نقلا... عن الصحف الرياضية النيجيرية...عفوا.. الكاف يهكر موقع الصدى؟؟؟؟؟

يوم الصبحية يا جوته

بالمناسبة الصبحية دى ما اخت صبحى

ده اليوم البعد الدخله زمن عرس فؤاد منير وودمسيك
اما الان الصبحة فبل الدخله

طبعا انا ما حضرت الزمن داك لكن حبوبتى هيفاء حدثتنى بيهو
المهم
عناوين الصحف كالاتى :
الامطار والاحوال الامنية تتسبب فى الهزيمة
تعليق : انتو المطره دى لسع ما طلعتوا ليها الجنسية ولا الجنسيات الاداكم ليها الزبير بشير طه وزير الداخليه السابق كملت

هام : استخرجت جنسية ايداهور فى عهد الوزير الحالى بتوقيع الوزير السابق
والله نحن بنشكك فى جنسية وليد جنبلاط واسحق رابين ومزيلمه الكذاب ونطالب بفحص بصمتهم مع بصمة علولو
لكن وزير الداخلية ظااااااااااااااتو قالو ارترى
عشاااااااان كده توقيع الزبير ماشى
هههههههههههههههههههههههههه
صحيفة اخرى :
طوينا وقفلنا ملف كانو النيجيرى
هام :
ارجو من الصحفى عبده قابل مدنا باحصائيه للملفات التى قفلت ولم تفتح فى عهد الوالى الغالى

تخريمة :
اسم الوالى ده ينفع لاعب كره زى محمد عبدالله الوالى الحريف الرهيف رحمه الله
واسم صلاح ده ينفع رئيس

تخريمة مجنونه :
ناس البعيو جابو صلاح لاعب كره والوالى رئيس
شطبو الاول (سايقا صلاح )
وغلبهو يشطبو التانى
رئيس طوالى
وصيف طوالى
لكن وصافة الابطال صعبة المنال

واخيرا :
اذهبوا فانتم الطلقاء
او كما قال قسم خالد


المصدر
http://www.punegraduates.com/forum/showthread.php?t=654[/B]

* الشكاوي وزوبعة الاعارة..لم تخرج الوصيف من حالته المتأخرة التي يعاني منها.
* ها هو ابراهومة يستقيل من الجهاز الفني للمريخ ...ورادان يقال ..ومازدا يرجع تاني.
* يعني بطولة سيكافا التي كلفت خزينة الدولة 2 مليون دولار ..لم يستفد منها المريخ في شيء.
* اولا فقد كأسها وجاء واصبح وصيفا فيها.
* انتوا ناقصين واصافة...عشان تشتروها بي 2 مليون دولار.
* من بعد جاء المريخ وتعادل في البطولة الافريقية في ملعبه امام الهلال.
* من ثم كان تعادل المريخ امام الاهلي مدني في بطولة الدوري الممتاز.
* اما الاسوأ من كل هذا ان المدرب الذي قاد المريخ في سيكافا تمت اقالته وهذا يعني ان المريخ يحتاج الي فترة اخري ليستطيع مازدا ان يعود بالمريخ الي سيرته الاولي.
* طبعا سيرة المريخ الاولي هي الخسارة بالسبعة.
* مازدا مدرب ارتبط مع المريخ بالكوارث.
* مازدا هو اول مدرب تتم اقالته خارج البلاد ويعين بدله معلق رياضي.
* ومازدا هو الذي خسر المريخ في عهده امام الصفقاصي برباعية والمريخ يلعب علي ارضه ووسط (حكامه).
* ومازدا هو الذي خسر فريقه بسباعية وعاد بعد الخسارة ليتحدث عن البرد والمطر وتقل العجب.
* مازدا يعود بعد سيرته تلك ليقود المريخ مرة اخري.
* والشيء بالشيء يذكر.
* البرد موجود والمطر موجود ومازدا موجود..وتبقت السبعة فقط.
* رادان مسكين...مدرب كان لا بصرح ..لا بكورك ليه في لاعب ..لا بهاجم ليه حكم.
* مدرب اكتر حاجة بعملها بولع ليه سيجارة.
* رادان كان في حالو.
* المسكين شالوه في رمشة عين.
* في رمشة عين بعدوك يا حنين.
* رادان اول مدرب تشيلو (المطرة).
* شالتو مطرة.
* مازدا طبعا كان هو المدرب الشالو (البرد).
* الخريف يجي ..يشيلوا (رادان) ...الخريف يفوت.. يجي الشتاء يشيلوا مازدا.
* مازدا يشيلو (البرد) وترجعو (المطرة).
* المريخ دا الظاهر عليه ما برتاح إلا في الصيف.
* الصيف في عينك.
* فريق هو والا منتجع.

