Post: #1
Title: إن كنت متألم .. أشتم براحتك .. دراسة تؤكد قدرة الشتائم على تسكين الآلام
Author: Hadeer Alzain
Date: 07-18-2009, 08:26 PM
لندن، بريطانيا
جزمت دراسة بريطانية أن استخدام الشتائم، وحتى المقذعة منها، له تأثير إيجابي على جسم الإنسان،
بل إنه قد يسكن الآلام ويساعد على إراحة الأعصاب.
يتبع
...
|
Post: #2
Title: Re: إن كنت متألم .. أشتم براحتك .. دراسة تؤكد قدرة الشتائم على تسكين الآلام
Author: Hadeer Alzain
Date: 07-18-2009, 08:33 PM
Parent: #1
وجاءت النتائج بعد الإختبار التالي:
طلب الأطباء من 64 شخصاً وضع أيديهم في دلو مياه مثلجة بعد أن قسموهم إلى مجموعتين:
*** واحدة سمحوا لها باستخدام شتائم جارحة،
*** في حين حظروا ذلك على الثانية.
وثبت لهم أن الذين تمكنوا من إطلاق السباب والشتائم بحريّة كانوا أقدر على تحمل الألم وظلت أيديهم في المياه لفترة أطول.
وقال ريتشارد ستيفنز، وهو أخصائي بالطب النفسي وأحد المشرفين على الدراسة:
"الشتم يزيد من قدرة المرء على التحمل، وذلك بخلاف ما أشارت إليه أبحاث أخرى حول انعكاسات سلبية للسباب،
لأن الشتائم رد فعل طبيعي، ولو أن نتيجتها كانت زيادة الشعور بالألم لما قام الناس بها."
يتبع
...
|
Post: #3
Title: Re: إن كنت متألم .. أشتم براحتك .. دراسة تؤكد قدرة الشتائم على تسكين الآلام
Author: Rashid Elhag
Date: 07-18-2009, 08:35 PM
Parent: #2
الأخت العزيزة هدير...تحية وسلام....معذرة
يا حول الله....يعني بيعلموا الناس الشتيمة....والله ياهو الفضل...
راشد
|
Post: #4
Title: Re: إن كنت متألم .. أشتم براحتك .. دراسة تؤكد قدرة الشتائم على تسكين الآلام
Author: Hadeer Alzain
Date: 07-18-2009, 08:39 PM
Parent: #3
وبحسب ستيفنز، فإن الشتائم قد تكون صيغة من صيغ الإنذار التي يعتمدها الجسم للاستعداد إذا ما اعترضته تحديات مؤلمة، وقد استدلت الدراسة على ذلك من خلال قياس دقات قلب المشاركين في الاختبار، حيث سُجل تزايد خفقان قلوب الذين استخدموا الشتائم مقارنة بأولئك الذي منعوا من تلفظها.
ولفت ستيفنز إلى أن فكرة الأبحاث التي قام بها جاءت بعد ملاحظته أنه شخصياً استخدم الشتائم للتخفيف من ألمه إثر حادث تعرض له، كما أن زوجته شتمت الطاقم الطبي الذي تولى مساعدتها لإنجاب طفلها، وهو أمر اكتشف الأخصائي البريطاني لاحقاً أن أطقم الولادة معتادة عليه.
يتبع
...
|
Post: #5
Title: Re: إن كنت متألم .. أشتم براحتك .. دراسة تؤكد قدرة الشتائم على تسكين الآلام
Author: Hadeer Alzain
Date: 07-18-2009, 08:45 PM
Parent: #4
من جهته، علق ستيف باركنر، وهو متخصص في علوم اللغة والألسنيات على الدراسة بالقول:
إن الشتائم قد تكون تحريف طبيعي لصرخات الألم طورها البشر عبر التاريخ، وفقاً لمجلة "تايم."
وأضاف شارحاً: "إذا ما داس الشخص على ذيل قط أو كلب، فإن الأخير سيبادر إلى إطلاق صراخ مرتفع، وكذلك كان البشر يفعلون في السابق، وبعد ذلك طوروا كلمات للتعبير عن الألم فصاروا يستخدمونها على غرار ما تستخدم الحيوانات النباح أو المواء مثلاً."
وتجدر الإشارة إلى أن الدراسة لحظت بأن قدرة الشتائم على خفض الألم تتزايد عند النساء، مرجحة أن يكون سبب ذلك لجوء الرجال إلى استخدام السباب طوال الوقت، الأمر الذي يخفف من تأثيراته الإيجابية.
المصدر:
http://arabic.cnn.com/2009/scitech/7/18/curse.pain/index.html
...
|
Post: #6
Title: Re: إن كنت متألم .. أشتم براحتك .. دراسة تؤكد قدرة الشتائم على تسكين الآلام
Author: Hassan Makkawi
Date: 07-18-2009, 08:45 PM
Parent: #3
بصراحة قرأت الموضوع قبل أيام
ولكن لم أربطة بسلوك بعض أعضاء المنبر من الحاليين....
