Post: #1
Title: هلاليخاب ..... قديتونا ... يوجد تمبس و الصائم و خليل
Author: esam gabralla
Date: 07-18-2009, 03:02 PM
عقبال تصب مطرة تلغى الماتش و تبوظ الاستادات كلها لمدة ستة سنة ما يندق كفر
كورة مرض ... ادارات وهمية ... مشجعين بيض.... اتحادات جربانة ... لعيبة مصوفنين... فالحين للجعير و النبز و الكواريك ... رشاشات على قرعاب ....
و ان جئتم لن نعود
|
Post: #2
Title: Re: هلاليخاب ..... قديتونا ... يوجد تمبس و الصائم و خليل
Author: محمد عبد الماجد الصايم
Date: 07-18-2009, 03:09 PM
Parent: #1
الحالة يا عمكـ أنا لسع لابد!
غايتو كان فزنا .. نصيحة أخوية يا عمكـ
أخد ليكـ لفة فيسبوكية يومين بعدين تعال!
|
Post: #3
Title: Re: هلاليخاب ..... قديتونا ... يوجد تمبس و الصائم و خليل
Author: محمد عبد الماجد الصايم
Date: 07-18-2009, 03:15 PM
Parent: #2
| Quote: عقبال تصب مطرة تلغى الماتش و تبوظ الاستادات كلها لمدة ستة سنة ما يندق كفر |
بعدين يا عمكـ
ما قادرين تدقوها سياسة .. خلينا ندفر كورتنا ياخ!
|
Post: #4
Title: Re: هلاليخاب ..... قديتونا ... يوجد تمبس و الصائم و خليل
Author: esam gabralla
Date: 07-18-2009, 03:20 PM
Parent: #3
ياخ قول فزتو ... او فازو هم
او فازو الاتنين .... شنو حيتغير ...... مرررررض
ده كلو كوم و محمد عادل كوم ..... ديل المشجعين الجد جد , مش البحنكشوها و يصلحوها شوية زيكم كده ...
زماااااااان كنت هلالابي قاطع .... آخر عهد بالتشجيع الجد اجيال ناس النقر و تنقا .... كان في نص الهيصة في كورة
و من دربي ده على الفيسبوك
بلا كيكي بلا الفاروق
|
Post: #5
Title: Re: هلاليخاب ..... قديتونا ... يوجد تمبس و الصائم و خليل
Author: esam gabralla
Date: 07-18-2009, 03:23 PM
Parent: #4
Quote: بعدين يا عمكـ
ما قادرين تدقوها سياسة .. خلينا ندفر كورتنا ياخ! |
انت قايل في فرق ..... كلو دافورى
قررت ابقي بتاع فلسفة بعد ده ..... ماشي لى اصحابي مازن مصطفي و محسن خالد يعلمونى ليها ..... و اجى أقدكم
|
Post: #6
Title: Re: هلاليخاب ..... قديتونا ... يوجد تمبس و الصائم و خليل
Author: khaleel
Date: 07-18-2009, 03:23 PM
Parent: #4
جبر الله
ياخي عندك كرت
art
وللا اديني عنوانك ارسل ليك الكرت
كحل عيونك
وبديل الكورة يا عصام الويسكي
وبطننا بقت ما بتقدر عليهو
|
Post: #7
Title: Re: هلاليخاب ..... قديتونا ... يوجد تمبس و الصائم و خليل
Author: esam gabralla
Date: 07-18-2009, 03:27 PM
Parent: #6
تلفزيون في رقبتو ما عندى
وبطننا بقت ما بتقدر عليهو
بطنك و لا جيبك يا خلى
ارسل ليك كرتونة جونى المشاى ? و نضيف وارد لاهور للصايم
|
Post: #8
Title: Re: هلاليخاب ..... قديتونا ... يوجد تمبس و الصائم و خليل
Author: humida
Date: 07-18-2009, 03:30 PM
Parent: #6
!!
الماتش ..
اللخو من مواليد الزقازيق .. و لا ساعي ليك جكساية في المنبر دا ..
..
