Post: #1
Title: فاضحني داااااايماً منهزم..!!
Author: عمر الفاروق
Date: 07-13-2009, 00:58 AM
Parent: #0
الله يحيينا للسبت ان شاء الله داك يوم براهو ولكن الى حيييين السبت ما بترتاحو يا مريخاب لأنو انا عااارف ردكم حا يكون :
" كدي خلونا من سيكافا والنهائي والكأس ردنا ليكم حا يكون السبت .."
" بطولة سيكافا اسوأ مركز حققه فيها المريخ هو المركز الثالث بينما كان هو الافضل للهلال.."
" خسرنا عشان تعرفوا انها بطولة نزيهة خاضها المريخ بشرف ولو بالتحكيم لفزنا بالكأس.."
هووووووووووووووووي ترا .. يا مريخاب ما تتمسكنوا لينا وتكتلوا حيلكم ..
كالعادة والحمد لله استخدمت الخطة المعهودة لي في مباريات المريخ البكون خايف من طولة لسانهم فيها ..
من الصباح وانا شبه متأكد إنو المريخ حا يخسر الليلة وعملت نايم كما الهعد في الخطة المحكمة..
ابيت احضر الكورة نهاااااائي عشان كده لا احتكلمعن مستوى لا عارف القون جا بتين ولا الجابو منو ولا العجب كان لاعب بي جبصو ولا لأ..
كل البعرفو انو الخطة بتقول امشي في بداية الشوط التاني وافتح عين وىغمض عين رهاب رهاب وافتح عيوني على النتيجة وانا مووطي صوت التلفزيون عشان المزيع الكريه داك من كوراكو بتعرف الكورة ..
شوفت ليكم الواحد والدقيقة كانت 9 ..قوفووولت قفلت التلفزيون كما هو متفق ..
تاني جيت بعد عشرة دقايق بعد ما قفلت الاوضة وبديت لي كم دعاء كده مخصصة للجماعة ..
المرة دي عليت الصوت شوية ومن لقيت ليك المزيع مضكبلن كششششفت والواحد ما بيغباني ..
اها الخطة تقتضي المرة الاخيرة اطووووووول ولو جيت لقيت ليكم اللمين البنا السغيل داك شابكنا اشهد ودووون ياسجل التاااريخ طوااالي حا افك الريموت في السوني بتاعي واكسرو ..
ولو لقيت جماعتنا شابكننا ليك عاااد هي ما صلصة وزيتا السودااااني صباح اكلاتو عاجباااني صباااح بعرف ليك المسمار جوووووة الجك ..
الغريبة اشغل ليكم التلفزيون الساااااااعة الالقي ليك الكورة لسسسسسة شغالة ومحمد كمال خاتي يدينو في راسو يحوقل ويحسبل والزمن مااااشي فيهو ستة دقايق بطني طممممممممممم وقلت خلاص الكورة دي حا تشتغل اوووفر نايت وانتظرت حتى جائني الفرج برسائل عمرانية معتصمية ورسالة خااصة من ناس بيتنا تبشرني بي صافرة النهاية معاها غلبني ارد على اي زول اخدت ليكم سجدتي في الارض كما ابو تريكة وبقية شلة اولاد بمبة ..
المنتخب السعودي خسر في امم اسيا من اليابان خمسة في المباراة الافتتاحية وفي النهائية خسر بهدف وده الطبيعي انك حا تخسر حا تخسر لكن بشرف..
الدزائر فازت على نيجيريا في امم افريقيا في المبارة الافتتاحية 5 وجات وفازت عليها في المبارة النهائية 2-1 يعني برضو متوقع وبشرف.
المريخ كعادته وبما انو صفوة بيعمل حاجات الصفووة فاز على التكاااسة بي 6 في الافتتاح وجا وخسر منهم بي هدف في النهائي..
اجي يااااااااااااااااااا بري؟؟؟؟؟!!!!!!!
