Post: #1
Title: شكرا يا مريخنا العظيم
Author: اساسي
Date: 07-13-2009, 08:54 AM
Parent: #0
خسر المريخ كاس البطولة ولكنه كسب احترام الجميع كاول نادي شرق وسط افريقي ينجح في تنظيم هذه البطولة بهذه الاحترافية العالية , تنظيما يفتح الباب مشرعا امام السودان كمعقل جديد لتنظيم البطولات والنجاح فيها , بالامس اعطي المريخ الامل لكل السودانيين ان تكون لهم كلمة في شان ادارة وتنظيم البطولات القارية والفرعية , وهذه نقلة نوعية كبيرة لم تكن منظورة في مستقبل الكرة السودانية القريب الا ان المريخ العظيم فعلها كعادته كما عودنا علي اقتحام المستحيل وتسجيل اسمه , بالامس خسر المريخ مباراة بهدف وهو امر عادي في كرة القدم , بل هو اكثر من عادي , فسادة العالم في الكرة يهزمون تارة ويُهزمون مرات , وهذه هي كرة القدم , نجح المريخ في ادارة دورة علي مستوي شبه قاري اعدادا لفريقه للبطولة الكبري التي يضعها المريخ نصب عينيه , وباذن الله ينجح في الوصول الي منصة تتويجها . كما عودنا المريخ علي فعل غير المألوف هاهو وببساطة متناهية يخرج الي العلن جرذان الارض والحيات وما ترزخ به باطن الارض من آفاتها , بعثرة بسيطة للفرس الاصيل توقعت تلك الافات ان المريخ انهار وحان اؤكله ولكن هيهات ... فالمريخ عملاقا لا تشغل باله الفئران والجرذان وحشرات باطن الارض , فهو يعرف تماما ان موعده معهم يوم السبت القادم ويكفيه كعادته في سحلهم شوية بف باف وبضع المبيدات المتوفرة في اقدام لاعبيه لاعادة الفئران الي مخابئها .
|
Post: #2
Title: Re: شكرا يا مريخنا العظيم
Author: معتصم دفع الله
Date: 07-13-2009, 09:05 AM
Parent: #1
لا بالله ..
قوم لف الغلب حااار ..
|
Post: #3
Title: Re: شكرا يا مريخنا العظيم
Author: tmbis
Date: 07-13-2009, 09:06 AM
Parent: #1
حاصروا المسكين .. فهو ما زال يعاني الامرين .. مسمار التاكسي .. وعدم النوم. إنت بتقفل جوالك لييه بالليل خالص ؟؟ اوعه تقول لي عشان انوم .. تلقاك من امس ما نمته .. يا حررررام
|
Post: #4
Title: Re: شكرا يا مريخنا العظيم
Author: Maawya Hussein
Date: 07-13-2009, 09:10 AM
Parent: #1
ولاحول ولا قوة الا بالله اللهم اجعلها المصيبه القبل الاخيره
_______ يوم الاحد الجاي برضو حا تحتاج لنعي جميل زي المكتوب فوق دا
|
Post: #5
Title: Re: شكرا يا مريخنا العظيم
Author: humida
Date: 07-13-2009, 09:13 AM
Parent: #4
.. ..
لاقاني بالتكسي .. القزازو بايركسي .. قلبي ليهو انشرح .. قام عمل يييييييييييييييييييييييع .. !!
