ما هو موقف الصحافية لبني (تجاه القضية)مع الحصانة التي تمتلكها بحكم عملها مع بعثة اليونمس

كمساعدة للناطق الرسمي باسم بعثة اليونمس

Quote: ولكنك موظفة في بعثة الأمم المتحدة «يونمس»؟؟! - أنا أحضرت محامي بعثة الأمم المتحدة التي أعمل فيها.. وتحدث مع القاضي، الذي أحال الأوراق للنيابة.. لكن إذا كان عملي في البعثة - وأنا مساعدة للناطق الرسمي - سيعيق تقديمي للمحاكمة.. فسأقدم على الفور استقالتي من البعثة. _________________

كدى في الاول انتي موقفك من قضية لبنى شنو

Quote: ما هو موقف الصحافية لبني (تجاه القضية)مع الحصانة التي تمتلكها بحكم عملها مع بعثة اليونمس

Quote: ولكنك موظفة في بعثة الأمم المتحدة «يونمس»؟؟! - أنا أحضرت محامي بعثة الأمم المتحدة التي أعمل فيها.. وتحدث مع القاضي، الذي أحال الأوراق للنيابة.. لكن إذا كان عملي في البعثة - وأنا مساعدة للناطق الرسمي - سيعيق تقديمي للمحاكمة.. فسأقدم على الفور استقالتي من البعثة. _________________

الزميلة مياده سلام..
أرجو أن تشرحي لي سؤالك..

فما فهمته هو انك وضعتي السؤال في العنوان ثم اتيت بالاجابه علي سؤالك في اول سطور في البوست ومن حديث الاستاذة لبني نفسها..

Quote: Quote: ما هو موقف الصحافية لبني (تجاه القضية)مع الحصانة التي تمتلكها بحكم عملها مع بعثة اليونمس Quote: ولكنك موظفة في بعثة الأمم المتحدة «يونمس»؟؟! - أنا أحضرت محامي بعثة الأمم المتحدة التي أعمل فيها.. وتحدث مع القاضي، الذي أحال الأوراق للنيابة.. لكن إذا كان عملي في البعثة - وأنا مساعدة للناطق الرسمي - سيعيق تقديمي للمحاكمة.. فسأقدم على الفور استقالتي من البعثة. _________________ الزميلة مياده سلام.. أرجو أن تشرحي لي سؤالك.. فما فهمته هو انك وضعتي السؤال في العنوان ثم اتيت بالاجابه علي سؤالك في اول سطور في البوست ومن حديث الاستاذة لبني نفسها..

دايرة ليها مدخل بس غلبتها الحيلة



مسكينة!!!!
من اول مرة قاعدة تشككى وتلفى حول الموضوع
ما تدخلى عديل كده وريحك ضميرك

Quote: دايرة ليها مدخل بس غلبتها الحيلة مسكينة!!!! من اول مرة قاعدة تشككى وتلفى حول الموضوع ما تدخلى عديل كده وريحك ضميرك

المسكينة هي لانو تم اسواء استغلال للموقف اللي وقعت فيه
وكان ممكن ان تتجاوزه لو ما تم استغلاله للنيل من الحكومة ومواقفها
والغريبة اتقلب عليكم (ودا من خلال ردات الفعل اللي ما عجبتكم طبعا واللي قراءناها من الناس اللي دخلت وعلقت على الخبر سواء في موقع العربية او صحيفة الشرق الاوسط) كمثال فقط وليس للحصر ....

Quote: المسكينة هي لانو تم اسواء استغلال للموقف اللي وقعت فيه وكان ممكن ان تتجاوزه لو ما تم استغلاله للنيل من الحكومة ومواقفها

تعرفى يا ميادة البت ده صحفية واعلامية تعرف تدير معاركها كويس ...كان ما عارفة
أحدثك!!!خلاص
الصحيح انها ادارت معاركها بوعى واقتدار اكبر من "مؤسساتكم"برجالها....
النيل من الحكومة ومواقفها ( للدقة النيل من المؤتمر الوطنى ) ...للاسف ما بتحتاج
لاى اجتهاد....كل لحظة بتدى الاخرين هدايا لنيل منها ( مجانية )
اتذكر مداخلتك كويس يا ميادة ( أتاريك كنت نائمة على رأى) بس نعم الرأى
شوفى الشماتة....جابت ليك شنو ؟؟؟؟ ولى لسه ما شفتى ؟؟؟؟

Quote: والغريبة اتقلب عليكم

يا ميادة قاعده تشوفى كيف انتى ...؟؟
منظارك ده كيف؟؟؟
بس قصة

Quote: عليكم

ما فهمتها !!!!
ديل ناس منو ؟؟؟

الاستاذة ميادة كمال كتبت ما يلي:

Re: يا جماعة لبنى جلدوها ولا لسة ؟

Quote: دي طلعت عندها حصانة عشان شغالة مع ناس اليوناميد يعني اسع الجماعة يعملوا الموضوع ازمة بين الحكومة واليوناميد واهو برضو ما بغلبهم شئ والغريبة رد الفعل المبالغ فيه لم يشمل الفتيات اللي اخدوا العلقة ومشوا من سكات بس محتجين على الصحافية لبني اكتر شئ اها الان هل الاحتجاج والحملة الاتعملت دي عشان هي صحفية ولا عشان انتماءها السياسي المناهض للحكومة ولا عشان هي موظف اممي وعندها حصانة وكدا ولا عشان شنو بالظبط

و السؤال لا زال قائم ما هو رأيها في القضية الاصل , لبنى و كل النساء سواء عوقبن ام لأ ?

الاخت مني خوجلي
سلمات ومرحب بيكي

Quote: أرجو أن تشرحي لي سؤالك.. فما فهمته هو انك وضعتي السؤال في العنوان ثم اتيت بالاجابه علي سؤالك في اول سطور في البوست ومن حديث الاستاذة لبني نفسها..

الاقتباس الاتيت بيه دا جزء من الحوار الاتعمل معاها في صحيفة الوطن
انا سؤالي عن موقفها القانوني بعد ما عرفنا انها عندها حصانة
وهل هي حصانة دبلوماسية ام حصانة من نوع اخر
وهل دي لديها محكمة اخري غير النيابة
وهل بحكم الحصانة ممكن ان تجد ليها تسوية ومخرج كتخفيف العقوبة الى عشرة جلدات زي ما قرينا في صحيفة الشرق الاوسط
ولا ستدفع الغرامة
لك الشكر

Quote: كدى في الاول انتي موقفك من قضية لبنى شنو

رأي انا هين
كدي الاول نفهم نحن الحاصل للاخر
لان الشايفنه كله ما عاجبني
سواء من النظام العام او من الطرف الاخر (الاخت لبنى ....ومن استغل قضيتها لشئ ما في نفس يعقوب)

Quote: رأي انا هين كدي الاول نفهم نحن الحاصل للاخر ......ومن استغل قضيتها لشئ ما في نفس يعقوب)

نحن ذاتنا هينين ولينيين كمااااان
فهمنا انتى يا "الاخت"
حقك ده شنو؟؟
هل

Quote: (شئ ما في نفس يعقوب)!!!!؟؟؟؟؟

مياده كمال


سلام ورحمة وبركه




انت والمشرع موقفكما سيان



بؤس الاحكام الدينية وفعلا عشره ده من حديث نبوي في صحيحح البخاري



لانه يوصي الا يزيد الجلد عن عشره والا اصبح غير تعزير




الشريعه ادخلت الوطن في مازق حرج

Quote: الشريعه ادخلت الوطن في مازق حرج

والله الشريعة ماليها دخل في شغل النظام العام في السودان
وحرام اي شي تدخلوا في الشريعة
وكمان لبني بنفسها في البي بي سي قالت انوا ده ما تطبيق للشريعة الاسلاميه وهي الي معنيه بالموضوع
الشرع معروف وفرض الحجاب علي كل النساء

لقوله تعالي( ‏وَقُل لِّلْمُؤْمِنَـاتِ يَغْضُضْنَ مِنْ أَبْصَـارِهِنَّ وَيَحْفَظْنَ فُرُوجَهُنَّ وَلاَ يُبْدِينَ زِينَتَهُنَّ إِلاَّ مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ )صدق الله العظيم

لكن
كل زول حر مع ربه يني الله الي حيحاسبوا مش ناس النظام العام
ولا المفروض جر الناس من الشوارع وضربهم لانه ده خطاء ولا يوجد في ديننا الكريم
فاتمني عدم خلط بين الامور يا صبري الشريف.

