Post: #1
Title: Rashid Elhag شكرا،، أول يوم أضطلع علي قضية لبني أحمد حسين،، أتضامن معك.. وأكيد هذا خطأ..
Author: يوسف الخضر
Date: 07-29-2009, 02:58 PM
Parent: #0
ربما لظروفي الخاصة والتي نشرت بعضها هنا..
وشاركني فيها العديد من الأخوة والأخوات ..
الزملاء والزميلات بالمنبر..
ربما لهذه الظروف فاتني الكثير في هذا الشهر..
ليس عزاز شامي بداية..
ولا لبني أحمد حسين نهاية..
وبينهما هشام هباني وفهمه الفريد..
وأنور كنج العجيب..
فاتني الكثير..
لكني تابعت اليوم قضية لبني أحمد حسين..
عبر الأعلام،، والصحف والنت..
وسمعتها عبر بوست الأخ راشد..
ماذا قالت الصحفية لبني أحمد حسين لقناة العربية (فيديو}...
نعم،،،
للأنسان كرامة في كل الأديان والأعراف..
وكم من قانون ثبت خطأه..
ولا ننسي كيف غيرت مسرحية سعاد في قانون الأحوال..
ولا أمثال شارلس دكنز في المجتمعات..
أقول..
بضمير..
وللتاريخ..
هذا خطأ..
لم تقبله نفسي..
ولا عقلي..
ولا قلبي..
فماذا أكون بدون قياس هذا الثلاثي الأصيل..؟؟
فلنحاول أن نعمل علي تغيير هذا القانون الغبي البائس..
بكل الطرق المشروعة..
الكتاب وحملة الأقلام وقادة المجتمع..
|
Post: #2
Title: Re: Rashid Elhag شكرا،، أول يوم أضطلع علي قضية لبني أحمد حسين،، أتضامن معك.. وأكيد هذا خطأ..
Author: يوسف الخضر
Date: 07-30-2009, 08:38 AM
Parent: #1
أول حاجة كدي اخوانا القانونيين والمحامين..
ده فرصة يعرفونا بهذا القانون..
مواده..
ونصوصه..
واجازته..
ياريت..
|
Post: #3
Title: Re: Rashid Elhag شكرا،، أول يوم أضطلع علي قضية لبني أحمد حسين،، أتضامن معك.. وأكيد هذا خطأ..
Author: صديق الموج
Date: 07-30-2009, 09:09 AM
Parent: #2
| Quote: لكني تابعت اليوم قضية لبني أحمد حسين.. |
يوسف البرىء ..ازيك ياخى
يا اخوى لبنى هينة..
ان شاء الله تكون سعت بثورة اكتوبر؟؟؟؟؟
|
Post: #4
Title: Re: Rashid Elhag شكرا،، أول يوم أضطلع علي قضية لبني أحمد حسين،، أتضامن معك.. وأكيد هذا خطأ..
Author: يوسف الخضر
Date: 07-30-2009, 09:41 AM
Parent: #3
Quote: يوسف البرىء ..ازيك ياخى
يا اخوى لبنى هينة..
ان شاء الله تكون سعت بثورة اكتوبر؟؟؟؟؟ |
صديق المناضل..
السنة..
حدد السنة..
اكتوبر سنة كم؟؟؟
|
Post: #5
Title: Re: Rashid Elhag شكرا،، أول يوم أضطلع علي قضية لبني أحمد حسين،، أتضامن معك.. وأكيد هذا خطأ..
Author: هشام هباني
Date: 07-30-2009, 09:49 AM
Parent: #1
(اطلــــــــــــــــــــــــع) وليس اضطلع وفي عنوانك كمان يااستاذ واكيد هذا خطا املائي معيب!
عيب يا راجل خليك مالى هدومك زول عمة ودقن ونضارات يا دوبك ( تضطلع) على قضية لبني ياعبد المشغول افندي والبورد والدنيا دي حتى الخواجات ووليداتن بقوا اعرفوا لبني وانت دوووبك سمعت بيها يا الافندى وتشكر في راشد...ما تفتح ليك بوست كده بتاع تضامن معاها وسب الحيكومة وتلعن سنسيل ابوها وابو القضاء وابو الظلم وابو الكتل!
|
Post: #6
Title: Re: Rashid Elhag شكرا،، أول يوم أضطلع علي قضية لبني أحمد حسين،، أتضامن معك.. وأكيد هذا خطأ..
Author: يوسف الخضر
Date: 07-30-2009, 10:32 AM
Parent: #5
Quote: اطلــــــــــــــــــــــــع) وليس اضطلع وفي عنوانك كمان يااستاذ واكيد هذا خطا املائي معيب!
