Post: #1
Title: أنا قلبته .. مريخابي .. دا مشروع تسمين
Author: tmbis
Date: 07-29-2009, 01:37 PM
بما انو اليوم اربعا وعقاب شهـر ..
وبما انو عقاب الشهر دا زاتو بيمثل بلاطــة بالنسبة لي .. وبما انو الايامات الجاية دي نكون أو لا نكون ..
وبما أنو الرياضة محبة وتسامح .. وسلام .. ولعبة جماهيرية ..
|
Post: #2
Title: Re: أنا قلبته .. مريخابي .. دا مشروع تسمين
Author: tmbis
Date: 07-29-2009, 01:41 PM
Parent: #1
وبما انو البورد دا ما فيهو مريخــاب ..
إنتو الحفلة دي ما فيها مريخـــاب ..؟
|
Post: #4
Title: Re: أنا قلبته .. مريخابي .. دا مشروع تسمين
Author: tmbis
Date: 07-29-2009, 01:46 PM
Parent: #2
وبما أنو المريخـاب الايامات دي مشغولين بي قضايا اهم من وصول المريخ إلى هذه المرحلة المتقدمة اسوة بي االأخوة في الهلال ..
وبما انو الصحفي مزمل ابو القاسم استورد من نيجيريا (قورو) ( واقاشي ) ممتاز بيخدرو بي سرعة وبيرمو العضام من الكسور .. وبيخفف الصدمات ..
وبما انو كلللل المريخاب بتاعين البورد فنانين ونقاشين ومحامين واطباء وصيادلة إلخ فجاة كدا طلعو حقانيين وبتاعين بريد ممتاز وفيديكس وارامكس وحمام زاجل ..
وبما أنو.. العالم اصبح قرية صغيرة .. والناس مفترض تنظر للنصف الممتلئ من الكوب وكدا ..
|
Post: #5
Title: Re: أنا قلبته .. مريخابي .. دا مشروع تسمين
Author: كمال عباس
Date: 07-29-2009, 01:48 PM
Parent: #2
سلام
تمبس
ممكن شتارة محمد عادل تطلعك من الهلال ولكن ومن المؤكد أن حقد وخرمجة
مزيلمة-مزمل ستعيدك لقواعدك سليما وبسرعة الصاروخ!!
|
Post: #6
Title: Re: أنا قلبته .. مريخابي .. دا مشروع تسمين
Author: tmbis
Date: 07-29-2009, 01:56 PM
Parent: #5
Quote: سلام
تمبس
ممكن شتارة محمد عادل تطلعك من الهلال ولكن ومن المؤكد أن حقد وخرمجة
مزيلمة-مزمل ستعيدك لقواعدك سليما وبسرعة الصاروخ!! |
شتارة محمد عادل دي يا كمال لما اشوفه في اي عنوان .. صدقني طوالي بطني بتطم بالذات قبال المباريات الحساسة بقيت ماسك في الله بس ياربي محمد عادل ما ينزل ليهو بوست .. مفترض محمد عادل دا يا كمال يشتغل مراسل يا محرر مع مزمل .. والله دي تبقى حاجة صعبة خلاص يعني نبقى مرشوشين في كل الاتجاهات 
كيف أخبارك ؟؟
|
Post: #3
Title: Re: أنا قلبته .. مريخابي .. دا مشروع تسمين
Author: ALGARADABI
Date: 07-29-2009, 01:42 PM
Parent: #1
تمبس
ياخ صرفنا زماااان و الماهية كملت
وكاتب بالاحمر كمان
انشاالله خير بس
منتظرين
|
Post: #7
Title: Re: أنا قلبته .. مريخابي .. دا مشروع تسمين
Author: كمال عباس
Date: 07-29-2009, 02:03 PM
Parent: #3
كلوا تمام ياتمبس
| Quote: شتارة محمد عادل دي يا كمال لما اشوفه في اي عنوان .. صدقني طوالي بطني بتطم بالذات قبال المباريات الحساسة بقيت ماسك في الله بس ياربي محمد عادل ما ينزل ليهو بوست .. مفترض محمد عادل دا يا كمال يشتغل مراسل يا محرر مع مزمل .. والله دي تبقى حاجة صعبة خلاص يعني نبقى مرشوشين في كل الاتجاهات كيف أخبارك ؟؟ |
الغريبة أنا أمبارح قلت ليهو الكلام دا :
| Quote: ولكن بيني وبينك تنفع صحفي في جريدة الدار وبالعدم صحيفة الصديويمكن تفيد أن مزمل في الحصول علي معلومات موثقة بدل الخرمجة اللي بعمل فيها دي!! |
كمال
|
Post: #10
Title: Re: أنا قلبته .. مريخابي .. دا مشروع تسمين
Author: tmbis
Date: 07-29-2009, 02:17 PM
Parent: #7
| Quote: الغريبة أنا أمبارح قلت ليهو الكلام دا : |
تعرف يا كمال .. ماف حل إلا الزول دا .. نشغلو بس . يا كمان نعمل ليهو زي عماً لينـا يوم كورة الهلال بربطوهو في رجل السرير ومرات في التمارين العاديه دي بربطوهو ..
