Post: #1
Title: هشام كمال شغل جميل جداً وزرياب دهب أجمل ..
Author: عمر الفاروق
Date: 07-18-2009, 07:39 AM
في بوست سابق تداخل فيهو معانا الأخ الفنان هشام كمال وقتها سألته وبكل صراحة عن إني ما سمعت ليهو غير عمل واحد في قناة هامروني عبارة عن اوبريت الايدز وإنو إمكانيته الصوتية مش خااالص فلفت انتباهي اخونا وحبيبنا حسين ملاسي صاحب النظرة الثاقبة لي نقطة مهمة وقال لي هشام ملحن ممتاز ..
امبارح وعن طريق الصدفة شاهدت فيديو كليب في قناة هاموني للأخ الفنان هشام كمال جيت من نص الاغنية ما حضرتها من البداية اتوقع اسم الاغنية المعزّة او حاجة بي الشكل ده ..
الحقيقة الأولى اعترف وأقر إنو هشام يحمل موهبة فنان ملحن وان كنت لسة عند رأيي يا اخونا هشام إنو صوتك ما تطريبي وما مميز لكن انت زول فنان وفنان شديد ..الطريقة القدمت بيها الكليب بتقول كده ..عفوية في الاداء بساطة فيها أناقة لحن حلو ..
الأجمل صراحة إنو كل مرة اولاد دهب ديل يأكدوا لي انهم مستقبل الاغنية السودانية لما يملك هذا الفنان زرياب دهب من خيال واسع في طريقة التوزيع وفن الإخراج وحتى في طريقة ظهوره ضمن الكليبات يظهر بصورة جميييلة ..
كنت اتمنى لو الكودات بتاعت الاغاني شغالة عشان نشوف العمل الجميل ده ..
شكراً هشام كمال ولك العتبى حتى ترضى وزي ما قيمتك من عمل واحد انك ما فنان اعود واقول ومن مشاهدة عمل واحد انك زول فنان ..
تخريمة :
ماف ايي زول عمل لي حاجة في موضوع اني عايز اصاحب اولاد دهب ديل ..يا جماعة الناس ديل حا يبقو مشاهير قرييب ده وانا عايز اتلصق فيهم بدري بدري شوفو لي طريقة ..
|
Post: #2
Title: Re: هشام كمال شغل جميل جداً وزرياب دهب أجمل ..
Author: حيدر حسن ميرغني
Date: 07-18-2009, 07:43 AM
Parent: #1
ياريت يا عمر تدعم الكلام الطيب ده برابط فيديو
|
Post: #5
Title: Re: هشام كمال شغل جميل جداً وزرياب دهب أجمل ..
Author: عمر الفاروق
Date: 07-18-2009, 08:08 AM
Parent: #3
حيدر باشا :
| Quote: ياريت يا عمر تدعم الكلام الطيب ده برابط فيديو |
اهو محمد الأرباب ما قصر معانا الإتنين وجاب لينا الفيديو ..
تسلم ابو حميد وشكرا كتير..
اها بعد تشوفو الشغل ادونا رايكم ..
|
Post: #4
Title: Re: هشام كمال شغل جميل جداً وزرياب دهب أجمل ..
Author: نهال كرار
Date: 07-18-2009, 08:04 AM
Parent: #1
ازيك يا عمر
ماشفت الغنية البتتكلم عنها
لكن متابعه كل شغل زرياب دهب
ياخ الزول دا فناااان بالجد
http://www.youtube.com/watch?v=HLSPyX2TInI
|
Post: #6
Title: Re: هشام كمال شغل جميل جداً وزرياب دهب أجمل ..
Author: احمد العمار
Date: 07-18-2009, 08:19 AM
Parent: #1
| Quote: ماف ايي زول عمل لي حاجة في موضوع اني عايز اصاحب اولاد دهب ديل ..يا جماعة الناس ديل حا يبقو مشاهير قرييب ده وانا عايز اتلصق فيهم بدري بدري شوفو لي طريقة .. |
بسيطة تمشى الفيس بوك وتقوم تضيفنى لقائمة اصدقائك
مباشرة حتلقى ( زرياب دهب ) فى قائمة اصدقائى بعداك
تقدم ليهو طلب اضافة ، علما بانى قدمت ليك طلب اضافة
قبل كدا لكن انت عامل فيها ( رايح ) .
