من المسئول عن التعادل في مباراة الامس

اي (كوفتجي ) لو سالتو

يقول ليك

كان من المفترض ان يسمح الهلال للمريخ ان يهزمه تلاتة صفر

علي ان يرد المريخ الدين في مباراة الرد ويسمح له ان يهزمه تلاتة صفر ايضا

بعد اجراء القرعة

طلب جمال الوالي التعاون من الفريقين

ولكن يبدو ان الاعلام ناس مزمل ابو القاسم وصلاح ادريس رفضو هذا العرض

قطعا هذا التعادل اضعف مناعة الفريقين


وقد يطيح بهما معا

اذا وضعنا في الاعتبار اننا لا نجيد ثقافة الانتصار خارج الديار

بطولة في متناول اليد

ولكن سنفقدها

ما دام نضع العراقيل بعضنا البعض

والله يا خليل
كلامك دة أكتر كلام معقول وواقعي أتقال
في كمية الكلام البنسمع فيه في البورد دة
وجميع جرايد الكورة
علي الأيمان
ديل لو الأهلي والزمالك
كانوا ظبطوها زي الترتيب
كل فريق يضمن ليه تلاتة نقاط
والخاين الله يخونو
والاتنين مع بعض لي دوري الاربعة
وهناك
اكلو اخوان
و اتحاسبوا تجار

لكن الفهم قسم

حبيبو

انها العقلية السودانية

حباها الله بكمية من سوء التبدير وسوء التخطيط

غايتو الله في

لا بد من تعويض نقاط الامس خارج

بعد ان شاهدنا زيسكو وبيلارس

اعتقد يمكن احراز نتيجة ايجابية معهم خارج الديار


بس ليس بالامنيات فقط

مثلما عصلج الهلال مع المريخ في المباراة الاولي

سيعصلج المريخ في مباراة الرد

والحسادة ياها الحسادة

ود عمى سلام من السودان ، اخى الكريم اعتقد ان كلام جمال الوالى فهم بطريقة معكوسة ، انا شخصيا افضل اللعب النظيف، و القوى هو الذى يصل الى هدفة .بعدين من يضمن هذا الاتفاق المخزى لوتم لا سامح الله

خليل سلامات يازول الكان امس ده تمرين وليس مباراة .

عبد المحسن


مشتاقين



افريقيا امس بتكون تضرست من القمة السودانية

هجو


ود عمي سلام من الدوحة الحارة

يا قريبي نحن نتكلم عن مصالح وليس مبادي

يا خليل :
ياخ والله الكلام ده عيب عليك ..
دي كورة والفيصل الميدان ..فريق عايز يتأهل بي الطبيخ ده ما جدير من قولة تيت بي إنو تجي تقول لعيهو بطولة في متناول اليد ..
وبعدين تعال نقول الفريقين تأهلو لي نصف النهائي والنهائي وقاموا يتلاقو مع بعض !!
حايودو وشهم من بعض وين ؟؟
حا يقولوا يلا خلاص بعد ده اي زول بي نارو داك كان هظار ساي؟؟
بعدين ياخ حتى في الطبيخ طلعت ما طباخ ماهر لأنو يا خليل لو للطبيخ فمفروض الهلال يفوز امبارح بي التلاتة دي لأنو ببساطة شديدة
الكورتين الجايات في ملعبو يعني بيعمل تسعة نقاط وبيكون قطع تلاتة ارباع المشوار لو ما كلو على ان يفتح للمريخ بافتراض انو المريخ حا يكون محتاج للتلاتة نقاط وقتها بي فوزه في مباريتين الارض..
لكن يا حبوب ده ما كلام ولا دي كورة ..
اما يا حبيب نورة عشان ارويك انك مريخابي زي صاحبك وليد بتنضمو ساااااي وما بتتابعو الكورة ففي الموسم الماضي الاهلي والزمالك كانو في نفس المجموعة والاهلي ضرب الزمالك زي الما حصل شي وتأهل عن المجموعة والزمالك اتخارج منها ..
احححححححححححححي منكم يا مريخاب ..

