فقط إلى محمد عادل : بالصور خبر القبض على رئيس الهلال وستة من لاعبيه وأحمد دولة

أولا عذرا للأعزاء الزرق الذين استنكروا ما يأتي به
محمد عادل وعذرا للأعزاء الحمر على هذا الرد لأنه فيما
يبدو أن محمد عادل لا يريد أن يقتنع بأن هذا الأمر عادي
وممكن يحدث للجميع ..
وطالما هو يرى أن ذلك عيب وعار لحقا بالملك فيصل العجب
فهذا شأنه ولا نستطيع أن نغير ما يقتنع به ..
لذلك أسمحوا لي أن ارد له بضاعته الكاسدة والفاسدة ..
فهذا البضاعة نحتفظ بها في أماكن آمنة ولا نستخدمها إلا
حين يكابر من يكابر ( ويشاتر من يشاتر ) وحين تحصلنا
عليها عاهدنا الله وأنفسنا ألا نستخدمها إلا لنقنع بها من
لا يريد أن يقتنع لأننا نؤمن أن تنافسنا مع الزرق في
حدود المباراة ولا شأن لنا بحياتهم الخاصة ..

لذا أستأذن الجميع في هذا البوست لمدة نصف ساعة فقط حتى
يراه محمد عادل عسى ولعل أن يقتنع وبعدها سيذهب إلى حيث
يستحق أن يكون ...


( هنا كانت الصور وتم مسحها بعد أن شاهدها
محمد عادل وقعد يتزاوغ من موضوع القبض على هؤلاء )


أها يا حبيب رايك شنو ؟
هل الراحل المقيم في قلوبنا الطيب عبد الله مجرما ؟
أم لاعبي الهلال لحق بهم العار ..
أم أحمد دولة حرامي ؟
لقد عرفنا رايك في الملك فيصل نريد الآن أن نعرف رايك
في هؤلاء ..
أو كف عن الذي تمارسه ..

مزمز قال ليك دا مهمتك الايام دا ولاشنو
جئيت جارى جرى
ابراهومه زمان كان بكتب الشيك بتاريخ كورة الهلال والمريخ
انت ودالياس خلى للشيكات شنو
اى شئ ممكن الا الطيب عبدالله

كلام جميل ابراهومة بتاع شيكات وود الياس بتاع
شيكات وبي فهمي أنا وفهم ناس المنبر الموضوع
عادي ولا يستحق جقلبتك دي ..
وبي فهمك إنت عيب وعار وفضيحة ..
طيب هسع ومن غير لف ودوران رايك شنو في شيك
الراحل الطيب عبد الله رحمه الله ؟
هل يقدح ذلك من مكانته لدى الحمر قبل الزرق ؟
ورايك شنو في شرطة الحصاحيصا ؟
ورايك شنو في قضية أحمد دولة ..؟

يلا أنا منتظر تقييمك للناس ديل زي ما أديت نفسك
الحق تقيم الملك فيصل العجب ..

وما ح أرد على كلامك عن الأستاذ مزمل عشان ما تزوغ
من عصرتك وزنقتك دي أصلو ..
بس موضوعونا الأساسي بتاع الشيكات وبس ..

شكرا اخي حسين
والله حرف ال(ز)ال قاطعة معاي ناشف
وغلبت معاه حيلة.

انتو ضرب الجمور الماخليتو فيهو شنو
يوم الكوره حقتنا معاكم ابوجريشه وحافظ وكرومتى تعدو على صحفى فى جريدة الكورة بالضرب
وتم فتح البلاغ فى مواجتهم والبلاغ الان فى المحكمه
سلم لى على مزمز او الdhl

Quote: انتو ضرب الجمور الماخليتو فيهو شنو يوم الكوره حقتنا معاكم ابوجريشه وحافظ وكرومتى تعدو على صحفى فى جريدة الكورة بالضرب وتم فتح البلاغ فى مواجتهم والبلاغ الان فى المحكمه سلم لى على مزمز او الdhl

برضو ما مشكلة وكتير الضربوا الصحفيين ..
والصحفيين بتقتلوا عدييل كدا ..
وأبو جريشة وحافظ وبوفون غلطانين وقاطعين الدرب ...
وسلامك لي مزمل وصل وبقول ليك الله يسلمك ..

