عندك شريان تاجي ياحبيب نورة ؟ توجد ( عجلة وحمى ووجع وبعض أمل ) !!

دي عجلة بتمشي بدون بنزين وبدون جلكوز وبدون دم !

عجلة بتمشي بسرعة حصان رهوان عيونه مكحلة بسواد العمر المدفق على موية الرهاب !

هو من القال عجلة الزمن عندها تروس ورومان بلي للفرملة الفورية أن دعت الضرورة ؟!

اليوم داك عجلة الحبيب دورت وجرت من غير وداع ومع إنو ركبت طيارة عشان أحصل وداعو

إلا أن ( ود اللحد) كان جاهز ونادى المنادي ولبى الحبيب النداء وكلو من العجلة المستعجلة ياخ !


نقول شنو ؟

نقول الحمد لله رب العالمين وبه نستعين والصلاة والسلام على أشرف المرسلين

سيدنا محمد وعلى آله وصحبه وسلم تسليماً كثيراً .. آمين ,,آمين


عارف ؟

لمن تلقى شريانك التاجي عامل ليك ( كاروشة) جوة القلب ماتفكر تعمل عملية قلب مفتوح

القلب كان إنفتح بدفق حكاوي تكون داسيها ليك سنين من كل حواسك وناسك !




بجيك تاني ونكمل الحكي يايسن ياحبيب نورة سمح ؟

مرة من ذات المرات جاتني ( كتمة) نفس شديدة

شعرت إني محتاجة لرئة تالتة لأنو الرئتين العندي كانت وأحدة مليانة شجن

والتانية مليانة دموع وإمتنعن إمتناع تام عن الإدلاء بأي شهيق ولا زفير !

شلتا بقجة أحزاني وكتمة أنفاسي ومرقت أشم الهواء في حديقة الغلابة بتاعة حبيبي مفلس !

لقيت الناس إتنين إتنين !

لو كل الناس دي بتحب بعض جد جد طيب الأوزون إتخرم من كمية التلوث القلبي البتنتجو النفوس

الصدئة المليانة حقد وشر كيف ؟!


غايتو ياإما الناس دي كضابة يا الاوزون ده عامل فيها مخروم ساي وظالم البشرية دي كلها !

الأوردة كانت حردانة ورفضت تضخ للقلب دم في اليوم داك !

أها قام القلب المسيكين إتركمش وفقد سوائل ووسائل للتواصل مع الأوردة !

قلعتو أنا من بين ضلوع القفص الصدري ولفيتو في ورقة جريدة وختيتو في (قُفّة)

وطلعت بيهو على سوق المحبة كان نلقى ليهو حبة محبة تنعش صماماتو المكتولة كمد !


صدق لقيتها كملوها وناس كتار مالقوا ولا حتة محبة ولو بطريقة قدّر ظروفك معلقة بالفين ؟!

دايرة أقول :

ليه جنينة عبود مافيها العاب زي زمان ؟!

شايفك راكبة عجلة دماي
وراكبة سدَّاري .. تكون عايزة توصلي غرفة عمليات قلبي الهناك
واللا دي عملية نقل حلم مستعجلة!
وأنا المرارتي فقعتها زايدة سكة الوعد البِطِش !
وزي ما تقول
يمكن عايزة تنظمي حركة المرور في شريان وجعي
يا ربي تكوني خايفة من تصادم نجمة شوق ضوّاية
مع كروية دم عاشقة
في منطقة تماس حدود الشهقة
دي النص الكلام ؟؟؟
يوجد قولون عصبي
والدورة الدموية الشافعة
وصلت مربع الأحلام الذهبي!!
يعني ما خايفة من ضربة حرة مباشرة
ترجعك سنترليق الصعود لي دماي !!!
....
!!!!!
أوزون اللحظة
مخروم
محروم
بجدع فينا بي مخلفات الشوق الكضاب
حالة تسمُّم أنساني فظيع جوة الدواخل المنسية من طيبة الخاطر
يوم باكر ..!
أصبح سكة
تودي الفات
تجيب الفات والمات
سنينا الجات
رويانة مغايس شبعانة تدافر في المأساة!!

...
خاطرة بت لذينة
أدتني ضحكة زيف
مدت لي قدّوم كضاب
شحدت علي ضل الغيمة مطر
صبّت في عيني الصحرة خريف
قولون ببكي علي حلماً
وجرحاً باقي عزاب ونزيف!!

في ليل الشجن والشوق
سألتك وين وين و كيف هواك أوهام ووعدك زيف
بلابل الدوح
سارقين شنطة قمرية غنا
ناهبين شريان شاعر
حزمة مُني
خاتفين قلبين
نادية
وغيمة
......... ويمكن أنا ..!



