الاخ العزيز تبلدينا.....اشرح هذه العبارة!

Quote: نعم .. فى حدود الحرية المتاحة من قانون الامن العام

وهل في رايك ان ما خطه قلم الصحافية امل هباني في مناصرة شقيقتها لبني احمد حسين خارج حدود المتاح من قانون الامن العام وما هو المتاح وغير المتاح في قانون الامن العام!؟

عزيزي القاريء


هذا الخيط نابع من مداخلة في خيط جار بالمنبر انتزعتها منه وخصصت لها هذا الخيط لمناقشة صاحبها اخونا المحترم عضو المنبر ( تبلدينا) لانها بالفعل امر يحتاج ان نخصص له خيطا منفصلا لمناقشة هذا الاخ الكريم في عبارته.


عيزومة على ظهر تاكسي هباني ظاااطو ( فيديو)!

ادناه هي مداخلة الاخ تبلدينا التي ولدنا منها هذا الخيط!

Quote: عزيزى الناظر بعد التحية؛ Quote: وسؤالى اليك : هل يستطيع العبد الفقير التكاسي هشام هباني ان يكتب ما يشاء وهو بالداخل بذات الوضوح والحرية!؟ نعم .. فى حدود الحرية المتاحة من قانون الامن العام معليش سؤال بسؤال .. كيف وصلت بلدكم الى تلك الحرية وذاك الوضوح ..!!؟ ......... كيف وضعت بلدكم دستور ينظم الحريات وحقوق الانسان _ رغم الخفايا _ ؟؟ .........

العزيز تبلدينا


بالتزامك واحترامك لحدود المتاح في قانون الامن العام ايعني هذا انك تؤيد التكميم اليومي الرسمى الذي يقع على الصحف والصحافيين من رقابة قبلية وغيرها!؟

.

سلام هباني وتحية عبرك لتبلدينا
وأفتكر أنو البوست يمكن أن يصبح مشروع شكلة وتلاسن وبنفس القدر يمكن
أن يصير نافذة حوارجادة!!
حوار التعبير لاينبغي أن يحدد سقفها قانون الامن العام وأنما هي حق
كفله الدستور ونصت عليه نيفاشا وفي الواقع أن ممارسات جهار الامن وقانونه يتنافيان مع نيفاشا!!
كيف ?
نيفاشا نصت علي تركيز مهام جهاز الامن علي جمع وتحليل المعلومات وتقديم
المشورة متي ما طلب منه...
وبالتالي فإن ممارسات جهاز الامن حاليا فيها تغول علي مؤسسات الدولة
الاخري والحريات العامة وفيها خرق لنيفاشا...
من هنا يجب التصدي لها حتي يتمتع الناس بحقهم في التعبير في أطار
ما كفلته نيفاشا.......
أقول هذا مع تحفظي علي المتاح وعشمي لسقف حريات أعلي مما كفلته تسوية
نيفاشا

العزيز كمال

سلامات

((اخوك هباني جاااي الدور ده ( نيو لوك) مركب مكنة مثقفاتي حكيم زمانو.. ما في اي شمطات عشان
ما ندى الحمام فرصة زوغان من الموضوع!))


شكرا على المداخلة الثرة وانا حريص ان يكون خيطا حواريا جادا في واحدة من اخطر القضايا مع هذا الاخ الكريم الذي يبدو يحمل وجهة نظرة مغايرة وله الود والاحترام.

الأخ الكريم هشام ..
اتفق معك على المبدأ وأنك تسطيع ان تقيم مؤسسة النظام الحاكم في
اي مكان بقييم تعاطيها مع الأعلام .. لكن الإستفهام يظل موجودا .. هل
من ضرورة لضوابط تقف عند حد الحرية التي تسمح للإعلامي باداء مهمته
على الوجه الأتم ؟؟

مودتي .