..
|
Post: #11
Title: Re: هلاليخاب ..... قديتونا ... يوجد تمبس و الصائم و خليل
Author: esam gabralla
Date: 07-18-2009, 03:33 PM
Parent: #8
مرحب حميدة
لا هذا و لا ذاك
نورنا ناس امدرمان بيقولوها كيف
اخوك بعيد عنك من عرب الجزيرة
|
Post: #9
Title: Re: هلاليخاب ..... قديتونا ... يوجد تمبس و الصائم و خليل
Author: Amjed
Date: 07-18-2009, 03:31 PM
Parent: #6
على قولك يا عصام
كلو رجس من عمل الشيطان فاجتنبوه
انتو بالمناسبة و على سيرة مازن ابو البنات دا
الزول دا مش كان عندو باسويرد هنا
طشا وين
|
Post: #12
Title: Re: هلاليخاب ..... قديتونا ... يوجد تمبس و الصائم و خليل
Author: esam gabralla
Date: 07-18-2009, 03:36 PM
Parent: #9
امجد
نحن مع فصل الكفر عن "الماتش" .... كفر دى شكلها على كيفك
مازن حالف ما يتنفس الا يجيبو ال....ين
|
Post: #10
Title: Re: هلاليخاب ..... قديتونا ... يوجد تمبس و الصائم و خليل
Author: تيسير عووضة
Date: 07-18-2009, 03:32 PM
Parent: #3
ياهذا
كأني بك ذلك الحكم الشهير شعيرية "جمال حسن سعيد" والذي يفك البيرق عقب كل مباراة
تتبعه لعنات المشجعين وفردات أحذيتهم وربما حجارتهم حتى وإن كانت النتيجة درون زاتو ..
التوقيع:
مواطنة سودانية تشجع من مانشستر يونايتد وريال مدريد وإنت طالع
وخسوساً لما يكون اللاعب كاكا
تقول لي سيدا؟
|
Post: #13
Title: Re: هلاليخاب ..... قديتونا ... يوجد تمبس و الصائم و خليل
Author: محمد عبد الماجد الصايم
Date: 07-18-2009, 03:41 PM
Parent: #10
يا عمكـ
بطني غريقة .. رسل أي نوع بنضربو!
|
Post: #15
Title: Re: هلاليخاب ..... قديتونا ... يوجد تمبس و الصائم و خليل
Author: esam gabralla
Date: 07-18-2009, 03:44 PM
Parent: #13
نوعكم ده الا يشتتو ليهو الصفق
عالم دنية بشكل ..... خليل بيكون بينكرش بي هناك
|
Post: #14
Title: Re: هلاليخاب ..... قديتونا ... يوجد تمبس و الصائم و خليل
Author: esam gabralla
Date: 07-18-2009, 03:42 PM
Parent: #10
تيسير
شعيرية شنو ...... شوفي ده
http://www.youtube.com/watch?v=Fn44dXm77xA&feature=related
| Quote: تشجع من مانشستر يونايتد وريال مدريد وإنت طالع |
عميلة للاجانب و الصليبية الدولية
| Quote: وخسوساً لما يكون اللاعب كاكا |
اهاااا دى بقا ما كورة .... ده تكسر ساكت ... تحت تحت الود بيكسر
|
Post: #16
Title: Re: هلاليخاب ..... قديتونا ... يوجد تمبس و الصائم و خليل
Author: عبدالكريم الامين احمد
Date: 07-18-2009, 04:04 PM
Parent: #14
حسع خلينا يا عصام من حكاية الماتش القالو جاياهو مطرة ده (نحستونا زاااتو)
كدي ورينا كرتونة (جوني المشاي) دي حترسلها لينا متين وكيف وسريع بالله...؟؟؟
|
Post: #18
Title: Re: هلاليخاب ..... قديتونا ... يوجد تمبس و الصائم و خليل
Author: esam gabralla
Date: 07-18-2009, 04:19 PM
Parent: #16
انت الجاب سيرتك منو .... بقيتا طوالى لينا
لو خليل دخلك في الموضوع ده ياها جاياكم كدارى
يا رب مطره حدها العراضات نشوف تمبس بعمل شنو
|
Post: #17
Title: Re: هلاليخاب ..... قديتونا ... يوجد تمبس و الصائم و خليل
Author: سفيان بشير نابرى
Date: 07-18-2009, 04:13 PM
Parent: #14
Quote: كورة مرض ... ادارات وهمية ... مشجعين بيض.... اتحادات جربانة ... لعيبة مصوفنين... فالحين للجعير و النبز و الكواريك ... رشاشات على قرعاب ....
