Post: #1
Title: بعد مبارة يوم 18 نقول بصراحة مبروك للهلال ، صبرتم و نلتم
Author: محمد الامين احمد
Date: 07-19-2009, 11:13 AM
Parent: #0
بعد مبارة يوم 18 يوليو 2009 لا نملك الا ان نقول مبروك لـ صغير العرضه مبروك و كذلك نزف التهنئة
الى الحيارى من المغشى على عيونهم و عقولهم فـ اصبحو (مشجعين) لـ صغير العرضه،
مبروك لـ صغير العرضه التعادل مع المريخ العظيم ، فـ هذى اقصى امنايهم (مساكين حتى الفوز ما بيحلمو بيهم)
المريخ العظيم لم يكن موفقا فى هذة المبارة ، و ان كنت اشفق على شخص ، فانى والله اشفق على
معلق المبارة الشوالى الذى احسست ان الملل سوف يقتله لولا ان كان المريخ العظيم طرفا فى المبارة
فـ صغير العرضه يا كافى البلا لا لعب و لا لياقة !!! و لكن صراحة حظو يفلق الحجر نصين
و نقول برضو مبروك لـ صغير العرضه حصول حارسهم المعز على لقب (رجل المبارة  ) و ذلك بشاهدة معلق المبارة
المتميز الشوالى ، لانو صراحة حارس عرين المريخ العظيم ذاااااتو ما شفناهو فى المبارة !!! بينما المعز
نط نطيط ، و جلبط جلبيط ،
نعم المريخ كان الافضل فى المبارة ، و لا ينكرها الا اعمى
نعم المريخ كان الارقى فى المبارة ، و لا ينكرها الا مكابر
نعم المريخ كان الاكثر ابداعا فى المبارة ، و لا ينكرها الا مطرطش
نعم المريخ كان و لازال هو سيد البلد ، و لا ينكرها الا جاهل
و لكن نقول مبروك لـ صغير العرضه تعادله مع المريخ العظيم ، نادى الحاضر و التاريخ
------------------------
و اهديكم الخلاصة فى المبارة ، و حتى يسمع من لم يسمع، و يرى من لم يرى
اهديكم آخر 5 دقائق من المبارة ، (من غير تعديل او اضافات او مكياج) حتى تحكموا بانفسكم
و شكرا لمن رفع المقطع
http://www.justin.tv/clip/c443183524523da7
|
Post: #2
Title: Re: بعد مبارة يوم 18 نقول بصراحة مبروك للهلال ، صبرتم و نلتم
Author: حسين محي الدين
Date: 07-19-2009, 11:45 AM
Parent: #1
Quote: نعم المريخ كان الافضل فى المبارة ، و لا ينكرها الا اعمى
نعم المريخ كان الارقى فى المبارة ، و لا ينكرها الا مكابر
نعم المريخ كان الاكثر ابداعا فى المبارة ، و لا ينكرها الا مطرطش
نعم المريخ كان و لازال هو سيد البلد ، و لا ينكرها الا جاهل |
صدقت والله
تحياتي يازعيم
|
Post: #3
Title: Re: بعد مبارة يوم 18 نقول بصراحة مبروك للهلال ، صبرتم و نلتم
Author: جمال السنوسي
Date: 07-19-2009, 03:05 PM
Parent: #2
Quote: و نقول برضو مبروك لـ صغير العرضه حصول حارسهم المعز على لقب (رجل المبارة ) [/QUOTE
والمعز ده يا ربي حارس امن
واللا حارس عمارة
يجيب ليهو كرسي ويقعد يتفرج على الناس
ما ياها دي وظيفته في الملعب
واللا كمان كنتوا ناوين تشتروهو زي كلاتشي
بالله قولوا لينا كيف كانت صدمة التاكسي
|
Post: #4
Title: Re: بعد مبارة يوم 18 نقول بصراحة مبروك للهلال ، صبرتم و نلتم
Author: محمد الامين احمد
Date: 07-19-2009, 03:40 PM
Parent: #3
اوووووووووووووووووو جمال ، اول شئ اسمح لى ابارك ليك على نتيجة المبارة و اقول ليك مبروك
نحنا برضو روحنا رياضية و كده يعنى ، لا لا صراحة حارس حارس ، و زى ما قال الشوالى ، حارسكم
كان رجل المبارة بمعنى الكلمة  الراجل ما وقف لحظة ، مفروض تدهو علاوة او ترقية ، لانو الزول ده
بـالجد جد تعب !!!! و مبروك تانى نتيجة المبارة عليكم يا جمال و هاك البوست ده
تعادل بطعم الفوز للهلال
|
Post: #5
Title: Re: بعد مبارة يوم 18 نقول بصراحة مبروك للهلال ، صبرتم و نلتم
Author: محمد الامين احمد
Date: 07-19-2009, 03:46 PM
Parent: #2
الصفوى حسين محي الدين ، حبابك بـ قدر عدد النجوم الفى السما ،
عليك الله تخيل كيف يكون حالنا لو المريخ العظيم ده ما كان فى السودان
تخيل معاى بس كان ح يحصل شنو فى الناس ديل لو ميدو كان لعب ؟!
