سؤال للعباقرة ...؟ منقوووول

عندي لغز صعب جدا
يعني ما اي واحد يحله يحتاج ذكاء وقوه استيعاب
وهو عبارة عن مسألة حسابية فيها عده شفرات
وسوف اطرحة لكم واتمنى من كل قلبي انكم تحلوه

ستحتاج ورقة وقلم

انت عليك دين 450 ريال
وبنفس الوقت ومامعك ولا ريال

فطلبت من والدتك انها تسلفك 250 ريال
وذهبت لوالدك وتسلفت منه 250 ريال

فأصبح المجموع 500 ريال

فسددت دينك البالغ 450 ريال

وبقى معك 50 ريال
فرجعت لوالد 10 ريال من ال50 ريال لينقص الدين عليك

ورجعت لوالدتك 10 ريال من ال50 لينقص الدين الي عليك

ويصير يطلبك الوالد 240 والوالدة 240
يعني اصبحت الان مديون ب 480 ريال

وبقى معك 30 ريال

فإذا جمعنا دينك البالغ 480 مع ال30 ا! لباقية من ال500
اصبح العدد 510

السؤال هو : كيف اتت ال10 الزائدة ؟؟

اتمنى ان اكون وفقت بشرح اللغز

والي يحلة اهنية على عبقريتة


وفقكم الله

يا ود الجزولي مساءات الله بي خيرن

اول مرة يمر علي اللغز دا وشكله لذيذ
بس المشكلة انه ما بتتحسب كدا
افترض انك ما رجعت لي ابوك 10 ولي امك 10 حتظل معاك 50 ريال لو اضفتها لي دين ابوك 250 ودين امك 250 المجموع حيكون 550 يبقي الموضوع ما عنده علاقة مباشرة بالقروش العايزنها منك امك وابوك او بنفس المنطق توريني الـ 50 ريال الزايدة دي دي جات من وين ؟
يعني انت جمعت مال حاضر في يدك الي ديون عليك ودا ما ممكن تجمع قروش دايرنها منك الناس مع قروش حقتك في جيبك

اصل الدين 500
250+250 = 500
سددت 450
بقي معاك 50
ارجعت لوالديك 10+10 = 20+ (240+240)480 = 500

من خلال كلام اساسي اعتقددا الصاح .



..............................حجر.

Quote: فإذا جمعنا دينك البالغ 480 مع ال30 ا! لباقية من ال500 اصبح العدد 510

غلط
لأنو الـــ 480 بالسالب يعني ( - 480 )
( -480 ) + ( 30 ) = ( - 450 ) اللهوا الدين العليك .


برضو يا اساسي

Quote: حتظل معاك 50 ريال لو اضفتها لي دين ابوك 250 ودين امك 250 المجموع حيكون 550

(- 250 ) + ( - 250 ) + ( + 50 ) = ( - 450 ) .

حبينا / خالد الجزولي .
كيف حالك.
وشكرًا ليك على هذه السِّياحة الجميلة ، غايتو زمان كُنّا شُطّار في الرياضيَّات التّخَصُّصْ ،
علا هسَّة ، إتلخبتتْ علينا الكيمان ، والدنيا جَنَّنتنا زيْ ما قال الشَّاعر ،
وغايتو بقول ليك حلِّي الشّايفو صاح .

بسم الله أبدأ ( وسأتخيَّلُ نفسي أنا مَنْ عليهِ الدَّيْن وليسَ أحدًا غيري ، فاسمَحْ لي بذلك ) :

