Post: #1
Title: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: عمر الفاروق
Date: 07-25-2009, 02:47 PM
رحل عن دنيانا اليوم الفنان الزيمبابوي وصوت إفريقيا الحزين اوباسونغو بعد أن اثرى القارة السمراء بااعمال فنية تلامس القلب والعقل ..
رحل فنان الغلابة ..رحل مطرب الطبقة الكادحة ..وإن كانت كل افريقيا تعيش الكدح والفقر إلا أن لأوباسونغو طريقته الخاصة في مسح احزان الفقراء ..
ربما احببت اوباسونغو في البداية لطريقته في الاداء والتي تأثر فيها ب بوب مارلي وإن كانت بصمته واضحة وهو يقدمها في قالب افريقي الإيقاع والالات ..
اذكر جيداً كيف كان يضحك الأصدقاء وهم يرددون :
" إنت وهماتك دي ما عايز تخليها ؟ في زول بيسمع ليهو فنان زيمبابوي؟؟ "
وبعدها صاروا يبحثون عن تسجيلاته !!
هو فقد للقارة السمراء ..
وداعاً يا ايها المطرب فامثالك تبقى اعمالهم لاجيال واجيال..
تمنيت ان ارفق لكم احدى اعمال هذا اعقبري وفشلت كل المحاولات مع كودات بكري..
أرقد في سلام يا اوباسونغو فامثالك كان لابد لهم ان يرحلوا في صمت ..
|
Post: #2
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: فيصل نوبي
Date: 07-25-2009, 03:09 PM
Parent: #1
يا الله يا عمر ياخ ..
طلعت زول خطير ..
دعني أكمل بعض من حدادي و لي عودة أكيدة للتحدث عن العظيم اوباسونغو ..
_
|
Post: #3
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: عمران حسن صالح
Date: 07-25-2009, 03:13 PM
Parent: #1
| Quote: رحل فنان الغلابة ..رحل مطرب الطبقة الكادحة |
ما كان تكتبه بالأزرق ياخي ...... 
يطرشني كان سمعته بيهو
الفراش وين يا عمر ؟؟ ولا زي فراش مايكل جاكسون الكان هنا ده ورفضتو ....
.
.
.
.
.
.
قوم لف حنككـ عاضي
|
Post: #4
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: حيدر حسن ميرغني
Date: 07-25-2009, 03:56 PM
Parent: #3
موت صادم ياعمر..,
البركة في الشيالين بتاعنو
|
Post: #5
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: عمر الفاروق
Date: 07-25-2009, 03:59 PM
Parent: #3
نوبي يا حبوب:
والله يا قريبك فاجئتني !! تصدق وما تقليل من شأن الأخرين لكن انا قلت غير الموصلي وخدر ماف زول حا يجي يعزيني لأنو ما اظن ممكن يكون في زول سمع بيهو بافتراض انو كل الناس ميالة اما للغناء العربي او الغربي ..
تحياتي ..
|
Post: #6
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: داليا الكباشى
Date: 07-25-2009, 04:03 PM
Parent: #1
الاخ عمر الفاروق ...
التحيه اليك في هذا الزمن االصعب الذي لم يعد البض فيه يهتم بادنى مستويات الثقافه ...
لا استبعدعلى البعض عدم معرفه قيثاره افريقيا (اوباسونغو)... فنحن (صدقني) في زمن (ورا ورا ورا)..
عذرا احي عمر .. احزنني جدا ما سمعت ... الموت علينا حق ومافي زول كتير على الله ...
لو في طريقه تخت روابط للاغاني ..
اشكرك .. وارقد عافيه ..
|
Post: #7
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: عمر الفاروق
Date: 07-25-2009, 04:19 PM
Parent: #6
عمران :
| Quote: يطرشني كان سمعته بيهو |
عارف يا عمران حقيقي ما حا اتفاجأ بي كلامك ده مع إني طبعا اثق تماما في ذوقك الفني واستماعك واختيارك لي اغانيك بس فعلا نحن عندنا مشكلة سماع الجانب الافريقي مننا وحتى في الغناء الافريقي وجدنا نفسنا مع الغناء الاثيوبي الراقص (مع إنو المزيكا الاثيوبية فعلا جميلة ) لكن باقي افريقيا وكأنها لا تعنينا فلا نعرف فناني غانا او فناني بوركينا فاسو مثلاً !!!
| Quote: الفراش وين يا عمر ؟؟ |
حزين انا يا عمران حقيقي انا حزين ..
|
Post: #8
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: فيصل نوبي
Date: 07-25-2009, 04:33 PM
Parent: #7
اوباسونغو في آخر أيامه ..
