افيدونا..افضل طريقة للاتصال PC to Phone ؟

افيدونا بتجاربكم مع برامج الاتصال عبر النت علي السودان
و بقية الدول...
متشكرن و مقدرين
لآرائكم

علاءالدين نصار

هلا يا نصار
والاسكاي بي مريح
وعندك ايضا
oovoo.com

www.smslisto.com



رابط حفظ البرنامج

http://www.smslisto.com/en/download.html

Sudan (Mobile) 0.095

Calling rates

الميزه الافضل في البرنامج تدخل رقمك بتاع البيت او الموبيل في البرنامج وتتصل مباشر عن طريق رقم محلي من البرنامج

الف شكر
كيكي و معاوية
نجرب و ندعو بيكم
لا عدمناكم

تعرف يا كيكي
زي ما قالوا سوي و اندم و لا تخلي و تندم
عاوزين نقطع غصاتنا للتآمر عين يا تاجر
ما دام المنبر دا جراب دقيق ما بتختا
غباشه اندخلت فيهو _رايك_
اهو استعدوا للتلفونات و الماسنجرات
و حاجات من عندنا زي ما قال عباس كلابا
++++
و بالجمبة كدا نوطد العلاقات
ابقوا رقاق و نومكم خفيف
لووول

عزيزتي انصار

inter Voip
www. intervoip.com
طريقة جديده جدا واساعر رخيصة جدا

الف شكر العزيزة سالي
شرفتي و ما قصرتي
يديك العافية

سلام نصار ..

Quote: و حاجات من عندنا زي ما قال عباس كلابا

يا خي لمن تقول عباس كلابا في بوست لغير الدارسين بها يفترض ترفق معاك لائحة تفسيرية لكن كيكي ما عندو مشكلة بيفسر ليو قريبو خليل تمساح ..!!

وين الزول دا عباس كلابا ؟!!

عياس كلابا اول سوداني أقابلو لمن جيت الهند 1996 في بومباي ..!!

وجيت بومباي مرة تانية في 1999 وبرضو كان أول سوداني أشوفو هناك ..!!

سلامي للزول دا لو عندك إتصال بيهو يا نصار ..

قصدت ارمي الاسم كدا يا ناذر
عشان اشحتف ليك كيكي
اصله مغرم بالشخصيات الاسطورية
زي ما قلت يكون تمس يقرق و يحكي لكيكي لحد الان
يخيل لي اي زول مشي الهند او زول قابله عباس كلابا
قبل ما اغادر الهند اختفي بدون مقدمات
اصله زي شخصيات الروايات كأنه اصلا ما عنده وجود
مادي
عنده حكاوي عجيبة و ماركة مسجلة
قال بتكلم تلطاش لغة لكن الانجليزي دا اصله ابي يدخل راسي
بمشي المكاتب شي هندي شي رطانة شي من عندي بمشي اموري

نصار ..

Quote: قال بتكلم تلطاش لغة لكن الانجليزي دا اصله ابي يدخل راسي

مية المية ..

جيت بومبي سنة 99 عشان أرجع تذكرة الوالد جاء زيارة وقرر يمشي ماليزيا من بنقلور ـ عماد كوبرا ما قدر يرجع قروش التذكرة وكتيرين في بومباي ما قدرو يرجعوا القروش دي .. جيت بي نفسي بومباي وفي المحطة قابلت عباس الما بيغباني .. جيت معاهو كلابا والوكت كان مواعيد غدا !! قال لي إرتاح وأنا إتصرف قلت ليهو أنا جعان وماشي البغدادي قال لي امشي وتعال .. مشيت البغدادي وضربت لمن قلت بس .. رجعت غرفتي في فندق الخليج وجاني عباس معاهو قروش التذكرة !!


وين الشخصية الاسطوررية دي هسي يا نصار ؟!!

