بالطريقة دي ... سيد البلد ده يوم بقتل ليهو زول !!

والله غلبنا النقولوا

وغلبنا النسويهو

كل يوم ماشين لي ورا

نفس الملامح من مباراة لي مباراة

ما بنعرف الحاصل شنو

وين المشكلة ما عرفنا

من نهاية الموسم الماضي

ونفس الطريقة في اللعب

بل اسوأ

معسكر قطر ما نفع

معسكر القاهرة ما نفع

دو سانتوس ما نفع

كامبوس ما نفع

طريقة الهلال البلعب بيها دي ما تشبهنا

ولا بنعرفها

ناس اخنق فطس ديل وشتت بعيد لي قدام ديل ما نحن

يعني نقول شنو

يا حليلك يا ريكاردو

يا حليلك يا يوسف محمد

يا حليلك يا داريوكان

يا حليلك يا ريتشارد

اها السنة دي الطريق ممهد لاي فريق من الثمانية لاحراز كأس الاندية الابطال الافريقية

وفريق باسم الهلال وحجم الهلال وجماهيرية الهلال مفروض يكون المرشح الاول لذلك


ولكن بالطريقة دي والمستوى ده

الهلال ده ما حيقدم لينا اي كاس

ولو بالطريقة دي ... سيد البلد ده يوم بقتل ليهو زول !!

كويس اعترفتوا براكم انه مواسيركم مخستكة

الأخ جمال السنوسي ..
تحية طيبة .....

المدرب العالمي كامبوس لا يحتاج لشهادة من أحد فسيرته الذاتية تكفي ولكن ..طريقته الجديدة (السلسلة )طريقة جديدة على اللاعب السوداني سوف تستغرق وقتا حتى يهضمها ولا يوجد اي شخص عاقل يطالب برحيله الآن ...هذه الطريقة تحتاج لطاقة ولياقة عالية وهو ما يفتقده لاعبي الهلال ما عدا قلة .... هذه الطريقة لو تم تطبيقها بالشكل المطلوب صدقني حا تقول كلام تاني .... الطريقة يلعب بها الثعلب الفرنسي ارسن فينجر مدرب الارسنال الانجليزي وهي التي جعلت الارسنال يصبح من افضل فرق العالم في فترة من الفترات لو تذكر .... الشفقة ما كويسة .... رغم الاداء الباهت امس الا انك تحس بان هذا الفريق ورغم اداءه الباهت ولكنه منظم ...حيث ان كل لاعب رغم انه لايؤدي ما طلب منه باكمل وجه الا انه يحاول ان يتقيد بالتعليمات ...وهذه محمدة اذ ان الفريق يسير نحو التنظيم واينما وجدت فريق منظم فذلك يعني (نتائج ) اكرر ( نتائج) ممتازة ..ربما لا ترقى لتطلعات الجمهور ولكن الفريق يكتسب قوة من مباراة لأخرى ...

لك العتبى
وشكراً ..
مودتي

اسامة

Quote: الأخ جمال السنوسي .. تحية طيبة ..... المدرب العالمي كامبوس لا يحتاج لشهادة من أحد فسيرته الذاتية تكفي ولكن ..طريقته الجديدة (السلسلة )طريقة جديدة على اللاعب السوداني سوف تستغرق وقتا حتى يهضمها ولا يوجد اي شخص عاقل يطالب برحيله الآن ...هذه الطريقة تحتاج لطاقة ولياقة عالية وهو ما يفتقده لاعبي الهلال ما عدا قلة .... هذه الطريقة لو تم تطبيقها بالشكل المطلوب صدقني حا تقول كلام تاني .... الطريقة يلعب بها الثعلب الفرنسي ارسن فينجر مدرب الارسنال الانجليزي وهي التي جعلت الارسنال يصبح من افضل فرق العالم في فترة من الفترات لو تذكر .... الشفقة ما كويسة .... رغم الاداء الباهت امس الا انك تحس بان هذا الفريق ورغم اداءه الباهت ولكنه منظم ...حيث ان كل لاعب رغم انه لايؤدي ما طلب منه باكمل وجه الا انه يحاول ان يتقيد بالتعليمات ...وهذه محمدة اذ ان الفريق يسير نحو التنظيم واينما وجدت فريق منظم فذلك يعني (نتائج ) اكرر ( نتائج) ممتازة ..ربما لا ترقى لتطلعات الجمهور ولكن الفريق يكتسب قوة من مباراة لأخرى ... لك العتبى وشكراً .. مودتي اسامة

كلااام عقل اخ اسامه فعلا محتاجين نصبر شويه

تسلم...


اخ جمال..

تحيات..و الاستعجال ما كويس
هناك تطور و لكنه بطئ فى اداء الفرقة الهلاليه
و اكيد حتى يهضم اللعيبة الطريقة الجديدة دايرين وقت
و براك عارف اللاعب السودانى و مشكلة سرعة الاستيعاب...

يديك العاافية...