_
دوماً يذكرني بالفنان الراحل محمد أحمد عوض نفس السلم الموسيقي و لكن علي عتبات الراب.
|
Post: #9
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: فيصل نوبي
Date: 07-25-2009, 04:38 PM
Parent: #8
في عز شبابه و ايام الابيض و أسود
إبتدر الفنان المبدع اوباسونغو سلمه الموسيقي المتفرد حين كانت أم كلثوم و عبد الحليم
و بوب مارلي و أهل الراب في بداية خطواتهم الفنية ..
يتميز أوباسونغو بأنه يمتلكـ مقدرة علي تطويع جميع الالات الموسيقية علي السلم الخماسي الأفريقي المتميز
إبتاداء من الدربكة الي الطبلة و مروراً بالقيثارة و البيانو و الكمنجة و ... هكذا دواليكـ حتي تصل الي الجيتار
أما الجيتار فقد تميز فيه و قد أضاف اليه الوتر السادس و نقص منه الوتر الخامس
بمعني أنه إستعمله رباعي و سداسي ليجاري السلم الخماسي ..
_
وداعاً يا ملكـ الفن الأفريقي و الجنوب أمريكي الراحل .. فقد أبليت كما لم يبلي مايكل و لا بوب.
|
Post: #10
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: khaleel
Date: 07-25-2009, 04:38 PM
Parent: #7
الفاروق عمر
فنانو افريقيا لا بواكي لهم
للرب ما اعطي وللرب ما اخذ
|
Post: #11
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: حيدر حسن ميرغني
Date: 07-25-2009, 04:50 PM
Parent: #10
ياعمران باري عمر ده حاتتثقف شديد
معقول ما تعرف اوباسونغو ده؟
_
زيمبابوي فنانها الاول نيجيري...
|
Post: #12
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: فيصل نوبي
Date: 07-25-2009, 04:54 PM
Parent: #11
حيدرنا
لقد كان الفنان اوباسونغو (زيمبابوي الاب و نيجيري الام)
_
لقيت معلوماتكـ خطيرة يا حيدر ياخ
|
Post: #13
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: وليد محمد المبارك
Date: 07-25-2009, 05:02 PM
Parent: #12
________
البركة فيكم
|
Post: #14
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: Yassir Tayfour
Date: 07-25-2009, 05:16 PM
Parent: #13
الفاتحة الفاتحة الفاتحة..
عظّم الله كسركم..
يا ولي..
عليك الله الماسك كشف أبوسانغو منو؟؟
خت لي معاك خمستاشر دولار بلاقيك بعدين في النادي بديك ليهم، لأنو خليت الوالِت في العربيَّة..
____
ونوبي لغتو النوبيَّة لا يعرف عنها غير شامبيون تشربه العامة وتتكرّع، والمرحوم أبوسانغو ده بغني بياتو لغة مفهومة لعموري ونوبي؟؟ والله ما كنت قايل الأولاد ديل يا ولي بيفهمو لغة اللاوُندي..
|
Post: #15
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: وليد محمد المبارك
Date: 07-25-2009, 05:29 PM
Parent: #14
الاخ ياسر طيفور
ارجو ان تراعي اسباب البوست ولا داعي للهزار
ارجو ذلك
_________
| Quote: والله ما كنت قايل الأولاد ديل يا ولي بيفهمو لغة اللاوُندي.. |
انا زاتي
|
Post: #16
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: عمر الفاروق
Date: 07-25-2009, 05:33 PM
Parent: #14
حيدرنا :
Quote: موت صادم ياعمر..,
البركة في الشيالين بتاعنو |
الأصح الشيالات (وما تجي تقول لي شيالات حال) هن ثلاث نساء بزيهن الإفريقي المعروف ..وصوتهن الافريقي ..مع تمايلهن ورقصهن (اسة في داعي لي هن هن هن بتاعت بييض الحمائم حسبهن دي ؟)..
لا اتوقع ان الافارقة عموما كما في السودان ابن الفنان لازم يبقا فنان والشيالين لازم واحد يلطش اغاني الفنان ..