بين قوسين

تمنيت و أنت طيف ما تغيب
وناجيتك
كما أتمنيت!!!

مع مراعاة فروق التوقيت كانت الساعة تشير لإكتمال الفرحة في القلب الوجيع !

وبدون سابق إنذار صفّر حكم مباراة الفصل الحزايني وأدى الفرح فاول !

عارف ؟

ماضروري كل يوم نتعشى ضحكة خليها إبتسامة الليلة وننوم خفيف كويس معاك ؟!

التعديلات نسبة للبهدلة ( توجد كبكبة)

عشان كدة مضطر أشرط الورقة دي!!!

Quote: التعديلات نسبة للبهدلة ( توجد كبكبة) عشان كدة مضطر أشرط الورقة دي!!!

تسلل وأضح !

التحكيم فاشل !

من فضلك ضع الولاعة هذا القلب لا يمكن إشعاله حالياً !

وجات ماشة فوقه فوووووو

رغم إنو وأقف سنين منتظرها !

ولما قال ليها بكل أدب : لو سمحتى !

قالت ليهو بكل عصبية : لا مابسمح موش على كيفي ؟!


هو الغرام ده غيروه ولا ياهو بتاع روميو وجوليت وحاج المكاشفي والسرّة داك ؟!


و


عشان بريدو

أديتو وردة بيضاء

أداني وردة زادت عليا الريدة !

أيام عمرنا مابتتحسب ياصيدة

ولو ( إتحبسنا) في شندي نمشي نعيدها

وييييييين

البلال ماجانا !

الله يأذي الآذانا ويييييين

البلال ماجانا !!

بصيص نور جاي من نفق العزلة الجبرية !

ضميت علي كتاب (وحدتي) شديد حاسة إني حاأشرطو قريب !

مافضل في العمر قدر الفات !

نلحق ( نشنكل) عجلة الزمن دي شوية ونقطّع لستك فصاحتها وقسوتها !

شوف دي بالله !



نادو الحكيم ياتمرجي !

عشان متواعدين
قشرت بي ضحكة
ولبست أبتسامتي الخدرا!!
مطقِّم مع الفرح الشكلوا بنفسج!!
أحمر حمار
أتر شرياني في نص الدرب
بياض سكاكرك و أنت ملعقة زيادة في فنجان هواك
زي سواد نيّة الزمن الكعب
شنو يا علبة اللون البطط في لوحة شوق ؟؟
قصدك تفرتق لي ضفاير نخلة بت!؟
واللا عاجباك تسريحة السمحة القصيد؟؟



...
!!!!
ياخي لا
ياخي أنتي!!
يا أنتي يا غيم يا مطر
يا نحن في سكة خطر
وبرضو كعبة!!
لكن مُشرَّفة لمن تجيك حاجَّة الظروف
تبتديك نافلة تعب
تشتهيك مشوار صعب
تنتهيك وعداً لهب


....
سأعود

وأنا بلبس فستاني المخطط بالطول

ومكشكش بالعرض

وطويل شديد حد الأرض

وبعمل ضفيرة حصان

وجرّة كحل مليانة حنان !

أقول ليك ؟

مادايرة الوان

بجيك بلون زراق طبيعي

صفار طليعي

خدار وحمار وبهار هندي حراق !


لو كل الفصول خريف

ماكنا سكنا القيف

هسة اللواري تقيف

بس يأخي إنت حريف

قول لي كيـــــف ؟!




سبلوقة بيتنا مدة صلاحيتها إنتهت والمطرة دقت الزنكي شديد ونزلت على كيفها بدون حواجز !!

إمام جامع حلتكم
خطبك لي يوم جمعة
عقدت علي قولك
حبِل
طلّقت منو
حروف مجنونة
خلعتك
أندهشتي
دفقتي رهابك علي ورقة زواج عرفي
فيها الغيمة شهود!!
دة كلو
عشان أنجبت منك حنين تيمان
وما بين أنسانك
وريدي
محبة قديمة
وما بنسي لما كنت خالطك في نجيلة
والعوازل فرشة و علبة كولا وقرصة نملة
حكيت ليك الوجع الساكنك
كرشت داوخل هم مستنّي
وجيتك
لقيتك
لسة ولسة ولسة رهاب
يا بت يا سراب عشمي الكضاب!!

ـــ
طلقانة
بي التلاتة!!!





الغنية الما زفَّت وجعك فال !!

وقااااااااالت كده وقامت مشت سعد قشرة

جابت فول وتسالي من المرا السمحة الفي ناصية شارع (الشوق باللفة )!