عمر الفاروق

ازيك

طبعا مباراة الاهلي والزمالك لم تطبخ لان الزمالك تعادل مع اسيك في القاهرة

لذا كان لا بد للاهلي من القضاء عليه

والموامرات واردة في كرة القدم لو تذكر في كاس العالم 82

تامرت ودول اوربا علي الجزائر وكذلك اذكر شيلي والارجنتين

اعتقد مباراة انتهت ستة صفر ان لم تخن الذاكرة

المهم علي الفريقين الفوز خارج الديار والصعود لدور الاربعة وبعد داك

الحشاش يملا شبكتو

اخونا خليل ...

اعتقد بان ابراهومة بريء هذه المرة

من هزيمة المريخ متعادلا ...

تحية طيبة للجميع ،

الاخ خليل ، مع احترامى ليك ، الكلام البتقولو ده مرفوض جملة و تفصيلا و عيب فى حق الرياضة

لو حصل !!! ما ممكن يكون ده تفكرينا ابدا ، ده ما الهدف من الرياضة ابدا، مفروض المنافسة تكون

شريفة و بعيدة عن ان حسابات و تعاملات تحت الطاولة ، اذا فى فريق يستحق يتأهل ، يبقى يتأهل

و الـ ما بيتستحق يبقى فى ستين ، اذا الكورة عندنا مستواها ماشى الى الحضيض، مافى داعى ابدا

ننزل نحنا كمان للمستوى ده !!! اقدر مشاعرك و لكن ليس هكذا تؤكل الكتف

أنا ما عارف انت بتتكلم عن شنو ..

لكن المسئول عن التعادل من جانب المريخ هو مجلس الإدارة الذي أقال أحد أفضل المدربين الأجانب في تاريخ المريخ وهو الألماني كروجر

واستبدله بالكرواتي رادان استجابة لرغبة بعض المواهيم من الصحفيين.. إسماعيل حسن والزفت التاني حسن محجوب

Quote: خليل : ياخ والله الكلام ده عيب عليك .. دي كورة والفيصل الميدان ..فريق عايز يتأهل بي الطبيخ ده ما جدير من قولة تيت بي إنو تجي تقول لعيهو بطولة في متناول اليد .. وبعدين تعال نقول الفريقين تأهلو لي نصف النهائي والنهائي وقاموا يتلاقو مع بعض !! حايودو وشهم من بعض وين ؟؟ حا يقولوا يلا خلاص بعد ده اي زول بي نارو داك كان هظار ساي؟؟ بعدين ياخ حتى في الطبيخ طلعت ما طباخ ماهر لأنو يا خليل لو للطبيخ فمفروض الهلال يفوز امبارح بي التلاتة دي لأنو ببساطة شديدة الكورتين الجايات في ملعبو يعني بيعمل تسعة نقاط وبيكون قطع تلاتة ارباع المشوار لو ما كلو على ان يفتح للمريخ بافتراض انو المريخ حا يكون محتاج للتلاتة نقاط وقتها بي فوزه في مباريتين الارض.. لكن يا حبوب ده ما كلام ولا دي كورة .. اما يا حبيب نورة عشان ارويك انك مريخابي زي صاحبك وليد بتنضمو ساااااي وما بتتابعو الكورة ففي الموسم الماضي الاهلي والزمالك كانو في نفس المجموعة والاهلي ضرب الزمالك زي الما حصل شي وتأهل عن المجموعة والزمالك اتخارج منها .. احححححححححححححي منكم يا مريخاب ..

والله لولا كلام عمر الفاروق ده وبده هجو ، لقلت عن نفسي انا انسان مثالي ، يا جماعه هذه كورة ، والفوز للافضل ، بعدين يا خليل انت تضرب مثل بما حدث من بين المانيا والنمسا ضد الجزائر ، الم تشجب ذلك ، الم تراه خطأ في ذك الزمن ، بعدين كيف تدلل علي موقفك بموقف خطأ وغير اخلاقي ،،،، يعني لو لاراش قال انو ساعد الاهلي القاهري ، لان هناك علاقات اذلية بين البلدين ، او لانهم الاثنين من افريقيا البيضاء يبقي عندو حق ....

