Post: #1
Title: شفرة المنبر ...!
Author: خضر حسين خليل
Date: 07-29-2009, 11:10 AM
Parent: #0
هي الحالة ايه ؟
غنيوة مستعجلة جات عرضاً في فيلم قاعد أحضر فيهو في ميلودي أفلام .
المهم تعبير صادق لحاصل الحاصل
أخاكم في الله بقي مافاهم حاجة
شكلات وملاسنات ومجادعات وونسات ومقصات ونبذ الله أكبر
والخرطوم اليومين دول عجيبة عجيبة مطرة وصينيين ومصريين يقاسموننا الطرقات الحجل بالرجل حتي إذا خرج الواحد منا بعد المسلسل اليومي لجلب (فول بخمسمية وطعمية بتلتمية ورغيف بألفين وموية فول بالتحانيس) فإنك في الغالب لن تجد لقدرة الفول أثرا .
كدي خلونا من الفول والقدرة أدونا الدبارة وفهمونا الحاصل ؟
بمشي وبجي ماشي أجيب تمباك لي جارنا واشتري جريدة الهلال وحبيب البلد
ونشوف سادمبا وكابوندي وخبيرات حووصة
ياخ السودان ده عبارة عن الهلال
بالمناسبة :
انا علي قول شيخي مظفر النواب
في صف الجوع الكافر
مادام الصف الاخر
يسجد من ثقل الاوزار
قوموا الي صلاتكم يرحمكم الله وانا بقوم اجيب التمباك والجرايد فالفاهم حاجة يفهمنا وجعلها الله في صحائف حسناته او (تها) .
خضر والاسرة
|
Post: #2
Title: Re: شفرة المنبر ...!
Author: خضر حسين خليل
Date: 07-29-2009, 11:16 AM
Parent: #1
أنا بطالب بفك التسجيلات والدورة دي نسميها دورة مظاليم الهوي
والجاية نسميها دورة (حققنا أحلامنا والعاشق عقبالو)
والجدير بالذكر ان المقترحات الفوق دي ماعندها ايتها علاقة بالحالة النفسية
لكاتب البوست . ونحن اذ نؤكد من هذا المنطلق أو من هذا المنبر أو من الحتة
الانا فيها هسي تضامننا التام مع دول الاستكبار .
ياخ هلكتونا وجهجهتوا باكاتنا
|
Post: #3
Title: Re: شفرة المنبر ...!
Author: محمد عبد الماجد الصايم
Date: 07-29-2009, 11:19 AM
Parent: #2
يا زول إنت مش عريس؟
|
Post: #4
Title: Re: شفرة المنبر ...!
Author: خضر حسين خليل
Date: 07-29-2009, 11:20 AM
Parent: #3
| Quote: يا زول إنت مش عريس؟ |
بلي !
|
Post: #6
Title: Re: شفرة المنبر ...!
Author: Magdi Ahmed Elsheikh
Date: 07-29-2009, 11:25 AM
Parent: #4
Quote: أخاكم في الله بقي مافاهم حاجة
|
منذ متي ؟؟؟!!
اللهم يسر ولا تعسر,,
|
Post: #7
Title: Re: شفرة المنبر ...!
Author: خضر حسين خليل
Date: 07-29-2009, 11:28 AM
Parent: #6
منذ عودتي يارجل
ـــــ
يادكتور ازاي الامور مشتاقين شديد
|
Post: #9
Title: Re: شفرة المنبر ...!
Author: Magdi Ahmed Elsheikh
Date: 07-29-2009, 11:31 AM
Parent: #7
صدق خدر....!!!
ايا كانت العودة الاولي او الثانية ,,!!
فالحال يغني عن السؤال !!
للخلف دووووووووووووور!
|
Post: #12
Title: Re: شفرة المنبر ...!
Author: خضر حسين خليل
Date: 07-29-2009, 11:36 AM
Parent: #9
يادكتور
انا بعد ده حأرمي قدام طوالي
يمكن يامجدي
موش يمكن؟
|
Post: #19
Title: Re: شفرة المنبر ...!
