الشواطين القاعدين محكرين لينا فى منبر سودانيز اون لاين لعنة الله عليكم صباحا ومساء

اخوتى واخوانى

الف سلاما عليكم ومودتى

اولا قبل البدء كدى قولوا بسم الله واعوذ بالله من الشيطان الرجيم

حاجات كتير خلتنى افتح البوست دا من اجل التذكير بما يجرى فى هذا المنبر فى الفتره الاخيره من

حاجات جد ما مفهومه

يعنى المنبر بقى شمارات ونبذ واساءات بذيئه غريبه على الشعب السودانى وما امتاز به وسط الشعوب

بحسن الخلق والتهذيب و الاحترام ودى تربيتنا

لكن تلقى ليك بوست اساء وشتيمه فى لحظات الجماعه يجوا جاريين وكل واحد عاوز ينط فيهو قبل التانى

ومرات بضحك وانا بتخيل الهروله لذلك البوست وبتخيل وضع الناس بيكون كيف يعنى البجيك جارى وعاضى

جلابته فى خشمه وتلبت تلقاهو نطا وبقى فى نص المعمه وما عارف الحاصل شنو بس جاى للشمشره والنبذ

والغريبه تلقاهوا ما بيعرف سيد البوست ولا اتقابلوا ولا مره وشويه شويه هاك يا نبذ ولغاية ما

المساله تصل فى الاهل والاعراض

مسال غريبه تحتاج وقفه عقلانيه ودراسه

بس قولوا بسم الله واعوذ بالله من الشيطان الرجيم


ونواصل

طيب كدى نبدا بهداوه شديده

مرات بفتح المنبر والقى حاجات غريبه جدا و الواحد الدم يبدا يغلى فى الدماغ وامسك الماوس

وافكر اجى ناطى انا زاتى زى الباقيين بس الحمد لله اتعوذ من الشيطان الرجيم واستغفر الله وشويه كده

ازح الماوس واتحسر للحاصل قدامى

لكن ناس تانيين جرى على الماوس وطوالى تنط فى راسوا افكار شيطانيه تعمل ليهو تعطيل فى دماغه لكل

جميل مختزن هناك وتتعطل بسرعه فيوزه الخيره وتفضل لمبة الشر بس المولعه

والاغرب تابعت كثير من البوستات الغريبه وحاولت اشوف الكاتبه وبنظره سريعه على السيفى بتاعه تلقاهم

متعلمين واساتذه ودكاتره والما عند شهادات تلقاهو كبير وعاقل وابو عيال وود بلد ومن اسره كريمه


عموما متاكد اسع الناس سخنت و بدات تجهز للانقضاض على

عشان كد انا فى نظرى انو دا ما شيطان الانس يعنى بوضوح مش الاخوان المشتركين هناولكن شيطان الجن

التركنا ليهو مرتع خصب بينناونحنا نزعل بيناتنا وهو فرحان

وانا كتاكد نحن كسودانيين شعب طيب وكريم الخصال و البحصل دا بسبب شيطان ملعون من الله الى يوم

الدين

اهو بعد التعوذ من الشيطان الرجيم

نواصل

واله يا اخوي صديق كلامك صاح المشكلة هنا
في ناس كتار ببيعوا بضاعة رخيصة ولكن
للأسف دي المرغوبة في السوق اليومين ديل
يعني نحن شعب ماشي للهاوية وربك يستر

Quote: الشواطين القاعدين محكرين لينا فى منبر سودانيز اون لاين لعنة الله عليكم صباحا ومساء

والله الشياط..يين.....بتاعين المنبر "ديل"...زهجان...يين .... و قرفان....يين....لانو....ما.....لاق...يين...ليهم...زول عشان يفسدوهوا...و يفسدوأ "أخلاقوا".....برضو...."سودان...يين" ون لاين!!!!!

أذا فسدت "أمة" فسدت أخلاقها....و.... حالها....وسودانيوتها....و كل...شئ جميل تتباهئ به....

معاك....واصل....