لا اتوقع ان يظهر مثل شخص ويسمي اوباسونغو الصغير !!!
هم يحترمون فنهم هم يقدرون موتاهم ربما يوثقون له ولكن ليس كما نفعل نحن بالتجني على الارث الفني والابداع ..
شكرا لطلتك فقد خففت علي كثيرا وانت تكسوها بشئ من المرح
|
Post: #18
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: عمر الفاروق
Date: 07-25-2009, 05:50 PM
Parent: #16
الأخت داليا الكباشي:
Quote: التحيه اليك في هذا الزمن االصعب الذي لم يعد البض فيه يهتم بادنى مستويات الثقافه ...
لا استبعدعلى البعض عدم معرفه قيثاره افريقيا (اوباسونغو)... فنحن (صدقني) في زمن (ورا ورا ورا).. |
يا سلااام عليك اخت داليا ..
حقيقي طمنتيني بعد ما قريت مداخلة اخونا وحبيبنا عمران زي ما قلت ليهو ..والأجمل ان يأتي التطمين من انثى فقد تعودنا على جيل مشبع من هيفاء وهبي التي تستجدي رجب ليحوشها عن صحبه وما ادراك ما مروة التي لا هم لها سوى اشر كازوزة انا ما شربش شاي..
ضاع جيل بثاقفة الفضائيات العربية فتشبث بروبي وعجلتها الشهيرة التي اتوقع انها وصلت للطيب خوجلي في سوق امدرمان ..
جيل يعرف سعد الصغير وهو يغني العنب العنب العنب ولا يعرف شئ عن ارض افريقيا السمراء ولم يسمع باغنية نار الحرية التي تغنى بها اوباسونغو واهداها للمناضل نيلسون مانديلا ..
جيل تشبع بي رميات اماني جلكسات وهي تردد:
الما عندها جسم تمشي القسم ..
جيل ادمن علوية فرن وهي تقول:
الما عندها حبيب تجيييني قريييييييب..
جيل حتاهو قرض مع سلوى كركربة وهي تجبجب:
جبنة حلوة بي فيشارا لا فيها خاينة جمجاااااارة لا فيها قلنا لا قااالا ..
شكراً الأخت داليا فقد اعدتي الينا بصيص امل باهتمام نسائي بفناا الافريقي ..
ساحاول وضع بعض اللينكات وارجو من الاخ فيصل نوبي المساعدة ..
| Quote: عذرا احي عمر .. احزنني جدا ما سمعت ... الموت علينا حق ومافي زول كتير على الله ... |
هي ارادة الله لا نملك إلا الصبر ..والعزاء فيما خلفه هذا العملاق من اعمال ستخلد ابد الدهر..
|
Post: #17
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: Abdelmuhsin Said
Date: 07-25-2009, 05:38 PM
Parent: #13
Quote: إبتاداء من الدربكة الي الطبلة و مروراً بالقيثارة و البيانو و الكمنجة و ... هكذا دواليكـ حتي تصل الي الجيتار
أما الجيتار فقد تميز فيه و قد أضاف اليه الوتر السادس و نقص منه الوتر الخامس
بمعني أنه إستعمله رباعي و سداسي ليجاري السلم الخماسي ..
|
البركه فيكم
|
Post: #19
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: صديق الموج
Date: 07-25-2009, 05:53 PM
Parent: #17
وده بغنى حقيبة والا حديث؟؟
بعدين نحن القطعنا بكاء مايكل جاكسون عرس حبوبته ما بنجى
عمر انكرب شيلك شوال سكر وامشى على الناس ديل
|
Post: #20
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: فيصل نوبي
Date: 07-25-2009, 06:05 PM
Parent: #19
الاخ العزيز عمر
جبر الله كسركم و لا أراكم مكروه في عزيز لديكم
أظلمت الدنيا برحيل شمس الحرية و فنانها الأول و أول من تغني بأغنيات للحاج مالكـ ( مالكوم إكس )
لقد كان بحركة يد منه تنقبض أوتار الجيتار و يشد علي جلد الطبل لتنطلق من أعماقها ألحان ساحرة خلابة
يستوحي ألحانه من شروق الشمس و دوماً يجعل نهايات أغنياته كالغروب
تستمع للأغتية في بدايتها بإستشراق و تختتمها بغروب كأنه ميلاد يوم جديد
أما شيلاته فحدث و لا حرج .. نافسن البلابل في الصوت .. و ينطلق صوتهن من حناجرهن مع إيقاع التمتم
كأنها يد واحدة تلتقي باليد الأخري لتجعل الإيقاع يلامس الوجدان و يهبش مسارب الروح
ياااااااااااااااااااااااااااااااااااااااااااااااااااااه يا اوباسونغو كم فقدكـ سوف يحدث تغييرات في الموسيقي
| Quote: ساحاول وضع بعض اللينكات وارجو من الاخ فيصل نوبي المساعدة .. |
رابط يدرس اللغات التي تغني بها (اوباسونغو) ..من هنــــــــا
الي حين عودة مع الأغنيات.
