|
|
 نهاية الخرطوم نبوءة
|
يروى عن الشيخ فرح ود تكتوك انه تنبأ بنهاية الخرطوم اما حرقا او غرقا
طبعا حرقا ممكن تكون عن طريق الكهرباء مثلا ودا مستبعد الي حد ما لانو الكهرباء
ما مكفية لمبات ناهيك تحرق ليها بلد و لو حدث يمكن السيطرة عليها يعني ما بتكمل
الخرطوم دي كلها لكن ممكن حرب تستخدم فيها قنابل مدمرة وارد بس اعتقد انو
الشيخ قاصد النيران العديلة ام لهب دي يعني تقوم حريقة من سوبا و تنتهي في المقرن
و دي برضو صعبة شوية
يبقي احتمال الغرق وارد بشكل كبير بس كيف ؟
|
|
 
|
|
|
|
|
|
|
|
Re: نهاية الخرطوم نبوءة (Re: حمد عبد الغفار عمر)
|
لاحظت اخيرا ان الجزيرة التي تقع ما بين ابو روف و مرسي شمبات قد تمددت كثيرا
و اوشكت علي الالتحام بجزيرة توتي و هما تشكلان عائقا قويا لمجري النهر
و قد يلاحظ سكان ابو روف وبيت المال ان الرمال ارتفعت كثيرا عن قاع النهر
في الحتة المجاورة للجزيرة دي و دي طبعا ممكن تكون امتداد جديد للجزيرة المعنية
و لو حصل دا طبعا بكون في المنطقة دي في سد او شبه ذلك
من ناحية تانية كثرة الكباري في النيل الازرق و الابيض ( تلاتة في النيل الابيض
واربعة في النيل الازرق) و طبعا علب الكباري ديل ممكن تكون خواصر
تؤدي الي اندفاع الماء بسرعة اكبر خصوصا في النيل الازرق مع الوضع في الاعتبا ر
الجزر الموجودة في المقدمة عندها سوف يكون هنالك خياران اما ان يعمل النهر علي تغيير
مساره تتريجيا او تنساب الميا ه من علي ضفتيه و تغرق الخرطوم او العاصمة المثلثة كلها
و بذا تتحقق نبوءة الشيخ
| |
|
|
|
|
|
|
|
|
|
Re: نهاية الخرطوم نبوءة (Re: willeim andrea)
|
يا وليم اندريا
كفايا مزاح و خلي الليل يكون صباح
بدور ارتاح و اضمد في هواك جراح
صبحك الله بالخير
طبعا انا الجزيرة دي شفتها قبل سبعة سنين كانت صغيرونة
هسة مشيت لقيتها ليك عملت ليها لسان طوييييييييييييل و كمان ماشة عليكم كدا
دا لو انت من بيت المال او ابو روف طبعا
و صراحة لو مشت اكتر من كدا ممكن تعمل السد الرد
و خور ابو عنجة طبعا ح يملاكم طمي
قوووووووووووووووووويه
ياتا فيهن الاولي و لا التانية
| |
|
|
|
|
|
|
|
|
|
Re: نهاية الخرطوم نبوءة (Re: حمد عبد الغفار عمر)
|
الأخ حمد..
تحياتي..
ملاحظاتك دي مهمة من وجهين إذا استبعدت موضوع النبوءة..
الأولى بتنبه الناس والمسؤلين إذا بقروا..
والثانيه بتكشف قصر النظرة التخطيطية للنتائج المستقبلية لأي منشئه..
معلوم أن هذه الجزر لاتنشأ إلا إذا كانت هنالك حواجز تبطئ من سرعة جريان النهر..
وجزيرة توتي نفسها ظهرت بسبب إعتراض النيل الأبيض لتيار الأزرق الحامل للقرين..
إذا ظهور جزر وترسبات جديدة تنسب بلا شك للمنشئات الجديدة..
