اسئله غريبة لازم تعرف اجابتها علشان مهمة فى حياتك!!

ليه سندوتشات الكفته والبطاطس بتجري
...... عشان وجبات سريعه


ليه البرازيل معندهمش تين
............ .عشان ف امريكا اللاتينيه.. (لا.. تين.. نية..)


عكس نجيب محفوظ ؟؟ .
....... نودي محفوظ


واحد ماشي تحت الكوبري و رافع ايده ليه ؟
......... عشان الكوربري مسلح


ليه الزول بيربي شنبه؟
عشان الدبانه تمسح رجليها قبل ما تدخل.....


طماطمية عطست قالت
.... كا كا كاتشبب


حاجه بتجري وعندها راسين و 8 رجول
....... كلبين بيجروا جنب بعض


ليه القرد سريع
....... عشان القرد في عين امه غزال


اول مخلوق ظهر عالارض هو الحمار الوحشي ليه ؟؟
. ........ عشان ابيض واسود


واخر مخلوق ظهر القنفد ليه ؟؟
عشان لسه بشوكه......


حاجه ليها اربع رجلين وطايره في الهوا.
....... قطه مضروبه بالشلوت


ليه النمل مش بترضي تركب الفيل قدامها عالعجله
........ عشان بيلعب في الجرس


فرخه معلقه سلسله فيها صوره بيضه ليه ؟؟
............ صورتها و هي صغيره


فرخه معلقه سلسله وفيها صوره طبق بيض اومليت ليه ؟؟
........... صوره اخوها الشهيد


ليه المنبه بيرن
....... عشان مش معاه رصيد يتصل


ليه القطه بتدخل عن الحلاق_
...... عشان الباب مفتوح


طب ليه الأقرع بيدخل عند الحلاق _
........ عشان ياخد القطه


ليه الصيدلي بيبني عماره_
........ عشان يسكن الآلم


طب وليه العماره وقعت
......... عشان بنااادول إكسترا )



عكس بالونه ايه ؟؟ .
........ نشفونا


ليه الفيل بيلبش شرابات خضرا
........ عشان خضرا بتلبس شراباته


عاوزين نحط فيلين في برطمان من غير ما يلمسوا بعض نعمل ايه ؟؟ ......
نحط فيل ما بينهم و نحطهم في البرطمان


عاوزين نركب 4 افيال على عجله نعمل ايه ؟؟
........... نركب فيل و نديله البرطمان يمسكه في ايده



حاجه صغيره و لونها احمر و بتاكل الزلط
......... بنت الحاجه الكبيره اللي لونها احمر و بتاكل الزلط


طب حاجه لونها اسود و بتاكل الزلط.
........ ظل الحاجه الصغيره اللي لونها احمر وبتاكل الزلط



واحد واقف قدام المرايا و مغمض عنيه ليه ؟؟
............ ......... .... بيشوف شكله و هو نايم


مهندس كمبيوتر، حلل دمه، طلعت فصيلته

.......... HP

لية السمك بيخاف من الجنية....؟!
علشان الجنية فية 100 قرش.........



واحد تايه في الصحرا ومعاه مسطره حرف تي ..يعمل ايه ؟؟ .......... يمسك المسطره ويقيس مسافه ... يكاملها تبقى سرعه ...
يكاملها تاني تبقى عجله ... يركب العجله