. شوفي ليكـ طريقة عشان نتفاهم في الموضوع ده ..


يا ستي ما تردمي شمائل النور الردم حقكـ ده .. خلاس عرفنا دندونتي قانونية و معلمة كمان
لكن شمائل دي قالت ما عجز الكثيرين عن قوله .. (و إن خانها التعبير فيه )
ما تقصده شمائل (والله أعلم) و بمداخلتي أعلاه تم تأييده لا يمت لما ذهبتي اليه بصِلة ..
أولاً وضعية لبني الآن ليس متهمة بل (مُدانة) لأنها في مرحلة إستئناف و المستئنف (مُدان) ..
ثانياً يا دندونة يا ستي ... لبني قالت و بعضمة لسانها إنه لبسها ده ما أول مرة تلبسو .. و في بنات كتار قاعدين يلبسو نفس اللبس ..
تبقي الإشارة للمبداء الأول المختفي من جوانب القصة .. مع إتفاقي التام معاكـ في أنه لبني الآن تتعرض للمحاكمة بسبب الزي ..
إنه لبني الآن تتعرض بسبب الزي ده للمحاكمة ليه قبل كده ما إتعرضت للتوقيف بسببه ..
تخميني يقول .. اما أنه ساعة الضبط كان في أشياء تانية (قد تخصها أو لا تخصها ) و لبني دخلت في الرجلين ..
أو لبني (ناقشت أو تلاسنت) مع الشرطي المخول بحملة النظام العام ..
و بالتالي قام الشرطي بضمها لبقية المتهمين المتواجدين بدعوي الزي .. ( مع تثبيت إعتراضي علي الطريقة دي )
و ده في حال إستبعاد أشياء أخري ( إنه المكان مشبوه و لبني تواجدت فيه و هي لا تدري و لحظة الضبط لم يجد الشرطي ضالته ) ..
...
يبقي السؤال : "أصل (الموضوع) كان شنو؟" لو ده أصلا الزي الذي ترتديه لبني و الكثيرات من البنات في السودان ..


__
بخصوص التهمة الموجهة :
المادة الموجهة للبني (152) لا تحتوي علي الزي الغير لائق (بحكم العرف و الدين) فقط ..
و نحن المتابعين للقضية عن طريق أجهزة الأعلام لا نعلم علي ما يحويه محضر الإثبات أو أدلة اإتهام ..
ثانياً بما أنه لبني تحمل (حصانة دبلوماسية) لأنها موظفة لدي الأمم المتحدة .. لم يتم إستجوابها من المحكمة حتي الآن ..
و لا يحق للمحكمة أصلاً إستجوابها الا بعد رفع الحصانة الدبلوماسية عنها ..
و بالتالي نحن لم نسمع شهادة (الشاكي) اللي هو شرطي النظام العام .. و لم نعرف حيثيات القضية و البلاغ ..
يعني نحن الي الآن بنحكم من طرف واحد اللي هو المتهم و ما يقدمه للإعلام من حيثيات قد تكون صحيحة و قد لا تكون ..
يسقط بعض من حديثي أعلاه في حال إطلاعكـ علي ملفات القضية و حيثيات محضر الضبط و الإتهام ..

شمايل أزيك

Quote: يا داليا القصص الحقيقية بتتدارى خلف اسوار تحمل لافتات ساذجة، يعنى ما ممكن نحن نبقى نلوك في كلمة بنطلون بنطلون وتكون القصة الحقيقية ما بنطلون ولا يحزنون انا بلمح لـ: القضية ما بنطلون

حأرد ليك زي ما قالت ليك دينا

Quote: لبنى ستمثل للمحاكمة حول زيها فقط وليست هناك اى تهمة اخرى وجهت لها حتى نكف لنرى .... فهو البنطال البنطال البنطال

واضيف إذا كانت في إشارة تستحق منك إستخدام مفردة السذاجة فكانت مفروض تكون في الإشارة للقانون ده

الهو موجوووود وقاعد يتنفذ حسب الطلب ، وحتى لو ذكاءك قادك لشيء تاني في الوقت ده مافي

داعي ليهو ..وعلى فكرة تلميحك حتى لو انطوى على حسن نية فصدقيني هو ما من مصلحة النساء في بلدنا

القاعدة تناضل لبنى هسة من أجلهن نحن بصدد مناصرة ما عايزين ضرر للقضية زي ما أشرت في كلامك

وخلي التحريات لناس التحريات ..


إحترامي

وليد ... ممكن أرد على شمائل النور؟

ممكن؟ .... شكراً

Quote: انا عرفت من ناس النظام العام ان قضية في طور المحاكمة لا يحق الحديث فيها فما عارفة قانونيا الكلام دا كيف

ده طبعاً كلام للزوغان من الحديث في قضيتهم الخسرانة .. لأني سمعت في برنامج في الإذاعة البريطانية لقاء مع وكيل وزارة العدل (ما متذكر إسمو والله) .. إتكلم ودافع عن موقف السلطة .. وحتى قال للمذيع (أرجو عدم إختزال المسألة في "بنطلون") .. رغم إننا كلنا عارفين إنو الموضوع (رسمياً على الأقل) هو البنطلون. وهنا بأمّن على كلام دينا خالد في إنو ما دام التهمة هي (الزي الفاضح) لا يحق للإتهام أو القضاء في جميع مراحل القضية التعرض لشئ سوى منطوق التهمة، وربطها بخرق المادة (152) من قانون النظام العام.

محاولة تصوير الوضع وكان هناك اشياء اخرى ستظهر اثناء المحاكمة دا ذى ما قلت ليكى كلام زول دارس محاسبة

كلام شمائل لا يخلو من تشكيك في سبب القضية لكين يا اختي مالن ناس المحاسبة ؟

سلام يا وليد

مرحب بكري

نوبي يا عمك ...

Quote: أولاً وضعية لبني الآن ليس متهمة بل (مُدانة) لأنها في مرحلة إستئناف و المستئنف (مُدان) ..

يعني اتحاكمت قبل كدا ؟
على حسب ما فهمت انها طالبت بحقها في حضور محامي بالتالي قاضي النظام العام ما حاكمها و اجل قضيتها بينما حاكم الباقيات الما اعترضن

مرحب ود البشرى

شكرا ابو العزائم

وع العموم الرؤية ستتضح قريبا


تحياتي

اخد راحتك بالكامل يا ابو العزائم

الجيب واحد

فيصل نوبي


الله يكملكـ بفهمك ، اظن ان دينا وداليا بعد كدا ممكن يفهموا



بالله يافيصل (علم القانونيين ما لا يعلمون)



تحياتي

شمايل خيتي:

Quote: بالله يافيصل (علم القانونيين ما لا يعلمون)

غايتو انا ما بعرف دينا من قريب لكن بعرف نوبي ..
لو اعتمدتي عليهو في قصة القانون دي والله ما بعيد انتي زاااتك يجلدوك خليها لبنى ..
دينا دي على قدر خرمجتا الهنا دي بس بلاحظ ليها لمن تكتب في القانون قاعدة تكون عارفة روحا بتسوي في شنو ..
الحاجة الغريبة واللي لاحظتها انا هنا في كللل المسائل القانونية البتتفتح في البورد هنا ودينا تكون طرف فيها بتكون هي الاكتر حجة واقناع والكلام ده قصاد قانونيين عدييل هنا خليك من المحايد نوبي ده ..:)
البت دي على قدر عولاقا وبشتنتا البتسويها هنا دي الا انو بصراحة واضح انها شاطرة وشاطرة جداً ولو ما اخاف الكضب تكون اسة شاركت في قضية ابيي وهي اللي طلعت ابار البترول للجماعة ..:)
عشان كده وفي رايي المتواضع وبحكم عرفتي لي نوبي ارخي الموضوع القانوني ده وخلينا في الاحاسيس والمشاعييييير يا قول اللمبي ..:)

تخريمة :
إنه البنطـــــــــــــــــــــــــــــــــــــــــال ....

سلام يا ود البشري

Quote: يعني اتحاكمت قبل كدا ؟ على حسب ما فهمت انها طالبت بحقها في حضور محامي بالتالي قاضي النظام العام ما حاكمها و اجل قضيتها بينما حاكم الباقيات الما اعترضن

عموماً في قضايا النظام العام اللي بيحصل إنه ما قاعدين يحاكمو جزء و يتركو جزء ..
و بما إنه وقت المحاكمة البلاغ ما إتشطب معناها في تهمة و بالتالي إدانة ..
ما إتحاكمت قبل كده لسبب واحد (الحصانة) وليس طلب المحامي ..
أعضاء الأمم المتحدة لا يخضعون لأي قوانين تابعة للدولة و إنما تحال أوراقهم الي الأمم المتحدة لإتخاذ الأجراء اللازم أو تجريدهم من (الحصانة) لمحاكمتهم ..


_
عمر الفاروق ده حاقد ساي عشان ما عرف يدلو بدلوه في الموضوع

Quote: عمر الفاروق ده حاقد ساي عشان ما عرف يدلو بدلوه في الموضوع

أدلى دلوه يا عمكـ!

Quote: "وَجَاءَتْ سَيَّارَةٌ فَأَرْسَلُواْ وَارِدَهُمْ فَأَدْلَى دَلْوَهُ قَالَ يَا بُشْرَى هَذَا غُلامٌ وَأَسَرُّوهُ بِضَاعَةً وَاللَّهُ عَلِيمٌ بِمَا يَعْمَلُونَ".

مرحب ود الصايم

Quote: لكنها الكرموسومات

ودى يصلحوها ليهو كيف .. يا الشفت دا ابو جهل زاتو.

نوبي يا عمك

Quote: ما إتحاكمت قبل كده لسبب واحد (الحصانة) وليس طلب المحامي ..