غايتو شوفو لي الزول دا طريقة فيزا من الواشنطون بوست يا الديلي تلجراف .. لكن خايف الجماعة ديل زاتم يخلوها ليهو ويجو الدار والصدى
|
Post: #8
Title: Re: أنا قلبته .. مريخابي .. دا مشروع تسمين
Author: tmbis
Date: 07-29-2009, 02:04 PM
Parent: #3
Quote: تمبس
ياخ صرفنا زماااان و الماهية كملت
وكاتب بالاحمر كمان
انشاالله خير بس
منتظرين |
..
يا قرض .. ما تتحسس من انتهت دي .. والله كان دبلوها ليك وصرفوها ليك تلاتة مرات في النص وفي الطرف وفي البداية ياها الكملانة كملانه .. الشهر الجاي اعمل حساب انك ترسل الراتب بعد صرفو مباشرة عشان ادخل ليك بيهو صندوق هنا دا بس ما تسألني من العواقب كويس معاك ..؟
والله يا قرضابي مجبرا اخاك لا بطل .. أنا مش ح اكتب بالاحمر بس .. أنا ح اعدد الانجازات واجيب ليكم الكاسات هنا دا .. واصور ليكم النجيلة .. واجيب اعدادات الفريق ..
ياخ الناس ديل يا قرضابي .. مشوار البطولة دا وهبوهو لي سادومبا وامولادي وكابوندي .. مزمل جاري وهم جاريين وراهو .. قلنا طالما انهم ما مهتمين بي اولادم .. اهو اولادم ديل اولادنــا نخليهم هم جاريين وراء الشكوى .. ونحن نشجع ليهم هنا دا ..
حسع دي فوكه حاجة يا قرض ..؟
|
Post: #9
Title: Re: أنا قلبته .. مريخابي .. دا مشروع تسمين
Author: tmbis
Date: 07-29-2009, 02:12 PM
Parent: #8
وبما انو .. اخوانا الاشقاء في المريخ العظيم ليهم خبره وباااع طووويل في مسالة الدورانات والبصمات وقاعدين يحكوها لعيبة ومشجعين وجهاز فني .. ورئيس مجلس إدارة ..
وبما انهم ليهم مصادرم الخاصة جدا من الجن ومرات مرات ضرب الرمل وجلب الغايب وحل المربوط ..
وبما انو .. قوة المريخ في وحدته وترابط مشجعيه والتفافمم لففف كدا دا من خلف مزمل الصحفي الهمام المعجزة .. الخطير المتخصص في فنون التسمية والمواسير والحفايا والركبمم مفوته صواميل وقاطعه صلايب .
وبما انو الايامات دي في مطـره وكدا ..
|
Post: #11
Title: Re: أنا قلبته .. مريخابي .. دا مشروع تسمين
Author: tmbis
Date: 07-29-2009, 02:24 PM
Parent: #9
عطفاً سادتي على كل ( البما انوهات ) الفوق دي .. وتقديراً لحساسية المرحلة .. ادعوا جميع الأخوة الهلالاب في البورد ان يتحلوا بروح المسؤولية .. في كتاباتهم تجاه اخوتهم في المريخ .. وأن يعاملوهم بمبدا الجيرة .. وأن يحسنوا وفادتهم .. وأن لا يهتموا بكل التشنجات والبوستات بتاعت اليومين دي .. وألا ينصرفوا ناس الهلال عن الهدف الرئيسي اللى هو تشجيع المريخ بدلا عن المريخــاب ..
ومن هذا المنطلق اهيب بكل هلالي هنا بل واناشده بأن يوقع معي على مذكرة شديدة اللهجة نطالب فيها بإعارة سادومبا وامولادي وكابوندي للمريخ ..