Quote: هل الاحتجاج والحملة الاتعملت دي عشان هي صحفية ولا عشان انتماءها السياسي المناهض للحكومة ولا عشان هي موظف اممي وعندها حصانة وكدا ولا عشان شنو بالظبط

Quote: رأي انا هين كدي الاول نفهم نحن الحاصل للاخر لان الشايفنه كله ما عاجبني سواء من النظام العام او من الطرف الاخر (الاخت لبنى ....ومن استغل قضيتها لشئ ما في نفس يعقوب)

ميادة انا غايتو ما فهمت أي حاجة من كلامك دا!!!
بس عايزه أقول ليك إنو لبنى قالت على ملأ ومسمع من الناس
إنها عندها القدرة إنها تجيب محامي يدافع عنها
ولكن هي عايزه تستغل قضيتها دي عشان تكشف الكثير
من السوالب والمعيبات الموجودة في قانون النظام العام
ولعلمك الموضوع دا ما جديد (مناهضة قانون النظام العام)
ومن أكبر مشاكلو انو سلطتو للتنفيذ تقديرية للضابط او الجندي
وأدناه نص المادة 152

Quote: الأفعال الفاضحة والمخلة بالآداب العامة. 152- (1) من ياتي فى مكان عام فعلا او سلوكا فاضحا او مخلا بالآداب العامة او يتزيا بزي فاضح او مخل بالآداب العامة يسبب مضايقة للشعور العام يعاقب بالجلد بما لا يجاوز اربعين جلدة او بالغرامة او بالعقوبتين معاً . (2) يعد الفعل مخلا بالآداب العامة اذا كان ذلك فى معيار الدين الذي يعتنقه الفاعل او عرف البلد الذي يقع فيه الفعل .

الموضوع ما موضوع شخصي ومناصرة ومناهضة
والموضوع أكبر بكثير من موضوع معارضة وحكومة
وأتمنى أسمع رأيك لو ممكن!!!

يا ميادة سلام،
كتبتيعن موقفها القانوني بعد ما عرفنا انها عندها حصانة
وهل هي حصانة دبلوماسية ام حصانة من نوع اخر
وهل دي لديها محكمة اخري غير النيابة
وهل بحكم الحصانة ممكن ان تجد ليها تسوية ومخرج
كتخفيف العقوبة الى عشرة جلدات زي ما قرينا في صحيفة الشرق الاوسط
ولا ستدفع الغرامة
شكراً لك، و بغض النظر عن القانون و ما عليه، تعرفي أنا من الصباح بفكر في موضوع الحصانة دا و ما قادر أنقط حروفو كلو كلو؟
يعني مثلاً لماذا يكون أي سوداني أو أجنبي في حصن من القانون المعمول به في البلد أو في حرز من إجراءات تنفيذه كما لم يتاح لبقية الغبش؟
و هل الوجود الدولي في السودان غير خاضع لقانون الأرض أم أنهم في مستوطنات محتلة؟
و هل الإنتماء للمنظمات هو معيار الشرف الجديد فلا يجلد منسوبوها أم أن الشرف يبقى في المواطنة و في كل جلد، و كيف؟
و كيف حمت الحصانة الأستاذة لبني من الجلد (الناجز) كما جلدوا خيّاتها؟
و هل مثلاً لو قتل فينا(المحصَّن الدولي) قصصنا منه أو سرق منا قطعنا يده؟ أم كيف؟

لو ممكن ترسيني على بر الحصانة دي أكون شاكر و الله.

أما قول لبنى أنها ستستقيل عن اليوناميد لو منعتها الحصانة عن الوقوف أمام المحكمة، فهو كلام نجيض تب...(كلام رجال) و (كلام نساء) عدّاهم و عدّاهن العيب،
وأنجض كذا مليون مرة من أقوال فاروق أبو عيسى عن الشرعية و الدستورية و أقوال من والاه فيها.

مياده تحية..
لبنى لو ما وقفت في وش العايز يجلدها، ما كانت ظهرت القصة بتاعت الحصانة دي.. يعني لو سكتت.. وما عملت القصة دي كلللللها، ما كان ظهر اساساً انها عندها حصانه ولا لأ... وكانت حسي اتجلدت زي زميلاتها المعاها...

دي الاجابه عن تساؤلك بحسب ما فهمته.. موش سؤالك كان، انها استفادت شنو من الضجة؟

تحياتي

بنت الحسين

Quote: لان الشايفنه كله ما عاجبني سواء من النظام العام او من الطرف الاخر (الاخت لبنى ....ومن استغل قضيتها لشئ ما في نفس يعقوب)

ايه الحياد النزل عليك ده يا مياده

وبعدين النظام العام ولا النظام بس

Quote: ايه الحياد النزل عليك ده يا مياده

موووش عليك الله....... بس انتو لا كدا عاجب ولا كدا عاجب

Quote: وبعدين النظام العام ولا النظام بس

اختار البريحك فيهم!!!!!!!!!!!!!

بعض النساء اكثر ظلما لانفسهن من ظلم بعض
الرجال لهن.
قولى رائك مباشرة بدل اللف والدوران.
يعنى محتجة على لبنى ماانجلدت؟؟؟!!
ولا هو دفاع مستبطن لهذة القوانين الجائرة
والنظام الذى اتى بها؟؟؟!!!!
لبنى رمز لكل نساء بلادى والائى أثبتن موافق
مشرقةوفضح الظلم والظلاميين.

: الخضر: النظام العام يعمل وفق القانون
18 / 07 / 2009 10:37:00

في اطار تطبيق الشريعة الاسلامية بالبلاد


الخرطوم: الرائد

أكد والي ولاية الخرطوم د. عبد الرحمن الخضر اهتمام ولايته بدور العبادة في انشاء وتأهيل المساجد وتخصيص اوقاف لتنتفع المساجد من ريع الاوقاف. وقال الوالي لدى مخاطبته المصلين بمسجد الشيخ عبد الحي يوسف في صلاة الجمعة امس ان الولاية تدفع مبلغ 500 الف جنيه شهرياً لكهرباء المساجد التي زاد استهلاكها من الكهرباء بنسبة 100%، وتعمل على تحسين بيئة المساجد.

واشار الوالي الى ان القانون الجنائي وسائر القوانين المطبقة في الشمال مستمدة من الشريعة الإسلامية وان الجنوب يحكم بقانون آخر وفقاً لاتفاقية السلام وان الدولة جادة ومخلصة في تطبيق الشريعة الاسلامية.

واشار الى ان هناك قانونا ينظم عمل شرطة النظام العام وان الشرطة تعمل وفق القانون











اها الاخت ميادة معانا والله مع الشريعه

هنا ارجو ان تحددي موقفك القانون العام هو قانون مستمد من الشريعه
انا ضده وضد القانون الجنائي الذي اتي به المجرم الترابي الذي اجرم في حق البلاد

ليه يا ميادة كدا؟
انخزلت فيك.

Quote: ليه يا ميادة كدا؟ انخزلت فيك.

وش آآآآآآآآسف لذلك

Quote: اها الاخت ميادة معانا والله مع الشريعه هنا ارجو ان تحددي موقفك القانون العام هو قانون مستمد من الشريعه

الاخ صبري الشريف
باااااااااااااااالغت لكين ...... دي زي اني خيرتك فاختاري ولا شنو !!!!!!!!!!!!!
معقولة تضع نفسك في وضع مقارن وكمان اختياري بينك/م وبين الشريعة في الكفة التانية
لالالالا
انت كدا عصرت علي شدييييييييد ياااااااااخ
اها اها اها قال انت معانا ولا مع الشريعة
لو دي هلال مريخ
اقول ليك انا مع الهلال
لو دي امريكا ولا القاعدة
اقول ليك مع القاعدة
قال انت معانا ولا مع الشريعة
تقول الشريعة دي ولد حلتكم
ولا الشريعة دي فريق دوري الدرجة الاولى

انت جادي في البتسوي فوكا دا!!!!!!!!!!!!!!

Quote: ميادة انا غايتو ما فهمت أي حاجة من كلامك دا!!! بس عايزه أقول ليك إنو لبنى قالت على ملأ ومسمع من الناس إنها عندها القدرة إنها تجيب محامي يدافع عنها ولكن هي عايزه تستغل قضيتها دي عشان تكشف الكثير من السوالب والمعيبات الموجودة في قانون النظام العام ولعلمك الموضوع دا ما جديد (مناهضة قانون النظام العام) ومن أكبر مشاكلو انو سلطتو للتنفيذ تقديرية للضابط او الجندي وأدناه نص المادة 152

أولاً رأيك في كلام الاخت انعام ده شنو؟؟؟؟
مع شكري لانعام .....وسوف اعود بعد سماع رأيك
بعدين مالو ما نستغلها اذا هي متضررة من استغلال الموضوع ماكان وزعت بطاقات لحضور محاكمتها؟؟
وهل انت حريصة علي لبني اكثر من حرصها هي ...؟؟؟؟؟؟؟؟؟اذا كانت الاحبابة بنعم فسترجم هذا الحرص
علي مساندة واضحة وصريحة ...