اوكي يعني ما اتحاكمت بالتالي دا ما استئناف القدامنا دي محكمة اول درجة بعد الحكم حتى يتم الاستئناف

Quote: و بما إنه وقت المحاكمة البلاغ ما إتشطب معناها في تهمة و بالتالي إدانة ..

دي كيف يا عمك ؟؟؟
القاعدة القانونية بتقول المتهم بريئ حتى تثبت ادانته - انت يا عمك ما محاسب لكن اظنك خريج ادارة اعمال. صاح

فصل الرشيد ...

Quote: فانا جاهز بفتح ليهم بوست واصطادهم كما الذباب

آي عليك الله
مرة افتح ليك بوست براك تكون فيه مستقل الشخصية وما تابع او شايل ابريق زول

اها يا دينا ظلمتي ناس المحاسبة ساااااي..
تعالي شوفي نوبي القاري تبريد وتكييف ده ..

والله يا نوبي انا من ناس المحاسبة ما اكضب عليك لكن بييي محاسبتي دي حاسي بي كلامك ده سااااااااااي ياخ لممممن انت زاااتك ما فاهمو خليني انا ..
اسة عليك الله ما اخير ليك تقعد من غير دلو ؟

يبدو إني حا اكون مجبور وانا بنتزع منك برج المحايدة واتوجك بي برج الدلو ..
او كما يقول سعيد صالح :
الديلو الديلو ...الديلو ..برج الديلو الديلو...الديلو ..

تخريمة :
ود البشرى نوبي ده ما تسكو شديد في الموضوع ده الشغلانة طلعت بير ودلو وكده

يا فاروق مالو التبريد و التكييف كمان
اكتر ناس بفهمو في القوانين *





__________________________________
قوانين نيوتن و الثيرموداينلمكس

يعني الواحد ما يقشر معاكم يا عمر ولا كيف
هسي كنت ماشي أشتري لي (روب) و شنطة (سامسونايت) و ألحق بالركب الميمون في المحكمة ياخ



_
بالمناسبة قانون ود البشري بتاع المتهم بريء حتي تثبت إدانته ده ما مطبق في الحالة أعلاه مدان يعني مدان و خلاس

Quote: ودى يصلحوها ليهو كيف

بشرى يااستاذنا ويا صديقي

دي عاوزه

شكل مننا كلنا وفينا كلنا عشان تتصلح

عمر البنطال ، اقصد الفاروق


يعنى هسه دفوعات نوبي دي على قول رئيسنا ابلها واشرب مويتها؟؟


تصدق شالت فيني بكلمة متهم ومدان واستئناف


لكن برضو ما قصر اخير من المحاسبين اللزينا ديل


دينا بتعزز في اغنية البنات البتقول:

المهندس رسم البنا
والمحاسب صلعته لـ هنا
والتحديد الجغرافي هنا للصلعة يستعصى على ، لذلك ارجو الاخذ بلب الموضوع

شمايل دفتر اليومية :

Quote: والمحاسب صلعته لـ هنا والتحديد الجغرافي هنا للصلعة يستعصى على ، لذلك ارجو الاخذ بلب الموضوع

لالالالا كان كده ابشرك انا عندي الزمالة الامريكية عديييييل طالما الصلعة اللي هنا حقت محاسبين ..
ياخ انا لمممن ما بتزكر اخر مرة اتوضيت ومسحت على شعري كان سنة كم ؟
لكن بيني وبينك اللب دي عجبتني احسن من الدلو ..وفي كلل خير

تخريمة :
يا ود البشرى كان كده كمال شداد عااااادي ممكن يفتي لينا في الشغلانة دي ..
ما قانووون وكده وبالمناسبة ممكن يستدل بي المنتخب الكاميروني في قصة اللبس الفاضح دي ..

Quote: معناها في تهمة و بالتالي إدانة

دي قلبت فيها هوبة ...

طيب لزوم المحاكمة شنو. ما البوليس والنيابة خلاص .. يظبطوا التهمة والموضوع إنتهى.

اها و كان طلع في إدانة

انا قلت ليك كدة ياشمايل

Quote: إذا بتلمحي لأنها هي مستهدفة بشكل شخصي فهي نفسها قالت بتستبعد ده ..وحتى لو ده كان صحيح ـأي الإستهداف ـفهو برضو من خلا ل "البنطلون ..وإذا ما فهمتك يا ريت توضحي ..

وأنت رديتي علي بـ :

Quote: انا بلمح لـ: القضية ما بنطلون

وجيتي قلتي لأستاذ كمال

Quote: انا قصدي ياسيدي ان ممكن يكون في تصفية حساب بين لبنى وجهات بعينها بسبب كتاباتها الصحفية ، وهذا ما جعلني اطرح سؤال هل ما زالت لبنى تكتب بجانب عملها في الـ UN ، وهل فعلا ما كتبته عن الايثانول هو سبب كما يدعي الكثيرون

تعرفي يا شمايل بردودك دي تبين أنو نحن سذج أو نحن سذج !

Quote: تعرفي يا شمايل بردودك دي تبين أنو نحن سذج أو نحن سذج !

الأستاذة داليا

صحيح إنو كلام الأستاذة شمائل كان حمال أوجه ...
لكن من السياق العام ومداخلاتها اللاحقة تبين مرماها ، وهو الأمر الفات عليكم ,,,

وقد قيل رحم الله إمرئ عرف قدر نفسه ...!
وبعدين قاعدين تتشاكلوا وتتناطحوا وتنفخوا في لبنى ومخلينها مع العساكر ديل براها ....!
حتقولوا لي ما براها ...!
صحيح كلنا والله بقلب رجل واحد معاها ...

بس معية إسفيرية ساكت ..
يعني مثلاً لا قدر الله لو إنجلدت الزولة دي وبعدين إستأنفت والإستئناف لغى الحكم حيرجعوا ليها الجلدة دي ؟؟ ، ما تقولوا لي ما بتحصل ... حصلت كتييييييير ومن خلال تجربتنا مرات كتيرة وعلى بال ما يصدر قرار وقف التنفيذ بسبب تقديم إستئناف يكون الحكم إتنفذ تماماً خاصة نوع الأحكام الما بيحتاج تنفيذها أكثر من ربع ساعة ...!
ونحن في الحالة دي حنعمل ليها شنو ؟؟؟؟
وبعدين ما خافي عليكم عمايل الشرطة عندنا في السودان ...
يعني ما بتغلبهم حاجة
وأساساً الشغلة الرئيسية ليهم هي التلفيق ....
تقوموا تزنقوهم كده ...!؟
يعني تفنكروا حيسكتوا ليكم وليها كده ..؟
بالله ....!








تخريمة .....


بالمناسبة , لمن تم القبض على لبنى والمعاها ، كانوا صوروهم ب ( الزي الفاضح ) ده ، واللا كيف يمكن إثبات إنو ده هو نفس الزي الإتقبضت بيهو ؟؟؟؟؟؟؟؟؟؟؟



مثلاً ....!

مرحب عثمان دقيس

شـكرا أختي شمائل النور

Quote: كمال تحياتي والله خلت ان قصدي يفهم من الصياغ لكن لا مانع من التجلية انا قصدي ياسيدي ان ممكن يكون في تصفية حساب بين لبنى وجهات بعينها بسبب كتاباتها الصحفية ، وهذا ما جعلني اطرح سؤال هل ما زالت لبنى تكتب بجانب عملها في الـ UN ، وهل فعلا ما كتبته عن الايثانول هو سبب كما يدعي الكثيرون

شكرا للتوضيح الضافي والبين
--------
وللأخريين نعم تهمة لبني هي ما يسمي باللبس الخادش للحياء وهي عين التهمة التي حوكم بها غيرها
وهي نفس التهمة التي وجهها أستدعيت علي أساسها للقضاء وتليت أمامها
في الجلسة وتم الأستدعاء علي أساسها ...مسألة الحصانةأثيرت لاحقا بواسطة
ممثل الأمم المتحدة
ويأتي رفض لبني للحصانة وبهذا الشكل المعلن أن ليس لديها ما تخفيه
أو تخجل منه وهذا ما يبينه تهافت رئس الجمهورية لإسباغ العفو عليها
.......

Quote: وهذا ما يبينه تهافت رئس الجمهورية لإسباغ العفو عليها

Quote: اها و كان طلع في إدانة

بعد المحاكمة ..... ممكن.

لكن قبل المحاكمة دي بتعرفها براك .....

أو يمكن بعرفوها ناس النظام

نعم

Quote: وهذا ما يبينه تهافت رئس الجمهورية لإسباغ العفو عليها

الجقلبة الحاصلة سببها الإحراج العالمي للنظام والتضامن الكبير
الذي أستحقته
فلماذا يعرض العفو علي لبني بينما تجلد العشرات يوميا تحت طائلة المادة?
لبني ليس لديها ما تخشاه والأ لكانت قد قبلت بالعفو وبإعتماد القاضي
للحصانة أو حتي قبلت الجلد وذهبت لمنزلها .....ولكنهاواثقة في سلامة
موقفها .. ولن تهزها بعض الأيحاءات القذرة من بعض معدومي الضمير

اضف الى ذلك يا كمال
انو كلمت عفو ذاتها تحمل فى مضمونة الادانة
يعنى بالسودانى غلطت و عفينا ليها وخلاس يا بت الناس امشى انسترى
ولم تجى من امير الجماعة معناها الرجل اخذته الرحمة بالمدان
عشان كده انا قلت انها لو كان قبلت كان ح تنسف القضية على المستويين
الشخصى و العام

ياوليد
اى قضية ما اجل العدالة و الانسانية عاوزة تضحية
وناس "اضحية" بيدفعوا اعمارهم
لذلك و كما قلت انت ليس لنا الا ان نحترم لبنى
ونشد من ازرها و نثمن موقفها بما يليق
ذى كتابتنا دى زاتهاااااا (اللى بعض الناس مستقلنها)
تعنى الكثير للبنى

اما عن منظمات المجتمع المدنى فده كلام كتيييير داير بوست براهو
والا ما عارفة انا ذاتى :)
جوبكة شديدة

تسلمو

مرحب سهام المجمر

ربنا يعين لبنى

علاء الدين يا تمبس:

Quote: التحية (لحبيبتي) وقتها .. وكنا ماشين في شارع الجمهورية .. وقال ليها بتاع النظام العام .. هوي يا بت ارفعي طرحتك دي في راسك ..