يعني فنجرية ساكت مننا كدا علشان الناس دي بطنه تبرد ويقلبو لينا الصفحة دي ..
كما أرجو من كل الأخوة الهلالاب مراعاة شعور اخوتهم فهم يادوبك طالعين من ملحمة التاكسي وداخلين ملاحم ما خبروا طرقها .. هم قايلين المسالة ساهلة ساكت ..
|
Post: #12
Title: Re: أنا قلبته .. مريخابي .. دا مشروع تسمين
Author: HAIDER ALZAIN
Date: 07-29-2009, 02:26 PM
Parent: #9
عاوز تبيعها يا ملك ...
والله معاك حق .. الناس ديل بي مزملم اخطر ناس ومفروض طوالي نمشي عليهم او قول نلم الفرقتين على بعض
مع الاحتفاظ باسم المريخ لانه مافي حاجة ناقصاهم من الهلال تاني الا يلغو اسمه ويفتحو الاستادين مع بعض
واهو شارع العرضة وسيع ..
اما محمد عادل شكيتو على القوي مخلينا نكسر في التلج للعجب من امس لامن عمر عثمان بانت نواجذه ..
|
Post: #13
Title: Re: أنا قلبته .. مريخابي .. دا مشروع تسمين
Author: tmbis
Date: 07-29-2009, 02:33 PM
Parent: #12
| Quote: اما محمد عادل شكيتو على القوي مخلينا نكسر في التلج للعجب من امس لامن عمر عثمان بانت نواجذه .. |
والله يا حيدر عمر اللقاها من محمد عادل دي والله كان شالو كاس العالم ما يلقاها ..
عاين
البوست دا دارعو ليك يف رقبتك .. انا اللمبة بتاعتي صفرت .. محمد عادل دا كان قعدت صاقرتو ليك خميس وجمعة وحرباشة بتاعت اربحا احتمال يشوف لي موضوع شيك ويكيسني ..
البوست دا يا حيدر عندي فكرة انو يكون شعلة الدورة .. بمعنى انو ينتهي مع نهاية البطولة . يا كمان تنطفي الشعلة مع اول رشة مطرة ..
إلى حين عودة .. تضامنوا مع اخوتكم في المريخ لانهم محتاجين وقفتكم
كلنا مريخ .. كلنا مزمل .. كلنا صدى
|
Post: #16
Title: Re: أنا قلبته .. مريخابي .. دا مشروع تسمين
Author: abuguta
Date: 07-29-2009, 02:43 PM
Parent: #13
الله يعينك,,,على طلوع االسلالم,,
تعرف فى كل عام سيبنى طابق,,صدقنى يوم من الايام ستجد نفسك
طالع الطابق العاشر مع الصحفييين,,,لان مع كل هزيمة طابق
الى ان يرث الله الانقاذ ومن عليها
بعدها الوالى بمشى يرع فريق فداسى,,
|
Post: #14
Title: Re: أنا قلبته .. مريخابي .. دا مشروع تسمين
Author: خالد عبد الله محمود
Date: 07-29-2009, 02:34 PM
Parent: #12
* نوقع ...
و نتوقع إستلام الدولارات قريباً
|
Post: #15
Title: Re: أنا قلبته .. مريخابي .. دا مشروع تسمين
Author: HAIDER ALZAIN
Date: 07-29-2009, 02:38 PM
Parent: #14
ودا شعار الدورة ..
| Quote: كلنا مريخ .. كلنا مزمل .. كلنا صدى |
يرفعوهو الهلالاب فوووق ..
|
Post: #17
Title: Re: أنا قلبته .. مريخابي .. دا مشروع تسمين
Author: محمد عبد الماجد الصايم
Date: 07-29-2009, 03:19 PM
Parent: #15
التوقيع وين يا عمكـ!
ولا شغال بنظام البصمة؟
|
Post: #18
Title: Re: أنا قلبته .. مريخابي .. دا مشروع تسمين
Author: HAIDER ALZAIN
Date: 07-29-2009, 03:33 PM
Parent: #17
|
Post: #19
Title: Re: أنا قلبته .. مريخابي .. دا مشروع تسمين
Author: ismeil abbas
Date: 07-29-2009, 04:14 PM
Parent: #18
تمبس...السلام عليكم..
| Quote: البوست دا دارعو ليك يف رقبتك .. انا اللمبة بتاعتي صفرت .. محمد عادل دا كان قعدت صاقرتو ليك خميس وجمعة وحرباشة بتاعت اربحا احتمال يشوف لي موضوع شيك ويكيسني |
إنت مكنتك خفت كده مالك..وبقت لمبتك تصفر بسرعة دى لمبة الزيت وللا لمبة البنزين....