ازيك؟

أرفض ان أسميها قضية لبنى كما يسميها الكثيرون لأنها لم تعد كذلك ، أصبحت قضية مواد لقانون معيب وصياغة رديئة توضع مبهمة وملتبسة بقصد لتكون مسلطة على رقاب الضعفاء والما عندهم ضهور في البلد دي

يا ميادة

أظنك بتكوني حضرتي مناسبات كثيرة في نوادي الحكومة ذاااته ونوادي ما تسمى بمؤسساتها وشفتي اللبس الما خمج ... وما ظنيت بتاع نظام عام بقدر بجي حايم ساااكت بي هناك!!!

دايرين عدالة في الظلم

ولبنى كشفت كم هم صغار

وكم هي عظيمة وقوية وقادرة على إحراجهم بمشرعيهم و(مؤسساتهم) ومطبليهم

اقعدي عافيه

Quote: بعدين مالو ما نستغلها اذا هي متضررة من استغلال الموضوع ماكان وزعت بطاقات لحضور محاكمتها؟؟ وهل انت حريصة علي لبني اكثر من حرصها هي ...؟؟؟؟؟؟؟؟؟اذا كانت الاحبابة بنعم فسترجم هذا الحرص علي مساندة واضحة وصريحة ...

نحن مع الاستغلال الامثل والمفيد
مووش لاغراض النيل من الحكومة
وبعدين الانقاذييين ليسوا انبياء
فهم يخطئون ويصيبون
لماذ تلجاون انتم للاسلوب اللي اتبعتوه هذا في حل مشاكلنا وقضايانا
عايزين تعارضوا عرضوا بي وعي
ونحن معكم كمواطنين

Quote: بعض النساء اكثر ظلما لانفسهن من ظلم بعض الرجال لهن. قولى رائك مباشرة بدل اللف والدوران. يعنى محتجة على لبنى ماانجلدت؟؟؟!!ولا هو دفاع مستبطن لهذة القوانين الجائرة والنظام الذى اتى بها؟؟؟!!!! لبنى رمز لكل نساء بلادى والائى أثبتن موافق مشرقةوفضح الظلم والظلاميين

انا محتجة على الطريقة الاستغلوا بيها المشكلة
هي مووش صحفية
كان بامكانها تستخدم قلمها... على الاقل تسلط الضوء على القضية
ومؤكد كان حيجد صدي اعلامي بدل الاستغلال الابشع دا
كان بي يدها ولا يد غيرها

Quote: مياده تحية.. لبنى لو ما وقفت في وش العايز يجلدها، ما كانت ظهرت القصة بتاعت الحصانة دي.. يعني لو سكتت.. وما عملت القصة دي كلللللها، ما كان ظهر اساساً انها عندها حصانه ولا لأ... وكانت حسي اتجلدت زي زميلاتها المعاها... دي الاجابه عن تساؤلك بحسب ما فهمته.. موش سؤالك كان، انها استفادت شنو من الضجة؟ تحياتي بنت الحسين

الاخت بنت الحسين
كيفنك
من حقها ترفض .... ومن حقها يكون عندها حصانة......ومن حقها تدافع عن نفسها
بس ما من حق الناس التانين اللي بيناصروها انهم يستغلوا قضية لبنى في مهاترة سياسية وسب للشريعة والفقه الاسلامي

فالنفترض الوعي في الاخت لبني
لو هي فعلا دايرة مصلحة عامة كانت مشت في الموضوع في سبيل اصلاح قوانين بمزيد من سمنارات ونقاشات واوراق عمل
ودا عنده تبعات تانية... يستضيفوا مشرعين قانونيين... وممكن في نقطة ما يتم تعديل القانون
وتكون كدا هي كسبت
اما يعملوها لينا بطلة عشان مالابسة كويس والنظام العام قبضها وووو
ويتم فقط الضرب في الحكومة وفي الشريعة الاسلامية وسيبوها.... فتاكدوا لن تكسب خطوة قدام
والبهللوا ويكبروا ليها ديل مجرد مايحقووا مصلحتهم من الزوبعة دي... سيتركوها خلفهم
وترجع حليمة ......

Quote: شكراً لك، و بغض النظر عن القانون و ما عليه، تعرفي أنا من الصباح بفكر في موضوع الحصانة دا و ما قادر أنقط حروفو كلو كلو؟ يعني مثلاً لماذا يكون أي سوداني أو أجنبي في حصن من القانون المعمول به في البلد أو في حرز من إجراءات تنفيذه كما لم يتاح لبقية الغبش؟ و هل الوجود الدولي في السودان غير خاضع لقانون الأرض أم أنهم في مستوطنات محتلة؟ و هل الإنتماء للمنظمات هو معيار الشرف الجديد فلا يجلد منسوبوها أم أن الشرف يبقى في المواطنة و في كل جلد، و كيف؟ و كيف حمت الحصانة الأستاذة لبني من الجلد (الناجز) كما جلدوا خيّاتها؟ و هل مثلاً لو قتل فينا(المحصَّن الدولي) قصصنا منه أو سرق منا قطعنا يده؟ أم كيف؟ لو ممكن ترسيني على بر الحصانة دي أكون شاكر و الله. أما قول لبنى أنها ستستقيل عن اليوناميد لو منعتها الحصانة عن الوقوف أمام المحكمة، فهو كلام نجيض تب...(كلام رجال) و (كلام نساء) عدّاهم و عدّاهن العيب، وأنجض كذا مليون مرة من أقوال فاروق أبو عيسى عن الشرعية و الدستورية و أقوال من والاه فيها

الاخ هاشم الحسن
سلام عليكم ورحمة الله
انا مثلك سالت وانتظر اجابة
من الاخوة القانونيين والقانونيات
لكن طبعاسودانيزاونلاين كعهدها متخصصين في تحوير مواضيع البوستات
واسع زي ماانت شايف موضوع البوست تحول
وعينك ما تشوف الا النور ..... اقرى بس
شكرا على رفد البوست بالاسئلة والنقاط

Quote: الموضوع ما موضوع شخصي ومناصرة ومناهضة والموضوع أكبر بكثير من موضوع معارضة وحكومة وأتمنى أسمع رأيك لو ممكن!!!

الاخت انعام
كيفنك
اليكي نموذج واحد ... ما يجري هنا في سودانيز اونلاين حول (قضية لبني)
الموضوع اتسغل كموضوع شخصي .... ولبني اتعملت كبطلة قومية......
بل قليل جدا من يذكر الاخريات اللي تم جلدهن.....
ايهم اشد إيلام ... اللي نفذ فيهن العقوبة... ولا اللي لسع حتنجلد
من ناحية وقوع الضرر
والموضوع ايضا استغل من المناهضين للحكومة ضد الحكومة ومناصرينها
بل وتعددت للنيل من الشريعة الاسلامية نفسها .... مثال دعوات الاخ صبري الشريف
يعني ابسط شئ الناس اللي بتقول انو موضوع شخصي وليه النظام العام يسال اي واحدة انتي لابسة كدا ليه وووو.....
اوكي انا مع الراي اللي بقول بانو اللبس شئ شخصي مافي زول يسال فيه (بضم الياء) يعني حرية شخصية.....
طيب الحرية دي ما مفتوحة.... في الغرب .. حرية الفرد تتوقف عند حرية الاخرين....

ولا نحن حصلنا المرحلة المتقدمة دي من الحرية الشخصية
لانو قبل كل شئ الحرية مسئولية .......
انا قبل ما اطالب المجتمع بتاعي بالحرية دي ..... انا في نفسي عملت شنو .... وقدمت ليه شنو....
وفوق هذا وذاك لسع قدامنا وقت طوييييييييييل عشان نحصل المرحلة المتقدمة دي.......