في بقية شباب في بومبي نحاول نسألهم

مرة واحد صاحب الشباب من موريشيص ماشي مستعجل قدام
فندق الحليج رفع يده للشباب و حياهم هاي قايز
من حظة الكعب في اللحظة دي كان قدام عباس
عباس لفح ليك الشاب كف جابو ارضا
و اتلف للشباب قاليهم
يا اوهام الود ينبزكم بالسواحيلي و انت فرحانين

سلام يا نصار

PC to PC

http://www.skype.com/intl/ja/download/skype/windows/

تسلم يا حيدر
بعد كدا ح نفتح خطوط ساخنة
جهز مشاعرك


نديك واحد من نوادر اخونا عباس بصورة لناذر لوول
عباس قالينا، سبحان الله الطلبة ديل محل ما اشوفهم بعرفهم
طوالي،، مرة كنت في باريس قعدت فيها عشرة سنين اها يومي
المسافر منها لاقاني طالب ما بعرفه قبل كدا
قال لي و الله يا عباس الحالة صعبة و مفلسين
حزنت شديد لاني صرفت قروشي كلها. غايتو دخلت يدي في
جيبي اخر الف دولار اديتها ليهو.. لووول
نحنا كان بجينا شيك الشهر لو بالغ 150دولار

واحد قال لي عباس معنا كدا بتتكلم فرنسي
عباس قاليهو ايوة كيف ياخي
قاليهو بنجور معناها شنو
قال ليهو العشرة سنة الاولي اتعلمت فيها الفرنسي
كله
تاني قعدت عشرة سنة عشان اتعلم بنجور دي غلبني

قال الكلام دا بكل جدية

بتاع معاوية دا نزلتوا للكن ما قدرتا أشحنو ...


_______
تخريمه
عباس دي مش معناها البوليس
عندكم ولا غيروا عباس دا...

ههههه

حبابك احمد محمد بشير
شرفت كتير
كدي خلني اشوف موضوع الشحن دا و اجيك

عباس البنتكلم عنه زول شحم و لحم لكن اسطورة
تمشي علي قدمين
حكاية عباس ايوة مستعملة في اوروبا و امريكا
ترميز للبوليس
قصتها انه اتنين سودانيين في امريكا وقفهم
شرطي و بعمل ليهم في مخالفة بتاعة حركة علي
ما اعتقد،، و الشباب مدورين فيهو شتيمة بالعرب
زولك بعد خلص من كتابته ناولهم التيكت و قاليهم
معاكم عباس اصلي لبناني
و من ديك و عيك..

شكر يا نصار علي توضيح قصة العباس
وانشاء الله ما يلاقينا عباس عربي..

عشان تشتري الرصيد من الشركه.

ما عارف طريقة الشراء في البرنامج دا
كيف.. لمن دخلت في الباي كريدت واللي
بتعني اشتري الرصيد طلبوا مني رقم الهاتف
وعنوان السكن بس..

يعني ما دفت ولا قادر ادفع..




يمكن في اخو في المنبر عندهم تفسير تاني..؟؟

الموضوع سالك يا احمد
شحنت الحساب و الرصيد نزل في لحظته علي طول
الظاهر الحكاية ليها علاقة بالدولة الموجود فيها المستخدم
لانه قال لي اضغط لتري طرق الدفع المتوفرة لك
ضغط و لقيت الخير باسط كمية من الخيارات

الظريف في الموضوع المكالمات المجانية لبعض الدول كالآتي:

Free* calls with SMSLISTO
Not only can you call your online friends for free, SMSLISTO also offers free* calls to any regular land-line in various popular destinations (see panel).

To counter misuse of our network we have limited these free* calls for our trial users. If you want to enjoy longer free* calls to these destinations, just top up your account by buying credit.

SMSLISTO Freedays
Buying credit entitles you to 120 Freedays (unless stated otherwise). This means you can call all countries marked as "Free" in our rates list for a period of 120 days at no costs. When the 120 days are over, the normal rate will be charged for these destinations. You can get more Freedays by topping up your account with credit.

Fair Use and Restrictions
New users can try SMSLISTO out for free for a total of 60 minutes. During this trial period you can only call the destinations marked as free. Register your account by buying credit in order to extend your free calls.

Registered users get max 300 minutes per week of free calls, measured over the last 7 days and per unique IP address. Unused free minutes cannot be taken to the following week(s). If limit is exceeded the normal rates apply. During your Freedays you can call all destinations listed as "Free" for free. When you have run out of Freedays, the normal rates apply. You can get new Freedays by buying credit.