والله محمد عادل ده ولا عايز مصاقرة..هسه انا رقم هلاليتى المفرطة وبقرآ كل بوست مكتوب فيهو إسم الهلال..ما بريد ادخل بوستاتو..لآنو المشاركة بتزيد أسهم البوست وبترفع البوست..يعنى زى بوستات العجب دى والشيكات الناس لو خلت الدخول فيها مش كان دقة الدلجة؟..وانا شايف عدم المشاركة فى البوست أفيد من النصح فيها لآنو الزول ده ماشغال بكلام زول والمشكلة مابرد على زول..
هى فعلآ حاجة تغيظ..لكن بقليل من الصبر يمكن حرق البوست ويذهب للصفحة الثانية ويبقى فى طى النسيان...
واصل كفاحك ياتمبس..إنت زول قومى..احى فيك تشجيعك المثالى للرياضة.وده لآنك زول كنت لاعب كورة....
ماتجى تقول لى يا إسماعيل ما تقلب معاى وخليك مريخابى..بشاكلك.....
واوعك تقرب على معتصم دفع الله وللا عمران ....ديل مكتوب بالقرب منهم(( ممنوع التصوير وألأقتراب.))...خليك فى مشروعك بتاع التسمين ده.......................إسماعيل محمد احمد عباس...
|
Post: #20
Title: Re: أنا قلبته .. مريخابي .. دا مشروع تسمين
Author: خالد عبد الله محمود
Date: 07-29-2009, 04:24 PM
Parent: #19
تمبس من أسه أتعلم حركات المريخاب ...
جبنا ليه سيرة الدولارات زاغ ..
* كامل تضامني مع أهلي مدني في قروش مصعب
|
Post: #21
Title: Re: أنا قلبته .. مريخابي .. دا مشروع تسمين
Author: Isa
Date: 07-29-2009, 05:26 PM
Parent: #20
وين يا تمـبس،،
تعـرف، في حياتي زمااان في الستينات سنة سبعة وتمانين كدة (زي ما بقول عمر الفاروق).. كنت مريخابي.. وبعـد خراب مصر لقيت الشغلانة ما جايبة همها ونسيت موضوع كورة السودان نهائي.. بالمناسبة خراب مصر المقصود، ولي يوم الليلة ندمان عليهو هو القروش الكنت بشتري بيها جرايد الكورة الفارغة (الفارغة دي في وجهة نظري المتأخرة بعد أن توصلت لهذا الإكتشاف العظيم)، وكنت مع الشباب عادي بنمشي كداري وبنباسي الفطور عشان نشتري الجرايد.. المهم.. بعد هيلمانة بوستات محمد عادل قررت أعمل خط رجعة تاني وأقوم أمسك ليك ناس الهلال ديل من طرف وأشتم وأشمت الخ.. المفارقة إكتشفت تاني إنو أنا لاعبين الهلال ما بعرف فيهم ولاااا واحد غير كاريكا لأنو نسيبي.. فقلت أحسن أبدا بالأرباب زاااتو، ونشوف موضوع شيكاتو كيف.. وبما أنو الأرباب هو برضو صحفي وهو ملحن، وهو شاعر، وهو مغني وهو على كل شي قدير.. قلت برضو أكتب و(أنتقد) ألحانو وغناهو وكتابتو الخ.. من الجهة التانية أنا لي يوم الليلة ما بعرف مزمل دا بهبب في شنو، والصدى دي بلقوها وين، وكرت سادومبا دا شنو الخ.. فياخي، وبما أنك بتكون مطلع على الأسرار العليا الدولة كشيوعي، أووبس أقصد كرشاشة سابق! فبالله دايرك تساعد أخوك في هذه المهمة التأريخية الشاقة، وعندها فقط سنرحب بك في (حظيرة) القلعة الحمراء، وعندها ينطبق عليك المثل الشعبي غير المعروف: من (حظيرة) العيش، لي حظيرة المريخ، وهو يقابل المثل من جدة لأمبدة.. ونعمل ليك حفل تكريم وإستقبال زي البعملوها ناس المؤتمر الوطني للذين ينضمون لحظيرة الوطن!.. (أُلتوا أيه؟)..
