Post: #1
Title: موقف رجولي عاقل ونبيل وشهم من عبدالكريم الأمين في الموقف من هاشم بدر الدين.
Author: Al-Mansour Jaafar
Date: 07-11-2009, 01:30 PM
القارئي الكريم
الزملاء الكرام
الإحترام والسلام
تكاتبنا أنا والباشمهندس عبدالكريم الأمين في تقليل جانب من النزاع المعروف قد يلابس البطل هاشم بدرالدين. وقد رد الباشمهندس عبد الكريم رداً ساخناً حصيفا إلتزم فيه تقليل هذا الجانب في موقف رجولي ميزته العقل والنبل والشهامة فله منى كل تحية وإكبار وإجلال لموقفه السامي الكريم هذا وعسى أن يلتزم حتى لو تطاير شرر إلى أن تصل الجهود إلى حل الأزمة الرئيسة والشجارات والشتائم التي نتجت منها وتعود لهذا الجزء من المجتمع المدني (=المنبر) ًحيويته التي قلت ومعها كثرة في الخير والجمال.
وهذا هو الجزء المتعلق في بوست له معي بموضوع هاشم بدر الدين وعدا ذلك فإيضاحات بيني وبينه منشورة في بوسته:
حتي لا يفهم يا المنصور بانني احاول هنا تصفية الامور مع هاشم وشحنها باشياء استنادا علي مادار في الايام القليلة المرت من صراع وتهاتر اجدني اضع ردي هذا كاخر مداخلة في هذا البوست واعتذر اعتذار واضح لكل من فهم بانني قد شحنت امر الترابي باجندة شخصية تخدم صراعي مع هاشم بدر الدين في ظل معركة البندر.(رغم رائي المبدئي منها).....وانو الزول ده بتاع ليع نيران اها ده اخر كلك في موضوع هاشم بدرالدين ده وحتما ان طرح هذا الموضوع بعد عبور هذه المياه ساتي وادلو بدلوي دون ان يشحنه الاخريين بما دار بيينا في القريب العاجل....حتي ذلك الزمان كن بالف خير....
مرة اخرى تحية رفاقية وعسكرية لك ولجميع آل الأمين ومعارفهم
وأحسن ختام لهذا البوست هو السلام.
|
Post: #2
Title: Re: موقف رجولي عاقل ونبيل وشهم من عبدالكريم الأمين في الموقف من هاشم بدر الدين.
Author: كمال عباس
Date: 07-11-2009, 01:54 PM
Parent: #1
يامنصور سلام
بس ماكان تفتح بوست جديد... مافي داعي .. كان تقول الكلام دا هناك
لو أي موقف بطولي نبيل لكريم بتفتحو ليهو بوست كان بكري عمل أرشفة
كيكية كل أسبوع..!!
|
Post: #3
Title: Re: موقف رجولي عاقل ونبيل وشهم من عبدالكريم الأمين في الموقف من هاشم بدر الدين.
Author: Al-Mansour Jaafar
Date: 07-11-2009, 09:10 PM
Parent: #2
معليش العافية درجات
والكلمة الطيبة أحسن منها مافي
والعترة بتصلح المشية
وبراك شايف القاعدين يولوعوا في النيران في البوستات إياها ضد هاشم .....فجأة كدة إتذكروا دقة الترابي وقايمين عليه كلام
وقت الرجال الكبار والنسوان والشفع إنقتلوا في الجنوب والشرق والغرب والشمال بواسطة شباب المجاهدين وبقيادة الشيخ المسن والراجل الكبير إياه ياهو المرق قدام هاشم بدر الدين
واجه السلطان الجائر اللي سموه الآن (الراجل الكبير و الشيخ المسن) وحرسه الشديد ، ولمن هاجوا هب عليهم وإنتصر فبال من بال وفر من فر .
وياهو حال السودان وكل البلاد خيراً تعمل ...شراً تلقى
عليك الله شوف الشريط القديم دا : http://www.youtube.com/watch?v=MPtoSogR_zQ
وقول معاي
عاش السودان
عاش البطل هاشم بدر الدين رمزاً من رموز الجسارة والفداء
|
|