وما لم تعالج سيقع المحظور إن لم يكن غرق فهدامات تؤي في المستقبل لتعديل المجرى .
| |
|
|
|
|
|
|
|
|
|
Re: نهاية الخرطوم نبوءة (Re: محمد على طه الملك)
|
الاخ : محمد علي طه الملك
شكرا للاضافة والتوضيح الاكثر لمسببات الترسيب
و فعلا شكل الجزيرة و الرمال ال حولها و التي يظهرها نزول النهر اصبح مخيف
اضف الي ذلك انا عرفت انو الاشجار الموجودة داخل الرمال دي بتساعد بدرجة
كبيرة في عمليات الترسيب
يديك العافية
| |
|
|
|
|
|
|
|
|
|
Re: نهاية الخرطوم نبوءة (Re: حمد عبد الغفار عمر)
|
صاحبنا حمد
حمد الله على السلامة
قلت لى الخرطوم حا تغرق ولا تحرق؟؟
عندى ليك سعالين...
أنت دحين زمن الشيخ ود تكتوك القشروم دى كانت فى؟؟
والسعال الأهم..
الوداك تتضهب فى المرسى شنوووووووو ؟؟؟
بعدما نتأكد ونقتنع بى أجاباتك ممكن نناقش.. لأنو بصراحة الجزيرة أنا شفتها قريب... لكن ما من المرسى.. عاوز أعرف أنت شفتها كيف وفى ياتو توقيت و..و..و..؟؟؟
ولك ولأسرتك الود
سيف
| |
|
|
|
|
|
|
|
|
|
Re: نهاية الخرطوم نبوءة (Re: SAIF MUstafa)
|
سيف ابو تويلة
كيفك يا غالي
| Quote: لكن ما من المرسى.. |
دا علي منو يا شفت انت صرتك مقطوعة هناك و برضو تقول لي ما من المرسي
ان برضو ما شفتها من المرسي
انا شفتها من ناحية بيت المال
و حكاية النبوءة دي انا سمعتها من حبوبة لينا كانت مهتمة جدا بمقولات
الشيخ فرح
لكن يا سيف بالله ما بتذكر انو الجزيرة دي كانت محصورة و هي طبعا حقت
عمك الزول الطيب بتاع المرسي داك و لغاية ما ظهر فيها التمساح المرغب داك
ما كانت كبيرة انا شفتها قبل شهر تقريباياخي بقي عندها لسان رملي لحد قريب
جزيرة توتي طبعا الموية ح تغطيه في الدميرة لكن شوية شوية حيكون جزء من الجزيرة
طبعا مشيت الكلية و لاقيت الشباب كلهم و بيسلموا عليك
عوض الله وابوبكر ,عبد الله الطيب ,النضيف ,بدرالدين الشيخ , ابو خليل
مرة اخري احيك بقدر المعزة البينا
| |
|
|
|
|
|
|
|
|
|
Re: نهاية الخرطوم نبوءة (Re: حمد عبد الغفار عمر)
|
حمد..
كنت بكاوى فيك ساكت..
فعلا الجزيرة كبرت .. لكن ماتنسى زمن التمساح داك كان منتصف التمانينات. يعنى قريب ربع قرن..
الجزر الزى دى اللى ما عندها أساس صخرى داخل النيل عندها دورات حياتها الخاصة بيها...
بتبدا صغيرة لسبب ما... غالبا بكون حادثة طبيعية وممكن أكون بفعل الأنسان... يعنى أى حاجة ممكن تأثر فى سرعة مياه النيل أو أتجاهها..
بعداك بتكبر لنفس العوامل بس التاثير بكون فى كمية الطمى...
الجزر الزى دى برضو ممكن ترحل وتبقى جزء من أحد جانبى النيل...ودى ظاهرة معروفة فى شمال السودان..
وأهلنا الكبار بيربو جروفهم بنفس الطريقة...
الجروف الصخرية ولا الرملية بيضعو عليها فروع الأشجار قبل موسم الدميرة عشان تأثر فى سرعة التيار والبتالى يتم ترسيب الطمى وهى نفس فكرة تكوين الجزر...
جزيرة مرسى شمبات أعتقد أن سببها الأساسى هو كبرى المظلات.. وبدات تدريجيا داخل النيل وبمجرد ظهورها بدأت تكبر بسرعة..
أتوقع أن تكمل دورتها بأن تصبح جزء من بر شمبات...
والله أعلم...
طبعا الكلام دا برضو كلام جدود
زى قصة حبوبتك دى...
بس الفرق أنو دا نحن شفناهو...وحبوبتك دى منظراتية ساكت..
أصلو نحن على قول ود بادى عيال النيل وتربية الجزاير والجروف..