Quote: هي نفس (الحبيبتي) الاتمسكنا سوى من قبل افراد عصابة الجهاز .. (من فئة مناضلي اليوم) .. وكان ذلك بتهمة التسكع في طرقات امدرمان ..

والله لكن ضغطت على حبيبتك شديد ياخ ..!!!
شارع الجمهورية عرفناهو وطرقات امدرمان عرفناها الرسووول فيك كان تحكي لينا قصة سعد قشرة ..

والله يا علاء الدين حبيبتك دي انا كان لاقيتا اسة اسة بجلدا
ياخ انتو كنتو لافين سااااااااااااااااااي

تخريمة :
والله يا نوبي انت احسن محامي ..ياخ طيب ما تجي تشوف لي عندي صاحبي خلعووهو (خلعة) شديدة .. والله التقول هاني رمزي ود خالتك ..
والله الواحد حقو يسميك نوبي بطاطا بتاع ارابيسك داك..

أصلا كلام الاخت شمائل كان واضح جدا لما ترمي.
الموضوع ما بنطلون
و إن كان هو السبب الظاهري للنيل من لبنى. أي الهدف الكيدي. باستخدام قانون مصمم لردع المجتمع بالحساسية العالية تجاة السمعة و التجريح الأخلاقي. و إستخدامه عند الحوجة للتأثيم و تاكيد الهوية الايدولوجية الدينية المتخلفة عند النظام كلما قدر منسوبيه إخراجه للإرهاب. و الدليل، تطبيق القانون بشكل إنتقائي زائدا ضبابية القانون نفسه زائدا السلطة التقديرية الكبيرة لشرطة النظام العام.

الموضوع مقالها عن الإيثنول و البنطلون Cover Up
فأرادوا معاقبتها و إسكاتها و إرهاب غيرها في مناولة المواضيع الخطيرة و الفاضحة للنظام المأزوم.
و لحسن الحظ لم يقدروا العواقب ستكون بهذا الوبال عليهم
و لسوء حظهم اساؤوا تقدير ردة فعل لبنى نفسها و ما ظنوها بهذا العزم و بهذه الصلابة.
و مبلغ ظني ارادوا إحضارها بليل و جلدها وسط مجموعة من النساء في مركز الشرطة فتذهب مكسورة الخاطر، خجولة ،مهدورة الكرامة، مشروخة النفس. مع التأكد من إستلامها الرسالة الضمنية: إن عدتي عدنا. و يشيعوا عبر قنواتهم الدعائية بان لبنى قد جلدت في اعمال فاضحة مساء اليوم الفلاني بتاريخ كذا. و ليتبلور الخبر صاحبا كل الخيالات المريضة و الجامحة و ذات الإستعداد الثقافي و الفطري لإستقبال و توقع السيئ من النساء دوما... فتقتال لبنى في الحال. كما توصل المتسرعين من نقاديك لنفس النتيجة و أن لم يعنوا و إن لم قطعا ترمي لذلك انت بسؤالك حول الخلفيات(التي هي قطعا ليس بنطلون)
طبعا لا يخفي علينا مدى إنحطاط الفقة الإسلامي في الإطار الكبير للصورة.
و كيف صيغ بنفسية عربية تفكر عبر العضو التناسلي اكثر مما هي عبر الرأس.

سؤالك مشروع يا اخت شمائل و بائن لأي انسان ذو حس سياسي غير متبَلد أو مستعبط مزايد. و لو احسنَا الظن بهؤلاء لقلنا انهم ضحايا التوجس و الإذعان المستبطن من مناولة السمعة. فأسقطوا عليك تفسيراتهم بكل إريحية. و هو بالضبط ما أراده النظام الباطش.
تحاياي لك

الاخ/ثروت

سلمت جدا وتعجبني طريقة تناولك للقضية بكل الاحتمالات الواردة

Quote: انهم ضحايا التوجس و الإذعان المستبطن من مناولة السمعة. فأسقطوا عليك تفسيراتهم بكل إريحية

طبعا ديل كما تقول حبوبتنا نفوسهم محدثاهم،يفسرون الكلام بمايدور في عقلهم الباطن ، ترى الاسقاطات دي البتجيب الهوا،

الزميلة

شمائل النور

Quote: طبعا ديل كما تقول حبوبتنا نفوسهم محدثاهم،يفسرون الكلام بمايدور في عقلهم الباطن ، ترى الاسقاطات دي البتجيب الهوا،

تصدقي ، عندي سيئات كتيرة وعيوب أكتر ..لكن الشي الوحيد الما بعرفو هو المطاعنة ..ويا ستي حسن نيتك من عدما ما بهمني في شيء ، وأنا آسفة جدا أني كنت بناقشك وبستفسر منك بكل إحترام ..رجعتي في كلامك وقلتي تقولي كدة دي حاجة بتخصك ..بس عايزة أقول ليك انك ما جبتي جديد في موضوع الإستهداف ده لانو كان متداول ..والخلاني أناقشك في الأساس أنو إتخيلتك جايبة جديد ..وطالما ما في جديد ..فهو أنا تاني بقول ليك الإستهداف وارد ...لكن سلاح الإستهداف ده ياها الهدوم اللابساها دي..بنطلون ..بلوزة ولا الطرحة الكبيييرة دي ..

الاخت داليا


ما لزم توضيحه

نفسك محدثاك لا تعني المطاعنة ، بل هي ما يدور داخل الفرد منا ولا شعوريا يسقطه


لكن تعرفي يا داليا بالضبط كدا كلام الاسقاطات دا بينطبق على مداخلة دينا خالد الاولى اللى رمت فيها كلام وكانها ارادات ان تقول هذا ماتقصده شمائل / عموما انت او دينا او اي زول ما قدر يفهم ما ارمي اليه انا وضحت مداخلاتي وفسرتها ، لكن انت تحسست زيادة يا داليا ، وعلى اى اذا مساك شئ زعلك اعتذراي واحترامي اليكـ

Quote: طبعا ديل كما تقول حبوبتنا نفوسهم محدثاهم،يفسرون الكلام بمايدور في عقلهم الباطن ، ترى الاسقاطات دي البتجيب الهوا،

شمائل النور حقو تحددي انت قاصده منو ؟

لانو بد شوية بنبقى في الكواريك وانا انثى وداك ذكر وشفوا الزول قال شنو ؟

Quote: سؤالك مشروع يا اخت شمائل و بائن لأي انسان ذو حس سياسي غير متبَلد أو مستعبط مزايد. و لو احسنَا الظن بهؤلاء لقلنا انهم ضحايا التوجس و الإذعان المستبطن من مناولة السمعة. فأسقطوا عليك تفسيراتهم بكل إريحية. و هو بالضبط ما أراده النظام الباطش. تحاياي لك

ثروت سوار الدهب

لا مرحبا بك

الحقيقة انو الماجرين بقضايا الناس هم من ارادوا تلبيس موضوع لبنى ما يستهون ويحاولن استغلالها لتنفيذ ما يخافونه هم
اما النظام الباطش لا يختلف كثيرا عن افتراضاتك الباطشة في هذا البوست .. واتصور انك بي اسوبك ده لو تمكنت من الدولة لن تكون خيرا منهم

السادة / المحامين ..
السادة / القضاة ...
أنا الأيامات دي دمـي مع داليـاحافظ ..
لذلك عن اذنكم داليـا دقيقة بس لو سمحت لي ..
داليـا .. ازيك وينك ما ظاهرة من اليوم داك ..؟..

Quote: .. وعلى فكرة تلميحك حتى لو انطوى على حسن نية فصدقيني هو ما من مصلحة النساء في بلدنا القاعدة تناضل لبنى هسة من أجلهن نحن بصدد مناصرة ما عايزين ضرر للقضية زي ما أشرت في كلامك وخلي التحريات لناس التحريات .. إحترامي

..
كمتابع للقضية من خلال المنبر .. وأنا خارج الوطـن .. يعنيني راي أمثال شمائل النور بكل ما فيه.. حتى لو اعتبرناهو راي ضد .. بنفس القدر البهمنا راي بعض الأخوات داخل السودان .. حتى وإن كن مع ..
الملاحظ أن (موضوع لبنى) تسيس الآن وما أجمل تسييس اي أمر داخل موقع سودانيزاونلاين ..
هل لبنى أول من تعرضت لمثل هذا الأمر .. لا اعتقد ..
في عام من الأعوام السوداء .. تم جلد طالبات الأحفاد .. بتهمة اللباس الغير محتشم .. في حادثة معروفة .. وكانت من ضمنهن احدى معارفي التي يهمني أمرها .. وكانت في لباس محتشم جدا .. ومرتديه (البنطال) ..
عندي اختين .. وبنات أخوات وعوووك ممن هن (على كفالتي) .. سوق (الشعلة) في شارع المطار القديم قد لي جيبي بناطلين جينز + لبس طويل.. (من مقاس 22 لحدت مقاس 30) ودي سنة متبعة لكل مغترب ومغتربة ..
إقرار مبدا النظام العام وتفعيل قانونو بالطريقة دي ما بيقع في راس زول .. قانوني واللا بتاع محاسبة واللا كهربجي .. كمان مبدا اختذال القضية في انها الآن اصبحت قضية نضال شخصية واحدة ضد نظام عن طريق السكوت عن كل اطراف وحيثيات القضية برضو ما واقعة لي ..
حاسس انو شمائل النور قاعده تقول في حاجة .. ومن لابسات (البنظال) برضو .. يعني علشان متبينه ليها راي مختلف يا داليا ربما خطأ أو صواب .. تقولي ليها لا يا شمائل نحدد بصدد مناصرة واحتمال تضري القضية ..؟
طيب دا ما مبدا ناس النظام العام زاتم ..
عاينو المتشنجين الحا يجو يكتبو كلام خارم بارم .. لبنى دي بت سودانية بتهمني.. وبيهمني ايضا لو كان هناك خطأ دون عليها أو ضدها يكون معروف .. وواضح بالنسبة لي ..
الناس المستعملة قضية لبنى في انها ح تغير ليها نظام زي دا وتكون لبنى التخته حقتم .. حقو يشوفو ليهم تخته تانية ..
ناس صبري الشريف .. الكتبو عن لبنى علشان يغيرو ليهم القرآن بي كتاب محفوظات .. وليبيا تفتح حقو برضو يواصلو نوووم..
نسوان العرضة مرقن الشارع عشان موية مافي .. وجابو الموية في رمشة عين .. بيان بالعمل..
الجماعة القاعدين يشرعو وينظرو في البورد وعاملين لبنى قضيتم.. يصحو شوية.