انتوا يا ناس المريخ رادان دا هو الما عرف يكتب الشكوي عشان تشيلوه.
* رادان ذنبو شنو؟.
* رادان خلوه.
* ريتشارد دا من شهر اربعة ما لعب ليه كورة ..ناس المريخ عشان يقنعوا ليك ناس الهلال اعطوه جائزة نجم المباراة.
* والله نحن ما كنا بنفتكر المريخ دا تعبان للحد دا.
* لدرجة ان ريتشارد بقي نجم المباراة.
* يعني لو جاكم (صبري الحاج) بعد العمر دا كلو ببقي هداف الفريق.
* عشان تعرفوا الفرق بين الهلال والمريخ.
* لاعب شطبو الهلال من ديسمبر الماضي جاء واصبح افضل لاعب في المريخ في اول مباراة يلعبها.
* الغريب في الامر ...ان شباك المريخ استقبلت هدفين كان ريتشارد سببا في ولوج تلك الاهداف في شباك المريخ.
* قلنا ليكم ريتشارد سوف يشكل اضافة قوية للهلال في المريخ.
* ان شاءالله ريتشارد يكتب ليكم (الشكاوي).
* ناس المريخ قالوا سفروا مرق يحترف في عمان عشان يرجعوه في ديسمبر.
* لو اي زول عندو صورة قديمة للهلال وصورة حديثة للمريخ ح يكتشف ان الجماعة ديل فعلا (ضلنا).
* هلا 97 كلو بقي يلعب في المريخ.
* قالوا ليك مرة قدامي لاعبي الهلال كان عندهم اجتماع ..تمرين المريخ طرشق.
* طمبل ومجاهد وريتشارد تذكروا ديل متين اتسجلوا في الهلال.
* الباشا واكرم وكلتشي خلوهم.
* في حراسة المرمي (اكرم) كان في الهلال.
* في الدفاع ريتشارد والباشا.
* في الوسط مجاهد.
* في الهجوم طمبل وكلتشي.
* وليد طاشين قال قافل تلفونو الايامات دي ...خايف ناس المريخ يجوه.
* في الهلال طبعا في فييرا وحمودة وسامي وايفوسا ...لكنهم كلهم لاعبين صغار في السن.
* قالوا ليك جمال الوالي وعد المريخاب بتسجيل مهند الطاهر بعد عشر سنوات.
* اما النعيم رونالدينو فقد قال جمال الوالي انه سوف يسجله في المريخ بعد عشرين سنة.
* عشرين سنة ما كتيرة.
* السنة بقت تجري سريع.
* انتوا اتخيلوا دفاع المريخ فيه امير دامر وريتشارد ولاعب ضدهم النعيم رونالدينو.
* دا برد عديل.
* كوميديا بس.
* والله امبيلي يلم في دفاعكم دا يرجعوا ليكم كلو تحت السن.
* سفاري مسكين ..قالوا بعد مباراة القمة الاخيرة وبعد الذي فعله فيه امبيلي ..طلع بعد المباراة يسأل : انتوا امبيلي دا كرتو وصل؟.
* سفاري حسب رأيه ..قال الشكوي مفروض يقدمها المريخ في امبيلي.
* امبيلي جاب ليه فلايت.
* قلنا ليك يا سفاري ..امبيلي دا فني فك وتركيب (ركب).
* الركبة ما بتأخذ معه 20 ثانية.
* انتوا ذاتو ما عارفين تلقوها من منو؟..وإلا منو؟.
* شيء برد وشيء مطر وشيء امبيلي.
* الامبلة دي مع المطر حاجة ما بتخلص.
* قالوا ليك واحد كان بحضر في كورة المريخ والامل في التلفزيون ..اثناء حضوره للمباراة في واحد صاحبو ضرب ليه تلفون من كسلا.
* قال ليه: عندنا مطر شديدة خالص.
* صاحبكم طوالي وقف صاحبو وقال ليه دقيقة ..النقفل التلفزيون ..ناس سفاري ديل لو سمعوا بي مطرة كسلا ما بنستروا لينا.
* المريخاب طبعا سجلوا ريتشارد عشان يثبتهم في الخريف..قالوا الزول دا اسمو (قلب الاسد) وكان بيلعب في الهلال..يعني بكون ما عندو مشكلة في المطر.
* الجماعة ما عارفين ان ريتشارد دا الهلال شطبه بعد مباراة اينمبا.
* اصلو ريتشارد لقيناه فيه اجنة (وصيفية) في المباراة ديك..اكتشفنا انو ما بعرف يلعب في المطر.
* طوالي ناس الهلال شطبوه.
* زول ما بثبت في المطرة ما بنفع معانا.
* حركات الوصيف دي في (البرد) كرهاننها.
* الطريف في الامر ...انو في واحد من ناس المريخ قال لي وقت المريخ سجل ريتشارد ...ان المريخ اخيرا وجد خليفة البوسني نجاد.
* المعروف ان البوسني نجاد لعب في المريخ 15 يوم.
* اسكراتش بي عشرة ..بكمل من اول مكالمة ...خاصة لو بقت المكالمة دي عالمية.
* عالمية في البرد دا.
* الحاجة الما عارفنها انتوا ...حصلت في مدني.
* قالوا ليك امير دامر بعد مباراة الاهلي والمريخ في مدني سأل طبيب الفريق وقال ليه : انت تعال هنا ..في نضارة هوا ..وفي نضارة شمس ..وفي نضارة قراية ...نضارة مطر ما في؟.
* الدكتور ما عرف يقول ليه شنو؟.
* يقول شنو في (البرد) دا ؟.
* المهم المطر والطين والبرد ...دفع ثمنهم رادان ...وفي رمشة عين بعدوك يا حنين.
* حنين مين يا عم؟.
* ملحوظة: حنين في البرد دا.
هوامش
* نجيلة الهلال بقت كيف؟.
* قالوا النجيلة بقت تمسكل.
* السور البلجيكي قالوا من اسبوع واحد قدر يتأقلم علي الاجواء في السودان.
* ادارة الهلال عليها ان تعجل بحسم موضوع ايفوسا.
* هل يعقل ان تحسم ادارة نادي الهلال موضوع كابوندي وسادومبا الذي حام كرته حول خمس دول وتفشل ادارة نادي الهلال في حسم موضوع كرت ايفوسا.
* وسط الهلال ينقصه فقط ايفوسا.
* الهلال يحتاج الي ايفوسا بشدة ...والاتحاد الافريقي سوف يقفل باب اضافة لاعبين في كشوفات الاندية المشاركة في البطولة الافريقية في اغسطس.
* الملاحظ في تصريحات الدكتور كمال شداد انه اشار الي تكوين لجنة لفحص الشهادة الدولية لانتقال سادومبا للهلال ليحدد الاتحاد ان كان اللاعب انتقل للهلال عبر الاعارة ام انتقل عبر شراء كرته بصورة نهائية.
* هذا يتنافي مع تصريحات الدكتور كمال شداد حول قضية طمبل.
* بمعني ان (الاعارة) قد تكون غير واضحة ..وإلا ما بحث الاتحاد العام عبر لجنة كونت من ضباط الاتحاد الاربعة موضوع سادومبا لمعرفة ان كان معارا او غير معار.
* موضوع طمبل يتجه نحو الهلال.
* هذا مع التنبيه ان كنبة الهلال لا تحتاج الي طمبل.
* لكن الحق حق.
* طمبل في مدرجات الهلال ما عندنا ليه طريقة.
* طمبل مين يا عم؟.
* مجلس ادارة نادي الهلال هناك امر تعامل فيه المجلس بدون دراية..ذلك الموضوع الذي اهمل فيه مجلس ادارة الهلال هو موضوع صالح عبدالله الذي ابعد عن تمارين الفريق رغم ان صالح لاعبا بالهلال.
* اذا كان مجلس الهلال بحل مشكلات اكثر تعقدا وبتوسط حتي لحل مشكلة ريتشارد حتي يسجل في المريخ لماذا يتعامل بهذه القسوة مع اللاعب صالح عبدالله.
* صالح لاعب ينتظر منه ..واظن ان الفترة الاخيرة سوف تصبح له درس مفيد.
* لا يعقل ان يتمرن مع الهلال يوسف التاج وغسان وهما خارج كشف الهلال ..بينما يظل صالح عبدالله بعيدا عن الهلال.
* نتمني ان تحل مشكلة صالح عبدالله خاصة ان شقيقه يلعب في الهلال ونثق ان صالح سوف يعود بثوب جديد.
* جعفر بركية لاعب ينتظره مستقبل كبير.
* لماذا وقف الهلال المباريات الودية التي يلعبها بالصف الثاني.
* كانو النيجيري قالوا راصد تصريحات همد.
* شيلوا شيلتكم.
* الجماعة ديل جهزوا ليكم (المطرة).
* خبر عاجل: ناس المريخ لو سجلوا عماد الطيب نص مشاكلهم بتتحل.
__________________