Quote: هل من ضرورة لضوابط تقف عند حد الحرية التي تسمح للإعلامي باداء مهمته على الوجه الأتم ؟؟

نعم

اي حاجة في ضرورة لتحديد نطاق تحركها وحريتها .. فالحرية ما شي مطلوق ساكت .. وان طُلقت فهي بالتأكيد ستكون خصما على حريات اخرى

..
.
.
العزيز هبانى

والله خيطك دا ما شفتو الا حسي !!
شنو من دالاس خليت لي اهم مداخلة فى بوستيك
وجيت للتانية ..
ما علينا ..
يا سعادة الناظر اولا لازم نتفق بأن للحرية حدودلا يمكن تجاوزها
الحرية الشخصية او الحرية العامه ..
وانن نعبر لتفسير الحرية الشخصية
ومقارنتها فى الدول المتقدمة والدول المتخلفة
وبين الحكم الديمقراطى والحكم الملكى او العسكرى
بين الشمولية والعولمه ..
ودا زى ما قال اخونا كمال ..
يعنى نافذة لحوار ذو اربع شعب ..
وسناتى له بهدوء ورواقه
لكن بما انك طرحت اسئلة مغلقة ( نعم/لا )
فدعنى اجاوب ونعود لاحقا لتفاصيل الحرية الشخصية
فى ظل قوانين الدول الديمقراطية والديكتاتورية ..
وايضا حدود حرية الصحافة .. ودورها كسلطة رابعة

لقد سالت قائلا :

Quote: وهل في رايك ان ما خطه قلم الصحافية امل هباني في مناصرة شقيقتها لبني احمد حسين خارج حدود المتاح من قانون الامن العام وما هو المتاح وغير المتاح في قانون الامن العام!؟

.. لا ..
يجب ان يكون متاحاً حرية التعبير
وهذا تدخل فى حرية الصحافة كسلطة رابعة من المفترض
ان تعبر عن الراى العام اوالدفاع عن الحريات الشخصية ..
فيما يتعلق بالمتاح والغير متاح اولا دا سؤال اجابته بديهية
انت تعلمهافى ظل هذا النظام كما اننى لست بملم بقوانين الامن العام
حتى افصلها لك؟؟
والكل يعلم ما هو متاح وما هو غير متاح يمكن ان يصنف فى تهديبد امن عام
او مساس بسيادة الدولة او امنها او تحريض او ما شابه .. الخ

سؤالك الثانى المباشر قلت :

Quote: العزيز تبلدينا بالتزامك واحترامك لحدود المتاح في قانون الامن العام ايعني هذا انك تؤيد التكميم اليومي الرسمى الذي يقع على الصحف والصحافيين من رقابة قبلية وغيرها!؟

لا أؤيد التكميم اليومى
ولكننى التزام بقوانين الدولة واتصالح معها واحترم
سيادتها حسب ما نصت به لوائحها ..
يعنى بالعربي لو جهاز الامن قفل الطريق قدام القيادة
ودا اقصر طريق عشان امشى بحرى .. ودا طبعا سلب جزء من حريتى
فى التحرك بالمعبر الاقصر .. فانا ملتزم بهذا ..
لو منعت من كتابة موضوع يمس امن الدولة _ حسب مفهوم هذه الدولة_
لابد ان احترم هذا القانون ..
يكون قانون ديكتاتورى يكون سلب حرية يكون رقابة
خلاص دا قانون دوله ..
فرض لاغراض معينة ان تجاوزته تكون تجاوزت قوانين البلد

_________

اعود للحديث عن الحريات وايضا حريتك فى وطنك الجديدة
لتخبرنى هل كل شئ متاح ..؟؟
ام ان للحرية حدود .. وتقف عند حد الاخرين ؟؟

لك مودتى ..

الاخ كمال ..
شكرا للتعليق
والناظر على ما يبدو جاى برواقه
ما زول شكل بعدين لمتين نحن نشاكل
معقولة كل هذه السنوات ما تأثر فينا

تحياتى؛

Quote: ولكننى التزام بقوانين الدولة واتصالح معها واحترم سيادتها حسب ما نصت به لوائحها .. يعنى بالعربي لو جهاز الامن قفل الطريق قدام القيادة ودا اقصر طريق عشان امشى بحرى .. ودا طبعا سلب جزء من حريتى فى التحرك بالمعبر الاقصر .. فانا ملتزم بهذا .. لو منعت من كتابة موضوع يمس امن الدولة _ حسب مفهوم هذه الدولة_ لابد ان احترم هذا القانون .. يكون قانون ديكتاتورى يكون سلب حرية يكون رقابة خلاص دا قانون دوله .. فرض لاغراض معينة ان تجاوزته تكون تجاوزت قوانين البلد

