Post: #1
Title: قصة الساعة (11)!!!!!
Author: داليا حافظ
Date: 07-15-2009, 12:40 PM
تشير الساعة الآن إلى الحادية عشر قبل منتصف الليل ..
|
Post: #2
Title: Re: قصة الساعة (11)!!!!!
Author: داليا حافظ
Date: 07-15-2009, 12:43 PM
Parent: #1
على كل السندريلات ..يشيلن جزمن فوق يدينم وجري نضيف !
......................
الغريبة الليت بتاع سندريلا كان الساعة (12) !
|
Post: #4
Title: Re: قصة الساعة (11)!!!!!
Author: داليا حافظ
Date: 07-15-2009, 12:47 PM
Parent: #2
شنو الحكمة من انو الحفلات تنتهي الساعة (11)؟
|
Post: #5
Title: Re: قصة الساعة (11)!!!!!
Author: داليا حافظ
Date: 07-15-2009, 12:48 PM
Parent: #4
دايرين الناس تنوم بدري مثلا حفاظا على صحتهم ؟
|
Post: #3
Title: Re: قصة الساعة (11)!!!!!
Author: محمد عبد الماجد الصايم
Date: 07-15-2009, 12:43 PM
Parent: #1
_______
توقيت الساحل الشرقي!
|
Post: #6
Title: Re: قصة الساعة (11)!!!!!
Author: داليا حافظ
Date: 07-15-2009, 12:55 PM
Parent: #3
لا بتوقيت الشرقي من غير الساحل ..
|
Post: #7
Title: Re: قصة الساعة (11)!!!!!
Author: داليا حافظ
Date: 07-15-2009, 12:59 PM
Parent: #6
الشعب السوداني ..لا قدرو يمنعو الإختلاط ولا الرقيص ..بقت على الساعة ..
|
Post: #8
Title: Re: قصة الساعة (11)!!!!!
Author: داليا حافظ
Date: 07-15-2009, 01:00 PM
Parent: #7
يعني مثلا الإختلاط والرقيص قبل (11) حلال وبعدها حرام ؟
|
Post: #9
Title: Re: قصة الساعة (11)!!!!!
Author: حامد بدوي بشير
Date: 07-15-2009, 01:09 PM
Parent: #8
ما ذلك سوى جزء من برنامج إزلال الشعب الشعب السوداني وكسر عزته وتدجينه وتهيئته لقبول الدكتاتورية المغلفة بالدين وذلك من خلال سلسلة من الأوامر واللوائح والقوانين المحلية والولائية المخالفة لحقوق الإنسان. ويندرج ضمن ذلك تقرير عقوبة الجلد المهينة لكثير من الجنح. بل غنهم قد اخترعوا قانونا إسمه قانون (التسكع والتلكع) لإهانة الشباب خصيصاز وقد نسمع غدا بقانون (السحركة والمحركة) وقانون (الأندلة والحقارة) ... الخ. المهم أن تستمر شرطة النظام الغبية في جلد أفراد الشعب السوداني وان بستمر قضاته المطوعون في إصدار الأحكام القراقوشية.
|
Post: #12
Title: Re: قصة الساعة (11)!!!!!
Author: داليا حافظ
Date: 07-15-2009, 01:45 PM
Parent: #9
| Quote: ما ذلك سوى جزء من برنامج إزلال الشعب الشعب السوداني |
يا ريتم كان واضحين ومحددين ..لكن هم عصاية نايمة وعصاية قايمة ..الله يعين الشعب !
|
Post: #10
Title: Re: قصة الساعة (11)!!!!!
Author: داليا حافظ
Date: 07-15-2009, 01:14 PM
Parent: #8
حاجات كتيرة بتم تجاهلا أو التركيز عليها حسب مزاج الموكل بالتطبيق وحسب حظ اصحاب
الحفلة ..(زواج ..سماية.. أو حفلة عامة أوأيا كانت ).
|
Post: #11
Title: Re: قصة الساعة (11)!!!!!
Author: داليا حافظ
Date: 07-15-2009, 01:23 PM
Parent: #10
إلا موضوع الساعة (11) !!!!
