Post: #1
Title: نشر (3) آلاف رجل مباحث في مواصلات العاصمة
Author: نوفل عبد الرحيم حسن
Date: 07-30-2009, 03:52 PM
Parent: #0
شرعت إدارة مرور ولاية الخرطوم في نشر (الف) فرد من المباحث المرورية بالزي الملكي داخل المواصلات العامة بولاية الخرطوم على ان يرتفع العدد الي (3 الاف) خلال الثلاثة أشهر المقبلة في خطوة هي الاولى لرصد مخالفات أصحاب المركبات خاصة الحافلات وقال مدير الإعلام بشرطة مرور ولاية الخرطوم المقدم شرطة مالك عثمان الحسن ان الإدارة قامت بتوزيع (الف) شرطي بالزي الملكي على المواقف وداخل الحافلات (مثلهم ومثل الركاب) واوضح ان ما يسموا بمباحث المرور يحملون استمارات داخل الرحلة يقومون بتسجيل المخالفات المرورية كالسرعة الزائدة والتخطي الخاطئ وربط حزام الأمان فضلاً عن تجاوز الاشارات المرورية ، وقال الحسن ان رجل المباحث من حقه ان يقتاد السائق (المخالف) الي قسم شرطة المرور بعد تفريغ العربة من الركاب واجراء الملاحظات القانونية ضده وبحسب صحيفة الرائد اضاف ان الحملة التي بدأت أمس الأول اوقفت خلالها شرطة المرور عشرات الحافلات واخلاء سبيلهم بعد الإجراء .
http://www.sudaneseonline.com/news.php?action=show&id=14027
ناس المرور ديل جادين ؟
والافراد ديل ح تكون مهمتهم يركبوا من اول محطه وينزلوا اخر محطه عشان يضبطوا المخالفين بس ؟
وح يركبوا بقروش زيهم وزي المواطن ولا مجان ؟ ولو بقروش الحا يدفع التكلفه دي منو وليه ؟
ولا القصد انه يزحموا المواصلات اكتر مما هي مزحومه ؟
يكون دا ابتكار جديد لقبضة الامن الحديديه وعملوها حركه في شكل وردة ؟
|
Post: #2
Title: Re: نشر (3) آلاف رجل مباحث في مواصلات العاصمة
Author: Abu Eltayeb
Date: 07-30-2009, 04:30 PM
Parent: #1
| Quote: شرعت إدارة مرور ولاية الخرطوم في نشر (الف) فرد من المباحث المرورية بالزي الملكي |
امكن خصحصة شرطة المرور الي جهاز الامن, لمتابعة اخبار لبني و لاهاي و انقطاع تياري المويه و الكهرباء
لطفي
|
Post: #4
Title: Re: نشر (3) آلاف رجل مباحث في مواصلات العاصمة
Author: نوفل عبد الرحيم حسن
Date: 07-30-2009, 04:35 PM
Parent: #2
سلامات يا لطفي
الاجراء لا يسنده منطق معقول .. كان الاولي نشرهم علي امتداد شوارع العاصمه بزيهم الرسمي المعروف
او
يمكن يكون الامر كما قلت ... ما تستبعد منهم شي
|
Post: #3
Title: Re: نشر (3) آلاف رجل مباحث في مواصلات العاصمة
Author: tarig alnour
Date: 07-30-2009, 04:32 PM
Parent: #1
سلام نوفل
| Quote: شرعت إدارة مرور ولاية الخرطوم في نشر (الف) فرد من المباحث المرورية بالزي الملكي داخل المواصلات العامة بولاية الخرطوم على ان يرتفع العدد الي (3 الاف) خلال الثلاثة أشهر المقبلة في خطوة هي الاولى لرصد مخالفات أصحاب المركبات خاصة الحافلات |
فى اعتقادى هى خطوه ايجابيه من ادارة شرطة المرور ولاية الخرطوم لمواجهة عبث واستهتار
معظم سائقى الحافلات الامر الذى بات ملحوظا فى الشارع العام فى الاونه الأخيره .
