Post: #1
Title: توضيح وشكر واجبين ...!
Author: عثمان دغيس
Date: 07-27-2009, 11:29 PM
أولاً أخوتي وزملائي بالمنبر ...
التحية والتقدير لكم جميعاً بعد طول غياب ...
التوضيح ...
أني كنت ما أنا ...!
كنت مهكر ..وكنت في محاولات مستمرة للدخول وفشلت كل المحاولات لأكثر من شهر.....
إلا أني علمت من بعض الأخوة أن هنالك من كان يكتب بإسمي ...
كيف والله ما عارف ...!!!
فلا يؤاخذنني من إمتدت إليه يد الهكر الذي إستغل إسمي في النيل من بعض أخوتي وأخواتي الزملاء والزميلات ...
الشكر الواجب فهو للباشمهندس بكري أبو بكر الذي إستجاب مشكوراً لطلبي تزويدي بباسويرد جديد ..
والشكر قبل ذلك لكل من وقف معي في تلك المحنة ..
وأخص بالشكر الأستاذة راوية ..
التي بذلت ما في وسعها وسعت لحصولي من جديد على الباسويرد .
فلها مني كل تجلة وتقدير ..
والشكر لكل من إنبرى للدفاع عني وتاكيد أن الذي كان يكتب بإسمي إنما كان هكر ولم أكن أنا ..!
|
Post: #2
Title: Re: توضيح وشكر واجبين ...!
Author: Sabri Elshareef
Date: 07-28-2009, 00:17 AM
Parent: #1
اهلا وسهلا دغيس
وما عارف انت مهكر او متحكر من زمان لان تعليقاتك
وصورك مختلفة الرؤي والمفاهيم
يعني يظهر فيها اورغ وتطريب وغنا
واهل مدني اللطاف وظراف
ويطل بعد فتح الذهن منهاج كشكي عنيف
اتمني هنا ان اعرف هل تلك الشخصية هي هكر ام
انها شخصيتك
شكرا لراوية للمساعده
كمان عليك الله قول ليها اخونا دكتور هشام عثمان غالبو يخش من شهور وبكري ارسل له المرسال ولسه الرد ما جا
تحياتي للصديق غسان
ولليمان 114 التي اصبحت تخوف الغاشي والماشي
بسبب تحولها لسجون للجبهة
قاتل الله الهوس الديني
والله يكفينا شر شفوت الدين
|
Post: #4
Title: Re: توضيح وشكر واجبين ...!
Author: عثمان دغيس
Date: 07-29-2009, 07:41 PM
Parent: #2
أشكر لك أخي صبري ترحابك ...
لكني لا أرى أي تناقض فيما أشرت إليه وما ظللت تطرقه ..
ياخي المزيكا إحساس لا علاقة له - فيما أرى - بالفكر والإعتقاد ..
يعني ما شايف إني بالضرورة أتحول لمحارب للدين وللمظاهر الدينية لمجرد إني بعزف أكورديون ...
ربنا يفكنا من الأكورديون ده عشان ما يعتقد أحد يوماً إني مهكر د
برضو أشكرك على التعليق ...
|
Post: #3
Title: Re: توضيح وشكر واجبين ...!
Author: عثمان دغيس
Date: 07-29-2009, 07:35 PM
Parent: #1
أشكر كذلك إبن دفعتي كيكي الرجل اللطيف
الموصوم زوراً وبهتاناً باللعين
فهو من قام بتنبيهي إلى أن هنالك من يكتب بإسمي ويسيئ لي ...
وهو من حثني على مكاتبة بكري لحل المشكلة ..
فله مني كل التقدير والعرفان ...
|
Post: #5
Title: Re: توضيح وشكر واجبين ...!
Author: عبدالكريم الامين احمد
Date: 07-29-2009, 07:47 PM
Parent: #3
هلا وغلا يا ابوعفان
وحبابك ياخي وانت عايد من رحلة التهكير ...
والهكر ابن اللذينة كان لاقي البلد خلا وسارح ومارح
ولكن الحمد الله الامور حلت ..
نشكر معاك بكري علي سرعة الاستجابة ...
ولعين دي فعلا زورا وبهتانا واشاعة بتاعة الظلامي الرعديد معتز
ابوكرش قلوووز لوووووووول
تحياتي وحبابك يا دفعة
|
Post: #6
Title: Re: توضيح وشكر واجبين ...!
Author: Rawia
Date: 07-29-2009, 07:59 PM
Parent: #5
حمدلله على السلامة
بركة الرجعت
عقبال عندنا
|
Post: #7
Title: Re: توضيح وشكر واجبين ...!
Author: haroon diyab
Date: 07-30-2009, 07:40 AM
Parent: #6
تحياتي
ياجاري العزيز
ومشتاقين ومقصرين
التحايا
|
Post: #9
Title: Re: توضيح وشكر واجبين ...!
Author: عثمان دغيس
Date: 08-04-2009, 04:59 PM
Parent: #7
Quote: تحياتي
ياجاري العزيز
ومشتاقين ومقصرين
التحايا |
حبيبنا وحبيب الكل هرون دياب
عساك والعيال بخير
وعشان تعرف إننا كلنا مقصرين أنا ما عدت جارك منذ ما يقارب العام .....!
فقد رحلت السد يعني بقيت ود قلبها ....!
تشكر على المرور والتحايا ..
|
Post: #8
Title: Re: توضيح وشكر واجبين ...!
Author: عثمان دغيس
Date: 08-01-2009, 10:37 AM
Parent: #6
Quote: حمدلله على السلامة
بركة الرجعت
عقبال عندنا |
يا راوية ....
عقبال عندك كيف يعني ؟؟
ده كلام شنو ده ؟؟
دي ما إنتي وللا شنو؟
الكاتب الكلام ده الهكر واللا إنتي ؟؟
تشكري على تعاونك وعلى تعاملك الجاد مع الموضوع .
وأتمنى أن ترحب بيك الدوحة وأن تجدي فيها ما يشجعك على الإقامة ( الطوعية ) ...
|
Post: #10
Title: Re: توضيح وشكر واجبين ...!
Author: عثمان دغيس
Date: 08-08-2009, 01:09 PM
Parent: #8
يا أخوانا ومن أجل الفائدة ..
يعني كيف للهكر أن يكتب بإسم العضو ..؟
وكيف لنا التأكد من أن الذي يكتب هو الهكر وليس العضو ؟
ولماذا يختار الهكر عضو بعينه ويهكره ويكتب بإسمه ؟؟
بمعنى هل هنالك بعض الأعضاء وكلمات المرور أسهل من غيرها واللا شنو الحكاية ؟؟؟
أرجو أن يدلو كل من يعرف بعلومة بما يفيد ...
|
|