Post: #1
Title: ياجماعة ناس (حق) ديل كتار ولا (بتخيلنا)....ساكت
Author: حاتم الياس
Date: 07-11-2009, 11:05 AM
Parent: #0
وعلى الرغم من أن الكثرة اصلاً ليست حاسمة فى قضايا العمل العام لكن تعدد الأصوات الواعية والمرتبطة ...بمحنة[/ من حنان يحاننB وكده]) تنظيمية وفكرية يتحاشى جهتها الموروث من (نشاف) الطبع والعبارة.. بجانب مهلة مقلقة كمهلة النمل وصبره فى دردقة حبات العيش يجعلنا نقول وبكل صراحة الناس ديل (ياتفرتكوهم) ضحى ومن هسع..ياتقعدوا معاهم بأخوى وأخوك ونبدأ مشروع تحالف القوى الديمقراطية .
(البوست للتظارف السياسى العام) يعنى مايجينى واحد نابل بشتيمه..(برانا عندنا نفسيات)
|
Post: #2
Title: Re: ياجماعة ناس (حق) ديل كتار ولا (بتخيلنا)....ساكت
Author: Hussein Mallasi
Date: 07-11-2009, 11:16 AM
Parent: #1
قصدك في سودانيز أون لاين؟!
|
Post: #3
Title: Re: ياجماعة ناس (حق) ديل كتار ولا (بتخيلنا)....ساكت
Author: حيدر حسن ميرغني
Date: 07-11-2009, 11:33 AM
Parent: #2
حاتم
سلام
قلة بفهم احسن من كترة تزيد الهم
هذا لو كانوا -ماكتار - كما يخيَل لك
لايمكن" تصور" شعبية حزب سياسي دون وجود مناخ ديمقراطي يسمح له بالقيام بوظيفته كاملا
|
Post: #4
Title: Re: ياجماعة ناس (حق) ديل كتار ولا (بتخيلنا)....ساكت
Author: حاتم الياس
Date: 07-11-2009, 12:26 PM
Parent: #3
ياملاسى...شفت ليك حلة ولامدينة اسمها (كيبورد) بجيبوها فى النشرة الجوية..كيبورد أعلاها 44 وادناها 33 درجة والفاصل المدارى الأسفيرى يمر بابوحمد..بالمناسبة الوجود الكثيف فى سودانيز اون لاين مؤشر جيد اولاً لقدرتهم على التعاطى مع التقنية ثانياً تواجدهم الحي فى الحوار..ومافى مسافة أصلاً بين سودانيز اون لاين والواقع المعاش والحيوى الا اْذا اردنا للتاريخ وجهة أخرى منفصلة عن وسائل عصره....ودى فانطازيا غريبة..فيمكن ان اكون ولامواخذه راكب حمار كوسيلة وحيدة للمواصلات فى بلقع ما من البلد ..وشايل لاب توب شغال بيهو بتواصل مع صديق راكب طياره قاطع المحيط الأطلنطى..ده لايقطع صلتنا بالعصر لاانا ولاوسيلة مواصلاتى المتخلفة ولايجعل لراكب الطيارة ميزة معرفية اضافية عدا عامل الراحة والمسافة..كما أنه ورغم (اللاب توب) لاينفى وجودى فى المكان واثرى بوسائلى السياسية والثقافية (يعنى فى سرج واحد)
أنا غايتو مبسوط من ناس حق وعاجبانى ثورة الليبراليين فى ايران !!
|
Post: #5
Title: Re: ياجماعة ناس (حق) ديل كتار ولا (بتخيلنا)....ساكت
Author: محمد أبوجودة
Date: 07-13-2009, 10:59 PM
Parent: #4
ياجماعة ناس (حق) ديل كتار ولا (بتخيلنا)....ساكت
كِدا وكِدا ! مالم نعرف الكترة بالنسبة لي منو
| Quote: يجعلنا نقول وبكل صراحة الناس ديل (ياتفرتكوهم) ضحى ومن هسع.. |
منقو قُل : لا عاش مَـنْ يـُـفرتِقـُنا ..
| Quote: ياتقعدوا معاهم بأخوى وأخوك ونبدأ مشروع تحالف القوى الديمقراطية |
وده عين الصواب .. إن لم يكن عِز المطلوب ..
وتحياتي ، أخي ، حاتم الياس
|
Post: #6
Title: Re: ياجماعة ناس (حق) ديل كتار ولا (بتخيلنا)....ساكت
Author: أبو ساندرا
Date: 07-14-2009, 07:24 AM
Parent: #5
| Quote: (يعنى فى سرج واحد) |
ما بسألك .