الكورة لعبه اخلاقية ويجب ان نشجع اللعب النظيف ... بعدين خلينا من ده كلو ، عليك المباراة دي ممكن نقول عليها كرة
قدم ، ياخي والله هذه اسوأ مباراة احضرها في حياتي ، قمة في السؤ والتخطيط ولعب الباصات الخطأ ، مباراة ليس بها اي فنيات ، والله لولا امبيلي لقلت ان لاعبين الفريقين اول مرة يلعبوا كورة ،،،،

ضحكت لمن قلت ان الفريقين الآخرين مستواهم تعبان ، والله لو هم شافوا الكورة بتاعتنا ، لقالوا اننا ضمنا الفوز من الآن...

علي الهلال ان يسعي للفوز علي المريخ والآخرين كما علي المريخ فعل نفس الشئ ....

رقم صفر

كل الاندية الافريقية التي فازت ببطولات

فازت من تحت الطاولة

الهادي

اعتقد غياب فيصل العجب هو الذي ادخل السودان في حيص بيص

والفريقان مهددان بالخروج

محمد الامين

مصلحة السودان فوق الجميع

ود الباوقة

الغلطان ايداهور تعامل برعونة مع الكرة المضمونة

بعد هزيمة الهلال من الاهلي القاهري عام 2007

في مباراة الرد قال مانويل جوزيه ان سيهزم الهلال في مباراة الرد في امدرمان

ايضا وبعدها سيترك اسيك العاجي يهزم الاهلي في القاهرة ليخرج الهلال من دور الثمانية

ولكن ناس كرنقو ما ريحوهو


فعن اي قيم واخلاق نتحدث

هذه افريقيا وهذا تفكيرها وهذا تحكيمها

التعادل يا خليل بالعكس افضل نتيجه , لانه كل الفرق في المجموعه متعادله هذا اولا ,,
ثانيا انه وبعد مباراتين للهلال ومثلها للمريخ سستضح الصورة وعندها يثمكن ان يقوم الاتحاد
بامر ما لجعل احد الفريقين او كلاهما مواصلا للمشوار ,,فان كانت النقاط سترفع المريخ فليعطها الهلال له
وعندها سيكون استفاد من اربع نقاط وليس من ثلاث في حالة تبادل الهزائم ..

العوض شيخ العرب

اذا تعادل الفريقان في مباراة الرد يكون السودان قد فقد اربعة نقاط

واذا فاز احد الفريقين علي الاخر يكون المهزوم قد فقد خمسة نقاط

وعليه دعنا ننتظر كما قلت المباريات القادمة واذا تعثر احد الفريقين

ساعتها يجب تدخل الطبيب واستعمال المشرط

عارف يا خليل في مره واحد قال شنو؟
قال السودانيين ديل ما بتفقوا الا علي قدح كسره ,,
يعني في الكرم متفقين علي الاخر , اما في ما يقدمهم فانهم يتحزبزن ولايرضون باراء غيرهم وان صابت ,,
تحياتي يا غالي

الغريبة يا عوض

حتي اليوم ادارة الفريقين (تقاوح) حتي اليوم

جمال الوالي رفض تسليم لاعبي المريخ حافز المباراة لانهم لم ينتصرو علي الهلال

وصلاح ادريس يتهم الحكم بالتحامل


يا اخوي الناس ديل ما سمعو كلام حبوبتي

لما قالت الاتفاق عيشة

صعوبات جمة قد تواجه المريخ في نيجريا

كانا بيلارس هو المرشح الاول لتصدر المجموعة

الهلال قد ينتصر في امدرمان ولكن يصعب ذلك في الخارج

خلي ياحبيبي
والله انت الذ هلالابي في الدنيا

جمال الوالي لما قال (تعاون) الجماعة فهموما (جمعية تعاونية)
كتروا الاقلام والورق .. والحلة حرقت

المهم على الهلال والمريخ الإتيان بأضعف الايمان نقطة من برة البلد
وبعد داك ممكن يتقاسمو النبقة في (المقبرة)

ياخ الاستاد ده شغالين فيه سنة .. وما شفنا لينا أي طابق
يكونو شغالين في البدروم..

