Post: #1
Title: البُزاق ... بوست مقزز !!
Author: صلاح أبودية
Date: 07-27-2009, 12:05 PM
Parent: #0
تكاد لا تخلو أى حيطة فى السودان من آثار ما يعرف بالبزاق !!
أنظر حولك الآن وتأكد من صحة كلامى !!
أركان المكاتب ...
درجات السلالم فى العمارات والمستشفيات ...
مع اللفه بس تووووف ...
أى مكان فيهو لفة تلقى فيهو تفه !!
ده إذا ما لقيت فيهو سفة !!
كل الحيطان فى المصالح الحكومية والمؤسسات ملطخة بطريقة مقززة !
آثار الصعوط على الجدران مثل آثار العدوان على غزة !
الواحد أول ما يطلع من الحمام... يبزق!
وأول ما ينزل من الحافلة ... يبزق !!
وأول ما نزولوا يتم ... يبزق !!
وأول ما ينتهى من المكالمة ... يبزق !!
وبعد ما يقرأ الجريدة يلتفت ناحية الشمال و... يبزق !!
بس فى الحيطة قاصدنها عديل !!
ومهما كانت نضيفة ولّ مدهونة ببوهية المهندس ول سراميك ...
لا تنجو من أأأخ توووووووف !!
ومهما كانت بعيدة يمط شفتيه ويغمض عينه ويرجع خطوة لى وراء
زى العاوز يكس كورنر وتوووووووووف !!
ياخ طيب ما تبزق فى الواطة !!
ورونى يا جماعة مالكم مع الحيط !؟؟
خخخخخ توووف !!
|
Post: #2
Title: Re: البُزاق ... بوست مقزز !!
Author: وجن
Date: 07-27-2009, 12:26 PM
Parent: #1
والله لا عرفت أبكي ولا عرفت أضحك
وقبلت (..........) مالقيت جمبى أى (حيطه)
أسالم تاني عليك الله
|
Post: #4
Title: Re: البُزاق ... بوست مقزز !!
Author: صلاح أبودية
Date: 07-27-2009, 12:52 PM
Parent: #2
وجن !
لك التحية !
Quote: وقبلت (..........) مالقيت جمبى أى (حيطه)
|
إنت قاعدة وين فى المريخ ؟؟
مالقيتى حيطة (......ى) فى الواطة!
كان مالقيتى الواطة ..
تعالى راجعة لى تانى اوريك (......ى) وين ؟
|
Post: #3
Title: Re: البُزاق ... بوست مقزز !!
Author: صلاح أبودية
Date: 07-27-2009, 12:32 PM
Parent: #1
لو ناداك واحد من بعيد أعمل حسابك حا يبزق قبل ما تصلو !!
أى زول عاوز يركب معاك فى العربية يبزق ثم يركب ..
ولمّن يصل محلو قبل ما ينزل يفتح الباب وينزل كراع واحده و يبزق ..
وفى بزقات ثابتة مصروفة زى الروشتة !!
ثلاثة بزقات قبل الأكل !
ثلاثة بزقات بعد الأكل !
ثلاثة بزقات بعد الشاى !
ثلاثة بزقات بعد السجارة !
ثلاثمائة بزقة بعد السفة !
بزقة عند اللزوم للتعبير عن حالة القرف !!
|
Post: #5
Title: Re: البُزاق ... بوست مقزز !!
Author: عابدون محمد عابدون
Date: 07-27-2009, 01:02 PM
Parent: #3
واوعك ياصلاح فى الموقف تجى ماشى جمب الباصات ...
|
Post: #6
Title: Re: البُزاق ... بوست مقزز !!
Author: انور التكينة
Date: 07-27-2009, 01:22 PM
Parent: #5
البوست ده عاوز سفة مدنكلة و ..... توابعها
|
Post: #7
Title: Re: البُزاق ... بوست مقزز !!
Author: مزمل خيرى
Date: 07-27-2009, 03:08 PM
Parent: #6
عبدون
ضحكتنى والله ..
ذكرتنى بصات ابورجيلة الزمان
الواحد فينا كان يجى ماشى بين البصات
الواقفة فى الموقف فجاءة تجيك (...) طايرة
تعاين فوق تلقى عمك كبير قاعد على
الشبــاك يقول ليك معليش ياولدى ماشفتك .!!