.. ..
|
Post: #6
Title: Re: شكرا يا مريخنا العظيم
Author: عبدالوهاب علي الحاج
Date: 07-13-2009, 09:18 AM
Parent: #5
هل يتكرر هذا المشهد يوم السبت القادم
آى هووووب سو
|
Post: #7
Title: Re: شكرا يا مريخنا العظيم
Author: Yassir Tayfour
Date: 07-13-2009, 09:22 AM
Parent: #5
حاسي بيك والله يا أساسي.. __ لكن الجماعة الفوق لي ديل ما حاسين بيك، عليهم اللعنة الرشاشات
|
Post: #9
Title: Re: شكرا يا مريخنا العظيم
Author: طارق جبريل
Date: 07-13-2009, 09:29 AM
Parent: #7
سيظل هذا المريخ عظيما
|
Post: #10
Title: Re: شكرا يا مريخنا العظيم
Author: اساسي
Date: 07-13-2009, 09:31 AM
Parent: #7
دابات وزواحف الكرة السودانية اعلاه
بدلا من افتعالكم للفرح العقيم كعادتكم دائما اما كان الاجدى لكم ( جمع طبرعات) لفريقكم الكليم من اجل (قطع) تذاكر سفر له للعودة من مصر والذي سمعنا انه تورط فيها من عدم وجود قيمة شراء تذاكر سفر للعودة , سمعنا ان البعض اقترح السفر بالقطار من القاهرة حتي اسوان علي الدرجة الثالثة ومنها علي الباخرة حتي حلفا ومنها بالنيسانات حتي الخرطوم , ولكم ان تشكروا جمالي الوالي الذي قام (بقطع) تلك التذاكر من اجل عودة مومياءتكم
|
Post: #12
Title: Re: شكرا يا مريخنا العظيم
Author: Maawya Hussein
Date: 07-13-2009, 09:38 AM
Parent: #10
Quote: دلا من افتعالكم للفرح العقيم كعادتكم دائما اما كان الاجدى لكم ( جمع طبرعات) لفريقكم الكليم من اجل (قطع) تذاكر سفر له للعودة من مصر والذي سمعنا انه تورط فيها من عدم وجود قيمة شراء تذاكر سفر للعودة , سمعنا ان البعض اقترح السفر بالقطار من القاهرة حتي اسوان علي الدرجة الثالثة ومنها علي الباخرة حتي حلفا ومنها بالنيسانات حتي الخرطوم , ولكم ان تشكروا جمالي الوالي الذي قام (بقطع) تلك التذاكر من اجل عودة مومياءتكم |
Quote: المقاولون وصل فجراً ويتدرب اليوم وصلت عند الثانية والنصف من فجر اليوم عبر الخطوط الكينية بعثة فريق نادي المقاولون العرب (35) فرداً لأداء تجربة ودية امام الهلال غدا الاثنين.. وقد وجدت البعثة استقبالا حافلا من قبل المجلس الذي استقبلها بالورود تعبيرا عن العلاقات المتميزة التي تجمع الناديين وقد حلت البعثة بفندق الخرطوم بلازا وسط الخرطوم.. وسيؤدي الفريق تدريبا عصر اليوم بملعب فرع الرياضة العسكري بعد ان اكمل المكتب التنفيذي لنادي الهلال كافة حجوزاته. |
|
Post: #13
Title: Re: شكرا يا مريخنا العظيم
Author: سيف الدين عوض
Date: 07-13-2009, 09:44 AM
Parent: #10
استفاد المريخ من التنظيم الجيد لبطولة شرق ووسط افريقيا .....
فقد اكد مسؤلي النادي ان القصد الاساسي للبطولة اعداد الفريق لدوري المجموعات ..
واعتقد ان الجهاز الفني قد استتفاد كثيراً من البطولة ...
|
Post: #14
Title: Re: شكرا يا مريخنا العظيم
Author: Frankly
Date: 07-13-2009, 09:47 AM
Parent: #10
بكل صراحة يا أساسي أن زعلان جداً جداً لهذه الهزيمة وهذه الخسارة الكبيرة للكأس الذي كان قاب قوسين أو أدنى
وما نمت كويس وجاتني هضربة لما نمت لكن بعد شوية فكّرت في الموضوع
في فرق وطنية عريقة تفقد كأس العاااااالم في عرق دارها
وهذا شيء طبيعي
المهم في هذه المنافسة النظيفة التي نظّمها المريخ الشامخ العريق في الأستاد القلعة الحمراء محج فعاليات السودان الثقافية والرياضية والقومية, النتائج والخبرات التي صقلت فنيات الفريق في دورة مبارياتها بإيقاع 48 ساعة.