ايعقل ان يكون هذا راي انسان وطني حر شاب من هذا الجيل الجديد يزعم انه يرفض التكميم والم يسال نفسه لماذا يناضل الناس ويقتلون ويعتقلون ويشردون بسبب ماذا.... عيب يا اخي نبلدينا ارجو ان تراجع اقوالك هذه فهو امر معيب في حق من يدعي الوطنية وهو لا يستحي ان يحترم قوانين الدولة الظالمة المجرمة وبقولك هذا يعني انك تؤيد صراحة التكميم والاعتقال والقتل بل تؤيد صراحة هذا النظام المجرم الفاسد اليس كذلك؟!

وانت ما احسن منو يا هباني عشان تنصحوا

تعال هنا اكتب كلامك ده وطبقوا عمليا

بعدين يكون عندك حق النصح

خلاف كده

هو وحسن منك في تسلسل الوطنية

Quote: وانت ما احسن منو يا هباني عشان تنصحوا تعال هنا اكتب كلامك ده وطبقوا عمليا بعدين يكون عندك حق النصح خلاف كده هو وحسن منك في تسلسل الوطنية

العزيز وليد


وهل مقياس الوطنية لديك ان ياتي هشام الى الداخل ليثبت وطنيته وهو يعلم ان عدو الشعب الذي يقتل ويعذب ويكمم الناس لن يسمح له ان يكتب عشر ما يكتبه الان بحرية تامة هذا ان سمحوا له بمجرد الحياة ولكم في سجل الانقاذ العظات والدروس والعبر من قتل وتعذيب وابتزازات... والا ماذا يعنى لديك قتل الناس وتعذيبها ومطاردتها واغلاق الصحف واعتقال الصحافيين وجلدهم وتهديدهم وقضية لبني وامل هباني....فماا الفائدة من وجودى بالداخل وانت تعلم ان هذاالداخل الظالم سيسلبني حريتي مثلك وانت الان لا تستطيع ان تتظاهر لنصرة المناضلتين لبنى وامل هباني ولذلك الخارج هو مكان حريتي ومنه اوصل كلمتى تامة وهي تصل الى الجمهور وهو الهدف من الكتابة لاني في الاساس موجود بالداخل بقلمي وبالدليل هانتذا تحاورني من الداخل ويقراني غيرك العشرات بالداخل ويبقى عدم الوطنية هو ان تكون عديم الموقف الوطني سواء بالداخل او الخارج خائفا لا تستطيع ان تناصر المظلومين في بلادك التي انت وصديقك الوطني المحترم تبلدينا تحترمان قانون الدولة ولو ظالمة اليس كذلك يا وليد!؟

مودتي واحتراماتي

لالا ابدا يا عمنا

ما مقياسنا للوطنية كده .. ولا قصدنا نقلل من وطنيتك
لكن كمان يا عمنا ما تشكك في وطنيتنا ونحن في ترتيب الوطنية بحكم اننا قاعدين في الوطن .. لا شاركنا في سرقتو لا شتتنا خلينا بنعتبر اعلى مرتبة منكم انتو الاتنين ( الكيزان وانتو )
حكاية انك موجود بالداخل بقلمك دي ما منطقية ولا عادلة
انت تكتب بدون حساب
وتبلدينا ان كتب سيحاسب فببقا موقفكم ما واحد .. والمساواة بيناتكم بكون ظلم ..

