Post: #1
Title: طلع قمرنا
Author: نادر السوداني
Date: 07-31-2009, 09:54 PM
Parent: #0
طلع قمرنا صحي الليل
خلي السماء فرحة ومواويل
ضي ألنجوم زي القناديل
ألفرحة خلت قلبي يميل
إتجمعوا كل ألأحباب
سألوا القمر ولا ردة جواب
كان يجري أية لو ليل ونهار
تكسب بضيك فينا سواب
قال ألقمر أسمحلي يا ليل
أسهر بضيي لوقت طويل
خلي ألقلوب ألعاشقة تشيل
من ألجمال لو حتي قليل
غني ألقمر علي بصوتة
وصوتو كان ضي سكوتو
الفجر شقشق ونحنا معاة
حلف ألقمر واللة ما فوتوا...............................كلمات نادر السوداني
هذة العمل من ضمن مجموعة اغاني انتجتها شركة حصاد بعنوان / مسدار / من عشرين سنة /
ولا زالت محافظة علي رونقها وحداثة مضمونها الي يومنا هذة / وجهة نظر خاصة بي
يا كستاوي الرجاء مساعدتي لرفع هذة الغنية لمن يريدون سماعها واكون شاكر ياحبة ........انا في انتظارك ياجميل
|
Post: #2
Title: Re: طلع قمرنا
Author: محمد الجزولي
Date: 08-01-2009, 04:47 AM
إعلان حضور وتحية واشوااااق ...
ـــ
| Quote: مساعدتي لرفع هذة الغنية |
بكري معطل الأمور كلها .. يعني الفريق اصبح خَلاَ ..
|
Post: #3
Title: Re: طلع قمرنا
Author: نادر السوداني
Date: 08-01-2009, 07:15 AM
Parent: #2
ود حلتنا الجميل ود الجنرال واللة مشتاقين لقيت روحي بسمع في الغنية موضوع البوست
قلت لابد من مشارتة كل الحباب في هذة التجربة المتواضعة وبرضوا نغير من جو البورد الزي
اصبح زي الفلم البايخ وانت مفروض عليك مشاهدتة / ولي شلاقتي كتبت العنوان ونص الغنية
وقعتة الكلك في جهاز الجن دة لحدي ما غلب حماري وقعتة اقول // يا ابوا مروة ..............ها ها ها
قايتوا لو ظهرا لينا سمكرجي بتاع نت يمكن نقدر نسمعة وكان ما ظهروا اهة دة اللة ودي حكمتوا يلا البركة في شوفتك
|
|