كلنا نحبك يا على السفورى

فى اول ايام تعرفى على الاعزاء محمد عبد الحميد وعلى بابكر والسكن معهم فى صنعاء
كان الحديث يدور كثيرا حول على السفورى
الذى كا غائبا فى تعز
محمد يقول على صاحبنا زول ظريف جدا
على بابكر يتحدث بتقدير عميق عن سفورى
على يقول انا ما عارف كيف لكن من اول ما اتقابلنا اصبحنا اصدقاء سكنا سوا ودرسنا الاداب وتخرجنا معا وعملنا زملاء فى سونا واتغربنا سوا فى اليمن
بين سفورى وعلى بابكر صداقة مديدة تزداد كل يوم
محمد عبد الحميد
يحب اصدقائه بطريقة عملية
يا سفورى انت قاعد فى كينيا تعمل شنو وبسرعة عمل الفيزا ورسل التذكرة
وفى اليمن ساعد على فى الحصول على الوظيفة

عثمان تراث
بينه وبين على الحوارات الطوال عن درويش ادونيس نيرودا كونديرا
منزل عثمان مفتوح دائما لسفورى والاصدقاء
فاتح السفورى
ابن عم على بينهما عشرة من ايام الخلوة وقراءة القران حتى الجامعة
يحنو الفاتح على على كاخية الصغير يحبه ويوده ويخشى عليه


على السفورى
مثقف وقارىء مجيد وصاحب بديهة حاضرة
عن حياتنا فى اليمن والونسات والرفقة والقات علق على
والله اليمن دى نحنا زى الجاينها رحلة ساعات اليوم كلها ترفيه


الطريق لمن سبق ام لمن صدق
على السفورى بمعنى من المعانى شيخ لعلى الهادى بينهم استبصارات ووشائج روحية
على الهادى من اهل الطريق له اوراده وقريب من الشيخ
ولكن على شيخه
ودى بيفهموها براهم

فى الجامعة حيث عمل سفورى فى التدريس
كان يستغرب من اهتمامات الدكاترة العرب
الدولار التصفية الراتب النذاكر
ويعلق ساخرا
بالله اساتذة جامعة ما عندهم اهتمامات عقلية

حواء بشير
تحنو على على كالاخت الكبرى
فى زواجه كانت اكثرنا سعادة
سفورى علق وقال حواء بشير دى بس يصدق فيها بيت الشعر
كانك تعطيه ما جئت تاخذه

امانى عبد الجليل
الوحيدة القدرت تفرض علينا فى صنعاء جلسات ثقافيةدون قات
تجلى فيها سفورى بحوارات عن الجندر والسياسة
بمشاركة امنة النصيرى ونبيلة الزبير وهدى ابلان

منصور العوضى(ابو عبد الله)
قال انتم تتحدثون كثيرا عن على السفورى
هاتو الرجال يخزن معانا
واصبح على من المقربين من ابو عبد الله ويحظى بالمتكا المجاور له
مع اغصان القات التى تليق بحضرة السفير

ايمان عبد الغفور
كنا نلوك فى جاه السفورى
فى مائدتها العامرة
فى عصير عجيب كدا مكون من اللبن والزبادى والكستر الخلطة والمقادير سرية
نرتشفه فقط عند حضور سفورى


عثمان عامر
صديق على السفورى لم اسعد بمقابلته ولكن قرات له مقال عن ام درمان وفن الحقيبة
كنا نقرا مقاطع من رسائله من امريكا لعلى السفورى
كان يخاطبه
على انت شيخى وصديقى
محمد عبد الجليل بينه وبين على النكتة والطرفة والونسة الطويلة

اسامة عبد الجليل
زامل على فى التدريس فى جامعة ذمار
وكانت بينهم جيرة وكلام فى السياسة والتعليم والشعر والادب

حكى لى على مرة وقال
يا محمد انا بكون قاعد فى الصالون وفى الحيطة تظهر صورة جدى
ونبدا مع بعض حوارات عميقة فى الفلسفة والتصوف
وتكون باللغة الانجليزية
لم تساورنى ذرة شك فى صدق على


حبينا وصديقنا وشيخنا على السفورى
يرقد فى مستشفى الخرطوم بعد اجراء عملية جراحية
له حبنا وامانينا بالشفاء

يا سلالالالالالالالالالالام
علي السفوري
خفيف الظل المرح الوجيه؟


غالبية الناس الذكرتهم هنا ديل تقاطعت حياتي معهم
مرة مع بيرق وعشة ومرة مع زوجي
حيث جمعتم كلية الاداب والاهتمامات
وبينهم وبين زوجي معزات ومودات...