و ان جئتم لن نعود |
كاااااااااااااااااااك لووووول
هسي ده تحليل زول عندو صلعة ونظارة ياعمك ؟
كان ده حالك اختي فلسفة مازن ومحسن دي تب
ههههههههههههههههههههههههههههههههههههههههههه
بالمناسبة لاكز زي كده علي اللون وأنسي الباقي
ــــــــــــ
أنا من دربي ده يومين تلاته
زولة كشتينة في الجهاز
قال فيس بوك قال .
|
Post: #19
Title: Re: هلاليخاب ..... قديتونا ... يوجد تمبس و الصائم و خليل
Author: esam gabralla
Date: 07-18-2009, 04:25 PM
Parent: #17
سفيان حالتك بلدياتى و صعيداوى
اسه تحليلي و صلعتى ديل مش احسن من "دعوة الجماهير للخروج للشارع"
الاتنين اصحابي و بيشففونى ... ماسك ليهم ذلة كتيرة
كشتينة ما بتحلك ..... بيلحقوك في اى مكان المرض ديل ... الحل مطرة و لا طوفان يخم الاستادات بي الجمهور ... ويغشي معاهو بيوت الساسة و القادة و البرلمان و اتحاد الفنانين و نقابة المحامين و هكذا
|
Post: #20
Title: Re: هلاليخاب ..... قديتونا ... يوجد تمبس و الصائم و خليل
Author: محمد عبد الماجد الصايم
Date: 07-19-2009, 09:34 AM
Parent: #19
خلاس يا عمكـ
تعال راجع!
|
Post: #21
Title: Re: هلاليخاب ..... قديتونا ... يوجد تمبس و الصائم و خليل
Author: tmbis
Date: 07-19-2009, 10:04 AM
Parent: #20
| Quote: زماااااااان كنت هلالابي قاطع .... آخر عهد بالتشجيع الجد اجيال ناس النقر و تنقا .... كان في نص الهيصة في كورة |
.. يا بوي زمااااااان دي ما بتاعت النقر وتنقا بتاعين امس ديل .. والله صلعتك دي تكون حضرتك ناس ( جقدول ) ( ودريسة ) لما كان الشباب ديل بلعبو بي كدارات جلد ماعز ومسامير نقلتيه .. والفنايل مخططه ابيض بي اسود والحكم لازم يكون حالق جديد حتين يحكم الكورة ..
ياخ الله يرضى عليك امشي شجع ليك مصارعة تيران يا صراع ديووووك
والله حسع تلقاك ساعي ليك ( ديك ) وعامل ليهو قفص بتمشي تنافس بيهو في المكسيك سنويا 
ياخ إنت بدون فلسفه ما مريحنـا .. تتفلسف يعني نخلي ليك البورد ..؟
حركات المريخاب دي نحن عارفنها
|
Post: #23
Title: Re: هلاليخاب ..... قديتونا ... يوجد تمبس و الصائم و خليل
Author: محمد عبد الماجد الصايم
Date: 07-19-2009, 10:08 AM
Parent: #21
| Quote: .. يا بوي زمااااااان دي ما بتاعت النقر وتنقا بتاعين امس ديل .. والله صلعتك دي تكون حضرتك ناس ( جقدول ) ( ودريسة ) لما كان الشباب ديل بلعبو بي كدارات جلد ماعز ومسامير نقلتيه .. والفنايل مخططه ابيض بي اسود والحكم لازم يكون حالق جديد حتين يحكم الكورة .. |
غايتو تمبس دا يا كان نقلتي يا كان نقلتي!
|
Post: #27
Title: Re: هلاليخاب ..... قديتونا ... يوجد تمبس و الصائم و خليل
Author: tmbis
Date: 07-19-2009, 11:09 AM
Parent: #23
| Quote: غايتو تمبس دا يا كان نقلتي يا كان نقلتي! |
.. والله يا كاروشة زي ناس عصام ديل بيفتحو ليك مجالات واسعة للخيال ... الواحد كن بيحضر الكورة من زمن كانو بزيعوها بالمكرفون يجي قوليك انا من زمن تنقاوياسر ابورقـه
قوم لف يا عصام جبر الله ياخ .. نوعيتكم دي هي سبب ازمـة الكورة السودانية .. حسع عليك الله فرقك شنو من شداد .. داك عندو اسطايل في شعرو .. وإنت بدون اسطايل ..
|
Post: #22
Title: Re: هلاليخاب ..... قديتونا ... يوجد تمبس و الصائم و خليل
Author: سفيان بشير نابرى
Date: 07-19-2009, 10:05 AM
Parent: #20
Quote: سفيان حالتك بلدياتى و صعيداوى
|
هسي دي لو قراها آل بندر
بينعل خاشنا ويعمل 200
بوست ذاتو .
قالو ليك الشي دي
طلعت تعادل تعال
|
Post: #24
Title: Re: هلاليخاب ..... قديتونا ... يوجد تمبس و الصائم و خليل
Author: حاتم الياس
Date: 07-19-2009, 10:12 AM
Parent: #22
لا والله ياتمبس مابعيد قدر ده..بين (سنطه) و(صلاح بمبان) وقيل برضو كان أحتياطى سانتو المناقل... المهم قعد فى الأحتياطى زمن طويل وأستثمر فترة قعادوا دى فى التثقيف الذاتى...