ربك يستر....آمين


صديق - الدوحة

طيب بهداوه نواصل

بسال نفسى وجميع الاخوه البكتبو كلام بذى و غريب علينا كسودانيين هل بيتجراو ان ابناهم يشوفوا ما

يشغل ابوه او امه ساعات خلف الكيبورد وبيشرحوا ليهم هم بيكتبوا فى شنو اكيد لا والف لا لاننا

امه ذات خلق وهو بيستحى ان ابنائه واو اصدقائه يشوف الكلام الغريب البينكتب باصابعه ولكن المحير

اننا بنرسلوا لمنبر عام فيهوا ملايين من المتصفحين فيهم من بلغ الرشد وفيهم من لم يبلغه بعد وحتى

فيه زائريين غير سودانيين يعنى تصورا المنظر والوضع كيف وسمعتنا ح تكون كيف كسودانيين

والله بحلف صادق وبامانه انو اغلب المداخلات الغريبه الحصلت من ناس محترمين جعلتهم يفقدوا بعض

الاحترام من الاخريين ولو لحين

فى دواخلهم تالموا منه وغالبهم حاول سحبها وحتى اذا توفقوا فى سحبها لكن الضرر حصل ودا بخلينا

نكرر بكل فخر اننا امه طيبه وخيره ودواخلنا نظيفه بس كيف نحركها ونبوح بها

طيب شنو الحلل فى الورطه النحنا فيها

واكرر انو دا كلوا بسبب شيطان رجبم تركنا له نحن مرتعا بيننا

طيب نرجع شويه لتربيتناواخلاقنا وما اظن فينا هذا السوء الذى يجعلنا نتشاتم بهذا المستوى الغريب

وشنو كمان مع ناس لا بتعرفهم و لا التقيتوا ولا بالصدفه

وبعدين الغريب بقينا امه سهله ومرتع للشيطان و الامثله كتيره يعنى تلقى واحد الشيطان يلعب بى عقله

وتلبت يجى خاشى بوست ويولع النار والله مطافى العالم ما تقدر تطفيها و تلفاه فرحان ويضرب لاصحابه

بافتخار يقول ليهم افتح سريع ولعت ليك النار فى البوست الفلانى

او واحد تانى يام ليك فى واحد ويدور فيه من اهله ومرته و عياله وقبيلته بصوره تلقاهوا الناس

البتكلم عليهم ما عارف بيركبوا ليهم ياتوا مواصلات حتى

ما اختلفنا لازم تكون الناس عندها خلافات فى المعتفدات و التوجه وحتى الديانه وحتى طريقه الاكل

والنوم وعشان كده مافى زول عندوا حق يتدخل فى الاشياء الما عندوا فيها نفقه

والاشياء الغريبه كثير بالجد ومحيره خلاص

بس بتلقى بوستات فيها مناكفات بريئه وتسعد بقرائتها يعنى من منطلق الضحك والظرافه ودى مقبوله ما

دام الغرض منها برئ وفى حد اطفاء نوع من المرح الغير خادش للاخر

وباكد واقول اصلوا دا ما نحن السودانيين غيتو الشيطان لعنة الله عليه الى يوم الدين ونسال الله ان

يحمينا من شروره ويحفظنا جميعا

بس الواحد اتمنى قبل ما يهيج ويروح ناطى دردوب فى بوست يتعوذ من الشيطان الرجيم عشان ما يجرجروا

لقول السوء والفاحشه

يعنى ما يكفى انو هنا عندنا امثله كثيره لناس فقدت علاقاتها و الود بينهم بسبب مداخلات بذيئه

وحتى قطع علاقات بينهم كان فيها الود سابقا وبعدين ياخى حرام علينا نلبس بكرى كل هذه الذنوب الراجل

