Post: #1
Title: ابيي مصرية
Author: elfadl abdellatif
Date: 07-22-2009, 08:53 AM
ابيي مصرية
اليوم يصدر قرار المحكمة لكن كدي قبل القرار عندي سؤال
الصراع على المنطقة دي صراع سياسي ام قبلي ام ديني .. ام كل المذكور
من ناحية يقول ليك المؤتمر الوطني والحركة الشعبية (مش هم برضو في مركب واحدة?)
ومن ناحية يقول ليك مسيرية ودينكا .. وهم برضو واحد .. على الاقل الى حين اعلان الانفصال ..
وما عرفنا هل هو صراع على المراعي وللا على النفط وللا على البقر ..
وللا القضية كلها هي نوع من انواع الصراعات التي اردنا ان نحرك بها الركود السياسي ونرفع من نسبة الادريانيل في الدم .. بس ما تسالوني عن الادريانيل دة شنو انا سمعتها كدة
|
Post: #2
Title: Re: ابيي مصرية
Author: حماد الطاهر عبدالله
Date: 07-22-2009, 09:04 AM
Parent: #1
يا أخي ....
أبيي ماهاش مصرية.
وبرضو حلايب مش مصرية.
وكمان كرب التوم مش مصرية و لا تابعة للولاية الشمالية
فهي جزء أصيل من ولاية شمال دارفور، زيها زي مليط.
وكمان حفرة النحاس ما هاش جنب الضعين وإنما قرب برام.
وما حدث في ابيي هو مشكل سياسي بحت، وحرب بالوكالة بين
حليفي نيفاشايؤديها المسيرية والدينكا بالنيابة..
ومن كثرة الجوار السنون عورت على اللسان.
|
Post: #3
Title: Re: ابيي مصرية
Author: حسين محي الدين
Date: 07-22-2009, 09:14 AM
Parent: #2
ياخ من قريت العنوان بضحك
قربت أموت ... الله يجازيك
|
Post: #4
Title: Re: ابيي مصرية
Author: emad altaib
Date: 07-22-2009, 09:21 AM
Parent: #3
ــــ
كلنا ياجماعة الخير قرأناه ,وتحسسنا بشيء !! لكن أعتقد خطأ مطبعي في العنوان فقد يكون يقصد
أبيي(مصيرية)
آي الصراع الدائر فيها مصيري ,
والله وصاحب البوست أعلم ..
|
Post: #5
Title: Re: ابيي مصرية
Author: elfadl abdellatif
Date: 07-22-2009, 09:43 AM
Parent: #4
Quote: يا أخي ....
أبيي ماهاش مصرية.
وبرضو حلايب مش مصرية.
|
الاخ حماد
المهم هو المواطنين الفي حلايب وللا ابيي ديل جنسهم شنو ? وهل بتفرق معاهم انو تابعين لي وين .. والله المفروض المواطنين هم يطرحو منطقتهم في عطاءات .. ويشوفو العرض الاحسن حيكون من منو .. والله لو هندوراس قدمت عرض افضل لرفاهية المواطن مع مراعاة انتماءاته فانا شايف مافي مشكلة انها تتبع اداريا لهندوراس .. وللا رايكم شنو?
Quote: ياخ من قريت العنوان بضحك
قربت أموت ... الله يجازيك |
الاخ حسين
شر البلية ما يضحك .. ونحن والله في بلاء وكرب .. ليه ما نضحك ونضرب الهم بالفرح
عماد
مصيرية مصيرية .. بس ما تقول مسيرية وتجيب لينا الهوا
|
Post: #6
Title: Re: ابيي مصرية
Author: emad altaib
Date: 07-22-2009, 10:02 AM
Parent: #5
ـــ
مصيرية مصيرية .. بس ما تقول مسيرية وتجيب لينا الهوا
لا ....
منو القال ليك هي ذاتها مصرية أو مصيرية أو مسيرية ,,
أبييي عندي هي سودانية , بالرغم من المحاكم القايمة
شفت الهوا الجاك كيف ؟!
|
Post: #7
Title: Re: ابيي مصرية
Author: elfadl abdellatif
Date: 07-22-2009, 10:31 AM
Parent: #6
أبييي عندي هي سودانية , بالرغم من المحاكم القايمة
نحن عارفينها سودانية .. لكن سودانية شايقية وللا دينكاوية وللا بجاوية .. هذا هو السؤال ..
وخليك من حلايب ونمولي .. السودان دة ذاتو حق منو? المؤتمر الوطني وللا الشعبي ولو بقى الشعبي الحركة وللا المؤتمر .. القصة جايطة شديد في بلد فيهو 90 حزب سياسي وتيمين بتاعت كورة
وتقول لي حلايب مصرية .. اذا كان مصر ذاتا تتبع اداريا لاسرائيل ..
|
Post: #8
Title: Re: ابيي مصرية
Author: emad altaib
Date: 07-22-2009, 10:43 AM
Parent: #7
ـــــ
نحن عارفينها سودانية .. لكن سودانية شايقية وللا دينكاوية وللا بجاوية .. هذا هو السؤال ..
السودان دة ذاتو حق منو? المؤتمر الوطني وللا الشعبي ولو بقى الشعبي الحركة وللا المؤتمر .. القصة جايطة شديد في بلد فيهو 90 حزب سياسي وتيمين بتاعت كورة
ياأخي الكريم ,,,
هذا تقسيم أستعماري قبلي عنصري مرفوض جملة وتفصلية
والجبهة الإسلاسلاموية وشظاياه من المؤتمر الوطني أو شعبي مستعمر للسودان
ــ
قرّط علي إنها سودانية , ووطن يسع التنوع الفريد, لنستفيد منه مرة واحده ,
|
Post: #9
Title: Re: ابيي مصرية
Author: elfadl abdellatif
Date: 07-23-2009, 07:30 AM
Parent: #8
قرّط علي إنها سودانية
عماد الطيب
قرطنا على كدة والجماعة امس ذاتم قرطو علي كدة .. والحكاية ماكانت محتاجة محاكم لانو معروف الارض لمن يفلحها ويعمرها .. سواء دينكا او شايقية او حتى ماساي .. طالما هم عايشين في سلام وكل زول عارف حدودو الجغرافية والتاريخية .. لكن الناس في المراكز السياسية دايرين يورو انهم شغالين .. ومعروف انو شغل السياسة هو الكلام
وما دام ازمة ابيي عدت بسلام .. العاقبة عند التعداد والانتخابات
معليش امس طلعت بدري وما قدرت اتابع وأرد
مع خالص ودي وتقديري
|
|