لو طمبل دخل بدرى شوية ، لو السلطان العجب كان لاعب ، تخيل بس ؟!!
من حقهم يفرحو بـ تعادلهم الذى هو بطعم الفوز لهم !! يعنى كمان حرام لا بره لا جوه !!
|
Post: #6
Title: Re: بعد مبارة يوم 18 نقول بصراحة مبروك للهلال ، صبرتم و نلتم
Author: معتصم دفع الله
Date: 07-19-2009, 04:22 PM
Parent: #5
Quote: نعم المريخ كان و لازال هو سيد البلد ، و لا ينكرها الا جاهل
و لكن نقول مبروك لـ صغير العرضه تعادله مع المريخ العظيم ، نادى الحاضر و التاريخ |
وعظمتكم دي كانت وين لما قبل يومين جوا التكاسة وشالوا منكم الكأس وشتتوا ..
ياخي المباراة دي ملعوبة في ملعبكم البخلينا نفرح أكتر منكم شنو بالتعادل ..
بعدين الشوالي بشوف أحسن مننا ولا كان بعلّق ليهو على مباراة غير مباراة الأمس دي ..
يا محمد أخوي كان لعيبتكم بضيعوا الأهداف والمرمى خالي نحن نعمل ليهم شنو ..
وكان وارغو بتاعكم دا الجدعة ما بعرفه نحن نكسر ليكم رقبتنا ولا كيف ..
ولا الشغل الما عنده علاقة بكرة القدم أها نحن نفوت ليكم البلد ..
ياخي المباراة في مجمله كانت متوسطة وليست هنالك سيطرة كاملة لفريق ..
وأظن التعادل كان عادل للفريقين ..
بس عليك الله لاعبينكم المصارعين ديل قول ليهم دي كرة قدم ما حلبة ..
يا محمد خلي روحك رياضية ..
|
Post: #7
Title: Re: بعد مبارة يوم 18 نقول بصراحة مبروك للهلال ، صبرتم و نلتم
Author: محمد الامين احمد
Date: 07-19-2009, 04:46 PM
Parent: #6
يا معتصم ، يا معتصم ، روق كده اول شئ ، و مبروك ليكم التعادل الـ بطعم فوز على قولتكم ، كويس
اهه باركنا ليكم ، دى ما روح رياضية؟؟؟ لانو فعلا تستاهلو المباركة كونكم قدرتو تتعادلو مع المريخ العظيم
و بعدين عيب يا اخى زول متعلم زيك ، يتبع اسلوب الغاغة و يصف فريق دولة تانية بالتكاسه ؟ شغل التكاسى
ده ما عيب ، و ما فى داعى للنظرة الدونية للشعوب الاخرى ، كويس !!! و بعدين نحنا وصلنا معاهم نهائى ، و ده
الانتو ما وصلتو اساسا فى الدورة (الهزيلة) حقت سيكافا على قولتكم ! و مسكين الشوالى الـ بعد الاسبان و الطليان
بقى يعلق على السودان و كمان ما عاجبكم عشان قال الحق !!! التعادل ما كان عادل للفرقين ، التعادل بطعم الفوز
ليكم ، و هو خسارة لينا لما نتعادل مع صغير العرضة !!!! و مصارعة شنو البتتكلم عنها ، ناسكم يا عمك بيلعبو كونغ فو !!!!