ما قصر وعمل حوش يسع الجميع وغرضه الخير اسع هو زاتو ورطناه فى ورطه الله يعينوا

اهو رمضان على الابواب وانشاء اللع يكون وقفه لنا جميعا مع النفس ومراجعة البلاوى الحلت علينا دى واكيد عندنا انفه غريبه يعنى الواحد احسن يموت وما يقول انا غلطان او متاسف للاخر لما اصابه منه من ضرر ناسين انو كل ابن ادم خطأ وخير الخطائيين التوابون

نسال الله ان نتوب اليه جميعا من اجل عمل الخير وان يباعد الله بييننا و الشيطان كبعد المشرق من المغرب ويديم بيننا المحبه والالفه ويظل فخرنا اننا سودانيون فخورون بانتمائنا له ونظل نغرسه فى ابنائنا كما غرسه فينا اسلافنا

وفق الله الجميع

ولعن الله الشيطان الرجيم الذى تغلغل بيننا وحفظنا واياكم من مساويه وفتنه

ولكم تحياتى ومودتى

اخي / وليد شريف
بعد التحية

ياربي انت وليد شريف شقيق جمال شريف
بتاع السوق الشعبي جامعة قاريونس ؟؟
لك وله التحية والسلام

Quote: ناس كتار ببيعوا بضاعة رخيصة ولكن للأسف دي المرغوبة في السوق اليومين ديل يعني نحن شعب ماشي للهاوية وربك يستر

اخى ايمن

ما المحير انو بنعرف الغالى بى غلاتو يضوقك حلاتوا والرخيص بى رخصتوا يضوقك مغستو

بس الشيطان لقانا بره الشبكه واتفسح فينا

الله يستر واعوذ بالله منو

Quote: اخي / وليد شريف بعد التحية ياربي انت وليد شريف شقيق جمال شريف بتاع السوق الشعبي جامعة قاريونس ؟؟ لك وله التحية والسلام

الاخ حاتم لا والله اسم على اسم
لكن انت قاصد وليد شريف بتاع بيوت الحجر
الديوم الشرقية صاح لو صاح بجيبلك اخبارو
تحياتي

Quote: والله الشياط..يين.....بتاعين المنبر "ديل"...زهجان...يين .... و قرفان....يين....لانو....ما.....لاق...يين...ليهم...زول عشان يفسدوهوا...و يفسدوأ "أخلاقوا".....برضو...."سودان...يين" ون لاين!!!!!

اخى صديق

من بوستك لباب السماء انشاء الله ما يوفقهم يفسدوا ويطلعوا من المنبر خائبيين ومزلولين

بس لعلى فاهم صاح!!!!!!!!!

ونكرر لهم اللعنه باسم المولى وانشاء فى رمضان الجاى يربطوهم بجنازير غلاظ

من الاسباب سبحان الله الخلتنى اكتب الكلام دا واتمنى دوما ان يكون مفهوم الجميع له خيرا

قبل الغداء كنت فاتح بوست غريب وبقرا لما الت فيه الحاله من شئ مؤسف بين البعض من غير الذكر

وكم تمنيت ان يكفوا عن ذلك لانهم اولاد ناس وغريب البحصل ليهم

المهم بتى بى حب استطلاع جات تشوفنى بقرأ فى شنو

تخيلوا رد فعلها شنو!!!!!!!!!

ما ممكن يا ابوى اكيد ديل واحد بيكتب باسمهم لانو السودانيين ما كده

من اجل ابنائكم وابنائنا تعوذوا من الشيطان لكى لا يفتن بينكم

Quote: بس لعلى فاهم صاح!!!!!!!!!

انا هنا عشان انت "صاح" مئة بالمئة....

لعنة الله عليهم الى أن .....يحترقوأ.....بكذبهم....وعذابهم الى آهل الارض....قبل عذابهم الى الآخرين....


لك مودتى ..واصل يا زول....