أها نرجع لموضوعنا الأساسي :
رايك شنو في العار الذي لحق بكم جراء قبض
الشرطة على هؤلاء ( طبعا أنا بتكلم بي منطقك إنت )
يلا خلينا في موضوع القبض والشرطة والشيكات ...الخ
وما بحلك مني مزمل ولا أبو جريشة ولا أكرم ..
عايزين رايك صراحة في الحادثة اللي حصلت ليكم دي ..

Quote: والاجدى بدلا من معالجة الخطا بالخطا اي التشهير بهؤلاء هنا وعلى الملا كان الاجدى ان ترسل ه(ز)ه الوثائق لمحمد عادل في ايميله.

جدا يا وليد .. إنت شايف كدا ..
أها هو شافها وإنتفى الغرض منها بعد كدا ..
تم المسح ..

ـــــــــــــــــــــــــــــــ
لأن هناك من يتحدث عن الحياة الخاصة لهؤلاء
تجدني أحتفظ في ارشيفي بما هو أسوأ من هذه
ولا ننشرها إلا ردا على من لا يقتنع بمثل حديثكم
في كل البوستات ..

ــــــــــــــ
مفتاح الذال مالو معاك ؟

اخي الكريم حسين

البوست معنون لمحمد عادل فقط ... تداخل بالرد هو وعلق الاح وليد

واظن ان ما اورده وليد يكفي لان لا نخلق مساحة اخرى للتناول الشخصي

بحييك تاني يا حسين ولو البوست مفروض يسرح احسن نخليه يسرح بتعليقاتكم الحمراء على الصورة ادناه




اها من الزمن داك انتو مهددين ... تٌرى كلمة تهديد دي ومباراة كانو على الابواب رأيكم فيها شنو؟



مع التحية

Quote: اها من الزمن داك انتو مهددين ... تٌرى كلمة تهديد دي ومباراة كانو على الابواب رأيكم فيها شنو؟

تسلم عزيزي بنفسج ..
والله أحسن حاجة عملتها الواحد طول ما ناكف
ناس سودانيس أونلاين ديل ..
لكن دي فرصة طيبة أديكم آخر الشمارات من كانو
مباشرة نقلا من منتدى محبي المريخ وبقلم الصحفي
عبد الباقي شيخ ادريس مندوب جريدة الصدى :

Quote: * الزعيم وصل كانو في الساعات الاولى من فجر اليوم وحل بفندق نعمة وسط المدينة وهو فندق جيد وفي منطقة هادئة.. التدريبات بدات اليوم بملعب جامعة كانو وكل الشباب شاركوا ولا اصابات .. * الاجواء في اروقة الفريق والحمد لله اكثر من ممتازة والتنسيق بين مازدا ومشكلة في قمته .. * الثلاثي النيجيري الاكثر سعادة بالعودة الى بلادهم وكانوا خير معين للبعثة في كل شئ منذ وصولها الى نيجيريا .. * الامن مستتب في المدينة ولا يوجد ما يعكر صفوها رغم الاخبار التي تتواتر عن احداث العنف ومن الواضح ان اعمال العنف في الحدود خارج المدينة لان الكل يتحرك بحرية رغم الحذر الشديد. * الفريق سيواصل تدريباته غدا ساعود اليك.. ــــــــــــــــــــــــــ الجو في كانو كان شديد الحرارة خلال اليوم والفريق ادى تدريبه بملعب الجامعة في جو ساخن جدا .. الامطار لم تهطل حتى الان ولكن متوقع هطولها في اي وقت .. جماهير كانو مهتمة بالمباراة خالص ويتوقع ان يكون الحضور كبير جدا تمرين المريخ اليوم كان مرض للحد البعيد حيث شارك فيه جميع اللاعبين ووضح من خلاله نجاح مازدا في التاثير على اللاعبين بشدة في الجانب النفسي لانو من الواضح انو (المود) بتاع اللاعبين كويس.. ريتشارد تحديدا ظهر بمستوى كويس ومعظم الناس بتتطالب باشراكه للاستفادة من خبرته في تامين خط الدفاع .. كل اللاعبين في وضع جيد وتبقى فقط الدعوات للزعيم خاصة وانه سيؤدي تدريبه الرئيسي غدا بملعب المباراة .. *بالنسبة لريتشارد المريخ ارفق اسمه لضمه للكشف الافريقي ولكن بطاقته الافريقية لم تصل حتى الان وبحسب افادات الاتحاد الافريقي ستصل قبل يوم المباراة ليتمكن المريخ من اشراكه ..

