Post: #1
Title: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-28-2009, 11:39 AM
Parent: #0
أورد الصحـافي الشـاطر مزمل أبوالقاسـم في الصدي عدد اليوم الدليـل القاطع لأستلام الأتحاد العام للخطاب المرسل لهم بواسطة الأتحاد النيجيـري عبر بريد ال DHL حيث أنكر أحد قادة الأتحاد العام في صحيفة السوبر عدد اليوم حديث مزمل عن أستلامهم الخطاب مما جعل صحيفة الصدي تنشر اسم الشخص المستلم وتاريخ الاستلام ورقم بوليصة الشحن 2510147485 وذلك لكل من يود الدخول عبر الموقع اللكتروني لل DHL للتأكد .. أنا شخصيا" فعلت ذلك وتأكدت ووجدت أن الخطاب تم شحنه من أبوجا في 21 يوليو الساعة الثامنة الا ربع مساء" ووصـل مكاتب الأتحاد العام في يوم الأحد 26 يوليو وتم استلامه بواسطة شخص يدعي السر في تمام العاشرة الا خمس دقائق صباحـا" !!
وكذلك أورد مزمـل ضلوع وكيل اللاعبين أبوبكر مصطفي في هذه الأعارات من خلال وكالته المعتمدة لدي الفيفا وانه هو عراب هذه الانتقالات ! ولكن ... أين وزارة الريـاضة من هذه القضية والتي ان استمرت علي هذا النحو فسوف توجه أنظار الأتحاد الأفريقي والدولي ويتم التحقيق وفي حالة اثبات التلاعب يتم سحب الفرق السودانية من البطولات الأفريقية وتجميد نشاط الأتحاد السوداني لمدة ثلاثة أعوام ، فهل ترضي الوزارة بذلك ؟
ما يفعله مزمـل بغض النظر عن انتمائه الرياضـي يعتبر درسا" للصحافيين في كيفية تتبع الأحداث وايرادها بالمستندات والأصرار علي اثبات مصداقيـة الصحيفـة وايضا" استخدام دوره الفعلـي كسلطة رابعة في تتبع مواطن الخلل والألتفاف علي القوانين داخل هيئاتنا الرياضيـة من أجل خدمة مصالـح معينة لأنديـة معينة (الهلال والمريـخ) ، عموما" القضيـة الآن أصبحت قضية مطروحة للرأي العـام وهي واضحة الأركان الا لمن أراد أن يفهمها عكس ذلك .. مرحبا" بسادومبا ومرحبا" بكابوندي ان كانا انضما للهلال واتبع ناديهم الجديد اللوائح الصادرة من اتحاد الكرة بالطريقة السليمة ، ومرحبـا" بكريم الدافي بنفس الطريقـة .. حقيقة سئمنا من كثرة الأضطرابات في الوسط الريـاضي ومن كثرة اللعب فوق القوانين من أجل مصالح معينة .. متي تتعافي الرياضية السودانية من أمراضهـا و أوهامـها ؟
عموما" مزمل صحافي متميز و شاطر ويستطيع تفجيـر القضايا في وقتها بل يعمل بقوة لأثباتها ، مع العلم في كثير من القضايا الهلالية كان مزمل يقف معهم ضد الأتحاد وذلك لقناعته التامة أن هذا الأتحاد لن يضيف شيئا" للكرة السودانية وما دونكم قضية التجنيس واحتكام الأتحاد للائحة بأثر رجعي !
|
Post: #2
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: tmbis
Date: 07-28-2009, 11:45 AM
Parent: #1
| Quote: عموما" مزمل صحافي متميز و شاطر ويستطيع تفجيـر القضايا في وقتها بل يعمل بقوة لأثباتها ، مع العلم في كثير من القضايا الهلالية كان مزمل يقف معهم ضد الأتحاد وذلك لقناعته التامة أن هذا الأتحاد لن يضيف شيئا" للكرة السودانية وما دونكم قضية التجنيس واحتكام الأتحاد للائحة بأثر رجعي ! |
والله وجهة نظرك زاته بتاعت ناس شطار .. وفجرتها برضو في وقتهـا ..
اقصد وجهة نظرك طبعا ..
ـــ
|
Post: #3
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-28-2009, 11:55 AM
Parent: #2
| Quote: اقصد وجهة نظرك طبعا .. |
الأخ تمبس :)
أنا فقط أعلق علي اصرار مزمـل أبوالقاسم في المضي في هذه القضيـة واعتبارها قضية شخصيـة له ضد الأتحاد من واقع انكارهم للخطابات التي أظهرها في صحيفته والقدح في مصداقيته !
سخرت مني ام لم تسخر .. مزمل صحافي متميز وهذه ليست وجهة نظري أنا فقط .. هي أيضا" وجهة نظر رئيس الهلال وأغلب عشاقه !!
|
Post: #5
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: جعفر محي الدين
Date: 07-28-2009, 12:03 PM
Parent: #3
Quote: متي تتعافي الرياضية السودانية من أمراضهـا و أوهامـها ؟
|
ليس قبل أن يتعافى الوطن وتلتئم لحمته من شماله إلى جنوبه ومن شرقه إلى غربه
سنظل نرنو بأنظارنا لوطن جريح ينزف من جميع أطرافه
|
Post: #9
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-28-2009, 12:19 PM
Parent: #5
Quote: ليس قبل أن يتعافى الوطن وتلتئم لحمته من شماله إلى جنوبه ومن شرقه إلى غربه
سنظل نرنو بأنظارنا لوطن جريح ينزف من جميع أطرافه |
والله معاك حق يا مولانا ..
|
Post: #7
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: tmbis
Date: 07-28-2009, 12:08 PM
Parent: #3
| Quote: أنا فقط أعلق علي اصرار مزمـل أبوالقاسم في المضي في هذه القضيـة واعتبارها قضية شخصيـة له ضد الأتحاد من واقع انكارهم للخطابات التي أظهرها في صحيفته والقدح في مصداقيته ! |
طيب ما لو دا كلام كويس من كونك مريخابي وبتعجبك كتابات مزمل .. ما عندك اي حل غير انك تقول كدا .. وتتكلم عن اصرار مزمل وما ادراك ما اصرار مزمل .. وكمان بقت قضيتو الشخصية ..؟
قضيتو الشخصية في محاولاتو تكسير الهلال .. المغلفة بالاتحاد واللا قضيتو الشخصية شنو؟؟
| Quote: سخرت مني ام لم تسخر .. مزمل صحافي متميز وهذه ليست وجهة نظري أنا فقط .. هي أيضا" وجهة نظر رئيس الهلال وأغلب عشاقه !! |
انا ما سخرت منك .. لو مفتكر انو البوست دا منزلو علشان تحرك بيهو ساكن في جمهور الهلال .. لا يا سيدي .. نحن من جانب الهلال دا سخريتنا في الميدان .. هي اللي عامله نفسيات لي مزمل ولي الناس البتطبل لي مزمل وما عارفاهو ماشي بيها وين ..
| Quote: مزمل صحافي متميز وهذه ليست وجهة نظري أنا فقط |
طيب مالو حسع قلنا ليك غير كدا ..؟ قلنا ليك وجهة نظرك بتاعت ناس شطار وفجرتها في وقتها حسع دي سخريه ؟؟
ليه ما اتعاملت معاها انها حقيقة ؟؟
ياخ انت ليك حق انك تشوفو متميز .. ولي انا حق اني اشوفك برضو متميز فوق لي ميزة مزمل دي ..
خلاص لو انت ما عايز التميز دا .. وبتقول عنو سخرية .. انساهو وخليني في التميز حق مزمل دا .. دي حسع عايزه ليها ورق من الاتحاد النيجيري ودي اتش إل ..؟
|
Post: #11
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-28-2009, 12:27 PM
Parent: #7
| Quote: ولي انا حق اني اشوفك برضو متميز فوق لي ميزة مزمل دي |
والله كتر خيرك وبارك الله فيك .. بس حقيقة أنا مافاهمك شايت فيني والا شايت معاي :) !! عموما" أنا قصدت جزء معين في القضية دي وهي جري مزمل وراء اثباتها وأنا اعتقد انو الحقيقة قربت خلاص لأنو في أطراف تانية ذي وكلاء كواريزما وأمولادي وذي نادي كانوبيلارز !
| Quote: نحن من جانب الهلال دا سخريتنا في الميدان .. هي اللي عامله نفسيات لي مزمل ولي الناس البتطبل لي مزمل وما عارفاهو ماشي بيها وين .. |
يشهد الله لي كم كورة كده هلال مريخ ما شايف ليكم أي سخرية في الميدان ! لكن شايف ليكم حظ كبير في الميدان :)
|
Post: #16
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: tmbis
Date: 07-28-2009, 12:51 PM
Parent: #11
| Quote: والله كتر خيرك وبارك الله فيك .. بس حقيقة أنا مافاهمك شايت فيني والا شايت معاي :) |
.. يعني شفت السخرية حقتي بس ؟؟ وما فهمتني شايت وين ؟؟ خلاص كلم مزمل احتمال شوفو يطلع احسن من شوفك .. يا شوفكم الاتنين يطلع لينا ستة في ستة..
| Quote: عموما" أنا قصدت جزء معين في القضية دي وهي جري مزمل وراء اثباتها وأنا اعتقد انو الحقيقة قربت خلاص لأنو في أطراف تانية ذي وكلاء كواريزما وأمولادي وذي نادي كانوبيلارز ! |
كدي إنت خليك من وكلاء كواريزما وامولادي ديل خلينا في النجيضة وفي جري مزمل ابو القاسم دا ..
عايزين نعرف جريهو دا .. جري وحوش واللا جري ساكت كدا ..
وعلشان ما تشوفني غلط تاني .. جري الوحوش دا بقصد بيهو جري مزمل من أجل تحقيق العدالة .. والانصاف ولحقانية وشنو وشنو ما عارف .. والحنك العاضي دا .. وجري الما وحوش قاصد بيهو .. جري نوعيتك دي ورا مزمل ابو القاسم عشان الهلال يتكسر ويبعد عن طريق المنافسة .. حتى ولو كان بيلعب (بي اسم السودان) ..
معليش بيلعب بي اسم السودن دي جات ساكت واقعة كدا .. فطها بلاي في شوفك دا ..
| Quote: يشهد الله لي كم كورة كده هلال مريخ ما شايف ليكم أي سخرية في الميدان ! لكن شايف ليكم حظ كبير في الميدان :) |
..
ياخ ما تفرش من الأول .. عشان نعرف عندك كم آس مالي بيهم يدك ..؟!
يا جماعة كترو لينا من الشطة بي التبش والقصب .. المسالة احلوت خالص ..
واحتمال بعد شوية تجيب ليها خرخرهـ ..
|
Post: #21
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-28-2009, 01:07 PM
Parent: #16
أها انت من ياتو نوعية ؟
انت قاصد السـودان مش كده ؟
ب 36 .. لو قصدك سلامة النظر يعني ستة علي ستة !
الأولي فهمتها لكن والله التانية ما عرفتك تقصد بيها شنو ؟
| Quote: الهلال يتكسر ويبعد عن طريق المنافسة |
يتكسر دي مامعاي لكن يبعد عن طريق المنافسة ممكن !
Quote: ياخ ما تفرش من الأول .. عشان نعرف عندك كم آس مالي بيهم يدك ..؟!
يا جماعة كترو لينا من الشطة بي التبش والقصب .. المسالة احلوت خالص ..
واحتمال بعد شوية تجيب ليها خرخرهـ .. |
يا عمك انت ماخد الموضوع بعصبية زياده عن اللزوم .. شطة بالتبش جربناها لكن بالقصب دي جديدة علي !
|
Post: #4
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Osama Mohammed
Date: 07-28-2009, 11:56 AM
Parent: #2
انت موش يا سيد بي هناك عملت مناحة في موضوع العجب ؟
اذا كان ده فرد انت ما رضيت فيه داير الناس تسكت ليكم انت وبتاعكم ده وانتو بتحاولو تشوهو سمعة الهلال ....
يا راجل عيب ......
لمعلوميتك .... ولكي لا تنقاد وراء الافك
تحاولون كما الاعلام المريخي ان تقنعونا بأن :- ( الخطابات التي لدى الاتحاد مزورة الاتحاد الممثل الشرعي للكرة السودانية لديه خطابات مزورة من الاتحاد النيجري لكرة القدم الممثل الشرعي لكرة القدم في نيجريا ... الاصل يوجد لدى صحيفة رياضية بل وتحرك هذه الصحيفة الرياضية الاتحاد النيجيري وتوعز له بارسال الخطابات "الاصلية " بواسطة البريد السريع وهذه الطريقة غير متبعة لمراسلات الاتحادات ....)
يعني نحنا ما عندنا عقل ولا العقل ده عندكم انتو براكم ؟
الاصل ما عند صاحب الحق والاصل عند زول تاني وصاحب الحق - دقس - وجاهو المزور من فاكس صاحب الحق التاني ...
احترموا عقولنا يا مريخاب واحترموا عقولكم برضو
|
Post: #6
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Osama Mohammed
Date: 07-28-2009, 12:05 PM
Parent: #4
انت موش يا سيد بي هناك عملت مناحة في موضوع العجب ؟
اذا كان ده فرد انت ما رضيت فيه داير الناس تسكت ليكم انت وبتاعكم ده وانتو بتحاولو تشوهو سمعة الهلال ....
يا راجل عيب ......
لمعلوميتك .... ولكي لا تنقاد وراء الافك
تحاولون كما الاعلام المريخي ان تقنعونا بأن :- ( الخطابات التي لدى الاتحاد مزورة الاتحاد الممثل الشرعي للكرة السودانية لديه خطابات مزورة من الاتحاد النيجري لكرة القدم الممثل الشرعي لكرة القدم في نيجريا ... الاصل يوجد لدى صحيفة رياضية بل وتحرك هذه الصحيفة الرياضية الاتحاد النيجيري وتوعز له بارسال الخطابات "الاصلية " بواسطة البريد السريع وهذه الطريقة غير متبعة لمراسلات الاتحادات ....)
يعني نحنا ما عندنا عقل ولا العقل ده عندكم انتو براكم ؟
الاصل ما عند صاحب الحق والاصل عند زول تاني وصاحب الحق - دقس - وجاهو المزور من فاكس صاحب الحق التاني ...
احترموا عقولنا يا مريخاب واحترموا عقولكم برضو
|
Post: #10
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: عمر الفاروق
Date: 07-28-2009, 12:21 PM
Parent: #6
طلال:
مزمل لو صحفي بيفتش للاصلاح بعيد عن الانتماء كان سك موضوع علاء الدين بصمة مع نففففففس الاتحاد ونففففففس الاشخاص ..
مزمل لو بيفتش للاصلاح كان فتح القضية لحظة حدوثها واوووووووووووووووعك تقول لي مزمل انتظر حتى يمسك بكل حيوط القضية ..
مزمل صحفي بلييييد وبلييييد جدا واسترزاقي نفعي ..
مزمل يستمد معلوماتهولا يذهب اليها..
مزمل مهمته الكتااابة وبس والنشر وبس
مزمل لا يفهم تور الله في برسيمه ..
الحاجات دي ما محركة مزمل ولو ما عارف اعرف ..
مزمل بتجيهو المعلومات جااااهزة وهو ليهو حق النشر..
بخصوصك انت فلالالالالا يا اخوي اصصصصصلو كلامك ده ما كلام اعجاب بشطارة مزمل ولاااا انا كهلالابي حا اكون عاقل في الحتة دي ةاتعامل معاك على الاساس ده ..
حدنا في القضية دي ان نصل لي اي مرحلة مع اييي زول قضية هلال مريخ وبس عقل اصصصصصلو ما عندنا فيهو شغلة ..
البتكتب فيهو ده شغل بتاع شماتة في غير موضعها وتشكيك في الهلال ونحن هلالنا ده ما بنرضو فيهو قول منكم لا بي خير لا بي شر..
ورطت الاتحاد العام وال دي اتس ال فماااا دخل الهلال يا سييييييييد ؟؟؟
ابعد من الهلال يا طلال الله يرضى عليك وركز في الوتر خلي الكفر ده شوية ..
| Quote: أنا فقط أعلق علي اصرار مزمـل أبوالقاسم في المضي في هذه القضيـة واعتبارها قضية شخصيـة له ضد الأتحاد من واقع انكارهم للخطابات التي أظهرها في صحيفته والقدح في مصداقيته ! |
أسسسسسسسة ما قلت راي عام !!!!!!!!!!!!!!!!
|
Post: #14
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: tmbis
Date: 07-28-2009, 12:41 PM
Parent: #10
| Quote: بس .. بدون زعـل :) |
والله حقو نشيل البوست دا نمشي بيهو المدرجات ونجيب قصب سكر .. وننادي مزمل
:)
:)
انتو الحركة دي معناته وشوش ضاحكة واللا أنا عيوني كعبة..؟
|
Post: #17
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-28-2009, 12:53 PM
Parent: #14
Quote: والله حقو نشيل البوست دا نمشي بيهو المدرجات ونجيب قصب سكر .. وننادي مزمل
:)
:)
انتو الحركة دي معناته وشوش ضاحكة واللا أنا عيوني كعبة..؟ |
عليك الله كان وروك ليها وريني معاك .. عشان أنا مافارزا ضاحكه والا ساخره !!
|
Post: #19
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: tmbis
Date: 07-28-2009, 01:01 PM
Parent: #17
| Quote: عليك الله كان وروك ليها وريني معاك .. عشان أنا مافارزا ضاحكه والا ساخره !! |
خلاص دقيقه بس .. اديها صنة .. اشوف الجماعة ديل صاحيين واللا نايمين .. الماسكين الضحاكات ديل ..
|
Post: #15
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-28-2009, 12:43 PM
Parent: #10
| Quote: ابعد من الهلال يا طلال الله يرضى عليك وركز في الوتر خلي الكفر ده شوية .. |
حاااااضر بس أهم شئ أعصابك الله يرضي علينا وعليك :) :) :)
| Quote: مزمل صحفي بلييييد وبلييييد جدا واسترزاقي نفعي .. |
أنا شخصيا" متأكد الراجل ده عكس وجهة نظرك دي .. بالعكس أشطر صحافي رياضي في الساحة الأعلامية ..
| Quote: الحاجات دي ما محركة مزمل ولو ما عارف اعرف |
أها دي بقي صراحة ما عارفا ولو انت عارفا ومتأكد ورينا خلينا نفهم معاك .. بس يكون عندك دليل أهم شئ !
| Quote: البتكتب فيهو ده شغل بتاع شماتة في غير موضعها وتشكيك في الهلال ونحن هلالنا ده ما بنرضو فيهو قول منكم لا بي خير لا بي شر.. |
يشهد الله انت فهمت رأيي غلط .. الهلال رضينا أم أبينا نادي عملاق وصاحب بصمة واضحة علي المستويين الأفريقي والسوداني شأنو شأن المريخ .. أنا أتحدث عن قضية تجاوز من طرف اتحاد الكرة لمصلحة نادي معين .. قد يكون الأتحاد مغيب عن الحقيقة وقد يكون النادي وقع ضحية وكيل لاعبين استخدم مستندات غير صحيحة لخدمة مصالحه الذاتية مستغلا" رغبة النادي القوية في تصحيح أوضاع بعض اللاعبين الذين انخدع في مستوياتهم الفنية !!
|
Post: #12
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: عبدالله كع
Date: 07-28-2009, 12:29 PM
Parent: #6
يا جماعه ...
هل مزمم ابو القاسم ده عاقل ....
واذا كان موضوع الايعارات ده صاح وحاجاتو البجيبه دي ميه الميه من كلام عن اميلات وDHL وخزعبلات ..