|
Post: #22
Title: Re: أنا قلبته .. مريخابي .. دا مشروع تسمين
Author: طارق جبريل
Date: 07-29-2009, 05:51 PM
Parent: #21
تمبس كيفنك
شوف يا رشاشة هسي انا لو عايز اقلب هلالابي مع محمد عادل دة بشجع امل عطبرة
مع الاعتذار للعطبراوية
|
Post: #23
Title: Re: أنا قلبته .. مريخابي .. دا مشروع تسمين
Author: HAIDER ALZAIN
Date: 07-29-2009, 07:37 PM
Parent: #22
| Quote: مع الاعتذار للعطبراوية |
كدي اول شئ اعتذر لينا نحن ولاد الامل والشاطئ والجلاء قبل العطبراوية دي
وما تغرك الشية اللهطها صاحبنا تروتسكي دا اصلاً ما عندو في الكورة .. ولو اليوم داك كان
لاعب الرجاء البيضاوي والهلال كان مشي شية قندهار بتاعت المغرب ..
فرجع حق الوطن العطبراوي الرش المريخ تلاتة صفر في عطبرة وناكرها ناس المريخ للآن ..
ــــــــــ
لك تحياتي بس انا حارس البوست
|
Post: #24
Title: Re: أنا قلبته .. مريخابي .. دا مشروع تسمين
Author: طارق جبريل
Date: 07-29-2009, 08:17 PM
Parent: #23
Quote: كدي اول شئ اعتذر لينا نحن ولاد الامل والشاطئ والجلاء قبل العطبراوية دي
وما تغرك الشية اللهطها صاحبنا تروتسكي دا اصلاً ما عندو في الكورة .. ولو اليوم داك كان
لاعب الرجاء البيضاوي والهلال كان مشي شية قندهار بتاعت المغرب ..
فرجع حق الوطن العطبراوي الرش المريخ تلاتة صفر في عطبرة وناكرها ناس المريخ للآن ..
|
ود الزين ما تحمر لي ياخي
هههههههههههه
والله تلات ارباع شوايقة عطبرة اهلي
والعجب الحصايا
واجمل محطاتي وانا ماشي كريمة هي عطبرة والكاب
ما تجننا ياخي
ههههههههههههههههههههه
|
Post: #25
Title: Re: أنا قلبته .. مريخابي .. دا مشروع تسمين
Author: HAIDER ALZAIN
Date: 07-29-2009, 08:42 PM
Parent: #24
يا طارق ما تحنكنا بقصص بقصص زولنا بتاع - ما بالسمة وكدة - ما - بالزييت وكدة -
الحافظنها كل من مروا من محطة عطبرة في سعيهم لكريمة - قطر المحلي - وبعد شوية ألقاك
عاشق للذكار وقاسم ابوزيد وتردد مع مع البلابل - قطار الشوق متين ترحل - يآخ عطبرة
او النسبة غليها دي بتخلينا اكعب من تراجي ومحمد سليمان وبتثير اشجان كدة غريبة
وانا بقعد اقول ياربي دا طارق طارق جبريل صاحب معتز تروتسكي او ياسر بيناوي
او حتي تبلدينا المُشترك ومعاهو مزمل خيري ..
لا ما علي بيهو كدي النشوف موقع الامل في كيانه ومحطات خليوة ونعرّج على سندة الزكار
وبعديييين نجي لناس الامل والوطن والشاطئ .. وأهو منها نفتح مجال تداعيات ومعرفة معاهو .
ثم نحفظ حقنا في امانة البوست السلمنا ليها تمبس ومشي نام دا لا ايدنا لا كراعنا وبقي يحلم ..
بالاجازة والحبيبة وكل حلاوات مصطفي سيد احمد حول الحبيبة في ... بقيت احلم ...
والعجب - ما عجب المريخ فيصل - العجيب بتاع لو انه تمبس فس يوم قال لي كان نفسي اقولك من زمان .. بالكاتمو في سري ...!!
ياخي محبتي ياطارق لك ولتمبس ولكل الناس فتداعيات كان نفسي دي براها توقف خريف وتنزل مطر ....