Quote: ناس المرور ديل جادين ؟
والافراد ديل ح تكون مهمتهم يركبوا من اول محطه وينزلوا اخر محطه عشان يضبطوا المخالفين بس ؟
وح يركبوا بقروش زيهم وزي المواطن ولا مجان ؟ ولو بقروش الحا يدفع التكلفه دي منو وليه ؟
ولا القصد انه يزحموا المواصلات اكتر مما هي مزحومه ؟
|
قارن التكلفه بتكلفة الارواح التى يمكن ان تزهق من جراء العبث الصبيانى الذى يمارسه معظم سائقى
الحافلات
|
Post: #6
Title: Re: نشر (3) آلاف رجل مباحث في مواصلات العاصمة
Author: نوفل عبد الرحيم حسن
Date: 07-30-2009, 05:54 PM
Parent: #3
وعليكم السلام يا طارق
اتفق معاك تماما بأن الحاله المروريه تحتاج الي ضبط ومراقبه لصيقه
بعض سائقي المركبات العامه لا تهمهم روح المواطن بقدرما يهميم جني الاموال والتسابق من أجلها
لكن الاجراء الذي اتخذ غير سليم و لا يساهم في حل الاشكال بل هو تعقيد للوضع وزيادة لكثافة مستقلي
المواصلات العامه .. وسيساهم - قطعا - في تعطيل المواطنين عن اشغالهم واعمالهم بتحرير المخالفات
المروريه اثناء الرحله من والي .. لن يلتزموا بالفقره التي تنص علي تحرير المخالفه بعد افراغ
المركبات من مستقليها ...
اذا كانت تهمهم ارواح المواطنين فالاولي هو معالجة مشاكل السير بتحسين الطرق وتوسعتها
وتدارك الاخطاء الفنيه والهندسيه عليها .. وليعملوا علي ايقاف مآسي المرور السريع في شارع مدني وغيره من الطرق التي تحصد ارواح عشرات الموطنين ..
عميق شكري
|
Post: #5
Title: Re: نشر (3) آلاف رجل مباحث في مواصلات العاصمة
Author: مزمل خيرى
Date: 07-30-2009, 04:43 PM
Parent: #1
نوفل
طبعا لمن قريت الخبر دة فى الجرائد ضحكت حتى بانت نواجزى زى مابقولوا ..
ياخى حافلات الحاج يوسف برااااها قريب 3 الف حافلة خلى الخرطوم وامدرمان
ديل حيعملوا ازمة فى المواصلات لو فعلا القرار دا اتنفذ ..!!
المقدم شرطة مالك عثمان الحسن اعرفة حق المعرفة
ويحترم الاعلام والاعلاميين جدا بحكم موقعة ..لكن
ياجنابو مالك الكلام دا بيخش الراس .؟؟
القرار دة محتاج لدراسة تانية ..!
معقول العسكرى تكون شغلتو يركب الحافلة
ويصل اخر محطة ويركب تااانى حافلة من اول النمرة .؟؟
يعنى اليوم كلو راكب الحافلات .؟؟
طيب ما اخير يشتغل كمسارى وهو بتاع مباحث متخفى
اقل حاجة يكون مصدر دخل أضــــافى ليهو ..!!
بالله مش فكــــرة .؟؟
|
Post: #7
Title: Re: نشر (3) آلاف رجل مباحث في مواصلات العاصمة
Author: نوفل عبد الرحيم حسن
Date: 07-30-2009, 06:05 PM
Parent: #5
مزمل كيفنك
ان شاء الله يطبقوا القرار دا علي المركبات الخاصه برضو
ويجيك واحد ينط ليك في عربيتك وما تقدر تقول ام بغم
القرار دا عجيب وغريب يا مزمل
وزي ما قلت ح يعملوا ازمه في المواصلات .. عايره وادوها صوت
بعدين فكرتك في انه يكونوا كماسره في الحافلات دي زي فكرتهم المخستكه دي يا مزمل
يعني عايز ناس المباحث يقبضوا مرتبين ؟
طيب والكماسره المساكين ديل ياكلوا عيش من وين ؟ ولا يضايقوهم في رزقهم كمان ؟
اوعي تكون رجل مرور متخفي ؟ ( وش ضاحك وباينه نواجزه )
|
Post: #8
Title: Re: نشر (3) آلاف رجل مباحث في مواصلات العاصمة
Author: حبيب نورة
Date: 07-30-2009, 06:10 PM
Parent: #7
دة كلام وراهُ كلام
تاني زول خشموا يفتحوا مافي
في الحافلة
الداير يتكلم يركب تكس
|
Post: #9
Title: Re: نشر (3) آلاف رجل مباحث في مواصلات العاصمة
Author: محمد الامين محمد
Date: 07-30-2009, 06:16 PM
Parent: #8
والشرطي دة بدفع حق الركوب ولا ملح ساي
|
Post: #11
Title: Re: نشر (3) آلاف رجل مباحث في مواصلات العاصمة
Author: نوفل عبد الرحيم حسن
Date: 07-30-2009, 06:19 PM
Parent: #9
دا السؤال المحير بوبي ذاتو يا محمد الامين
|
Post: #12
Title: Re: نشر (3) آلاف رجل مباحث في مواصلات العاصمة
Author: مزمل خيرى
Date: 07-30-2009, 06:56 PM
Parent: #9
يامحمد الامين
بالله هاك الصورة دى بدل
صورتك الفاتل بيها البوست دا ..!!