صديق

اعلم اننا شعب فيه خصال رائعه جدا يعنى من الصعب انو الواحد يسئ للاخر ونحترم بعضنا

عشان كده الواحد محتار وهل انو الواحد يترك الشيطان يتمكن فيهو الى الحد البخليه

يتعامل بمستوى تدمير الاخر او الفتن بين الاخوان واعلموا اخوتى ان الفتنه اشد من القتل

ودا كلوا بكرر انو من عمل شيطان الجن عشان تتعوذوا منه

طبعا دى دعوه للتسامح بين الجميع اتمنى ان تلقى صدى طيب لدى الجميع

وياخى الواحد لو عاوز يفتح بوست يعلم بانه ح يجر اساءه له ولغيره ان يفكر كثيرا

ويا جماعه كلكم شايف انكم فى درجات عاليه من العلم والثقافه

وما ممكن نكون مثالا للاخريين بهذا المستوى

عشمى ان لا يشعر اى شخص بانى استهدف اى شخصا كان ولكنى ولطول غربتى

التى طالت ببلجيكا افتقد عطر الوطن ودفئهه التى كان دوما لنا زادا فى تلك الغربه

القاسيه وظل وسيظل دوما كل سودانى اخا لى لذا من واجب الاخ ان يكون مرأه لاخيه من اجل

الخير وحسن الخلق

وبعدين شنو يعنى الواحد يسئ للاخر ويمرمط بيهو الواطه شنو كسب خلاص ح ياخد ميداليه

دوليه فى الاساءه و الفتن تبا لمثل تلك الانتصارات الزائفه

واصحاب الفتن يجوا طوالى لصاحبك ويقولوا ليه ياعمك والله انتى خطرى ولسانك طويل

والله داك يستاهل ولو سألتوا منو يقول ليك ما عارف اسمه بس ياخى النبذته داك وفى البوست داك

بس معقوله دى يا جماعه

ياخى دى ممممممما اخخخخلاقنا عليكم الله كفايه


واقترح انو الواحد يتعوذ من الشيطان قبل البدايه فى الكتابه

اكيد الامر ح يتبدل للاحسن

بسم الله الرحمن الرحيم
وأعوذ بالله من الشيطان الرجيم
وتشكر يا أستاذ يا فاضل
على الكلام المليان
الله يعطيك العافية
ويجعلوا في موازين حسناتك
قول آمين
مع خالص
إحترامي وتقديري

الاخ صدقى سلام
عدت اليوم من النرويج اوسلو بعد ذهابى هناك فى مهمة عمل و شفت مداخلتك
وعجبنى ما ذكرت فى مداخلتك
واقترح انو الواحد يتعوذ من الشيطان قبل البدايه فى الكتابه

معاك ميه فى الميه فى اقتراحك و الفوره مليون

شكرا اخى صديق


وبعدين الغريب واحدين تلقاهم زى العندوا مشكله خاصه بيهوا وعاوز يتنفس باى طريقه انشاء الله يفركش

فيها ناس مخطوبين وعلى وش العرس وحددوا كمان اليوم يجى قاعد ورا الكيبورد بتاعوا وخاتى ليه

كبايه شاى احمر ولا اخضر و لا عصير المهم لزوم القعده باختلاف انواع المشروب وعينك ما تشوف الا النور

ودقتين على الكيبورد يكون عمل ليك فتنه بى جلاجله

وياريت الواحد لما يصحى الصباح يراجع نفسه او يسحب البوست بتاعه لا تلقاهوا خلاص تمكن فيهو الشيطان

اللعين وبدا بزيد فى الكذب والنفاق بغير حق وهاك يا مصائب وبلاوى تحل على الجميع ويروح يطرش ليك حق

امبارح من جديد فى صينيه الفطور يعنى يومك كلوا تكون بطنك طامه من طراشوا

برضوا بكرر ليكم دا من عمل الشيطان اللعين الله يكفينا شره وفتنه

بس برضوا الواحد يكون امين مع نفسه والله اعرف كثير من الحالات ناس اتعرفت عبر المنبر دا وبقوا اكتر

من اخوان يعنى بالعربى كده يبقى ليك اخو جد جد

بس فى نوع تانى شيطان البورد خلاهم يتفارقوا ويتنابزوا بعد ما كانت تربطهم امكن علاقات جيره فى