بخصوص الكلية...
بختك أنت لاقيت البروفات .. وما تقول لى شباب..
أنا ما أتوفقت وكانوا فى البال ...
لهم جميعا تحياتى
ولكل من يمر بتلك الديار...
وياحليل شمبات و أيامنا فيها
تسلم
سيف
| |
|
|
|
|
|
|
|
|
|
Re: نهاية الخرطوم نبوءة (Re: SAIF MUstafa)
|
يا سيف
كلامك منطقي جدافي كيفية تكوين الجذر و انا كايس ليهو
بس دي | Quote: الجزر الزى دى برضو ممكن ترحل وتبقى جزء من أحد جانبى النيل |
بتودينا عديل لنظرية المؤامرة بتاعة الشيخ فرح ود تكتوك
الجزيرة دي شكلها حتقفل ناحية امدرمان لانو الشاطي بتاعها دائما بجف في الصيف و لانو الرمال بدات تترسب فيهو بشكل واضح و ترتفع
طيب لو حصل دا المجري بهناك ضيق جدا و ما بستوعب الموية كلها لو الجزيرة ارتفعت اكتر من ضفة شمبات معناها النيل ممكن يفيض علي بحري
و علي حتات كتيرة في الخرطوم و يكون عمك ود تكتوك صدق
ــــــــــــــــــــــــــــــــــــــــــــــــــ
اقتراح ساذج:
بالله عليك يا سيف ناس الحكومة ديل ما غبيانين؟
تعرف انا قريب دا اشتريت لوري الرمل بـ 250 الف
طيب الرمل الجوة دا بجيب كم قلاب؟
طيب لو طلعوا الرمل دا و باعوه مش ممكن يعمل منتزهات من بيت المال لي القمائر؟
و يكون ضربوا عصفورين بحجر واحد لكن هم قروش بقيفوا ليها في الشمس دي ما بجروا وراها
عايزين من اليد لليد
| |
|
|
|
|
|
|
|
|
|
Re: نهاية الخرطوم نبوءة (Re: SAIF MUstafa)
|
Quote: و حكاية النبوءة دي انا سمعتها من حبوبة لينا كانت مهتمة جدا بمقولات
الشيخ فرح |
حمد وسيف والمتداخلين الأعزاء لكم التحية:
من قبيل متردد في الدخول خفت من سيف (السعيد) أقوم أطول لسانه علي وأقول لي يا بطري شن دخلك في الضخور والجذور . بس حبيت أقول لي حمد حاجة:
مقولات الشيخ فرح دي كتيرة زي قولة ( آخر الزمن السفر بالبيوت والكلام بالخيوط) أشارة للفطر وأسلاك الهاتف . طبعا زمن الموبايلات دا أضافي . فشكله كده بعد ما تبان القصة وتتشاف يقوم الناس أقولو زمان ما جدودونا قالوا كده أو الشيخ قال كده (أسطورة التأريخ والعننعنة)..لكن ما علينا هو بالجد الموضوع دخل في قصة الكباري والبحر البغرق عوامه..
دايركم تفتو لي ناس توتي ديل بستحقو الكبري دا والله القصة وراها شئ ؟؟
مودتي..