|
Post: #10
Title: Re: نشر (3) آلاف رجل مباحث في مواصلات العاصمة
Author: نوفل عبد الرحيم حسن
Date: 07-30-2009, 06:16 PM
Parent: #8
الداير يتكلم يركب تكس
ناس التاكسي ذاتو منهم رنيق
يعني بلفوا الليل كلو في شوارع الخرطوم لشنو ؟ هههه
غايتو المره دي الجماعه بالغوا عديل كده في التنظير يا حبيب نوره
|
Post: #13
Title: Re: نشر (3) آلاف رجل مباحث في مواصلات العاصمة
Author: ثروت سوار الدهب
Date: 07-30-2009, 07:05 PM
Parent: #10
مصدر غني للرشوة
الظاهر الحكومة مادايرة تدفع مرتبات للشرطة فقننت الرشوة
لطفك يا رب
|
Post: #14
Title: Re: نشر (3) آلاف رجل مباحث في مواصلات العاصمة
Author: نوفل عبد الرحيم حسن
Date: 07-30-2009, 07:19 PM
Parent: #13
سلامات ثروت
شرطة المرور اتخذت جمله من القوانين والعقوبات في الايام القليله الماضيه
بعض منها ينص علي سحب الرخصه والسجن وغرامه كده مبالغ فيها
تجعل الرشوه 500 الف بدل 5 الف
|
Post: #15
Title: Re: نشر (3) آلاف رجل مباحث في مواصلات العاصمة
Author: فيصل محمد خليل
Date: 07-30-2009, 07:23 PM
Parent: #14
القرار دا ذكرني بمصطفي جيش
كان يا ما كان
كان في قديم الزمان
برلمان يناقش ظاهرة التسطيح
في قطارات السودان
وكيفية تداركها
و بعد ان فكر و قدر هذا المصطفى
و نحت مخه
اقترح للبرلمان المؤقر بان يبنوا عراضات
حادة متباعدة نوعآ ما على امتداد قضيب السكة حديد
و بهذا يقصم ظهر كل من تسول له نفسه بالتسطيح
اقترح عليهم صاحب الجمرات و الوزير السابق محمد توفيق.
احسن نصنع قطارات بدون اسقف
|
Post: #17
Title: Re: نشر (3) آلاف رجل مباحث في مواصلات العاصمة
Author: نوفل عبد الرحيم حسن
Date: 07-30-2009, 07:33 PM
Parent: #15
ههههههه
والله يا فيصل يا اخوي الواحد ما عارف يضحك ولا يبكي
الناس ديل بكونوا جادين كده ؟
|
Post: #16
Title: Re: نشر (3) آلاف رجل مباحث في مواصلات العاصمة
Author: ثروت سوار الدهب
Date: 07-30-2009, 07:26 PM
Parent: #14
سلامات نوفل
قرأت الخضر والي الخرطوم الجديد يتحدث عن معالجات لاوضاع الشرطة و خصوصا شرطة المرور
فقلت ان الرجل لعله علمي و خلاق و له رؤية مغايرة عن سلفه
لم اكن اتوقع ان حلوله لاوضاع المرور و قوى الامن المنفذه ستكون تقنين الرشوة !