الحله و لا درسوا سوا بس معقوله دى وعشان شنو ياخى كان عشان الميداليه حقوا نعمل حساب هنا واى

واحد داير ميداليه و حتى شهادة تقديريه نديها ليهو ونعمل ليهو حفله كمان بس الله يرضيكم عودوا

لصوابكم اخوتى وخلوا الكلام الغريب دا والله حرام شوشو اللعين قاعد يتفرج فيكم بمزاج واسع تلقاهوا

بيقول والله ديل حيرونى مالوم بقوا كده

برضوا بقول تعوذوا من الشيطان الرجيم عشان ما يعمل بلاوى اكتر من العملها

ويمشى يشوف ليهو حته تانيه خائب ويجرجر زيول خيبته مننا لانه نحن اكرم واشرف من ان نتركه يتلاعب

براحته ويسوى الداير يسويه

بس اكثروا من التعوذ من شرروه لعنه الله الى يوم الدين

Quote: اكبر هولاء الشياطين فرانكلين الذي يدعو للانفصال

هو مخير ومن حقوا ينفصل بس يعمل ليه منبر يسميهوا جوبا اون لاين

الاخت وجن

لك التحيه واسرتك

امين انشاء الله وانتى طبعا فى السعوديه يعنى لو ربك وعدك بالحج قريبا الوصيه فى الذمه

تدعى لناس المنبر بالهدايه و يبقوا كلهم اخوان اخوان

وفى رمى الجمرات لو لميتى فى شيطان البورد افلقيهوا بى طوبة اسمنت وكسرى ليهوا راسوا المليان فتن

دا

بس اسع تعوذوا من الشيطان الرجيم والله يصلح بين الجميع

دكتور كبار

حمدلله على السلامه

غيتو شيطان البورد دا يا نحن يا هو فى البورد دا بس دعواتكم لانو اكيد بالتعوذ منه

ح يفك البيرق لانه الدعوات لما تكتر عليه كرتوا بيحرق

بس دعواتكم و اكثروا من التعوذ بالله دا البيطفشوا مننا

قولوا امييييين

Quote: عدت اليوم من النرويج اوسلو بعد ذهابى هناك فى مهمة عمل و شفت مداخلتك وعجبنى ما ذكرت فى مداخلتك

أهو دا نوع الكلام البخلى الواحد يتعوز قبل ما يدخل المنبر

لزومه شنو النرويج وأسلو ؟؟ ما تدخل فى الموضوع طوالى وتريحنا

Quote: Quote: اكبر هولاء الشياطين فرانكلين الذي يدعو للانفصال

الاخ هاشم

لك التحيه

الاخ فرانكلين برضو سودانى واخونا ونحترم رأيه

بس السؤال دا رأيه و لا راى الشيطان الرجيم

بس يتعوذ من الشيطان اكيد ح يكون مع الوحده الطوعيه

من اجل السودان واهله

بس الواحد يتعوذ اولا وكلوا بيبقى خير

غيتو الشيطان دا الله يكفينا شروا

ياخى دا بيعمل عمايل عجيبه تلقى الواحد يكون فى القطب الشمالى ويفتح المنبر يلقى واحد

من القطب الجنوبى كاتب ليهو موضوع ما بيخليهم يتلموا لا مناخيا و لا جغرافياولا فكريا بس من باب

اى باب انشاء باب خشب اكلتوا الارضه طوالى الشيطان يتفنن فى السيطره عليهوا يروح داخل ليهو بى

نخرتوا المهم يصل لى مخوا ويلخبطوا ليك فوق تحت بس يخلى طايوقة الشر شغاله ولا بيوريها تعمل شنو

وتروح الطايوقه مدوره فى خلق الله المساكين لايدلهم ولا كراع فى الموضوع وصحبك مدور مره فى شفل

الواحد ومره فى اصحابه ومره فى حاجات ما مفهومه وقدر ما الشيطان ياخد نومه ويصحى يلفى اخونا لسه