ليه الاتحاد الافريقي رفض شكواهم ؟ - وحتي الاستئاف اترفض
الزول ده بنفخ في قربه مقدوده
|
Post: #45
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-28-2009, 03:51 PM
Parent: #12
| Quote: ليه الاتحاد الافريقي رفض شكواهم ؟ - وحتي الاستئاف اترفض |
الشكوي رفضت شكلا" فقط لعدم وصول البطاقة الصفراء والتي تحمل توقيع كابتني الفريقين ومراقب وحكم المباراة .. لكن الآم الأوراق مكتملة والأستئناف لم يرفض بعد !
|
Post: #8
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-28-2009, 12:18 PM
Parent: #4
| Quote: انت موش يا سيد بي هناك عملت مناحة في موضوع العجب ؟ |
موضوع العجب داك تلفيق وما فيهو دليل ولا مستندات ، لكن البقول فيهو مزمل ده مثبت بالورق ! وحتي الآن مافي جهة فتحت فيهو بلاغ قذف ، لا الأتحاد لا الهلال ، أها نعرف انو غلطان وكداب كيف ؟
لو بالجد أنا فعلت شئ عيب ، أعفي لي وأنا آآآسف !!
| Quote: لمعلوميتك .... ولكي لا تنقاد وراء الافك |
أنا انقاد فقط خلف المستندات !
Quote: تحاولون كما الاعلام المريخي ان تقنعونا بأن :- ( الخطابات التي لدى الاتحاد مزورة الاتحاد الممثل الشرعي للكرة السودانية لديه خطابات مزورة من الاتحاد النيجري لكرة القدم الممثل الشرعي لكرة القدم في نيجريا ... الاصل يوجد لدى صحيفة رياضية بل وتحرك هذه الصحيفة الرياضية الاتحاد النيجيري وتوعز له بارسال الخطابات "الاصلية " بواسطة البريد السريع وهذه الطريقة غير متبعة لمراسلات الاتحادات ....)
يعني نحنا ما عندنا عقل ولا العقل ده عندكم انتو براكم ؟
الاصل ما عند صاحب الحق والاصل عند زول تاني وصاحب الحق - دقس - وجاهو المزور من فاكس صاحب الحق التاني ...
احترموا عقولنا يا مريخاب واحترموا عقولكم برضو |
خلاص اليعملو تحقيقات في الموضوع ويجيبو كواريزما وأمولادي ويتصلو بالأتحاد النيجيري عن صحة الخطابات دي ، وبعد الحقيقة تظهر مزمل أبوالقاسم غصبا" عنو يطلع يعتذر للأتحاد والهلال والقراء علي تضليلو ولو الأتحاد والهلال مدانين اليتحملو النتيجة .. بس .. بدون زعـل :)
|
Post: #13
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Osama Mohammed
Date: 07-28-2009, 12:38 PM
Parent: #8
والله حالتك بتضحك
ياخ اقول ليك
بي ياتو عقل ممكن اصدق انو الخطابات العند الاتحاد دي مزورة والعند الجريدة دي اصلية ....
بس وريني ادخلها مخي كيف ؟؟؟؟ ده لو فضل مخ من النبيح معاكم ....
ياخ ده كلام غريب
الاصل بتاع المستندات ويييييييييييييين؟
|
Post: #18
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: tmbis
Date: 07-28-2009, 12:58 PM
Parent: #13
| Quote: حاااااضر بس أهم شئ أعصابك الله يرضي علينا وعليك :) :) :) |
يا عمر الزول دا قاليك حاااضر .. واهم شئ اعصابك .. ومعاها تلاتة وشوش ما معروفات بتدردقن واللا بيضحكن واللا نعمي ياتي ..؟
انا بقترح عليك تتعامل معاهو بي نظرية النور .. 
يعني بي صورة أوضح ..
كورك من جوه الاوضة وانا بنتظرك يف الصالون وبرد ليك ..
الزول دا قاليك معجب بي مزمل ابو القاسم .. بس انت اهم شئ اعصابك ..
يعني معجب بي مزمل دي خت لي تحتها خطين .. والبوست دا خت لي تحتو اربعة خطوط ..
يعني بي صراحة كدا الزول دا جاي من المدرجات لي الكشافات دي ..
فهمتني ؟؟
اسمع .. يا عمر إنت النور دا منو ..؟
|
Post: #25
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: حمزاوي
Date: 07-28-2009, 01:25 PM
Parent: #18
تعرف يا طلال اخوي
مزمل ابوالقاسم ناجح بكل المقاييس
والدليل لان الهلالاب ما قادرين يستحملوا كلامو
ويجوا طوالي باكين
لو داير الهلالابي يفنجط
بس قول ليه مزمل ابوالقاسم
وحتسمع البيابي والكواريك
إذا لم يرضى عنك الهلالاب فإذن انت كويس وناجح
هذه هي القاعدة لدينا
أنا من نهاية خمسينات القرن الماضي بتابع الكورة
وبشجع المريخ
إلى يومنا هذا لم اعلق على كتابة كاتب هلالابي
لانني لا اقرأ لهم
والله العظيم الذي لا اله الا هو
لا اعرف ماذا يكتبون ومن هم
|
Post: #30
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Osama Mohammed
Date: 07-28-2009, 01:57 PM
Parent: #25
الأخ حمزاوي
او ابدلها بالعم حمزاوي ( نسبة لتشجيعك الكرة من نهاية الخمسينات )
للأسف كلامك غير صحيح
الهلال موجود قبل ان يولد مزمل والصحافة الرياضية موجودة من قبل أن (ينزح ) مزمز للعاصمة ويتعلم ( الزئبقية) والتلون ...
الهلال مؤسسة كبيرة منذ قبل الاستقلال وهذا الصحفي بالذات اصبح همه كله الهلال تطاول كثيرا على الهلال ورموزه بل الآن يتعدى كل الخطوط الحمراء ويتهم الادارة بالتزوير هل من يتعدى عليك ويسبك يجب عليك احترامه ....
الامر ليس بنجاح او عدمه الامر بالاثارة وععدم الاحترافية التي وصلت الصحف الرياضية للأسف .......
|
Post: #31
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-28-2009, 01:57 PM
Parent: #25
الأخ حمزاوي .. شكرا" للمداخلة .. أنا برضو لاحظت انهم ما بقبلو كتاباتو مع انو في احيان كتيره كتاباتو ما بتتماشي مع سياية ادارة المريخ .. زي الانتخابات الفاتت .. القضية دي لو ماكان الهلال طرف فيها برضو كان حيفجرها لأنو بيفتكر الأتحاد غير جدير بادارة شئون الكرة في السودان .. لكن الجماعه اخدوها عداوة شخصية !!
|
Post: #27
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: abuguta
Date: 07-28-2009, 01:29 PM
Parent: #18
طلال الجميل سلام
انت ولد غناى وشاب محترم,,,لك معجبين كتار على خارطة الوطن,,وسجلت حضور متميز فى زمن وجيز
وانت بعضمة لسانك قلت انك مريخابى,,لكن كل اصحابك هلالاب على راسهم كابتن الهلال,,
ياصديقى انت سلعة معروضة فى السوق,,,كن كالماء,,ولا تبارى الهبك
الببارى الهبك لابد من الوقعات,,
ياصديقى مزمل صحفى متجنى على الرياضة,,,صحفى مشجع من الدرجة الاولى
لا يستدرجك فى وحل امثال هذه القضية ,,ربما تضر او تترك مزمل حايم فى الحوارى
بدون قلم وبدون صحيفة,,فياصديقى ابعد عن هذه الشرور..وعن هذه الترهات
خليك فنان جميل ومشجع عادى ,,او ادلى برايك مثل الاعضاء العادين لكن لا تتبنى مثل هذا التخريف
فرضا دا كله حاصل,,كيف تحصل مزمل على هذه المعلومات,,لا تقولى بسبق صحفى
تحصل عليها بالفلوس...يعنى دفع لناس ..عشان,,يدخلو على بريد الاتحاد..وينقلو له المعلومات
وايضا استغل ناس له ميول مريخى..داخل مكاتب الاتحاد,,,لكى ينشر غسيله,,,
فانى اراك الضحية الاولى لو استمريت فى نشر غسيل مزمل فرجائى لك...وانت شخص محبب لقلوب
الجميع ابعد عن هذه المهاترات,,,اانا ذاتى دخلت على البرنامج الذى يتابع حركة
الرسائل المرسلة عبر هذه المؤسسة..واسى ممكن اديك رقك خطاب يخص شركتنا وانت تعرف من استلمه
فياصديقى خليك طلال حلفا,,حافظ على هذا الاسم الجميل الذى دخل قلوب هلال الملاييييين قبل المريخاب
الذين تنتمى لهم قولا وليس فعلا لانك لم تصاحب واحد منهم,,,,
ثم اضف لك قولا يجانبه الصواب ,لو لعب الهلال بدون هولاء المذكورين لما استطاع المريخ ان يتحصل على مزيد غير هذه النقطة
نكبات المريخ الاخيرة هى التى دعت مزمل لصرف جمهور المريخاب الى غير موضع الحدث
لان مزمل من صور لهم,,ان المريخ بعبع افريقى لا يغهر,,هو سيحمل الكاس الهاتريك,,,هل مرت عليك كلمة هاتريك
تستخدم فى هذا الحدث,,هذا الرجل هو من دمر المريخ هو اكبر بائع للوهم ,,لذا يريد ان يصرف عشاق الاحمر
الى قضية اخرى,,حتى يبيع صحيفته التى سوف يكون لها مستقبل مظلم اذا سارت فى هذا المنحى التهاترى
طلال نهارك سعيد وكن بخير,,,
ودمت
اخوك ابو لدن
صحفى رياضى
|
Post: #39
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-28-2009, 02:33 PM
Parent: #27
Quote: طلال الجميل سلام
انت ولد غناى وشاب محترم,,,لك معجبين كتار على خارطة الوطن,,وسجلت حضور متميز فى زمن وجيز
وانت بعضمة لسانك قلت انك مريخابى,,لكن كل اصحابك هلالاب على راسهم كابتن الهلال,,
ياصديقى انت سلعة معروضة فى السوق,,,كن كالماء,,ولا تبارى الهبك
الببارى الهبك لابد من الوقعات,, |
الأستاذ أبولدن/ أولا" لك خالص الشكر علي الكلمات الرقيقة في طلال حلفا المطرب .. أمنياتي أن أحتفظ بهذا الأنطباع الجميل لديك دائما" ..
لكن ... تشجيع فريق دون الآخر لا ينتقص من شخصية أحد طالما ابتعد عن المهاترات والتعصب واظنك تتفق معي في هذا القول .. أنا أحب وردي جدا" مع علمي التام بأنه هلالابي موووت !
| Quote: ياصديقى مزمل صحفى متجنى على الرياضة,,,صحفى مشجع من الدرجة الاولى |
يا عزيزي انت صحافي رياضي كما ذكرت وأعتقد مزمل زميل لك في نفس المهنة .. وكذلك انت هلالي ولم يصفك أحد بأنك مشجع من الدرجة الأولي !!
Quote: ابعد عن هذه الشرور..وعن هذه الترهات
خليك فنان جميل ومشجع عادى ,,او ادلى برايك مثل الاعضاء العادين لكن لا تتبنى مثل هذا التخريف |
لماذا تصر علي تسمية الموضوع بترهات وتخاريف ولماذا اتبعت ميولك الشخصية في تحديد مسار القضية ؟ هناك قضية ومستندات صحيحة وأخري مزورة يا أستاذي ! ولماذا لا تتناول القضية من باب أنها سابقة خطيرة في الساحة الرياضية السودانية ! حتي الآن مزمل يصر علي صحة صور المستندات التي بحوزته بينما فضل الأتحاد الظهور أمام الرأي العام في شخصية دكتور شداد ليحاول نظريا" اثبات عدم صحة ادعاءات صحيفة الصدي !! هي قضية تمس الشرف والأمانة فلماذا يصر الأتحاد علي التعامل معها من الباب الخلفي ؟ فليذهبوا للقضاء ولنعرف أين الصواب من الخطأ .. هذا كل مافي الأمر .
| Quote: لو لعب الهلال بدون هولاء المذكورين لما استطاع المريخ ان يتحصل على مزيد غير هذه النقطة |
المريخ انتصر علي الهلال بينما كان الهلال في عز تألقه وكذا الحال للهلال الذي دائما" مايستطيع الخروج بدون هزائم أمام المريخ وهو في أوج تألقه .. وهو حال الكرة !
Quote: تحصل عليها بالفلوس...يعنى دفع لناس ..عشان,,يدخلو على بريد الاتحاد..وينقلو له المعلومات
وايضا استغل ناس له ميول مريخى..داخل مكاتب الاتحاد,,,لكى ينشر غسيله,,, |
أنت يا صديقي صحافي ، هات لي الدليل علي الكلام ده وأنا أصدق !! رئيس الأتحاد العام وأغلب الضباط الأداريين بالأتحاد ميولهم هلالية ، هذا انطلاقا" من نفس منطقك !
| Quote: طلال نهارك سعيد وكن بخير,,, |
نهارك سعيد يا أستاذ ، لكني أراك أخذت منحي التعصب في هذا الموضوع ، عموما" أرجو أن لا يؤثر هذا في اهتمامك بطلال حلفا الفنان ، أنا والدي هلالابي حد التعصب ولكن لم أسيئ للهلال يوما" بالعكس .. ده براهو وده براهو يا أستاذنا .. لك الود
|
Post: #53
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-28-2009, 04:42 PM
Parent: #18
Quote: يا عمر الزول دا قاليك حاااضر .. واهم شئ اعصابك .. ومعاها تلاتة وشوش ما معروفات بتدردقن واللا بيضحكن واللا نعمي ياتي ..؟
انا بقترح عليك تتعامل معاهو بي نظرية النور ..
يعني بي صورة أوضح ..
كورك من جوه الاوضة وانا بنتظرك يف الصالون وبرد ليك ..
الزول دا قاليك معجب بي مزمل ابو القاسم .. بس انت اهم شئ اعصابك ..
يعني معجب بي مزمل دي خت لي تحتها خطين .. والبوست دا خت لي تحتو اربعة خطوط ..
يعني بي صراحة كدا الزول دا جاي من المدرجات لي الكشافات دي ..
فهمتني ؟؟ |
معتصم دفع الله قال لي انك صاحبو ، عشان كده ما حأدخل معاك في مهاترات ..
أنت لو عندك رد منطقي علي ادعاءات مزمل أبوالقاسم قولها بدل ما تقلب المواضيع سخرية وترد علي الناس متهكما" علينا .. في حالة بتاعت تزوير وااااااضحة .. عندك دليل عكس الكلام ده ورينا ليهو .. ماعندك حاول ادخل أدينا مبررات نقدر نستفيد منها معاك .. بدون تبش ولا شطة ولا ملوحة !!!
|
Post: #20
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: رقم صفر
Date: 07-28-2009, 01:05 PM
Parent: #13
بس عليك الله رد علي الاسئلة دي :
- لو انا قاعد في ابوجا وارسلت خطاب للاتحاد السوداني ، هل هذا دليل علي ان الاتحاد النيجيري ارسل خطاب للاتحاد السوداني ....
- من المعلومات السرية بالنسبة للدي اتش ال ، التراكنغ نمبر ، فهذا لا يعرفه الا المرسل ، وممكن ان يتحصل علي المرسل اليه ، يعني اتصل عليك واقول ليك انا مرسل ليك خطاب بالدي اتش ال ، وتابعوا عن طريق التراكنغ نمبر .... السؤال من اين تحصل مزمل علي التراكنغ نمبر ....
- ماهو مصدر مزمل في هذه المعلومات ، يمعني كيف له ان يتأكد من فحوي الظرف المرسل ....
- هل مزمل يلعب دور في هذه القضية غير (كشفها ) للراي العام .....
- الم يقم مزمل في السنة القبل الماضية بفتح قضية المباراة النهائية ، وقال ان هناك تلاعب في مكان المباراة النهائية ، رغم انه من الذين حضروا القرعة في سويسرا ، ومن اوائل الذين قاموا بعرض جدول المباريات ؟؟؟؟؟
اسوأ شئ في التعصب للاندية هو ان تري مثل مزمل صحفي شاطر ، انظر الي عمود مزمل اليومي ، هل تري مقال صحفي ام مجموعة من النقاط ، اتعرف لماذا يلجأ الانسان للكتابة في شكل نقاط ، لانه بيكون عنده مشكلة في التعبير ولايستطيع ان يكتب مقال ، فاسهل حاجة ان يكتب ما يريد قوله في شكل نقاط ،،، فهذه تعفيه من الشكل المفترض للكتابة من حيث تقديم الخلفية عن الموضوع ثم عرضه ومن ثم رأيه او النتيجة النهائية ،،،، هذه لا يستطيع مزمل (الشاطر) ان يفعلها لانه لا يملك ملكة الكتابة .... الصحفي الرياضي اسهل مهنة في السودان (الا تكون اخلاقي وانتهازي )
|
Post: #42
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-28-2009, 02:58 PM
Parent: #20
| Quote: لو انا قاعد في ابوجا وارسلت خطاب للاتحاد السوداني ، هل هذا دليل علي ان الاتحاد النيجيري ارسل خطاب للاتحاد السوداني |
أكيد اسم الجهة المرسلة بكون معروف .. ومنعا" للخلط ليه مانتصل بالأتحاد النيجيري ونتأكد وخلاص !
| Quote: السؤال من اين تحصل مزمل علي التراكنغ نمبر |
ممكن يكون تحصل عليه من مكتب DHL في الخرطوم بواسطة صديق أو الشخص الذي يقوم بالتوصيل من مناديب الشركة، أو ممكن أداهو ليهو واحد في الأتحاد العام ! ده ماشئ صعب
| Quote: ماهو مصدر مزمل في هذه المعلومات ، يمعني كيف له ان يتأكد من فحوي الظرف المرسل .... |
وين المشكلة ؟ الأتحاد ملآآآآآن هلالاب ومريخاب ، أو أحد المناديب في نيجيريا تحصل علي نسخة من الأتحاد النيجيري لأنهم عندهم مصلحة في الكلام ده خصوصا" فريقهم في نفس المجموعة !
| Quote: هل مزمل يلعب دور في هذه القضية غير (كشفها ) للراي العام |
حتي الآن دوره لم يتعدي ذلك ، بل يثبت صحة الأخبار الواردة في الصحيفة و بما أن الأتحاد لبس الطاقية وتعامل كأنما هو الخصم والحكم ! من تعدي دوره ذلك هو نادي المريخ الذي رفع شكوي في بطلان صحة اجراءات التعاقد مع الثنائي الجديد تشكيكا" في بطلان اجراءات اخلاء خانتيهم !
| Quote: الم يقم مزمل في السنة القبل الماضية بفتح قضية المباراة النهائية ، وقال ان هناك تلاعب في مكان المباراة النهائية ، رغم انه من الذين حضروا القرعة في سويسرا ، ومن اوائل الذين قاموا بعرض جدول المباريات ؟؟؟؟؟ |
نعم وكلامه كان صحيح وكان في مصلحة الهلال ، لأنو الأتحاد الأفريقي غير في ملعب المباراة النهائية لصالح النادي الأهلي القاهري والكلام ده كان ظاااهر في الشاشة التي ظهرت عليهاالقرعة !
| Quote: سوأ شئ في التعصب للاندية هو ان تري مثل مزمل صحفي شاطر ، انظر الي عمود مزمل اليومي ، هل تري مقال صحفي ام مجموعة من النقاط |
وبنفس القدر أنظر لعمود معتصم محمود وأعمدة حبيب البلد وقوون !