يا عمنا ان لا يحق لي ان اشكك في وطننيتك .. كما لا يحق لك ذلك

اختلافي معاك .. انه ما تحاسب الناس بظروفك انت
انت بعيد تكتب ما تشاء بدون رقيب او مضايقة
تبلدينا لاذم كلامه يون موزون واعتراضة يكون موزون



هذا مع خالص ودي

العزيز وليد

تحياتي

انا لا اقلل ولا اشكك في وطنية اي منكما بل استهجن المواقف السالبة حيث تزعم انه لا تعجبكم الحكومة وانتم لا تدافعون عنها وانا اعلم بذلك واحترم ذلك ولا تحترمون المعارضة بمواقفها الخائبة واتفق معكما في ذلك اذن طالما ترفضون المعارضة والحكومة بزعم انكم تحملون رؤية افضل عليكم بطرحها علها تكون مخرج الوطن من هذه الوهدة ... ولكن للاسف لا ارى لكما موقفا مناهضا للكيزان بل كل جام غضبكم تصبونه فقط على المعارضة والتي اتفق معكم ان اغلبها صار للاسف ظلا للكيزان....واما اذا تريدون معارضة شريفة عليكم الان كجيل جديد ناقم على الجميع ان تؤيدوا بشدة المناضلتين الشريفتين (لبني وامل) لانهما من جيلكم وانهما لا تنتميان الى اي جهة معارضة بل تقفان موقفا وطنيا جسورا وهاهو ذا الاخ حمور زيادة حمور من جيلكم بشكل جسور يكتب مدافعا عن هاتين البطلتين ... فلماذا لا تتقدمون خطوة اقوى مما فعلته ( لبني وامل) نصرة لفتاتين من جيلكم ( الضائع) بين الحكومة والمعارضة كما تزعمون... حتى نصدق انكم بالفعل تكرهون الحكومة والمعارضة... ولكن للاسف صاحبك ( تبلدينا) رفع العلم الابيض مستسلما لقوانين الدولة الظالمة واعترف انه لا يستطيع ان يقاومها كما تفعل الشريفتان
( لبنى وامل) وهو امر معيب في حق (رجل) سوداني لا تستفزه نخوة النساء الشامخات يقاتلن السفاح وحدهن حينما يلبد ( الرجال) وبالتاكيد انتم ليسوا منهم لانكم مناضلون شرسون اليس كذلك لانه من جيلكم هنالك شباب شرفاء خبرتهم المعتقلات ولا زالوا يكتبون ويقاومون في هذا المنبر وغير منتمين الى اي حزب
ولكنهم يقاتلون بشراسة الطغيان وايضا يحتقرون مثلكم المعارضة الهزيلة.... فلماذا لا تلتحقون بهؤلاء
الشرفاء امثال انور كينغ وكثيرين؟!

عمنا هباني

ليس بالضرورة ان نكون نسخة من حمور او انور كنق عشان نعجب
نحن بندير امورنا حسب وجهة نظرنا
وعموما شخصيا كتبت عن احدى الاخين ( لبنى تحديدا ) لو كانت الكتابة عنهما شرف يدي كريدت في سلم النضال

يا عمنا عندما نكتب لا نروم استحسان احد ولا ننشد منزلة
هسع
خلينا من حمور وانور كنق
خلينا فيك انت
انت يا عمنا لا يحق لك انتقادنا
تعال جوه البلد واكتب زي حمور
بعد داك انتقد
واديك مثا من القدرك البعملوا كده
هاشم صديق
محجوب شريف
خلاف كده ما تنتقدنا

العزيز وليد


يا حبيب عشان تعرف وطنية اخوك هباني كدى امش لاهلك واصحابك في وزارة الداخلية خليهم ارسلوا لي جوازي السوداني المصادر من وزارة الداخلية في ليبيا عام 1996 مع اعتذار رسمي من الوزارة بكره دي بتلقاني في الخرطوم معاك في بيتك متغدى معاك يا مع صلاح غوش ولا رايك شنو.... مش كلام رجال.... يعني اجيك بالجواز الامريكي دي ما لايقة وما بتشبهني انا تب انا عاوز بس جوازي السوداني وحالف ما ادخل البلد الا بالجواز السوداني ...اها كلامي ده مو كلام رجال يا صاحب!