مدور ويروح الشيطان يطلع بنفس الطريق الدخل بيهو يعنى بى نخرتوا ويجرها ليهوا لمان تتمرمط

بالواطه

هنا الواحد بيجيهوا تأنيب ضمير وشعور بالذنب و يستشير واحد صحبوا بيكون برضوا بالمنبر عشان

يواسيهوا ويدلوا للخير بس داك شيطانوا شغال ليك فيهوا مزمزه بمزاج وبيمرمط فيهوا بموضوع فتنهفى

بوست تانى من اجل الميداليه

ويعاديه ليك بى شيطانوا بروح صاحبك يعضى جلابيتوا وجرى لاقرب كى بورد يرجف زع المدمن ويخش ليك

المنبر ويكوس بس العناوين وهاك ياشتايم و كلام بذئ ما عندوا شغله غير مواضيع الفتن و الدواس

والردم

بس عليكم الله دا كلام دا

انا متأكد انوا الناس البيبهدلوا نفسهم فى البورد بالنبذ والكلام الفارغ لو تقابلوا وجها لوجه

اول حاجه اى واحد فيهم ح يصر انو التانى يمشى يتغدى معاهوا وياخى معليش ولا يهمك انا ذاتى ما عارف

ليه عملت كده وكلام زى دا عشان كده بقول ليكم نحن امه طيبه ونحسد على ترابطنا والشيطان الرجيم

اللئيم دا حاسدنا على دا عشان هو مريض وملعون من رب العالمين وبرضوا تسمعوا فى كلامه ياخى والله دا

حرام حرام فى حقنا و الناس الحولنا بالله كفى البيحصل دا

وبكرر اكثروا التعوذ بالله من الشيطان الرجيم

اها اللهم قد بلغت

لكم مودتى

اها ح نواصل انشاء الله

وايد فى ايد شيطان البورد يمشى بعيد

اميييييييييييين انشاء الله

الأخ العزيز صدقي .. الله يعينك في ما خضت فيه ..

والله يا صديقي الشيطان ذاتو يخيل لي برئ مما نحن فيه .. الشيطان نحن ذاتنا ...!!

وصلتني هذه الكلمات عبر البريد الإلأكتروني وأعجبتني جداً :

Quote: يا ترى كم مرة تكلمنا على بعض الناس من وراهم ؟ كثير صح ؟ ------------ --------- --------- --------- ----- قال رسول الله صلى الله عليه وسلم : لما عُرج بي مررت بقومٍ لهم أظفار من نحاس يخمشون وجوههم وصدورهم. فقلت: من هؤلاء ياجبريل ؟ فقال: هؤلاء الذين يأكلون لحوم الناس ويقعون في اعراضهم. يا مصيبتنا !! س: طيب وايه الحل ؟؟ ج: كفارة الغيبة بأن تعتذر للشخص وتطلب منه مسامحتك , وتندم على اللي عملته بس بعضنا بيقول انها صعبة شوية يعني بنخجل!! طيب فيه حل تاني !! الحل إننا كلنا نسامح بعضنا على كل غيبة أو خطأ صار بيننا سواء عرفناه أو ما عرفناهوش س:حنستفيد ايه ؟؟ ج: صدقة تؤجر عليها , وسبب لمغفرة ذنوبك قال تعالى : ( وسارعوا إلى مغفرة من ربكم وجنة عرضها السموات والأرض أُعدت للمتقين , الذين ينفقون في السراء والضراء والكاظمين الغيظ والعافين عن الناس والله يحب المحسنين ). س: طيب ازاي ؟ ج: قول معاي " اللهم إني تصدقت بعِرضي على الناس وعفوت عمن ظلمني فمن شتمني أو ظلمني فهو في حل" " اللهم إني سامحت كل من أغتابني أو ذكرني بسوء في غيبتي وأسألك في ذلك الأجر والمغفرة وبلوغ مراتب المحسنين " أرسلت لك هذه الرسالة لأني أُحبك , وسامحتك على كل أخطائك وغيبتك لي (كانت أولم تكن)!! واطلب منك مسامحتي علي اي خطأ او غيبة (كانت أولم تكن) فساهم في نشر المحبة والتسامح وارسلها لكل شخص لتخبره انك سامحته على اغتيابه لك , ولا تنسى مرسلها من صالح الدعاء لأنه أحبك وسامحك