من سنوات طويلة لم نقابل على السفوري ونتسقط اخباره من الاصدقاء المشتركين

يا ريتك ترسل ليناتلفونو

محمد سعيد انت تقريبا بتعرف اي زول انابعرفو...
غربية لم تتقطاع حيواتنا..
لك التحية ولعلي السفوري عاجل الشفاء


_________

كتبت كلام كثير طار

الاخت د نجاة
يسعدنى انك بتعرفى حبيبنا على السفورى
هو بيذكر ابراهيم كتير بشكل ايجابى وبيصفه بالمثقف الكبير

بيرق وعشة المبارك ما قابلتهم لكن هم دايما فى احاديث اصدقائى

انا ذاتى مستغرب ليه ما اتقابلنا
انا دراس للنقد المسرحى

لكن فى القاهرة اكاديمية الففنون
وسنوات طويلة خارج السودان

سوف ارسل لك تلفون على فى الماسنجر

تلفون سفورى
00249911879921

كلنا نحبك يا على السفورى




نتمني لعلي عاجل الشفاء..

يا محمد سيداحمد تمنياتي لرفيقك وصديقك علي بالشفاء

Quote: حبينا وصديقنا وشيخنا على السفورى يرقد فى مستشفى الخرطوم بعد اجراء عملية جراحية له حبنا وامانينا بالشفاء

الفاضل محمد سيد أحمد

امنيات صادقة بعاجل الشفاء لعلي السفوري..

ورجاء أن تنقل له تحياتي


سيف بشير

Quote: انا ذاتى مستغرب ليه ما اتقابلنا انا دراس للنقد المسرحى لكن فى القاهرة اكاديمية الففنون وسنوات طويلة خارج السودان

عرفت الرهط دا في بداية الثمانيات

يبدوان سنواتك خارج السودان لم تتح الفرصة

مادام شغالين في نفس الحاجات يوم ما بنتلاقى..

والتحية للناس الذكرت هنا مرة اخرى

يا سلام عليك يا محمد سيد أحمد
كتابة جميلة عن صديقك علي السفوري..
ليتك خصصت بوستاً عن رفاق اليمن السعيد..
نتمنى لشيخنا علي السفوري الشفاء العاجل..
اللهم أشفه وعافه وألبسه ثوب العافية..

على السفورى
رجل خالى من العنف

لا العنف البدنى ولا اللفظى

ما شفتو يوم
رافع صوتو فى شكله
مافى يوم حكى
وقال ضربتا ولا كنت داير اضرب

مسالم

هاتفتني هويدا بالأمس وصوتها حزين

لتخبرني بمرض على السفوري

ربنا يشفيه ويقوموا بالسلامة

محمد سيد أحمد

سلامات

ربنا يمتعه بالعافية ويشفيه شفاء لايغادر سقما

Quote: ما شفتو يوم رافع صوتو فى شكله مافى يوم حكى وقال ضربتا ولا كنت داير اضرب

دعواتنا لعلي السفوري بعاجل الشفاء..

علي السفوري ....يا سلام .. الانسان الجميل ، أخي وصديقي ، حين ياتي هو وعلي بابكر ، كانت تضحك الدار ويفرح الصغار ، ويحتد النقاش ويصمت الصمت و يضج ، يا الله يا السفوري لقد كنت حياة مفردة ، ما زالت ملامحك وابتسامتك البريئة حاضرة في الخاطر ، لقد ودعنا زمنا ممتلئ كنا نظنه غير ذلك ، لشد ما نفتقدك أنت وعلي بابكر ، ومحمد عبد الحميد وحواء بشير وسليمان وبقية العقد الفريد ، لماتنا في صحن الفول المجلوب من ناس نوسة ولمتنا حول النار والهبابة والكانون وكبابي الشاي ساعة يحلو الحديث حول تقسيم العمل وقضايا المرأة والبؤس السياسي الذي ما زال يشد قبضته حول رقابنا ...لقد جمعتنا الايام والاجازات انا وعلي بابكر وزوجته اماني آبنة آختي في رفاعة ، وسالته عنك كثيرا يا علي .. ولكن اجازاتنا الخاطفة لم تمكني من ملاقاتك يا صديقي ، حين فتحت هذا البوست كنت اظنه ترحيب بك فدلفت رغم عزوفي عن الاسافير ، واتمني من الله ان يجمعنا من جديد ويرحمنا من الغربة ، وان يشفيك الله وانشالله كفارة يا سفوري وفعلا كلنا نحبك يا السفوري وشكرا يا علي سعيد لهذا الحديث عن حبيبنا السفوري ولمن لا يعرف السفوري فهو بحر من المعرفة وقلب من ذهب يفيض طيبة وجمال ...
سليمان الرفاعي كلنا معك ندعو لعلي بالشفاء السريع
نجاة محموة زاكرة الزمن الجميل التحية ليك وللعيال واستاذ ابراهيم
شد وتزول يا علي