وكانهم بقولو للناس بنخليكم تفرحو لكن بنحدد ليكم الوقت التفرحو فيهو !!!!!!
|
Post: #13
Title: Re: قصة الساعة (11)!!!!!
Author: Elawad Eltayeb
Date: 07-15-2009, 02:27 PM
Parent: #11
Quote: إلا موضوع الساعة (11) !!!!
وكانهم بقولو للناس بنخليكم تفرحو لكن بنحدد ليكم الوقت التفرحو فيهو !!!!!! |
بعد 11؟
لكن ما دا الوقت البتبدأ بعدو طوالي رميات (ساعات الصفر)،
والجماعة ديل (شرعيتهم) ما بتسمح!
ولو حصلت أي شنكبة عنكبة عضلات تبش، ما يلقوا البيعزف ليهم ولو موسيقى حزاينية
|
Post: #14
Title: Re: قصة الساعة (11)!!!!!
Author: ALGARADABI
Date: 07-15-2009, 02:36 PM
Parent: #11
Quote: داليا حافظ
.
تاريخ التسجيل: 06-06
مجموع المشاركات: 2222 |
داليا
مداخلة بدرجة قف تأمل
كل الناس اتنين اتنين
تحياتي
|
Post: #15
Title: Re: قصة الساعة (11)!!!!!
Author: Zoal Wahid
Date: 07-15-2009, 03:14 PM
Parent: #14
في حتة من الحتات .. الجماعة كونوا لجنة سموها لجنة الامر بالمعروف و النهي عن المنكر
اذا المواطن عايز يجمع الناس ويفرحوا لازم يأخذ اذن منهم ويحددوا ليهو الزمن كمان.
عرس، طهور، مغترب جا.. شيلة عايزين يشوفوها ....
المواطنين في النهاية سموا اللجنة ( لجنة المنكر).
|
Post: #16
Title: Re: قصة الساعة (11)!!!!!
Author: SAIF MUstafa
Date: 07-15-2009, 03:53 PM
Parent: #11
الأخت داليا
سلام
التوقيت دا متأصل فى ألأمور العندها علاقة بالتحكم العبثى بحرية حركة البنات تحديدا...
صاحبتنا من غير الناطقين بها كان بتقول ليها الساعة واحد وواحدين...
زمن الجامعة ولما يكون السياسة سوقها ميتان كان موضوع الساعة 11 دا .. من مواضيع التنظير..
وما ما أظن الناس وصلت لأتفاق بشأنه وليه البنات بس هم المفروض يرجعوا الداخليات فى التوقيت دا ؟
ما أظن فى إجابة منطقية...
من ألأحداث الطريفة العاصرناها أنو أيام أمطار عام 1988 ... الحوش المحيط بداخلية البحيرات لطالبات جامعة الخرطوم بشمبات تهدم ولم يتبقى منه غير الجزء المواجه للميدان... ودا كان فيه الباب الرئيسى..
كان لما الساعة11 تجى .. الخالات بيقفلوا الباب دا وسط ضحكات الطالبات البكونوا بيتونسوا مع أصحابهم فى المسطبة البينهم وداخلية ألأولاد ... ودى أمكن الفترة الوحيدة اللى شفت فيها البنات بيدخلو الداخلية فى التوقيت دا وجزمهن فى رجليهن..
شفتى برمجة الخالات دى كيف..؟؟ يعنى وصاية بدون أعتبار لأى هدف منطقى..
ونفس الشئ بالنسبة للجماعة ديل.. يعنى الموضوع ما جديد بس الناس ديل قالوا يعمموا اللاموضوعية وهوس الوصاية على مجتمع هو قاصر فى نظرهم . ...
مش طلاب الجامعة الأسلامية بجو فى حافلة واحدة.. ولما يصلوا البنات والأولاد بيقروا منفصلين ؟؟؟؟
ومش العسكرى القبض الصحفية لبنى، بنات الشرطة المعاهو لابسات بناطلين زيها؟؟
وطيب؟؟؟
ياخى دا بلد مؤوسساتو الأجتماعية الرسمية والمدنية جميعها مصابة بالحوص الأخلاقى...
تسلمى
سيف
|
|