الاخ صديق

لك التحيه

كتر خيرك على الكلمات الطيبات وانشاء الله فى ميزان حسناتك

Quote: قال رسول الله صلى الله عليه وسلم : لما عُرج بي مررت بقومٍ لهم أظفار من نحاس يخمشون وجوههم وصدورهم. فقلت: من هؤلاء ياجبريل ؟ فقال: هؤلاء الذين يأكلون لحوم الناس ويقعون في اعراضهم. يا مصيبتنا !!

اها شفت يا صديق الشغله ما لعب

عشان كده بنذكر بعضنا ولعنه على الشيطان الرجيم الى يوم الدين

غيتو حاجه تضحك

واحد صحبى ضرب لى الدقش بدرى من السودان قالى مالك يا زول

الزعلك منو فى البورد دا عشان ادور ليك فيهو احمى النوم وكان عرفتو ساكن وين امشى ليه فى بيتهم

وادقوا دقه صاح يعرف الله واحد

شفتو متل الفهم الغلط دا

قلت ليه يا اخوى ما عندى اى مشكله مع زول بس مشكلتى مع الشيطان الرجيم

اسع دور ليك فى صحبى المسكين فى السودان وكان داير يورطه

طبعا الشيطان متخصص فى حاجات كتيره مثلا

يدخل بين الاخوان ويفتنهم فى بعض

يدخل بيت ويهدموا ويخليهم يتطلقوا

المهم بلاويه كتيره لكن بتخليه حايم اليوم كله من شارع لى شارع ومن ضل لى ضل

ما عندوا اى موضوع

اها كراعه عترت ليه صدفه كده على بورد بكرى المسكين

دخل كده قال نشوف فى شنو جوه

لقى الشغله كلهم سودانيين و اولاد ناس وغير الكلام الجميل ما عندهم

الشغله دى زعلتوا شديد

بس جاتوا فى جرح لقاهم كلهم ملمومين فى حوش بكرى

يعنى الحوامه وسك الضل من حيطه لى حيطه ح يرتاح منها كل الحلويين بيلقاهم فى الحوش

اها سلم وقعد اول حاجه بكل ادب وادوهو كباية شاى كمان ما دا كرم السودانيين ما بتغير

فى الاول التبادى عمل ليك فيها ملاك وزول محترم

بس ديك مساكين ما عارفين دا شيطان جن فى شكل انسان برئ قاعد محكر فى نصهم

المهم بدا يوسوس للناس فى اضنينهم ودور ليك فيهم قرض

نحنا طبعا بنحب الهظار عشان كده الجماعه قايلنوا بيهظر

بكرى زاتو عجبتوا الشغله ما دام هظار والزول ما ود قبائل بيرحب باى ضيف

شفتو الشيطان دا مورطاتى كيف

شويه شويه زى نافخ الكير بدا ينفس خبايثوا فى البورد

ويستغل الناس الطيبين و اولاد القبائل

وياما ما عمل عمايل تشيب الراس

وبعدين الشيطان دا ماشى بينا للنار عددديل كده

هوى يا جماعه الموت من الحياه ما معروف

الله يصلح الحال قووووووووووولوا امين

مافى شك الشيطان ما ح يخلى اى واحد فينا

ما دا قسمه لله سبحانه وتعالى

يعنى عاوز يملى بينا جهنم!!!! بالله جنس حساده

يعنى ح نفضل معاهو فى جرجره كده

بس لو تعوزنا بالله منه ومن فتنه وبلاويه ح يفك البيرق

عشان كده يا اخوتى حاولوا تتجنبوا الفتن بينكم ما ظهر منها وما بطن

واهو والله مشتاقين للكلام الجميل و المناكفات الظريفه بين الاخوان الخاليه من الخدش والاساءه