هسع (باك حزبى) يمين
|
Post: #26
Title: Re: هلاليخاب ..... قديتونا ... يوجد تمبس و الصائم و خليل
Author: انور التكينة
Date: 07-19-2009, 10:30 AM
Parent: #24
Quote:
ياخ قول فزتو ... او فازو هم
او فازو الاتنين .... شنو حيتغير ...... مرررررض |
يمين بالله كلامك صاح ...
فعلا الكورة طلعت كده ..
بس المطرة ما شدت حيله شوية عشان تلغيها ..
كلو مغص فى مغص
|
Post: #29
Title: Re: هلاليخاب ..... قديتونا ... يوجد تمبس و الصائم و خليل
Author: tmbis
Date: 07-19-2009, 11:18 AM
Parent: #24
| Quote: لا والله ياتمبس مابعيد قدر ده..بين (سنطه) و(صلاح بمبان) وقيل برضو كان أحتياطى سانتو المناقل... المهم قعد فى الأحتياطى زمن طويل وأستثمر فترة قعادوا دى فى التثقيف الذاتى... |
.. ياخ لو عمل الحركة بتاعت التثقيف الذاتي دي يا حاتم حسع كان جبنا كاس القارات وكاس افريقيا .. وكاس اي حاجة ..
ياخ انا براهنك عديل كدا عصام دا كورة زاتو ما دقاهـا .. ناس عصام ديل ناس حرينا ساكت وزنق البصلة وام دلدوم جاي يفتي لينا في كورة اللاعب الواحد فيها امثال وارغووووو بي ملايين الدولارات ورمية تماس ما بيعرف ليها
ماف تثقيف ذاتي يا حاتم .. والله لو في تثقيف ذاتي .. اول حاجة يمسكو شداد دا يحلقو ليهو صلعة ويدخلوهو الديش .. ومزمل ابو القاسم بتاع كبد الحديدة داك .. يدفعوهو بدل اي حاجة ليها علاقة بي تدهور الكورة في القطر الشقيق السودان..
|
Post: #25
Title: Re: هلاليخاب ..... قديتونا ... يوجد تمبس و الصائم و خليل
Author: ياسر بيناوي
Date: 07-19-2009, 10:15 AM
Parent: #22
| Quote: الحل مطرة و لا طوفان يخم الاستادات بي الجمهور ... ويغشي معاهو بيوت الساسة و القادة و البرلمان و اتحاد الفنانين و نقابة المحامين و هكذا |
ولا ديل ذاتو بحلو
الحل ال بندر بس
|
Post: #28
Title: Re: هلاليخاب ..... قديتونا ... يوجد تمبس و الصائم و خليل
Author: عبدالله كع
Date: 07-19-2009, 11:11 AM
Parent: #25
| Quote: فالحين للجعير و النبز و الكواريك ... رشاشات على قرعاب .... |
الرشاشات عااااااااااارفنهم , بس القرعاب ديل منو ؟
|
Post: #30
Title: Re: هلاليخاب ..... قديتونا ... يوجد تمبس و الصائم و خليل
Author: حاتم الياس
Date: 07-19-2009, 11:28 AM
Parent: #28
اتمبس زولك بتاع كبد الحقيقة ده ياهو الزول زاتو المادقاها وبجليها واقف الزول ده(عراضه بشكل)..وبعدين عليك الله ياتمبس شداد ده قالوا دكتور فلسفة يوم واحد شفته ليك كتاب ليهو فى مكتبة الزول ده بكون فلسفتو زاته قادى فيها...
تانى (عصام) ده سمع أضانى قالوا يجبد الميدان كلو ويقيف قدام القون ويصرف نظر قالو مقطع الحرفنة وبضقل مغمض..وكان ممكن يلعب فى الأصلاح بتاع حى مكى ولا الحديد حى العرب لكن الجامعة وكده...
غايتو (الله يرجعك ياطه على البشير)
|
Post: #31
Title: Re: هلاليخاب ..... قديتونا ... يوجد تمبس و الصائم و خليل
Author: omer ibrahim
Date: 07-20-2009, 07:22 AM
Parent: #30
عصام جبرالله (سداد الفرقة)
ما تقعد تعمل لينا فيها حركات المثقفين دي وتعمل لينا فيها بتكره الكورة و قصص أنا ما بشجع الكورة في السودان لأنها دافوري و كوراك فاضي.