بالمناسبة:
المهنة كهربجي ..

ملحوظة:
التحية (لحبيبتي) وقتها .. وكنا ماشين في شارع الجمهورية .. وقال ليها بتاع النظام العام .. هوي يا بت ارفعي طرحتك دي في راسك ..
وقتها:
رمت الطرحـة في الواااطة وقالت ليهو كان إنت راجل تعال ارفعـه.. حيث صفق الجميع بالبرندات وكتبت ليها في آخر يوم وداع جميل أختفت من بعده .. (حبيبة قلبي يا سودانية.. يا بت دغرية)
وبالمناسبة التانية:
هي نفس (الحبيبتي) الاتمسكنا سوى من قبل افراد عصابة الجهاز .. (من فئة مناضلي اليوم) .. وكان ذلك بتهمة التسكع في طرقات امدرمان ..
وكان وقتها هم من (يطفرون) داخليات البنات ليلا ويعبثون (باثداء) الطالبات.

Quote: أنا الأيامات دي دمـي مع داليـاحافظ .. لذلك عن اذنكم داليـا دقيقة بس لو سمحت لي .. داليـا .. ازيك وينك ما ظاهرة من اليوم داك ..؟

دمي مع داليا دي مافهمت المعنى بالظبط ..لكن شكلها أنا قاصدا ..و ما حارد علي زرزرتك

المعوده ..في شنو بخلي دمك مع دمي ؟!!..في شنو أصلا عملتو ليك او ضدك عشان تقصدني ؟ !!انا هنا ما

طالبة رضاك ..ولا بهمني اي حاجة أكتبا ،او أقولا تقع على هواك ..قلت كلامك أكتر من مرة وانت بتلعب

دور الزول الجاب التايهة ..برد ليك في كل مرة بإحترام وأدب ..شنو شايف ما ظاهرة من اليوم داك يعني

انا خوفتك وكدة ؟!!..تعرف يا تمبس انا كنت فعلا بكنك ليك مودة كدة لي الله ..وإتجاوزت كتيير لأنو كنت

بتخيل انو من حقك تسال وتناقش ولو كنا على طرفي نقيض فالمودة باقية ..أما جابت ليها قاصد وما

قاصد فدي اسمها بهدلة على رؤوس الأشهاد ..وما برضاها لنفسي مهما كان التمن ..لاني هنا في المكان ده

حريصة على انو أكون في حدي ..فيا ريت كدة كلو زول يلزم حدو ..

Quote: دمي مع داليا دي مافهمت المعنى بالظبط ..لكن شكلها أنا قاصدا ..و ما حارد علي زرزرتك المعوده ..في شنو بخلي دمك مع دمي ؟!!..في شنو أصلا عملتو ليك او ضدك عشان تقصدني ؟ !!انا هنا ما طالبة رضاك ..ولا بهمني اي حاجة أكتبا ،او أقولا تقع على هواك ..قلت كلامك أكتر من مرة وانت بتلعب دور الزول الجاب التايهة ..برد ليك في كل مرة بإحترام وأدب ..شنو شايف ما ظاهرة من اليوم داك يعني انا خوفتك وكدة ؟!!..تعرف يا تمبس انا كنت فعلا بكنك ليك مودة كدة لي الله ..وإتجاوزت كتيير لأنو كنت بتخيل انو من حقك تسال وتناقش ولو كنا على طرفي نقيض فالمودة باقية ..أما جابت ليها قاصد وما قاصد فدي اسمها بهدلة على رؤوس الأشهاد ..وما برضاها لنفسي مهما كان التمن ..لاني هنا في المكان ده حريصة على انو أكون في حدي ..فيا ريت كدة كلو زول يلزم حدو ..

استهدي بالله يا داليا يا حافظ .. واله بالطريقة دي انا بطالبك بي اعتذار ضمني انك قاصداني ..
أنا من ناحية اني قاصدك .. ما قاصدك ..
خلينا في موضوع لبنى دا ياخ .. إنت ماخده الموضوع بي حساسية غريبة خلاص ..

عن اذنك دقايق بس يا داليا والله برجع ليك ..

والله يا داليا أول مرة اشوف لي زولة تشيل من أخوها بالطريقة دي ..
غايتو بالغتي ..

ح اوقع ليك دمي مع داليـا دي عامله كيف .. بس انزل اتغدى واجي .. اريتك تنتظريني ..

معليش يا وليد مبارك .. الظاهر ح نستلم البوست دا انا وداليا
معليش يا لبنى .. داليا اختك شايلاها معاي شديد ..

أها يا البشير حتعمل شنو؟ .. وزيرة الصحة تابيتا قررت تلب...ي إجتماع مجلس الوزرا

Quote: البت دي شايف سويتو ليها راس وقعر تطلع شنو هي لبني دي؟؟ اها الناس قادننا لبني لبني انشا الله يدوها مليون صوت والا يعفوها والا يحرقوها اعتقد انها اكتسبة شهرة بطريقه ستندم هي واسرتها عليها لمسلكهم البائس ... طيلة حياتها وحياتهم عالم فضايح واسفا علي بنات السودان

طالما ده فهمك لا عجب ان تكون ثقافتك كلها فلان كاسر عينك وفلانة عينها مكسورة..

ذهنية الفضيحة الجواك اكبر من قدرتك على استيعاب احوال الناس والاسر ..


انتا زول بائس ..

مرحب دكين

عمر الفاروق ..

Ignored


داليــا..
الله يسامحك .. ما اتغديت وشربت سجارتين دفعه واحدة استفدتي شنوحسع ..؟
عايني ..
ردك بتاع زولة شايلة ليها مني ..
يللا نطلع بوست توضيحي لانو البوست دا ح يتكرفس بيناتنا بالطريقة دي .. توضيحي دي مهمة جدا .. وعشان يكون بتاع تحديد مسارات بالنسبة لي ردود بعضنا على الآخر .. في المساحة دي ..
فارجو وعليك النبي انك تبطلي (مساخة) كلو زول يلزم حدو دي .. لانو أنا في غنى عن إني اخسر لي زول أو زولة دمي .. جاي مع دموو

ملحوظة:
عليك الله تعالي امسكي لي في (مساخـة) دي واضيفيها لي البند بتاع القصد .. أنا رضيان.
ليك حرية اختيار العنوان المناسب للبوست .. بس المهم توضيح ما التبس ليك .. ولو ما كان بيهمني اعمل كدا مع الأخوات صدقيني ما كان اشتغلت بي كلامك دا ..
بلاي الواحد بعد العمر دا يطلع بتاع زرزرات .. وبتاع استقصاد للأخوات بممبر سودانيزاونلاين ..؟
ملحوظة تانية:
- والله الواحد بقى يكتب ليهو كلام .. ويجيب المصحف بتاعو في جيبو .. يا يتزرزر كدا دا .. حسع دي ما زرزرة زاتو..
- اعتذاري مجددا لي لبنى ولي وليد مبارك..

يللا النبي فيك ورحكاكي .. يا اطمبجت يا طلعنا بي حاجة مفيده .. وخلي بكري يخسر ليهو كم كيلو بايت كدا ما مشكلة ..

كتب الأخ تمبس

Quote: حاسس انو شمائل النور قاعده تقول في حاجة .. ومن لابسات (البنظال) برضو .. يعني علشان متبينه ليها راي مختلف يا داليا ربما خطأ أو صواب .. تقولي ليها لا يا شمائل نحدد بصدد مناصرة واحتمال تضري القضية ..؟ طيب دا ما مبدا ناس النظام العام زاتم ..

والاخت شمائل قالت أنها قصدت

Quote: انا قصدي ياسيدي ان ممكن يكون في تصفية حساب بين لبنى وجهات بعينها بسبب كتاباتها الصحفية

كمال

يا كمال ..
مش برضو وجهة نظر مختلفة .. وفي حاجات تانية احتمال تكون غايبة عن الناس .. ومفترض انو نستمع ليها واحتمال تجر من وراها ما تجر ..؟
واللا الراي انو الناس تشوف من زاوية واحدة بس ..؟
مسالة النظام العام وتصرفاتم من ما بدا المشروع بتاع النظام العام والناس متضررة .. في ناس غير لبنى اتعرضوا لي انتهاكات كتيرة جدا .. ومشكلتم انهم ما صحفيين وما عندهم صوت وصل منهن الانجلدن والانسجنن وفي العملو معاهم تصفية حسابات شخصية بقانون النظام العام ..
ايه البمنع إنو لبنى في جهة محددة ممكن تكون قاصداهـا .. السيناريو شنو بالضبط ..؟
دكتور مشهور صديقنـا تمت اشانة سمعتو بي طريقة درامية خالص وسيناريو اترسم للمسالة دي بي احكام شديد واتضح انو تصفية حساب فيما بينم مع جهات محددة ..
أول مرة أدخل للرد في موضوع لبنى بعدما تابعت كل البوستات المفتوحـة وليها علاقة بالأمر .. وما زلت عند راي ثابت جدا .. أن البعض هنا يضرون بالقضيايا المهمة كما اضروا بما قبلها وذلك باستغلال الأمر وتحويله إلى حساباتهم الشخصية .. وما يخدم مصلحتهم .. حتى وإن كانت هناك نقاط مهمة وزوايا مظلمة..
قضية لبنى في مظهره العام وإدانته بالشكل الشفتو بيها في الصور ماف حد عاقل بيرضاهو بالمثل من الضرورة معرفة ما يدور بخارج المساحة .. وربما سيناريوهات بعيدة ..