والكلام المفيد كان علمى ولا اى شى ممكن نستفيد منه وما نخجل من قرايته

واياكم واياكم وان تتركوا الشيطان اللعين يبرطع بينكم

والله لانه اجبن من ان يفتك بامه مثلنا

ولنا من الخلق و حسن التربيه والمنبت

ما يستعصى عليه حتى ولو اتى بكل شواطين الدنيا

كلنا لدينا اخطاء والكمال لله وحده

بس الله يهدينا جميعا للخير

نحترم اولا انفسنا ونحترم غيرنا حتى لو اختلفنا

والكلمه الطيبه حسنه والحسنه بعشره امثالها

ليس القصد ذم احد او الاساءه لاحد لان اساءة سودانى هو الاساءه لى اولا قبل الاخر

هذا لو كنت اعتبر نفسى من تلك الامه الفاضله

والشر بيعم والخير بيخص

نسال الله ان نكون امة خير وقبل فوات الاوان اوقفوا تلك البلاوى

والمهاترات والاساءات الغريبه علينا

والغالبيه بدات تقول والله بقينا نكره بعضنا كسودانيين ونفتعل كل ما يمكن ان يستغل لضرر بعضنا

كم من شخص فتن اخاه من اجل ان يطرد من عمله

كم من شخص فتن بين اصدقاء واخوه

كم من شخص افسد وود قايم فى بيوت يعرفهاوصديق اهلها وولع فيها النار

والله لو عددنا فى ذلك اللسته طويله شششششششششششديد يا اخوان

يعنى دا كويس البيحصل دا اصصصصصصصصصصصصصصصصحوا يا ناس كفايه

كلنا نفخر بانتمائنا للسودان

كلنا اولاد قبائل ولنا اخلاق وادب يحسدنا عليه الجميع يعنى الجميل والشئ الحلو موجود فى دواخلنا

يعنى لو استغليناه صاح ممكن نصدر منه كمان للدول التانيه

بس الحاصل فى الوقت الحالى شئ يشيب الراس

نسال الله ان يباعد بين الشيطان وبيننا

اللهم لا نسالك رد القضاء ولكن نسالك اللطف فيه

وحقو نصحى شويه ونتعوز من الشيطان الرجيم


امييييييييييييييييييييييين ياالله


فتكم بعافيه

اها شوية حاجات جاتنى كده

واحد حقيقه صديق لقيتو الليله

قال لى والله جربت فكرتك واتعوذت قبل ما افتح المنبر

لقيت فى بوستات فيها يعنى كلام ما جميل

لكن اتعوذت من الشيطان الرجيم ودعيت للزول بالهدايه

اسع دى ما نعمه بالله يعنى ممكن الهدايه تجى من دعوة زول فينا

ودى المحريه والله يا جماعه

حقوا نواصل كده وصدقونى ح نرجع لعهدنا القديم الفيهو جمال الاخلاق

بس دا موضوع متروك للجميع وتكون النيه صافيه


والله يهدينا


قولوا امييييييييين يا رب

العزيز صدقى

احترام اعراض الناس و شرفهم واجب دينى قبل ان يكون اخلاقى

وبدل التعله عليهم اسال الله لهم الهدايه حتى لا يعالج الخطا بحطا افدح منه

تقديرى ومودتى

Quote: احترام اعراض الناس و شرفهم واجب دينى قبل ان يكون اخلاقى وبدل التعله عليهم اسال الله لهم الهدايه حتى لا يعالج الخطا بحطا افدح منه

الاخ يوسف

لك التحيه

اتفق معك مائه فى المائه فى ما قلت اولا

واسال الله انا يهدينا ويهدى الجميع لما فيه الخير

والمؤمن مرأة اخيه

وهى دعوه للتسامح بين الجميع ويكفى اننا سودانيون فهذا فخرا لنا

تحسدنا عليه امم كثيره


لك احترامى وشكرى