مع كون نقتك منطقية
إلا ما حاسمة
اللاب توب لوحده
مابيجعل
راكب حمار في بورتبيل ، في سرج واحد ، مع قاطع الكاريبي باير بص
على الأقل أبو طيارة بتكون بجواره رفقة حسنة
وطشمة ماتعة و وجبة ساخنة
مش ، لاب توب ولالاوب
إزيك يا حاتم
|
Post: #7
Title: Re: ياجماعة ناس (حق) ديل كتار ولا (بتخيلنا)....ساكت
Author: محمد أبوجودة
Date: 07-15-2009, 08:44 AM
Parent: #6
وهذا لغير ، حاتم
تـُـعيـِّرنا أنـّا قليلٌ عـديدُنا ... فقلتُ لها : إنّ الكِــرامَ قـليـــــــــلُ
--------------
إزايـّك ياأبا سـاندرا .. ومبروك ياخي ..
|
Post: #8
Title: Re: ياجماعة ناس (حق) ديل كتار ولا (بتخيلنا)....ساكت
Author: بهاء بكري
Date: 07-15-2009, 09:21 AM
Parent: #7
Quote: بــــــــيـــــــــــــــــــــــــــــــــــــــان
إنعدام المياه في مدينة أمدرمان إستهتار بحياة المواطنين...ودليل على أن توفير الخدمات لهم آخر أولويات النظام....
المواطنون الشرفاء .........
منذ أن سطت الجبهة الإسلامية على مقاليد الحكم في 1989 نكتوي في كل لحظة بنيران الظلم والإستعباد والإستبداد، ونشاهد القتل والتشريد والفصل التعسفي والإحالة للصالح العام يطال الشرفاء من بنات وأبناء الشعب السوداني، ولسنا هنا بصدد تعداد مصائبنا من غلاء معيشة وسوء خدمات صحية وبطالة وعدم مجانية للتعليم الذي أصبح حق يُكفل بواسطة القانون في كل دول العالم، كما إننا لانرغب في فتح الجراح التي ظللنا نداويها طيلة هذه العشرون عاماً. وعدم رغبة النظام في إتخاذ خطوات حاسمة في إحداث التحول الديمقراطي وقيام إنتخابات نزيهة تعم كل البلد وعدم جديته أيضاً في حل مشكلة دارفور وتأجيله للإنتخابات. إنه قد آن الأوان لقيام دولة تحترم مواطنيها- تعاملهم بقدر المساواة تكون مصالحهم في قمة أولوياتها موفرة لهم الخدمات الأساسية من مياه وكهرباء وخدمات صحية ومجانية تعليمية تمحو بها آثار الفشل التاريخي الشامل الذي لازم حياتنا السياسية منذ الإستقلال والرؤية غير المتفق عليها تجاه الدولة حتى في عهود الحكومات المسماة تجاوزاً بالديمقراطية والتي أورثتنا الجهل حيث التبعية الطائفية العمياء، والفقر حيث صفوف المحروقات والخبز وإعالات التموين، والمرض بإنتشار الأمراض الفتاكة التي نتصدرها عالمياً، في الوقت الذي تجاوزها أكثر الأقطار تخلفاً، حيث وصل سوء الأوضاع الإقتصادية والإجتماعية والسياسية والثقافية إلى قمته بمجيء هذا النظام.
مواطنات ومواطنو أمدرمان....
لقد تجاوزنا الشهر وأكثر تعاني مدينتكم من إنقطاع إمدادات المياة، هذا غير إنعدامها تماماً أطراف المدينة المهمشة جنوباً وغرباً. لغيرسبب معلوم أو سابق إنذارفي مدينة يكتنفها أطول الأنهار في العالم لكأنما واجب المسئولين التلذذ برؤية الصغار والشيوخ يرزحون تحت وهدة الظمأ مما أدى إلى تعطيل المفاصل الرئيسية في عجلة نشاطاتنا اليومية الإنسانية كبشر أسوياء علينا أن نتناول الطعام ونشرب الماء وننظف مايعلق بنا من أوساخ بالإضافة إلى عدم الإستقرار الدائم في التيار الكهربي.
وها نحن اليوم إذ نخاطبكم ليس لأننا من يعلم دون سواه؛ فقط لنذكر بأنه نحن فقط من عليه أن يفيق وينهض ويستلهم القوى والطاقات، بإلتفافنا حول قضايانا وهذا هو السبيل الوحيد للتحررمن قبضة الفقر والجهل والمرض والجوع والعطش وكل ما من شأنه أن يقيد ويكبل عقولنا وأيدينا، كما أنه يتوجب علينا لطي تلك الصفحات المظلمة وللحاق بركب التقدم والحضارة الإنسانية أن نوحد من مواقفنا لمواجهة عدونا المتمثل في القوة التي ترقد بسكينة على ماسلبته من موارد وما إمتصته من دماء.