ملحوظة:
ما فهمت المعني بي اقتباسك .. لكن اجتهدت في الرد .. ممكن توضح لي ..؟

شكرا تمبس

Quote: ما فهمت المعني بي اقتباسك .. لكن اجتهدت في الرد .. ممكن توضح لي ..؟

وإجتهادك في محلو

Quote: ايه البمنع إنو لبنى في جهة محددة ممكن تكون قاصداهـا .. السيناريو شنو بالضبط ..؟

ممكن يكون القانون أداة لتصفية الحسابات وممكن تكون شرطة النظام مجرد
مخلب قط و الي أن تتضح الرؤية لا نملك الأ أن نقول أن الي تهمة الاخت لبني وأخواتها هي التزي بزي خادش و هي ذات التهمة التي عوقبت بها الأخريات... وأن الخلل في القانون وفي المطاطية التي تجعل الشرطي يقدر الحالة بحسب فهمه أو مزاجه مما يجعل هناك مساحة للإبتزاز والتشفي الشخصي !!

Quote: معليش يا وليد مبارك .. الظاهر ح نستلم البوست دا انا وداليا

حبيبنا تمبس

حبابكم انت وداليا

البوست زي حقكم

مرحب حبيبنا عمر الفاروق

مرحب شمائل

مرحب فيصل نوبي


انت قلبت وخليت شغل الكمبيوترات ؟

خضر الطيب مرحب

عن نفسي انتقدت صديقي فيصل في المداخلتين الدخلتهم معاه

ومازلت مختلف معاه ..


وافتكر انو لبنى حتى الان بطلة عديل كده

مرحب عاطف عمر

لا يا صديقي
فارض المنبر كلها حلبة نقز محل ما يستهويك
انت زول رقاص وزوق

هذا الموضوع تم حجبه من الصحف

لا--- ليس العفو هو المطلوب وانما تغيير القوانين


تناقلت وسائل الاعلام خبرا عن البشير مفاده العفو عن متهمين النظام العام –وللحقيقة استفزني الخبر باعتبار بان هناك حقوقا قد انتهكت بحق فتيات وتم توجيه الماده 152 –الفعل الفاصح ---الخ بحقهن فكيف نسترد هذا الحق وكيف ترد لهن كرامتهنالتي امتهنت –
ثانيا لقد درجت العاده بان العفو الرئاسي يصدرلاناس انتهكو امن المجتمع –او خرق الدستور كالانقلابات العسكريه –او ترويع المواطنين فهل استوي هذا الفعل بليلس البنطلون ؟؟؟

وفي الحقيقه تضافرت الجهود النسويه مع منظمات المجتمع المدني والاحزاب السياسيه لان مجمل القوانين ابتداء من قانون النظام العام مرورا بالقانون الجنائي ووصولا لقانون الاحوال الشخصيه تعتبر عنفا موجها ضد النساء ومحاوله ارجاعهن الي البيوت فالاموامر المحليه وفرض الزي الموحد للنساء في بعض المؤسسات –ومطاردة النظام العام للنساء واطلاق يدهم لاهانه المراة –وتطاول الحرس الجامعي للطالبات والتي اصبحت ابتزازا يوميا لهن –ومطارده المحليات لبائعات الشاي وكما تعلم هن نساء اتن غالبيتهن من مناطق الصراع في دارفور او جبال النوبه وقد كانت الوسيله الوحيده المتاحه لهن لتربية اطفالهن والقيام بالواجب تجاة الاسر –ولكن قوانين المحليه ومطاردتها لهن باسباب مختلفه منها الوجه الحضاري للعاصمه ومرات تفشي السلوك السئ ونتاج لذلك استشهدت ناديه صابون وتركت والدتها المريضه وابنتها بلا معين
ولذا عندما هبت كل هذه الجموع للوقوف مع الفتيات كان المقصود تغيير هذه القوانين خاصة ونحن نتحدث عن نشر ثقافه السلام وقبول الاخر الذي يختلف معنا في كل شئ الدين الملاح والثقافه –فنشر ثقافة السلام هو التحدي الاكبر في هذه الفتره فكيف نريد تحولا ديموقراطيا ووحده جاذبه في ظل هذه القوانين المقيده للحريا ت
دكتوره احسان فقيري

وليد ..

لو كتبت لى "مرحب تبارك"

بى صورتك البى العدلة ... وابتسامتك الباهتة دى ...

ما معاك كويس ...
___________________________________

تامبا .. وكمال ... وشمايل ....

انا كتبت الكلام دا فى لحظة غضب فى البوست بتاع "الهاكر" التافه المعتاد ... لاكين بقولوا هنا تانى ... لأنو الخفى فى قضية "لبنى" خفى ما لأنو سر ... خفى لأننا عاجزين عن رؤيتو ... وهو قبح الذهنية السودانية المعاصرة ... واللى ممكن توصّل زول زى "لبنى" أو أى زول تانى لى درجة الإنفجار ...

الذهنية المتخلفة فى السودان لا زالت تتعامل مع المرأة وتحاكمها بالخطوط الكنتورية للجسد ... وواحد من "الديموقراطيين" المتضامنين مع "لبنى" قال لى بالحرف ... "هى من حقها تلبس بنطلون ... والقانون فيهو مشكلة ... لاكين هى صلبا كبير"!

بعد أن تجاوزت حالة الغثيان ... تذكرت شوارع الخرطوم التى لا أغباها ... قلت "جايز"!

... المهم ....

وووووووووووووووووه نوبيانى !! البركة بالطله ياخ !
عارف حلو عليك الرووووب والسامسونايت ..
لامحتاج ليك لى قانون ولا لى محاسبة انت الفيك مكفيك لووووووول

يعنى لو ما كنت اطول من ما يجب والروووب بجيك فى الركبة بس ،
والسامسونايت بتكون مشعلقة فوووق من الارض
كنت قلت ليك اتمسك بالقصة دى .. لفقت والله ..

Quote: يا ستي ما تردمي شمائل النور الردم حقكـ ده .. خلاس عرفنا دندونتي قانونية و معلمة كمان لكن شمائل دي قالت ما عجز الكثيرين عن قوله .. (و إن خانها التعبير فيه ) ما تقصده شمائل (والله أعلم) و بمداخلتي أعلاه تم تأييده لا يمت لما ذهبتي اليه بصِلة .. أولاً وضعية لبني الآن ليس متهمة بل (مُدانة) لأنها في مرحلة إستئناف و المستئنف (مُدان) .. ثانياً يا دندونة يا ستي ... لبني قالت و بعضمة لسانها إنه لبسها ده ما أول مرة تلبسو .. و في بنات كتار قاعدين يلبسو نفس اللبس .. تبقي الإشارة للمبداء الأول المختفي من جوانب القصة .. مع إتفاقي التام معاكـ في أنه لبني الآن تتعرض للمحاكمة بسبب الزي .. إنه لبني الآن تتعرض بسبب الزي ده للمحاكمة ليه قبل كده ما إتعرضت للتوقيف بسببه .. تخميني يقول .. اما أنه ساعة الضبط كان في أشياء تانية (قد تخصها أو لا تخصها ) و لبني دخلت في الرجلين .. أو لبني (ناقشت أو تلاسنت) مع الشرطي المخول بحملة النظام العام .. و بالتالي قام الشرطي بضمها لبقية المتهمين المتواجدين بدعوي الزي .. ( مع تثبيت إعتراضي علي الطريقة دي ) و ده في حال إستبعاد أشياء أخري ( إنه المكان مشبوه و لبني تواجدت فيه و هي لا تدري و لحظة الضبط لم يجد الشرطي ضالته ) .. ... يبقي السؤال : "أصل (الموضوع) كان شنو؟" لو ده أصلا الزي الذي ترتديه لبني و الكثيرات من البنات في السودان .. __ بخصوص التهمة الموجهة : المادة الموجهة للبني (152) لا تحتوي علي الزي الغير لائق (بحكم العرف و الدين) فقط .. و نحن المتابعين للقضية عن طريق أجهزة الأعلام لا نعلم علي ما يحويه محضر الإثبات أو أدلة اإتهام .. ثانياً بما أنه لبني تحمل (حصانة دبلوماسية) لأنها موظفة لدي الأمم المتحدة .. لم يتم إستجوابها من المحكمة حتي الآن .. و لا يحق للمحكمة أصلاً إستجوابها الا بعد رفع الحصانة الدبلوماسية عنها .. و بالتالي نحن لم نسمع شهادة (الشاكي) اللي هو شرطي النظام العام .. و لم نعرف حيثيات القضية و البلاغ .. يعني نحن الي الآن بنحكم من طرف واحد اللي هو المتهم و ما يقدمه للإعلام من حيثيات قد تكون صحيحة و قد لا تكون .. يسقط بعض من حديثي أعلاه في حال إطلاعكـ علي ملفات القضية و حيثيات محضر الضبط و الإتهام ..