- لو جمععنا عدد الدقائق للزمن بدل الضائع للمريخ في السنة دي حا نلقاهو ممكن براااهو كده يعمل لينا بطولة كاااملة فيها 10 مباريات ..
- لا نستبعد ان يكون ضمن لائحة بطولة سيكافا اعادة مباراة النهائي في حال خسرها الفريق مستضيف البطولة ..
- للمرة التانية يخسر المريخ على ارضه كأس بطولة(قارية) وإن كانت متهالكة ومن فرق متهالكة مرة بيرة ومة تكسي..
- لحدي اسة قارية دي ما واقعة لي لكن اهو جاتنا في صمة خشمنا..
-دولاب سيكافا ده الا تكونو عملتوهو في ابو الفاضل واحسبها وفاااضل.. بس فاضل كم ؟؟؟
|
Post: #2
Title: Re: فاضحني داااااايماً منهزم..!!
Author: عمر الفاروق
Date: 07-13-2009, 01:03 AM
Parent: #1
طالعت وجوه لاعبي الاحتياط ووجوه المشجعين في الملعب ففهمت ان تغني ندى القلعة :
هجمـــــــــــــــــــة فوووق هجمـــــــــــــــــــــة ..
لكن هي هجمة نصاااااااااااح؟
|
Post: #3
Title: Re: فاضحني داااااايماً منهزم..!!
Author: عمار يس النور
Date: 07-13-2009, 02:28 AM
عمر الفاروق
سلام
| Quote: لكن هي هجمة نصاااااااااااح؟ |
ياخ ذكرتني بوستك بتاع الخلعة في يوم ذي القعدة.
عليك الله انكتوا لينا من الإرشيف هنا.
تصدق بالله و ما طالبني حليفة صاحبي داك الكتبت ليك عنو يوم الخلعة قبل سنتين و كنت حينها في أبوظبي و كان جاني زيارة من استراليا. أهه الان انا بكتب ليك من سدني في أستراليا و صديقي ايضا هنا. أمبارح بالمساء إتصل بي و قال لي ما تجي تحضر معاي تسليم المريخ الكاس.
قلت ليهو إنت مجنون، عاوزني أصحى الساعة الرابعة صباحا أشوف مبارة للمريخ و في سيكافا بعد ما ساهرت في بطولة القارات و متابعة البرازيل. تخيل زولنا ده بيساهر عشان يسمعها بالراديو.
اهه هسع الساعة عندنا 11 صباحا و عرفت النتيحة من بوستك ده و إتصلت بالزول و لكن المسكين قافل موبايلو أكيد مساهر و تعبان.
اقول ليك حاجة، انا مبارة السبت ما ح اساهر ليها لانو المريخ طرفها. معقول يا ناس احضر لي مبارة الساعة 4 صباحا طرفها المريخ ؟
***
ما تنسي بوست الخلعة
تحياتي
عمار يس النور
عاشق بخت الرضا
عاشق هلال الملايين
|
Post: #4
Title: Re: فاضحني داااااايماً منهزم..!!
Author: احمد محمد بشير
Date: 07-13-2009, 02:38 AM
Parent: #3
يا الله ياخ
أنت جيت يا ود الفارق..
كان تجي بعد يوم 18 الجاي.. ناس وهبة و خليل و حبيب نورا شردونا من المنبر الليله.. كيدا معاناهو حنطلع نحنا المريخاب ونجيكم يوم 18 .
نودي وشنا وين يا أخـوي
دياب.. الله يجيبك بالسلامه.
أخـر نكات الـعام " 2009 " .. مسـاطيل بس.. فرفش شوية.
|
Post: #5
Title: Re: فاضحني داااااايماً منهزم..!!