نحن أمام قضية يجب أن يظهر فيها الحق ! هل الأتحاد سمح للهلال باخلاء الخانات تمشيا" مع اللا ئحة المصدرة أم سمح له لمداراة التخلص من كواريزما وأمولادي .. دي القضية لا الهلال لا المريخ !
|
Post: #22
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: ناجى أحمد البشير
Date: 07-28-2009, 01:08 PM
Parent: #13
مزمل ما عنده حل غير يطارد القضية لأنه شداد طلعه كضاب بالدليل القاطع .. وبالتالى جريدته حتضرب الدلجة .. ولو افترضنا جدلا انه فى خطاب وصل بال دى اتش ال للآتحاد شنو العرفك انت ومزمل انه ده الخطاب المعنى بالقضية , مش ممكن يكون خطاب خاص باى شىء اخر ؟؟؟ .. ليه افترضت انت ومزمل انه خطاب الاعارة بتاعت الهلال .. معقول تتهموا الاتحاد كله رئيسه وسكرتيره التنفيذى وسكرتيره العام وموظف البريد بالفساد وانتو بس الصاح .. وبعدين لو فى حاجة زى دى .. معتصم جعفر ( نائب الرئيس مش حيسكت ) ولأ هو برضه فاسد زيهم .. اتقوا الله .
من حقكم تتقدموا بشكوى ودى حدوده اما محاولات التشهير بالناس واتهامهم فى ذممهم والاتجار بقضايا الهلال لزيادة توزيع الصدى وغيرها من الجرايد البايره فهى قضايا انصرافيه لن تشغل بال الاهلة كثيرا .. وكم قضية اثارها من قبل اعلام المريخ ومزمل بالتحديد وانتهت الى لاشىء .. احسب معاه وتلاقى النتيجة صفرا كبيرا كالذى خرجتم به من سيكافا ..
كان الغنا غلبك وعايز تحول كفر ورينا لكن اعتقد برضه فات الاوان وربنا يوصلك بالسلامة .. خليك فى غناك الما معروف ليه اول من اخر ده .. ولا عايز تشتهر عن طريق الكورة برضه .. لأ دى برضه عندها ناس ( كفر ووتر ) .. لفيت اعراس الخرطوم دى كلها , يوم واحد ما سمعت لى بعرس قاله فنانه اسمه على اسمك ده ..
|
Post: #43
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-28-2009, 03:23 PM
Parent: #22
| Quote: مزمل ما عنده حل غير يطارد القضية لأنه شداد طلعه كضاب بالدليل القاطع .. وبالتالى جريدته حتضرب الدلجة .. ولو افترضنا جدلا انه فى خطاب وصل بال دى اتش ال للآتحاد شنو العرفك انت ومزمل انه ده الخطاب المعنى بالقضية , مش ممكن يكون خطاب خاص باى شىء اخر ؟؟؟ .. ليه افترضت انت ومزمل انه خطاب الاعارة بتاعت الهلال .. معقول تتهموا الاتحاد كله رئيسه وسكرتيره التنفيذى وسكرتيره العام وموظف البريد بالفساد وانتو بس الصاح .. وبعدين لو فى حاجة زى دى .. معتصم جعفر ( نائب الرئيس مش حيسكت ) ولأ هو برضه فاسد زيهم .. اتقوا الله . |
الآن أصبح رئيس الأتحاد العام هو السند للهلال ، السنة الفاتت القريبة دي ما كنتوا في خصومة وقلتو بستهدف الهلال !!
| Quote: من حقكم تتقدموا بشكوى ودى حدوده |
نادي المريخ تقدم فعلا" بشكوي !
| Quote: اما محاولات التشهير بالناس واتهامهم فى ذممهم والاتجار بقضايا الهلال لزيادة توزيع الصدى وغيرها من الجرايد البايره فهى قضايا انصرافيه لن تشغل بال الاهلة كثيرا |
ده موضوع ما بهمني ولا بخصني كتير !!
| Quote: صفرا كبيرا كالذى خرجتم به من سيكافا |
أكون شاكر ليك وممنون لو وريتني الهلال شارك في سيكافا دي كم مرة قبل كده وجاب شنو ؟ !!
أوامرك !
| Quote: لفيت اعراس الخرطوم دى كلها , يوم واحد ما سمعت لى بعرس قاله فنانه اسمه على اسمك ده .. |
الأخ بتاع ساوند ؟
| Quote: كان الغنا غلبك وعايز تحول كفر ورينا لكن اعتقد برضه فات الاوان وربنا يوصلك بالسلامة .. خليك فى غناك الما معروف ليه اول من اخر ده .. ولا عايز تشتهر عن طريق الكورة برضه .. لأ دى برضه عندها ناس ( كفر ووتر ) .. لفيت اعراس الخرطوم دى كلها , يوم واحد ما سمعت لى بعرس قاله فنانه اسمه على اسمك ده .. |
لفت الأنظار لا يكون بالأساءة للآخرين وكلامك ده ممجوج ولا يهز شعرة فيني لأنك أصلا" غير مهم بالنسبة لي .. ربنا يشفيك ياعم ناجي ياالما عندك موضوع !
|
Post: #24
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-28-2009, 01:16 PM
Parent: #13
أنا برضو !!
| Quote: ي ياتو عقل ممكن اصدق انو الخطابات العند الاتحاد دي مزورة والعند الجريدة دي اصلية .... |
انت بتسألني أنا ؟ ما تمشي تسأل الوكيل الرسل الخطابات دي من نيجيريا باللف والدوران !!
مزمل كدااااب والأتحاد السوداني محق والأتحاد النيجيري الطرف الأصيل في القضية برضو كداااب !!
أها نحن نصدق منو ؟ مزمل معاهو صور من الخطابات وليس أصل الخطابات لأنو أصل الخطابات المع مزمل وصلت الأتحاد السوداني بالبريد السريع يا سيد !!
|
Post: #23
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: عمار يس النور
Date: 07-28-2009, 01:10 PM
Parent: #8
الأخ طلال
تحية طيبة و إحترام
هسع عليك الله عرفت كيف إنو ده الخطاب المقصود و إنو مرسل من إتحاد الكورة النيجيري ؟
وبرضو كيف عرفت إنو وصل للإتحاد السوداني؟
مش ممكن يكون في زول ضحك على صاحبك ده و باع ليهو معلومات مضروبه!!!
ممكن اي زول في نيجيريا يرسل ليهو بريد بالدي إتش إل و يظهر بالطريقة الإنت شايفها دي !!
و الله فعلا زولك ده صحفي شاطر جدا جدا
تحياتي مره اخرى و إحترامي
|
Post: #26
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: tmbis
Date: 07-28-2009, 01:25 PM
Parent: #23
| Quote: كان الغنا غلبك وعايز تحول كفر ورينا لكن اعتقد برضه فات الاوان وربنا يوصلك بالسلامة .. خليك فى غناك الما معروف ليه اول من اخر ده .. ولا عايز تشتهر عن طريق الكورة برضه .. لأ دى برضه عندها ناس ( كفر ووتر ) .. لفيت اعراس الخرطوم دى كلها , يوم واحد ما سمعت لى بعرس قاله فنانه اسمه على اسمك ده .. |
لالا يا ناجي البشير .. كدا ما تمام
الزول دا هنا بتكلم معانا من المسطبات وفارش ليهو كمية بتاعت قصب ..
خلونا نتعامل معاهو بي قصبو دا ..
يعني معاك لحدت .. ( حفياني .. وماسورة ) ودي شطارة عرابو مزمل أبو القاسم .. كان جا غنى ليكم هنا دا .. دي حاجة تانية ..
خلونا كدي في كورتو دي .. طالما داخل هنا وشايل معاهو كفرو في جيبو ..
| Quote: اشوف الجماعة ديل صاحيين واللا نايمين .. الماسكين الضحاكات ديل .. |
معليش يا طلال ولا في واحد فوقم صاحي .. خليك معانا في الصورة .. بنديك خبر .. بس ما تقوم تتضايق وتكلم لينا مزمل .. يقوم يجيبنا في الصدى زينا وزي ناس حفياني .. وامولادي الركبتو كعبة ..
|
Post: #28
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: omer osman
Date: 07-28-2009, 01:34 PM
Parent: #26
| Quote: الشطة بي التبش والقصب |
ياتمبس ..... سمعنا بالشطة بي التبش والقنقليز لكن بالقصب دي جديدة
|
Post: #33
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: tmbis
Date: 07-28-2009, 02:04 PM
Parent: #28
| Quote: ياتمبس ..... سمعنا بالشطة بي التبش والقنقليز لكن بالقصب دي جديدة |
كدي شوف مزمل يابوليص ,, بيلقى ليها طريقه بالدي اتش إل 
|
Post: #29
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: حمزاوي
Date: 07-28-2009, 01:49 PM
Parent: #26
كان الغنا غلبك وعايز تحول كفر ورينا لكن اعتقد برضه فات الاوان وربنا يوصلك بالسلامة .. خليك فى غناك الما معروف ليه اول من اخر ده .. ولا عايز تشتهر عن طريق الكورة برضه .. لأ دى برضه عندها ناس ( كفر ووتر ) .. لفيت اعراس الخرطوم دى كلها , يوم واحد ما سمعت لى بعرس قاله فنانه اسمه على اسمك ده ..
يا ناجي اخوي
مسكاقمي
دي بيسموها شخصنة المواضيع
والخستقة
ومحاولة تفريغ الموضوع من مضمونه
ياريت لو نكون في صلب الموضوع
|
Post: #32
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: حمزاوي
Date: 07-28-2009, 02:04 PM
Parent: #29
صدقوني يا الهلالاب
حالتكم صعبة
والكاروشة حاصله
عشان مزمل قال ان
كواريزما ما معار للفريق النيجيري
وكذلك امولادي برضوا ما معار للفريق النيجيري ( قالوا فريق ناساروا في الخرطوم حسع ان شاء معاهم امولادي )
وايضاً قال بان سادومبا حضر للهلال بانتقال وليست إعارة ومن جنوب افريقيا وليس من موزمبيق
ولا ننسى
سادومبا قال بعضمة لسانو انه منتقل وليست إعارة
ووكيل كواريزما بيقول موكله لا علاقة له باي فريق نيجيري ولا قد سمع بهذا الفريق
أما امولادي قال انه تم شطبه وهو لاعب حر
ومزمل ابوالقاسم اخوي
عندو معلومات كتيرة
وياما في الجراب يا حاوي
والتقيل ورا
أها نقول ليه شنو
اسكت يا مزمل
وخلي الهلال يزور ويعمل ذي ما هو عايز
|
Post: #34
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: tmbis
Date: 07-28-2009, 02:12 PM
Parent: #32
Quote: صدقوني يا الهلالاب
حالتكم صعبة
والكاروشة حاصله
عشان مزمل قال ان
كواريزما ما معار للفريق النيجيري
وكذلك امولادي برضوا ما معار للفريق النيجيري ( قالوا فريق ناساروا في الخرطوم حسع ان شاء معاهم امولادي )
وايضاً قال بان سادومبا حضر للهلال بانتقال وليست إعارة ومن جنوب افريقيا وليس من موزمبيق
ولا ننسى
سادومبا قال بعضمة لسانو انه منتقل وليست إعارة
ووكيل كواريزما بيقول موكله لا علاقة له باي فريق نيجيري ولا قد سمع بهذا الفريق
أما امولادي قال انه تم شطبه وهو لاعب حر
ومزمل ابوالقاسم اخوي
عندو معلومات كتيرة
وياما في الجراب يا حاوي
والتقيل ورا
أها نقول ليه شنو
اسكت يا مزمل
وخلي الهلال يزور ويعمل ذي ما هو عايز |
قولينا النجيضة يا خالووو .. اليومداك الخرتوم اتنين فاتح لينا واللا .. دا كلام مزمل ما كلامك .. ؟
والله يا خال من ناحية الموضوع دا والكاروشة .. حقو تعتبر المريخ مغلوب وتعمل نايم تتفرج من المدرجات بس ..
وحقو تسوق معاك طلال دا زاتووو .. الشغل دا ما عندكم ليهو رقبة .. خليكم في الحال العليكم .. البنج دا بيفك وبتبقو في قلعان الضرس اب كراعاً برهـ ... خليكم في حالكم والهلال دا فكو دربو .. مش بطنكم بتبرد ؟؟
|
Post: #37
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: إبراهيم عبد الحليم
Date: 07-28-2009, 02:19 PM
Parent: #34
تخريمة
يا أخى كون الواحد يسمع صوتك دى براها حاجة حلوة
تحية حارة يا فنان
إبراهيم عبد الحليم
|
Post: #47
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-28-2009, 04:01 PM
Parent: #37
| Quote: يا أخى كون الواحد يسمع صوتك دى براها حاجة حلوة |
تسلـم يا فنـان .. لك التحايا القلبية ولك ودي
|
Post: #38
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: حمزاوي
Date: 07-28-2009, 02:26 PM
Parent: #32
الأخ حمزاوي
او ابدلها بالعم حمزاوي ( نسبة لتشجيعك الكرة من نهاية الخمسينات )
للأسف كلامك غير صحيح
الهلال موجود قبل ان يولد مزمل والصحافة الرياضية موجودة من قبل أن (ينزح ) مزمز للعاصمة ويتعلم ( الزئبقية) والتلون ...
الهلال مؤسسة كبيرة منذ قبل الاستقلال وهذا الصحفي بالذات اصبح همه كله الهلال تطاول كثيرا على الهلال ورموزه بل الآن يتعدى كل الخطوط الحمراء ويتهم الادارة بالتزوير هل من يتعدى عليك ويسبك يجب عليك احترامه ....
الامر ليس بنجاح او عدمه الامر بالاثارة وععدم الاحترافية التي وصلت الصحف الرياضية للأسف .......
سيدي المحترم
اولاً اشكرك
نعم انا اشجع الكرة من نهاية الخمسينات
ولكنني لم اقل بان مزمل برضوا كان معاي
أنا عندي بنت يمكن يكون في سن مزمل
انا لا اعتراض لي في ان الهلال مؤسسة كبيرة ولكن الموضوع المطروح للنقاش ما اثاره الصحفي مزمل ابوالقاسم بان هناك تزوير في حالة كواريزما وامولادي وسادومبا ولديه أدله والاتحاد والهلال بيقولوا أن لا يوجد تزوير ولديهم مستنداتهم
في هذه الحالة لزم أن نصل لخاتمة تثبت احد الطرفين انه على حق
لا بد من ذلك
فهذا يفرض علينا ان نكون واقعيين وموضوعيين
فكل طرف يحاول ان يؤكد بالادلة ان وضعه سليم
بدون التطرق للشخصيات بالاساءة
فأن مزمل ابوالقاسم صحفي فهذا لا يحتاج إلى دليل
يحق للهلالاب ان يكون لديهم رأي فيما يكتبه مزمل
فالنقض يكون لما كتبه وليس في الطعن في شخصه
واطلاق النعوت والالفاظ المسيئة له
انظر الى هذا المنتدى وبطلة بسيطة لا تجد مريخابي يسئ لاي كاتب او صحفي هلالابي يكتب في صحف الهلال هل هم لا يكتبون عن المريخ
كل يوم اكتشف بان مزمل ابوالقاسم بعبع كبير للهلالاب
|
Post: #40
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: tmbis
Date: 07-28-2009, 02:33 PM
Parent: #38
Quote: يحق للهلالاب ان يكون لديهم رأي فيما يكتبه مزمل
فالنقض يكون لما كتبه وليس في الطعن في شخصه
واطلاق النعوت والالفاظ المسيئة له
انظر الى هذا المنتدى وبطلة بسيطة لا تجد مريخابي يسئ لاي كاتب او صحفي هلالابي يكتب في صحف الهلال هل هم لا يكتبون عن المريخ
كل يوم اكتشف بان مزمل ابوالقاسم بعبع كبير للهلالاب |
من ناحية بعبع دي يا خالووو هو مبعبع بيكم انتو بس .. ونحن راينا واضح قلناهو في مزمل ولسه بنقولو دا شخص مدمر للاعلام الرياضي ولي حاجه اسمها كورة في السودان وكل من يجاريه في نفس نهجو سوا ان كان صحفي رياضي هلالي أو غير ذلك .. بعيدن يا خالووو هذا المزمل الداقين بيهو طار دا .. هو احدث من أدخل عبارات لا تليق بالصحافة الرياضية ولا بي اخلاق الرياضة و الالفاظ المسئة يا سيدي الفاضل .. مهحتفظ بيها كل هلالابي غيور على سمعة فريقو .. وكل حرف شتم بيهو مزمل لعيبة الهلال والمصطلحات السوقية الدخله وجيتو تهتفو بيها هنا قاعده .. وغنت يا خال واحد من ابطال المسلسلات دي .. إنتو ليه ما قاعدين تشوفو عوجة رقبتكم ..؟ | Quote: انظر الى هذا المنتدى وبطلة بسيطة لا تجد مريخابي يسئ لاي كاتب او صحفي هلالابي يكتب في صحف الهلال هل هم لا يكتبون عن المريخ |
غايتو دي بالغته فوقه يا خال .. لكن اقوليك حاجة ..؟ والله من الشفناهو من حقدكم ومن تشجيعكم هنا دا ومن كتاباتكم حقو تسكتو وتخلو ناس مزمل ديل هم اليكتبو .. يعني بالنجيضة كدا .. إنتو اطلعو منها ..
ما عايزين نكركب الارشيف ونطلع ليكم فضايحكم .. احتمال كبير الخرتوم تلاتة تكون فاتحه لينا تاني ..
|
Post: #48
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-28-2009, 04:13 PM
Parent: #38
Quote: انا لا اعتراض لي في ان الهلال مؤسسة كبيرة ولكن الموضوع المطروح للنقاش ما اثاره الصحفي مزمل ابوالقاسم بان هناك تزوير في حالة كواريزما وامولادي وسادومبا ولديه أدله والاتحاد والهلال بيقولوا أن لا يوجد تزوير ولديهم مستنداتهم
في هذه الحالة لزم أن نصل لخاتمة تثبت احد الطرفين انه على حق
لا بد من ذلك
فهذا يفرض علينا ان نكون واقعيين وموضوعيين
فكل طرف يحاول ان يؤكد بالادلة ان وضعه سليم |
وهذه بالضبـط هي القضيـة المطروحة !
| Quote: بدون التطرق للشخصيات بالاساءة |
وهذا بالضبـط هو المطلوب !
| Quote: كل يوم اكتشف بان مزمل ابوالقاسم بعبع كبير للهلالاب |
كل الصحـافة الهلالية ومع احترامـي لها تتابع عمود الكاتب المريخـي مزمل أبوالقاسم ايمانا" منها بقدراته الأعلامية وقد عمل معه في صحيفته أعتي الصحافيين الهلاليين ومنهم قسم خالد وياسر عائس وابراهيم عوض وطارق ... وغيرهم
|
Post: #35
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: جمال السنوسي
Date: 07-28-2009, 02:17 PM
Parent: #29
طلال حلفا
انت مالك ومال الهلال
نصيحتي ليكم يا بطيخاب
بدلا من ان تكرهوا الهلال
حبو فريقكم
وابذلوا جهودكم مع مدرب السبعة
حتى لا تتكرر
وادعموا مشواركم الافريقي
حتى لا يصدمكم بطاح
كما صدمكم تاكسي في آخر بطولة مدفوعة الأجر
وابقوا نجوما في الفن أو الإعلام بالكتابة عن فريقكم
وليس عن الفريق المنافس
وإلا سوف تصبحون مترملاب بدلا من مزملاب
التوقيع : سواق تاكسي
|
Post: #51
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-28-2009, 04:28 PM
Parent: #35
جمال السنوسـي /
تحيـة طيبة ليك ولناس الدوحـة ،،
| Quote: انت مالك ومال الهلال |
الهلال ده روحي ونفسي !
نعشق النجم ونهوي ..
Quote: وابذلوا جهودكم مع مدرب السبعة
حتى لا تتكرر |
الله يكدب الشينة !
| Quote: حتى لا يصدمكم بطاح |
البطاح دي قاصد بيها هيثم طمبل ؟ ما تخاف معانا مابصدمنا !
| Quote: كما صدمكم تاكسي في آخر بطولة مدفوعة الأجر |
أدفعوا ذينا واعملو بطولة كان عندكم !
| Quote: وابقوا نجوما في الفن أو الإعلام بالكتابة عن فريقكم وليس عن الفريق المنافس |
نحاول ياسيدي نبقي نجوم في الفن ، الله يبقينا ، لكن كتابة عن الفريق المنافس لم نكتب ، عشان أصلا" مافي لينا منافس !