عمنا هباني

Quote: يا حبيب عشان تعرف وطنية اخوك هباني كدى امش لاهلك واصحابك في وزارة الداخلية خليهم ارسلوا لي جوازي السوداني المصادر من وزارة الداخلية في ليبيا عام 1996 مع اعتذار رسمي من الوزارة بكره دي بتلقاني في الخرطوم معاك في بيتك متغدى معاك يا مع صلاح غوش ولا رايك شنو.... مش كلام رجال.... يعني اجيك بالجواز الامريكي دي ما لايقة وما بتشبهني انا تب انا عاوز بس جوازي السوداني وحالف ما ادخل البلد الا بالجواز السوداني ...اها كلامي ده مو كلام رجال يا صاحب!

Quote: اها كلامي ده مو كلام رجال يا صاحب!

كلام رجال تب .. ومافي اي كلام
وحرم لو كان عندي سلطة في البلد دي كان جبت ليك جوازك السوداني في امريكا بي نفسي

..
.
ووين العيب يا حضرت الناظر ؟؟
تعال ورينى بالضبط انت داير شنو ؟؟
ولا مطلوب منى شنو ؟؟
اقوم اهتف .. واقول يسقط يسقط حكم الكيزان ؟؟
لا لا لجهاز الامن ؟؟ الموت الموت لصلاح قوش ؟؟

بعدين تعال هنا

Quote: والم يسال نفسه لماذا يناضل الناس ويقتلون ويعتقلون ويشردون بسبب ماذا

ما تقول لى نضال زى نضالكم بتاع المنابر والفنادق
والمنشورات دا ؟؟
النضال الببنعرفو تجو هنا ؟؟
مع هذا الشعب المطحون المغلوب على امره ؟؟
نظام التحريض وعيب وشاب وطنى دا ما بقسم معانا

يا هبانى كلام ناس ابوعيسي دا انساهو
لا انا ولا غيرى ما بنقاتل ولا بنظاهر لاجل اى فرد
انت تعال هنا بنفسك وخليك من معارضة الاسفير دا ؟؟
وتعال ورينى كيف حتحارب التكميم والاعتقال والقتل ؟؟

________

يا هبانى التنظير سمح
ما تنظرو فينا ساى وانت فى خير حال

وبرضو خليك فى خير حال ..

لمن اجيك تانى

..
.

Quote: وانت ما احسن منو يا هباني عشان تنصحوا تعال هنا اكتب كلامك ده وطبقوا عمليا بعدين يكون عندك حق النصح خلاف كده هو وحسن منك في تسلسل الوطنية

بالله يا الشفت اتخيل !!
شوف الناظر بقول فى شنو ؟؟
قاعد ضارب الهمبريب ومعاهو اولادو كمان
وياكل بيك ماك وماكدونالذز ودايرنى وبقيه المطحنونين
يحاربوا ليهو بالوكالة ..
واهتف وسجون وانتفاضة عشان يجوا يلقوها لقمه سائغة
معقولة دى ؟؟

________

هبانى تانى بقول ليك حرب الوكالات لاجل اى كان
حتى ولاجل الديمقراطية فى نظرنا انتهت ..

تعالو وارونا ماذا انتم فاعلون
وبطلوا قهوة الاستار بوكس وضربات الكيبورد بمزاااج ..

تبلدينا كلامك سمح بالحيل ..

كثير من الناس دايرين حكاية الحرية دى عشان يعيثوا فساد فى الوطن ..

المساس بالامن القومى خط أحمر والتلاعب بأمن الوطن خط أحمر ..

ليست هناك حرية بدون ضوابط ..

قد لانتفق مع الحكومة فى سياستها لكن لانسمح بتهديد أمن الوطن بإسم الحرية ..

اتفقت معاك ياهبانى فى انو الاستاذة لبنى كانت مظلومة وكلنا ساندنا موقفها لكنى فى الآخر اتفق مع تبلدينا فى إنو الداير يعارض يمشى يعارض ويوضح مواقفه من الداخل زى مابتعمل الاستاذة لبنى وكلام فاروق ابوعيسى دا كلام مابجيب نتيجة والا كان هو نفسه استقال من الحكومة بدل ماهو قاعد يلهط فى مال الدولة والمخصصات وداير الشعب الغلبان يطلع مظاهرات ويقلب ليهو النظام ..