ودي لك
|
Post: #26
Title: Re: أنا قلبته .. مريخابي .. دا مشروع تسمين
Author: طارق جبريل
Date: 07-29-2009, 08:54 PM
Parent: #25
Quote: يا طارق ما تحنكنا بقصص بقصص زولنا بتاع - ما بالسمة وكدة - ما - بالزييت وكدة -
الحافظنها كل من مروا من محطة عطبرة في سعيهم لكريمة - قطر المحلي - وبعد شوية ألقاك
عاشق للذكار وقاسم ابوزيد وتردد مع مع البلابل - قطار الشوق متين ترحل - يآخ عطبرة
او النسبة غليها دي بتخلينا اكعب من تراجي ومحمد سليمان وبتثير اشجان كدة غريبة
وانا بقعد اقول ياربي دا طارق طارق جبريل صاحب معتز تروتسكي او ياسر بيناوي
او حتي تبلدينا المُشترك ومعاهو مزمل خيري ..
لا ما علي بيهو كدي النشوف موقع الامل في كيانه ومحطات خليوة ونعرّج على سندة الزكار
وبعديييين نجي لناس الامل والوطن والشاطئ .. وأهو منها نفتح مجال تداعيات ومعرفة معاهو .
ثم نحفظ حقنا في امانة البوست السلمنا ليها تمبس ومشي نام دا لا ايدنا لا كراعنا وبقي يحلم ..
بالاجازة والحبيبة وكل حلاوات مصطفي سيد احمد حول الحبيبة في ... بقيت احلم ...
والعجب - ما عجب المريخ فيصل - العجيب بتاع لو انه تمبس فس يوم قال لي كان نفسي اقولك من زمان .. بالكاتمو في سري ...!!
ياخي محبتي ياطارق لك ولتمبس ولكل الناس فتداعيات كان نفسي دي براها توقف خريف وتنزل مطر ....
ودي لك |
ود الزين
نان انا ان قايلك داير تطلعلنا النضمي السمح دة
كان شاكلتك من زمااااااان
النبي افتحلك بوست واهرينا بالتداعيات السمحي دي
ياخي المنبر بقى حاله يحنن المسكين
وحات الله انا بقيت اقوم جاري منه
حتى ان بقيت شايلي نضما سمح بالحيل
اجي القى المنبر مكهرب اشيل النضمي أليلي وافوت
تليشة:
يا تمبس ياهي ما تجي تقابل بوستك دة
ههههههههههههههه
|
Post: #27
Title: Re: أنا قلبته .. مريخابي .. دا مشروع تسمين
Author: داليا الكباشى
Date: 07-29-2009, 09:11 PM
Parent: #25
العزيز تمبس...
الف الف الف الف الف مبروووووووووووووووك ... ايووووووووووي ...
والله الرد كاسل نووورت بوجودك ... وزي ما قالوا الخليجيين هذي الساعه المباركه ....!!!
هداك الله الى سواء السبيل (على قولهم وكده).. والسبيل في الزمخشري هو الطريق المريخي القويم الذي لا يحاد عنه , وعقوبه من خالف ذلك الحد بقطع الرقاب وتشتيت المال والعيال ..(يعني مرتبك الما بيكفي اخر الشهر دا ما حايكفي اول تلاته ايام التشريق )...
حبابك الف باء تاء...
وما دام (عقلت ) وبقيت مريخابي ارقد عااااااااافيه ...
|
Post: #28
Title: Re: أنا قلبته .. مريخابي .. دا مشروع تسمين
Author: HAIDER ALZAIN
Date: 07-29-2009, 09:23 PM
Parent: #27
دعوة مقرضة يا تمبس من داليا كباشي - بإعتباري حارس للبوست وكدة - فطالما اسست لمداخلتها با يويووووي فهذا يُبين سوء المقصد والمُرتجي ( المُرتجي دي موقعها كيف دون احراج يا تمبسكو ) so ather waises انا بشوف طرق جبريل وهذه الاخت مغرضين ويحاولوا حرف البوست عن مقصده لذا وجب التنبي خاصة وإنه من تدعوني لقولة -كان نفسي اقولك من زمان- قد استشاط *غضبها ...