Author: خالد عويس
Date: 07-13-2009, 02:47 AM
Parent: #4
يا عمر كمان ما تبالغ..جماعتك ديل سيكافا دي ياها نهاية آمالهم وأحلامهم..وياها الأندية التعبانة دي..شغلانية ناس الأهلي المصري وناس النجم الساحلي والبطولة الانت عارفها ديك شعرا ما عندهم ليهو رقبة..مع انو دفعوا في (لاعبينا) مبالغ خرافية..ياخوانا الشغلانية ما شغلانية لاعبين..الشغلانية شغلانية الهلال ده لما يتخت في نص الصدر..اللعب النضيف بيجي برااااهو..
وفوق فوق..هلالنا فوق
|
Post: #6
Title: Re: فاضحني داااااايماً منهزم..!!
Author: heba Elmahi
Date: 07-13-2009, 02:51 AM
Parent: #4
هـو فـي شــنـو بـالـضـبـط ؟
كونه فريق يخسر مبارأة دي حاجة عاااااااادية و بتحصل مع أرقي الفرق
و بعدين المريخ دا كان فاز و كان خسر ياااهو المريخ فريق الصفوة !
أي نعم خسارة حارة من هكذا فريق و في ارضنا و وسط جمهورنا و لكنه
حال كرة القدم و زي ماقالوا الكورة مدورة .
و عليك الله يا عمر الفاروق شوف ليك موضوع غير مريخنا العظيم و نحنا رغم
اننا مغيوظين من الخسارة لكن ما بنرضي الحقارة و مريخنا جوة عيوننا .
سـلامـي و إحـتـرامـي
|
Post: #7
Title: Re: فاضحني داااااايماً منهزم..!!
Author: yasir Abdelgadir
Date: 07-13-2009, 06:01 AM
Parent: #6
سلام
سيكافا دي خسروا فيها مليون ونص دولار راحت في الهواء ساااكت
دي مامشكلة
يعني شنو يعني
وارقو دا براااهو روح ليهو خمسة ملايين ونص دولار في الهواء ساااكت
العجيبة في سيكافا أم مية قوون دي وارقو السجم دا ماجاب ليهو حاجة
علا غلطانين الجماعة كان يضيفوا فريق الشجرة معاهم في الدورة
يعني ناس كرتيلا ديل احسن من الشجرة في شنو
علي الاقل وارقو دا يطلع ليهو بي شيئ
|
Post: #8
Title: Re: فاضحني داااااايماً منهزم..!!
Author: بشير حسـن بشـير
Date: 07-13-2009, 06:07 AM
Parent: #7
.
سلام
مسعولين من الخير الحاصل شنو ؟؟؟؟؟؟؟
.
|
Post: #9
Title: Re: فاضحني داااااايماً منهزم..!!
Author: بشير حسـن بشـير
Date: 07-13-2009, 06:07 AM
Parent: #7
.
سلام
مسعولين من الخير الحاصل شنو ؟؟؟؟؟؟؟
.
|
Post: #10
Title: Re: فاضحني داااااايماً منهزم..!!
Author: فيصل نوبي
Date: 07-13-2009, 06:48 AM
Parent: #9
يا عمر فاتتكـ الدقيقة 99 من الشوط التالت أو كما يسمونه ( الزمن بدل الضائع) عند المريخاب ..
في لحظة كده كان الجمهور و اللعيبة و المدرب و أظن رجال الخط و الحكم الرابع و الحكم ظاااااطو معاهم
كل الناس دي خاته يدينا فوق راسها .. وواحد مشهور ( قالو لي إسمو و نسيتو)" زي ما بيقول واحد صاحبنا صحفي كروي" ضيع هدف بشوته فوق العارضة
_
نوبي المحايد جداً و خاصة مع الصفوة .ز
|
Post: #11
Title: Re: فاضحني داااااايماً منهزم..!!
Author: ALGARADABI
Date: 07-13-2009, 06:56 AM
Parent: #10
| Quote: ضيع هدف بشوته فوق العارضة |
يا نوبي
كورة الزومة دي لسه ما وقفت
قبل شوية جات مارة بي دبي متجهة نحو ايران
|
Post: #12
Title: Re: فاضحني داااااايماً منهزم..!!