شكرا
عبدالرحمن عبدالكريم الأمين عبدالرحمن


نفس المصدر

الواحد يشوف بوستك 2 و 12
ظلم
وتزوير
وعك كروي
وأوت يعدوه كورنر
غايتو جنس غايتو

بيان هام
نسبة لما لمايمارسه المدعي مزمت أبو الفاهم
الذي ادخل أدب التعصب والتربص والاستهداف المستمر وجعله مصدر لأكل عيشه
ومظاهرة المزملاب (المريخاب سابقاً) له فيما يدعيه من ترهات ثبت خطلها وبطلانها بالدليل القاطع- رغم انكار البعض من الوصيفاب المزملاب لغير ذلك لنقص ضوء الشمس لديهم بصفة مستمرة وتعرضهم للاستلاب الكامل من المذكور - رغم وضوح استخدامه لاساليب فاسدة منها الرشوة للمصادر أو على الأقل تعريضهم للمسألة من جهات عملهم لكشفهم لأسرار العمل والكذب الضار، فإنني أعلن لكافة الهلالاب أنصار سيد البلد أن يقفوا ضد المريخ اليوم وأن يدعوا بهزيمتة، وذلك رداً على ترهات هذه الدعي وتابعيه من المزملاب والبورداب..
بالله حسع أنا يقدر أدعي إنو عمر الفاروق مسح ايميل رسلو ليه تمبس

جاوب ياعم حمزاوي؟؟؟؟