Quote: والموضوع أكبر بكثير من موضوع معارضة وحكومة

الموضوع اصلا ما موضوع معارضة وحكومة
مع احترامي للاخت لبني ...... وليس دفاعا عن الحكومة
الحكومة اكبر من انها تقيف عند موضوع زي موضوع لبس فتاة.. والنيل منها.. بالاسلوب اللي تصورت بيه القضية

حصانة لبنى الحقيقية هي رغبتها الاصيلة في الوقوف في وجه الجلاد الظالم ...
ما عدى ذلك هو محض صدفة

هي معركة قد تغير مجريات حياة نساء كثر و حياتك انت يا ميادة في يوم ما،
فالأيام دول فلا تركني لميزان القوى المائل دوما وقلّما أعتدل ...

ارجو ان تجيبي بتجرد على السؤال عن رأيك في القضية وإلا فظنوننا في مغزى
اسئلتك ستبحر شرقا و غربا و ستعود محملة بالاجابة وإن تمنعت عن بذلها ...

Quote: حصانة لبنى الحقيقية هي رغبتها الاصيلة في الوقوف في وجه الجلاد الظالم ... ما عدى ذلك هو محض صدفة هي معركة قد تغير مجريات حياة نساء كثر و حياتك انت يا ميادة في يوم ما، فالأيام دول فلا تركني لميزان القوى المائل دوما وقلّما أعتدل ... ارجو ان تجيبي بتجرد على السؤال عن رأيك في القضية وإلا فظنوننا في مغزى اسئلتك ستبحر شرقا و غربا و ستعود محملة بالاجابة وإن تمنعت عن بذلها ...

فهم جميل ياعزاز،،،
معاك علي العموم
وننتظر الاجابة،،،

صباحكم جميعاً
معليش عندي رد حارقني للأخ صبري الشريف
اعذرونا
أخي صبري
مين قال أن كلام الوالي صحيح لتأتي به على أنه دليل؟؟!!

شغب لبنى حسين
ffشغب لبنى حسينfff
صبحي حديدي


حسناً فعلت الزميلة الصحافية السودانية لبنى أحمد حسين حين طبعت 500 دعوة، وزّعتها على أهل الصحافة والإعلام، وبعض منظمات حقوق الإنسان في السودان، وذلك للمشاركة في الحدث التالي: 'حضور محاكمتها وجلدها 40 جلدة، تحت المادة 152 من القانون الجنائي لسنة 91 (ملابس تسبب مضايقة للشعور العام). المكان محكمة النظام العام ـ محلية الخرطوم وسط السجانة. الزمان يوليو 2009 (لم تحدد حتى الآن). والدعوة عامة!!!'.
وكما بات معروفاً اليوم، في الثالث من شهر تموز (يوليو) الجاري، كان أفراد من شرطة النظام العام في الخرطوم قد داهموا قاعة يُقام فيها حفل عامّ يضم نحو 300 إلى 400 شخص، وأوقفوا 13 من الفتيات اللواتي كنّ يرتدين البناطيل، واقتادوهنّ إلى مفوضية الشرطة.
وهناك جرى تنفيذ عشر جلدات بحقّ بعضهنّ، ممن وافقن على قبول العقوبة والنجاة من المحاكمة؛ كما أحيلت ثلاث منهنّ إلى المحكمة، كانت بينهنّ الصحافية لبنى أحمد حسين. العقوبة طُبّقت إستناداً إلى المادة 152 من القانون الجنائي السوداني، لعام 1991، حول 'الأفعال الفاضحة والمخلة بالآداب العامة'، والتي يقول نصّها: '1) من يأتي في مكان عام فعلاً أو سلوكاً فاضحاً أو مخلاً بالآداب العامة أو يتزيا بزي فاضح أو مخلّ بالآداب العامة يسبب مضايقة للشعور العام يعاقب بالجلد بما لا يجاوز أربعين جلدة أو بالغرامة أو بالعقوبتين معاً. 2) يعدّ الفعل مخلاً بالآداب العامة إذا كان كذلك في معيار الدين الذي يعتنقه الفاعل أو عرف البلد الذي يقع فيه الفعل'.
ثمة، ابتداء، مقدار مريع من الغموض يكتنف الصياغة اللغوية لهذه المادّة، ويفسح بالتالي المجال الأوسع لأشكال لا حصر لها من التأويلات، بصدد تعريف 'الفعل' أو 'السلوك' أو 'الفاضح' أو 'المخلّ بالآداب'، ناهيك عن تحديد 'الزيّ' أو 'المضايقة' أو 'معيار الدين' أو 'العرف'. ولكن، بمعزل عن هذه الاعتبارات القانونية، ما يثير الدهشة هو أنّ الصورة التي نشرتها الزميلة حسين عن زيها 'الفاضح' ساعة توقيفها، هي في الواقع الدليل الفاضح على تخلّف تلك المادّة من القانون، وانفصالها عن أزمنة البشر وأمكنتهم، وانتمائها إلى غيهب جاهلي بغيض ومقيت. ذلك لأنّ الزميلة، كما تبيّن الصورة، كانت ترتدي بنطالاً فضفاضاً (من القماش العادي، وليس الـ 'جينز' الضيق)، ينسدل عليه قميص ملوّن يكاد يبلغ الركبتين، وتضع غطاء الرأس السوداني التقليدي (الطرحة). ما الـ'فاضح'، إذاً؟ وهل يشكّل هذا اللباس 'مضايقة' للشعور العام، وعقوبة 40 جلدة؟
يشير الكثيرون، بحقّ في الواقع، إلى أنّ ما وراء الأكمة هو غير ذاك الذي تذرعت به الشرطة، والباعث الحقيقي يتجاوز بكثير حكاية البنطال، ليبلغ شأو معاقبة الزميلة على ما تنشره من مقالات نقدية نارية ضدّ السلطة، في عمود شهير جسور يحمل العنوان الدالّ: 'كلام رجال'. ولعلّ خدش حياء أهل السلطة، وليس الإخلال بالآداب العامة، هو الذي دفع رجال الشرطة إلى معاقبة الصحافية الشجـــاعة؛ وهذا ما دفعها إلى دعوة الرأي العام لكي يشهد محاكمتها وجلدها، ولكي تنقل إلى العلن نقاشاً آن أوانه، حول تلك المادّة الظلامية من القانون الجنائي السوداني.
تقول لبنى أحمد حسين: 'قضيتي هي قضية البنات العشر اللواتي جُلدن في ذات اليوم، وقضية عشرات بل مئات بل آلاف الفتيات اللواتى يُجلدن يومياً وشهرياً وسنوياً في محاكم النظام العام بسبب الملابس، ثم يخرجن مطأطئات الرأس لأن المجتمع لا يصدّق ولن يصدّق أن هذه البنت جُلدت في مجرد ملابس. والنتيجة الحكم بالإعدام الاجتماعي لأسرة الفتاة، وصدمة السكري أو الضغط أو السكتة القلبية لوالدها وأمها، والحالة النفسية التي يمكن أن تُصاب بها الفتاة، ووصمة العار التي ستلحقها طوال عمرها'.
والحال أنّ همجية هذا الطراز من العقاب، أي جلد الأنثى بتهمة ارتكاب 'أفعال فاضحة'، لا تتلاءم البتة مع تقاليد السودان التربوية والثقافية التي أسندت على الدوام، وما تزال تسند، إلى المرأة دوراً فاعلاً وحيوياً في الحياة العامة. ولولا هذه الخصوصية، كيف يمكن للمرء أن يفسّر تلك الدرجة العالية من 'التسامح' التي يبديها الشيخ حسن الترابي تجاه الحقوق الشخصية للفرد عموماً، والمرأة خصوصاً؟ ألا يقول، في حوار شهير مع الصحافي الأمريكي ملتون فيورست: 'الرسول نفسه أغلظ في القول للممتنعين عن الصــــلاة، ولكنه لم يتــــخذ أي إجراء بحقّهم. وتوجد فروض اجتماعية حول كيفية اختيار الرجال والنساء للباسهم، ولكن المسألة ليست جزءاً من القانون'.
وكما في كلّ شأن يمسّ الحرّيات العامة، سيما إذا تمّ انتهاكها على النحو المشين الذي تنتهي إليه المادّة 152، لا طائل من وراء استنكار هذه الوقائع بهدف تجميل الشريعة أو تنزيه الدين عن إلحاق الجور بالعباد، فالجوهر لا يكمن هنا في كلّ حال. المطلوب، في المقابل، هو إدانة ذلك البند في ذاته، وكلّ ما يشبهه أو يتكامل معه من قوانين، دون تأتأة أو مجاملة أو مراعاة أو مداهنة، فلا كرامة لنصّ يهدر كرامة الإنسان، وهذا هو الأصل والفصل، وهنا القاعدة والقياس. لقد وضعت لبنى أحمد حسين إصبعها على جرح مفتوح، يتوجب أن يُطهّر من القيح لكي يتعافى تماماً، عملاً بالمبدأ الذي كان الراحل الكبير محمود أمين العالم يلهج به: شاغبوا، تصحّوا!
qla
qpt98

القدس العربى

Quote: والغريبة رد الفعل المبالغ فيه لم يشمل الفتيات اللي اخدوا العلقة ومشوا من سكات بس محتجين على الصحافية لبني اكتر شئ

ميادة ...سلام...