نحن قلنـا الأتحاد يعمل لمداراة هذه القضية الغاااامضة و ورد اسم الهلال لأنو طرف أصيل في موضوع الأعارات ، انتو ليه أخدتو الكلام بالشكل المتعصب ده ؟ !! ياخ والله الهلال فريق مية المية لكن في موضوع بتاع أعارات شاغل الوسط ، عايزين نعرف آخرو .. ما من حقنا ؟
|
Post: #36
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: محمد الامين احمد
Date: 07-28-2009, 02:18 PM
Parent: #29
تحية طيبة
Quote:
ما يفعله مزمـل بغض النظر عن انتمائه الرياضـي يعتبر درسا" للصحافيين في كيفية تتبع الأحداث وايرادها بالمستندات والأصرار علي اثبات مصداقيـة الصحيفـة وايضا" استخدام دوره الفعلـي كسلطة رابعة في تتبع مواطن الخلل والألتفاف علي القوانين داخل هيئاتنا الرياضيـة من أجل خدمة مصالـح معينة لأنديـة معينة (الهلال والمريـخ)
|
و ليه يتبع الاحداث اساسا بالاصرار ده !!! فى لجان و جهات آخرى هى المسؤولة عن مثل هذة الامور !!! ح نستفيد شنو
فى المحصلة النهائية من الموضوع ده !!! و معقول مافى غير صغير العرضه ده البزور فى كشوف اللعيبه بتوعو !!! يا ريت لو
استاذ مزمل يلتفت لـ حاجات اهم من كده ، و يخلى الجماعة يرعو يمكن ، شوف يمكن يعملو حاجة ، مساكين من سنه دو
ما حققو انجاز واحد
كتابة قديمة نهديها الى الاستاذ مزمل ، مع كل الامانيات بان يبتعد عن المهاترات و المواضيع التى لا فائدة من ورائها
|
Post: #41
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: حمزاوي
Date: 07-28-2009, 02:40 PM
Parent: #36
قولينا النجيضة يا خالووو .. اليومداك الخرتوم اتنين فاتح لينا واللا .. دا كلام مزمل ما كلامك .. ؟
والله يا خال من ناحية الموضوع دا والكاروشة .. حقو تعتبر المريخ مغلوب وتعمل نايم تتفرج من المدرجات بس ..
وحقو تسوق معاك طلال دا زاتووو .. الشغل دا ما عندكم ليهو رقبة .. خليكم في الحال العليكم .. البنج دا بيفك وبتبقو في قلعان الضرس اب كراعاً برهـ ... خليكم في حالكم والهلال دا فكو دربو .. مش بطنكم بتبرد ؟؟
يا ابوالنسب
مسكاقمي
نحن قاعدين ندسها
أها همد قال ليكم واضحة بان هلال الجبال فتح كبري واسع ليكم
يومداك انا القلت بان الخرطوم عمل ليكم ممر ... ما مزمل انا القلت
مزمل بيقول المحرشين
تعرف المحرشين كان كيف
كنسلتو المدربين المشوا مباراة هلال الساحل مع المريخ
نعدهم ليك ولا انت عارفهم
طلال اسوقوا وين هو في الخرطوم وانا في الرياض
الشغل عندنا ليه رقبة ... رقاب التيل والزرافة
والفي في القدر بيجيبوا المغرافة ذي بيقولوا اللبنانيين
مزمل بيقول في تزوير والهلال والاتحاد بيقولوا مافي تزوير
والنشوف آخرتها
|
Post: #55
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: محمد نجيب عبدا لرحيم
Date: 07-28-2009, 05:57 PM
Parent: #41
الأخ الكريم طلال
إتحاد كرة القدم السوداني يتعامل مع خطابات الإتحادات الوطنية وكروت اللاعبين والأوراق الثبوتية للاعبين المرسلة له من خلال بريدها الإلكتروني أو الفاكس المدون في أوراقه الرسمية...
يجب على الإتحاد النيجيري إرسال برنت آوت لمحتوى الخطاب الذي أرسله بالبريد الإلكتروني للاتحاد السوداني وبذلك نكون قطعنا الشك باليقين...
تحياتي
|
Post: #60
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-29-2009, 12:23 PM
Parent: #55
الأخ الفاضل / محمد نجيـب .. لك التحيـة والأحترام
| Quote: إتحاد كرة القدم السوداني يتعامل مع خطابات الإتحادات الوطنية وكروت اللاعبين والأوراق الثبوتية للاعبين المرسلة له من خلال بريدها الإلكتروني |
الخطابات وصلت فعلا" بالبريد الألكتروني كما أشرت ولكن تم مسحها بفعل فاعل علي حسب اتهامات صحيفة الصدي !!
| Quote: يجب على الإتحاد النيجيري إرسال برنت آوت لمحتوى الخطاب الذي أرسله بالبريد الإلكتروني للاتحاد السوداني وبذلك نكون قطعنا الشك باليقين... |
نعم ، ولذلك قام بأرسال النسخة الأصلية وليس ال print out حتي يتأكد الأتحاد العام بنفسـه ، ولكنه أصدر منشور بالأمس ورفض الأعتراف ولا ببرنت آوت ولا الأصل ولا النسخة ، الماسك القلم ما بكتب علي نفسو التعاسـة !
|
Post: #44
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-28-2009, 03:48 PM
Parent: #36
| Quote: ليه يتبع الاحداث اساسا بالاصرار ده !!! فى لجان و جهات آخرى هى المسؤولة عن مثل هذة الامور |
لأن من حملوا أمانة ادارة الكـرة لم يساعدوا في الكشف عن غموض هذه القضية !!
|
Post: #46
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-28-2009, 03:58 PM
Parent: #23
عزيزي عمـار /
انت بتفتكر الخطاب ده رسلو واحد من مطعم في أبوجا باسم الأتحاد النيجيري ؟
ياخ ده كلام واضح ومزمـل أبوالقاسـم مصر علي موقفه وشكلو كده واقف علي أرضيـة صلبـة ، طيب الأتحاد ما يقفل الباب ده ويعمل تحقيق جادي لدرجة الاتصال بالأتحاد النيجيري ويريح نفسه من الضغط الأعلامي ده .. عموما" القضية لازال فيها أطراف أخري والأيام القادمة حبلي بالمزيد من التشويق في هذه القضية.
|
Post: #49
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Fadl Karrar
Date: 07-28-2009, 04:26 PM
Parent: #46
بخصوص قضايا مزمل
أنا لحدي هسه ما عارف قضية قرعة نهائي أبطال
أفريقيا سنة 2007 القنبلها متزمل إنتهت علي شنو ؟؟
عليك الله أسألوا لينا،،، ينوبك ثواب
|
Post: #50
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: خالد عبد الله محمود
Date: 07-28-2009, 04:27 PM
Parent: #46
طلال حلفا يا فنان
سألوكـ كم سؤال فوق كده قمت جليتهم عادي لكن نعيدهم ليكـ تاني :
إذا كان مزمل أبو القاسم صحفي مبدئي و يبحث عن الحق و يحارب الفساد
1) لماذا لم يتحدث عن تزوير شهادة ميلاد سعيد السعودي؟
2) لماذا لم يتحدث عن بصمة علاء الدين المزورة و التي أعترف بها أهل المريخ أنفسهم فيما بعد؟
3) لماذا لم يتحدث عن تزوير جواز وارغو لتغيير عمره لكي يسجل في الخانات السنية؟
4) لماذا لم يتحدث عن التزوير في إعارة اللاعب المغربي الدافي؟
تقولون لماذا لا يلجأ الإتحاد للقضاء .. نفس هذا الإتحاد رفض اللجوء للقضاء في موضوع تزوير بصمة علاء الدين و التي بسببها ربما كان مزمل أبوالقاسم نفسه مشرف في كوبر علماً بأنه كما إتضح لاحقاً كان أحد أبطال الفضيحة. أما لماذا لا يلجأ الهلال للقضاء ببساطة لأنه هو الجهة الوحيدة المستفيدة من خزعبلات مزمل و بيعه الوهم لجماهير المريخ إذا ما مقتنع بالكلام ده شوف نتائج مباريات الهلال و المريخ الأخيرة و قارن .
ياخ أنت زول فنان جميل ما تدخل نفسكـ في متاهات كرة القدم و لا تخوض في وحل مزمل أبو القاسم و دونكـ أستاذكـ وردي هلالابي من سنة أسكت لكن أتحداكـ لو قلت إنو أساء للمريخ في يوم من الأيام
|
Post: #52
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: محمد عادل
Date: 07-28-2009, 04:34 PM
Parent: #50
Quote: 1) لماذا لم يتحدث عن تزوير شهادة ميلاد سعيد السعودي؟
2) لماذا لم يتحدث عن بصمة علاء الدين المزورة و التي أعترف بها أهل المريخ أنفسهم فيما بعد؟
3) لماذا لم يتحدث عن تزوير جواز وارغو لتغيير عمره لكي يسجل في الخانات السنية؟
4) لماذا لم يتحدث عن التزوير في إعارة اللاعب المغربي الدافي؟ |
برضو موش هو مزمل الكضاب بتاع الاشاعات والدعايات
|
Post: #54
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: مهدى الصادق السيد
Date: 07-28-2009, 05:49 PM
Parent: #52
Quote:
نصيحتي ليكم يا بطيخاب
بدلا من ان تكرهوا الهلال
حبو فريقكم |
جاكم ابو قرع فقوس فاضي من قبيل الناس دي بتتناقش بدون اي كلام فارغ خليك محترم شوية
مرة واحدة يا شاعر الهلال السنوسني
|
Post: #56
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: عمر الفاروق
Date: 07-28-2009, 06:07 PM
Parent: #54
طلال:
علاء الدين قال كلام حلو جداً ..إنت زول فنان واييييو شي وما حا نهبشك في الحتة دي ويا ريت كل الناس تفصل ما بين ونسة الكورة وونسة الفن وديك ان شاء الله نقعد فيها معاك بي رواااقة ونتونس ..أسة الشغلانة شغلة مساطب شعبية اي نعم ممكن تجيك قصبة طايرة داردومة كباية شاي فعااادي يعني..
انا شخصيا بحترم جددددددددا الفنان او الصحفي او المدرب او الحكم او المعلق لمن يسألوهو من ميوله الكروية ويعترف طوااالي وما يشبكنا انا هلالابي احب المريخ واعشق الموردة !!!!!
مش عشان يعمل فيها عايز يكسب جمهور كل الناس يقوم ياكل بي راسهم حلاوة ..ودي نقطة تحسب ليك يا فردة ..
معليش دي كانت برة المدرجات ..
بالنسبة للموضوع انت شكلك ما متابع الاحداث الرياضية شديد وجيت مسكت العصاية من النص في موضوع مزمل وتانسيت احداث كتييييرة للمريخ لحدي اسة ما جاوبت علي ايييي سؤال فيها ووالله واهو دي بي حليفتا لا انت لا اييييييي مريخابي حا يجي يجاوبا اغلبكم لانو ما عارفا والقلة عارفين بس لابدين ..
الاتحاد العام عمووووما ولو ركزت في كلام شداد قال انو الاعضاء بتاعينو عبراة عن هلال مريخ مشجعييين ..ودي ماف زول لاحظ ليها ولااا اشتغل بيها لمن شداد قال في اجتماع الجمعية العمومية الجماعة جوني مقسومين اتنين ديل شايلين دفوعات وديل شايلين دفوعات اي زول عايز يمشي تبع ناديهو ولمح لي إنو كل زول جاي ملزووز من ادارة نادي الهلال او المريخ ..
مزمل بدا وقال النقااااط في الجيب اسة لببببببببببد تمااااااااااااااما وبقا شغال يجب كشف التلاعب ويجب كشف الغش وسمعة الكرة و و و و و
بجيك ان شاء الله مضطر اطلع :)
|
Post: #57
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: سيف بخيت موسي
Date: 07-28-2009, 06:40 PM
Parent: #56
الأخ / طلال
وجميع الزملاء المتداخلين بمختلف مللهم
مساء أو صباح الخير كلاً حسب جغرافية ساعة دخولهم لهذا البوست
أولاً: الحمد لله أني هلالابي ، ولكن لا أكتب الآن بهذه الصفة فقط ( لتفنيد كراهية مزمل لهلال ومانحوه)
ثانياً: وكمان ممكن سوداني ، ولن اتحدث بهذا الصفة كذلك ( عن خيانة مزمل لوطن وما يقال من البعض )
ثالثاً: لكنني سوف أكتب بقليل من المهنية أتمنى أن أوفق فيها وتتلخص في إدعاء مزمل وجود تزوير وتساهل من الإتحاد العام مع الهلال حسب الشرح التالي
- وهمية إعارة أمولادي ، وانها لم تتم حسب منشور الإعارة الصادر من الإتحاد العام.
- وهمية إعارة كواريزما ، وانها لم تتم حسب منشور الإعارة الصادر من الإتحاد العام.
- إدعاء نادي نساروا بأنه لم يطلب إعارة أمولادي .
- إدعاء نادي أوكبي بأنه لم يطلب إعارة كواريزما .
- إدعاء الإتحاد النيجيري بأنه لم يخاطب الإتحاد العام السوداني بخصوص الاعبيين أعلاه.
===============================
• فيما يخص موضوع أمولادي تقريباً مزمل نسى الحكاية دي بعد ما أكد اللاعب وناديه الجديد ذلك ، وحضوره لأداء مبارة لذات الغرض ، خاصة وأن النادي لا يسافر لأدء أي مبارة أي كان نوعها إلا بعد موافقة إتحاده وعليه يصبح مناقشة (وهمية إعارة أمولادي ، وانها لم تتم حسب منشور الإعارة الصادر من الإتحاد العام، إدعاء نادي نساروا بأنه لم يطلب إعارة أمولادي، إدعاء الإتحاد النيجيري بأنه لم يخاطب الإتحاد العام السوداني بخصوص الللاعب أمولادي ) غير ذات جدوى على الأقل في هذه المداخلة .
• مربط الفرس وبيت القصيد موضوع كوارزيما (وهمية إعارة كواريزما ، وانها لم تتم حسب منشور الإعارة الصادر من الإتحاد العام، إدعاء نادي أوكبي بأنه لم يطلب إعارة كواريزما ، إدعاء الإتحاد النيجيري بأنه لم يخاطب الإتحاد العام السوداني بخصوص اللاعب كوريزما ) ونحلل ذلك في التالي :-
- الإتحاد العام السوداني، إجتمع بكامل مجلسه وفيهم المريخاب الاشد كرهاً للهلال من الصهيونية ، وقرروا بان جميع الإجراءات التي تعنيهم في الجانب السودان صحيحة 100% وان الخطابات الواردة إليهم من الإتحاد الخاص بالناديين صحيحة كذلك ، إلا إستفسار واحد عن وجود كرت سادومبا بموزمبيق ، وهذا تم الأخذ والرد فيه بالصحة كذلك .
- ما يثار من قبل جريدة الصدى بأن الإتحاد النيجيري أرسل إيميل بعدم صحة ذلك أونه تم مسحه ثلاث مرات ، ثم أخيراً جاء موضوع DHL ، حكاية مسح الإيميل دي ثقيلة شوية وخاصة وأن الموضوع مسخن ومتابع من الجميع ، وكمان ليه الإتحاد النيجيري وقف على ثلاثة بس ومايرسل خمسين مرة كل يوم "مجان وسريع" ، أو يخطاب الكاف عبر الطرق الرسمية المعروفة بين الإتحادات القارية والإتحادات التابعة لها عن هذا الخرق والسلوك المشين من الإتحاد السوداني ، ولا كمان في واحد في الإتحاد الأفريقي بمسح الإيميلات ، أما عن DHL فللمعلومية هذه الطريقة غير معتمدة للتواصل بين الإتحادات المختلفة حتى ولو وصل من الإتحاد النيجيري وأستلم من الإتحاد السوداني، توجد شفرة محددة للتامل متفق ومثبتة من الفيفا ( شغل سويفت وكدا)، عشان كدة يا ريت موضوع DHL ، نشوف شغلة غيروا .
---------
لكن كمان خلينا نحط أسوى الإحتمالات وهى وجود تزوير في الموضوع دا إنت عارف حا يكون ( حا تلقى وكيل موقع عن نادي أو لا عب ، وعندو وكالة عنهم ، لكن النادي واللاعب يقولوا فسخنا الوكالة دي ولدينا على الوكيل مستحقات ، والوكيل يدعي خلاف ذلك وأن وكالته سارية المفعول ) يعني لا الهلال ولا الإتحاد العام السوداني عندو دخل في كدة .
ومزمل عايز كسب معنوي ومادي شخصي من كل ذلك وليس المصلحة العامة ، ولو كان هذا الموضوع يخص المريخ لما حرك ساكن والشواهد كثيرة ومره.
إبتسم يا طلال إنت في نيجيريا
|
Post: #58
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-29-2009, 09:22 AM
Parent: #57
عزيزي الأستـاذ سيف /
أولا" أنا أشكرك للموضوعية في تناول ما أثاره مزمـل أبوالقاسم .. وأشكرك كذلك لتناولك الموضوع من باب حيادي غير متعصب ، أنا صراحة أثرت الموضوع ده وقلت أتونس مع الناس شويه لأني طولت جدا" ما دخلت المنبر وعندما غادرته كانت هناك كمية من المهاترات التي لم استفد منها شيئا" وعندما عدت وجدت أن هناك تحسنا" نوعيا" في المواضيع المطروحة ، لذا فكرت في طرح موضوع شاغل الوسط الكروي نتناولو مع بعضنا دون اسفاف (خصوصا" الغنا اليومين ديل نايم شويه عشان رمضان وكدا وكل سنه وانتو طيبين) ، لكني وجدت ردودا" بعضها مليئ بالموضوعية في التناول وأخري تعج بالأساءة والتي أرفض الخوض فيها حتي لو سبني كل أعضاء المنبر !