المريخ خسر ولم يكن الأسوأ بل كان ضاغطاً طيلة الشوطين واهدر الكثير من الأهداف المحققة
هذا المريخ بمستواه هذا يجعل الوصيف يشعر بمرارة الهزيمة قبل موعد اللقاء يوم السبت ويحاول جاهداً أن يزعزع من ثقتنا بأنفسنا وأنى له ذلك فيوم السب موعدنا وباطن الأرض خير لهم من ظاهرها وبإذن الله سداسية في شباكهم لن تكفينا
تحياتي كمال
|
Post: #11
Title: Re: شكرا يا مريخنا العظيم
Author: الفاتح الجنيد
Date: 07-13-2009, 09:38 AM
Parent: #4
الجماعة ديل ياأساسى شغلهم كان مكرّّب الكورة دى مكتفة عدييل كده حاجه تفقع المرارة ...
|
Post: #16
Title: Re: شكرا يا مريخنا العظيم
Author: Maawya Hussein
Date: 07-13-2009, 09:49 AM
Parent: #11
Quote: الكورة دى مكتفة عدييل كده |
الكوره بس المكتفه !! حرام عليك ياخ ..مسكينه الكوره لكن
لو حضرت الاعاده حا تلقي اكرم كان مكتف ما قدر ينط للكوره الشايتنها من استاد الهلال ..حا تلقي موسي الزومه مكتف ..الكوره كانت بتدق فيهو وتطلع اوت ..حا تلقي اغلي لاعب في السودان وارغو مكتف 3 كور في خت سته ما قدر يجيب قون ويحصل المولد دا ..حا تلقي ايداهور المسكين كان مكتف لانو كان لابس فنيله حمراء تحت الزي كاتب عليها 100 داير يحتفل بي هدفو الميه مع المريخ لكن المسكين كان مكتف ماقدر يرفع الفنيله ..
اللهم نعوذ بك من شر التكتيف
|
Post: #18
Title: Re: شكرا يا مريخنا العظيم
Author: jini
Date: 07-13-2009, 10:03 AM
Parent: #16
Quote: كما عودنا المريخ علي فعل غير المألوف هاهو وببساطة متناهية يخرج الي العلن جرذان الارض والحيات وما ترزخ به باطن الارض من آفاتها , بعثرة بسيطة للفرس الاصيل توقعت تلك الافات ان المريخ انهار وحان اؤكله ولكن هيهات ... فالمريخ عملاقا لا تشغل باله الفئران والجرذان وحشرات باطن الارض , فهو يعرف تماما ان موعده معهم يوم السبت القادم ويكفيه كعادته في سحلهم شوية بف باف وبضع المبيدات المتوفرة في اقدام لاعبيه لاعادة الفئران الي مخابئها . |
الجاتك فى ملافظك سامحتك! جنى
|
Post: #19
Title: Re: شكرا يا مريخنا العظيم
Author: الفاتح الجنيد
Date: 07-13-2009, 10:03 AM
Parent: #16
Quote: وارغو مكتف 3 كور في خت سته ما قدر يجيب قون |
أمانه فى ذمتك الكور دى ما ختيت يدك فوق راسك قايلا دخلت المرمى؟؟؟ الكتيف ده كيف !!!
|
Post: #20
Title: Re: شكرا يا مريخنا العظيم
Author: حسين محي الدين
Date: 07-13-2009, 10:09 AM
Parent: #19
مريخاااابي وأفتخر
|
Post: #22
Title: Re: شكرا يا مريخنا العظيم
Author: عبدالله كع
Date: 07-13-2009, 10:14 AM
Parent: #16
مبروك التنظيم .........
