Post: #2
Title: Re: ختو كورة دي وا.طة الجنمال وشمانوب
Author: انعام حيمورة
Date: 07-16-2009, 11:34 AM
Parent: #1
حلوة وصوتها حلو
وينك يا دكتورة بركة الشفناك
|
Post: #3
Title: Re: ختو كورة دي وا.طة الجنمال وشمانوب
Author: د.نجاة محمود
Date: 07-16-2009, 11:43 AM
Parent: #2
سلامات يا انعام
ياخي ممكن تدينادفرة في الاغنية دي؟
تليها من يقتح البوست تغني؟
البت دي حلوة بصورة مبالغة فيها....
لو خلو السودان دا للناس الحلوة دي بتصلح..
مشكلة السودان مشكلة حلة
هاهاههاهاها..
مشتاقين كيمان كيمان
|
Post: #4
Title: Re: ختو كورة دي وا.طة الجنمال وشمانوب
Author: حبيب نورة
Date: 07-16-2009, 11:53 AM
Parent: #3
صراحة يا دكتورة
الزيتونة دي نار منقد
ملهلبة
ربنا يحفظا
|
Post: #5
Title: Re: ختو كورة دي وا.طة الجنمال وشمانوب
Author: حبيب نورة
Date: 07-16-2009, 11:55 AM
Parent: #4
عاد لكن جنس مشاط
دة هسة بعملوا بي كم علبة
برينجي؟ وفنجان جبنة؟؟
البت تتلولو في اللاوي
زي العباية اللف الأسكندراوي
تبارك الله
|
Post: #6
Title: Re: ختو كورة دي وا.طة الجنمال وشمانوب
Author: طارق جبريل
Date: 07-16-2009, 12:41 PM
Parent: #5
شدة الحرامي السرق الشية من قدام بورداب الخرطوم في قندهار
|
Post: #7
Title: Re: ختو كورة دي وا.طة الجنمال وشمانوب
Author: حافظ حسن ابراهيم
Date: 07-16-2009, 12:57 PM
Parent: #6
مبالغة يا دكتورة ...والله صدقيني دا السودان البنحلم بيهو
تسلمي يا كلك زوق
|
Post: #8
Title: Re: ختو كورة دي وا.طة الجنمال وشمانوب
Author: مجدى محمد مصطفى
Date: 07-16-2009, 02:07 PM
Parent: #7
إزيك يا دكتوره بيان .
البنيه حليوه الله يحفظه ويحفظ السودان .
و صورتك كمان ما شاء الله روعه .
يحفظكم الله .
|
Post: #9
Title: Re: ختو كورة دي وا.طة الجنمال وشمانوب
Author: أم سهى
Date: 07-16-2009, 03:58 PM
Parent: #8
كدي خلينا من صورة البنية الحلوة وشمال وجنوب
نحن اسة في صورتك دي
اخيرا طلعتيها
وقلتي لي نظام النيو لووك ولا شنو القصة والضحكة دي
وخلينا الحجاب غاااادي
تبارك الله
بس انشاء الله ما يسحروك يا دكتورة
تحياتي للكل
|
Post: #12
Title: Re: ختو كورة دي وا.طة الجنمال وشمانوب
Author: د.نجاة محمود
Date: 07-17-2009, 02:05 AM
Parent: #9
ام سهى يا حبيبة
قلنانجمل كتابتنا بالصور وكدا
هاهههاهها..
تاني تشوفي كان جا راجل شاكلني بلا غبينة
المنبر دا بطق اليه عرق طوالي حيث المدافعين عن ست الصورة
حيبقو شطة قنابيت عديل كدا
اغنية حسنك امر دي ما جات من فراغ...
هاهههاهههها
مودتي
|
Post: #13
Title: Re: ختو كورة دي وا.طة الجنمال وشمانوب
Author: د.نجاة محمود
Date: 07-17-2009, 02:09 AM
Parent: #8
| Quote: البنيه حليوه الله يحفظه ويحفظ السودان . |
اللهم آمين يا اخي
طالما في فنانين السوان بتحفظ ديل الناس البثرو الوجدان
ويخاطبوه
حريقة تحرق ساس يسوس..
شوفتا معاي الاغنية؟
تتحدثع بنية مختلفة مهذبة محترمة
اغنية بتبت لقيم انسانية عالية وهي الكرم والتهذيب..
تقديري
|
Post: #10
Title: Re: ختو كورة دي وا.طة الجنمال وشمانوب
Author: abubakr
Date: 07-16-2009, 04:10 PM
Parent: #1
عزيزتي نجاة
هذه الشابة كانت وربما ما زالت احد افراد فرقة وروباب ولقد سجلت لها اغنية مع الفرقة قبل حوالي سنتين وهو في الرابط ادناه :
http://www.youtube.com/watch?v=99JGK6srEps
|
Post: #11
Title: Re: ختو كورة دي وا.طة الجنمال وشمانوب
Author: د.نجاة محمود
Date: 07-17-2009, 02:00 AM
Parent: #10
| Quote: هذه الشابة كانت وربما ما زالت احد افراد فرقة وروباب ولقد سجلت لها اغنية مع الفرقة قبل حوالي سنتين وهو في |
العزيز ابوبكر
شكرا جزيلا لاتحافنا بهذاالابداع المتناهي....