_________________________________
عودة لما أثرته انت من ردود ، بدء" أحب أن اذكر أن مزمل صحافي يمتلك صحيفة مقروءة وأن القدح في ذمة ما اوردته صحيفته هو ما جرنا لكل ذلك ! حيث يفترض فيه كصحافي اثارة القضايا والكشف عن الخلل ولكن اتخاذ الأجراءات القانونية حيال التجاوزات ليس من اختصاصه بل من اختصاصات الأنديـة المعنية بها ، ما يحيرني أن صحيفة الصدي نفسها أوردت أمس تصريحا" من رئيس بعثة فريق نساراوة والوزير المصاحب للبعثة أن انتقال اللاعب أمولادي تم بطريقة قانونية وأن عدم حضوره مع البعثة لا يعني شيئا" وأن الأتحاد النيجيري هو من سمح لهم بأكمال الأجراءات ، هذا قطعا" يقودنا لأن نشد علي مهنية الصدي ومزمـل لأن هذه التصريحات أولا" تشكك في ما أورده سابقا" وان كان هو يخشي من أن تنكشف ادعاءاته لما أورد هذه التصريحات التي قطعا" ضد ما يدعيه !! هناك ايدي خفية تلعب في هذه القضية ، وقد بدأ يتسرب الي الشك أن رئيس الأتحاد العام ومن معه يعلمون بكل التفاصيل ولكن ظهور وكيل كواريزما وادعاءاته أن لاعبه لم يوقع لأحد الأندية النيجيرية يفتح بابا" آخر للحيرة حيث يفترض فيه المامه بهذا الأنتقال بوصفه وكيلا" للاعب ! مزمـل لن يستطيع الذهاب أكثر من ذلك لأن من في يده اثبات صحة هذه الأداعاءات من عدمها هو الأتحاد السوداني والذي هو المرجع للأتحاد الأفريقي والدولي في حالة رفع الشكوي ، ولكن انطلاقا" من عداوة الأتحاد السوداني لمزمل لن تبارح هذه القضية مكانها لأن شداد لن يمسك قلمه ويكتب علي نفسه شقيا" في مواجهة مزمل أبوالقاسم ، الخوض في الأرسال عن طريق البريد السريع وماادراك ما ذلك وسيلة فقط لأثبات وصول الخطابات ليس الا ، ولكن الأتحاد العام أصدر منشورا" بالأمس يؤكد وصول الخطاب بالبريد السريع وأيضا" يؤكد أنهم لن يأخذوا به !! عموما" الأتحاد العام والذي يفترض فيه الحيـادية أصبح للأسف هو الخصم والحكم في القضية فقط في مواجهة صحـافي استطاع بحنكته كشف كثير من الملابسات وتحريك الساكن في هذه القضية ، ولكن شئنا أم ابينا هناك قضيـة خطيرة ولا أدري من المحق أتحاد الكرة أم صحيفة الصدي وهذا ما أودت أن أثيره دون المساس بالهلال كنادي رائد وعملاق ودون أن أخوض في مهاترات لا تجلب لي صالحا" وكنت أتمني أن نتناول الموضوع كموضوعيين وليس مشجعين ، ولكن من الواضح أن كل الأخوة الهلالاب أعتبروا أن القضية قضية هلال مريخ وأن مزمل يعادي الهلال وكل من يفتح هذا الموضوع هو ضد الهلال ، اليوم الأتحاد مع الهلال وغدا" مع المريخ ، القضية قضية اتحاد يدير الكرة دون الألتزام باللوائح والقوانين الصادرة من الأتحاد الدولي لذلك يتعرض كل فترة وأخري لهذه الهزات التي هو دائما" الطرف الأصيل فيها !
|
Post: #59
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-29-2009, 10:05 AM
Parent: #56
| Quote: علاء الدين قال كلام حلو جداً ..إنت زول فنان واييييو شي وما حا نهبشك في الحتة دي ويا ريت كل الناس تفصل ما بين ونسة الكورة وونسة الفن وديك ان شاء الله نقعد فيها معاك بي رواااقة ونتونس |
أي نقد موضوعي حباااااابو حبابو ، أنا مستنيك يوم تجي رايق ونتونس في الغنا .
| Quote: بالنسبة للموضوع انت شكلك ما متابع الاحداث الرياضية شديد وجيت مسكت العصاية من النص في موضوع مزمل |
أصدر الأتحاد العام منشورا" يسمح فيه للأنديـة بأخلاء خانات وطلب لاعبين جدد بشرط الأعارة من أتحاد وطني آخر منضوي تحت الأتحاد الدولي وبرر ذلك وأسماه بالمسكوت عنه في اللوائح الداخلية ! أصلا" تم استخراج هذا المنشور بعد ارسال نادي الهلال لخطاب يوضح فيه حاجته لأضافة لاعبين جدد من باب الأعارة والتي كان الأتحاد سابقا" يرفضها دون سند واضح في لائحة الأنتقالات والتي يقرها الأتحاد الدولي ! علي ضوء ذلك جاءت موافقة الأتحاد في المنشور موضحة" الشروط اللازمة لأكمال تسجيل اللاعب وهي:
1. ابراز عقد ثلاثي أكرر ثلاثي يضم اللاعب المنتقل من والي والنادي المستعير والآخر المعير علي أن لا تتجاوز مدة الأعارة 6 أشهر تنتهي بانتهاء الموسم الرياضي السوداني في ديسمبر 2009 .
2. ابراز موافقة وابداء رغبة من اللاعب المعار للنادي السوداني مع ابراز الأتفاقات بين الأندية طرفي الأتفاق .
عليه قام نادي المريخ بعمل اتفاق ثلاثي بينهم واللاعب المالي بوكادر ديالو ونادي باماكو المالي لأعارة اللاعب لفترة ستة أشهر ولم يوافق الأتحاد الا بعد وصول هذا الأتفاق الثلاثي ومن ثم سمح للمريخ بأخلاء الخانة واستجلاب اللاعب المغربي كريم الدافي لأبداء الرغبة توطئة لطلب شهادة الأنتقال الدولية بغرض الأعارة لمدة ستة أشهر .. وأيضا" قام نادي الهلال بعمل نفس الموضوع لأخلاء خانتي كواريزما و أمولادي وظهر لاحقا" أن الهلال أستجلب العقودات الثلاثية بعد أنهاء عقوداته مع اللاعبين مثار القضية وأنه تم تحرير العقد الثلاثي بواسطة وكيل لاعبين غير الوكيل الأصلي للاعب أمولادي وأن كواريزما لا يعلم شيئا" عن اعارته لنيجيريا لأنه وقع عقدا" في بوليفيا مع نادي لاباز وتم طلب بطاقة انتقاله الدولية من الأتحاد السوداني وذلك لأنه علي حسب أتفاقه مع الهلال أنهي عقده وهو ما لم تسمح به لائحة الأعارة المصدرة من الأتحاد السوداني وذلك ليس الا لأن الهلال استنفد خانات الشطب والأخلاء للموسم الحالي ، واتضح لاحقا" أن الهلال أبرم عقدا" مع نادي بيدفست الجنوب أفريقي بينما اللاعب بطاقته في نادي آخر موزمبيقي وأنه غادر الأتحاد الجنوب أفريقي منذ العام 2006 بحسب أفادات المسئولين هناك وهذا أيضا" ضد شرط الأعارة أي أن عقد اللاعب غير مطابق لمكان تواجد بطاقة انتقاله الدولية ، وأيضا" أرسل الأتحاد النيجيري ما يفيد بعدم طلبه لبطاقات انتقال للاعبين المذكورين وشكك في الخطابات الواردة من قبل ، وهذا ما جعل صحيفة الصدي تثير الموضوع من باب تلاعب الأتحاد ومحاباته لنادي ومساعدته في التخلص من الخانات علي حساب اللوائح والقوانين التي أصدرها في الأصل لمساعدة هذا النادي !!
أها أنا فاهم الموضوع ولا برضو جاي من النص !
دي أصل القضية التي يحاول مزمل اثباتها ضد الأتحاد العام ، أي أنه يصدر لوائح وهمية من أجل خدمة مصالح معينة !
|
Post: #62
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: بدر الدين اسحاق احمد
Date: 07-29-2009, 12:59 PM
Parent: #59
طلال ...
اول حاجة ازيك يا زول ...
تانى حاجة ( ما تضامن بس ) انا زاتى معاك ما دام انت من عشاق الاحمر الوهاج ...
ثالثا الرشاشات ديل لقوك براك وجديد وكــدا اتلمو عليك ...
برفع حســـى بلاغ لهارون دياب وعشاق الاحمر الوهاج يجوك رجال / نساء ...
ترمــــه :
الجرســه حقتهم دا عملها صلاح ادريس فى الاذاعة الرياضية وقال الموضوع دا سيضر بالسودان
ومسيرته الرياضية ( ليكم قــرن كامل جبتو لينــا جردل صفيح من وراء الحدود ) ما حصــل ..
بوســت سودانــى والناس فى السوق العربى واقفين حول اكشاك الجرائد
|
Post: #68
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-29-2009, 04:31 PM
Parent: #62
| Quote: ثالثا الرشاشات ديل لقوك براك وجديد وكــدا اتلمو عليك ... |
خليتوني براااي .. لكن هم ما بعرفوني بحفظ الخانة لغاية ما انتو تجو ..
| Quote: برفع حســـى بلاغ لهارون دياب وعشاق الاحمر الوهاج يجوك رجال / نساء ... |
أرح جيب الناس دي خلينا نستفرد بالرشاشات .. عذبوني كرهوني اليوم الفتحت خشمي
|
Post: #61
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-29-2009, 12:33 PM
Parent: #52
| Quote: برضو موش هو مزمل الكضاب بتاع الاشاعات والدعايات |
هو براهو بس الكداب وبتاع دعايات واشاعات ؟!!
الله بسـألك !
|
Post: #63
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: سيف الدين علي محمد الفاضل
Date: 07-29-2009, 01:11 PM
Parent: #61
الإخوة المتداخلون
من وجهة نظري الشخصية أرى أنكم قد بنيتم للمدعو/ مزمل قصرا يزين حيطانه
المرمر وأرى أنكم قد أعطيتموه قدرا من الأهمية لا يستحقها. فالقضية التي
أثارها هذا السخفي (الصحفي) الغرض منها زعزعة الكيان الهلالي أولا ثم نسيان
فضائح سيكافا ثانيا وكأنما مزمل هو الطرف الثاني في الشكوى وهو الذي قدمها
للإتحادالأفريقي وليس المريخ . المريخ الذي هو أساس الشكوى وليس مزمل حتى يحضر
نفسه في نفق ضيق سيصعب عليه الخروج منه بسبب أكاذيبه وإدعاءاته التي لا أساس
لها من الصحة كما أورد ذلك د. شداد والذي بعظمة لسانهقالها صريحة بأنهم قد قفلوا
ملف هذه القضية وهم في إنتظار رد الإتحاد الجنوب أفريقي والموزمبيقي وليس في
إنتظار الإتحاد النيجيري . أما ما ذهب إليه مزمل فغدا سوف يتوارى خجلا و تندثر إدعاءاته
وتذروها الرياح . ودعوه إلى يوم السبت عندما تتلاشى النجوم ويكتمل الهلال بدرا فيضئ سماء
العباسية بشقيها الشمالي والجنوب وتم الفرحة كل فيافي السودان مهللة ومكبرة هلال العزة
والشموخ تاج على الرؤوس ..
|
Post: #64
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: abuguta
Date: 07-29-2009, 01:17 PM
Parent: #61
| Quote: ولا أدري من المحق أتحاد الكرة أم صحيفة الصدي وهذا ما أودت أن أثيره دون المساس بالهلال كنادي رائد وعملاق ودون أن أخوض في مهاترات لا تجلب لي صالحا" وكنت أتمني أن نتناول الموضوع كموضوعيين وليس مشجعين ، ولكن من الواضح أن كل الأخوة الهلالاب أعتبروا أن القضية قضية هلال مريخ وأن مزمل يعادي الهلال وكل من يفتح هذا الموضوع هو ضد الهلال ، اليوم الأتحاد مع الهلال وغدا" مع المريخ ، القضية قضية اتحاد يدير الكرة دون الألتزام باللوائح والقوانين الصادرة من الأتحاد الدولي لذلك يتعرض كل فترة وأخري لهذه الهزات التي هو دائما" الطرف الأصيل فيها |
دى الزيدة ياطلال,,,على قول الخليجيين
ود الفهم الذى كونه مزمل عن نفسه داخليا وخارجيا,,عند الاهلة وبعض المريخاب الحادبين على مصلحة المريخ
نحن هنا بناكف فى مزمل اكثر من سعبة سنوات,,انا لست صحفى ولا كاتب حتى,,انا كعمر الفاروق وتمبس ومعتصم
ناس منتديات ساى,,,دى شغلتى ساكن هنا بحكم عملى غفبر سيرفرات فى دولة عربية,,
هذا المزمل وما يماثله من كتاب اهلة وبال على الرياضة,ادخلو لنا تعابير اخلت بلغتنا السمحة,,مواسير
وبوصات,,اوصيفاب وصفراب,,اصبحت تستخدم فى الرسائل القصيرة على اشرطة القنوات الفضائية
بصفتك فنان صاحب رسالة تنشد تقديم المفيد الجيد للمجتمع,,,كيف نحارب هذه السموم,,
كل هذه العكننة حسمها شداد فى حلقة الجمعة اذا كنت حاضر,,وقال دا صحفى كضاب,,وليس صحافى ,,وعلى قول اخونا تاج السر
تنفع كلمة صحافى لمزمل وما ماثله لانه نسبة الى الصحاف,,اشهر وزير اعلام عربى,,
فياصديقى ,,انت عضو معنا من عامين ومقل فى الكتابة ربما لمشغولياتك,,,ولكن هذا اول بوست اراه لك,,مئذ حلقتك
التى نلت فيها العضوية,,واعلنت انك مريخابى, معتدل,,,هذ الصفة معدومة عند صحافك الصداوى,,
هذا الرجل عضو معنا مئذ سنين ما فتح بوست الا وانهالت عليه المشاركات تترا....لكنه لم يملك الشجاعة التى تؤهله
للرد على ضيوفه,,وقد تبنى الدفاع عنه اخوة كثر على المنتدى ولكن من اول متداخلين يختفون,,انت كنت اشجعهم
واصلت بوستك للنهاية,,
مما حدانى مئذ عام 2004 الى التوقيع ادناه
فنا اولى به من امثال هولاء المتصحفين
ابو لدن صحفى رياضى,,,
اخوك احمد صديق فنى تقنى فى احدى شركات النت فى الرياض
وشكرا
|
Post: #67
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-29-2009, 04:24 PM
Parent: #64
Quote: ,,مواسير
وبوصات,,اوصيفاب وصفراب,,اصبحت تستخدم فى الرسائل القصيرة على اشرطة القنوات الفضائية |
اتفق معك وأتمني أن نعود للصحافة الموضوعية التي تنفع ولا تضر.
Quote: انت عضو معنا من عامين ومقل فى الكتابة ربما لمشغولياتك,,,ولكن هذا اول بوست اراه لك,,مئذ حلقتك
التى نلت فيها العضوية,,واعلنت انك مريخابى, معتدل,,,هذ الصفة معدومة عند صحافك الصداوى,, |
نعم أنا عضو منذ عامين وفي الغالب أدخل لأناكف في المواضيع الخاصة بالكورة وكده ، أنا مازول سياسة ومشاكل ، ولكن ان لم تمانعوا ممكن أدخل وأنزل مواضيع كتيرة ولكني للأمانة أخشي المهاترات !
| Quote: كل هذه العكننة حسمها شداد فى حلقة الجمعة اذا كنت حاضر |
كنت حاضرها وسيادتو كان مهزوز وظهر بكلام نظري فقط ولم يقدم دليلا" قاطعا" .. هو ليه ما يمشي يشتكي الصدي ؟
Quote: لكنه لم يملك الشجاعة التى تؤهله
للرد على ضيوفه,,وقد تبنى الدفاع عنه اخوة كثر على المنتدى ولكن من اول متداخلين يختفون,,انت كنت اشجعهم
واصلت بوستك للنهاية,, |
لأ أتفق معك في أنه لا يتمتع بالشجاعة الكافية ، وما أثاره من قضية يقف دليل علي ذلك !
| Quote: وقد تبنى الدفاع عنه اخوة كثر على المنتدى |
أنا لم أفتح البوست دفاعا" عن مزمل فهو يمتلك صحيفة وقادر أن يرد عن نفسه ولنفسه ، ولكن كنت أود التداخل والنقاش والوصول الي بعض النقاط في القضية ، يعني نتونس ونحلل ! ...... ولكن
Quote: فنا اولى به من امثال هولاء المتصحفين
ابو لدن صحفى رياضى,,, |
أنا أتفق معك بأن هناك كثر لهم مقدرة فائقة علي صياغة المقال ولكنهم ليسو بصحفيين (علي حد تصحيحك) ولم تتح لهم الفرصة لأبراز قدراتهم وهذا هو الدور الفعلي لهذا النوع من المنابر ، انت أكيد واحد منهم بس لو خلعت عباءة التعصب التي تغطي انتمائك الرياضي ... ودمت
|
Post: #70
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: معتصم دفع الله
Date: 07-29-2009, 07:02 PM
Parent: #67
| Quote: كان الغنا غلبك وعايز تحول كفر ورينا لكن اعتقد برضه فات الاوان وربنا يوصلك بالسلامة .. خليك فى غناك الما معروف ليه اول من اخر ده .. ولا عايز تشتهر عن طريق الكورة برضه .. لأ دى برضه عندها ناس ( كفر ووتر ) .. لفيت اعراس الخرطوم دى كلها , يوم واحد ما سمعت لى بعرس قاله فنانه اسمه على اسمك ده .. |
الكلام دا ما مقبول منك نهائي أخي ناجي ..
وواجب عليك تعتذر عنه ..
لا حولاااااااا..
تصدق يا دوب شفت البوست دا يا طلال ..
غايتو انت مريخيتك دي بترميك يوم من شعليقك في المساطب ..
أزيك يا صاحب والله مشتاقين عديل كده ..
أها نجي لي قصة أخونا المشجع الصحفي مزمل أبو القاسم ..
الزول دا طبعاً أحسن مخدر لشعب المريخ ..
يعني ممكن تعمل ليهم عملية عادي بدون بنج ..
مزمل ما عنده شغل غير الهلال ولاعبي الهلال ..
عندنا ليهو بوست كارب بنجيهو في وقتو ..
في الفترة الماضية وبعد عملية التاكسي الرواندي القردية الغلبكم فيها وشال كاس الحمام ..
مزمل قال مافي طريقة غير نشغل البنج بتاعنا عشان جمهورنا المكسين دا ينسى الكارثة دي ..
أها قام فك ليك قصة الإعارة وما أدراك ما الإعارة ..
طبعاً شعب المريخ طيب جداً صدق الحاجة دي ونسى الكاس يا حسرة ..
الكأس الشالوهو ناس التاكسي وشتتو ..
والمسلسل دا طبعاً شغال والفريق يفقد في النقد بره وجوه ..
الله يستر عليكم من مباراة السبت ..
بكره كان الله هو بجيك أتم ليك باقي الحكاية ..
أبقى طيب يا صاحب ..
|
Post: #99
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 08-02-2009, 09:56 AM
Parent: #70
Quote: الكلام دا ما مقبول منك نهائي أخي ناجي ..
وواجب عليك تعتذر عنه .. |
معتصم يا فردة .. عليك الله ما تشغل بالك بالذي ده .. في امثال كتيرة تستخدم للرد علي العيان ده بس أنا حأستخدم مثل بالدارجي عشان خاطرك:
(( الجمل مااااشي ... والكلب يهوهو)) .. والا أقول ليك نديهو( واذا خاطبهم الجاهلون قالوا سلاما) !
| Quote: تصدق يا دوب شفت البوست دا يا طلال .. |
تصدق أنا ذاتي ياداب شفت مداخلتك للأسف !
| Quote: أزيك يا صاحب والله مشتاقين عديل كده |
والله نحن شوقنا ماليهو حد يا عريس .
| Quote: الله يستر عليكم من مباراة السبت .. |
أها شفت نقتك أمس ودتنا اللقيط كيف !!
تحياتي يا رائع ..
|
Post: #65
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: عمران حسن صالح
Date: 07-29-2009, 02:44 PM
Parent: #61
بوست ( للقزقزة ) لي بعدين ..
أوووووووووووووووووووووووبح " مع ذكر المصدر الأخ عمر الفاروق "
|
Post: #66
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: خالد عبد الله محمود
Date: 07-29-2009, 03:20 PM
Parent: #65
| Quote: وأخري تعج بالأساءة والتي أرفض الخوض فيها حتي لو سبني كل أعضاء المنبر ! |
الأخ طلال
بما إني صاحب واحدة من المداخلات التى تجاهلتها أرجو توضح أين الإساءة في مداخلتي ؟؟؟
|
Post: #69
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: خالد العطا
Date: 07-29-2009, 06:18 PM
Parent: #66
الاخ طلال حلفا
افحمـــــــــــتهم
كمل كمل يا طلال
الغريبة براه ومن غير اي مساعدة قادر عليكم يا تمبس
زي مزمل براه يكتب وصحف الصفيراب تكتب وراه
|
Post: #71
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: 7abib_alkul
Date: 07-29-2009, 07:21 PM
Parent: #69
اخونا طلال
جد ان فنان رائع وصاحب صوت عالى التطريب وصوتك مريح
لكن فى هذا البوست لا املك الا ان اقول
قوم لف
|
Post: #72
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Elhadi
Date: 07-29-2009, 08:12 PM
Parent: #71
تحياتي يا طلال ..