Quote: ووين العيب يا حضرت الناظر ؟؟ تعال ورينى بالضبط انت داير شنو ؟؟ ولا مطلوب منى شنو ؟؟ اقوم اهتف .. واقول يسقط يسقط حكم الكيزان ؟؟ لا لا لجهاز الامن ؟؟ الموت الموت لصلاح قوش ؟؟ بعدين تعال هنا Quote: والم يسال نفسه لماذا يناضل الناس ويقتلون ويعتقلون ويشردون بسبب ماذا ما تقول لى نضال زى نضالكم بتاع المنابر والفنادق والمنشورات دا ؟؟ النضال الببنعرفو تجو هنا ؟؟ مع هذا الشعب المطحون المغلوب على امره ؟؟ نظام التحريض وعيب وشاب وطنى دا ما بقسم معانا يا هبانى كلام ناس ابوعيسي دا انساهو لا انا ولا غيرى ما بنقاتل ولا بنظاهر لاجل اى فرد انت تعال هنا بنفسك وخليك من معارضة الاسفير دا ؟؟ وتعال ورينى كيف حتحارب التكميم والاعتقال والقتل ؟؟ ________ يا هبانى التنظير سمح ما تنظرو فينا ساى وانت فى خير حال وبرضو خليك فى خير حال .. لمن اجيك تانى

العزيز تبلدينا

الانسان عندما يقاوم الظلم والطغيان بكلمة الحق الصادعة لايدافع عن اخرين فقط انما يثار لكرامته وعزته ووعيه وضميره لان الساكت عن الحق شيطان في ديننا الحنيف شبه بالشيطان الاخرس ولذلك مناهضاتك للظلم والفساد هيانتصار لشرفك وعزتك وتعبير عن وطنيتك وانت تناهض الظلم اينما كنت داخل او خارج الوطن... فلماذا لا تكون مثل( لبني وامل) وهما مناضلتان مثلك تقاتلان من الداخل انتصرتابموقفهما المشرف لكرامتهما وكرامة المراة السودانية بل كرامةالمستضعف السوداني بما فيهم انت وصحبك العاجزون عن مقارعة الظلم والظلمة بل عاجزون حتى عن مناصرة هاتين المناضلتين لانكم تحترمون قانون الطغيان ومن يحترم الظلم فهو ظالم بل نصير للظالمين وارجو ان لا تكون هكذا يا صديقي لانك تبدو لي شابا وطنيا معتزا بنفسه ووطنيته اكثر منا نحن (معشر الهاربين) فينبغي ان تكون ( ارجل) منا طالما نحن
( هاربون) وعليك ان تكون اشجع من ( لبنى وامل) فقط انتصار ا لكرامتك الشخصية لا دفاعا عني ولا عن اخرين!

مودتي واحتراماتي

............. الأخوة الكرام
تحياتي لا خلاف في أن حرية التعبير وكفالة الرأي والرأي الاخر من أهم مبادئي الديموقراطية ولا شك أن لا كرامة أو عزة لإنسان أذا ماسلبت حريته وحقه في التعبير
..نعم لابد من ضوابط لهذه الحرية حتي لاتتحول لفوضي أو يتم من خلالها التعدي علي الاخريين...
..وفي هذا الإتجاه هناك نيابات متخصصة وشرطة وقضاة وإجراءت تقاضي...
..جهاز الامن وبموجب نيفاشا مفترض أن تتركز مهامه علي جمع وتحليل المعلومات, ولايجب أو يتدخل في عمل الصحافة وحريات الناس أو أن يعتقل أو يعذب...جهاز الامن لازال يتجاوز صلاحياته ومهامه ويخرق الدستور ويتغول علي صلاحيات مؤسسات الدولة والحريات العامة.
ومن ناحية أخري يجب أن لايستغل القانون لتصفية الحسابات السياسية وتركيع الخصوم وأستهداف بعض الاقلام في وقت نجد فيه أن صحيفة الرائد تكتب بلا حسيب وتكذب وتلفق وصحيفة الانتباهة تسرح وتمرح ..لابد من وحدة المعيار
والحيدة في إنفاذ القانون....

.