حسب وجهة نظرك..انو مفترض لبنى تاخد العلقة من سكات وتمشى








________________________________________________________


مع تحفظى الشديد على كلمة علقة

ميادة
تحياتي
ربنا يكون في عونك يا اختي .. فتحتي ليك باب ربنا يخارجك منو
انتي مالك ومال لبنى .. نحن عندنا قناعة انو الما معانا معناها ضدنا .. والجماعة ديل كلهم حتى لو ما مع لبنى لكن هي فرصة بالنسبة ليهم عشان يشبعوا لطم .. منهم من هاجم الاسلام وتشريعاته ومنهم من اشهر سيفه في وجه الانقاذ .. والما لقى ليهو حيطة يهدها مسك في تلابيب النظام العام ..
انا غايتو شايف القضية كلها خلل في الشخصية السودانية .. سواء لبنى او ضابط الشرطة ودي مسألة سأعود لتفصيلها لاحقا لانو الزمن المخصص للانترنت انتهى وماشي اشوف التلفزيون .. يمكن تطلع القضية ف واحدة من القنوات
وزي ما قالت ليك الاخت انعام ولكن هي عايزه تستغل قضيتها دي عشان تكشف الكثير من السوالب والمعيبات الموجودة في قانون النظام العام
مع خالص تقديري

Quote: ما هو موقف الصحافية لبني (تجاه القضية)مع الحصانة التي تمتلكها بحكم عملها مع بعثة اليونمس

انتى موقفك شنو فى الاول؟؟

لقد وضعت لبنى أحمد حسين إصبعها على جرح مفتوح، يتوجب أن يُطهّر من القيح لكي يتعافى تماماً، عملاً بالمبدأ الذي كان الراحل الكبير محمود أمين العالم يلهج به: شاغبوا، تصحّوا!

فعلا لقد لامست السيدة الشجاعة الصحفية الأرجل من رجال كثير جلدت نسائهم وبناتهم وصمتوا وقبلوا الأمر كانه مسلم به،،

أما الشابة الصغيرة التي تريد تغيير لب الموضوع الى خيارات بين الشريعة أو زمالتها الى زميل منبري فهذهي من الواضح أنها فتحت صندوق بندورا ،،

هل تقبلين أن تجلدي أنت أو أختك أو والدتك ؟؟؟ مهما كانت الجريمة ؟؟ هذا الجلد عقوبة في حدها ليست أنسانية بل حيوانية .ستقولين الشرع قال كده .الشرع قال الكلام ده قبل 1500 عام حيث لم تكن هناك أي مؤسسات أصلاحية-لو أفترضنا الجرم في حد ذاته- ببساطة الآن هناك دول أسلامية وعربية (أكثر من العباسيين الأفارقة) تكتفي بنشر صورة من تضبطه يعاكس في الطريق ،ألا يكفي فضيحة مثل هذه له ولأسمه؟؟ كان بأمكانهم سن 20 او 100 جلدة وهم أهل الأسلام ،،،

برأيئ أن ليست الموضوع قانون أو شريعة دي حيوانية ومرض نفسي لبعض الأشخاص الموتورين المعقدين من يقوم منهم بها أو يحكم بها أو يدافع عنها ويتلذذ بتنفيذها

والله أعلم

الاخت ميادة تحية وسلام

Quote: [رأي انا هين كدي الاول نفهم نحن الحاصل للاخر لان الشايفنه كله ما عاجبني سواء من النظام العام او من الطرف الاخر (الاخت لبنى ....ومن استغل قضيتها لشئ ما في نفس يعقوب) B]

من هو الاخر المقصود ؟
ومن هو الذي استغل قضية لبني لشيئ فى نفسه؟
ولو ان الوقوف فى وجه قانون تقديري متخلف كهذا يعتبر استغلالاً يبدو ان الكثيرين منا هم يعقوبك المقصود ..

Quote: [تقول لبنى أحمد حسين: 'قضيتي هي قضية البنات العشر اللواتي جُلدن في ذات اليوم، وقضية عشرات بل مئات بل آلاف الفتيات اللواتى يُجلدن يومياً وشهرياً وسنوياً في محاكم النظام العام بسبب الملابس، ثم يخرجن مطأطئات الرأس لأن المجتمع لا يصدّق ولن يصدّق أن هذه البنت جُلدت في مجرد ملابس. والنتيجة الحكم بالإعدام الاجتماعي لأسرة الفتاة، وصدمة السكري أو الضغط أو السكتة القلبية لوالدها وأمها، والحالة النفسية التي يمكن أن تُصاب بها الفتاة، ووصمة العار التي ستلحقها طوال عمرها'. B]

رأيك في الذى قالته لبني اعلاه؟
و حتي لو افترضنا جدلا ان الاستاذة لبني استغلت حصانتها وهذه القضية فى التشهير بالمؤتمر الوطني الحاكم , وهل يعني ذلك انها ليست على حق او ان هذا القانون ممتاز ويستحق منا الاذعان والرضوخ ؟
ومازال السؤال قائما ماهو موقفك انت ؟

والله يا ميادة كتبت ليك رد طوييييييييل
لكن فجأة كدا لقيت الكمبيوتر
قفل لي كل الويندوز الفتحتها
ليك على أرجع ليك بالرد بس ما اليوم
عشان مشغولة بالتضامن مع لبنى اليوم
بدار الإتحادي الديمقراطي بالخرطوم

Quote: ولبني اتعملت كبطلة قومية

ميادة بعد السلام

حقيقي لبنى بطلة ، لانها استطاعت دون الاخريات الوقوف على حقها،اما انتقادك حول وقوف الناس معها دون الاخريات ، الاخريات يا ميادة رضين بالحكم وانجلدن وذهبن ، ولانهن ضعيفات في الدفاع عن انفسهن ولانهن فضلن الجلد على اشانة السمعة

لبنى بطلة حقيقية


الي الذين يتساؤلون عن راي ميادة في قضية لبنى


راى ميادة واضح من اول بوست (بوست دينق قوج)

Quote: صباحكم جميعاً معليش عندي رد حارقني للأخ صبري الشريف اعذرونا أخي صبري مين قال أن كلام الوالي صحيح لتأتي به على أنه دليل؟؟!!

الاخت بت قضيم



تحياتي الطيبه




الوالي هو غير صحيح ولا المجرم البشير صحيح


بس هنا انا عندما ذكر ان الحكم علي لبي حكم مستمد من الشريعة وهي قوانين لا تحترم انسانيتنا لان الحكم الوض العلماني ما فيه جلد لقد اتي والي النظام المعتوه مؤكدا ذلك القول في ان التشريعات هي تشريعات مستمده من الشريعه


وهذا الشريعة تذل اهل بلدي وتصادر الحريات وتستغل لارهاب العباد وتخريب البلاد




لا فكاك الا بذهابه السلطة الخربه


وانا واقف اذكر بان حكم الدولة الدينية هو اس البلاء

ميادة .

أنت لسه بتحاولي أخفاء كوزنتك؟

كان الله في عونك يا إنتي


الحقونا بي شوال ليمون يا أخوانا

ميادة سلامات

مجرد راى

كل السودانيين العاملين فى المنظمات الدولية او السفارات الاجنبية يتم تعينهم تعيين داخلى ( لوكل استاف) يعنى

ولا اظن انهم يتمتعون بحماية او حصانة من اى نوع ....

لا كرامة لنصّ يهدر كرامة الإنسان،

Quote: ما يجري هنا في سودانيز اونلاين حول (قضية لبني) الموضوع اتسغل كموضوع شخصي .... ولبني اتعملت كبطلة قومية...... بل قليل جدا من يذكر الاخريات اللي تم جلدهن..... ايهم اشد إيلام ... اللي نفذ فيهن العقوبة... ولا اللي لسع حتنجلد من ناحية وقوع الضرر

سلام

كثير من اعضاء هذا المنبر منهم من لم يقرأ أو يسمع عن لبنى.. لكن لأن الموضوع يمس الشرف والأخلاق.. فلا أحد يرتضي اشانة السمعة..ان الموضوع لم يستغل (كشخصي) هذا اذا عجزت عن التعبير..
لبنى أصبحت رمز في مواجهة قانون الإذلال والتعسف الذي شرعه الباغي المتخلف ليس الا..
واذا كنت تعتقدين أن الإيذاء البدني أكثر ضررا من السمعة والشرف فتلك مصيبتك.. لأن العقوبة شئ بسيط لكن ما أثار القضية وهو ما ذكرته لبنى.. السمعة..الأخلاق.. الشرف.. التي يخلفها هذا القانون الردئ ببنات الناس..
وأتعجب أكثر لمثل لموقف كان من المفترض أن يكون في صف الحق الأبلج وليس موقفامخزيا يؤكد ضحالة التفكير وعمى البصيرة..