مزمل أبو القاسم أثبت بيان بالعمل انو أفضل صحفي وإعلامي في السودان على الإطلاق موش بس في المجال الرياضي والله عفيت منو أدب ليك الهلالاب ديل أدب المدايح ..وكلو بالمستندات والوثائق والمنطق ما بالكلام المجان ساي ..
وأسي التجريح والإساءة في مزمل أبو القاسم ما بتفيد ولا بتبقى حل لا لمجلس إدارة نادي ولا لجمهوره، الموضوع وصل الاتحاد الافريقي (الكاف) واللي حدد يوم الخامس من سبتمبر موعد للنظر في شكوى المريخ ضد الهلال يعني بالعربي الكلام دخل الحوش والموضوع طلع من اليدين خلاص وما أظن حا تنفع فيهو الجرس والوساطات بعد ده ..
والهلال لن يستطيع اشراك سادومبا وكابوندي تاني أبداً في مباراة قارية أو دولية .. أقلاها لحدي تاريخ النظر في شكوى المريخ يوم الخامس من سبتمبر القادم يعني تقريباً لحدي انتهاء مباريات مرحلة المجموعات !!
فيا هلالاب لو بتقدروا تمشوا تحاسبوا صلاح ادريس ومجلس ادارته أمشوا حاسبوهم .. الشتيمة والردح في مزمل ما بتحل ليكم مشكلة ولا حا تقنن ليكم تسجيل سادومبا وكابوندي ..
وغايتو يا طلال عملة صلاح ادريس دي غير مسبوقة .. الزول ده قايل نفسو رئيس نادي في رابطة الحاج يوسف ولا شنو ؟؟
|
Post: #73
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: AdilAttia
Date: 07-29-2009, 08:14 PM
Parent: #71
الاخ الفنان طلال حلفا
اجمل التحايا والاشواق ، عندي مداخلة بسيطة عن الصحفي مزمل ابوقاسم ، وهي كل تحدي يدخله هذا الصحفي لم يخسره على مر التحديات ولكم :
1) تحديد مكان نهائي عام 2007م لابطال افريقيا ويومها كان الهلال ضمن المجموعة .
2) تصنيف المريخ في رأس مجموعة في قرعة عام 2009م .
3) الاعارات الوهمية لهلال هل ينجح الصفي الشاطر مزمل ود ابوالقاسم .
* دعونا انتظر يوم 14/08/2009م هو موعد مبارة الهلال + كانو بيلارس هل الهلال سيشرك سادومبا وكابودي.
* اما التزوير لدي الاتحاد السوداني وفي ظل وجود المتقطرس د /كمال حامد شداد ليس بغريب تبديل الارقام
12-2
|
Post: #74
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: سيف الدين علي محمد الفاضل
Date: 07-30-2009, 10:01 AM
Parent: #73
دعونا انتظر يوم 14/08/2009م هو موعد مبارة الهلال + كانو بيلارس هل الهلال سيشرك سادومبا وكابودي.
الأخ/ عادل عطية
إنت ليه منتظر يوم 14/8/2009م بكرة ما قريبة
تشوف سادومبا وكابوندي وخلي مزمل بتاعكم ده
بكرة يقدم شكوى نيابة عن زيسكو
مع تحياتي
|
Post: #95
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 08-01-2009, 02:08 PM
Parent: #74
Quote: إنت ليه منتظر يوم 14/8/2009م بكرة ما قريبة
تشوف سادومبا وكابوندي |
we did not see the both of them yesterday in that very weak match, what's going on ? could u pls tell us
|
Post: #84
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-30-2009, 04:12 PM
Parent: #71
| Quote: جد ان فنان رائع وصاحب صوت عالى التطريب وصوتك مريح |
تسلم كتير ، أشكرك يا حبيب الكل
Quote: لكن فى هذا البوست لا املك الا ان اقول
قوم لف |
بس دي يا حبيبنا ما فهمتها لأي أتجاه ؟ !
|
Post: #75
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-30-2009, 11:50 AM
Parent: #69
| Quote: افحمـــــــــــتهم |
داير اتكلم معاهم الحجة بالحجة ... لكن واحدين طلعوا من التراك !!
| Quote: الغريبة براه ومن غير اي مساعدة قادر عليكم يا تمبس |
أها تمبس ده بالذات بداها معاي تبش وشطة وقصب .. ذكرني الأبتدائي زمااااااااااان.
بصراحة كلهم متعصبين لدرجة أنهم ما دايرين يقتنعوا انو في قضيـة ولو كان الآن المريخ هو المتهم ... لا حول الله كان ورمونا ورم !!
|
Post: #76
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Osama Mohammed
Date: 07-30-2009, 12:12 PM
Parent: #75
| Quote: بصراحة كلهم متعصبين لدرجة أنهم ما دايرين يقتنعوا انو في قضيـة ولو كان الآن المريخ هو المتهم ... لا حول الله كان ورمونا ورم |
الأخ طلال
لمن قلت ليك انت غريب ما قصرت معاك ...
الاتحاد العام قفل الموضوع ده نهائي ...يعني القضية موجودة في جريدتكم وجريدة صاحبكم ..... وهنا في بوستك ده .... وما تجيب لي رابط جريدة المريخ بتاع القضية حا ينظروا فيها في سبتمبر لأنو كلام بنفع معاكم انتو وما بدخل عقل البني أدمين العاديين الما مخدرين ....
انتو ساكين القضية دي عشان تشغلوا الهلال الحاجة معروفة وللأسف المشجع مزمل قدر عليكم وحولكم جميعاً لمشجعين متعصبين تدورون حول فلكه .... الموضوع ده حا ينتهي من مزمل كصحفي واسمع الكلام ده كويس لو عندك طريقة قولو ليهو ...
الهلال كمؤسسة يرفض التعامل باسلوب البلطجة الصحفية المارسها مزمل وعادل الطيب ...الهلال اكبر من كده
بي بساطة الموضوع ده بنرفز لأنو انتو عاوزين تنتهو من الهلال كمؤسسة وللأسف دي حركات الكيزان النهو بيها البلد لأنهم اضعفوا خصومهم بس السياسة دي ما بتنفع مع الرياضة .....
سؤال خارج منطقة الجزاء ..
الا بالحق انت من قرية كم ؟؟؟؟
اسامة
|
Post: #77
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: حمزاوي
Date: 07-30-2009, 12:47 PM
Parent: #76
الاتحاد العام قفل الموضوع ده نهائي ...يعني القضية موجودة في جريدتكم وجريدة صاحبكم ..... وهنا في بوستك ده
يعني كدا الموضوع خلاص
مزمل يمشي بيتهم ويتغطى بالبطانية وينوم
جهة تتهم الاتحاد العام وبالتزوير كمان
يجي يقولوا ليك خلاص نحن الموضوع دا قفلناهـ
الجملة دي بالذات دليل أن هناك شئ ما
اتحاد عام ما قادرة تقيف امام صحيفة
يااتحاد عام ما عايزين قفل الموضوع
عايزنكم تصلوا للنهاية
وتثبتوا واحد من الاتنين
اما يوجد تزوير
او مزمل كضاب وبتاع اشاعات
ولازم يتم اتخاذ الاجراءات النظامية عند الاثبات في اية طرف
المريخاب مقتنعين بأن
إذا سمعنا صياح الهلالاب مزمل سوى ومزمل فعل
ويكتر الكواريك حقهم والبكاء والعياط
نعرف أن الهلالاب في وضع حرج
والمغصه حاصلة
الهلالاب فاتحين جلغمية بوست مزمل مزمل مزمل مزمل
كدي وروني مريخابي واحد فاتح ليه بوست في صحفي هلالابي
الحق ابلج والباطل لجلج
كمل كمل يا مزمل
وكمل كمل يا طلال حلفا
|
Post: #79
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: حمزاوي
Date: 07-30-2009, 01:03 PM
Parent: #77
الأخوة الهلالاب
كدي نروق ونستهدئ وننظر في تصريح الاتحاد العام
شداد قال مافي تزوير ( برنامج الرياضة بالتلفزيون ) ... وصدر بيان بان الاتحاد العام قفل هذا الموضوع نهائي
هل يعقل اذا اتهمت صحيفة وكاتب عمود اتحاد عام لها شرعيتها وسلطتها وتمثل الجهة الشرعية كمؤسسة مثلها مثل مؤسسات الدولة ، بانها قبلت اوراق مزورة وانها وقفت مع التزوير ، وتنتهي الموضوع بالنفي فقط .
إذا اتهام الصحيفة وكاتب العمود للاتحاد العام غير صحيح
عليه يتم سحب رخصة صحيفة الصدى وسحب اسم مزمل ابوالقاسم من القيد الصحفي
|
Post: #78
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: بشري الطيب
Date: 07-30-2009, 12:54 PM
Parent: #76
سلام لي صاحب البوست وضيوفه ....
إنتو ما دايرين تتعظوا من المشي في درب مزمل ده بلحق فيقكم ده فريق شمبات ده مشجع ومتعصب كمان ...
قبل كده طالب مجلس المريخ بالتحقيق مع العجب والسعودي لأنهم مشوا مناسبة زواج علاء الدين يوسف ...
وهو ذاتوا كان عندو دور في البصمة الأشهر في تاريخ السودان (بصم ما بصم)...
وقبل يومين منزل خطاب من الإتحاد النيجيري يرجع تاريخو لي 2006م ...
وبعد ده كلو يجي واحد زي مُخدر يقول
| Quote: مزمل أبو القاسم أثبت بيان بالعمل انو أفضل صحفي وإعلامي في السودان على الإطلاق موش بس في المجال الرياضي والله عفيت منو أدب ليك الهلالاب ديل أدب المدايح ..وكلو بالمستندات والوثائق والمنطق ما بالكلام المجان ساي .. |
وإن بقت الصحافة على نوعية مزمل ده فواطتنا أصبحت ...
بعدين شنو قصة أدب الهلالاب دي يعني ناقصين أدب يتموا لينا مزمل ؟؟؟؟ والله دي تبقى قصة كمان؟؟ منو قلته مزمل؟؟؟ حِكم والله
من مهازل الصحافه الرياضيه (الصدي نموزجا)
|
Post: #80
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Osama Mohammed
Date: 07-30-2009, 01:05 PM
Parent: #78
العم حمزاوي ...
| Quote: عليه يتم سحب رخصة صحيفة الصدى وسحب اسم مزمل ابوالقاسم من القيد الصحفي |
ما تستعجل اسي الجرسة حاصلة والاجاويد قاعدين في مكتب الوالي وهاك يا تلفونات وهيئات .....
المؤتمر الوطني ده ضهرو الايام دي بظهر كويس ....
|
Post: #81
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: حمزاوي
Date: 07-30-2009, 01:14 PM
Parent: #80
ما تستعجل اسي الجرسة حاصلة والاجاويد قاعدين في مكتب الوالي وهاك يا تلفونات وهيئات .....
المؤتمر الوطني ده ضهرو الايام دي بظهر كويس ....
اسامه اخوي
هو دا تفريغ الموضوع من مضمونه
الصحيفة مستمرة في الاتهام حتى عدد اليوم
ومزمل مواصل الكتابة ويؤكد بأن هناك تزوير
انت ما قريت عدد اليوم للصدى ولا شنو
ولا في حد قاعد يعمل وساطة ولا في حد جاب سيرة المؤتمر الوطني
عليكم الله سيبونا من نوع الكلام دا
|
Post: #82
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Osama Mohammed
Date: 07-30-2009, 01:25 PM
Parent: #81
بتصدق يا عم حمزاوي لو قلت ليك
اشتغلت في نفس الصحيفة الكان شغال فيها مزمل قبل كده وما كنت بقرأ عمودو لأنو كنت ضد الصحفي المشجع البسمم افكار مشجعين فريقو ...
بالمناسبة ما كنت صحفي رياضي ..كنت متعاون مع الصفحة الثقافية وكان المحرر الثقافي استاذي صلاح شعيب عضو البورد ,....
اسامة
|
Post: #91
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 08-01-2009, 12:27 PM
Parent: #76
| Quote: من قلت ليك انت غريب ما قصرت معاك |
شكرا"
Quote: الاتحاد العام قفل الموضوع ده نهائي ...يعني القضية موجودة في جريدتكم وجريدة صاحبكم ..... وهنا في بوستك ده .... وما تجيب لي رابط جريدة المريخ بتاع القضية حا ينظروا فيها في سبتمبر لأنو كلام بنفع معاكم انتو وما بدخل عقل البني أدمين العاديين الما مخدرين ....
انتو ساكين القضية دي عشان تشغلوا الهلال الحاجة معروفة وللأسف المشجع مزمل قدر عليكم وحولكم جميعاً لمشجعين متعصبين تدورون حول فلكه .... الموضوع ده حا ينتهي من مزمل كصحفي واسمع الكلام ده كويس لو عندك طريقة قولو ليهو |
سؤال بسيط ... سابمبا وكابونكا ما لعبتوهم أمس لسه ؟
| Quote: وحولكم جميعاً لمشجعين متعصبين |
نحن برانا ؟!!
قصدك مزمل وعماد الطيب !
| Quote: وللأسف دي حركات الكيزان النهو بيها البلد لأنهم اضعفوا خصومهم بس السياسة دي ما بتنفع مع الرياضة ..... |
بدون تعليق !!
| Quote: الا بالحق انت من قرية كم |
القرية 13 أشكيت جنوب !
|
Post: #83
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 07-30-2009, 04:07 PM
Parent: #50
أشكرك يا راقي .. أنا ياداب شفت مداخلتك بعد لومك لي !
أنت تماما" غير معني بالأساءات يا سيد خالـد ولك العتبي ! أجيك لأسئلتك يا لورد:
| Quote: 1) لماذا لم يتحدث عن تزوير شهادة ميلاد سعيد السعودي؟ |
أين دليلك ؟ ولم لم يتحرك اتحاد الموازنات لكشف هذا التزوير ان وجد ؟!
2| Quote: ) لماذا لم يتحدث عن بصمة علاء الدين المزورة و التي أعترف بها أهل المريخ أنفسهم فيما بعد؟ |
هذا الموضوع تحديدا" سكت الأتحاد عنه لأنه هو الضالع في هذا التزوير ولذلك فضل أن يفصل في القضية بتسجيل علاء الدين للهلال وسكت المريخ من أجل سترة الأتحاد أولا" وثانيا" لأنه يعلم أن لا فائدة من عودة علاء الدين !
| Quote: 3) لماذا لم يتحدث عن تزوير جواز وارغو لتغيير عمره لكي يسجل في الخانات السنية؟ |
الأتحاد أخذ بتاريخ الميلاد المدون في جواز سفر اللاعب الذي أتي به من بلده حيث أن الحكومة السودانية نفسها لا تستطيع التشكيك طالما تأشيرات الدخول صحيحة والجواز استخراجه سليم من بلد اللاعب !
| Quote: 4) لماذا لم يتحدث عن التزوير في إعارة اللاعب المغربي الدافي؟ |
كريم الدافي تم الموافقة له بأبداء الرغبة للأنتقال للمريخ بعد أن أخليت خانة ديالو بالأعارة لنادي باماكو المالي علما" بأن الأعارة سليمة تماما" دون أي شبهات حولها !
| Quote: مزمل أبوالقاسم نفسه مشرف في كوبر علماً بأنه كما إتضح لاحقاً كان أحد أبطال الفضيحة. |
هذا حديث غير صحيح وليس له دليل !
| Quote: خزعبلات مزمل و بيعه الوهم لجماهير المريخ |
مزمل أبوالقاسم مريخي في الصميم وفخر لأهل المريخ وكلامو ذي العسل علي قلبنا ... مش تقول لي معتصم محمود !!
| Quote: ياخ أنت زول فنان جميل ما تدخل نفسكـ في متاهات كرة القدم و لا تخوض في وحل مزمل أبو القاسم و دونكـ أستاذكـ وردي هلالابي من سنة أسكت لكن أتحداكـ لو قلت إنو أساء للمريخ في يوم من الأيام |
أشكرك علي هذا الأطراء لكن ميولي لا تغير من شئ لأنني غير متعصب ولي صداقات عديدة من الجانبين وأكثرهم هلاليين ! علما" بأنني لم ولن أسيئ للهلال يا أخ خالد !
|
Post: #85
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: طارق الكوتش
Date: 07-30-2009, 04:27 PM
Parent: #83
الجمله ده
Quote: مزمل أبوالقاسم مريخي في الصميم وفخر لأهل المريخ وكلامو ذي العسل علي قلبنا ...
|
ونعم الافتخار
|
Post: #86
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Osama Mohammed
Date: 07-30-2009, 04:38 PM
Parent: #83
الأخ طلال ...
نهارك سعيد ...
| Quote: أشكرك علي هذا الأطراء لكن ميولي لا تغير من شئ لأنني غير متعصب ولي صداقات عديدة من الجانبين وأكثرهم هلاليين ! علما" بأنني لم ولن أسيئ للهلال يا أخ خالد ! |
واجب علي انو انورك بانو البتعمل فيهو ده اساءة لكبر نادي سوداني ولمشجعيه لأنك بتتهم النادي بالتزوير واستشهدت بكلام مزمز ...
الاساءة ليست فقط في السباب ...... طيب لو انت مفتكر انك ما بتسئ البتعمل فيهو ده مكاواة ولا شنو ...؟
والموضوع خلاص اسي في نهايتو وبعدين ( كل نفس بما كسبت رهينة ) ..... للاسف كما خسر مزمز وسيخسر كثيراً سوف يخسر كل من بانت نيته السوداء لجماهير الهلال .....
نتمنى لك (الافاقة ) من الشتل ..... والشتل الكتير بخليك تفلق في ابو جنزير ( مثل سوداني ) .....
|
Post: #87
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: محمد خليل ساني
Date: 07-31-2009, 01:20 AM
Parent: #86
قريبي طلال
سلامات يا ملك
تابعت الموضوع ده كتير
ولقيت فيهو نقاش جميل
واليوم قاعد أقرأ فى قوون لقيت الخبر والخطاب ده
Quote: خطاب مراقب المباراة عبر البريد الإلكتروني امس
الكاف يؤكد صحة تسجيل ثنائي الهلال المحترف ويعتمد بركية
ارسل الاتحاد الافريقي لكرة القدم »كاف« خطابا لمراقب مباراة الهلال وزيسكو الزامبي الاثيوبي تسفاي عبر البريد الإلكتروني اكد فيه صحة تسجيل ثنائي الهلال المحترف كابوندي وادوارد سادومبا اللذان اعتمدهما من قبل في كشوفات الهلال الافريقية .
فيما اعتمد الكاف نجم شباب الهلال احمد بركية ولاعب زيسكو الزامبي سيلوني جيرا بالرقم3 واللذان قام ناديهما باضافتهما مؤخراً .
 |
وما عارف بعد ده الموضوع راح يكون كيف !!!
غايتو شايف الحكاية خلاص إتحسمت !!!!
ولآ عندك رأى تاني يا قريبي ؟!!!!
|
Post: #88
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: خالد عويس
Date: 07-31-2009, 02:27 AM
Parent: #87
غايتو أفضل مهاجمين مروا على الهلال - إذا استثنينا أجيال جكسا ودريسة ومنزول وقاقارين - بعد وليد طاشين وأسامة الثغر والريح كاريكا ووالي الدين وقودوين..هما..بامتياز:
تمبس وعمر الفاروق
الواحد لو ما هلالابي يخلوهو يبقى هلالابي
...
غايتو نفس اللاعبين الهسع مزمل مقوم عليهم الدنيا ديل بعد ما يلعبوا مع الهلال 3 او 4 مواسم المريخ حيجري وراهم - كالعادة - بعد ما خلاص يكونوا بقوا ناس دور عجزة ومسنين !!