يا احمد لمان تجي تدفع
الخطوة الاولي انك تكتب رقم تلفونك
و الموبايل البتتحصل علية رسالة
قصيرة برمز تفعيل حسابك
و من بعد تصل لخيار الدفع

Quote: مرة واحد صاحب الشباب من موريشيص ماشي مستعجل قدام فندق الحليج رفع يده للشباب و حياهم هاي قايز من حظة الكعب في اللحظة دي كان قدام عباس عباس لفح ليك الشاب كف جابو ارضا و اتلف للشباب قاليهم يا اوهام الود ينبزكم بالسواحيلي و انت فرحانين

دي قوية يا نصار ..

أول ما قابلت عباس قعدنا في قهوة قمت سالتو قلت ليهو إنت شغال شنو هنا في بومبي ؟! بعد ما إتلفت كدة وفكر طويييييل .. قال لي أنا شغال إستيراد وتصدير للصندل بواقع الخبرة في المجال دا .. طبعا أخوك جديد كرت من النوع البيفتكر أي سوداني شغال في الهند بيصدر الصندل للسودان والمكنة دي عادي بتمشي .. بعد شوية قلت ليهو بتودي الصندل للسودان دي عرفناها .. طيب من السودان بتجيب شنو للهند ؟!

عباس إتلفت يمين وشمال وأخد ليهو كم جغمة موية قام قال لي بي كل جدية : بورد للهند بخور تيمان ..!

Quote: عباس إتلفت يمين وشمال وأخد ليهو كم جغمة موية قام قال لي بي كل جدية : بورد للهند بخور تيمان

مبالغة يا ناذر
و الله فكيت زهجة ضكرة كانت راكباني
عباس دا معجزة
و لكن يا ناذر في زول بسأل عباس شغال شنو؟؟

بركة الما لاقيت المعجزة التانية، زكريا هههههههههههههه

نصار وناذر كيفكم وكت جابت عباس هاكم دي...
جانا في بونا في مطعم بيف والجماعة اتلمو ليك حولو اها بحكي في قصة جرت ليهو في تورونتو علي حظو الكعب كان في ضيف مشى كندا قام سأل ليك عباس (انتا كنت ساكن وين في تورونتو؟) عباس اتلفت جاي جاي و قال ليهو(شفتا السوق الشعبي بتاع تورونتو... انا كنت ساكن وراهو طوالي)...

ههههههههههههههههههه
و الله يا بكتاش الليلة حكاوي عباس ريحتني شديد
سوق شعبي قال

مرة قال مشي صلي الجمعة في جامع بومبي الكبير
يا زول ناس عجيبة
لمان سلمت علي يميني القي ليك عمك غاندي
و علي شمالي عمك تاج محل زاتو
لوووول

أنزلت في الـ PC

http://www.smslisto.com

استفادة من نداءات صاحب البوست ..

لكنني في النهاية

لم أجد غير (عباس) !!

وأيقنت أنه خيط يستوعب ما يفوق بكثير الاتصالات !!


بل ويُدخل في أذهاننا تصحيحا جديدا لاسم العاصمة الاقتصادية للهند


(بومبي) كما ورد !!


عوضا عن مومباي MUMBAI كما خبرنا ..








إنها أفضال هذا الموقع علينا !!


شكرا لصاحب البوست !!!!


ولتذهب بشرى اتصالاتنا قليلة الكلفة

إلى الجحيم !!

وليعش عباس مهما كانت سرعته !!!!!!!!!!

سلام لقمان .

كيفك يا صاحب .. مشتاقين كتير والله ..

Quote: بل ويُدخل في أذهاننا تصحيحا جديدا لاسم العاصمة الاقتصادية للهند (بومبي) كما ورد !! عوضا عن مومباي MUMBAI كما خبرنا ..

الإسم القديم هو فعلا بومباي وتم تغييره لـ مومباي قبل فترة قريبة أعتقد حينما جاء للحكم أحد الاحزاب الهندوسية المتطرفة فقاموا بتغيير عدد من أسماء المدن الهندية القديمة مثل بومباي لـ مومباي ومدراس لـ شيناي ، لكن تظل هذه التغييرات هي الاسماء الرسمية فقط وحتى الهنود لا يقولون مومبي ولا شيناي ..