تسب ليهو وتمسحة وتمشى ..!
من ديك والواحد بقى يعاين فوق فى الشبابيك
ويمشى بين البصات ..
ياحليل باصات ابورجيلة ..
|
Post: #10
Title: Re: البُزاق ... بوست مقزز !!
Author: صلاح أبودية
Date: 07-28-2009, 09:26 AM
Parent: #6
Quote: البوست ده عاوز سفة مدنكلة و ..... توابعها
|
الأخ أنور
لك تحياتى
عليك الله أعفينا من التوابع !!
|
Post: #8
Title: Re: البُزاق ... بوست مقزز !!
Author: صلاح أبودية
Date: 07-27-2009, 07:56 PM
Parent: #5
عابدون كيف حالك ؟
| Quote: واوعك ياصلاح فى الموقف تجى ماشى جمب الباصات ... |
وبالذات باصات الحاج يوسف !
|
Post: #9
Title: Re: البُزاق ... بوست مقزز !!
Author: عزام حسن فرح
Date: 07-27-2009, 08:11 PM
Parent: #8
صلاح أبودية ...
حبيبي ونديدي ...
كُنت قبل فترة بتناقِش إسفيرِيًا مع أُستاذي الشاعِر النوبي / الفاتِح شرف الدين عن < الهامِش > و< المركز > وإختِلاف البيئة الذي يفرِض على البني آدم طبع يكاد يكون خارِج الوعي ... وكان مِن ضِمن مُداخلاتي مع سَيِدي وحبيبي وأُستاذي الشاعِر النوبي / الفاتِح شرف الدين أن قُلت :-
المُدهِش أن هُناك قرَوِيين يسكُنون المُدنُ ... ومدنِيين يسكُنون القُرى ... لَيس بِمفهوم جُفرافي ... بل حسب نمط حياتِهِم ... إسلوب معيشتِهِم ... طبيعتهُم ... فمثلاً عدد الذين يُتابِعون الإستِماع إلى إذاعة " لندن " في الأقاليم أكثر مِن الذين يسكنون نمرة (2) زمان ... والذين يأكلون " الكِسره " في (2) أكثر مِن الذين يقطنون الأقاليم ...
أزعُم أن مفهوم " الهامِش والمركز " إحساس أكثر مِنهُ مكان ... أذكُر أنني قابلت أعرابي في بِطانة أبوعلي يُجفِف يداه بِمنديل بعد غسلِها ... ويفعل ذلِك كأنهُ نشأ في سرايا ... وفي شارِع الجمهورِية ، هُناك مَن " يبزُق " السفه مِن نافِذة سيارتِهِ المُنطلِقة ، لِتستقِر بِقُدرة لئيمة على نافِذة سيارتُك ...
ياخ أنا مُشتاق ليك يا صلاح ... تفتكِر مُمكِن أحِل الموضوع ده كيف؟ يعني أعمِل شنو؟ العقاب كيفِنو؟
|
Post: #11
Title: Re: البُزاق ... بوست مقزز !!
Author: قلقو
Date: 07-28-2009, 09:38 AM
شوفو ياشباب تتكلمو عن البصق اوكى , تتكلمو عن التفاف ماشى , حتى لو اتكلمتو عن مايخرج من السبيلين ماعندنا اعتراض ,لكن انا بس جنى وجن الزول البتكلم بسؤ عن التمباك . بعدين بقوم بخسرو.
فاهين ؟
|
Post: #14
Title: Re: البُزاق ... بوست مقزز !!
Author: صلاح أبودية
Date: 07-29-2009, 08:35 AM
Parent: #11
| Quote: انا بس جنى وجن الزول البتكلم بسؤ عن التمباك |
قلقو
كيف حالك ؟
ياخ ما تزعل وتنفعل ساى أنا خايف تبلع السفة الفى خشمك دى !
عليك الله تفها وتعال تانى !!
|
Post: #12
Title: Re: البُزاق ... بوست مقزز !!
Author: صلاح أبودية
Date: 07-28-2009, 02:08 PM
يا دفعة ..