Author: Magdi Ahmed Elsheikh
Date: 07-29-2009, 12:07 PM
Parent: #12
Quote:
يادكتور
انا بعد ده حأرمي قدام طوالي
|
ارمي ياعريس ,,,!!
وسكت الخشامة ,,
وانزل في العوازل كي,,,!!
|
Post: #10
Title: Re: شفرة المنبر ...!
Author: HAIDER ALZAIN
Date: 07-29-2009, 11:32 AM
Parent: #7
يا حليلك تعال اسمع يا هيثم درار ..
بقيت يا خدر تحسب في الفول والعيش والطحنية وبكرة ربطة الحطب ..
والله اني لأري شهيداً يسير على قدمين فارق الخبر والراحات ..
ـ حمد لله سلامة يا ابو الريش نورت البلد بهجة وايامك ان شاء الله كلها مطرة وجو
|
Post: #15
Title: Re: شفرة المنبر ...!
Author: خضر حسين خليل
Date: 07-29-2009, 11:41 AM
Parent: #10
سقرط كنور
ازيك ياحيدر
والله مشتاقين وأمس في سيرتك وهشام
تخيل عبدالاله ماجاني لي هسي
خرطوم عجيبة
اما بخصوص الحطب والحسبة
فصدقني الحال من بعضوا
راجع ردي لي ياسر طيفور
واعتبروا مشترك
|
Post: #11
Title: Re: شفرة المنبر ...!
Author: Yassir Tayfour
Date: 07-29-2009, 11:34 AM
Parent: #7
يا صاحب..
أوكِل لك أمر إمرأة، فأترك المنبر لوكيله..
___
كما كنت يا عريس..
|
Post: #14
Title: Re: شفرة المنبر ...!
Author: خضر حسين خليل
Date: 07-29-2009, 11:39 AM
Parent: #11
ود طيفور
ازيك ياخ يعلم الله مشتاقين شديد
ليك ولونساتك وخستكاتك الما بتنتهي
قلت لي اوكل لك امر إمرأة
هههههه قرقرقرقر
والله يكونو بالغوا بوليغ لو فاكرين كدة
الحياة دي شراكة ياعزابي
والـ .... شرك كبير يعلم الله
مشتاقين يافردة
|
Post: #5
Title: Re: شفرة المنبر ...!
Author: هواري نمر
Date: 07-29-2009, 11:23 AM
Parent: #2
حلوة..و ملعـــــــــــــــــوبة يا عريس!
علا الايامات دي...خليك..متصفح..
واجدع الباسوويرد...
لي سيد الدكان يلف ليك فيها..الطعمية..
غبر كده..ما بنفع..
الزم الجابرة...
واتوهط مع ...ناس البيت و خليك في فنوات التلفزيون..!!
الحالة ..مي ياها..
واالكترابة لي نص السماء
مبروك تاني...و تالت..
ويعلم الله....مشتهين قلمك..
لك
الود
|
Post: #8
Title: Re: شفرة المنبر ...!
Author: خضر حسين خليل
Date: 07-29-2009, 11:31 AM
Parent: #5
هواري
ازيك ياخ
سيد الحوش مافاضي من قندهار لي بيت فنون
والله بكري غايتو بي طريقتوا دي ياه لحق
ملوك الصحراء العربية (جنس قاوت)
قاوت قاوت يو اس ايه
أما نصيحتك دي فوالله انني سأمشي عليها (علي سنجة عشرة)
موش قلت ليك المصريين بقوا أكتر من مواطني حلفا دغيم
يجازي محنك ياعبود
أها يا ود نمر فهمنا الحاصل
الكترابة دي لانها لو حتطول
أخير لينا روتانا بتاعت موش حتأدر تغمض عينيك
الواحد حقيقي بقي حاسي بي غربة وسط القنوات الفضائية
دي .
|
Post: #13
Title: Re: شفرة المنبر ...!