عليه فإننا نطالب بالآتي:
1/ مد شبكة المياه لتصل إلى أطراف أمدرمان.
2/ الإعادة الفورية لإمدادات المياه في المناطق التي تمت فيها القطوعات.
3/ معالجة المشكلة جذرياً لضمان عدم تكرارها في المستقبل.
ودمتم
حركة القوى الجديدة
الديمقراطية (حق)- قطاع أمدرمان
يوليو2009
|
|
Post: #9
Title: Re: ياجماعة ناس (حق) ديل كتار ولا (بتخيلنا)....ساكت
Author: أبو ساندرا
Date: 07-15-2009, 10:21 AM
Parent: #8
| Quote: إزايـّك ياأبا سـاندرا .. ومبروك ياخي .. |
الفنان فاغم الحس كثيف الشعور محمد أبوجودة
تعال بارك ليها هناك متأبطآ نظمك الفريد
نبارك ليك السمح يا زميل*
* بإفتراض ما ح يكون
|
Post: #10
Title: Re: ياجماعة ناس (حق) ديل كتار ولا (بتخيلنا)....ساكت
Author: محمد أبوجودة
Date: 07-21-2009, 06:54 AM
Parent: #9
Quote: نبارك ليك السمح يا زميل*
* بإفتراض ما ح يكون |
شكراً عزيزي أباسـاندرا .. وحبل الزمالة - دون شك - متيـــــن .. وكما هوَ معلوم : يـحِـل ويربط ..
|
Post: #11
Title: Re: ياجماعة ناس (حق) ديل كتار ولا (بتخيلنا)....ساكت
Author: أيزابيلا
Date: 07-21-2009, 01:09 PM
Parent: #10
ابو جودة زيك..وحاتم برضو
كيفك والبنية
ـــــــــــــ
ابو ساندرا دة فى اى بوست لى حق قاعد
انا خايفة يكون حسبو معانا
:)
|
Post: #12
Title: Re: ياجماعة ناس (حق) ديل كتار ولا (بتخيلنا)....ساكت
Author: ibrahim kojan
Date: 07-21-2009, 01:24 PM
Parent: #11
ود الياس ازيك ياخ وليك وحشه منذ تلك الامسيه الفريده مع بهاء بكري....
وياخ ما تقول ماشالله والا عيني بارده وخليك من مكاواة حسحس دي اصلها ما فاتت الكي بورد بتاعو
إزيك يا بهاء ازي فرنسا معاك!
|
Post: #13
Title: Re: ياجماعة ناس (حق) ديل كتار ولا (بتخيلنا)....ساكت
Author: حاتم الياس
Date: 07-21-2009, 01:39 PM
Parent: #12
سلامات أهل حق..وسلام خاص للمضياف الوناس (كوجان)
علاقتى بالتنزيل والروابط ضعيفة..لكن من موقع الأحتفاء بالأنسان والقيم الخيرة أهدى صديقى بهاء الدين فى شخص الحقانيين هذه الأغنية التى يشدنى أليها الحس الأنسانى الصافى الذى يكسر حواجز الأعراق والأفكار المسبقة ويضع الأنسان حقاً أمام صفته الأنسانية المطلقة..كأفق وحلم منتظر لهذه الحياة..