عبدالعزيز

الاخ عبد العزيز عيسي
لقد صدقت



وان اعداء الانسان من الجبهة الاسلامية دي مواقف الرجال والنساء منهم منهن


الله يكفينا شر شفوت الدين

الاخوة جميعا..
تحياتي وتقديري..

Quote: ربنا يكون في عونك يا اختي .. فتحتي ليك باب ربنا يخارجك منو

.
الاخت ميادة مسكينة الجماعة اول ما جاءت من ماليزيا نفخوها ووضعوها في مكانة عالية جدا جداً وهي صدقت القصة والان تدخل في هذا الموقف والجماعة هربوا منها وخلوها براها..
وزي ما ورطوها المفروض يجوا ويفكوها من دي حالة..
الله يكون في عونك حقيقة..
وتوقعت بعد مجيئك من ماليزيا ان تتحسن لغتك لكن للأسف..
وعدم القراءة والاطلاع أيضا مشكلة كبيرة جدا لان مشكلة لبنى أصبحت حدث عالمي تناولته كل اجهزة الاعلام العالمي ولا يحتاج منك لكتير كلام لكن فضحتي نفسك بنفسك..
يا جماعة ارحموها..خلاص ..

"تقول لبنى أحمد حسين: 'قضيتي هي قضية البنات العشر اللواتي جُلدن في ذات اليوم، وقضية عشرات بل مئات بل آلاف الفتيات اللواتى يُجلدن يومياً وشهرياً وسنوياً في محاكم النظام العام بسبب الملابس"

يا ميادة كيفنك
لو كان هناك اي امرأة من بلادي في نفس موقف لبنى
بالنسبة لي انا شخصيا كان حا يكون نفس موقفي
الرفض التام لهذا العبث

بالبلدي كدة
تخيلي في زول في الحلة مكجنك لله كدة
والزول دة شغال في شرطة النظام العام
وخلاك لمن مشيتي ليك مناسبة وجاء ناطي ليك في
نص المناسبة وقاليك لبسك دة فيهو اخلال بالنظام العام
موقفك حا يكون شنو

زي ما قال ليك عصام جبر الله انت رأيك شنو في القضية
حتى من غير لبنى يا ستي

Quote: كمساعدة للناطق الرسمي باسم بعثة اليونمس

Quote: يسمى هذا القانون "قانون الحصانات والامتيازات لسنة 1956."

Quote: (ج ) كل أو بعض الحصانات والامتيازات المبينة في القسم الثالث من الجدول الملحق بهذا القانون لأية طبقات أخرى من موظفي ومستخدمي أية بعثة دبلوماسية أو أي هيئة دولية على أنه لا يجوز منح تلك الحصانات والامتيازات إذا كان الموظف أو المستخدم سوداني الجنسية أو شخصاً مستوطناً بالسودان.

Quote: القسم الثالث حصانات وامتيازات بقية موظفي ومستخدمي البعثات الدبلوماسية الأجنبية والهيئات الدولية 1- عدم الخضوع للقضاء المدني والجنائي بالنسبة إلى ارتكاب عمل أو بالامتناع عن أداء عمل أثناء القيام بواجباته الرسمية. 2- الإعفاء من الضرائب والرسوم الجمركية.

بعكس أغلبية المتداخلين في البوست, لا اطالبك بتوضيح رأيك

كل ما أطلبه
ياريت كل ما تفكري تكتبي بوست (أي بوست)

أعملي حاجة بسيطة

DO SOME RESEARCH

!

فوق لحين انتهاء زوغان صاحبة البوست

Quote: برأيئ أن ليست الموضوع قانون أو شريعة دي حيوانية ومرض نفسي لبعض الأشخاص الموتورين المعقدين من يقوم منهم بها أو يحكم بها أو يدافع عنها ويتلذذ بتنفيذها

Quote: تقول لبنى أحمد حسين: 'قضيتي هي قضية البنات العشر اللواتي جُلدن في ذات اليوم، وقضية عشرات بل مئات بل آلاف الفتيات اللواتى يُجلدن يومياً وشهرياً وسنوياً في محاكم النظام العام بسبب الملابس

قضية لبني تعكس مدى إنحطاط الفقة الإسلامي
و ضرورة مراجعته

ما اتعسك يا لبنى ونزفك دماؤه تسيل في حضرة من سولت لها
نفسها بفرد مثل هذا الخيط المهترئ الوجدان.





ظننت- وما اتعسها ظنوني- ان لبنى هي كل نساء بلادي.

الاخت ميادة وزوارها
رغم اني فتحت بوست خاص لهذه التساؤلات لكن قلت برضو اشوف رايكم خاصة وانو الموضوع اتقفل في كثير من المجالس .. وخاصة اكتر اني كنت بديت الموضوع هنا بانو القضية خلل في الشخصية السودانية وهذه الاسئلة لمعرفة مواطن الخلل .. وخاصة اكتر اكتر انو البوستات بتاعتي ما عندها زباين

Quote: فتح التحقيق في قضية لبنى منذ بداية الموضوع ورغم كثرة البوستات التي فتحت عنه لكن انا ما قريت الا واحد عشان اعرف الموضوع شنو .. ورغم اني عرفت القضية لكن ما عرفت ملابساتها ووقائعها .. وعشان احكم بالحق .. عندي اسئلة لي لبنى ولي ناس النظام العام 1. اين كان الحفل ? (بيت|صالة افراح او نادي صيوان في الشارع وين بالظبط? 2. الشرطة دي اتصرفت كيف لما دخلت ا لموقع? يعني القوة التي دخلت المكان كم كان عدد افرادها? وهل اطلقت عيارات نارية في الهواء عشان المغني يصمت ? وللا اتجهت الى صاحب الحفل وابلغته بتجاوز الزمن الرسمي (لاستعمال الساوند سيستم وليس لنهاية الحفل نفسو) يعني القانون بيسمح باستمرار الحفل ولكن بدون مكبرات صوت عشان الجيران وكدة طيب .. كيف كان رد فعل صاحب الحفل .. هل تقبل الامر ام انه حاول مقاومة الشرطة ومنعها من اداء مهمتها ? اها نجي لي حكاية البنات العريانات والبشربو في الشيشة .. ديل ايه الدخلهم في الموضوع ? الاجراء المتبع انو في هذه الحالات انو رجل القانون مشكلتو لا مع صاحب الحفل ولا مع المدعويين .. ولو في تهم وغرامات وعقوبات فالمسئول عنها هو صاحب السيستم لانو عارف حدود القانون هنا.. يبقى ايه اللي خلى الشرطة تحول القضية الى ملابس فاضحة .. علما بانو لبنى او غير لبنى يمشون في الطرقات في وضح النهار وما في شرطة وقفتهن الا صاحب غرض سواء مواطن يريد الهداية او شرطي يهدف الى الابتزاز اذا في النهاية فان هناك واحد من سببين خلى الموضوع يتصعد .. اما ان تكون الشرطة قد استفزت المدعويين وصاحب الحفل .. او العكس دة السؤال الوحيد المحيرني منذ بداية المشكلة : ماذا حدث بالضبط ? اريد الاسباب وليس النتائج .. عشان الواحد يصل لي نتيجة

اعادة فتح التحقيق في قضية لبنى

كيف أحوالك يا ميادة

في تقديري أن الغرض الأساسي من هذا البوست هو تمرير معلومة "حصانة لبنى"، بغرض نزع ثياب البطولة من فعل الأستاذة لبنى، وحيث أن
أن موضوع الحصانة التي تمنح وفق قوانين وشوروط محددة ليس فيها ما ينطبق على الأستاذة لبنى أو أي من المواطنين السودانيين العاملين لدى البعثات والمنظمات الأجنبية والدولية التي يمنح منسوبيها "الحصانة"...
يعني يا ميادة موضوع بوستك اتنسف تماماً، لأنه أصلا قايم على معلومة غير صحيحة....
وبكدة بترجع لبنى بطلة شاء من شاء وأبى من أبى....