- الدين العليْ هوَ 450 ريال .
- شلتَ من أبويْ 250 ريال ، ومن أُمِّي 250 ريال ، سدَّدتا بيهِنْ ديني .
- والْباقي معايْ 50 ريال .
- من الـ 50 ريال الباقية معايْ دي قُمتَا أدّيت أبويْ 10 ريال ، وأدّيت أُمِّي 10 ريال .
- أها الباقي معايْ 30 ريال ، وهَدي ليها قاعدة في جيبي اليمين.
- ودين أُمِّي وأبويْ العلَيْ بِقى 480 ريال ( كلّ واحد فيهم داير مِنِّي 240 ريال ) ،
لِحَدَّتْ هِنا كويسين ؟.
- طَيِّب أقوم أقسم الـ 30 ريال العندي دي بين أبوي وأُمِّي ، عشان أخفِّف علي نفسي الدَّين حقَّهم دا ،
يعني أقوم أدِّي أبوي 15 ريال ، وأدِّي أُمِّي 15 ريال برضو .
يكونْ أبوي باقي ليهو عندي ( 240 -15 ) = 225 ريال .
وبرضو أُمِّي يكون باقي ليها عندي ( 240 – 15 ) = 225 ريال .
وأنا ما فضَّلْ لَيْ ولا ريال ( يعني جيبي بقى فاضي ) .
ويكون دين أُمِّي وأبويْ العَلَيْ هو : ( 225 + 225 ) = 450 ريال
وهذا هوَ أساس الدّين كما أرَى .

يعني في رايي وتقديري الـ 510 ريال القلتها إنتَ ما صحيحة ، والـ 500 ريال القالا أخونا حجر برضو ما صحيحة ، ودا طبعًا على حسب ما أنا شايف .

* ملحوظة : باللهِ أكَّان أنا طلعتَ الأوَّل صفِّقوا لَيْ ياخي .

تحيَّتي لكم جميعًا .


أخوك / محمّد زين .
_________________________

?
??
???
????
مزيداً من المحاولات....!

الجزولي

صباح الخير


محاولة

اولا الديون

الدين القديم 450 ريال
الدين الجديد 500 ريال

مجموع الدين 950 ريال

ثانيا المدفوعات
مدفوع للدين القديم 450 ريال
مدفوع للدين الجديد 20 ريال
اجمالي المدفوعات 470 ريال

المتبقي من الديون = اجمالي الديون - اجمالي المدفوع

المتبقي من الديون = 950 ريال - 470 ريال = 480 ريال

المتبقي من الدين هو 480 ريال

يقسم كالتالي

الوالد 240 ريال والوالدة 240 ريال

وليس هناك عشرة زائدة

والله أعلم

إجابات فلان والشفيع والسنوسي صحيحة والحساب ولد لا في عشرة زايدة ولا يحزنون

وفلان قال ليك أنت جمعت المطلوب وهو (-) مع باقي المبلغ وهو (+)

والقاعدة الرياضية تقول عمليات اﻟﻀرب واﻟﻘﺴﻤﺔ تسبقان اﻟﺠﻤﻊ واﻟطرح.

والعمليات الرياضية تخضع للمنطق أولا (logic).

وخطأ العشرة ريالات الفرحان بيها إنك جمعت وطرحت وبعدين جيت قسمت العشرين ريال لأبوك وأمك.

الزميل خالد الجزولي دا بشبه اللغز الاسطوري الكان عاجبني زمان.. (نقولو مسافة الناس تحل بتاعك)

لغز الجنيه مشى وين..؟؟



بسم الله

* ثلاثة عزابة عاوزين يتغدو ، سألو من الوجبة للنفر الواحد قالو ليهم بـ 10 جنيه.
* الثلاثة رسلو ولد عشان يجيب ليهم الغدا ، واي واحد اداهو 10 جنيه ، مجموع الفي جيب الولد كم؟ 30 جنيه. طيب.
* الولد مشى المطعم وطلب الثلاثة وجبات ، بتاع المطعم عمل ليهو تخفيض على الثلاثة وجبات 5 جنيه. الولد ادى بتاع المطعم كم؟ 25 جنيه.
* الولد جا راجع معاهو الثلاثة وجبات و5 جنيه في جيبو. قام الولد (حريف) شال 2 جنيه منها وختاها في جيبو..ورجع للثلاثة انفار الرسلوهو واداهم وجباتهم. وطلع من جيبو كم؟ 3 جنيه وزعها بيناتهم. يعني ادا أي زول جنيه. طيب.

معطيات..

الود شال 2 جنيه ، رجّع لأي واحد جنيه ، بما انو اي واحد من الثلاثة دفع 10 جنيه يبقى مجموع الدفعو بعد الجنيه المخصوم= 9 جنيه ، 3 * 9 = 27 جنيه ، 27 جنيه + ال 2 جنيه اللعبهم الولد = 29 جنيه.

السؤال: الجنيه مشى ويييييييييين؟!!!!

▲