كدة قولوا لي الهلال ده ليهو كم سنة سجل لاعب من المريخ؟
وتفتكروا السبب شنو؟
والله صحي عظمة
|
Post: #89
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: AdilAttia
Date: 07-31-2009, 03:59 AM
Parent: #88
الأخوة الهلالاب الرشاشات
جاءنا تشكيلة الهلال لمباراة اليوم
المعز في المرمى ، ديمبا ، التعاون ، علاء الدين يوسف ، عمر بخيت ، مساوي ، احمد الفاضل ، سامي عبد الله ، كاريكا ، هيثم ، امبيلي .
وين سادومبا وكابوندي
كمل كمل يا طلال
|
Post: #90
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Elhadi
Date: 07-31-2009, 04:22 AM
Parent: #89
ما حا يقدروا يلعبوهم يا عطية حتى يفصل الاتحاد الافريقي في شكوى المريخ ..
وده يمكن يكون مؤشر على إنو إدارة الهلال تعلم عدم سلامة موقف اللاعبين المعنيين من الناحية القانونية وأنها تخشى من الشكاوي المتوقعة في حال اشراكهم ...
الحاجة الغريبة احتفاء الهلالاب ووسائل إعلامهم بخطاب الاتحاد الافريقي المعروضة صورته أعلاه ...
والله حالتكم تحنن ...
في زول مغالطنكم انو اللاعبين الاتنين ديل ما موجودين في كشف الهلال الموجود لدى الكاف ؟؟
المشكلة موش في وجود اللاعبين ديل بكشف الهلال لدى الكاف أو عدم وجودهم ..
وإنما المشكلة بالأساس إنو تسجيل هؤلاء اللاعبين (سادومبا وكابوندي) ومن ثم إضافتهم لكشف الهلال لدى الكاف تم بناءا على خطابات إعارة مزورة وإجراءات باطلة وغير قانونية ..
|
Post: #92
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: tmbis
Date: 08-01-2009, 12:47 PM
Parent: #90
Quote: أها تمبس ده بالذات بداها معاي تبش وشطة وقصب .. ذكرني الأبتدائي زمااااااااااان.
بصراحة كلهم متعصبين لدرجة أنهم ما دايرين يقتنعوا انو في قضيـة ولو كان الآن المريخ هو المتهم ... لا حول الله كان ورمونا ورم !! |
معليش المرة الجاية ح نجيب ليك شاي وفول مدمس عشان نوديك الجامعة توووشك ..
يقولو ليكم ديك تقووولو لالا احلبو ..
إنتو الماسك ليكم الخجالات هنا دا منو ..؟
ما بتخجلو واللا بتخجلوا متتين ..؟
متعصبين الواحدة دي ..؟
والله تمبس دا بالذات لو عايز نصيحتو شوفو ليكم شغله تانية غير سادومبا دا وانصحو زولكم الاسمو مزمل دا .. قول ليهو البعمله فيك سادومبا دا .. والله (افياني) (الحفياني) ما عمله ..
ياخ شرطتو عينا عديل كدا .. سادومبا جا .. سادومبا الليلة ما فطر .. مزمل ابو القاسم قال كابوندي سايق ليهو بطــة ..
ارحموا انفسكم يرحمكم الله .. وشجعوا فريقكم ينصركم الله ..
|
Post: #93
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: tmbis
Date: 08-01-2009, 01:20 PM
Parent: #92
Quote: تمبس وعمر الفاروق
الواحد لو ما هلالابي يخلوهو يبقى هلالابي |
...
يا خالد عويس .. إنت لحدت الآن هلالابي ؟؟ غلطان طبعا ..
ياخ انا من يوم الاربحا الفاتت دي قلبته .. اكتشفت ليك انو مريخاب البورد ديل حقانيين كيييف ؟؟
وناس أمينييين كييييف ..
أما
مزمل دا .. بلاهو خربانه عديل كدا .. ياخ دا صحفي رياضي افريقيا دي ذاته ما جابت زيو ..
انا مستغرب انتو كيف بتشجعو الهلال دا لحدت الآن ..؟
تعرف يا خالد انا خايف الموسم الجاي دا .. نفس المزمل دا .. وفي الصفحة الرئيسية ولي نفس الصدى دي .. بالخط العريض :
سادومبــا ولدنا يوقع في كشوفات المريخ
|
Post: #94
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: abdelwahab hijazi
Date: 08-01-2009, 01:30 PM
Parent: #93
Quote: وما عارف بعد ده الموضوع راح يكون كيف !!!
غايتو شايف الحكاية خلاص إتحسمت !!!!
ولآ عندك رأى تاني يا قريبي ؟!!!!
|
طيب نسمع كلام عمو مزمل في الصدى اليوم
Quote:
خطاب عبلة
حاول إعلام الهلال أن يصنع من الحبة قبة مدعياً أن الكاف أفتى بقانونية تسجيل "سادومبا وكابوندي" في كشف الهلال الإفريقي استناداً إلى خطاب وصل أمس من سكرتارية الكاف. كما اجتهد سكرتير الهلال الأستاذ عماد الطيب لاستغلال الخطاب لتأكيد قانونية تسجيل اللاعبين في كشف الهلال!
الخطاب الذي وصل من الكاف حمل توقيع الأستاذة عبلة حسن مديرة قسم المسابقات في الكاف يمثل مخاطبة روتينية موجهة في الأصل لمراقب المباراة في المقام الأول ولا علاقة لها بشكوى المريخ ولا بطعنه في صحة مشاركة سادومبا وكابوندي.. بدليل أنه لم يخصص لهما وحدهما .. بل شمل معهما لاعب الهلال الجديد جعفر إدريس احمد ولاعب زيسكو جيري سيلوني. فهل طعنت أي جهة في قانونية مشاركة جعفر بركية في كشف الهلال ليؤكد الكاف صحة تسجيله؟ وهل طعنت أي جهة قانونية في قانونية مشاركة جيري مع زيسكو؟ لو كان الخطاب مخصصا لموضوع كادومبا وسادومبي لاقتصر عليهما وحدهما. أصل الحكاية يفيد أن الكاف درج على مخاطبة الأندية ومراقبي المباريات بأسماء اللاعبين المضافين في دور المجموعات. وحتى بأسماء اللاعبين الموقوفين بالبطاقات الحمراء والصفراء قبل كل مباراة. وقد تلقى المريخ خطابا مماثلا يضيف بضم اللاعب المغربي كريم الدافي لكشفه الإفريقي في مرحلة دور المجموعات بنفس طريقة سادومبا وكابوندي .. فهل طعنت أجهة في قانونية تسجيل الدافي للمريخ؟
من حاولوا استغلال الخطاب لتأكيد عدم صحة شكوى المريخ فيهما يستخفون بعقول الناس.
|
|
Post: #96
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: سيف الدين علي محمد الفاضل
Date: 08-01-2009, 02:27 PM
Parent: #94
وين سادومبا وكابوندي
الأخ/ عادل عطية
الإجابة : خاتنهم لي يوم 13/9/2009م مباراة الرد
عشان المريخ تاني يشتكي
مع تحياتي
|
Post: #97
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: خالد عبد الله محمود
Date: 08-01-2009, 03:35 PM
Parent: #96
Quote:
Quote: ) لماذا لم يتحدث عن بصمة علاء الدين المزورة و التي أعترف بها أهل المريخ أنفسهم فيما بعد؟
هذا الموضوع تحديدا" سكت الأتحاد عنه لأنه هو الضالع في هذا التزوير ولذلك فضل أن يفصل في القضية بتسجيل علاء الدين للهلال وسكت المريخ من أجل سترة الأتحاد أولا" وثانيا" لأنه يعلم أن لا فائدة من عودة علاء الدين ! |
عليكـ الله شوف دي يا تمبس ؟؟
المريخ الفريق الذي قام بتزوير البصمة سكت من أجل سترة الإتحاد ؟؟؟؟؟؟؟؟؟؟؟؟؟
ده إنجليزي ده يا طلال ؟؟؟
|
Post: #101
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 08-02-2009, 10:19 AM
Parent: #97
| Quote: المريخ الفريق الذي قام بتزوير البصمة سكت من أجل سترة الإتحاد ؟؟؟؟؟؟؟؟؟؟؟؟؟ |
أنا حأسألك سؤال بسيط: أجراءات الموافقة المبدئية والبصم علي الأقرارات بعملوها وين ؟ في دور الأندية والا في الأتحاد بحضور اللاعب نفسه ؟ حتقول لي في الأتحاد .. حأقول ليك اذن هناك في واحد من ناس الأتحاد ساعد في الموضوع ده والأتحاد عشان يستر الزول ده عمل نايم ! أنا ما داير أقول ليك اسم الزول كمان !
|
Post: #98
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: خالد عويس
Date: 08-01-2009, 03:55 PM
Parent: #93
Quote: تعرف يا خالد انا خايف الموسم الجاي دا .. نفس المزمل دا .. وفي الصفحة الرئيسية ولي نفس الصدى دي .. بالخط العريض :
سادومبــا ولدنا يوقع في كشوفات المريخ |
تمبس ما تبالغ ياخ!!
الموسم الجاي ده قريب خالص..سادومبا حينتقل للمريخ - طبعا كالعادة - لكن بعد 12 او 13 سنة في الهلال - كالعادة - !!
انت الناس ديل يا تمبس ما عندهم شغلة غير (عواجيز) الهلال البيكونوا خلاص خطوة واحدة ولي دور العجزة والمسنين؟
|
Post: #102
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 08-02-2009, 10:24 AM
Parent: #92
| Quote: معليش المرة الجاية ح نجيب ليك شاي وفول مدمس عشان نوديك الجامعة توووشك |
أيوه كده .. الجامعه مقبولة بدل المساطب والحاجات دي !
| Quote: ما بتخجلو واللا بتخجلوا متين ..؟ |
لآمن انتو تخجلوا وتبطلوا التزوير المشهورين بيهو من التمانينات !
|
Post: #105
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: tmbis
Date: 08-02-2009, 11:09 AM
Parent: #102
| Quote: أيوه كده .. الجامعه مقبولة بدل المساطب والحاجات دي ! |
.. خلاص مدام الجامعة عجبتك .. شيل (الاقاشي) دا وحاول اعزمنـا ببسي في الطابق التاني مقصورة جمب مزمل مباشرة .. نانو شغل المصطبات دا احتمال يرجعك (تلاتة) ابتدائي من جديد .. اوووب سوري قصدي (تالتة) ابتدائي ..
| Quote: لآمن انتو تخجلوا وتبطلوا التزوير المشهورين بيهو من التمانينات ! |
.. معليش انا بحاول اكلمم عشان يعملوا ليك مشروع خوجلاب كدا اتنين في واحد .. واحد لي مزمل يخجلوا ليهو .. (ويبصموا) (بالتلاتة) .. ومشروع خجله صغمبروتي كدا علشان خاطر ما تزعــل .. اصلو الهلالاب ديل .. غير التزوير ما عندهم حاجة ..
عالم مزوراتية خلاص ..
يزورو الكحل من العين ..
بالمناسبة ..
إنت أمبارح الكروة طلعت كم كم ..؟
أوعه تقول لي بس رشوكم تلاتة .. تصدق ما حضرتها
مزمل قال لشنو الليلة ..؟
اوووعه يكون كمان عندو شكوى جاهزة ..؟
|
Post: #104
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 08-02-2009, 10:39 AM
Parent: #87
أبوحميد زوج ابنة عمي .. تحياتي لك وللأولاد ..
أنا داير أسألك الطاقية الفيها الهلال دي انت كنت لابسها يوم زواجك من بت عمي مش كده ؟ بركه الما قدرت أحضروا عشان المغسة كان كتلتني اليوم داك .. بعدين في حاجه أقولا ليك .. أنا طبعا" كنت رافضك رفضا" باتا" بسبب هلاليتك دي لأنو حتطلع لينا جيل جديد من الرشاشات في العائلة لكن الوالد لأنه هلالابي ذيك دخل معاي في مشاكل شديدة وقال لي ما عندك شغلة أمرق من الموضوع ده آل ساني ديل أهلنا وأحسن منهم مافي .. عموما" أهلا" بيك رشاشة جديد في العائلة وأنا شايفهم يوم عن التاني قاعدين يكتروا .. باذن الله نسكتكم قريبا" !
نجي لموضوع الخطاب الذي فقط يوضح أضافة ثلاثة من لاعبي الهلال للكشف الأفريقي ومعهم أحد لاعبي زيسكو .. هذا الخطاب للعلم موجه للمراقب وليس له علاقة بالشكوي من قريب أو من بعيد .. الأتحاد الأفريقي ماشي معاكم بنظرية المجرم برئ حتي تثبت ادانته وهذه الأدانة تتم بعد النظر في الشكوي وبدء التحقيقات بخصوصها و مخاطبة الأتحاد النيجيري للأستوثاق من صحة الخطابات المرفقة مع الشكوي والصادرة منه وتفيد بعدم أرساله لطلب بطاقات دولية من الأتحاد السوداني .. بعد داك نشوف منو الصاح ومنو الغلط يا أبوالنسب .. لك الود
|
Post: #108
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: محمد خليل ساني
Date: 08-02-2009, 06:46 PM
Parent: #104
Quote: أنا داير أسألك الطاقية الفيها الهلال دي انت كنت لابسها يوم زواجك من بت عمي مش كده ؟ بركه الما قدرت أحضروا عشان المغسة كان كتلتني اليوم داك .. بعدين في حاجه أقولا ليك .. أنا طبعا" كنت رافضك رفضا" باتا" بسبب هلاليتك دي لأنو حتطلع لينا جيل جديد من الرشاشات في العائلة لكن الوالد لأنه هلالابي ذيك دخل معاي في مشاكل شديدة وقال لي ما عندك شغلة أمرق من الموضوع ده آل ساني ديل أهلنا وأحسن منهم مافي .. عموما" أهلا" بيك رشاشة جديد في العائلة وأنا شايفهم يوم عن التاني قاعدين يكتروا .. باذن الله نسكتكم قريبا" !
|
سلامات يا زول يا لذيذ
طبعا ولو ما فيها هلال ما كنت لبستها
طبعا فى ناس صهاينة كده فى بورتسودان
لبسوني طاقية فيها نجمة ذهب
بس الهلالاب ما قصروا لبسوني بعدها ثمانية طواقي
وطبعا كل طاقية فيها هلال ذهب غطت على النجمة ديك
الحاجه الوالدة ،، الله يعطيها الصحة والعافية قامت خيّطت الأهلة فى بدلة الزواج
وقامت وضعت النجمة فوق ،،،
أخوك ما عايز يزعلها خلالها كده وقام زحزح الخيط اللى رابطها
قمت قلت لأخوى وهو مريخابي شديد ألحق النجمة راح تقع قام مسكها وفكاها بنفسه
قلت ليهو الحمدلله برااااااك فكيتها يعني منك ما مني ،،،ههههههههههههههه
دى طبعا قصة النجمة مع الأهلة وتحياتي لعم عبدالرحمن الهلالابي الجميل
|
Post: #107
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 08-02-2009, 11:25 AM
Parent: #87
Quote: Quote: خطاب مراقب المباراة عبر البريد الإلكتروني امس
الكاف يؤكد صحة تسجيل ثنائي الهلال المحترف ويعتمد بركية
ارسل الاتحاد الافريقي لكرة القدم »كاف« خطابا لمراقب مباراة الهلال وزيسكو الزامبي الاثيوبي تسفاي عبر البريد الإلكتروني اكد فيه صحة تسجيل ثنائي الهلال المحترف كابوندي وادوارد سادومبا اللذان اعتمدهما من قبل في كشوفات الهلال الافريقية .
فيما اعتمد الكاف نجم شباب الهلال احمد بركية ولاعب زيسكو الزامبي سيلوني جيرا بالرقم3 واللذان قام ناديهما باضافتهما مؤخراً .
|
محمد ساني يا زوج بنت عمي .. لك التحايا ولأبنة عمي مع العلم بأنني كنت رافض هذا الزواج ليس الا لأنك رشاشـة .. لكن الوالد لأنه هلالابي ذيك عمل معاي مشاكل وقال لي ناس ساني ديل قرايبنا وانت أطلع منها ويكفي العريس انو هلالابي .. بالله شوف الحاج ده ! وسؤال تاني .. الطاقية الفيها الهلال دي انت كنت لابسها يوم العرس ؟ مش الحمدلله ما قدرت أجي عشان ما كان أموت بالمغسة !!
أبوالنسب .. أنت رجل أعلامي وتعلم جيدا" أن فحوي هذا الخطاب لا علاقة له بالشكوي .. هذا الخطاب موجه لمراقب المباراة تأكيدا" لضم ثلاثة من لاعبي الهلال للكشف ومعهم أحد لاعبي زيسكو !! وهذا لا علاقة له بالشكوي التي سوف ينظر فيها في أوائل سبتمبر ومن ثم بدء التحقيقات ومخاطبة الأتحاد النيجيري للتأكد من كل هذه الأدعاءات وعندها لكل حادث حديث يا عريس .. لك الود والتحايا أطنان .
|
Post: #109
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: محمد خليل ساني
Date: 08-02-2009, 06:55 PM
Parent: #107
Quote:
أبوالنسب .. أنت رجل أعلامي وتعلم جيدا" أن فحوي هذا الخطاب لا علاقة له بالشكوي .. هذا الخطاب موجه لمراقب المباراة تأكيدا" لضم ثلاثة من لاعبي الهلال للكشف ومعهم أحد لاعبي زيسكو !! وهذا لا علاقة له بالشكوي التي سوف ينظر فيها في أوائل سبتمبر ومن ثم بدء التحقيقات ومخاطبة الأتحاد النيجيري للتأكد من كل هذه الأدعاءات وعندها لكل حادث حديث يا عريس .. لك الود والتحايا أطنان . |
قريبي العزيز طلال
الخطاب تأكيد على صحة إجراءات التسجيل
ويعني بالتأكيد إعتماد تسجيل الثلاثي كما تم قبل ذلك
غايتو ناس ناساروا قطعوا قول كل خطيب
موضوع سادومبا مشى لإتجاه آخر ومع تحقيق الإتحاد العام راح ينتهى
بعدين قدامك كابوندي وسادومبا الإثنين راح يلعبوا محليا وأفريقيا
طبعا بعد الشفاء من الإصابة وعودتهم للتدريبات كما حملت الصحف الرياضية
غايتو بعد ثلاثية كانو دي ما عارف أقول ليك شنو
بس الله يستر عليكم من زيسكو فى ملعبكم
ووقتها مافى حاجة راح ترجّع الفات
يعني تخسروا الشكوى والنقاط فى الملعب كمان
دي طبعا اللى ما حابيها ليكم
التحايا والود لكم جميعا ،،،،
|
Post: #100
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 08-02-2009, 10:08 AM
Parent: #86
| Quote: واجب علي انو انورك بانو البتعمل فيهو ده اساءة لكبر نادي سوداني ولمشجعيه لأنك بتتهم النادي بالتزوير واستشهدت بكلام مزمز |
يا صديقي أنا بعيد جدا" من الأساءة لنادي الهلال ، ولكني في هذا البوست وددت مناقشة موضوع هام يتعلق بتجاوزات حدثت لعمليات اخلاء خانات لأضافة لاعبين جدد لنادي الهلال ، أنا لم آتي بهذا الحديث من مخيلتي ولكن هناك صحيفة وكاتب بها أحضرا مستندات مهمة جدا" تدعم الأدعاءات وتتم بالتزوير صراحة" مما حدي بالأتحاد العام الرد عن طريق البرامج التليفزيونية والمنشورات ولم يكلف نفسه بفتح تحقيق أو حتي رفع دعوة قضائية في مواجهة الصحيفة !