ياسيدى فى بنات كتار لابسات .. ولبنى ذاتها كانت بتلبس ،، وهسه من يوم قبضوها حايمة بنفس
اللبسة ،، دى كلها اسئلة توجه لى ناس النظام العام مش لى لبنى او مناصرى قضيتها ..
لو قامت بى ملاسنة او تعدى على الشرطة بوجهو ليها تهمة اعتراض موظف رسمى اثناء تادية مهامه
لكن كونو يوجهوا ليها تهمة الزى الفاضح عشان قاصدنها فى حاجات تانية دى اسوا من
التهمة نفسها ولا ما كدا ؟؟ دا الاولى بمهاجمة المادة والقانون الذى خلق لقهر واستضعاف
فئات بعيينها ..

الحصانة لا تمنع الاستجواب فى المحكمة ... ولكنها تمنع ابتداءا فتح البلاغ وتوجيه التهمة
ومباشرة الاجراءات نفسها .. اى ان اى اجراء قانونى فى مواجهة حامل الحصانة يقع باطل
ما لم تتبع الاجراءات القانونية لرفع الحصانه عنه اولا وقبل مباشرة اى اجراء ..

عليييييك نووووور يا فيصل انا والله ما كنت عارفة دى ياتو درجة فى المحاكمة .. لكن
ما دام انت بتقول ما سمعوا الشاكى يبقى كيف دى مرحلة استئنافية ؟؟ عارف اى درجة
استئنافية دى ورق سااااى .. سماع الشاكى دا قولة تيت فى اى محاكمة معناها لسة ذاتو ما بدت
خليك من انها تكون استئناف ...
نقدر نديك 5 من 10 وتلزمك حقيبة ديبلوماسية او (سامسونايت ) اخرى لوووووول .


نعسانه بجيك بكرة او بعدين بقت

Quote: اها الناس قادننا لبني لبني انشا الله يدوها مليون صوت

وليد أزيك




















ــــــــــ
يا حليل ملاسي

أستاذ ثروت

صباح الخير


أنا إعتبرت راس السوط ضربني بكلامك أدناه

Quote: سوالك مشروع يا اخت شمائل و بائن لأي انسان ذو حس سياسي غير متبَلد أو مستعبط مزايدز و لو احسنا الظن بهؤلاء لقلنا انهم ضحايا التوجس و الإذعان المستبطن من مناولة السمعة. فأسقطوا عليك تفسيراتهم بكل إريحية. و هو بالضبط ما أراده النظام الباطش.

فإن كنت محقة فشوف ده كلامي لشمائل لم إستفسرت :

Quote: إذا بتلمحي لانها مستهدفة بشكل شخصي فهي نفسها قالت بتستبعد ده ..وحتى لو ده كان صحيح ـأي الإستهداف ـفهو برضو من خلا ل "البنطلون ..وإذا ما فهمتك يا ريت توضحي ..

وما بظنوا بتعارض مع ما طرحت ..رد شمايل كان :


انا بلمح لـ:

القضية ما بنطلون







أحكم انت على الكلام ده وأنا راضية بحكمك ..

الأستاذة داليا سلامات
وجدت الاخت شمائل ساطرة من بعدك هذا الشارح المفيد لما قلته بعالية:

Quote: نفسك محدثاك لا تعني المطاعنة ، بل هي ما يدور داخل الفرد منا ولا شعوريا يسقطه

الخوف الشديد من مواضيع الشرف و السمعة خلقت تسرع في تفسير مرامي سؤال الاخت شمائل ذو البعد السياسي.
و هذا الخوف و الحاجز العالي نتيجة للتقافة و العقل الجمعي المتجذر حتى اللا شعور. فخوف البعض من اتهام لبنى بخرق التابوه الاجتماعي سبب لهذا التفسير المتسرع في تقديري
و كل منا وليد هذه الثقافة الإتهامية للنساء By Default
القانون النظام العام قنن هذا الخوف و استخدمه للقمع ذو الفعالية الكبيرة في احجام المجتمع من خلال التدخل السافر في حياة الناس عن طريق الاخلاق.
مثلا
ذكرت لبني ان احدي نزيلات الزنزانة معها في نفس التهمة تبولت في ملابسها من شدة الخوف. لماذا؟
فانها تحسب وقع الخبر عليها و اسرتها الصغيرة فالمتددة و مجتمعها الصغير و كامل علائقها الإجتماعية.
و أن لم تخطئ في شيئ! فكونها كانت نزيلة حراسة جراء العسف و القانون الارهابي الفضفاض(تهم الاعمال الفاضحة) كفيل بتدمير حياتها و حياة من هم حولها.
ارجوا ان اكون قد اوضحت
و حكمي عليك : لا بأس عليك

لك الود
و لم اعني انا إلا ما عنيت

عزيزي ثروت سوار الدهب
تحياتي

Quote: وجدت الاخت شمائل ساطرة من بعدك هذا الشارح المفيد لما قلته بعالية:

دعني أن أوضح هذه النقطة: أثاربعض الكيزان وأذنابهم في مواقع عدة
كلاما قذرا وبأساليب وضيعة ينالون فيه من لبني مرددين ذات الزعم القضية
ما بنطلون ولكن لمقاصد أخري !! القضية أكبر من ذلك!! ويحاولون التلميح لأن تهمة لبني أكبر من زي وأخطر من لبس !! ولم يكن هدفهم بالطبع القصد بأن القبض علي لبني تم لغرض سياسي أو لتصفية الحسابات من هنا وحتي لاتختلط الأوراق طلبنا الاخت شمائل توضيح ما تعنيه
التحية للأخت داليا حافظ والتي رفضت أي تلميح أخر يمس من شرف أو خلق لبني ورفضت الظلم التي تعرضت له لبني وأخواتها والتحية لشمائل التي أوضحت مقاصدها
راجع بوست صديق الموج حول ما قاله الصحفي راشد عبد الرحيم وما قاله
عمار محمد أدم في بوست أخر
كمال

مرحب ايزابيلا

خلاص يا تبارك


ازيك يا تبارك

Quote: الذهنية المتخلفة فى السودان لا زالت تتعامل مع المرأة وتحاكمها بالخطوط الكنتورية للجسد ... وواحد من "الديموقراطيين" المتضامنين مع "لبنى" قال لى بالحرف ... "هى من حقها تلبس بنطلون ... والقانون فيهو مشكلة ... لاكين هى صلبا كبير"!

ده كلام شنو يا تبارك ... وبالمناسبة الصلب الكبير من خصايص التكون الجسماني للانثى السودانية .. بل هو من خصائص التكوين الجثماني للافارقة جميعا ذكورا واناث لحد كبير


اها الحل شنو ؟

مرحب احسان فقيري

Quote: الذهنية المتخلفة فى السودان لا زالت تتعامل مع المرأة وتحاكمها بالخطوط الكنتورية للجسد ... وواحد من "الديموقراطيين" المتضامنين مع "لبنى" قال لى بالحرف ... "هى من حقها تلبس بنطلون ... والقانون فيهو مشكلة ... لاكين هى صلبا كبير"!

تعرف يا تبارك ..
أمس كنت بتكلم مع زولة زميلة .. متابعة البورد ومتابعة البوست دا على وجه التحديد..
وما قرت الرد حقك دا القريتو أنا في بوست الهكر الاتسمح..
يللا
كنت عايز استدل بي كلامك دا لي العقلية (الديمقراطية) البترقص وهي مغطية دقنها في المنبر دا وعايزه الناس كسر رقبة ترقص معاها .. وبعداك تحلق ليها دقنه..
يللا
قمت قلت ليها ما هو اصعب من كلامك دا عن ديمقراطي بي عينو والله اتجاوز في طرحـو حد ما قالو ليك صاحبك دا عن (الصلب) وما ادراك ما كبير .. والمشكلة انو في بعض الحالات بيكتب بي فلسفة غريبة جدا، عن حقوق المرأة وعن لبنى أو أحدى أخواتها ..
يعني بي اختصار زولك دا بالنسبة لي زولى أنا .. ممكن يكون في شهادة ميلادو.. (ملاك).
على كل حال أنا المسالة دي ما موتراني .. لكن في المسكينات البيهتفن ويزغردن للبمبان ديل .. (وبعضهم) شايلين ليهم (ميزان موية) وحايمين بي اسم الديمقراطية..
بتذكرني صاحب الترابي الكان عامل فيها صحفي في البورد دا .. ومكمل الشفتنة واي حاجة .. وكتب لي زولة هنا كلامه ما عجبو:
(إنت مطهرة واللا غلفه)..؟ كل الناس قرت الكلام دا أونلاين .. والمؤسف ماف واحد من الرافعين الشعارات دي جا قال ليهو (بغـم) .. وكانو حايمين معاهو في نفس البوست.
ولما نجي زي ديل نقول ليهم بغم مية مرة وبالفم المليان .. تطلع عصبجي وقطاع طريق.. يا كمان تشيل (موسك) وتهتف بحياة الصحفي المضروب دا .. (وتتشلخ نقرابي)
أها
يا تبارك .. لما الديمقراطيين ديل يقولوا (بغـم) بي اصرار .. صدقني من جوه هنــا ح يتغير قانون النظام العام وح يركع كل جلاد ..
وإلى ذلك الحين مرحب بي بعض الديمقراطيين بتاعين البورد والعلمانيين والدينيين واللا دينيين.... وإلخ ، وهم يعالجوننا بالصدمة ويجلدوننا في (مؤخراتنا) بعباراتهم حتى ولو قالوها بالدس .

إنتي عارفة يا داليا مفروض تكوني اكتر زول واقعة ليهو حكاية إنو القصة ليست البنطال
اتوقع إنو الفرق بين لبستك ولبسة لبنى في الشبشب الأصفر وده البيخليني أصر إنو القصة كللللها في الشبشب وليس البنطال..
انا متأكد وانتي لابسة اللبسة دي زول واااحد قدر يرفع عينو عليك ماف فاللبسة دي محتشمة أكتر من التوب السوداني زاااتو اللي لمن المرا تكون طالعة سلم او حافلة او بص يظهر حتى ما فوق ركبتها !!!!
ده غير الاستباحة لي لبس كل ما هو خفيف وعريان بداخل التوب اللي مفروض هو ساتر وطويل ..
غايتو يا داليا بكللللللمك كان هرشتيني بي دمك الفاير في الناس ده بلحق الصورة دي للقاضي في شهر تسعة

لووووووووووووووول

والله يا عمر يوم بتكتل ليك زول بالضحك


هاهاهاهاهاهاهاهاها

علاء يا تمبس ..