يا للأسف
|
Post: #18
Title: Re: نشر (3) آلاف رجل مباحث في مواصلات العاصمة
Author: نوفل عبد الرحيم حسن
Date: 07-30-2009, 07:36 PM
Parent: #16
يا للأسف يا ثروت
يا للاسف
|
Post: #19
Title: Re: نشر (3) آلاف رجل مباحث في مواصلات العاصمة
Author: محمد أبوالعزائم أبوالريش
Date: 07-30-2009, 09:39 PM
Parent: #18
| Quote: يكون دا ابتكار جديد لقبضة الامن الحديديه وعملوها حركه في شكل وردة ؟ |
فضلاً عن فتح باب كبيييييير للبلع.
_______
أقعدوا إنتو في جادين .. وما جادين
جادّين ... وما جادّين
جادّين ... وما جادّين
لمن يقطعوا الهوا من الشعب المسكين
(أو كما قال طارق الأمين)
|
Post: #20
Title: Re: نشر (3) آلاف رجل مباحث في مواصلات العاصمة
Author: نوفل عبد الرحيم حسن
Date: 07-30-2009, 10:01 PM
Parent: #19
لمن يقطعوا الهوا من الشعب المسكين
بعد قطعوا الكهرباء والمويه باقي ليهم دي يا ابو الريش
شكلهم كده جاديييييين
|
Post: #21
Title: Re: نشر (3) آلاف رجل مباحث في مواصلات العاصمة
Author: سيف اليزل جعفر عبد الرحمن
Date: 07-31-2009, 03:03 AM
Parent: #20
| Quote: قارن التكلفه بتكلفة الارواح التى يمكن ان تزهق من جراء العبث الصبيانى الذى يمارسه معظم سائقى |
|
Post: #22
Title: Re: نشر (3) آلاف رجل مباحث في مواصلات العاصمة
Author: نوفل عبد الرحيم حسن
Date: 07-31-2009, 10:08 AM
Parent: #21
مرحبا سيف اليزل
بالطبع لا تهم التكلفه لو ان ادارة المرور اتخذت اجراءات سليمه حفاظا علي ارواح المواطنين
وتحد من استهتار وطيش بعض اصحاب المركبات الخاصه
لكن هذا الاجراء سيزيد السؤ . سؤ .. وسيفتح باب للرشاوي والاختلاسات وتعطيل مصالح الناس
سؤال لادارة المرور :
لماذا لا يتم نشر هؤلاء الافراد بهذا العدد الكبير بزيهم الرسمي علي طرقات العاصمه ؟
|
Post: #23
Title: Re: نشر (3) آلاف رجل مباحث في مواصلات العاصمة
Author: BADRELDIN MAHMOUD
Date: 07-31-2009, 01:56 PM
Parent: #22
This is stupid
|
Post: #24
Title: Re: نشر (3) آلاف رجل مباحث في مواصلات العاصمة
Author: Osama Mohammed
Date: 07-31-2009, 02:04 PM
Parent: #23
يا نوفل ....
طيب لو الكمساري عمل مخالفة .. ونام بالباقي من احد ( المواطنين الركاب ) حا يحرروا ليهو مخالفة ....
والله انا جادي ...
قبل كده قابلت واحد قال انو كان شغال مع ناس الامن وكان بسوق حافلة ..لكن ما كانو بقبضو الناس ....بس بودو تقارير عن حالة الناس وبتكلمو في شنو وبنتقدو شنو ومنو ..الكلام ده كان لحدي 1998 واعتقد بعد داك سرحو القوة دي ..لكن لقيتو سنة 2002 في السعودية في جدة ...
الناس ديل ربنا حا يعمل فيهم عملية الله وخلقو حا يتفرجو فيها ..نهايتهم حا تكون مأساوية ...
مودتي لك ولأسرتك ...
اسامة
|
Post: #29
Title: Re: نشر (3) آلاف رجل مباحث في مواصلات العاصمة
Author: نوفل عبد الرحيم حسن
Date: 08-03-2009, 01:09 AM
Parent: #24
Quote: طيب لو الكمساري عمل مخالفة .. ونام بالباقي من احد ( المواطنين الركاب ) حا يحرروا ليهو مخالفة ....