العزيز
سليمان

اعرف من على ومحمد عبد الحميد
كثير من الحكاوى عن رفقتكم الطيبة

كتبت
عن رفقة على فى اليمن

اتمنى ان تكتبو عن ايام السودان
واسماء اعزاء يحبهم على كثيرا
سليمان الرفاعى عثمان عامر محمد بيرق ابراهيم محمد زين صلاح محد ادريس عشة المبارك

Quote: اتمنى ان تكتبو عن ايام السودان واسماء اعزاء يحبهم على كثيرا

سنكتب يا محمد حتي يجف حبر الكتابة
لأن من يحبهم علي وتحبهم ونحبهم يحبون القرأءة

رأت مثل هذا المنبر من قبل لكن بطريقة مختلفة ..سأحكي عنها بالتأكيد

لنا عوده..

ولعلي عاجل الشفاء..

ابننقا تو
ابوبكر

زى على نوع نادر من البشر

تجلس معه تجد
المعرفة
الثقافة والادب
الطرفة
والتعليق الذكى
ودا كلو مع تواضع جم


يوم الخميس عند حضور سفورى من ذمار الى صنعاء

تتسابق بيوت الاصدقاء
مشرعة
لاحتضان على

الصديق محمد سيد احمد

تحياتي
وتمنياتي بالشفاء العاجل للصديق والقريب وزميل الدراسة على السفوري
وارجو رفدى بهاتفه على الخاص مع مودتي ايها النبيل.

عشة يا بت فاطنة
دائما الايام ديك هي الاجمل... قربك دائما هو الاجمل
لا يوجد في الدنيا اجمل من اصدقاء مخلصين محبين

الزول لما يلاقيكم عمرو بينقص ربع قرن...

حنجيكم ان شاء الله قريب..

نتمنى الشفاء العاجل لعلي,,,

محمد سيد أحمد ياجميل
كلامك عن أصحابك بحب ووفاء وريدة
بركة البقيت واحدة منهم
يسلم علي السفوري ويقوم بالسلامة
وتسمع عنه سمع الخير وكل مفرج

Dear Mohamed

Wish a speedy recovery to Ali. and glad to read your recollections of some mutual friends of 1970s, and 1980s in Iraq, and Sudan. Itis also good to read the comments of my niece Aisha Bit Fatima, Najat, Rawia and others. I have been relocated to Beirut, Lebanon, and Beirut still is Beirut full with life,beauty, cultures, and contardictions. I am planning to make a tour around the Eid in Qatar, UAE visiting our mutual friends Yassir Shibeika, and Abubakr Sidahmed. Please send me your contact numbers at my e.mail
[email protected]
. You will be also welcomed to visit us in Beirut , Lebanon.
Regards to your family/B]

ان شاء الله انت تبرى من الالم

امثال على السفورى نادرون حقيقة

كل ما كتب عنه قليل فى وصفه

دعواتنا بعاجل الشفاء..