عيب يا راجل خليك مالى هدومك زول عمة ودقن ونضارات يا دوبك ( تضطلع) على قضية لبني ياعبد المشغول افندي والبورد والدنيا دي حتى الخواجات ووليداتن بقوا اعرفوا لبني وانت دوووبك سمعت بيها يا الافندى وتشكر في راشد...ما تفتح ليك بوست كده بتاع تضامن معاها وسب الحيكومة وتلعن سنسيل ابوها وابو القضاء وابو الظلم وابو الكتل! |
هشام هباني..
كلامك صاح ...
هو خطا أملائي معيب فعلا.. أرجو المعذرة..
بعدين ياخي انا عرفتها هسة..
لاني كنت اسبوعين مرافق في مستشفي وماعندي وقت..
وفي بلد غير بلدي المقيم فيهو..
ولا يعني عشان ماجيت كفرت لي في مرض أمي في البوست بتاعها؟؟؟؟
أها جبت لروحك اللوم..
ولا أنت قايل ياهشام خلاف الفكر أو المعتقد..
بيحمي الناس تكفر لي بعض وتحب الخيلر لبعض؟؟
وقصة نبذ الحكومة وألعن سلسفيل أبوها دي..
كدي أول حاجة أتأكد أني أنا معارض..
تاني تعال علمني اسلوب المعارضة بتاع النبذ بتاعك والردحي ده..
ياهشام لازم الناس تحترم خيارات بعض ..
علي الاقل أسلوب بعض..
أن في تلك القبور أناس كانوا يعتقدون أن الأرض لا تدور بغيرهم..
أها الصورة كيف؟؟
عجبتك؟
|
Post: #7
Title: Re: Rashid Elhag شكرا،، أول يوم أضطلع علي قضية لبني أحمد حسين،، أتضامن معك.. وأكيد هذا خطأ..
Author: AnwarKing
Date: 07-30-2009, 11:53 AM
Parent: #6
| Quote: هو خطا أملائي معيب فعلا.. أرجو المعذرة.. |
دي ساهلة ...كعب المفاهيمية يا يوسف يا أخوي!
|
Post: #9
Title: Re: Rashid Elhag شكرا،، أول يوم أضطلع علي قضية لبني أحمد حسين،، أتضامن معك.. وأكيد هذا خطأ..
Author: يوسف الخضر
Date: 07-30-2009, 12:13 PM
Parent: #7
أنور ياكنج..
مافهمتها!!!!!
ممكن؟؟؟
|
Post: #8
Title: Re: Rashid Elhag شكرا،، أول يوم أضطلع علي قضية لبني أحمد حسين،، أتضامن معك.. وأكيد هذا خطأ..
Author: حمزاوي
Date: 07-30-2009, 12:00 PM
Parent: #6
اخي يوسف الخضر
مسكاقمي
كما عهدناك دائماً
تتجه مع الحق أينما اتجه
الرجال كالأرقام قيمتهم تتوقف عند مواضعهم
يا ليت جور بني أمية دام لنا وليت عدل بني العباس في النار
والبلد المحن يلولي جنياتا
شكراً لك اخي يوسف
والــ1000ــف حمد الله على سلامة الوالدة
|
Post: #10
Title: Re: Rashid Elhag شكرا،، أول يوم أضطلع علي قضية لبني أحمد حسين،، أتضامن معك.. وأكيد هذا خطأ..
Author: يوسف الخضر
Date: 08-01-2009, 06:59 AM
Parent: #8
Quote: اخي يوسف الخضر
مسكاقمي
كما عهدناك دائماً
تتجه مع الحق أينما اتجه
الرجال كالأرقام قيمتهم تتوقف عند مواضعهم
يا ليت جور بني أمية دام لنا وليت عدل بني العباس في النار
والبلد المحن يلولي جنياتا
شكراً لك اخي يوسف
والــ1000ــف حمد الله على سلامة الوالدة |
أستاذنا حمزاوي،،
مسكاقمي تاني..
مشكور علي الكلمات الطيبات الطيبات...
لكن بالله زي ( خرخرت ) صديق الموج ..
و( لياقة) أنور دي تقول فيها شنو؟؟؟
تقول لي ناجي!!!!!!!!!!!!
|
Post: #11
Title: Re: Rashid Elhag شكرا،، أول يوم أضطلع علي قضية لبني أحمد حسين،، أتضامن معك.. وأكيد هذا خطأ..
Author: يوسف الخضر
Date: 08-01-2009, 07:05 AM
Parent: #10
Quote: أول حاجة كدي اخوانا القانونيين والمحامين..
ده فرصة يعرفونا بهذا القانون..
مواده..
ونصوصه..
واجازته..
ياريت.. |
|
|