Post: #1
Title: ومضة خاطر ..عبير صالح.. لو تعرفي الشوق يا نور النوار ..
Author: HAIDER ALZAIN
Date: 07-18-2009, 08:31 PM
لا ادري هل هو اللحن والأغاني التي تعجبني ..
أم هي روح أدائك المحببة التي تجذب القلوب مهما قسّت على الاستمتاع باللحن ..
عبير صالح ..
مبدعة حد اني الوقوف إجلالاً لك وإنتي تنثري هذا العبير علينا ...
ــــــــــ
وهو كذلك والله يا عنكبة ،،،،
|
Post: #2
Title: Re: ومضة خاطر ..عبير صالح.. لو تعرفي الشوق يا نور النوار ..
Author: HAIDER ALZAIN
Date: 07-18-2009, 08:33 PM
Parent: #1
بين الليلة وبين يوم باكر
شتلة إلفة ومضت خاطر
شوق الناس البذروا بذورم
منتظرين المطرة تخاطر
هبّت نسمة مساها حِنيّن
ربطتت بينا وبينا أواصر
تبقى الكلمة ونحنا نغادر
تفضل شايلة الثمر الطيّب
ويبقى حضورك لي يغيّب
والأيام ترحل لي باكر
الإحساس البينا حقيقي
نوروا يضوّي طريقي
ترسى مراكبي وإنت تروقي
غصن الفرحة يخضّر باكر
والأحساس بي باكر يكبر
في أعماقنا ويصبح زاهر
عبير صالح .. بين الليلة وبين يوم باكر
|
Post: #3
Title: Re: ومضة خاطر ..عبير صالح.. لو تعرفي الشوق يا نور النوار ..
Author: HAIDER ALZAIN
Date: 07-18-2009, 08:37 PM
Parent: #2
دي بالغتي فيها فيها بالجد يا المريودة :
لو تعرف الشوق
انت يا المريود
كنت مابتروح و تنساني
شلت ليك الشوق الشوق
لو بي اييدك شالت الاحلام
ما بنسيبه حراااام
نهجر الريده يا حبيبي
تعال ليه بتنساني
دي اصلها الريده
من القلوب بترووق
تفعل الجميل
قالو اهل الريد
اصلها الريده في القلوب بدوووب
لو تعرف الشوق .. عبير صالح
بالجد بالغتي ..
|
Post: #4
Title: Re: ومضة خاطر ..عبير صالح.. لو تعرفي الشوق يا نور النوار ..
Author: HAIDER ALZAIN
Date: 07-18-2009, 08:46 PM
Parent: #3
دي اغنية ما عاوزة تعليق ..
اسمعوها وبس ...
نور النوار
ابداع وكفي ...
|
Post: #5
Title: Re: ومضة خاطر ..عبير صالح.. لو تعرفي الشوق يا نور النوار ..
Author: HAIDER ALZAIN
Date: 07-18-2009, 08:50 PM
Parent: #4
اين ياوصـلي..
قلبــي بنارالغرام مصـلي
ياعـهود امالي أنفصــــــلي..
مابقيـف من النـويح أصلي
عقلي يوت كل ساعة ينقص لي..
فيك ضاع ياطـيبة الأصلي
أيه ده ليل والبدر واضـح لي..
ام ده دعسـك محيو فاضــح لي
يالعيون عاد روقـي وحـلي..
خفي رمشك ده المجـرح لي
زاد من نار الصدود وجلي..
يامعاني الشـعر والزجــــــــلي
باهي جيدك والخــديد مجلي..
ترى ده الهـلاك في الأعين النجـلي
ليك نسايم الشوق دوام رسلي..
في هواك كم ضايع مثــلي
ماسليتك وأنت كيــف تسلي..
وأنا صرت ميت وميت والدموع غسلي
مالي ياليل الهم تجمع لي ..
ديمـه يا نيراني تشــتعـلي
يابدر بالله أســطعـلي..
وياسـهيل أرجـوك تسمعلي
ترمي محييك في الكـــفل تعلي..
تفني قامتك بالصـدير تعـلي
ياحمام بالله أسـجع لي..
ماله ضـــايع في الخيال فعلي
ضاع صبري اياي يا وصلي
..وضاع صبرنا معك
|
Post: #6
Title: Re: ومضة خاطر ..عبير صالح.. لو تعرفي الشوق يا نور النوار ..
Author: Elsanosi Badr
Date: 07-18-2009, 09:05 PM
Parent: #3
يا الــــــــــــــــــــــــــــهي يا حيدر ...
والله الواحد كلما يسمع كلم والحان زي دي شعرة جلدو (تكلب)
__________________________________
* حيدر مالك عليناوالله قاعدين علي الهبشه ... ولازمين الدموع بالصنقاع
|
Post: #7
Title: Re: ومضة خاطر ..عبير صالح.. لو تعرفي الشوق يا نور النوار ..
Author: HAIDER ALZAIN
Date: 07-18-2009, 09:13 PM
Parent: #6
الحبيب السنونسي بدر ..
التحايا يا صديق ..
والله الواحد في العمر دا يخجل يتكلم فيما يُقال ...
لكن هذه العبير الصالح فجرّت حاجات كدة لا تدرك كُنهها ..
مبدعة هذه البنت حد التماس ..
تلامس بأدائها شقاف الوجدان ..
اسرتني حقيقة وانا من ظننتُ ان لا آسر لي بعد الآن ...
التحية لك ولها ولكل مبدعي بلدي
|
Post: #8
Title: Re: ومضة خاطر ..عبير صالح.. لو تعرفي الشوق يا نور النوار ..
Author: Hadeer Alzain
Date: 07-18-2009, 10:21 PM
Parent: #7
Quote: لو تعرف الشوق انت يا المريود
|
حيدر الزين يا أخوي إزيك وإنشاالله طيب
غايتو البنية الحلوة جدآ عبير دي فصمتني عديييييل كدا (وما زالت)
أول مرة سمعتها بتغني لشرحبيل أحمد لو تعرف الشوق انت يا المريود ... البت دي مباااااااااالغة !!!!!
إنشاءالله تكون مواصلة غناء وتكون وجدت أيدي أمينة تاخد بيدها وتطورها لتصبح حاجة تستحقها.
يا حقو نتبناها بإسم سودانيزأونلاين ونجعل منها نجمة توازي السماء لعل وعسى بعد داك الريس بكري يعمل لينا شركة سودانيزأونلاين الفنية  ..
غايتو يا حيدر لأول مرة تجدني أتفق معاك في شي
...
|
|