شيخٌ و شحيح

أما الشيخ فهو: كريماً جودو جود أروش خريف الدالي والمزموم سريع النهمه مو منكش يكفِّي الناس عموم وعموم
...



و أما الشحيح فهو مِن:
قوم إذا أكلـوا أخفـوا كلامهمـو
و استوثقوا من رتاج الباب و الدارِ
قوم إذا استنبح الضيفـان كلبهمـو
قالوا لأمهمِ بولـي علـى النـارِ
فتمنع البول شحـاً أن تجـود بـهِ
و مـا تبـول لهـم إلا بمـقـدارِ




يتبع...

Quote: فتمنع البول شحـاً أن تجـود بـهِ و مـا تبـول لهـم إلا بمـقـدارِ

اعتقد ان الصحيح:

فامسكت بفرجها ضنا ببولتها
ولم تجد الا بمقدار

المصادر

يتبع...

و شحيح قصتنا لو إكتفى بُشُحِّه على نفسه و انكفأ عليه فمافي مشكلة.
و إنُّو لا يجدِّع لا يجيب الحُجار برضو ما مُشكِلة
لكن لا عايز يرحم لا يخلِّي رحمة ربنا تنزِل دة بقى الما مفهوم.


لذلك سيتبع...

و من الطبيعي أن يحسد الشحيح البخيل الجِلدة
الشيخ الكريم الجوّاد ذو اليد الممدودة دوماً بالخير للجميع
و الشحيح لمن ما لِحق الشامبيون قال عفِن
و الما بِتلحقو جدِّعو


يتبع.....

قد تكون صفة الشحيح صعبة علي الكثيرين , ولكن من اعترف بانه لن يدفع شير وانه يشرب الخمر
وانه لامانع لديه في خصومة فاجره فانه شحيح بلا شك ,,
تحياتي علاء الدين

مراحب شيخ العوض الأجواد
شيخ عموم بورداب الخرطوم ولو كرِه الشحيحون

يسلم قلمك يا علاء الدين

الشيخة إنعام حيمورة
شيخة بوردابيات الخرطوم
أوووووووووووووووول حاجة قولي لي
إنتِ الزرعِك منو وسط البورداب
باقي العوض دة جات تلميحات من السيِّد الشحيح الجِلدة إنو زرعوهو في نصنا ناس الجهاز (نحن يعني)
ونحن دي ترجع لينا أنا ووليد المبارك و عدد من صبية الجبهة و مرتزقة الإنقاذ
أها إنتِ زرعِك منووووووووووووو!!!؟
ياخي عوارة كدة لمن تقرِّف
الواحد تلقاهو ما عندو التكتحو
شُح حتى في الفهم
و يكون قاعد منبوذ في ركن قصي إنتبذه لنفسه محاط بأسوار من الشكوك و الريبة و الجلدنة و غل اليد إلى العنق و كنكشتها تجاه الجيب
و عينو للناس القيافة القيافة الما لقوا منو غير السخافة و عين الحسد و الكره لأشياء عندهم بسيطة غاية البساطة لكنها ذات شأن عندو.
إنو تدخِّل يدّك في جيبك شان تدفع شير للمة يتم فيها تواصل إجتماعي حميم دي حاجة هايفة عندو
إنو التواصل الحميم دة تنتج عنو خُلاصة ناس إختصهم الله لقضاء بعض حوائج الآخرين في الأفراح أو الأتراح دة كلام فارِغ عندو
إنو الناس ديل يظهر فيهم إنسان ربنا حببو للخير و حبب الخير ليهو زي العوض و زي إنعام
يبقى الناس ديل مزروعين من جهاز الأمن فينا لتنفيذ خطط و مآرب الإنقاذ داخل تجمُّع بورداب الخرطوم
و يبدو إنو الملف دة أولوية (ملف بورداب الخرطوم) داخل القصر الجمهوري و يُقال إنو علي عثمان مشى تركيا شان يطّلع على تجربتهم في كيفية التغلغل و سط بورداب تركيا
ياخ مرات نوعية البشر ديل الواحد تحِس بيهو بيقعد قدام شاشة سودانيز أون لاين وهو شايل ليهو نبلة و حربة و سيف و مسدس موية و لابس ليهو بوت و خوذة و درع واقي من الرصاص و قناع زي بتاع حلبات المصارعة داك لزوم التنكُّر من أمنجية المنبر و كدة و نظام تمويه ليهو كمناضل كبير و رقم في خارطة السياسة السودانية

شكرا اخي علاء علي حسن ظنك بي ,,
والف شكر ايضا لاختنا انعام حيموره علي ثقتها بي ,,
ولكني بالجد اخي علاء الدين قد سئمت هذا الصراع في لاشئ ,,
وهذه العداوات المصطنعه من عدم .,,
ولا اقول القلوب الصدئه ولكن اقول لعل في عيوبا لم اعرفها ,,
ولهذا تجدني سعيدا بكم وبما عرفتكم من اخوان رجال واخوات نساء تسدون عين الشمس ,,
ورغم كل ذلك فانني اجد نفسي مضطرا لللابتعاد عما سمي رئاسة بورداب الخرطوم اراحة لنفسي من عنت القيل والقال ,,
اما علاقتي بالجميع فبالتاكيد لاعلاقة لها بهذا الامر ,,
تحياتي اخي علاء وكل الاماني بان تظل واسرتك بالف خير

Quote: شكرا اخي علاء علي حسن ظنك بي ,, والف شكر ايضا لاختنا انعام حيموره علي ثقتها بي ,, ولكني بالجد اخي علاء الدين قد سئمت هذا الصراع في لاشئ ,, وهذه العداوات المصطنعه من عدم .,, ولا اقول القلوب الصدئه ولكن اقول لعل في عيوبا لم اعرفها ,, ولهذا تجدني سعيدا بكم وبما عرفتكم من اخوان رجال واخوات نساء تسدون عين الشمس ,, ورغم كل ذلك فانني اجد نفسي مضطرا لللابتعاد عما سمي رئاسة بورداب الخرطوم اراحة لنفسي من عنت القيل والقال ,, اما علاقتي بالجميع فبالتاكيد لاعلاقة لها بهذا الامر ,, تحياتي اخي علاء وكل الاماني بان تظل واسرتك بالف خير

العوض

لم اعهدك انهزاميا في وجه الاوباش

فأن هذا والله ما يريدونه هؤلاء المأفونون

كن كما عرفناك .. قدح ضيفان وملجأ الخايف وسيف للحق وقلبك الصافي كفاية


نعود

Quote: ورغم كل ذلك فانني اجد نفسي مضطرا لللابتعاد عما سمي رئاسة بورداب الخرطوم اراحة لنفسي من عنت القيل والقال

لا والف لا ... العوض اخوي اصلك ود قبائل ... ركازة الضعيف حلالو يوم الضيق ... الطود الاشم وجاع عدوك ما بطيق

جنابو عمر سلامات

غايتو يا شيخ العوض لو عايز تتنحّى عن الرئاسة الشرفية اللي حمّلك ليها بورداب الخرطوم جميعاً عدا جهلول أفندي القيحة
يبقى عملت ليهو راس و قعر و مفروض تخلِّي ليهو المنبر ذاتو
أها كلامك شنو!!!!؟
ياخي شفت ليك نملة وقفت ليها قدام فيل قبال كدة
أصغر مِنّك دوسو يا معلِّم

up