والله انا جادي ...
|
سلامات اسامه
حسب نص القرار القوه دي مهمتها تحرير المخالفات المروريه فقط
نوم الكماسره نصب واحتيال - اذا كانوا قاصدين ينوموا طبعا
طبعا نوم الكمساري بالباقي معروف ... لكن احكي ليك النكته دي عن نوم راكب بقروش الكمساري
قالوا واحد دفع للكسماري الف جنيه . والراكب ب 300 جنيه .. وواحد تاني دفع عشره الف
الكسماري - دقس - شال باقي العشره الف رجعوا لبتاع الالف جنيه
طبعا صاحبنا عمل نايم .. بعد شويه بتاع العشره الف قال للكمساري وين الباقي ؟
الكسماري رجع ليهو 700 جنيه - باقي الف جنيه - قال للكمساري لسه عايز منك 9 الف
الكسماري احتار وقال ليهو انا متأكد رجعت باقي عشره الف قبل شويه
لما سأل صاحبنا قال ليهو ايوه انت رجعت لي 9700 .. الكمساري قال ليهو طيب ما تتكلم تقول القروش دي زايده
قال للكسماري انا عارف ليك الراكب بكم ؟ لووووول يكه
|
Post: #25
Title: Re: نشر (3) آلاف رجل مباحث في مواصلات العاصمة
Author: نصار
Date: 07-31-2009, 02:08 PM
Parent: #23
يا نوفل اصلهم الناس ديل الفي راسهم بسووهوا
بعد عشرة سنة يجوا يقولوا في سلبيات
صاحبت التطبيق و قررنا انهم بدل يلبسوا
مدني ما يلبسوا حاجة خالص و نطمن الشعب
العفيف انهم ما ح يشوفوا عوراتهم
لانه انشأنا شرطة العورات البوليسية
شايلة معاها هدوم للحالات الطارئة
البتصاحب التطبيق..
غايتو اثناء اخطاء التطبيق اليخلوا
بالهم للصعاليق البضايقوا بنات الناس
في المواصلات..
ياخي ح يكون في جنس شك السواقين يشوف
اي راكب عسكري عسكري
|
Post: #26
Title: Re: نشر (3) آلاف رجل مباحث في مواصلات العاصمة
Author: الوليد محمد الامين
Date: 07-31-2009, 04:40 PM
Parent: #25
سلامات يا نوفل
ياخي دي قصة عجيبة جدا
الغريب في الموضوع انو الموضوع دا حلو ابسط من كدا كتير وفي مستطاع ادارة المرور،
يعني هسه كمية عساكر الحركة الفي الشوارع دي شوية ؟ لكن طبعا تلقي الاشارة ما شغالة والشارع زحمة والحركة واقفة وفي نفس الوقت تلقي
العساكر بما فيهم الضابط المعاهم واقفين يقطعوا للناس في الايصالات ،
المشهد دا انا بشوفوا يوميا وأي زول قاعد في البلد دي بتكون دي مشاهدة يومية بالنسبة ليهو ،
الوقوف الغلط والتخطي الغلط والسرعة الزايدة وقطع الاشارة دي كلها ممارسات عادية في شوارعنا وقدام رجال المرور اللي هم في الوقت دا
بيكونو بيلعبو في الموبايل او بيتكلمو فيهو ولا عندهم شغلة بالشارع ‘
المخالفات دي بيعملوها كل الناس فاشمعني المباحثيين ديل ح يركبوا الحافلات بس ؟ عشان فيها كمساري يعني ؟
|
Post: #27
Title: Re: نشر (3) آلاف رجل مباحث في مواصلات العاصمة
Author: عبدالكريم أحمد الامين
Date: 07-31-2009, 11:11 PM
Parent: #26
** ود عبدالرحيم حسن.
** صباحك خير..
## مافى إى إحتمال ولو 1% أنو الموضوع حركه فى شكل ورده لمخالفة البنات اللابسين بناطلين فى الحافلات وتكون الغرامه فوريه (30 جنيه) زى غرامة المرور عشان تشتغل اليوم كلوا بالايصال ابو تلاتين الف وتبرزو كل مايلاقيها بتاع المباحث فى إى حافله ,, واهى قرشين حلويين يطلعوهم والحافز بيكون على التحصيل (30%) من المبلغ البتحصلو..