عربي جوبا يحلق في سماوات ابداعية,,,
ليرتفع صوت الفن ليوحد الصفوف...
مودتي
|
Post: #14
Title: Re: ختو كورة دي وا.طة الجنمال وشمانوب
Author: د.نجاة محمود
Date: 07-17-2009, 02:11 AM
Parent: #11
حبيب نورا ابو النسب
شوفتا البت دي كيف؟
مودتي ليك...
|
Post: #15
Title: Re: ختو كورة دي وا.طة الجنمال وشمانوب
Author: د.نجاة محمود
Date: 07-17-2009, 02:48 PM
Parent: #14
| Quote: شدة الحرامي السرق الشية من قدام بورداب الخرطوم في قندهار |
شوفتا كيف يا ود العم؟
قولي منو وتقولي شنو؟
ديل الجيل الحينقذ السودان..
ربنا يخليهم..
|
Post: #16
Title: Re: ختو كورة دي وا.طة الجنمال وشمانوب
Author: Zakaria Joseph
Date: 07-17-2009, 05:00 PM
Parent: #15
Quote: اغنية حسنك امر دي ما جات من فراغ...
هاهههاهههها |
الاخت دكتورة نجاة,
لم اتمكن من الاستمتاع بالاغنية امس عندما تفضلت بوضع لينك فى بوست السيد سبيل و هو بوست غير موفق كما تعرفى جيدا.
انا سمعت الاغنية قبل كدى و شاهدتها فى فضائية جنوب السودان.
انا من الناس البهتم بالفن عموما لدرجة انى استمع الى مدايح نبوية على الاقل مرة واحدة فى الاسبوع فى تلفزيون السودان.
دعنى اوضح شئ بسيط عن حكاية عربى جوبا و اتمنى الا تفهم باننى جاى للدشمان هنا. عربى جوبا عبارة لكنة عربية تطورت فى مدينة جوبا فى القرن التاسع عشر عندما تكونت المدينة و اصبحت محطة تجارية و سياسية و هى من بدعة اهلنا "الجلابة", و -انا استخدم الكلمة بمعناها الصحيح- كنتيجة لتبسيط لغتهم العربية و مزجها باللغة البارية لتسهيل الاتصال باهل المنطقة و اصبح كل من يذهب الى جوبا يتخذها لتحدث مع اهل المنطقة, و من ضمنهم الجنوبين. و شاعت هذه اللغة بين الجنوبين ابان الحرب الاهلية الاولى . الجيل الذى يتحدث عربى جوبا هو جيل الحرب الاهلية الاولى.
الناس بتخلط بين عربى جوبا و اللهجة العربية التى يتحدث بها معظم الجنوبين و التى لا تختلف كثيرا بالعربية التى يتحدث بها اهل دارفور و كردفان, بل, ان مظم الجنوبين لا يعرفون الحديث بعربى جوبا و لا يفهمونه خاصة الجيل الذى ولد فى الخمسينات و ما فوق. معظم الجنوبين الذين يتحدثون العربية, on average, هى الفئة المتعلمة, و لا تقل فصاحة عن الصفوة الشمالية.
الاغنية ليست بعربى جوبا, بل بنفس العربى البيتحدث به معظم اهلنا فى الشمال و لكن بلكنة جنوبية.
|
Post: #17
Title: Re: ختو كورة دي وا.طة الجنمال وشمانوب
Author: د.نجاة محمود
Date: 07-17-2009, 05:24 PM
Parent: #16
Quote: اغنية حسنك امر دي ما جات من فراغ...
هاهههاهههها |
سلامات اخي زكريا اتمنى تكون تمام
هذاالكوت مكتوب لام سهى عل تعليقها على النيو لوك خاصتي
حوالي سنتين كانت الروميت تبعي من جنوب السودان.. تزورها بقية الاخوات من الجنوب
اللاتي تمددت بيننا علاقات وصلت الى الاسر...
دائمايتحدثن بلهجة عربي جوبا مع بعضهن..
ولذلك اعرف لهجة عربي جوبا وافهم ظروفها التي نمت فيها الى ان وصلت الى لغة مستخدمة في راديو الجنوب..
تحركي لسنوات طويلة جدا في اوساط المتعلمين من الجنوب من مختلف الاعمار
والاجيال. اجيال ابي تتتحدث اللغة الانجليزية جيلي يتحدث عربي جوبا اجيال الابناء يتحدثون اللغة العربية بطلاقة..لعيشهم في الشمال
وضعته في بوست سبيل لان هذا البوست فيه احتفاء عالي بهذه الاغنية الجميلة في وجهة نظري
وباللغة ايضا..
مع فائق الاحترام
|
|