بالمناسبة طبعا دى النظرية الرافضة اخونا ( دكين )
أحمد العمار
|
Post: #7
Title: Re: هشام كمال شغل جميل جداً وزرياب دهب أجمل ..
Author: عمر الفاروق
Date: 07-18-2009, 08:43 AM
Parent: #6
نهال كرار:
أتسمعين الموسيقى ايا هذه ؟ اليست هي رجس من عمل الشيطان ؟ :)
يا حليييل زمااان لمن الجماعة قايلنك من الاسلاموييين :)
فعلا نهال الود ده فنااان عجيييييب ..
تخريمة :
الرابط بتاع اليوتيوب يبدو انو لي اغنية عزاز علينا يا ارباب ..
|
Post: #8
Title: Re: هشام كمال شغل جميل جداً وزرياب دهب أجمل ..
Author: مريم بنت الحسين
Date: 07-18-2009, 10:26 AM
Parent: #7
عمر الفاروق اعترف، انت إما اسمك عمر الفاروق دهب، أو الناس ديل أدوك شي عشان تشهرههم... وهم مااا محتاجين
لكن والله انت اديتهم شهره كبيره، ولفت الناس ليهم...
ياخ انا بعد البوست بتاع "عزاز علينا" داك قعدته كم يوم معلقة في الفيديوهات بتاعتهم... لما نادر قال لي انت اي شي تمسك لما تمسّخيه.. لكن اتصور، بعد داك ما مسخ!!!!
|
Post: #9
Title: Re: هشام كمال شغل جميل جداً وزرياب دهب أجمل ..
Author: GamarBoBa
Date: 07-18-2009, 10:43 AM
Parent: #7
ملاحظة:
نفس اللبس
 
وحركة الاصابع بالملي
ما يعملوها ظاهرة كدة
___
الشهادة لله الود غناه راقي اقلاها في سنه ده وبوجاهته دي ما غني قنبلة واملوني رصاص
تحياتي عمر والمتداخلين
|
Post: #10
Title: Re: هشام كمال شغل جميل جداً وزرياب دهب أجمل ..
Author: تيسير عووضة
Date: 07-18-2009, 12:31 PM
Parent: #9
Quote: شكراً هشام كمال ولك العتبى حتى ترضى وزي ما قيمتك من عمل واحد انك ما فنان
اعود واقول ومن مشاهدة عمل واحد انك زول فنان .. |
خلي بالك دي واحدة من أعراض هشاشة العظام
أولاد دهب:
حفظ حفظناهم
رسم رسمناهم
في الشنطة في الخيمة
في الفيديو شفناهم
بيشتغلوا شغل زي الورد ومعالجة أغنية عزاز علينا أكبر دليل على نظرية الفسيخ والشربات
عمر الفاروق:
حساسة إضنينو
نضيفة كرعينو
أسمعوا اللحن بتاع الغنية دي وما تركزوا مع الكلمات كتير عشان ما تروحوا
يا نوشي - زرياب دهب
|
Post: #11
Title: Re: هشام كمال شغل جميل جداً وزرياب دهب أجمل ..
Author: عمر الفاروق
Date: 07-18-2009, 12:43 PM
Parent: #10
احمد العمار:
ياخ صحبة ناس دهب عن طريق الفيس بوك حا تخليني زييي زي اي بعام حايم وانا يا قريبك عايز لي عرفة مقننة من نوع اووو ابو عمير يا حبيب ياخ .. والعزيز عمر رسلت ليك كدارة اديداس من مسقط ومعاها سي دي لي اخر شغل عملتو ..
ما عامل منك حميل لكن ياخ مشوارك بعييييد في قائمة الاصدقاء المعلقة دي وعايزة تفتيش :)
تسلم يا حبوب ياخ
|
Post: #12
Title: Re: هشام كمال شغل جميل جداً وزرياب دهب أجمل ..
Author: عمر الفاروق
Date: 07-18-2009, 12:50 PM
Parent: #11
بت الحسين مريم :
تصدقي قدرت اتخيلك انتي من ياتو نوع ..تلقاك من النوع اللي لو عجبتو اغنية في الشريط تاني ما بيسمع الباقي وجييييطك يجر الاغنية وجيييطك يرجعا تاني وتاااني يسمعا :)
| Quote: لكن والله انت اديتهم شهره كبيره، ولفت الناس ليهم... |
واخد بالك يا زرياب دهب ؟؟!!! اها اريتو يطلع بي فايدة ويرسل لي كم اسطوانة كده فيها شغل لي عم دهب والجدة بطة ولا بأس بزيزي :)
تخريمة :
يا زولة عيدي حفلة ندى القلعة وليك علي نادر زاااتو يجي يقمبر يعيد معاك ده اذا ما جيتي لقيتيهو بيجبجب
|
Post: #13
Title: Re: هشام كمال شغل جميل جداً وزرياب دهب أجمل ..
