قصة المســطول مع حكومة الانقاذ.. بعد عودته لارض الوطن.

**
*
*
مسطول سافر من السودان مع بداية عهد الانقاذ فرجع بعد
سنين من الغربة ووجد ان هناك تغيير في الشوارع والعمران
والإضاءه والعربات الرقدت هبطرش ..فقال :
يمكن الحال اتحسن
فلما ذهب السوق ليشتري بعض مسلتزمات البيت اليومية جن جنونه لما وجده من غلاء الاسعار
وقرر الرجعة الفورية للغربة .فساله اصحابه :
كيف حال السودان ...؟
وكان بجر في سجارته فاجاب :
والله السودان زي البص لما الانجليز طلعوا سلموه لينا جديد لنج
بعدهم جاء الازهري وعبدالله خليل دعكوه شوية
وجاء عبود دشدشه شوية
وجات الاحزاب ما ساقتو كتير
نط فيه نميري اداه قلبة قلبتين وكسر قزازه وعطلو من الحركة
وجات الاحزاب وقفتو علي عجل الحديد
لحدي ماجات الانقاذ فسمكرت البص
وعملت ليه صيانة
وضربته بوهية
لحدي ما بقي جاهز للسواقة
ركب البشير

ودق بيه خلف لي يوم الليلة
*
*
**

**
*
*
اها...
المسطول لمن صحي الصباح قال للشباب:
- أنا قولت ليكم شنوا امس بالليل عن قصة باص الانقاذ..؟
- رد الشباب وقالو ليهو انت أمس قولت أنو الباص سايقوا البشير
وقولت انوالبشير ساقوا وراجـع بيهو خلف لي يوم الليله..
* و أكدت لينا أنو الباص ما مشي لي قدام لي يوم الليله... رغم السمكره
والبوهية والزواق و الزينه والحاجات الظريفة العملوها للباص..!
- أستغرب المسطول..!
وقال ليهم معقوله أنا قولت كيدا..؟!
أكيد في ملابسات في القصة.. الامر خطير يا شباب..
- وكمان أنتو ماعارفين يا عزابه أنو في تدخلات من واحد أسموا
أوكامبو و قالوا عمك أوكامبو دا مجهجه الجماعة بتاعين
الباص ديل جهجه شديده.
* ووعدهم المسطول بي وصف جديد وتحليل جديد لحال الباص
ولكن بعد المغربية.. بعد ما يزبط ويلف سيجارة اليوم
للموضوع المهم... والوصفه المسطول بالخطير جدا بعد زيارته
الاخيره للسودان ووقوفه علي الاوضاع علي حقيقتها....
*
*
**

دا المسطول ولا إنت لووووووول

..
.
.
دا ما أنا يا وجن..
أنتظري اليوم برضوا
موعودين بي قصة مع المسطول.
.
.
..