## وحياتك غايتو خط الثورات والحاج يوسف والكلاكلات إلا ترشى الضابط عشان يوزعك فيهو..
## ويعيش قراقوش !!!!!!!!!!!
(ودام الود بين الجميع)
(ابو محمد فؤاد)
|
Post: #34
Title: Re: نشر (3) آلاف رجل مباحث في مواصلات العاصمة
Author: نوفل عبد الرحيم حسن
Date: 08-03-2009, 01:43 AM
Parent: #27
Quote: ** ود عبدالرحيم حسن.
** صباحك خير..
## مافى إى إحتمال ولو 1% أنو الموضوع حركه فى شكل ورده لمخالفة البنات اللابسين بناطلين فى الحافلات وتكون الغرامه فوريه (30 جنيه) زى غرامة المرور عشان تشتغل اليوم كلوا بالايصال ابو تلاتين الف وتبرزو كل مايلاقيها بتاع المباحث فى إى حافله ,, واهى قرشين حلويين يطلعوهم والحافز بيكون على التحصيل (30%) من المبلغ البتحصلو..
## وحياتك غايتو خط الثورات والحاج يوسف والكلاكلات إلا ترشى الضابط عشان يوزعك فيهو..
## ويعيش قراقوش !!!!!!!!!!!
(ودام الود بين الجميع)
(ابو محمد فؤاد) |
صباحك فل يا عبدالكريم
ياخي انت كده اديتهم فكره جديده جااااهزه للتنفيذ
اهو مصدر جبابات جديد
تسلم يا امير
|
Post: #33
Title: Re: نشر (3) آلاف رجل مباحث في مواصلات العاصمة
Author: نوفل عبد الرحيم حسن
Date: 08-03-2009, 01:33 AM
Parent: #26
وليك ازيك ياخ
شنو اختفيت كده ... جبنا ليك خروف السمايه ولم نجدك
Quote: يعني هسه كمية عساكر الحركة الفي الشوارع دي شوية ؟ لكن طبعا تلقي الاشارة ما شغالة والشارع زحمة والحركة واقفة وفي نفس الوقت تلقي
العساكر بما فيهم الضابط المعاهم واقفين يقطعوا للناس في الايصالات ،
|
بالظبط كده يا وليد دا الحاصل .. و دا مشهد يومي
طبعا دا غير تحرير المخافلات في اماكن مروريه حساسه زي مداخل الكباري وغيرو
برضو بوجود كل الركاب دون افراغ المركبه في اخر محطه ومن ثم تحرير المخالفه
تعطيل كامل للركاب .. واكيد فيهم الموظف اللاحق شغلو والطالب اللاحق امتحان وفيهم المريض .. الخ
كتير من الممارسات تحتاج الي وقفه والي معالجات من ادارة شرطة المرور
نتمني ان تجد الاهتمام من الاخوه في ادارة المرور
|
Post: #37
Title: Re: نشر (3) آلاف رجل مباحث في مواصلات العاصمة
Author: الوليد محمد الامين
Date: 08-07-2009, 03:12 PM
Parent: #33
| Quote: شنو اختفيت كده ... جبنا ليك خروف السمايه ولم نجدك |
والله حيرتني عديل كدا يا نوفل !!!!!!
|
Post: #31
Title: Re: نشر (3) آلاف رجل مباحث في مواصلات العاصمة
Author: نوفل عبد الرحيم حسن
Date: 08-03-2009, 01:20 AM
Parent: #25
سلامات يا نصار
Quote: يا نوفل اصلهم الناس ديل الفي راسهم بسووهوا
بعد عشرة سنة يجوا يقولوا في سلبيات
صاحبت التطبيق |
غايتو نحن قلناها ليهم من هسي
لكن البقنع الديك منو ؟
Quote: غايتو اثناء اخطاء التطبيق اليخلوا
بالهم للصعاليق البضايقوا بنات الناس
في المواصلات..