Author: ممدوح أبارو
Date: 07-29-2009, 11:38 AM
Parent: #8
ياعريس سلامات
البورد اليومين دي ذي مقلب النفايات
لو ما جلبطك الريحة بتكتلك
أها العرس كيف 
|
Post: #16
Title: Re: شفرة المنبر ...!
Author: خضر حسين خليل
Date: 07-29-2009, 11:44 AM
Parent: #13
أبارو
ازيك ياعريس
أما العرس فهو كما قال صاحبي الذي سبقني بسنوات
حاجة ماتخلص
اما المنبر فوحياتك جيت مشتاق اقرا لي حاجة معقولة
فإذا بداحس والغبراء
انت ناس قيس وليلي ديل ما يدوهم المايك شوية
|
Post: #17
Title: Re: شفرة المنبر ...!
Author: HAIDER ALZAIN
Date: 07-29-2009, 11:48 AM
Parent: #8
شوقنا بالاكتر يا عريس ..
هشام الايام محارب ابو سامي وفتح درب تاني غير المجال شكلو كدة ..لوووول
لا عبد الاله سواها شينة والله ..! نسي ايام الجامعة والا شنو
والله الا اضرب ليهو عشان يآمن ذاااتو ..
تحياتي لك ( وللعيال ) ..
|
Post: #18
Title: Re: شفرة المنبر ...!
Author: خضر حسين خليل
Date: 07-29-2009, 11:53 AM
يا حيدر
انت ابو سامي ده لسع في حركاتو
ولساهو راجل شرقي وما بحترم المواعيد
قول ليهو نرسل ليك اقامة كيف
مع انو ما ظنيت ياكل عيش هنا
السوق بقي سمح شديد
محل ما تقبل عينات سمحة
ـــــــــ
بعدين انت شنو العيال بتاعتك دي
هسي يجي هيثم يشبك فيهم
هشام آدم قول ليهو حأرسل ليك الحاجات
ما تقلق
|
Post: #20
Title: Re: شفرة المنبر ...!
Author: بدر الدين اسحاق احمد
Date: 07-29-2009, 12:10 PM
يا عريـــس ...
انت ما قلــت الباسويرد سلمتو للمدير الجديد ....
الجابك تانــى شنو ...
...ترمــه :
الحمد لله الساعة 12 جاءت سليمــه
|
Post: #22
Title: Re: شفرة المنبر ...!
Author: خضر حسين خليل
Date: 07-29-2009, 12:19 PM
Parent: #20
يا بدر
ازيك ياخ والله سعدت بلقائك
الباس ويرد ده يا بدر
مسؤلية ياخ لامدير جديد لا مدير قديم
والله غايتو الا الهكر
|
Post: #21
Title: Re: شفرة المنبر ...!
Author: قيقراوي
Date: 07-29-2009, 12:13 PM
بلى
داحس و الغبراء
صحراء
قيس و ليلي
خضر و اللاسرة
الشي شنو ؟
عرس و لا دورة استعراب راسا عديل ؟ و سعودة كمان !
عااااااادي . . . بعمل اكتر من كدا يا عمك
كويس انها جات على اللغات . . .
لكن ما تقول ليّ ! تطور في الاخيلة و المعاني و الالفاظ !
اما فيما دارك عنه سؤالك عن احوال المنبر و ادراك ما المنبر ؟
مع كتير من المحاذفة نفيدكم بانه اصيب بجنون البغر . . . حالة وبائية مزمنة بعيد عنك
قدر ما ربنا يطلق اليد و في اي غفلة للرقيب * نقوم نسرق الخط و نباصر لينا اكسس للبورد . . القى ليك اتنين مقبقبين بعض !
يا زول بطل دواحة و انجم في ارض الله الواحدة دي . مالك و مال الخط المعلق ؟
خليك في عرسك و كيسك و كان داير الجد ابعد من الهلال ذاتو اليومين ديل
------------
مقصود كل الرقباء من ضمير مهني و ضمير غائب . . . الين عند رقيب اول عمك الجاك ضرابة ذاتو
|
Post: #23
Title: Re: شفرة المنبر ...!