| |
|
|
|
|
|
|
|
|
|
Re: نهاية الخرطوم نبوءة (Re: الشامي الحبر عبدالوهاب)
|
Quote: الشيخ فرح قال:
الخرطوم تصل سوبا وتتفرتق طوبة طوبة
|
يا جماعة الشيخ فرح دة،
زول يحلم بيه و يتفاهم معاهو قاصد شنو بالظبط،،
يعنى سوبا دى الان بقت مجهزة لتكون قبلة العائلات و متنفس العاصمة،
(مدن جديدة، ملاعب قولف، سفارات و سفراء،،،،الخ)،،
نرجع تانى لمربع (صفر) و العياذ بالله،،،،
الله يستر على عباده،،
| |
|
|
|
|
|
|
|
|
|
Re: نهاية الخرطوم نبوءة (Re: Hala Hassan)
|
الاخت هالة حسن
مرحب و شكرا
Quote: يا جماعة الشيخ فرح دة،
زول يحلم بيه و يتفاهم معاهو قاصد شنو بالظبط،، |
يا زولة هوي نحلم شنو
تعرفي الشيخ فرح دا قالو لما كانو عايزين يعملو خزان سنار القبة بتاعتو كانت في
المكان المقترح الخواجات قالو يهدموا القبة شفتي كيف قام واحد من الخواجات شال
اصابع الديناميت وطلع للقبة عشان تتغجر بس قالو ليك خت الاصبع كدا تعرفي الحصل شنو ؟
لحدي هسة لا هو لا اصبع الديناميت ما معروفين وين
Quote: يعنى سوبا دى الان بقت مجهزة لتكون قبلة العائلات و متنفس العاصمة،
(مدن جديدة، ملاعب قولف، سفارات و سفراء،،،،الخ)،، |
بس اعملي حسابك ما تمشي لابسة بنطلون
و مربع الصفر دا نحن بنفتش ليهو في التاريخ و نسأل عنو الميعاد
| |
|
|
|
|
|
|
|
|
|
Re: نهاية الخرطوم نبوءة (Re: Hala Hassan)
|
Quote: يعنى الواحدة تلبس بنطلون تتجلد،
تتقنع و تعمل نينجا،
يجى (المانى) مجنون يطعنها،،،
لابسة فينا، لابسة فينا!!!! |
تعرفي يا هالة ما دام لابسه فيكم
انا بقترح ليكم تلبسوهن الاتنين ( جنز و نينجا)
و الواحدة تشيل معاها منظار جاليلو عشان من بعيد تشوف
الماني تقابلو بالجنز
كيزاني بالنينجا
شنو ليك موش حل؟
ــــــــــــــــــــــــــ
عذرا المداخلات و الردود غير منتظمة الظاهر
الخرطوم دي كسرت عليها الموية
| |
|
|
|
|
|
|
|
|
|
Re: نهاية الخرطوم نبوءة (Re: Elawad Eltayeb)
|
الاخ العوض الطيب
شكرا و حبابك
Quote: يمكن ح تغرق في الدماء
وده مؤكد إذا إستمر الكيزان في تفتيت الوطن ونشر الفتن والظلم والإستهزاء بالآخر |
انت قايل الكلام دا بعيد؟
بس لا نأمل ذلك
احسن لينا غرق الموية من الدم علي الاقل بنغرق ونحن نمسك ببعضنا البعض
| |
|
|
|
|
|
|
|
|
|
Re: نهاية الخرطوم نبوءة (Re: سليمان الرفاعي)
|
سليمان الرفاعي
مرحب بيك و شكرا لمرورك
سيف من ناحية لسانو طويل دي ما فيها شك لكن ما للدرجة المخيفة
بخصوص ناس توتي بستحقو كبري تاني بـ جهة بحري كمان مش واحد
لانو يا سليمان اكعب حاجة و ازفت شئ تكون عندك عربية تقوم توقفا عشان تركب مواصلات تانية
و غصبا عنك شئ تاني الناس ديل قاعدين وسط بحر يعني البحر دا لو هاج يقعدو يفتشو
للبنطون و المراكب في الليل داك ؟
| |
|
|
|
|
|
|
|
|
|
Re: نهاية الخرطوم نبوءة (Re: حمد عبد الغفار عمر)
|
نرحل... ونشيل خطواتنا من مرسي لي مرسي..........
غايتو جنس غايتو .....
اها قالوا اليومين ديل ....
تغير في المناخ ... جفاف وجوع ....
ياحفيظ احفطناوبلادنا وناسنا من كل شر
امين يارب العالمين
| |
|
|
|
|
|
|
|
|
|
Re: نهاية الخرطوم نبوءة (Re: willeim andrea)
|
و ليم اندرية
تعرف بقالات السد (القطري ) قالوا ما ببيعوا فيها سجائر
عشان كدا مخي كبس ما فهمت حاجة
عموما بقول ليك
افرح بيك زي يوم داك اعوض بيك شبابي الراح
بدور النوووووووم و انسي في هواك هموم
| |
|
|
|
|
|
|
| |
حمد عبد الغفار عمر
willeim andrea
محمد على طه الملك
SAIF MUstafa
Elawad Eltayeb
الشامي الحبر عبدالوهاب
فيس بوك
تويتر
انستقرام
يوتيوب
بنتيريست