أرجو المساعدة ، مِمّـن لهمُ الدّرايـة بعـلـوم الحاسوب .

عند كتابتي لأيِّ موضوع على منبر سودانيز أون لاين تواجهني بعض المصاعب :

* - ماني عارف واللهِ كيف ألوِّن الخط ( أزرق ، أحمر ، ... إلخ ) .
* - ماني عارف كيف أسوِّي تكبير للخط .
* - ماني عارف كيف أوسِّط الكتابة وأخليها في نص الصّفحة .

وغايتو الحاجة الوحيدة العارفا ومتأكِّد منَّها هي معرفتي بتسميك الخط ، ودي طبعًا عشان شايف حرف الـ ( B ) موجود ، خِلاف كِدة ،أخوكُن قاعد في السّهَلَـة .


أفيدوني في هذا الأمر ، مأجورين .


أخوكم / محمَّد زين .
______________________

المســـــــــاعدة بسرعة

Green أشكرك يا إدريس ، وأشكرُ عبرَك الأساتذة : كمال حسن ، عاطف عابدون ، معاوية حسين Text

Red الظّاهر عليها لسَّة ما ظبططتْ معايْ كويِّس .لكين بتعوّد عليها في الأيّام الجاية .

أشكرُ سالي صاحبة الموضوع الأساس ، والَّذي لم أطّلعْ عليه إلا بعد أن دلَّني إليْهِ أخي إدريس .


_____________________
* بي كِدة بكون التَّلوين شكلو ظَبط . وبعد دا أيِّ واحد يسألني عن كيفيَّة التَّلوين ممكن أجاوبو نيابةً عنكم وأعمل فيها نظام الود عالم وكِدَة !! ، المشكلة شايف لونين بس ، هما الأحمر والأخضر ولا وجود للأزرق.

أها الآن وبحمدِ اللهِ ، ثُمَّ بفضْلِكم عرفتَ التَّلوين ، وأشكرُكم على ذلك كثيرًا ، أها الباقي لَيْ :
* توسيط الكتابة وتكبيرها .

أُستاذنا كمال حسن ، وأُستاذنا / معاوية حسين .
سلام اللهِ عليكما .
أها أسوِّي شنو في الحالتين الفوق ديل ؟ .

معليش أتعبتكُنْ معايْ .أسمحوا لي بذلك .

تقريبًا برضو فهمت التّوسيط ، من ذات الكود ، بس ما عرفت أسوِّي معاهو اللون في وكت واحد.

الأخ الأستاذ (والتلميذ النجيب في نفس الوكت) محمد زين، تحية طيبة..
عشان تعمل الإتنين في نفس الوكت (تاني).. فقط عليك عمل الكودين، ليس مهم تبدا بأيهما، لكن مهم الترتيب، يعني البتدا بيهو، برضو تنتهي بيهو، كما في المثال دا:
[توسيط] [لون] BLUE [/لون][/توسيط]
طبعا تعرف أنك تستخدم التعابير الإنجليزية بدلاً عن لون وتوسيط!
فيظهر لك النص كدا:

BLUE

وأنا هنا قصدت إستخدام اللون الأزرق في المثال لأني شايفك سألت منو، أقصد أنه بدل ريد أو غرين، يمكن إستخدام أي لون آخر،، وحتى في أكواد بكري الموجودة في
You may use Markup Codes التي تشاهدها على يسارك عند الكتابة،
سـتجد من ضمنها خيارات كتيرة تحت: Coloured Text
وهي تساعدك على إختيار إسم اللون الذي تريد.. أرجـو لك التوفيق..