Author: عمر الفاروق
Date: 07-13-2009, 07:40 AM
Parent: #9
يا سلااااااااااام يا ابو عمار ياخ :
يوم الخلعة داك ياخ لحدي اسة انا بضحك في زولك ده ..
بس زولك ده حباااابو امسك فيهو قوي انا اسة بقيت بتفائل بيهو وحا ادخلوا ليك في الخطة بتاعتي بتاعت الحاجات الغريبة البعملا يوم كورة المريخ تاني ..
يعني بعد كده ممكن عاادي في الدعاء تسمع وش وش وش وش وش وصاحب عمار يس النور ..اميييين ..
الزول ده تديني عنوانو عشان ارسل ليهو راديو بتاع جلد بني وحجارة بطارية لأنو انا خلاااص ارتحت ليهو جدا وبقا من ناسي :)
احمد بشير:
انا دايماً بجي في الملمات(حتتها كده صاح ؟) يجيكم التكسي الطاوي اقوانو قوولوا امين :)
|
Post: #13
Title: Re: فاضحني داااااايماً منهزم..!!
Author: haleem
Date: 07-13-2009, 07:57 AM
Parent: #12
عمر الفاروق يا حاقد...
شوف النجر بتاع مزمل ابو القاسم دة..
Quote: نجوم المريخ يخططون لمفاجأة العجب باجمل هدية
وجه نجوم المريخ نداء الى قائد الفريق فيصل العجب بضرورة التواجد اليوم بملعب المريخ لحضور المباراة التي تجمعهم باتراكو الرواندي، وأكد نجوم المريخ عزمهم على تحقيق لقب بطولة سيكافا وإهداءه إلى القائد الذي حرمته الإصابة من مواصلة المشوار مع زملائه في البطولة. وعلمت الصدى أن لاعبي المريخ يخططون لمفأجاة كابتنهم العجب بهدية رمزية معبرة تم التحضير لها بدقة وسرية تامة، وأوضح أحد المنظمين لفقرة تكريم العجب أن التكريم سيكون متفردا ويليق بقامة قائد المريخ وأفضل لاعبيه مؤكدا أن العجب يستحق كل الحب الذي يطوقه به زملاءه اللاعبون.
|
أهة...فيصل العجب حضر الكورة من جوة الاستاد ولا لأ..
|
Post: #14
Title: Re: فاضحني داااااايماً منهزم..!!
Author: abuguta
Date: 07-13-2009, 08:02 AM
Parent: #12
| Quote: وفوق فوق..هلالنا فوق |
خالد عويس
بالله انت بتقول كدا
يعنى كورة وسياسة,
,ومعاك كماب عياس
والمجمر
والله نحن الصفوة,,,
ود الفاروق,,,,كضاااااااااااب انت ما شفت الكورة
ياخى انا حاضرها كلها,,,وواثق وثوق الوالى
ان لو اى لاعب مريخى دخل خظ 18 وتعثر ,,,ضربة جزاء
لكن زولك ابو عمة,,,قش ورش برا خط 18
اسال منو نذار حسين
تحياتى
|
Post: #15
Title: Re: فاضحني داااااايماً منهزم..!!
Author: جمال السنوسي
Date: 07-13-2009, 08:05 AM
Parent: #12
عمر الفاروق
وبقية الشباب الحلوين
ياخي الحمد لله ارتحنا من هروبكم وححقتوا شنو في سيكافا الشابكننا بيها البطيخاب ديل
قالوا هاتريك
والكدارة باتريك
قلنا ليهم تكاسي
وبترجع المآسي
وانا بالذات شبكوني عناوين باسمي في البوستات
تقول بقيت صلاح البندر
عارف كم بطيخابي كده من كبار البطيخاب الزملاء هنا ومعانا في البورد اتصلت بيهم امبارح
لقليتهم بيتعشوا بي نفس مفتوحة
انا غايتو لو الهلال اتغلب في مباراة شهرين ما باكل
خليها لما تكون مباراة كاس
قال صفوة قال
|
Post: #16
Title: Re: فاضحني داااااايماً منهزم..!!