سي حس

دي شمارات الصحافة لكن انت توقعك شنو ؟

سلامات يا حسين ووينك يا راجل
صدق من اول بوست فتحو الحبيب ود عادل اتذكرتك
وقلت لي روحي - بتصرف من نكتة الاسد الأطرش و الصياد- ما قلت ليك الأطرش بجيبو

Quote: سلامات يا حسين ووينك يا راجل صدق من اول بوست فتحو الحبيب ود عادل اتذكرتك وقلت لي روحي - بتصرف من نكتة الاسد الأطرش و الصياد- ما قلت ليك الأطرش بجيبو

أو حبيبنا الغالي .. والله خوتك خوة صفيراب ساي
يا أخي أسألوا علينا سااااي ...
أنا موجود يا حبة بس مشغول شوية والله ..
وناس طلحة وعمر عثمان ما بقصروا معاكم ..
والله يا ود البشرى لغاية ما ود عادل يكتب
بوستيهو الأخير ده كنا بنتفرج بس والاخوة قاموا
معاهو بالواجب على خير وجه بس الزول ما داير
يقتنع بي كلام المنطق والحجة بتاعكم ..
قلنا نديهو من نوعية موسى الزومة وعلاء شلاليت ..
أصلو لعب الفن بتاع العجب ما بستوعبوا ..
هسع إن شاء الله يكون اقتنع ..
حبي وتقديري وأشواقي ..

تخريمة :
أخونا ود الصائم كيفنو ؟

طلحة زاتو ما لامين فوقو و سائلين منو
دايرين كنا نآجركم في فقيدتكم سيكافا و ما ادراك ما التاكسي
لكن ما مشكلة بنعزيكم فيهن كلهن نهاية الموسم دا لما تطلعوا من الابطال و اصلوا الممتاز راح في المطرة شايفو

ود الصايم كويس بس جاب ليه حركات كدة ما كويسة بتاعة (شخبطة) في حيط الناس

حسين

سلام,,,

هسي انت بالله فرقك شنو من محمد عادل ؟؟؟؟؟!!!!!!

شايل ليك صور معنونة لشخص واحد وشاريها في منبر عام ؟؟؟

عييييييييب ياخ عيييييييييب

Quote: حسين سلام,,, هسي انت بالله فرقك شنو من محمد عادل ؟؟؟؟؟!!!!!! شايل ليك صور معنونة لشخص واحد وشاريها في منبر عام ؟؟؟ عييييييييب ياخ عييييييييي

محمد يا خليل موضوع الصورة ده اتجاوزناه وقلبناها توقعات لمبارة كانو النيجيري


اها انت شايت وين؟


تحية

أهلا بنفسج

Quote: محمد يا خليل موضوع الصورة ده اتجاوزناه وقلبناها توقعات لمبارة كانو النيجيري

بالجد لان موضوع محمد عادل كان غايظني شديييد

المهم يا سيدي في كانو اتوقع فضيحة مجلجلة للسادة الوصيفاب

Quote: اها انت شايت وين؟

طبعا رشاشة حتى الثمالة

حسين يوسف حمد لله على السلامة.. والف مرحب بيك..
رغم إنك مريخابي متطرف..
إلا أن كتاباتك لها لون وطعم خاص.. ونتابعها بشغف ولهفة..
لأنها متفردة ومتميزة جدا.. ورغم اختلافنا معاك في الانتماء
إلا أننا نحترم حبك الجارف للمريخ..

قريبي الاصيل كيف حالك ....

محمد عادل دا طول من ناس الامن عشان كدا اشتاق ليهم واصلهم بيدوروا عليه الان ومعاهم كمية من العائلي .... تصدق ناس الامن فيهم مريخاب كتار وعندهم رابطة مشجعي الكابتن فيصل العجب

هل نـ (بول) ليكم هنا



حمد لله على السلامة يا عمكـ
مشتاقين والله!


عارف عندي اليومين ديل نغمة حلوة خلاص في الجوال
صفارة طويييييلة كــدا وبعدها .. تاكسي!