Author: عمر الفاروق
Date: 07-18-2009, 12:53 PM
Parent: #12
قمر بوبا عليك خفيف:
يا زووول انا قايل ياني ده تخصص طارق اللمين بس :)
الفرق بين ده وبين طارق انو طارق ما بيظهرا عااااااااملة !!
لكن ده عملا ظااااااااهرة :)
تسلم
|
Post: #14
Title: Re: هشام كمال شغل جميل جداً وزرياب دهب أجمل ..
Author: عمر الفاروق
Date: 07-18-2009, 01:00 PM
Parent: #13
تيسيير يا عووضة :
| Quote: خلي بالك دي واحدة من أعراض هشاشة العظام |
لالالا ابشششرك انا من ناحية هش فياخ انا هش بش :)
بعدين انتي قايلة مكيفات الخليج دي خلت فينا عضم عشان يهش من اصلو ؟
يا زولة انا لا بهش لا بنش :) طيييرة ساااااي كده في الغنا ده :)
| Quote: بيشتغلوا شغل زي الورد ومعالجة أغنية عزاز علينا أكبر دليل على نظرية الفسيخ والشربات |
كتبت عن الاغنية دي في زمن ما وعن شغلهم الحلو ليها ..
لكن بس حابي انبهك لي حتة صغمبروتية ..عزاز علينا واحدة من أجمل الاغاني كلمات ولحن ولو ركزتي في كلامها حا تلقيهو من افضل ما كتب من شعر غنائي بسيط بيدخل جوووووووة .. بس لانو ارتبط للناس بي ندةى القلعة وعلوية حواجب وعواطف فرن فعشان كده الناس ربطت قصة الفسيخ دي..
Quote: حساسة إضنينو
نضيفة كرعينو |
تيسيير عووضة :
لخباااتة هباااشة..
بتعالج الهشااشة ..
بي ضربة مقشاااشة..
|
Post: #15
Title: Re: هشام كمال شغل جميل جداً وزرياب دهب أجمل ..
Author: haleem
Date: 07-18-2009, 03:24 PM
Parent: #14
بوم 18 وعامل ليك بوست غنا
بطل الرجفة..
وحنرشهم
|
Post: #16
Title: Re: هشام كمال شغل جميل جداً وزرياب دهب أجمل ..
Author: عمر الفاروق
Date: 07-21-2009, 10:24 AM
Parent: #15
بما إنو الكودات ما شغالة غايتو قصقصت لي صور من الكليب ..
الصورة الأولى هي سر إعجابي بي الكليب وواحدة من أجمل اللقطات وفيها شغل من الود دهب سواء من ناحية التصوير وعملية الفوكسينق اضافة لي شغل الهارمونيكا ..
أجمل ما في اللقطة دي اذا شوفتوها في الكليب هو إحساس الزمن وايقاع الرجلين لي الود دهب وهو ماسك بيها زمن ..
وصور لي الفنان هشام كمال وصراحة اللوك بتاع الحلاقة إضافة لي طريقة اللبس تتناسب مع الكليب وخصوصا حكاية الجزمة البوت مع زول يظهر إنو رسام في الكليب..
|
Post: #17
Title: Re: هشام كمال شغل جميل جداً وزرياب دهب أجمل ..
Author: هشام كمال
Date: 07-29-2009, 01:18 PM
Parent: #16
الحمد لله وشكرا ليك يا ذول
هشام كمال
|
Post: #18
Title: Re: هشام كمال شغل جميل جداً وزرياب دهب أجمل ..
Author: عماد محمود علي
Date: 07-29-2009, 01:27 PM
Parent: #17
وعملية الفوكسينق اضافة لي شغل الهارمونيكا ..
عمر الفاروق الفولوكسواجن دي يعني شنو ؟ وبالمرة كمان هارموني دي الدخلا هنا شنو ؟
|
|