* بالجد اول مرة أقراها هنا وعجبتني - استشاط - احفظوا حقنا يا ناس قُبال العجب يتغول على الحقوق
|
Post: #29
Title: Re: أنا قلبته .. مريخابي .. دا مشروع تسمين
Author: abas
Date: 07-29-2009, 09:27 PM
Parent: #1
تبري يا ولدي
مالك جاتك حمه ولا شنو
في زول بمشي للنار بي كرعينو
مالك النشوف اخوانك المعاك يودوك الاسبتاليه
ناس معتصم دفع الله
ولا ود الصايم
تسلم يا حبيب مالك ومال المرض ناقص انت ماك سيد بلد
اقعد وقوم علي كيفك ساااااااااااااااااااااااي
|
Post: #30
Title: Re: أنا قلبته .. مريخابي .. دا مشروع تسمين
Author: abas
Date: 07-29-2009, 09:27 PM
Parent: #1
تبري يا ولدي
مالك جاتك حمه ولا شنو
في زول بمشي للنار بي كرعينو
مالك النشوف اخوانك المعاك يودوك الاسبتاليه
ناس معتصم دفع الله
ولا ود الصايم
تسلم يا حبيب مالك ومال المرض ناقص انت ماك سيد بلد
اقعد وقوم علي كيفك ساااااااااااااااااااااااي
|
Post: #31
Title: Re: أنا قلبته .. مريخابي .. دا مشروع تسمين
Author: omer osman
Date: 07-30-2009, 08:06 AM
Parent: #30
Quote: الف الف الف الف الف مبروووووووووووووووك ... ايووووووووووي ...
والله الرد كاسل نووورت بوجودك ... وزي ما قالوا الخليجيين هذي الساعه المباركه ....!!!
|
لالالالالالالالالا ياداليا تمبس وحيدر ديل كج دايرين يلحقوا المريخ الهلال فريق ليهو اكتر من خمسين سنة مافاز ليهو
بي بطولة عليها القيمة ............وكان ديل جونا بدل ايووووووووووي مفروض تقولي الليلة وووووووووووووب
|
Post: #32
Title: Re: أنا قلبته .. مريخابي .. دا مشروع تسمين
Author: حمزاوي
Date: 07-30-2009, 08:52 AM
Parent: #31
أنا شايف البوست 2 و 12 كدا
يا ربي الحاصل شنو
الله يخفف كواريزما اقصد كوارثنا
يا ابوالنسب
انت مما فتحت بوست هقق يع هيع
انا مسكني الرجفة
الرجفة التفك صواميل ركب ابوقوتة
وضيعني ساكن الموردة
|
Post: #33
Title: Re: أنا قلبته .. مريخابي .. دا مشروع تسمين
Author: كمال عباس
Date: 07-30-2009, 12:07 PM
Parent: #32
وعشان تثبت مريختك -نسخة مزمل -ياتمبس حا أديك جرعة كافية:
بس لازم يكون عندك قوة عين تصف بيها -
-فريق يستحوذ علي أكبر بطولة بالبلاد للمرة السادسة من سبع مرات
بأنه وصيف !!
- تصفه بالصفر الدولي وبخشم مليان التقول إنت الأهلي المصري و دولابك فيهو تلاتين كأس أفريقي
مش كأس الصدفة الواحدة اليتيمة بتاعت كم وعشرين سنة مضت ديك ! ! وتنسي تماما أنو فريقك ماشاف دوري
التمانية في تاريخو كلو الإ هذا العام وتتجاهل حقيقة أنو الهلال أدمن
دخول مرحلة الأربعة الكبار من زمن جكسا!!
- وكمان يازول تواصل قوة عينك أكتر وتصف فريقك الجديد بالزعيم!!
- وتنسي حاجة إسمها تناقض خالص خالص -تشتغل محمد عادل وتشكر مزمل أبو
القاسم في نفس الوقت !!
- وكتر من قول-
لايبطرنا نصر ولاتكسرنا هزيمة!! عقب كل دستة هزائم وعقب كل سبعة أقوان
تأخدها!!
- تقوم تتجاهل حقيقة أنو الهلال فريق الأغلبية- في النخبة والصفوة وفي
العامة وتردد مع مزيلمة أبو القاسم نحن فريق الصفوة ..نحن فريق المثقفين بس أنسي إي حاجة إسمها إحصاءات وحقائق
وغالط غالط لمن تصدق نفسك أنكم فعلا فريق الصفوة!!
|
Post: #34
Title: Re: أنا قلبته .. مريخابي .. دا مشروع تسمين
Author: حمزاوي
Date: 07-30-2009, 12:19 PM
Parent: #33
مش كأس الصدفة الواحدة اليتيمة بتاعت كم وعشرين سنة مضت ديك
بث
|
Post: #35
Title: Re: أنا قلبته .. مريخابي .. دا مشروع تسمين
Author: كمال عباس
Date: 07-31-2009, 04:16 AM
Parent: #34
Quote: (( مش كأس الصدفة الواحدة اليتيمة بتاعت كم وعشرين سنة مضت ديك ))
بث |
إحنا قلنا المريخاب جناح مزمل يا حمزاوي يعني الاستاذ عبد قابل علي
العين والرأس والاستاذ عبد الرازق محل تقدير أما سيد مزمل دا عائز
رد متل دا........