بعدين من ناحية تاني، الحاصل شنوياخ؟ في شوق والله.
سيد البلد ...... سيد البلد
|
Post: #32
Title: Re: هلاليخاب ..... قديتونا ... يوجد تمبس و الصائم و خليل
Author: Amira Elsheikh
Date: 07-20-2009, 09:34 AM
Parent: #31
Quote: وقيل برضو كان أحتياطى سانتو المناقل... المهم قعد فى الأحتياطى زمن طويل وأستثمر فترة قعادوا دى فى التثقيف الذاتى...
|
لووووول..
غايتو الباص دا فى واحد قريييب ليهو مررو عمر بوب فى واحد من بوستات
كيكى....
تمبس انا قايلاك حريف....حاتم الياس ضربك بباص...
يعنى القرف دا حدو وين ياعصام جبرالله???
|
Post: #33
Title: Re: هلاليخاب ..... قديتونا ... يوجد تمبس و الصائم و خليل
Author: tmbis
Date: 07-22-2009, 09:41 AM
Parent: #32
Quote: غايتو الباص دا فى واحد قريييب ليهو مررو عمر بوب فى واحد من بوستات
كيكى....
تمبس انا قايلاك حريف....حاتم الياس ضربك بباص... |
والله يا اميرة أنا من أول قلبي اكلني .. بوست يفتحو عصام ويجيك حاتم الياس فجأة كدا ..
مش قلت ليك الواحد بقى قاعد ساتك في البورد دا ..؟
كدي ادينا بخـره يا اميرة عمر بوب برئ .. لكن كيكي ما مضمون
|
Post: #34
Title: Re: هلاليخاب ..... قديتونا ... يوجد تمبس و الصائم و خليل
Author: esam gabralla
Date: 07-22-2009, 11:30 AM
Parent: #33
للاوهام بتاعين السياسة و التثقيف الذاتى:
الجاب الفكرة العبيطة بتاعت "المثقفين و بتاعين السياسة" بيكرهو الكورة ده يا إما زول لا بيعرف في الثقافة و لا السياسة أو زول جاهل كورة بيغطى جهلو بواحدة من امتع الحاجات في الدنيا زى اخوانا المثقفين جدآ خدر و عماد عبدالله .
الما بحب الكورة بي طريقتو ... و البحبها بي طريقتو برضو, قصة ساهلة و بسيطة زى ما تكره ملاح القرع و تحب الويكاب زيي كده .
للأوهام التانيين:
بقيت ما بطيق اشوف اي كورة بييييض , من السودانية مرورآ باللبنانية انتهاءآ بالسويسرية ... في النص الحشو ناس استراليا و النمسا و كل ال.....ستان و بورما والهند و الصين زاااتا . ده بويظ عيون و الزمن ممحوق و العمر جارى اضيعو في الجنازات الماشة دى! استثمار اقصي للوقت في ما يفيد و يمتع: كاس عالم , امم اوروبية , جامبيونزليق , بعض كاس الامم الافريقية و بعض كاس و منافسات امريكا الجنوبية ... الباقي يمشي "المستراح " و قيل بيت اللدب.
للاوهام التالتين :
للبتذكرو توتو كورة , كان بيقولو الدويم من محمد عبدالماجد و جبل اولياء من ......., خلى حليمة عبدالرحمن تجى تحكى ليكم يا جهلة ... التواضع كاتلنا ساكت ... راس كبير ملولح
للاوهام الرابعين:
يا الصادق سليمان ابو الجاز تعال قول للطير ديل فريق النصر صعدناهو كيف لما تم تكوين درجة تالتة في مدنى في اوائل التمانينات ?
لو ما عباطة التعليم و الوهمات التانية مفروض زمان اكون متجدع مع الفرد ناس باجيو و مالدينى و اولاد جيلنا ديل ....
بت الشيخ بقيتى تبارى باصات الحقدة و المغرضين ... بلم فيك في ملف تانى
يا قرموط انت شنو شايل صفايحك و حايم, و قادينا الموردة و البحر و الصارقيل , قرقور مضروب , اى موردابي اصيل بشجع الموردة و بس
حليل بشير عباس و الصياد .... النار تخرى الرماد
وحالف صورة قون سانتو في فاطيما الحاضرا لايف من المقصورة في السبعينات ما ابوظا بي جلافيط الكمونية و العفشة المسمنها كورة دى ...
قومو فحطو دقشكم قطر سواقو لاطى و فراملو حالجة
ورانا سفر في حلال اوروبا
|
|