بس حا تختو في ياتو دولاب
|
Post: #23
Title: Re: شكرا يا مريخنا العظيم
Author: عمران حسن صالح
Date: 07-13-2009, 11:02 AM
Parent: #22
|
Post: #24
Title: Re: شكرا يا مريخنا العظيم
Author: محمد المرتضى حامد
Date: 07-13-2009, 12:02 PM
Parent: #23
الأخ أساسي، منذ بدء الخليقة تجد أناسا يعملون وينجزون ويبذلون ويفشلون ثم ينجحون، وفي الجانب الآخر تجد آخرين يتندرون ويسخرون و ... ينسحبون. تحاياي
|
Post: #25
Title: Re: شكرا يا مريخنا العظيم
Author: Osama Mohammed
Date: 07-13-2009, 12:48 PM
Parent: #24
نقلا عن منتدى كورة ...
يعني تتغلبو نكون نحن حشرات ولمن نتعادل بس تدقو خيمة ...؟
المريخاب ديل الناس الوحيدين النمطيين في العالم الما نمطي ده ..... True stereotype
اسامة
|
Post: #26
Title: Re: شكرا يا مريخنا العظيم
Author: محمد الامين احمد
Date: 07-13-2009, 04:23 PM
Parent: #1
المريخ دوما قدحه اعلى و نوره ابهى ، يا اساسى المريخ ده تاريخ اى والله تاريخ
الجماعة ديل لو رجعو للكاسات الجابها المريخ ممكن يتعلمو منها تاريخ و جغرافيا
اكتر من الاتعلمو فى مدارسهم والله ،
و بعدين شوف لما يبقى تفكير رئيس نادى الهلال كده
Quote: صلاح إدريس الذي تساءل: هل يمكن أن تستضيف فريقاً وتطعمه وترحله ويهزمك؟
|
ده رئيس نادى رياضى (مفروض انو محترم) تفكيرو كده فماذا تتوقع من الرعاع الرعيه !!!
اذا ده مفروض انو الفاهم الفيهم يبقى تانى نقول شنو و نقول لى منو ذاتو ، بعد البطولة
دى اتضح لى المريخ يلعب وحيدا فى الملاعب السودانية ، لانو صراحة ما معقول النادى
المفروض انو بينافسنا يكون ده تفكير رئيسو و فوق ده كلو ما عندهم ولا انجاز خارجى واحد !!!!!!!!
يا عالم الناس دى عايشه كيف ، ما بيحسو ما بيشعرو ، و الاهم ما بيخجلو !!!!!!!!!!!!
زعلنا انو المريخ خسر الكاس المرة دى بعد فوز مستحق للفريق المنافس ، لكن تخيل انو
و نحنا خسرانيين و فى مشاركتنا الـ5 نتيجتنا اعلى من نتائج الهلال الذى شارك 8 مرات فى هذة
البطولة القالو عنها ضعيفه ، و من الـ8 مرات دى لي طلع مره واحده التالت
و لله الحمد ، تابع مباريات المريخ فى هذة الدورة مشجعى صغار العرضة قبل انصار المريخ العظيم
انا كنت بعرف اخبار البطولة منهم ( و صراحة اشكرهم على مجهودهم و متابعتهم) ، يعنى
اسه ديل لو ناس تانيين ، كان يقول ليك نفتش نتايج فريقنا ، احسن ،
دعهم يفرحون قليلا ، فهم اعظم امالهم و فرحتهم تتمثل فى فوزهم على المريخ العظيم (و ليهم حق)
و ان لم يستطيعو ذلك ، فانهم يفرحون بهزيمته من غيرهم ، مساكييين
ربنا يفرجا عليهم يا اااااااااااااااااااااا رب ، يا رب ارزقهم تيم زى الناس ، يا رب ارزقهم كاس ديل تعبو خلاااااص
|
Post: #27
Title: Re: شكرا يا مريخنا العظيم
Author: محمد البشرى الخضر