ومن فقدوا العضوية !!!
تخصص شتيمة.....
________________________
اتاريهم عرفوا اللعبة من زوماااااااان
|
Post: #7
Title: Re: إن كنت متألم .. أشتم براحتك .. دراسة تؤكد قدرة الشتائم على تسكين الآلام
Author: Hadeer Alzain
Date: 07-18-2009, 09:03 PM
Parent: #6
Quote: يا حول الله....يعني بيعلموا الناس الشتيمة....والله ياهو الفضل...
|
الأخ العزيز راشد
لا أبدآ ما المقصود تشتم الناس .. أي ما شرط يكون زول. أشتم الظروف أشتم روحك أشتم الصداع الشديد العندك.
كان ما بتعرف تشتم  .. صرخ .. كان ما بتعرف الإتنين عضي أصبعك أو أشتمه .. لوووول. بس فرغ الألم.
تحياتي لك
|
Post: #8
Title: Re: إن كنت متألم .. أشتم براحتك .. دراسة تؤكد قدرة الشتائم على تسكين الآلام
Author: Hadeer Alzain
Date: 07-18-2009, 09:34 PM
Parent: #7
Quote: بصراحة قرأت الموضوع قبل أيام
ولكن لم أربطة بسلوك بعض أعضاء المنبر من الحاليين....
ومن فقدوا العضوية !!!
تخصص شتيمة.....
_______________________
اتاريهم عرفوا اللعبة من زوماااااااان |
حسن مكاوي إزيك يا خوي
فهمت من الدراسة إنو مقصود بيها آلآم الجسد العضوية يعني تكون في ألم شديد من وجع ضرس لعين
إمراة متألمة في حالة وضع .. إلخ .. ما أعتقد مقصود بيها شتيمة بعضنا
لكن إتخيل معاي لو زول قد ليك عينك؟؟ عندك هنا حق تشتمو لأنو تهجم عليك وكمان ما تنسى تشتم الظروف
ونفسك و وووو إلخ ... عشان تنفس عن نفسك وتخفف الألم
غايتو دا فهمي الضيق للدراسة. إحتمال أكون غلطانة!!
شرفنا مرورك كتير والله
...
|
Post: #9
Title: Re: إن كنت متألم .. أشتم براحتك .. دراسة تؤكد قدرة الشتائم على تسكين الآلام
Author: HAIDER ALZAIN
Date: 07-18-2009, 09:46 PM
Parent: #8
لقيت ليك مداخلتي جنس اخطأ املائية .. لدرجة اصلح شنو واخلي شنو ما عرفت ..
ينعل ا.....
غايتو احسن حل امسحها وانزلها من جديد تحت ..
التقول الواحد فائق كل مرة يكتب .. ويكتب ..
دا شنو دا ابو دي حالة زاااتو
ق
ـــــــ
واله بعد الشتمتين ديل شعرت ليك بجنس راحة من الصداع دا ههههه
|
Post: #10
Title: Re: إن كنت متألم .. أشتم براحتك .. دراسة تؤكد قدرة الشتائم على تسكين الآلام
Author: صلاح ليون
Date: 07-18-2009, 10:31 PM
Parent: #9
يصبح وعلى حسب الدراسة
يوجد الكثيرين من أعضاء البورد أصحاء شديد
| Quote: جزمت دراسة بريطانية أن استخدام الشتائم، وحتى المقذعة منها، له تأثير إيجابي على جسم الإنسان، بل إنه قد يسكن الآلام ويساعد على إراحة الأعصاب |
واكثر ما عجبني في الدراسة أنها:
جزمت ..
وحتى المقذعة ..
غايتو..
|
Post: #11
Title: Re: إن كنت متألم .. أشتم براحتك .. دراسة تؤكد قدرة الشتائم على تسكين الآلام
Author: Hadeer Alzain
Date: 07-19-2009, 05:43 PM
Parent: #10
Quote: لقيت ليك مداخلتي جنس اخطأ املائية .. لدرجة اصلح شنو واخلي شنو ما عرفت ..
ـــــــ
واله بعد الشتمتين ديل شعرت ليك بجنس راحة من الصداع دا ههههه |
الأخ حيدر
أنا زاتي ما فهمت شي وقلت كلام الطير في الباقير دا شنو يخوانا؟!!
بعد السباب لنفسك حسيت إنك كويس مش؟ ... لوووول
ماهي دي نظرية الدراسة ظاااااااتا ...
الحمدلله الفهمتها بعد تطبيق ذلك على نفسك عمليآ ... لووول
دمت بخير
|
Post: #12
Title: Re: إن كنت متألم .. أشتم براحتك .. دراسة تؤكد قدرة الشتائم على تسكين الآلام
Author: HAIDER ALZAIN
Date: 07-19-2009, 05:58 PM
Parent: #11
| Quote: أنا زاتي ما فهمت شي وقلت كلام الطير في الباقير دا شنو يخوانا؟!! |
في داعي للفضائح يا هدير الزين هسسسسع ..