Author: خضر حسين خليل
Date: 07-29-2009, 01:05 PM
Parent: #21
قيقا يافردة
ازيك
مشيت جبت الجرايد وجيت
اولاً ياخي تهانينا بسما نورت والله الشابة دي
وضوت ليالينا وربنا يديم الافراح
بخصوص كورس اللغات اللقينا روحنا في نصوا
والله يا قيقا انا زاتي متحير في رويحتي دي
مرات اتكلم شايقي ومرات نوبي ومرات
مصري بؤلك ايه يابيه
موش قلت ليك الخرطوم مطرة ومصريين
تحياتي للمدام والوليدات
والاشواق صفاً صفاً
|
Post: #24
Title: Re: شفرة المنبر ...!
Author: هيثم درار
Date: 07-29-2009, 01:17 PM
Parent: #21
| Quote: فول بخمسمية وطعمية بتلتمية ورغيف بألفين وموية فول بالتحانيس |
بالله دى هسى حالة زول عريس ولسه ما تم ليهو شهر؟
عريس وبيقول فول وطعمية وموية فول
كان كده احسن انحنا نكون فى حالنا ده لا عرس ولا يخسرون زاتو
بالمناسبة ياخدر برضو الفول والطعمية ما بتشفع ليك ، يانا المنتظرين
سرى قال ليك فشلتنا ياخ
| Quote: بمشي وبجي ماشي أجيب تمباك لي جارنا |
انتو الواحد لمن يسوى الشى ما يبقى قدروأ ولا الحكومة كانت وراك ساعة كتابتك للكلام ده
حيدر الزين ، الزول ده من ما فارق الخبر قنعنا من خيرآ فيهو وقنع من خيرآ فى الخبر، وما اكثره وهو يعلم به
قلت ليه تحياتك للعيال؟؟؟
انا بقول ليهو تحياتنا للمدام
ــــــــــــــــــــ
الباقى فى الخاص
|
Post: #25
Title: Re: شفرة المنبر ...!
Author: خضر حسين خليل
Date: 07-29-2009, 01:49 PM
Parent: #24
عيب لي الفول والطعمية ياهيثم ضرار
|
Post: #26
Title: Re: شفرة المنبر ...!
Author: خضر حسين خليل
Date: 07-29-2009, 01:51 PM
Parent: #25
بعدين سري ده انا مقاطعوا يا هيثم
ماتجيب لي سيرتو بتاتا
|
Post: #29
Title: Re: شفرة المنبر ...!
Author: هيثم درار
Date: 07-29-2009, 02:13 PM
Parent: #26
Quote: بعدين سري ده انا مقاطعوا يا هيثم
ماتجيب لي سيرتو بتاتا |
ياخ والله الزول ده قايل القبة فيها فكى عشان كده باقى تقيل شوية،
لكن اقول ليك حاجة؟ انا بخليهو يتصل عليك بعد كده لانو اتضح بانو القبة ليس بها التكتح
خصوصآ بعد ما جيت وبقيت تفتح بوستات وترد عليها كمان
قال تحياتى للعيال قال
على قول حمد .. نوق ان جللى نلو
|
Post: #27
Title: Re: شفرة المنبر ...!
Author: HAIDER ALZAIN
Date: 07-29-2009, 02:06 PM
Parent: #24
يا هيثم غايتو خدر دا مرق من هنا بيغني ورافع شعار ..
خيمة السعوديي دفو ما بتدفيكا..
فالله اعلم يرجي خيراً منها تاني
ــــ
بالله يا هيثم ما يا حليل زمن العرسان للحول يضربوا في الحمام والجداد
والمدايد ما تديك الدرب .. غايتو المناضل خضر حسين الله يخدر ضراعو
ــــــ
قول لسري يازول هوووي واثقين في خضر دا وارجع لينا بعد سبعة شهور بس
والله يا خضر تمباك جارك النكتو هيثم فاتني ما شفتو ياخ باااالغت ..