زي عندنا في السودان لمن غيروا اللاماب لي (حي الشهيد الزبير) ، ما في زول إشتغل بالتغيير دا ..!!

العزيز لقمان همام
هادي الشورة يا (لقمان) الغلبنا دليلها
كل الببزمه القاهو فيك قليلا

و الله ما عرفت مشهاد مداخلتك
انزلت البرنامج و ارسلته للجحيم
اشرت للخطأ و الصواب في اسم المدينة
مشغلب، يا ربي سخرية ولا ايه؟
عباس و سرعته؟؟ الشي ما صاروخ

(بومبي) كانت مدخلنا الي تجربة حياتية و اكاديمية شكلت وجدانا
و اكسبتنا تراكم خبرات مثلت اساس لشخصياتنا الي يوم لحدنا
هي مرتبطة عندنا بهذا الاسم و كما ذكر لك الاخ ناذر تغيير
الاسم كان بدافع ايدولجي من حزب بهراتيا جاناتا دال و تحالف
الاحزاب القومية الهندوسية
ذكر عباس جا عرضي و التقطه ناذر
ح اعمل من البوست دا جراب حاوي يحول لطايف سير شخصيات
فكهة و اتمني ان يتيح بقاءه لمن له عروض افضل عن امكانيات
الاتصال ان يمدنا بها و تعم الفائدة
و اهو كله اتصال،، الحكي الهنا اتصال موش؟

اها نديك دي عن المرحوم الطيب صالح علي ذكر الاتصال
في التمانينات كتب عنه صحفي في مجلة الدستور علي ما اذكر
اسمه مين مطر،، (نحن امه تضع مبدعيها في غير اماكنهم، رأيت الاديب الطيب صالح يجلس في منصة تحكيم الاعمال الاذاعية و التلفزيون العربية في تونس.. و لان الرجل حشر حشرا في هذا المقام،، كان يضع يده علي خده و تبدوا معالم وجهه كمن اصيب بمغصل حاد).. الكلام مع انه بين قوسين فهو ليس نقلا حرفيا بل بقية ما علق بالذاكرة مع كوز موية من عندي.. بعد فترة رد الطيب علي الصحفي مذكرا اياه بان مسماه الوظيفي هو مسؤول الاتصال لدي اليونيسكو و ان الاتصال هو الاعلام، و هذا يعني انه لم يحشر قسرا في نشاط هو من صميم تخصصه...

الاخ الكريم سيف الاسلام مصطفي ارسل لي الرسالة التالية
علي الايميل انشرها لتعم الفائدة مع شكري و امتناني
للفتته الكريمة.

Quote: Salam Brother i have just saw ur post in sudaneseonline.com the best internet program for calling sudan is SMSDISCOUNT u can download here http://www.smsdiscount.com/en/download.html it is the cheapest internet calling program, sudan rate is 0.07euro/min for land line phone and 0.95 euro/min for mobile stay well

مبالغة يا بكتاش ..

Quote: نصار وناذر كيفكم وكت جابت عباس هاكم دي... جانا في بونا في مطعم بيف والجماعة اتلمو ليك حولو اها بحكي في قصة جرت ليهو في تورونتو علي حظو الكعب كان في ضيف مشى كندا قام سأل ليك عباس (انتا كنت ساكن وين في تورونتو؟) عباس اتلفت جاي جاي و قال ليهو(شفتا السوق الشعبي بتاع تورونتو... انا كنت ساكن وراهو طوالي)...

مرة جاني طالب جديد وأنا قلت ليهو تمشي فندق الخليج تسأل عن عباس كلابا وتقول ليهو ناذر الخليفة قال ليك ركبني أول طيارة لي بنقلور ..! صحبي إتصل بي من بومباي في أول يوم لوصولو وقال لي قابل عباس وبكرة إنشاء الله حا يتصل بي تاني عشان يوريني مواعيد الطيارة وإسم الشركة الجايي بيها ..!