سيف بشير
ان شاء الله نوصل تحاياك لسفورى

د نجاة
اكيد نتقابل وانت تعرفى كل الناس الجميلين ديل

نصر الدين
كيفك يا صديقى
ياريت نقدر نكتب عن رفاق اليمن
عند مرض والدتى كتبت
بوست بعنوان هدايا امى
واخر بعنوان مقولات امى النوبية

زمرض سفورى حفزنى للكتابة
هى كتابة خوف من الزمن والنسيان

الابنة نهال
كل مع عرف سفورى يدعو له بالشفاء
ارجو زيارته فى مستشفى الخرطوم
تحياتى لهويدا وفيصل يسين

شكرا حيدر
ودعواتك

أخي محمد سيد أحمد

كل النعوت الجميلة التي تداعت وتدافعت من ذاكرة الاصدقاء في بوست الوفاء هذا بحق ود السفوري الإنسان الهادىء النبيل شيىء قليل من فيض كبير ينضح بمحبة الرجل عند كل من عرفه عن قرب، وتعود الذاكرة بي للوراء قليل حيث النيل الأبيض الثانوية وبحر الزراف الداخلية وبحر أبيض النيل الواسع الكبير الذي يمثل كل القواسم مع (أولاد السفوري) ومن تالاهم شرقاً وغربا، وأعود بـ علي لردهات بحر العرب ونهر الرهد وكل مسميات ينابيع الخير والبركة التي كانت تسبح فيها جزيرة البركس بجامعة الخرطوم,

دعوات صالحات ببحجم قطرات مياه هذه الأنهار وكل الأكف مرفوعة للسماء بإمتداد بحر أبيض تسأل الله الشفاء العاجل لعلي ود السفوري

اللهم رب الناس ، اذهب الباس اشف أنت الشافى، شفاءً لا يغادر سقما

الطيب عبدالرحيم

شكرا محمد ياجميل عن كتابتك عن الجميل علي السفوري.
على السفوري بخير وسيكون كذلك دوما.. سعدت كثيرا بصوته الواثق في مكالمتي معه يوم امس.
سيخرج معافي باذن الله تعالي من المستشفي، وسنتسمع جميعنا كثيرا برفقتنا الجمليةفي قادم الايام باذنه تعالي.

عشة بت فاطنة
كل ما على وعلى ومحمد عبد الحميد
يحكوا عن عشة وبيرق
والفتيحاب


اتمنى اشوفكم
تحياتى

اللهم اشف شيخ عليا وانزل عليه الشفاء العاجل

شيخ علي طيب المعشر
جميل المظهر
لا ينهر
ولا يغضب
شانه شات اخيه الفاتح السفوري

فهما كنسمة الصباح

اولاد قبائل

اللهم اشف عليا
ياكرم الاكرمين

يا ود البلد

هشام
ود الناظر

بالله انت زميل وصديق لسفورى

هسا عرفتا انا متكيف منك ليه


رسلتا ليك تلفون سفورى

العزيزة راوية
شفتى رجاء سعيدة كيف
حتقابل الناس ديل فى اليمن السعيد

اخى ابوبكر

شاعر الحقيبة مش قال

الشجر اقلام والنيل مداد
ما كتب اوصافى فيك ما عدادا

الغالي محمد سيد أحمد وأهلي الجدد ناس اليمن..

شفا الله الكريم علي السفوري وأعاد له صحته كاملة بإذن الله..

ألف لا بأس عليك يا سفوري..




وفعلا يا محمد بعتبر نفسي محظوظة لوجود الناس الحلوة دي كلها..

رجــــا

ابوبكر عثمان
الطيب
الكلاكلة
رجاء
تراث

اتصلت مساء الامس
بسفورى
يتعافى ويشكر الجميع

كلنا نحبك يا سفوري..

عالياًمن أجل علي

شكراً
محمد سيد أحمد
ابوبكر عثمان
الطيب
الكلاكلة
رجاء
تراث

سنكتب يا محمد حتي يجف حبر الكتابة
لأن من يحبهم علي وتحبهم ونحبهم يحبون القرأءة

رأت مثل هذا المنبر من قبل لكن بطريقة مختلفة ..سأحكي عنها بالتأكيد

لنا عوده..

ولعلي عاجل الشفاء..

Quote: اسامة عبد الجليل زامل على فى التدريس فى جامعة ذمار وكانت بينهم جيرة وكلام فى السياسة والتعليم والشعر والادب

مابيني وبين علي أكثر من ذلك بكثير ياصديقي.

أرجو له تمام العافية وموفورها.

لقد كنت أقضي معه في شقته الليالي والأيام

قبل أن ألتحق بجامعة زمار .. بيننا الصداقة بكل تفاصيلها..

ثم أن الصداقة هي التي أنجبت الجيرة.

شكرا لك على هذا الوفاء يا صديقي

وتحياتي لك ولكل من ورد ذكره في هذا البوست.