|
Post: #36
Title: Re: أنا قلبته .. مريخابي .. دا مشروع تسمين
Author: hanouf56
Date: 07-31-2009, 05:11 AM
Parent: #35
Quote: ومن المؤكد أن حقد وخرمجة
مزيلمة-مزمل ستعيدك لقواعدك سليما وبسرعة الصاروخ!!
|
والله يا كمال عباس لحدي امبارح كنت مقتنع بانك احسن زول في المنبر دا ...
مزمل ابو القاسم صحفي .. ويملك قلم يعشقه الملايين ...
قال كيت وكيت وكيت .... كلامو لو غلط قدام الاتحاد والهلال القضاء
ــــــــــــــــــــــــــــــــــــــــــــــــــــــــــــــــــــــــ
تمبس ... كل يحمل في الداخل ضده ... اعترف بشكل واضح وتب وسوف نقبل توبتك
|
Post: #37
Title: Re: أنا قلبته .. مريخابي .. دا مشروع تسمين
Author: كمال عباس
Date: 07-31-2009, 10:26 AM
Parent: #36
شكرا عزيزي محمدـإ دريس "هانوف"
Quote: والله يا كمال عباس لحدي امبارح كنت مقتنع بانك احسن زول في المنبر دا ...
مزمل ابو القاسم صحفي .. ويملك قلم يعشقه الملايين ...
قال كيت وكيت وكيت .... كلامو لو غلط قدام الاتحاد والهلال القضاء |
بالله أنت مريخابي? ما أروعك من مريخابي .......ولكن ياصديقي لو تفرغت
الأتحادات والأندية لمثل ما يكتبه مزمل لإحتاجت أن تكون في المحاكم 24/7
يعني تقضي كل زمنها محاكم!!
كيفك يامحمد ?
|
Post: #38
Title: Re: أنا قلبته .. مريخابي .. دا مشروع تسمين
Author: adil amin
Date: 07-31-2009, 02:28 PM
Parent: #1
.
|
Post: #39
Title: Re: أنا قلبته .. مريخابي .. دا مشروع تسمين
Author: tmbis
Date: 08-01-2009, 07:22 AM
Parent: #38
هوووبااااح ..
كدي يا جماعة نشوف موضوع الفطور شنو ..؟
وبالمرة..
ونشوف بخاري مويتو شنو ..؟
غايتو الليلة السبت دا سبت السواد والرماد خاصة بعد الساعة ستة بعدين .. بلاي الواحد من حسعد دي قاعد يرجف التقول ( هلالابي )..
اي سؤال ..؟
|
Post: #40
Title: Re: أنا قلبته .. مريخابي .. دا مشروع تسمين
Author: رأفت ميلاد
Date: 08-01-2009, 12:00 PM
Parent: #39
| Quote: أنا قلبته .. مريخابي .. |
عادى ياتنبس .. أقلب بكرة أقلب حاجة تريحك حتى لو إتحاد بوتسودان .. ما نوعيتك دى قالبة خلقة .. الزيك ده كان ما موردابى ما عنده دين .. ما قريت قصة تاج السر فى أسامة يوسف أغا .. قال مشى يسجل فى الهلال .. أبوه قال ليه "مالو بس سيب البيت ده وشيل أمك معاك .."
تعرف جبت لى تلفزيون من جدة 28 بوصة زمن مافى .. ألمانى وصورته شارب .. أولاد الحلة أصحاب أخوى الصغير بجوا كلهم إمكن 20 يحضروا الكورة فى بيت أبوى الله يرحمه .. جلهم هلالاب أولاد برى .. يوم المريخ لاعب مع فريق زائر فى كاس زى الأيام دى .. جيت لقيته براه فى الشوط التانى والمريخ مغلوب .. قلت ليه وين الأولاد .. قال لى طردتهم أولاد نيين ..
عارف أخوى سليمان قلب هلالابى ونحن أطفال .. داسين من أبوى لامن دخل الجيش ..
فأنت ياخوى أصلآ صابى فأقلب زى ما عاوز
دى بعد السلام والشوق يا تمبس
.
|
|