وحاتك يا بكتاش زولي دا تاني شهرين ما شفتو بي عيوني دي ..! وما في تلفون بيرد علي من بومبي وأنا قلقت شديد والولد زاتو أهلو مقلقين وبيتصلو بي يومي على الله وأنا بطمن فيهم .. في النهاية قررت أسافر بومبي أفتش الود دا غطس وين .. لكن في أخر لحظة جاتني معلومة غنو وصل مدراس بالقطر ..!! كيف الكلام دا وبنقلور أقرب من مدراس في طريق بومبي ..!! المهم وريت صحبي مبارك عبد الخالق وسافرنا مدراس (كرنت تيكيت) والمطرة صابة وصلنا وبالليل داك مشينا الديفنس كولوني ولقيت زولي المابيغباني نايم ..! صحيتو وقلت ليهو الحصل ليك شنو يا زول ؟!!


ونسأل الله السلامة من الحصل ليهو ..

صاحبنا عباس عمل ليهو فيها دليل سياحي حام بيهو بومبي حتة حتة .. وفي النهاية أقنعوا يمشي مدراس وينسى موضوع بنقلور وما في داعي للطيارة .. والقطر أرخص .. وصاحبنا وصل مدراس بعد رحلة أكتر من أربعين ساعة وعندو حاجات مسروقة منو في القطر ..! وكمان إقتنع يقعد في مدراس وما يرجع معاي بنقلور

يا ناذر احير زولك دا وقع في عباس
اي نعم بنظر لكن ما بقصد يضر زول
زمنا الوصلنا بومبي اول مرة كلابا كان فيها سودانيين بالعدد
و كلهم جداد في المدينة،، عباس هو القام بواجبنا مما جميعه
وصلنا في طيارة واحد فوق الاربعين طالب جديد
عباس بسوقنا دفعة دفعة للبنك و حجز السفر للمدن الماشين ليها
و البغدادي و عيييك


واحد كان حظه اسوء من صاحبك دا لمت فيهو عصابة هندية خدعته
بانها ح تعمل ليهو اجراءات قبول طب
قعدوهوا في فندق غالي بعيد من كلابا و ضربوا عليه حصار
لحد ما خلصت قروشه فكوهوا عكس الهوا
لاقي سودانيين سألهم are you sudanese
قالوا ليهو ايوة
من خلعته و عدم تصيقة للخلاص الجاهو من السما قاليهم
iam also sudanese
loool

Quote: لاقي سودانيين سألهم are you sudanese قالوا ليهو ايوة من خلعته و عدم تصيقة للخلاص الجاهو من السما قاليهم iam also sudanese loool

قلت لي عباس عمل للود مستشار اكاديمي وجهجه دفاعاتك كلها.. عافي منو مرقو ليك في مدراس ... تعرف عباس قال في سفرته لاسرائيل (شفت دي... فات تراجي ذاتها وسبقها بسنوات ضوئية) قال لقى السودانيين مقطوعين وضارباهم فلسة عدوك... اها قام كبس ليك كل واحد الف دولار لمن قعدو يبكو من الفرح.... وين دا ؟؟ جوووووة اسرائيل ذاتا... شفت الرجالة الما خمج...

انت عارف يا بكتاش دور عباس في حسم حرب العراق و ايران؟؟
لو ما الشباب المفلسين الفي اسرائيل ديل شغلوهو كان حرر القدس
لوووول
الغريبة حكي لينا قصة اسرائيل دي لكن حصلت في فرنسا

من تنظيرات عباس الخطيرة يا ناذر
انه بيسمع الشباب يتكلموا عن دراستهم
اسماء المواد و الكلمات الانجليزية الكتيرة المروطة بالموضوع
اها يا اخينا يوم استقبل تلفون من والد احد الطلاب
و رشاهو ليك... ولدك جاب صفر الـ(الرورال كينومكس)
و عمل (ري اكزام) في في (التيوشن)
و فكتوريا استيشن غايتو ما خلا دقشة كلام ما دشاها للحاج
لمان عمك قرب يركب يجي الهند
كان ما ربك ستر و اقنعوهوا بعبسية عباس

كل القصة عاوز يوري انه ناقش...