Quote: بتذكرني صاحب الترابي الكان عامل فيها صحفي في البورد دا .. ومكمل الشفتنة واي حاجة .. وكتب لي زولة هنا كلامه ما عجبو: (إنت مطهرة واللا غلفه)..؟ كل الناس قرت الكلام دا أونلاين .. والمؤسف ماف واحد من الرافعين الشعارات دي جا قال ليهو (بغـم) .. وكانو حايمين معاهو في نفس البوست.

إنت لسه متذكر ؟
الأخت دي زي المفصولة أو شردت من اليوم داكـ ..



_

..........

Quote: التهمة الموجهة للبني ومن جلدن هي أرتداء زي فاضح وطبعا تم توجيه هذا التهمة وتلاوتها عليها قبل الشروع في أي أجراء وعلي ضوء ذلك صرحت لبني أنها متهمة بإرتداء زي فاضح وهاجمت القانون والجهات المنفذة للقانون ولا أعتقد أن لبني غبية بالدرجة التي تلفق فيها تهمة غير المعنية وتزيف أقوال النظام العام!! وإن كانت لبني قد ذكرت تهمة غير الواردة بصحيفة إتهامها فلماذا لم تصوب إدارة النظام ذلك وتبين ماهية التهمة الحقيقية ?

Quote: غايتو يا داليا بكللللللمك كان هرشتيني بي دمك الفاير في الناس ده بلحق الصورة دي للقاضي في شهر تسعة

غيرت رأي بعد قريت ليك أكتر كلام ما أشتر جبتو من بوست عصام





معجب انا بالتظاهرة النسائية ومحاولة انتزاع الحقوق فالحقوق لا تعطى ولكن تنتزع ..





..................................



وبما أنو الحلو ما بكمل يا عمر جيبتك للصورة كانت أكتر حاجة شترا ..

Quote: إنت لسه متذكر ؟ الأخت دي زي المفصولة أو شردت من اليوم داكـ ..

. والله للاسف يا نوبي مفصولة .. والديمقراطي الطهار دا لحدت الآن شايل موسو وحايم .. والديمقراطيين الأمريكان بيهتفوا بحياة الديمقراطية ويلوحون بعلامة النصر بصوابع وعليها بنطلون ..

يا اتامبا انت بتبقى لي ؟


مالك كده بتشبهني للدين ؟

أدناه كلام شمائل في بوست آخر :

حقيقة انا داخلت فى اول بوست للبنى وانفعلت جدا معها لحظتها،لكن بعداك لقيت الكلام دا ما داخل راسي يعني كلنا بنلبس بناطلين ما عجبهم الا بنطلون لبنى ، ليه؟؟؟ دا السؤال الفارض نفسو حاليا ، لكن السذج ماسكين في بنطلون دي ،،البنطلون المسكين ذنبو شنو؟؟

المعطيات القدامنا بتخلينا نصدق لبنى لكن المنطق غير كدا


بعد كلامك ده يا شمائل إما فعلاً نكون سذج أو بنقرا بي إضنينا يا علمات ود طيفور فيا بت أمي ينوبك ثواب شوفي لينا الحقيقة شنو ونحن في الإنتظار ..

شمائل بتتكلمي كده عن معقوليه قبض لبني بتهمه البنطلون و كانه ناس النظام العام ديل systmetic
و منظمين جدا و اعمالهم دائما بتتعمل بي منطق و اسباب و كانه يمكن توقع ردود افعالهم
و كانهم يعاملون الشعب بسواسيه شديده

بعدين عليكم الله و لصالحنا، انسونا من قصه لبني و ما لبني و معقوليه التهمه الوجههت ليها
ولا لا، القصه قانون يتعارض مع الدستور و لبني و اخواتها (الاختفو من النقاش ديل بقدرة قادر)،
و انهم كانو مثل وضح الحاجه دي، نقعد احنا نلف و ندور في لبني؟

اها فرضا ناس النظام العام عندهم قصه تانيه مع لبني، هل ده بيوقف الناس من انها تحاول تغير
قانون يتعارض مع الدستور؟

--------

وليد ازيك

رحاب مرحب

وتحياتي لولدنا

كلامك 100%

نحن في انتظار شمائل معاك يا بكري اسماعيل
ومعاها السيد ثروت

عشان يشرحوا كلام شمائل ده

Quote: لكن السذج ماسكين في بنطلون دي ،،البنطلون المسكين ذنبو شنو؟؟

متى تتعلم شمائل النور أن تطرح رأيها - أياً كان - دون أن تسيئ للآخرين ؟؟؟

Quote: متى تتعلم شمائل النور أن تطرح رأيها - أياً كان - دون أن تسيئ للآخرين ؟؟؟

ن تمت الاساء لها ستتعلم يا عاطف

في ناس كده الا يضوقوا ما يفعلون بالاخرين حتين يتعظوا

ابن العباس
بدون تحميل او تلبيس
كان بالنسبة لي كلام شمائل واضح المعني فاصح المرام.
و لا عنيت مساس الاخت داليا بشيئ من قريب او بعيد
انما مرور المناسبة لنقول قولا في ثقافتنا الطافح منها في شكل إدراك إجتماعي و الغاطس منها في شكل تكريبة نفسية في لا شعور.
فطففت من هنا و من هناك، راجيا حسن الظن بي، و لي من الظن افاضله بالاخوات هنا و هم مهمومات بلبنى فيهم و لبنى بهم.
تحاياي لداليا و شمائل و الشقية دينا و كل المعبَرات عن الفصح في زمن الاتكاء على ركام المكرور عن الحقوق... إذ لا حقوق بلا قتال و إفصاح.

تحياتي عزيزي كمال

Quote: يا اتامبا انت بتبقى لي ؟ مالك كده بتشبهني للدين ؟

. احتمال يا شفت لانو قوون برضك ..؟

Quote: . احتمال يا شفت لانو قوون برضك ..؟

والله حيرتني

مرات بتقول كلام التقول شفيتو مني
بتختفو من كيبورتيني عدييييييييييل كده

Quote: والله حيرتني مرات بتقول كلام التقول شفيتو مني بتختفو من كيبورتيني عدييييييييييل كده

.. والله يا وليد احيانا الكلام بيكون واضح .. لكن على ما اعتقد الشئ الرابط إنو اتعود يقول كلامو ويعبر عن رايو بي وضوح .. ودي ما متوفرة كتير .. وإنت برضو بايع القضية زيي كدا وما شغال كتير بالمسالة دي ..
وامنقه حاجة إنك مصنف كوز خطير برضو ..
شفت كيف التحليل دا ؟؟
وقع ليك؟؟

عاطف عمر

انت بتتهمني باساءة الآخرين ، دون اساءة، لكن طالما انت طرحت سؤال مباشر انا ح اجاوبك اجابة مباشرة

دا سؤالك:
متى تتعلم شمائل طرح رايها دون الاساءة للآخرين ، في حين انو مافي اساءة اصلا

دا جوابي:
لما تعرف انت انا بقصد شنو؟؟

وللمرة الثانية انا بقول القضية ما باينها انها بنطلون ، واي فتاة سوادانية عايشة في السودان وبتلبس بنطلون بتعرف انو القصة ما بنطلون


بصراحة وكل اسف اختلاف الاراء في قضية لبنى من مماظير مختلفة اختزلت في:

الما مع لبنى مع النظام العام ،،، والما مع النظام العام مع لبنى

وليد

Quote: تمت الاساء لها ستتعلم يا عاطف في ناس كده الا يضوقوا ما يفعلون بالاخرين حتين يتعظوا

والله لا اعتقد ان طرح الراي ببقى اساءة (اللهم علمنا ما لانعلم)


بكري:

Quote: أدناه كلام شمائل في بوست آخر : حقيقة انا داخلت فى اول بوست للبنى وانفعلت جدا معها لحظتها،لكن بعداك لقيت الكلام دا ما داخل راسي يعني كلنا بنلبس بناطلين ما عجبهم الا بنطلون لبنى ، ليه؟؟؟ دا السؤال الفارض نفسو حاليا ، لكن السذج ماسكين في بنطلون دي ،،البنطلون المسكين ذنبو شنو؟؟ المعطيات القدامنا بتخلينا نصدق لبنى لكن المنطق غير كدا بعد كلامك ده يا شمائل إما فعلاً نكون سذج أو بنقرا بي إضنينا يا علمات ود طيفور فيا بت أمي ينوبك ثواب شوفي لينا الحقيقة شنو ونحن في الإنتظار ..

ينوبنا ثواب كلنا لو اخدنا القضية بابعاد اكثر


ـــــــــــــــ
انا اطالب لبنى وشرطة النظام العام بمنحي بدل سعرات حرارية

عزيزتي شمائل ..
لبنى ليست " الوحيدة " التي تحاكم على ارتداء بنطلون في ليل الخرطوم.
لكن يبدو أنها "الوحيدة " التي سمعتي انت بها.
فلومي سمعك يا شمائل.

تامبا يا صديقي
لو الككوزنه حا تجمعني بيك
فمرحبا بها

Quote: والله لا اعتقد ان طرح الراي ببقى اساءة (اللهم علمنا ما لانعلم)

اللهم امين

Quote: لو الكوزنه حا تجمعني بيك فمرحبا بها

وليد
قال كوز كان بحجم فنجان
"الدين بحر ونحن منه غارفون"
تمبس ماحايخلي ليك "نقطة" تجمعك بيهو
غايتو صاحبو في رمضان بس
بشكير عديل.