إزيك ياخ وكيف حالك ؟
| Quote: ياخ أنا مُشتاق ليك يا صلاح ... تفتكِر مُمكِن أحِل الموضوع ده كيف؟ يعني أعمِل شنو؟ |
أسأل أخونا العوض المسلمى !!
|
Post: #13
Title: Re: البُزاق ... بوست مقزز !!
Author: محمد الجزولي
Date: 07-28-2009, 04:55 PM
Parent: #12
.
.
|
Post: #15
Title: Re: البُزاق ... بوست مقزز !!
Author: عبد اللطيف السيدح
Date: 07-29-2009, 08:51 AM
Parent: #13
بوست رسالي
شكرا ابودية
|
Post: #17
Title: Re: البُزاق ... بوست مقزز !!
Author: صلاح أبودية
Date: 07-30-2009, 08:02 AM
Parent: #15
شكرا لطفى
صدق فى الأول قريتها بوست ريالى !!
|
Post: #16
Title: Re: البُزاق ... بوست مقزز !!
Author: صلاح أبودية
Date: 07-29-2009, 09:19 AM
Parent: #13
شكرا محمد الجزولى !
|
Post: #18
Title: Re: البُزاق ... بوست مقزز !!
Author: قيقراوي
Date: 07-30-2009, 05:07 PM
Parent: #16
Quote: وفى بزقات ثابتة مصروفة زى الروشتة !!
ثلاثة بزقات قبل الأكل !
ثلاثة بزقات بعد الأكل !
ثلاثة بزقات بعد الشاى !
ثلاثة بزقات بعد السجارة !
ثلاثمائة بزقة بعد السفة !
بزقة عند اللزوم للتعبير عن حالة القرف !! |
" ممنوع البصق "
ازيك يا ابو الصلح
العبارة اعلاه كانت مكتوبة في بص .
و بعوامل التعرية و حكحكة الركاب اتحذفت منها القاف
يوم واحد مسطول جا يركب البص قراها :
ممنوع البص
ظيطك جا نازل
اشواق كميات يا ابو دية
|
Post: #19
Title: Re: البُزاق ... بوست مقزز !!
Author: صلاح أبودية
Date: 08-02-2009, 07:42 AM
Parent: #18
ما رجعت تانى لانو بزاقى كمل فى الزومة !
الله يسامحك يا مازدا !!
ــــــ
!!
|
Post: #20
Title: Re: البُزاق ... بوست مقزز !!
Author: Abdlaziz Eisa
Date: 08-02-2009, 08:21 AM
Parent: #19
الأخ أبودية
سلام
هذه واحدة من أكبر علامات تخلف الشعوب..
بوستك ده رجع بي للذكريات الكريهة عن الحاجات دي التي لم أسمع بها لسنوات..
في سنغافورة البزاق يعد مخالفة لقوانين البيئة ويحاسب الجاني بشدة..
تحياتي
|
Post: #21
Title: Re: البُزاق ... بوست مقزز !!
Author: صلاح أبودية
Date: 08-02-2009, 09:34 AM
Parent: #18
Quote: و بعوامل التعرية و حكحكة الركاب اتحذفت منها القاف
|
قيقراوى !
نسيت العامل الرئيسى (البصاق ظاتوو)
برضنا مشاقين والله !
|
Post: #22
Title: Re: البُزاق ... بوست مقزز !!
Author: Abdlaziz Eisa
Date: 08-02-2009, 02:55 PM
Parent: #21
Quote:
كُنت قبل فترة بتناقِش إسفيرِيًا مع أُستاذي الشاعِر النوبي / الفاتِح شرف الدين عن < الهامِش > و< المركز > وإختِلاف البيئة الذي يفرِض على البني آدم طبع يكاد يكون خارِج الوعي ... وكان مِن ضِمن مُداخلاتي مع سَيِدي وحبيبي وأُستاذي الشاعِر النوبي / الفاتِح شرف الدين
|
يا عزام
الشاعر النوبي.. الشاعر النوبي.. الشاعر النوبي!!!
ان شاء الله شاعرك ده بيكتب بالنوبي كمان؟!!!!!!!!!!!!!
عبدالعزيز
|
|