|
ياخي الظاهره دي بقت مشكله حقيقيه
قول يا لطيف
Quote: ياخي ح يكون في جنس شك السواقين يشوف
اي راكب عسكري عسكري |
ههههه
قول يشوفوه غرامه غرامه وقروش طايره طايره منهم
|
Post: #28
Title: Re: نشر (3) آلاف رجل مباحث في مواصلات العاصمة
Author: نوفل عبد الرحيم حسن
Date: 08-03-2009, 00:48 AM
Parent: #23
verey This is stupid
|
Post: #30
Title: Re: نشر (3) آلاف رجل مباحث في مواصلات العاصمة
Author: isam elzein
Date: 08-03-2009, 01:12 AM
Parent: #28
| Quote: نشر (3) آلاف رجل مباحث في مواصلات العاصمة |
هم الناس الكتار ديل بجيبوهم من وين ؟؟؟؟؟؟؟؟؟؟
|
Post: #35
Title: Re: نشر (3) آلاف رجل مباحث في مواصلات العاصمة
Author: نوفل عبد الرحيم حسن
Date: 08-03-2009, 01:49 AM
Parent: #30
| Quote: هم الناس الكتار ديل بجيبوهم من وين ؟؟؟؟؟؟؟؟؟؟ |
والله يا عصام يا اخوي السودان بقي عباره عن معسكر كبير
واغلب السودانيين الان اتعسكروا - حتي وان لم يمتهنوا العسكريه
طبعا دي فيها خطوره شديده جدا . كونه كل الناس بتعرف تسخدم السلاح
يعني لو ظهرت تفلتات امنيه او تطور الاجرام .. البلد دي ح تعدم طفاي النار
|
Post: #32
Title: Re: نشر (3) آلاف رجل مباحث في مواصلات العاصمة
Author: ibrahim alnimma
Date: 08-03-2009, 01:28 AM
Parent: #28
Quote: وعليكم السلام يا طارق
اتفق معاك تماما بأن الحاله المروريه تحتاج الي ضبط ومراقبه لصيقه
بعض سائقي المركبات العامه لا تهمهم روح المواطن بقدرما يهميم جني الاموال والتسابق من أجلها
لكن الاجراء الذي اتخذ غير سليم و لا يساهم في حل الاشكال بل هو تعقيد للوضع وزيادة لكثافة |
الأخ نوفل لك التحيات الزاكيات:
ماعلمتنا له التجارب ان الانقاذ اخر ماتفكر فيه هو المواطن وأرواح المواطنين، تحت ذريعة امن
المواطن تم اعتراض الصحافين وتحت ذريعة الامن والوطنية تم رمي الغير بالعمالة ...وتحت مقولة
حماية المواطن والدين تم عتراض الناس وبنات الناس ...وتمت ملاحقة الطلاب لحماية هيبة الدولة
الممرغة اصلاً تم اعتراض وقتل الطلاب في العيلفون وفي الجامعات...تحت مزاعم نظافة العاصمة تم
مصادرة ارزاق الناس ....ياخي الحكاية انتو عايزين تفهمو الكيزان ديل كويس شوف المصلحة من
اي قرار بعين تنظر وتترقب شيئن اولهما المال ....وثانيهما الحفاظ علي السلطة ....تعرف ديل
عملو تعداد سكاني كلف الدولة مالكلف وكان الغرض منه القبض ومتابعة نشاط المعارضة الداخلي..
ولم يكونو يهدفون الي تعداد ولا بطيخ....اتحدي ان يخرج أي اجراء حكومي عن هذين الغرضين..
اما جباية او هو قرار امني....حتي لو قرار تشجير العاصمة ...
|
Post: #36
Title: Re: نشر (3) آلاف رجل مباحث في مواصلات العاصمة
Author: نوفل عبد الرحيم حسن
Date: 08-03-2009, 02:02 AM
Parent: #32
لك التحايا الطيبه اخي ابراهيم
| Quote: اما جباية او هو قرار امني |
وهو كذلك
كيف تسعي ادارة المرور لضبط المخالفين والمتهورين بهذا القرار وهي علي سمع وشوف للمخالفات ؟
كل من ليس له رخصة قيادة - يدفع غرامه - ثم يترك ليقود دون اعتراض حتي ولو اهلك الناس جميعا
كل سيارة غير مرخصه - يدفع صاحبها غرامه - ثم يترك ليذهب ولا يهم حتي وان اهلكت الناس جميعا
كل من ........................ الي ما لا نهاية من المخالفات التي لا يهم فيها سوي .. دفع الغرامه
|
|