لكن يا بكتاش حكاية السوق الشعبي دي مبالغة
عباسية مية المية
قبل فترة شفت روبرتاج عن فانكوفر
كيف انه مدينة جميلة و جاذبة للسياح
بس فيها سوق كدا اجارك الله
يكون ياهو زاتو السكن جمبة عباس في تورنتو
شارع فانكوفر بالنص
لوووول

Quote: ... اها قام كبس ليك كل واحد الف دولار لمن قعدو يبكو من الفرح.... وين دا ؟؟ جوووووة اسرائيل ذاتا... شفت الرجالة الما خمج...

دي الرجالة ولا بلاش يا بكتاش

مرة حصل لقاء سحاب بين عباس و زكريا

صباح الخير يانصار وناذر ..
طيب مادام الموضوع كدة انا بسأل من الهادى عوض خوجلى وهو زول قديم ..

زكريا دا منو يا نصار ؟!!

ما إتذكرتو ؟!!

زكريا دا يا هو عباس دلهي و ما جاورها
بعد جهد جهيد رجع السودان
يمكن انت ما حضرته لانه رجع تغريبا 95
بعد عدد من السنين يعلمها الله
ايامه الراجع السودان اتلمينا حوله
ناس يقولوا ليهو انك جيت الهند في الخمسينات
ناس يقول ما عارف ايه
هو حلف بامه انه اتحرك من السودان 31 ديسمبر 69
و وصل بومبي 1 يناير 70


عز امه شديد لدرجة انه مرة في نهيرو هول
حذر الفنان كمال ترباس انه ما يغني امي
الله يسلمك
ترباس احتج علي طلب ابو الزيك في المايك
و غني الاغنية جرس الراجل,,,

العزيز عابدون محمد عابدون
ما عرفته و الله الذاكرة ذاتها قاعدة في السهلة
لكن في مجموعة مقدرة من خريجين الهند اعضاء
هنا اكيد فيهم البعرفه
خاصة الشريف و راشد موسي ما شاء الله عليهم
بعرفوا الما بتعرف و ذاكرتهم حديد
عيني ارده
لووول

مرة في مدينة فيزبادن الالمانية جوا جماعة موفودين
لاقي صديقي و واحد منهم سأله مني و ذكر ليهو اسمو
قدر ما حكيت راسي ما قدرت اتذكره
شكله او وين لاقيته و علاقتنا كانت قدر شنو
المهم قلت اداهمه في غرفته في الفندق علشان
اطلع من حرج عدم مقدرتي علي التعرف عليه
في وسط المجموعة الجات معاهو
لسوء الحظ الاستقال قال لي انه مرق
و انا واقف جوا داخلين
مسكتهم بالدور سلام حار علي امل اني من سلامه
و كلامه اعرفه و كان الله يحب المحسنين
لكن طلع غتيت بعد الجهد السلامي الكبير دا
عمل نايم و ختاني في حته اني اتعرف عليهو بدون استهبال
دخلني في ضفوري و بعد عرفني علي نفسه برضو ما اتذكرته
شفت محرجة زي دي؟؟

نصار ..

Quote: يمكن انت ما حضرته لانه رجع تغريبا 95

في الحالة دي فعلا أنا ما حضرتو ..

لأني جيت الهند في 96

.

يا صاحب البوست

سلام


لقد استفدنا معك..

كتر الله خيرك..

تحياتي

تسلم عزيز
يلا ادين حقنا مكالمات
لووول

زي ما قال اخونا عامر الضو
اقول ليك الحقيقة المرة اللهي انك جيت الهند
بعد 10 سنين حدس مدس بعدنا
نحنا دفعة 86 الشهيرة

تصحيح لمعلومة وردت هنا
ارسله الاخ حامد برقو عبر الايميل
الف شكر ليه

Quote: عزيزي نصار بجد البوست ممتع الصحفي هو فؤاد مطر و المجلة مجلة التضامن كانت اصدارة عروبية قريبة جدا من خط مجلة الدستور

في معلومه مهمة
استخدمت الاكسس نمبر من الموبايل
ليتضح انه بيسحب من الرصيد
اعملوا حسابكم
ممكن تجرب في البلد الموجود فيه
و مقدم الخدمة بعمل معاك كدا ولا لا