Author: عمر الفاروق
Date: 07-13-2009, 09:04 AM
Parent: #9
خالد عويس :
حولااااااااااااااااااااا ياخ .
هو انت من عنديييييييييينا ..؟؟
يا زول عفو وعافية ... :)
المداقرة طلعت بي فايدة ياخ :)
يا زول ابشششرك كمان انصااااري بعد :)
|
Post: #17
Title: Re: فاضحني داااااايماً منهزم..!!
Author: ALazhary2
Date: 07-13-2009, 10:15 AM
Parent: #16
.
.
والله شمشرتكم الحامضة دي مزعلاني بالحيل ،وشماتتكم دي واجعة قلبي ومضايق لامن نفسي انكتم لكن والله ضحكني عنوان البوست :
| Quote: فاضحني داااااايماً منهزم..!! |
عمر الفاروق أبو صلعة (والصلعة فخر:نظام خوف من بكري وكده)
ياخي إنت زول ظريف جداً بس مشكلتك هلالابي ومكجن الفنانات السمحات :)
التحية والتقدير للمريخ العظيم ولا نامت أعين الشامتين والشمشارين واللقاء يوم 18 والهزيمة موعدكم إن شاء الله تعالى يامواطني الزريبة الزرقاء زراقة الكفار(ونحشر المجرمين يومئذاً زرقاً )
.
.
|
Post: #18
Title: Re: فاضحني داااااايماً منهزم..!!
Author: lana mahdi
Date: 07-13-2009, 10:36 AM
Parent: #17
سلامات يا الحبيب عمر
ممكن أشعِر؟؟
والفال هو الهلال نجم النجوم ضواي
يسلم من شرور كل ناكر او نساي
أزرق ضي جبين أبيض يلالي سماي
في السودان قمر في الكورة أسدد راي
مين غير الهلال يركز ويتحدى
من غير الهلال أمجادو تتمدا
مين غير الهلال للطامحين أردى
ومين غير الهلال البلبس البُردة؟
في أُحُد الهزيمة و بدرها بيردف
ما بنفز كمان و نشمّت المرجف
والأيام دول بنقاوي و نجدف
في بر الأمان نوصل كمان و نكف
لي عين الحسود البي البلا ترفرف
الأبيض نصاعة سالف الأجيال
والأزرق نضارة شايل الشبال
لا بيمرض علمنا ولا بيغم الحال
كالفاقع الجهور اللي الفقر كيّال
لنا
|
Post: #19
Title: Re: فاضحني داااااايماً منهزم..!!
Author: خالد عويس
Date: 07-13-2009, 02:12 PM
Parent: #18
عمر وأبوقوتة
السياسة دي جيناها على كبر لكن الهلال ده بالميلاد.
|
Post: #20
Title: Re: فاضحني داااااايماً منهزم..!!
Author: lana mahdi
Date: 07-13-2009, 03:35 PM
Parent: #19
فوووووووووووووق
|
Post: #21
Title: Re: فاضحني داااااايماً منهزم..!!
Author: عزاز شامي
Date: 07-13-2009, 04:29 PM
Parent: #1
بــــــــــــــــــــــــــــــوست غير موفــــــــــــــــــــــــق
نهائي
|
Post: #22
Title: Re: فاضحني داااااايماً منهزم..!!
Author: صديق الموج
Date: 07-13-2009, 04:38 PM
Parent: #21
Quote: بــــــــــــــــــــــــــــــوست غير موفــــــــــــــــــــــــق
نهائي |
عمر القبيح مادام عزاز طلعت مريخابيه
ان شاء الله المريخ يلحق الهلال ولا يشيل ولاكاس
احيييييييييييييييييييييييييييييييييييى يا كلوى،،،
|
|