Quote: جمال الوالي لما قال (تعاون) الجماعة فهموما (جمعية تعاونية) كتروا الاقلام والورق .. والحلة حرقت

حسين

جمال الوالي اداري محنك وصقل مع الموتمر الوطني وتفكيره جيد


حينما قال مباراة للهلال واخري للمريخ

لكن كلامه ذهب ادراج الرياح

سلامات يا خلي
انا ضد اي تنسيق بين الفريقين للتلاعب بنتيجه مباريتهما معا لان هذه منافسه يجب ان تمارس بنزاهه وشرف لذلك كان راي الكتبتو اكثر من مره عند ظهور نتيجه القرعه بان وقوع الفريقين في مجموعه واحده مضر بالنسبه ليهم وقلت حينها انو اقوي الاحتمالات ان يتعادل الفريقين ذهابا وايابارغم ما يدعيه انصار كل فريق بان النقاط مضمونه لديهم
وقد صدق نصف ما توقعته بنهايه المباره الاولي واتوقع ايضا ان يصدق النصف الثاني
الفريقين كده فقدوا اربع نقاط من مجموع ال 18 نقطه الكليه وبكدا ادوا الفريقين الاخرين في المجموعه فرصه كبيره , الشئ تالوحيد الذي خدم الهلال والمريخ حاليا هو تعادل الفريقين الاخرين في مبارتهم الاولي

لا حول ولا قوة الا بالله

- يا اخوى يا خليل يا قرود ياسجم الرماد

- لاتكتمل فرحتنا
الا لما يترش البطيخ ...


بعدين الناس ديل ( بتاعين السفن اب )
يموتوا والهلال ما يفوز بكاس خارجى
والدليل الشكاوى الوهميه الموجوده فى ادراج الاتحاد
الافريقى فى صحة اشراك سادومبا و كابوندى

ومنو القال ليكم ان منافسات كرة القدم بين الانديه فيها
وطنيه .... ده كلام غريب ..... يا قرود.. وغالبية من يقولون
انهم يشجعون الفريق الآخر من باب الوطنيه هم منافقييييييين

واذا كانت كذلك فان محترفى نيجيريا حيفتحوا لفريق كانو النيجيرى من باب الوطنيه

وماكان رونالدو جاب قون ذى السم فى بورتو اهل مانشستر لدور الاربعه و و و و و


وصدقنى نحن بنحب كرة القدم عشان التنافس الشريف
واى حاجه خلاف كده حنشوف لينا موضوع تانى .. انشاء
نتابع افلام هانى سلامه السفاح يا فشنك

Quote: ومنو القال ليكم ان منافسات كرة القدم بين الانديه فيها وطنيه .... ده كلام غريب ..... يا قرود.. وغالبية من يقولون انهم يشجعون الفريق الآخر من باب الوطنيه هم منافقييييييين

كتاشة

انا شخصيا سافرح جدا اذا حمل المريخ كاس افريقيا

لان تيمه افضل من الهلال و قريب من الكاس

ابو الهل عليه ان يحاول مرة اخري

لسع محتاج خريف خريفين

عمر بوب اذا تعادل الفريقان ايضا في مباراة الرد مع هزيمتهما خارج الديار معا


وفوزان داخل الديار يكونا فقط جمعا معا ثمانية نقاط

وكانا بيلارس قد يجمع عشرة نقاط بعد تعادله خارج ارضه وقد يفوز بالثلاثة مباريات داخل ارضه


هذا يعني ان احد الفريقين استحم


هيييك وللا مو هيييك

يقول الكوتش

وصدقنى نحن بنحب كرة القدم عشان التنافس الشريف
واى حاجه خلاف كده حنشوف لينا موضوع تانى .. انشاء
نتابع افلام هانى سلامه السفاح يا فشنك


يقول خليل

يا كوتش التنافس الشريف لم يجلب لنا الكاسات والتنافس الغير شريف جربناه

ايضا مع حكاية الثعلب وكندورة والحكم البتسواني وحكام غيرهم كثيرين


فريق شبيبة القبائل تاسس 1950 وله ستة بطولات افريقية وانيمبا عمره 15 سنة

عنده بطولتان

وكما ذكرت سابقا هذه البطولة في متناول اليد ولكن حتما ستضيع