هذا كل مافي الأمر بدون أتهامات يا سيد أسامة !
|
Post: #103
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: سيف بخيت موسي
Date: 08-02-2009, 10:34 AM
Parent: #100
فنانا الأنيق
طلال
سلام تاني
Quote:
مما حدي بالأتحاد العام الرد عن طريق البرامج التليفزيونية
والمنشورات ولم يكلف نفسه بفتح تحقيق أو حتي رفع دعوة قضائية
في مواجهة الصحيفة !
|
القال ليك منو ما في دعوى.
1. أزيدك من الشعر بيت ( يجري حالياً وبسرعة ترتيبات إقامة دعوى ضد جريدة
الصدى ، وملاكها ، ورئيس تحريرها ، وبعض الصحف والقنوات التي خاضت في
هذا الموضوع بدون مهنية.
2. يا طلال ناديكم المريخ رفع دعوى للإتحاد الأفريقي ، ليه شطبت شكلاً فقط
أقول ليك أنا " لانها مضموناً ايضاً ما فيها رجاء ، وإلا الإتحاد الأفريقي
تكفل بنفسه بمخاطبات أي جهة منضوية إليه لمعرفة حقيقية الأمر ، ولوائحه
الداخلية تسمح له بذلك .
3. السودان يا سيدي فيه ميزة وعيب وهو " عفى الله عما سلف " بكرة بظهروا
الأجاويد ( تذكر يوم كان عايزين يوقفوا الصدى مع عدد من الصحف الرياضية
القيامة وصلت للبشير ، ما تشردوا الموظفين والصحف فاتحة بيوت
إلى أخره)
4. الموضوع دا مزمل زاتوا نساه وعامل فيه رايح .
دمت يا عزيز والجميع بخير
|
Post: #106
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Maawya Hussein
Date: 08-02-2009, 11:19 AM
Parent: #100
| Quote: يا صديقي أنا بعيد جدا" من الأساءة لنادي الهلال ، |
| Quote: لآمن انتو تخجلوا وتبطلوا التزوير المشهورين بيهو من التمانينات ! |
دي يبلعوها كيف دي !!
________________-
تمبس بي الجمبه كدا انت زول موردابي عتيييييييييييق حصل يا تمبس اكلت ليك سمايه كان اسم المولود سعيد مصطفي الملقب بي السعودي !
|
Post: #110
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: tmbis
Date: 08-16-2009, 11:14 AM
Parent: #106
|
Post: #111
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: بشري الطيب
Date: 08-16-2009, 11:25 AM
Parent: #110
زمان قولنا ...
تباروا في الجداد لمن يوديكم الكوشة أها وداكم أقعدوا أنبشوا في وسخ الكوش ده
|
Post: #112
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: مهدى الصادق السيد
Date: 08-16-2009, 11:38 AM
Parent: #111
Quote: زمان قولنا ...
تباروا في الجداد لمن يوديكم الكوشة أها وداكم أقعدوا أنبشوا في وسخ الكوش ده |
الوشة افضل مليون مرة من نويدي بيت الشهداء واستاد زريبة العيش
|
Post: #113
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: بشري الطيب
Date: 08-16-2009, 11:47 AM
Parent: #112
| Quote: الوشة افضل مليون مرة من نويدي بيت الشهداء واستاد زريبة العيش |
استعجالكم ده ياهو البسويها فيكم استعجلتوا في الشكوى رفضوها شكلا وهسة انت مستعجل كتبت الكوشة غلط ....
بعدين النويدي بتاع بيت الشهداء ده وزيبة عيشنا ما ناكرنها وبي ديل قاعدين في رأس المجموعة خليكم في طيشكم ده....
عالم تحير يدور يهشوكم من الكوشة تقولوا لا إلا نقعد نبحت أبحتوا إن شاء الله تمرقلكم عقارب
|
Post: #114
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 08-16-2009, 12:47 PM
Parent: #113
زريبة !!
أنا ما فاهم انت شامت علي هزيمة أمس ولا ده تعليق علي البوست ؟ ورينا عشان نخش معاك في الموضوع
|
Post: #115
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: tmbis
Date: 08-16-2009, 12:59 PM
Parent: #114
| Quote: تمبس بي الجمبه كدا انت زول موردابي عتيييييييييييق حصل يا تمبس اكلت ليك سمايه كان اسم المولود سعيد مصطفي الملقب بي السعودي ! |
.
قلت لي وارغووو منو يا معاوية ..؟
|
Post: #116
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 08-16-2009, 01:40 PM
Parent: #115
| Quote: قلت لي وارغووو منو يا معاوية ..؟ |
أسأل معز محجوب بوريك وارغو منو ؟
|
Post: #117
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: سيف بخيت موسي
Date: 08-16-2009, 01:47 PM
Parent: #116
العزيز طلال
إنشغلتوا بـــ DHL لحدي ما وصل فريقكم لمنطقة غريبة
أعرف وأعلم أن الهزيمة صنو للفوز ولكن إعلام المريخ شغلهم في الفاضي وضللهم
عليك الله اقرا معي كلام الصديق / ياسر المنا رئيس تحرير جريدة المريخ في عموده فيض الخاطر
Quote:
لا عزاء ولا مبرر .. ولا حول ولا قوة الا بالله
الأحد, 16 أغسطس 2009 07:05
حقارة الحكم دليل على غياب الادارة والمثالية الزائدة
الاعبون اضاعوك يا زعيم .. واغتالوا سمعتك وقتلوا جماهيرك
لابد من المحاسبة وان يغادر القلعة الحمراء كل الشركاء في المسؤولية
البداية الخاطئة قصمت الظهر وقادت الى النهاية المحزنة والمؤلمة
الالم وحده لا يكفي ولا يعبر عن الحسرة والاوجاع التي اصابت الصفوة .
الاحزان بكل معانيها واشكالها والوانها لا تخفف المصاب الجلل .
لا يستحق المريخ ابدا ما حدث له بالامس فلا مكانته ولا تاريخه ولا قدراته ولا طموحات جماهيره تتناسب مع تلك المهزلة التي شهدها ملعب المريخ .
لا يستحق المريخ ابدا مثل هذه النهائيات التي تقهر النفوس وتذبح القلوب وتشعر الرجال بالضعف وقلة الحيلة لا تنفع الدموع ولا يشفع البكاء .
ما حدث قد حدث والمصيبة وقعت بكل اركانها والمهزلة كتبت علينا ودخلت في سجلات التاريخ تحدث عن موقف سخيف ووقائع اغرب الى الخيال من الحقيقة .
الشجاعة تقتضي ان يتحمل كل طرف مسئوليته وبشجاعة وان يحاسب نفسه ويعاقبها قبل ان يعاقبه التاريخ او تهتف ضده الجماهير .
اليس هذه مهزلة و المريخ يخسر بفعل فاعل وبتحامل وانحياز حكم فاضح وفي ارضه ووسط جماهيره في حين ان الحكام الذين يديرون المباريات الاخرى يكونون اقرب الى اللاعب رقم 12 في تشكيلة الفريق صاحب الارض اليس هذه مهانة وحقارة تدل على غياب المتابعة وترك المقادير والظروف لتخنق المريخ وتغتاله في وضح النهار واهله يتفرجون على المهازل .
كل من شاهد المباراة لم يصدق ان زيسكو يلعب في ارض المريخ وساحة التاريخ وقلعة الابطال والرجال ولايمكن لحكم فاسد ان يقسو عليه بهذه الطريقة الصعبة ويحكم على جماهيره بالموت ويدفعها دفعا لسوء السلوك ولتظهر في مظهر لا يتناسب معها ولا صفاتها .
قاد الحكم المريخ للخسارة باحتسابه لضربة جزاء وهمية وعدم احتسابه لهدف سليم مائة المائة وكل هذا ونجومنا يتفرجون عليه وعلى نجوم زيسكو يتساقطون ويمثلون ليكملوا فقرات المسرحية .
وما كان للحكم ان يرغم المريخ على الخسارة في ارضه ووسط جماهيره لو احسن الجهاز الفني البداية الصحيحة وان لعب اللاعبون بمسئولية وجدية وكانوا رجالا اقوياء ولكن المؤسف له تتضاعف على المريخ المصائب وحاصرته من كل صوب وحدب ولم يجد من يشفع له او يقاتل من اجله غير لاعب او لاعبين ابرزهم المغربي الدافي .
ما حدث قد حدث والمصيبة كبيرة والالم يفوق كل حدود التحمل والتصور فلا تنفع في مثل هذه الظروف غير الشجاعة والحكمة معا وذلك بكشف كل الاوراق وتسليط الضوء على الاسباب ومحاسبة كل مخطئ فالمريخ لا يموت ولا تنتهي مسيرته بخسارة واردة في كرة القدم وتعرض لها العملاقة والاندية الكبيرة ولكنها منحتهم القوة وكانت بالنسبة لهم ترياقا اعادهم من جديد للواجهة فهل في المريخ اليوم من يقدر على ذلك من يشق الصفوف الغاضبة ويخترق الاحزان والقلوب الدامية ليعيد التوازن ويفتح طاقة الامل من جديد .
لا نجد اي تعبير او منطق يساعدنا في تخفيف المصاب الجلل ومسح اثار الظلم الذي وقع على الصفوة ليس من الحكم وحده بل من ادارة ترمي بكل الحمل على شخص او شخصين عليهم ان يفعلوا كل شي الصغيرة والكبيرة وجهاز فني لم يحسن الحسابات واقدم على مغامرة من دون ان يتحسب عواقبها وهو يلعب بتنظيم جديد ويشغل الدفاع ببعض اللاعبين الذين يفتقدون الرشاقة والقدرة على المطاردة فكانت الثغرات كبيرة وسهلت مهمة فريق اضعف من المريخ ليصل للشباك بكل سهولة والكل يتفرج والكرة في المرمى .
وكان بامكان المريخ ان يعود ان كان نجومه رجالا واقوياء ويقدرون الشعار ويلعبون بغيرة ولكنهم وللاسف الشديد لم يركزوا وبددوا جهودهم في سيناريوهات متكررة في بحثهم عن الشباك الزامبية كرات طويلة وعريضة واصرار على الاختراق لتضيع الفرص وتتبدد السيطرة في الفاضي .
قلنا وتحدثنا كثير ا عن ان المباراة مصيرية ودعونا اللاعبين لتجنب الاستهتار والبداية القوية والتركيز وطالبنا الجهاز الفني بان لا يستهين بالمنافس الزامبي والذي تمثل له المباراة الفرصة الاخيرة للعودة لدائرة المنافسة وجاءت الصفوة وملأت الملعب وشجعت بحرارة ولم تقصر ولكنها لم تجد المريخ الذي تعرفه فضاعت الهوية ومنذ الدقائق الاولى اصابها الخوف وشعرت بالقلق بسبب الاخطاء القاتلة والتراخي والتكاسل والاعتماد على التسلل من وسط الملعب كانهم ليسوا نجوم كبار ولا يلعبون في بطولة كبيرة ليحولوا المريخ لفريق روابط يفتقد الخبرة والحنكة .
في مثل هذه الاجواء تتعدد الضحايا والشماعات وان كان الحكم له دور مقدر ومتفق عليه في ذبح المريخ في ارضه فهو قد وجد من سانده وهيأ له الفرصة ليفعل ما يخطط له ولان المريخ تاريخ ولان المريخ يبقى كبيرا وان ظلمته الظروف وظلمه جيله الحالي فيجب ان لا ندعه يتعرض للسكاكين التي تبحث لتقطيع اوصاله وتدميره وفي نفس الوقت يجب ان لا يمر ما حدث مرور الكرام فاما تصحيح شامل وفي كل الاتجاهات او الاعتراف بعدم القدرة وتسليم الراية لمن يملك الحكمة والقدرة ويمكنه ان يبدل الوقائع ويحافظ على المكاسب الكبيرة .
لنحزن ونتالم ونتجرع كؤوس المراراة ولكن في نفس الوقت هناك مسئولية تاريخية تنتظر مجلس المريخ والقطاع الرياضي والجهاز الفني واللاعبين والاعلام والجماهير ايضا في الايام المقبلة بالمعالجات الشجاعة والحكيمة حتى لا تكتمل فصول الضياع ويمثل هذا العام عام النكسة للزعيم ولجماهيره .
لا نعرف تحديدا ما يجب فعله لحماية المريخ ولابعاده من شبح الضياع والموت السريري فالافكار مشوشة والاراء تتزاحم بكل الافكار البيضاء والسوداء والتي تراعي المريخ الكيان وتؤمن بضرورة بقاءه شامخا حتى وهو في مثل هذه الظروف الصعبة وافكار تفقد الامل في اصلاح قريب بسبب الاخطاء المتراكمة والعوارض التي ترفض ان تغادر الديار الحمراء فهي اشبه باللعنة والا كيف يفسر عاقل ما يحدث اليوم لفريق مدجج بالنجوم ويملك ملعبا جميلا ورجل يدفع بسخاء ويعمل باخلاص وتفان من اجل رفعته فاين الخطأ واين المشكلة كلها امور تستوجب وقفة الرجال والجماهير حتي يخرج المريخ من هذا الواقع المؤلم ويفتح صفحات جديدة وان تغيرت فيه كل الاشياء .
ولنبدأ بالاعتذار الكامل لكل الصفوة عن اي تقصير قمنا به في الجوانب الاعلامية ونؤكد قدرتنا لتحمل المسئولية وتحمل كل تباعاتها فاليوم لا نعفي انفسنا وكل شريك اصيل في مجالات العمل الاحمر .
ونسال الله ان يخفف الاحزان ويعيد الهدوء لنفوس الصفوة التي اشتعلت فيها نارا قاسية حرقت قلوبهم وادمت عيونهم وشلت تفكيرهم وتبقى ثقتنا في ارث المريخ وتاريخه بان يكونوا بلسما يداوي الجروح ويفتح آفاق جديدة فثقتنا كبيرة في ان اي مريخي صميم لن يتوانى في ان يكون كبش فداء وضحية للمريخ العظيم .
ولا حول ولاقوة الا بالله العظيم والحمد الله على الامتحان العسير .
|
مع تحياتي للجميع
|
Post: #118
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: ahmed khidir
Date: 08-16-2009, 02:46 PM
Parent: #117
طلال
سلامات
انت مصدق فى شكوى
بالمنطق اذا كان المريخ
متاكد من صحة شكواة
ليه ما صبر وقدم الشكوى بعد المباراة
تفجير قضيه زى دى قبل المبارة
المقصود منها زيادة مبيوعات الجريده
وعدم الاستقرار داخل فريق الهلال
وصرف النظر... عن هزائم المريخ
لكن حصل العكس تماما .... والدليل
النقطة الوااااااااااااااااااحدة
|
Post: #120
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 08-16-2009, 03:59 PM
Parent: #118
Quote: المقصود منها زيادة مبيوعات الجريده
وعدم الاستقرار داخل فريق الهلال
وصرف النظر... عن هزائم المريخ
لكن حصل العكس تماما .... والدليل
النقطة الوااااااااااااااااااحدة |
لا أتفق معك في أن مزمل أبوالقاسم كصحفي محتاج لأن يؤلف مواضيعا" يزيد بها مبيعات الصدي ، مزمل سبب رئيسي في انتشار العديد من الصحف الرياضية اتي عمل بها بسبب مهنيته وموضوعيته .. وما تطرق له من موضوع (بالدليل الثابت) هو السبب في أن يتقدم نادي كانو بيلارز بنفس الشكوي بغض النظر عن أتجاهها !
فريق الهلال .. لا أحد يعمل ضد استقراره سوي الأهلة نفسهم .. أذهب لدار النادي وأنت تري يوميا" جماعات لم الشمل الهلالي ، والصدارة والأصالة وأهل الهلال وكل في حزبه ويغني لليلاه !!
هزائم المريخ سببها المريخ نفسه وليس غيره .. نحن لم ولن ننصرف عنه بهزيمة عابرة يظل زعيما" متوجا" للأندية السودانية والوحيد الذي شرفها وخلد اسمها في سجلات الأتحاد الأفريقي مع حاملي البطولات القارية !
النقطة الواحدة تظل مثلها والسبعة نقاط ان لم يتأهل الهلال ... لك التحايا
|
Post: #119
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Talal Halfa
Date: 08-16-2009, 03:47 PM
Parent: #117
| Quote: إنشغلتوا بـــ DHL لحدي ما وصل فريقكم لمنطقة غريبة |
لم ننشغل بشئ عن معشوقنا ولم يصل لأي منطقة غريبة ! كل ما هناك سوء تنظيم داخل الملعب بسبب تخبط الأدارة الفنية أدي لأن يخسر الفريق منذ الدقائق الأولي اضافة لتحامل الحكم .. عادي ويحدث لأي فريق كرة قدم في العالم !
ان كنت تقصد موضوع اعارات اللاعبين .. الأتحاد السوداني لم يسلك الطرق الصحيحة في تطبيق لوائح الأعارة ولو كره المطبلون .. وهذا لا شأن له بمباراة الأمس يا أستاذ سيف .. لك الود
| Quote: أعرف وأعلم أن الهزيمة صنو للفوز ولكن إعلام المريخ شغلهم في الفاضي وضللهم |
اعلام المريخ واعلام الهلال .. كلاهما وجهان لعملة واحدة ..
| Quote: عليك الله اقرا معي كلام الصديق / ياسر المنا رئيس تحرير جريدة المريخ في عموده فيض الخاطر |
قرأته الصباح باكرا" وأظنه يحاول التخفيف علي الجماهير الغاضبة .. حديثه يعبر عن رأيه كصحفي ونصير للمريخ قد نتفق معه وقد نختلف .. الهزيمة حدثت وانتهت ..
ما حدث للمريخ بالأمس لا يصب في مصلحة الهلال اطلاقا" ...
|
Post: #121
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: كمال عباس
Date: 09-05-2009, 06:09 PM
Parent: #119
!!!!!!!!!!!!
|
Post: #122
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: tmbis
Date: 09-12-2009, 02:09 PM
Parent: #121
فووووق
|
Post: #123
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Osama Mohammed
Date: 09-12-2009, 02:41 PM
Parent: #122
طلال
وعمنا حمزاوي وبقية المريخاب ....
هذا ما كنا نخشاه ......
لكن برضو انتو حبايبنا والله العظيم .....
لم يحدث في يوم من الايام ان اتت الشكاوي والمكايدات بكأس او بطولة لفريق ... انما العمل والعمل الجاد .....
هذا الصحفي خطر على المريخ ولو استمر على نفس الشاكلة سينتهي من المريخ تماما ...لأنه سيدخلكم ( واعني هنا المشجعين ) في دائرة الحسد ....
افيقوا يا اهل المريخ والحادبين على مصلحته ..ضحك عليكم مزمل ووزع (جريدته ) وحصدتم العدم ما عدا اماني سوقها و(ساقها ) للجمهور الصابر ...
انه ثمن فادح للعلب على صفحات الصحف .....
كلما اشتدت حملات التشكيك والحسد وتبخيس فوز الهلال سيتواصل نجاح الفريق
اسامة
|
Post: #124
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: tmbis
Date: 09-13-2009, 11:33 AM
Parent: #123
|
Post: #125
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: Maawya Hussein
Date: 09-13-2009, 11:52 AM
Parent: #124
تم افتتاح خدمه جديده للـDHL خدمه ايصال الرسائل المستعجله عن طريق الحمام الزاجل ..
______
يا تمبس الزول دا تاني ما بجي السوق
|
Post: #127
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: tmbis
Date: 09-13-2009, 12:03 PM
Parent: #125
| Quote: يا تمبس الزول دا تاني ما بجي السوق |
يا معاوية صدقني الزول دا بيجي ..
|
Post: #126
Title: Re: ورطت ال DHL و الأتحـاد العـام والهـلال وأبوبكـر مصطفي يا مزمـل - كفايـة حراااااام
Author: معتصم عبدالرحيم
Date: 09-13-2009, 11:57 AM
Parent: #124
up
sorry 7up
|
|