حالتو مسحنا كلام الطير في الباقير ..
والله الواحد يقوم سيب ليك ويرتاح زيادة تااااني ..
تحياتي لك وواصلي نشوف آخر الموضوع يمكن في فائدة جد ونخليهو ديدنا هنا ( ما قاصد حاجة بديدن دي يا صلاح ليون ) .. لوووول
|
Post: #13
Title: Re: إن كنت متألم .. أشتم براحتك .. دراسة تؤكد قدرة الشتائم على تسكين الآلام
Author: Hadeer Alzain
Date: 07-19-2009, 06:01 PM
Parent: #11
Quote:
واكثر ما عجبني في الدراسة أنها:
جزمت ..
وحتى المقذعة ..
غايتو.. |
الأخ صلاح ليون
تحياتي وغياب طويل عن المنبر إنشاالله المانع خير
نظرية الدراسة تقول:
نبذ أو أشتم وسب نفسك حين تحس بألم .. وليس الآخرين
دمت بخير
|
Post: #14
Title: Re: إن كنت متألم .. أشتم براحتك .. دراسة تؤكد قدرة الشتائم على تسكين الآلام
Author: عزام حسن فرح
Date: 07-19-2009, 07:51 PM
Parent: #13
تفو < علي > وعلى < وشي > وشًا مُطاول من غير سبب أبو ميتين < رقبتي >
أدليك شلوك ... أعفِص رقبتي بِكِرعيني دي ... كف ... بُنيه .. في خراطيش
صدري ظاتووو ... إتْ جيت مِن ياتو داهية ... عامِل لي طربوشك المِتِل القوقور
شوف الشنب تقول بسقيهو ... ايه يعني كَوني بارمو ... خلاص الود هريدي
تُفو < علي > ... ياخ ما أموت ولا أنقلِب كتكوت ظاتوو ياخ أنا ... أنا
أنا بكرهني وبكره إني أنا ... أحييي أحييي ... يا زول أقولك قوله وووب
يا زول دِراستك دي طلعت فشنك ... لا إرتِحت ولا شِتين
مُمكِن أشتِم لي زول غيري ... بس مِن أجل < العِلم > وسِنينو؟
|
Post: #15
Title: Re: إن كنت متألم .. أشتم براحتك .. دراسة تؤكد قدرة الشتائم على تسكين الآلام
Author: Hadeer Alzain
Date: 07-19-2009, 08:36 PM
Parent: #14
Quote: تفو < علي > وعلى < وشي > وشًا مُطاول من غير سبب أبو ميتين < رقبتي >
أدليك شلوك ... أعفِص رقبتي بِكِرعيني دي ... كف ... بُنيه .. في خراطيش
صدري ظاتووو ... إتْ جيت مِن ياتو داهية ... عامِل لي طربوشك المِتِل القوقور
شوف الشنب تقول بسقيهو ... ايه يعني كَوني بارمو ... خلاص الود هريدي
تُفو < علي > ... ياخ ما أموت ولا أنقلِب كتكوت ظاتوو ياخ أنا ... أنا
أنا بكرهني وبكره إني أنا ... أحييي أحييي ... يا زول أقولك قوله وووب
|
هههههههه والله يا عزام بالغت!!! 
تاني هههههههه
| Quote: يا زول دِراستك دي طلعت فشنك ... لا إرتِحت ولا شِتين |
السؤال يا عزام يا أخوي: دحين إنت متألم هسه؟
كان الإجابة نعم .. والسب ما نفع ..
كدي صرخ
كان ما نفع قرص روحك يا أديها علقة .. لووول
دي نخليها آخر مرحلة:
Quote: مُمكِن أشتِم لي زول غيري ... بس مِن أجل < العِلم > وسِنينو؟
|
|
Post: #16
Title: Re: إن كنت متألم .. أشتم براحتك .. دراسة تؤكد قدرة الشتائم على تسكين الآلام
Author: صلاح ليون
Date: 07-19-2009, 10:06 PM
Parent: #13
Quote: نظرية الدراسة تقول:
نبذ أو أشتم وسب نفسك حين تحس بألم .. وليس الآخرين |
ليه بس كدا .. مداخلتك الاولى ما كانت حلوة ومافيها أي حاجة
عن انك تنبذ نفسك .. صدقي الفكرة الاولى احلى واقرب للواقع
ده حتى ملاحظينو في كشات بكري .. لما الواحد يجي راجع بتحس
بيهو جاي مليان ملية .. وما تتفك منو إلا يبدأ مشوار نبذ
جديد .. وعليه نحيل الدراسة لي بكري عشان يغير من قوانينو
أما الألم كلنا حاسين بيهو .. بالذات ألم الغربة
وافتكر كفاية علينا الخليجين ديل يعني ما ناقص
الزول كمان يسئ لي نفسو .. صعبتيها يا هدير..
_____________________________________
حيدر الزين ازيك
شايفك خليت الفرح كلو ومسكت في آخر حرف
|
|