تاني ماتحرش كياني

وتبقى أحمر أرجواني

ونعشق الزمن الفلاني

وشاعرة تنظم للأغاني

و

غدار

دموعك مابتفيد

في زول عواطفو إتحجرت !!

مشت سعد قشرة
وجات غنت ليه
يدوم(سعدك) مع غيري وتملا شبابك العافية
فرصة سعيدة يا إنتي
نحن الأسعد
الأسعد للأثاث؟؟

سؤال مافي محلو
بس أقل حاجة
تخلي سفرك
حتي لو إيميل أقلوا
أنت عارف نحن بعدك
كل بوست غيرك نملّو


..
!!!
ويا إنتي يا العاملة عشرة مع المطر
ما تبقي هبباي في العيون


ركاب غيمتين
صبّاب
وكتاب بوستين
كضاب

عشان قميصك مقدود من دُبر

قايلني براود الرجال العصافير عن قلوبهم الطيبة !

قالها فيصل محمد صالح صديقي ( طوبى للرجال العصافير ) !


و

تطير إنت ويرك غيرك !!

تطير والعشة ماتشيلك

لو جارت عليك أيام

تعال أعشاشنا بتشيلك !





ود أبرك وبت أبرك أماتن كل وأحدة من شجرة ماأشقاء على فكرة !!

عشان حنينك
مقدود من قسا
لونتي لي وش المسا
بي لون حبيب
خاني وقسا

..
!!!
زمن قصة
غريب
رهيب
عجيب
فيه حاجة من عيونك
لما تستحمي بي ملامح زول
كابسوا هلال العيد
وقال خلاس
رموشها جاتنا لي برودا !!!

دة منو البقول
قُبلة قُبلة
النيل نضمو
أنت لو عارف جضومك
لما يفرحو
كيف بلموا


!!!!

Quote: البلال ماجانا ! الله يأذي الآذانا ويييييين البلال ماجانا !!

هسع الجاب سيرة البلال دي شنو
اظنك راجعه الجربده تاني

يوسف الموصلي ود خالي سلام

الدنيا الحمد مدياني من خير ربنا ومامقصرة معاي

كان شكرت ربنا ليل ونهار برضو مقصرة في شكري !

الله بدي الجنة عديل ياأنقي تود تقول لي شنو وتقول لي منو ؟!


أها ياموصلي

أنا ماشة للمشروع الكلمتك عنو سمح ؟

خدعوك وجرحو سمعتك يا نادية؟

متين اتعلمتي تدخني شوقك وتحرقي دخان سجارك في الشارع؟
حبيب نورة علمك شراب الخدرا؟
الله يعينك بس


ويعين نورة الفكت منها سطلة شاعر سمكرجي

ماتشيل الميم يا حبيبة وتجهجهنا كمان(وش مبتسم جدوغامز)

غامز عيشة ونص في كباية شمتان

حبيب نــورة

حلقه انقد على بطنه,




أحمد الشايقي

برجع

بعد ما تفكني عبرة مغسة الكورة

الشايقي

عليكم الله حصلوني
أنجدوني من بحر وجعي

أصلي غرقان في الأسي !

عبد الله وداعة
الأحساس ح يطق ليه عرق

من شدة ما مليان غبينة
بس قلنا ننشل
من شنطة البت القرنفل
حبّة أمل

والجاية من السما
تتحملا الواطـة!

بت الغمه ياست
الجمال والهمه
امشي طريقك معدول باذن الله ونحن معاك

حبايبي الحلوين
لي كمين حنين
بتاوق من برة برة
خانقاني عبرة وانا أصلاً ما عندي مهر حجك!!
كانت (أُم سِي سِي) الكلام بتلعب في عِبِّي !
وأنا مشرِّك ليها بي كسرة نضم!!
بس حلفت ما تقع في شباك حنية منتظرة
و أصدرت بيان هام!!
والسكات اتحمدل ليها بي ( النجاة)
من براثن السكلبة!
غراب سنة رابعة الدِلاها!!
فاكر أنو قطعة جبنة بيضا
خدار في أتفاقية سلام
مع مرفعين اموا قالت الجني دة أصلوا ما ود حلال!!
عليكم الله شوفوا الطيرة دة!
مع احترامي لي عشوشة
وود أبرك!
غراب ريالة أيدلوجيتوا صابّة!!
وقومي يا عشوشة رِكِّي
بوِّظي لي ود أبرك بروميسو
مع طيرة الجنة !!
لما الظروف تكون نِبلة
في أيدين شافع ود لذينة
كيفن تحضن قمرية
بيضة عشم!!!؟؟

ــــ

برجع أكاكي من جديد
وكمان بغني
في الليلة (ديك)!!!

ود الغيمة

ياخي وحشة


اخبار مزيكتك عاملة طرب!