|
Post: #21
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: محمد عبد الماجد الصايم
Date: 07-26-2009, 02:12 PM
Parent: #20
الله ياخ!
باللاي الزول دا اتلحس!
|
Post: #22
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: عمر الفاروق
Date: 07-26-2009, 02:32 PM
Parent: #21
خليل:
ما قلت إلا الحق فهم يموتون في صمت بلا ضوضاء وبلا ازعاج لا يملأون العالم ضجيجاً فلا هم من اصحاب الموضة ولا هم من اصحاب الازياء ولا هم من اصحاب الملايين ..
فقط يقدمون فنهم في كل هدوء وكما جاءوا رحلوا...
ياللأسف ان يرحل مثل اوباسونغو وربما غيره كثيرون دون ان يحزن عليه المستمع الافريقي..
شكراً خليل
|
Post: #23
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: عزاز شامي
Date: 07-26-2009, 03:05 PM
Parent: #1
عمر الفاروق في حالة كونه مستنير غنائيا،
اتوقع شجب و استنكار من عواطف حواجب للحداثة الطارئة ...
_______
عموماالبركة فيكم و ستظل اعماله خالده ما بقت البشرية
|
Post: #24
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: اساسي
Date: 07-26-2009, 03:13 PM
Parent: #23
الزول دا ما كان قريبات دي شغال رئيس نيجيريا , ومفاوضات ابوجا وما ابوجا , بالله اخر ايامه مات فنان ؟
|
Post: #25
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: حبيب نورة
Date: 07-28-2009, 01:05 AM
Parent: #24
| Quote: الزول دا ما كان قريبات دي شغال رئيس نيجيريا , ومفاوضات ابوجا وما ابوجا , بالله اخر ايامه مات فنان ؟ |
أنت يا عمك
الناس ديل قطعتهن في ميكي
وقلت ينتهي العزاء
بإنتهاء مراسم الدفن
هسة شايفك فرشت
داير تلقط ليك مصاريف من الكشف!!
يكشف حالك
قول آمين
|
Post: #26
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: الصادق اسماعيل
Date: 07-28-2009, 05:34 AM
Parent: #25
الأخ عمر الفاروق
رغم إهتمامي بالفن الأفريقي عموماً إلا أنى لم اسمع بهذا الفنان الأفريقي، أرجو مدنا ببعض اللنكات لأغانيه وسيرة ذاتية عنه.
وشكراً
|
Post: #27
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: الصادق اسماعيل
Date: 07-28-2009, 04:52 PM
Parent: #26
**
|
Post: #28
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: محمد عبد الماجد الصايم
Date: 07-29-2009, 09:26 AM
Parent: #27
Quote: الأخ عمر الفاروق
رغم إهتمامي بالفن الأفريقي عموماً إلا أنى لم اسمع بهذا الفنان الأفريقي، أرجو مدنا ببعض اللنكات لأغانيه وسيرة ذاتية عنه. |
|
Post: #29
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: omer osman
Date: 07-29-2009, 09:34 AM
Parent: #28
الاخ عمر تحياتي
لو يوم السبت فتحت لينا بوست بالعنوان ده :
| Quote: كم حزينٌ انا اليوم |
بكون في السلك ................
التوقيع : احد مشجعي زيسكو الزامبي
|
Post: #30
Title: Re: وداعاً قيثارة إفريقيا الحزين..الفنان اوباسونغو كم حزينٌ انا اليوم
Author: ود الباوقة
Date: 07-29-2009, 09:46 AM
Parent: #29
ود الفاروقة..
دا مش البغني يا قمرية سوي القوق ..
|
|