الخال محمد سيد أحمد ... أخبارك ....

قبل يومين كنت انا و الوالد في سيرة صلاح عمي و أصحابو ......و قام جاب سيرة دكتور سفوري .....و حكى عنو كتير ..... ربنا يقومو بالسلامة ....
صلاح حاليا مؤجز في السودان ....

تخريمة : ما معقول أجي و أقرب أرجع و ما ألاقيك .................

كيف حالك يا على السفوري؟؟

صديقى اسامة
تحدثت مع على قبل ساعة
بخير بعد العملية
ياصديقى
الكتابة ترياق
فى وجه البعاد والغربة
فى انتظار الكتابة عن على الجميل

العزيز
عثمان
نتمنى لك اجازة سعيدة فى ربوع الوطن
رجاء تطمنا على سفورى

العزيز اسامة
تحدثت مع على اول امس
لسه مرهق

سلام يا محمد
والله انت زول جميل
سفودي ده انا لاقيتو طشاش طشاش
لانو كان جارنا في ناصر
وبتذكروا جدا جدا
زول رايق وهادئ وانيق
ياريت يتذكرني بعد كل هذه السنوات التي مرت
وزي ما قلت انت :
على السفورى
مثقف وقارىء مجيد وصاحب بديهة حاضرة
يا سفودي اتمنى ليك شفاء سريع

وسلام ليك يا محمد

شكرا يا صديقي تحدثت معه أيضا

وهو في معنويات عالية جدا..

وطلب مني أن أشكر نيابة عنه كل الذين سألوا عنه

وتداخلوا في شأنه عبر هذا الموقع..

وقال أنه يتهيأ لمتابعة العلاج يالقاهرة..

بت أبّو ومهاب أيضا قاما بزيارته وطمأنونا عليه.

دعواتكم له.

وشكرا ياصديقي..

حمد الله على السلامة
خالد
سفورى دا زول زى النسمة

اسامة
شكرا على الاخبار الحلوة
بت ابو ما قصرت تب
ومهيار شبل الاسد
تحياتى

الأخ محمد سيد أحمد

أولاً نسأل الله الشفاء العاجل لأخونا وحبيبنا علي السفوري، ذلك الرجل النبيل الذي رافقناه في يمن العروبة عند أحلك واصعب السنوات، فكان (سودانياً) بمعنى الكلمة.

حين قرأت هذه الأسماء- محمد عبد الحميدو(حواء) الرائعة- وتراث - ومحمد عبد الجليل- والفاتح السفوري اغرورقت عيناي بالدموع علي أيام جميلة قضيناها سوياً بمرها، ولكن هم كانوا حلاوتها رغم الشدة ووعثاء السفر في تلك الايام التي يطول الحديث عنها برفقة سفيرنا الجميل الحردلو.. فنعم الرفاق ونعم الأخوان ونعم الصداقة.

شكراً أخ محمد على كوة النسمة الجميلة.

ودعواتي القلبية لسفوري بالشفاء.

وياليت نلقى تلفون الفاتح لو ما زال في الخرج أو السعودية عموماً.

أخوك : مصطفى الضو


للتعديل الاملائي

اخى مصطفى
مصطفى البشير ضهبتا معاها
لكن وقع ليى لمن قريت
مصطفى الضو
الفاتح السفورى موجود فى السودان

ممكن تتواصل مهاهو بتلفون على
تحياتى

الف سلامة

الصديق
على السفورى
وصل القاهرة بصحبة الصديق الفاتح السفورى لمواصلة العلاج
تمنياتى بالشفاء

أللهم أعده من مشفاه لأهله ومحبيه ووطنه سالماً في أتم الصحة والعافية
تحياتي أخي محمد

محمد :حياك الله
وبارك الله فيك وباهتمامك بهذا الامر المفعم بالانسانيه والتضامن الاخوى النبيل
كل ما نوده الاطمئنان عليه ونرفع أكفنا بالدعاء له وبالشفاء لكل مريض يعاني ويتاوه.
نامل في مدنا بالتفاصيل وجزيت كل خير.

الصديق خالد الطاهر
هاتفنى مساء الامس
حضر فى اجازة الى القاهرة وقابل سفورى
يتابع العلاج
وبرفقته الصديق الفاتح السفورى
تلفون الفاتح فى القاهرة
0020144191856