Date: 07-13-2009, 06:22 PM
Parent: #26
Quote: كاول نادي شرق وسط افريقي ينجح في تنظيم هذه البطولة بهذه الاحترافية العالية , تنظيما يفتح الباب مشرعا امام السودان كمعقل جديد لتنظيم البطولات والنجاح فيها , بالامس اعطي المريخ الامل لكل السودانيين ان تكون لهم كلمة في شان ادارة وتنظيم البطولات القارية والفرعية , وهذه نقلة نوعية كبيرة لم تكن منظورة في مستقبل الكرة السودانية |
كدي خلّيك مننا احنا إنت يا خوي في رقبتك حنكك دا بقسّم معاك
|
Post: #28
Title: Re: شكرا يا مريخنا العظيم
Author: محمد مصطفى
Date: 07-13-2009, 08:28 PM
Parent: #27
عظيم وستظل عظيم يامريخ
يا أساسي سمعت بـ"غضبـة الحليــم" هذا ماسوف يحدث يوم 18 والصفيــراب ديـل معنو شنو شايتين وين الشئ لا كاسات خارجية ولا انجازات ولا وصافة في سيكافا تسعمائه مشاركة ولا حتى الوصافة المحمداهم دائما دي
والمريـــــــخ عالـــــــــــم جميـــــــــــل
ولا عــزاء للصفيـــــــــــراب
|
Post: #29
Title: Re: شكرا يا مريخنا العظيم
Author: محمد عبد الماجد الصايم
Date: 07-14-2009, 11:00 AM
Parent: #28
الفراش دا اترفع ولا نشيل الفاتحة؟
|
Post: #30
Title: Re: شكرا يا مريخنا العظيم
Author: tmbis
Date: 07-15-2009, 09:00 AM
Parent: #29
Quote: الفراش دا اترفع ولا نشيل الفاتحة؟ |
دا شكلو يا عمك ح يكون فراش سبعة نجوم .. إنت لسه شفت ليك فراش ..؟ سمعت قصة الثعلب لما غشه الحمار البليد .. مش قاليهو إنت لسه شفت ليك ورطة .. خلي سيد الخروف يجي ..
وين سيد البوست دا ؟
|
Post: #31
Title: Re: شكرا يا مريخنا العظيم
Author: محمد عبد الماجد الصايم
Date: 07-15-2009, 09:20 AM
Parent: #30
بكون مشى يشوف ليهو حداد يمرق منو المسمار!
|
Post: #32
Title: Re: شكرا يا مريخنا العظيم
Author: Habib_bldo
Date: 07-15-2009, 01:51 PM
Parent: #31
أساسي بعد المباراة جمع الكراسي لما أتراكو قطع أنفاسي
وبعد المسمار فقد ت إحساسي
أساسي بعيداً عن الكورة مشتاقين يا راجل أخبارك
خايف تجينا مهضرب يوم الأحد (سادمبا كاريكا اتراكو تاكسي كورة قون!!!!!) وما نفهم منك اي حاجة زي الكلام الكاتبو فوق صراصير وفئران ومبيدات
|
Post: #33
Title: Re: شكرا يا مريخنا العظيم
Author: تاج السر محمد حامد
Date: 07-15-2009, 02:22 PM
Parent: #32
أساسى أخوى .. الجماعة ديل بهضربوا كده ليه .. ياخوى اساسى السبت ده بعيد .. لا والله هو أقرب من حبل الوريد .. وساعتها سنراهم وهم يزحفون الى أجحارهم خوفا من أمثال ( أساسى ) وغيره ..
ومريخنا فوق .. فوق .. فوق شئتم أم ابيتم .. فهذا هو المريخ قاهر المعجزات وأنتظرونا ياسادة .. السبت قريب وقريب جدا ..
تحياتى اليك مرة أخرى أيها المريخابى الاصيل ( اساسى)
تاج
|
|