اسه فى زمتك دى نطت كورة ، ولا نطه حقت street fighter
|
Post: #8
Title: Re: بعد مبارة يوم 18 نقول بصراحة مبروك للهلال ، صبرتم و نلتم
Author: معتصم دفع الله
Date: 07-19-2009, 05:06 PM
Parent: #7
يا محمد ..
لما نقول التكاسة ليس إنتقاصاً من قدرهم ولا ذمة لهم ..
بس لأنهم فعلاً كذلك والفريق يتبع لنقابة التاكسي برواندا ..
لكن انت شوف جبت كلمة صغير العرضة دي كم مره ..
هل هذه لا تنتقص من شعب الهلال ؟..
وهل فريق الهلال العظيم بهذا الحجم الصغير الذي صورته ؟..
والله يا محمد ما نكتبه هنا لا يخرج من كونه مناكفات ولا تخرج عن حدود الرياضة ..
لأننا مشجعين كورة وليست لنا ناقه ولا جمل في ما يحاك في الخفاء وزرع الفتن ..
أنا غايتو عن نفسي الفورة معاكم مليون على قول تمبس ..
والحمام دا حدنا معاهو ما يرك في الواطـة ..
أرقد عافية ..
|
Post: #9
Title: Re: بعد مبارة يوم 18 نقول بصراحة مبروك للهلال ، صبرتم و نلتم
Author: محمد الامين احمد
Date: 07-19-2009, 05:56 PM
Parent: #8
Quote:
لما نقول التكاسة ليس إنتقاصاً من قدرهم ولا ذمة لهم ..
|
طيب كويس ، عشان ناس رواندا ما يزعلو
و بعدين ما تزعل من صغير العرضه دى ، بكره تكبرو و تبقو فريق ااااااد كده (على قوله المصريين)
Quote:
والله يا محمد ما نكتبه هنا لا يخرج من كونه مناكفات ولا تخرج عن حدود الرياضة ..
|
و انا اتفق معاك ، هى مناكفات وبس ، لكن برضو المريخ احسن 
ما وريتنا رآيك فى الصورة
|
Post: #10
Title: Re: بعد مبارة يوم 18 نقول بصراحة مبروك للهلال ، صبرتم و نلتم
Author: معتصم دفع الله
Date: 07-19-2009, 06:35 PM
Parent: #9
| Quote: بعدين ما تزعل من صغير العرضه دى ، بكره تكبرو و تبقو فريق ااااااد كده (على قوله المصريين) |
من ناحية الهلال كبير دي والله سيد البلد عديل كده ..
وأفريقيا لا تعرف فريق غير الهلال ولا نكلم ليكم ناس يوغندا القالوا المريخ ضل الهلال
| Quote: ما وريتنا رآيك فى الصورة |
الصورة ليست حقيقية وظاهر عليها أنها تركيب ..
لكن كدي شوف الجزار دا وخصوصاً إنو اللاعب بقى لاعبكم ..
ونظره بالله على المصارع دا ..
|
Post: #11
Title: Re: بعد مبارة يوم 18 نقول بصراحة مبروك للهلال ، صبرتم و نلتم
Author: محمد الامين احمد
Date: 07-19-2009, 07:39 PM
Parent: #10
حلوة افريقيا بتعرف الهلال دى
على العموم انا بتكلم عن كباتن هنا ، لو قعدنا نجيب فى صور اللعيبة ما ح نخلص ، خلينا فى الكباتن
و لو الصورة طلعت تركيب ، بـ نسحبها و نعتذر كمان ، قصرنا معاكم
|
Post: #12
Title: Re: بعد مبارة يوم 18 نقول بصراحة مبروك للهلال ، صبرتم و نلتم
Author: عبدالله كع
Date: 07-20-2009, 11:03 AM
Parent: #11
| Quote: اهديكم آخر 5 دقائق من المبارة ، (من غير تعديل او اضافات او مكياج) حتى تحكموا بانفسكم |
فرحان بالخمسه دي بس !!
يا محمد روق المنقه شويه و ارحم نفسك .
وحاة النبي انتو النلتو .. وشيلو شيلتكم في المقبرة
كان ما اتنتفتو نتيف اولاد بمبه
نشوف بوستيك ده بعد فطيسكم في المقبرة
|
|
|