ميادة سلامات وكيفك؟ وعدتك بالحضور لمواصلة الحوار
أتمنى عودتك إنتي أيضاً للرد على جميع المتداخلين

Quote: اليكي نموذج واحد ... ما يجري هنا في سودانيز اونلاين حول (قضية لبني) الموضوع اتسغل كموضوع شخصي .... ولبني اتعملت كبطلة قومية...... بل قليل جدا من يذكر الاخريات اللي تم جلدهن..... ايهم اشد إيلام ... اللي نفذ فيهن العقوبة... ولا اللي لسع حتنجلد من ناحية وقوع الضرر

والله يا ميادة لبنى بطلة قومية بحقها طبعاً لأنها رفضت مبدأ الجلد
ولم ترفض المحاكمة ودا موقف كبير ما موقف صغير
والبنات البتقولي عليهم إتجلدوا
وإنو جلدهم أشد إيلام (حسب ما فهمت من كلامك)
هو أشد إيلام عشان هن سكتن عليهو يعني إتجلدن من سكات
ولبنى رفضت الجلد والسكات وقالت الجلد يهين كرامة الإنسان
وهي تريد الذهاب للمحكمة للنظر في قضيتها
وإتهامها بالأفعال الفاضحة دا مش من حقها؟؟؟
وبعدين يفتحوا ليها بلاغ إسمو أفعال فاضحة
وهي تكون ما عملت أفعال فاضحة وتتسجل بإسمها وتجي ترفض كدا
وأعلنت ذلك للناس جميعاً مش دي بطولة منها وموقف؟؟؟
ولا البطولة دي معاييرها إختلفت؟؟؟
هي بحثت عن الحق في زمن سكت فيه غيرها

Quote: والموضوع ايضا استغل من المناهضين للحكومة ضد الحكومة ومناصرينها بل وتعددت للنيل من الشريعة الاسلامية نفسها .... مثال دعوات الاخ صبري الشريف يعني ابسط شئ الناس اللي بتقول انو موضوع شخصي وليه النظام العام يسال اي واحدة انتي لابسة كدا ليه وووو.....

يا ميادة أي زول الموضوع دا ممكن يستغلوا ليه لا؟؟؟
أي زول الموضوع دا بالنسبة ليهو يحقق أغراض في النقد البناء
لأي من القوانين ليه ما يستغلو؟؟؟
من حق الناس ان تنتقد وفق ما يكون أمامها من أدلة

Quote: اوكي انا مع الراي اللي بقول بانو اللبس شئ شخصي مافي زول يسال فيه (بضم الياء) يعني حرية شخصية..... طيب الحرية دي ما مفتوحة.... في الغرب .. حرية الفرد تتوقف عند حرية الاخرين.... ولا نحن حصلنا المرحلة المتقدمة دي من الحرية الشخصية لانو قبل كل شئ الحرية مسئولية ....... انا قبل ما اطالب المجتمع بتاعي بالحرية دي ..... انا في نفسي عملت شنو .... وقدمت ليه شنو.... وفوق هذا وذاك لسع قدامنا وقت طوييييييييييل عشان نحصل المرحلة المتقدمة دي.......

الحرية الشخصية تقف عند حد حرية الآخرين نتفق في ذلك
ولكن هل تعدت لبنى على حرية الآخرين ؟؟؟
أم تعدى القانون عليها بوصمها بالمادة
بتاعت الأفعال الفاضحة في قانون النظام العام؟؟؟

الموضو يا ميادة موضوع كرامة إنسان وحريته
وليس له علاقة من قريب او بعيد بالأفعال الفاضحة

Quote: ميادة سلامات وكيفك؟ وعدتك بالحضور لمواصلة الحوار أتمنى عودتك إنتي أيضاً للرد على جميع المتداخلين

العزيزة انعام
اقدر واحترم لكي نقاشك المحترم
واعتذر عن التاخير في الرد .... لاني كنت مشغولة بامتحانات واعداد اوراق عمل وووووو......
واوعدك برد على اي زول بقدره

Quote: العزيزة انعام اقدر واحترم لكي نقاشك المحترم واعتذر عن التاخير في الرد .... لاني كنت مشغولة بامتحانات واعداد اوراق عمل وووووو...... واوعدك برد على اي زول بقدره

مرحبا يا ميادة وأتمنى تكوني إتوفقتي
في إمتحاناتك وفي إنتظار عودتك

Quote: فوق لحين انتهاء زوغان صاحبة البوست

إتلهي بالله
قايلنا ما عندنا شغلة غير سودانيز اونلاين ولا شنو
اتمنى انك تعمل ليك شغلة..... بدل مباراة الناس في البوستات
وقع ليك

مين قال ليك انو موظفين اليونميس عندهم حصانه?

Quote: إتلهي بالله قايلنا ما عندنا شغلة غير سودانيز اونلاين ولا شنو اتمنى انك تعمل ليك شغلة.....

أعصابك يا منقا,,

Quote: بدل مباراة الناس في البوستات

قالو البباري الجداد بوديهو الكوشة

Quote: وقع ليك

لا لسه

عجبك ؟؟؟؟؟

بت رجال ولدوك وللقبيلة هدوك انت عز وفخار

لبني بطلة قومية مية المية ...

قرأت الخبر في احدي الجرائد السويسرية معروفة بجريدة (الفضائح والجرائم) BLICK ياعصام جبرالله

بتاريخ 23 يوليو 09 ..ماقدرت انزل الصورة لكبر الحجم ممكن واحد يرسل لي اي ميل ارسلة

صفحة كاملة بصورة البطلة لبني بكامل قامتها وفي منتصفها كتب عليها 40

جلده لانها ارتدت الجينز ...

ونحن في القرن العشرين ياناس تجلدوا النساء!!!!!

Quote: ت رجال ولدوك وللقبيلة هدوك انت عز وفخار لبني بطلة قومية مية المية ...

أستاذة ميادة سلام الله عليك

Quote: ما هو موقف الصحافية لبني (تجاه القضية)مع الحصانة التي تمتلكها بحكم عملها مع بعثة اليونمس

بي صراحة ما فهمت كلامك ده قاصدة منو شنو
ولو كان تساؤلك بخصوص تمتع السيدة لبنى بحصانة دبلوماسية من المحاكمة فده شيء معرف بالمادة 38 من معاهدة فينا للعلاقات الدبلوماسية وبرتكولاتها الأضافية
لعام 1961 والتي حددت المزايا التي يتمتع بها العاملين المحليين بالبعثات الدبلوماسية:


Article 38

1. Except insofar as additional privileges and immunities may be granted by
the receiving State, a diplomatic agent who is a national of or permanently
resident in that State shall enjoy only immunity from jurisdiction, and
inviolability, in respect of official acts performed in the exercise of his
functions.

2. Other members of the staff of the mission and private servants who are
nationals of or permanently resident in the receiving State shall enjoy
privileges and immunities only to the extent admitted by the receiving
State. However, the receiving State must exercise its jurisdiction over
those persons in such a manner as not to interfere unduly with the
performance of the functions of the mission.


وهي المعاهدة التي أعطت الدولتان (القادمة والمضيفة) حقوق وواجبات... كما أعطتهما حق وضع شروط إستثنائية تحدداهما فيما
بينهما حسب ظروف التمثيل الدبلوماسي ومعطيات المهمة المحددة لتسيير هذة العلاقة

والعلاقة هنا بين حكومة السودان وبعثة اليونمس... وهي علاقة إستثنائية تحكمها هذة الإتفاقية ويضاف إليها البرتكولات الخاصة والموقعة بين الطرفين
والسيدة لبنى مدركة لحقوقها... وقد أعلنت بأنها مستعدة حتى للتقاعد عن وظيفتها إن حالة هذة الوظيفة عن محاكمتها أمام القضاء السوداني
لحساسية وضعها الوظيفي... وهي تدري بأن مخدمها لن يسكت ولن يقعد ساكنا وهو يراها تتعرض للإهانة لأنها تلبس ملابس يراها لائقة لأداء وظيفتها بمهنية...
والحديث هنا عن مساعدة للناطق الرسمي باسم بعثة اليونمس... وهو منصب حساس يتطلب مهنية حتى في إختيار الملبس لمن هم في مواجهة الإعلام

وتجديني أثمن رغبة السيدة لبنى في مواجهة القضاء والدفاع عن حقها الشرعي لإبراء زمتها في قضية تمس سمعتها وسمعة أهلها حتى لو أدى ذلك إلى أن تتخلى عن وظيفتها

أتمنى لها كل التوفيق... كما أتمنى أن تحزف هذة القوانين المسيئة لسمعة البلد... وأن يتم التفريق وبكل صراحة بين الصالح والطالح منها...
فنحن شعب بطبعه يرفض الإبتزال ولكننا وبكل قوة نرفض التبشيع بكرامة الفرد والأهانة

وأطلب منك راجيا أن تتعاملي مع الأمور بكل شفافية ودونما عواطف عقائدية... لأنك باحثة أكاديمية في العلوم الإنسانية والعلاقات بين الشعوب


أرجو منك تجرد العلماء وإجتهاد طلاب العلم... ودمتي

Quote: الاخ عبد العزيز عيسي لقد صدقت وان اعداء الانسان من الجبهة الاسلامية دي مواقف الرجال والنساء منهم منهن الله يكفينا شر شفوت الدين

الأخ صبري الشريف

سلام

التمرغ في الوحل صار كالرقص في ساحة مولد..