_
بالله طلع كوز
الرؤية ظهرت متين

يا حيدر كدي خلينا من تامبا


انت زاتك فيك ريحة


هاهاهاهاهاهاها

Quote: دا جوابي: لما تعرف انت انا بقصد شنو؟؟

سمح

Quote: سعد هجرس [email protected] الحوار المتمدن - العدد: 2728 - 2009 / 8 / 4 لماذا لا يتوقف العالم العربى عن الغوص فى مستنقع التخلف؟ ولماذا يزخر بهذا العدد الغفير من الدكتاتوريين، بينما لا يتمتع إلا بالنذر اليسير من حقوق الإنسان؟ ولماذا ينتشر به التعذيب والترويع وتتفشى فيه هذه المعدلات الرهيبة من الأمية؟ ولماذا دأب هذا المكان – الغنى بالنفط – على إنجاب الملايين من السكان الذين يعانون من سوء التعليم وسوء التغذية.. ووطأة الفساد؟ *** هذه الأسئلة الموجعة، يزداد ألمها عندما نعرف أنها وردت على لسان الكاتب البريطانى الشهير روبرت فيسك، فى سياق مقال مهم نشرته له صحيفة "الاندبندنت" يوم 28 يوليو الماضى تحت عنوان لا يقل كآبة هو: "لماذا لا تزال الحياة فى الشرق الأوسط تضرب بجذورها فى العصور الوسطى؟" ولو أن كاتباً أجنبياً آخر، غيره، طرح هذه الأسئلة بهذه الحدة لاتهمناه بالغطرسة الغربية واحتقار العرب. لكن روبرت فيسك – كما نعرف – مراسل صحفى مخضرم، يعرف المنطقة العربية جيداً، ربما أكثر من كثير من الصحفيين العرب، ناهيك عن أنه يعرفها أكثر من كل المراسلين الأجانب، والأهم أنه الأكثر نزاهة من بينهم جميعاً، ويكفى أن نتذكر أنه لم يتردد فى أن يوجه أصابع الأتهام إلى بلده – بريطانيا – وحليفتها الاستراتيجية – الولايات المتحدة الأمريكية – باعتبارهما المصدر الرئيسى للشر فى العالم خلال المائة سنة الأخيرة، والسبب الأساسى لمعظم مصائب العرب من المحيط إلى الخليج، وبالذات منذ اغتصاب فلسطين وزرع إسرائيل فى قلب المنطقة. أى أن الرجل ينتقد الأوضاع فى المنطقة العربية من منطلق حبه لشعوبها وتضامنه مع أهلها، حتى ضد سياسات حكومة البلد الذى يحمل جنسيته. وهو فى مقال "الاندبندنت" المشار إليه لا يتخلى عن تحميل الغرب الاستعمارى مسئولية تخلف العرب، ويؤكد ذلك فى مقدمة هذا المقال عندما يقول "نعم.. أنا أعرف تاريخ الاستعمار الغربى، وأعرف المؤامرات التى دبرها الغرب تحت جنح الظلام، وأعرف أيضاً الحجة العربية القائلة بأنه لا يمكنك مناوأة الملوك والشيوخ والأوتوقراط العرب بينما "العدو على الأبواب"، فى إشارة ضمنية إلى إسرائيل. لكنه يستطرد هذه المرة قائلاً "إن هناك بعض الحق فى ذلك كله .. لكنه ليس كل الحق". أى أنه بدأ يولى اهتماماً أكبر للأسباب الداخلية للتخلف الذى يبقى العالم العربى فى غياهب القرون الوسطى. ويعبر عن ذلك بقوله "أظن أن المشكلة الرئيسية التى توجد فى عقل العرب أنهم لا يشعرون بأنهم أصحاب البلد ..". وأياً كان ما يقوله روبرت فيسك فإن الحقيقة المرة – سواء قالها هو أو لم يقلها – هى أننا نعيش بالفعل فى القرون الوسطى، بينما يشهد العالم ثالث ثورة فى تاريخ البشرية، بعد ثورة الزراعة وثورة الصناعة، ألا وهى ثورة المعلومات. وتعالوا نلقى نظرة خاطفة على عالمنا العربى.. فماذا سنجد؟ سنجد أن أكبر معدل للأمية فى العالم يوجد فى بلاد العرب، كما يوجد أكبر معدل للبطالة، وأكبر معدل للفقر، وأكبر قابلية للاستبداد والاستعمار. ألا يعنى وجود هذه المعدلات القياسية المتخلفة، فى وقت تنطلق فيه البشرية فى كل قارات الدنيا إلى آفاق ثورة المعلومات، دليلاً دامغاً على أننا تفوقنا على أنفسنا فى سرعة الاندفاع إلى ظلام العصور الوسطى؟! واذا تركنا الوقائع المادية وذهبنا إلى الجانب الفكرى لن نجد فى العالم بأسره دولاً تعادى الحداثة مثلما تفعل الدول العربية. لقد دفعت البشرية ثمنا باهظاً للخروج من جحيم العصور الوسطى التى شهدت هيمنة الكنيسة على البلاد والعباد فى أوربا. ولم يكن هذا الخروج ممكنا إلا بفصل الدين عن الدولة والمدرسة وإعطاء ما لقيصر لقيصر ومالله لله. وكان هذا هو السبيل إلى دخول عصر النهضة وبناء الدولة المدنية الحديثة التى تقوم على القانون لا على الفتوى، والمواطنين لا الرعايا. أما نحن العرب فنسير عكس حركة التاريخ، حيث نتسابق فى تدمير المكتسبات القليلة التى حققها آباؤنا وأجدادنا بالدم والدموع والعرق والتضحيات الجسام لوضع لبنة الدولة المدنية. وها نحن نهرول نحو إقامة الدولة الدينية القائمة على ولاية الفقيه وتسييس الدين وتديين السياسة التى هى دعائم العصور الوسطى. ومن يرى مبالغة فى ذلك ندعوه إلى رحلة إلى السودان الشقيق ليس للسياحة أو المشاركة فى "ونسة" سودانية حميمة، وإنما لحضور أغرب محاكمة يمكن تخيلها فى القرن الحادى والعشرين، هى فى الحقيقة محاكمة لا مكان لها سوى فى العصور الوسطى إلى جوار محاكم التفتيش سيئة الذكر والسمعة. *** محكمة تفتيش القرن الحادى والعشرين السودانية تمثل أمامها لبنى أحمد الحسن، تذكروا هذا الأسم جيداً، وهى صحفية شابة تكتب فى جريدة "الصحافة" ولديها عمود ثابت عنوانه "كلام رجال". وهى من الأقلام الشابة والتقدمية فى الصحافة السودانية الحديثة. أما تهمتها فهى ارتداء "البنطلون"، أى والله العظيم .. البنطلون، الذى اعتبرته الشرطة القائمة على تنفيذ قانون النظام العام "خطراً على المجتمع وقيمه السمحه"، لأنه بمثابة زى "يخدش الحياء والذوق"، وهى تهمة عقوبتها "الجلد" أربعين جلدة بشكل علنى وفقاً لنص المادة 152 من القانون الجنائى السودانى لعام 1991. يحدث هذا فى بلاد العرب فى عام 2009، بعد أربعين عاماً من هبوط الإنسان على القمر، وبعد عقود من صدور عهود ومواثيق حقوق الإنسان التى تحظر عقوبات الايذاء الجسدى، وفى مقدمتها الجلد بطبيعة الحال، كما تحظر التدخل التعسفى فى الحياة الخاصة لأى إنسان، أو فى شئون أسرته أو مسكنه أو مراسلاته.. ناهيك عن ملبسه!! ومن لا يريد أن يذهب إلى السودان ليشاهد هذه المهزلة على الطبيعة يكفيه أن يفتح موقع جريدة "سودانيز أون لاين"، العدد 25، ليقرأ على الإنترنت التقرير المثير لشاهد العيان "حمور زياره" الذى ينقل هذه الوقائع المذهلة ثانية بثانية وكأنه يقودنا فى "آلة الزمن" للعودة من المستقبل إلى القرون الوسطى، لكنه يعطينا فى نفس الوقت بصيصاً من الأمل، حيث ينقل لنا وقائع المواجهة البطولية لهذا التخلف الرهيب من قبل هذه الفتاة الرائعة، ومحاميها المحترم نبيل أديب الذى يمثل فى الحياة القانونية السودانية مكانة القديس نبيل الهلالى فى ساحة العدالة المصرية. ومن هذه الوقائع المشرفة رفض لبنى أحمد الحسن حصانة الأمم المتحدة التى تعفيها من المحاكمة، وكذلك رفضها صفقة الدكتور محيى الدين تيتاوى رئيس اتحاد الصحفيين السودانيين لشطب البلاغ مقابل تعهدها بعدم تكرار ارتداء ملابس مماثلة، ورفضها عفوا رئاسيا يرفع الحرج الدولى عن النظام ويبقى القوانين الشاذة. كل هذه التسويات والحلول الوسط ترفضها "لبنى" وهيئة دفاعها الواعية، وتصر على أنه لا حل سوى إلغاء القوانين المقيدة للحريات ووقف التغول على خصوصيات الناس وابتزازهم وإذلالهم عبر القانون باسم الدين والشريعة، وهى مستعدة للمضى إلى نهاية المشوار حتى لو تعرضت للجلد مثلما حدث لآلاف السودانيات على يد نظام بلاعقل ينتمى إلى العصر الحجرى. وهذه نقطة ضوء، وطاقة نور، تأتينا من الجنوب، تشد أزر كل الرافضين لاستمرار غوص العالم العربى فى مستنقع التخلف والوصاية على خلق الله.. علماً بأن "لبنى" ليست حالة فردية سودانية وإنما هى ظاهرة عربية.. لها تجلياتها المتنوعة بشكل أو بآخر فى هذا البلد العربى أو ذاك.

مرحب عبد العزيز

تحياتي