برضو مع تحياتي لخضر ( والعيال ) ..
|
Post: #28
Title: Re: شفرة المنبر ...!
Author: خضر حسين خليل
Date: 07-29-2009, 02:11 PM
Parent: #27
يا حيدر البلد في حالة عطش ياخ
نفترض بي نظريتك دي انا قعدت اضرب في الحمام والجكن
الحاجتين ديل بالذات بعطشوا الواحد
وعليه قلنا نقع في فول الله والرسول ده
وأهو فولاً تعرفوا ولا عطشاً ما بنعرفوا ياخ
خضر والاسرة الكريمة
|
Post: #30
Title: Re: شفرة المنبر ...!
Author: معتصم ود الجمام
Date: 07-29-2009, 02:20 PM
Parent: #28
خضر يا خي مبرووك كتير
خليك في عرسك ده احسن ليك مليون مره من شفرة البكان ده
كما ركز مع الفول والطعمية شديد
لكن ما قلت لي مرهف حضر الحفلة وبشر كمان يا راجل
|
Post: #31
Title: Re: شفرة المنبر ...!
Author: خضر حسين خليل
Date: 07-29-2009, 02:32 PM
Parent: #30
معتصم
ازيك يافردة
عارفك زعلان مني ووحياتك عرسي ده حصل فيهو جنس
تصاريف خليها علي الله ساكت
عليك دينك رسل لي رقم اريج
ضروري
|
Post: #32
Title: Re: شفرة المنبر ...!
Author: خضر حسين خليل
Date: 09-01-2009, 12:18 PM
Parent: #31
شفرة رمضان كيف يامخاليق
السخانة تقول ياسيدي الحسن
وبلغت القلوب منا الحناجر
الروح اتهكرت يا شباب
|
Post: #33
Title: Re: شفرة المنبر ...!
Author: moaz elsir
Date: 09-01-2009, 12:27 PM
Parent: #32
يا خضر
o عرسك ده ما حرك فى موسي اية حاجة ؟
o ما قال حاجة ؟
o ما فتح خشمو نهائي؟
|
Post: #35
Title: Re: شفرة المنبر ...!
Author: خضر حسين خليل
Date: 09-01-2009, 12:38 PM
Parent: #33
يامعاز
اولاً رمضان كريم ياخ
والله اخوك شده ما عطشان يمكن أعملا عديل بعد شوية
بخصوص موسي يامعاز الزول ده خاشي خاشي مع نهاية السنة المالية دي
التقول (شغال في مكتب مراجعة)
ومشتاقين والله
ــــــــــ
|
Post: #34
Title: Re: شفرة المنبر ...!
Author: ياسر بيناوي
Date: 09-01-2009, 12:32 PM
Parent: #32
سلامات كتيرات لي ناس عزيزات
عبد الله فاضي لي من المركزاللماني التقول عندو فيهو النص
لحدي هسه ما جاك .....؟
عامل لي بنيتو السميحة دي
خالص الود
|
Post: #36
Title: Re: شفرة المنبر ...!
Author: خضر حسين خليل
Date: 09-01-2009, 12:43 PM
Parent: #34
بيناوي
ازيك ياخ
انت رحلت من ابو ادم ولا ناس النظام العام ديل اجبروك علي الرحيل
يازول عبدوش ده انا رميت طوبتو بردلب يشهدالله
حركتو ما لذيذه خالص
ومشتاقين يا ياسر
|
Post: #37
Title: Re: شفرة المنبر ...!
Author: ياسر بيناوي
Date: 09-01-2009, 12:45 PM
Parent: #34
| Quote: انت رحلت من ابو ادم ولا ناس النظام العام ديل اجبروك علي الرحيل |
الله يجازي الكان سبب ياخدر انا بقي من سكان شرق النيل
لكن بيني وبينك بيتنا داك الزول لوشارب عصير فراولة بسكن فيهو ....؟
لو مانحنا كنا مجانين ساي
|
|