إنه لزمان العهر فينا..
وأنه العهر أن تفتل قيودنا من لحي التيوس..


تحياتي

عبدالعزيز

لت وعجن و.....

أخطاء إملائية تصيب الانسان بالغثيان

ثم هروب من الاجابة على الاسئلة المباشرة


وأخيراً زوووووووووغاااااااااااان مكندش

موقف مياده



يتسق مع موقفها الداعم لحكومة اغتالت اهالي دارفور والجنوب والشرق والشمال


وهي تحمل قلمها للدفاع عن هذه العصابة لذا ان تقف مشككه في ان لبني حصانتها قد تمنعها او لا تمنعها


هو راي يمثل وجهة نظر اهل الهوس

وهي ك امراة كان من الاجدر والافضل ان تنحاز الي نوعها دفاعا عن الذل الذي


اصاب النساء في قوانين القهر والسوء

وهذا ربما عربون مدفوع الاجر لمياده

والباقيات الصالحات افضل

الخزي والعار لمؤيدي الجبهة الاسلامية
والخزي يلحق هذه الحيكومة التي لا اخلاق لها

تجلد النساء
ومن قبل اغتصبت النساء وتتحرش بهن
وتقتل في الاخريات في جنوب البلاد سابقا وفي دارفور الجريحه


انها فعلا قيادات اقزام



ومياده تؤيد هؤلاء الاقزام



لكن ارادة شعبنا سوف تهزم هذه الاصوات المبحوحه

***

شكرا اخت انعام على رفع البوست
فتشت عليه وما لقيته قايلاه حصل الخور

العزيزة ميادة

وين الحي بيك... شكلك مشكلة غياب؟


أرجو إنك تكوني متابعة المحاكمة... وعرفتي إنها إتأجلت مرة تانية لشهر
علشان المتهمة قالت للقاضي إنها متنازلة عن حصانتها وإنها إستقالت من عملها
حتي تتحاكم بصفتها الشخصية كمواطنة سودانية عادية
***دي قالت للقاضي إنها بتحترم الأتفاقية بين السودان والأمم المتحدة وما عاوزة تسبب أزمة بسببها

مكتب الأمم المتحدة في الخرطوم طلب رأي الـ HQ في نيويورك
والقاضي طلب من وزارة الخارجية التأكد من إستقالة المتهمة من عملها من الـ UN
وإنها سلمت بطاقتها الدبلوماسية وإنها فعلا تنازلت من وظيفتها...


عرفتي ليه أنا بحترم هذة السيدة العظيمة؟


راجعي مقابلة الـ BBC Arabic مع السيدة لبنى

****

والان وبعد ان صدر الحكم على الصحافية لبني بالغرامة او السجن
بالنسبة للصحافية : من المحتمل ان يتم اصدار عفو عنها ....... هل ياتري سترفض هذا العفو هذه المرة .........
هل ممكن ان تستانف الحكم الصادر ضدها ,,,, وما هو نتائج استئنافه.......

بالنسبة للمعارضين واللي وقعت ليهم قضية لبنى في جرح
تاني ضغطهم دا يبلوا ويشربوا مويته
ولا اعتقد ليدهم الكثير بعد اليوم...... ليقدموه

المادة الحوكمت بيه الصحافية لبنى ........ لو دايرين تغيروه ناقشوه باحترام ...... اعقدوا ليه ورش واوراق عمل وندوات
ولتتعظوا من الواقعة الاخيرة.................

Quote: والان وبعد ان صدر الحكم على الصحافية لبني بالغرامة او السجن بالنسبة للصحافية : من المحتمل ان يتم اصدار عفو عنها ....... هل ياتري سترفض هذا العفو هذه المرة ......... هل ممكن ان تستانف الحكم الصادر ضدها ,,,, وما هو نتائج استئنافه....... بالنسبة للمعارضين واللي وقعت ليهم قضية لبنى في جرح تاني ضغطهم دا يبلوا ويشربوا مويته ولا اعتقد ليدهم الكثير بعد اليوم...... ليقدموه المادة الحوكمت بيه الصحافية لبنى ........ لو دايرين تغيروه ناقشوه باحترام ...... اعقدوا ليه ورش واوراق عمل وندوات ولتتعظوا من الواقعة الاخيرة.................

ميادة
تحية واحترام

اطلعت علي كلامك اعلاه ، فلم افهم موقفك من هذه المادة التي يستنكر من تسميهم المعارضين

اتفاذها في حق النساء .

حسب فهمي ان هذه المادة تتعارض مع الدستور الانتقالي لانها تجرم افعال غير معرفة، باعتبار ان

السودانين شعب متعدد الاديان والثقافات والاخلاق والقيم ، وهذه المادة وضعت ابان التوجه الاصولي

للاسلامين عندما كانوا يستطيعون فرض رؤيتهم الاحادية للقانون.

هذا القانون اصبح الان غير دستوري واعادة النظر في هذه المواد يعتبر امر مشروع ولا يحق للسلطة

ممثلة في اغلبية المؤتمر الوطني ان تمتنع عن الغاء هذه المواد ولا يحق لها في نفس الوقت تنفيذ

قانون غير دستوري هذا استهتار بابسط الحقوق الدستورية للمواطنين.

حتي وان كنتي تظنين ان هذه المادة تتناسب وافكارك ، لماذا لاتفكري في ان فرضها علي العامة ينتهك

حقوقهم ، لاننا يجب ان نعير انتباها ايضا للانتهاكات التي تقع بحق الغير .

اتمني ان اسمع رايك في الامر.

الأفعال الفاضحة والمخلة بالآداب العامة.
152- (1) من ياتي فى مكان عام فعلا او سلوكا فاضحا او مخلا بالآداب العامة او يتزيا بزي فاضح او مخل بالآداب العامة يسبب مضايقة للشعور العام يعاقب بالجلد بما لا يجاوز اربعين جلدة او بالغرامة او بالعقوبتين معاً .

(2) يعد الفعل مخلا بالآداب العامة اذا كان ذلك فى معيار الدين الذي يعتنقه الفاعل او عرف البلد الذي يقع فيه الفعل .


هذه المادة تمثل انتهاكا صارخا للدستور

انها تعطي الشرطة صكا مفتوحا لاعتقال اي امراة يري الشرطي حسب فهمه الخاص ان زيها مخلا بلاداب

العامة وانه يسبب مضايقة للشعور العام.

فرجل الشرطة يملك سلطة تحديد الشعور العام والاداب العامة ، فيقوم بتنفيذ القبض وليس الاستدعاء

و القبض يعني عدم اطلاق سراح الشخص الا بالضمانة ، وبعد ذلك يتم عرض الشخص علي القاضي الذي يحدد

حسب فهمه الخاص ما هو السلوك او الزي الذي يضايق الشعور العام.

الأفعال الفاضحة والمخلة بالآداب العامة.
152- (1) من ياتي فى مكان عام فعلا او سلوكا فاضحا او مخلا بالآداب العامة او يتزيا بزي فاضح او مخل بالآداب العامة يسبب مضايقة للشعور العام يعاقب بالجلد بما لا يجاوز اربعين جلدة او بالغرامة او بالعقوبتين معاً .

(2) يعد الفعل مخلا بالآداب العامة اذا كان ذلك فى معيار الدين الذي يعتنقه الفاعل او عرف البلد الذي يقع فيه الفعل .


هذه المادة تمثل انتهاكا صارخا للدستور





نعم اخي علي عجب اوافقك الراي


وعلينا ان نهزم سلطة الطاغوت ومناصريها \تها