http://www.youtube.com/watch?v=WmxT21uFRwM
|
Post: #14
Title: Re: ياجماعة ناس (حق) ديل كتار ولا (بتخيلنا)....ساكت
Author: أبو ساندرا
Date: 07-21-2009, 05:22 PM
Parent: #13
Quote: ابو ساندرا دة فى اى بوست لى حق قاعد
انا خايفة يكون حسبو معانا |
انا برضو خايف ، ف حسبو ده ما مضمون
خاصة سمعت له تصريح بأن حده معانا الخامس
هسع مشغول بالقراية وتأمين المستقبل
على حسب شوف زول قابلو في الأمارات قبل كم يوم
الحزب ملحوق
|
Post: #15
Title: Re: ياجماعة ناس (حق) ديل كتار ولا (بتخيلنا)....ساكت
Author: أبو ساندرا
Date: 07-21-2009, 05:29 PM
Parent: #14
يا حاتم الياس
لو أنت جليتني كده حقرة
ف قين أيين وهذه بلغة الدينكا أو النوير
ممكن تسأل أي واحد من القبيلتين عن المعنى
لكن لازم تتخذ ساتر قبل الرد
أما إذا كان التجاهل بحسن نية ومجرد إهمال ساكت
فالعفو
|
Post: #16
Title: Re: ياجماعة ناس (حق) ديل كتار ولا (بتخيلنا)....ساكت
Author: حاتم الياس
Date: 07-21-2009, 07:50 PM
Parent: #15
أبو ساندرا..يفطوك منو ويفوتوك بوين يأخى أنت مداخلاتك للتأمل المحض وللتفكير الديالكتيكى العميق..وبمناسبة ديالكتيكى زمان فى المغرب وأنا جبهة ديمقراطية جديد مهدى عامل على شوية أسس فلسفة ماركسية ملخبته بفوكو وبارت قلته أنا فى الثقافة والديالكتيك ده زى مافى اٍلا (بوخارين)..دخلته مادة القانون الدولى بالفهم ده ومتضرع ومعاها (باقى جوان فى الراس)...مليت الورقة ورجعت عندى رأى فى الخته منهج القانون الدولى زاتو..ظهرت النتيجة فيما بعد وصفر كبير يتوسط الورقة مع تعليق لدكتور القانون الدولى الأستاذ سعد الرجراجى بأن (الموضوع من صنع خياله المحض)
أنساك ..ده كلام (على قول الست) يأخى بره نقة البورد ده حرم أنا كنت خروفى رابطه ليك بره لكن شبكتنى المؤتمر المؤتمر ولمن الأختيار أتخطاك لمنصب السكرتير رجعته قطر جددت أقامتك ..
الكلام الداير اقوله شنو..يبدو ان مشهد خروج الخاتم والحاج ومن معهم اصاب الحزب بجرح نرجسى عميق ولازال الأخوة فى الحزب واقفين فى أدعائهم السابق حول مبررات خروجهم وفيها جانب دعائى لايخلو من طرافة لم استسغه فى ذلك الوقت مثل حكاية دعم السعوديين لحق لأن الحزب الشيوعى السودانى زمان ساهم فى تاسيس الحزب الشيوعى فآل سعود من الوقت داك لابدين للحزب الشيوعى السودانى وسط متغيرات دولية ضخمة ماعاد فيها لليسار الشيوعى تلك المخاطر النضالية التى تؤثر على ابار النفط وتشعلها بالثورة العمالية..لذلك لابد من تخطى كل ذلك وتوفر فهم سياسى يجعل دعم (حق) وحقها فى التواجد الفاعل مطلوب لأنو الحراك الموجود فى العالم الأسلامى اليوم شئنا آم ابينا القوى التى تشكله هى قوى ليبرالية وليست (ماركسية)..أها ياأبوساندرا أخير ليكم تمسكوا فى الناس ديل وتحاننوهم بجهة الخيارات العقلانية والديمقراطية ولا نصرصر ليهم وتكون (لبنى) أخدت جلدتهاومشت
|
Post: #17
Title: Re: ياجماعة ناس (حق) ديل كتار ولا (بتخيلنا)....ساكت
Author: حاتم الياس
Date: 07-21-2009, 07:58 PM
Parent: #16
أيزابلا..أهلاً بيك ومعليش....أبوساندرا لابعرف لينا (ليدى فيرست) لا (ليدى لاست) ونحنا وحاتك عماد عبدالله الهوين ده بنخاف منو عشان ديامى خلى ابوساندرا..
|
Post: #18
Title: Re: ياجماعة ناس (حق) ديل كتار ولا (بتخيلنا)....ساكت
Author: حاتم الياس
Date: 07-22-2009, 08:42 AM
Parent: #17
أبوساندرا...سالت من الكلمة الصباح.. وعرفت معناها وعلى الدين أنا مافى حاجة بتزهجنى غير (التدوير) البتعرفو متأخر ده
بتجى السودان ولامابتجى...هسع أقول ليك شنو يعنى (بلمتنا) الله يبلم ديمك بالغالي
|
Post: #19
Title: Re: ياجماعة ناس (حق) ديل كتار ولا (بتخيلنا)....ساكت
Author: Emad Abdulla
Date: 07-22-2009, 09:51 AM
Parent: #18
أيوه كتار ..
ليه ؟
|
Post: #20
Title: Re: ياجماعة ناس (حق) ديل كتار ولا (بتخيلنا)....ساكت
Author: محمد عبدالرحمن
Date: 07-23-2009, 08:21 AM
Parent: #19
عذرا ..
|
Post: #21
Title: Re: ياجماعة ناس (حق) ديل كتار ولا (بتخيلنا)....ساكت
Author: محمد حسن العمدة
Date: 07-23-2009, 08:46 AM
Parent: #20
والله يا ود الياس انا مافي حزب دوخني زي ناس حق ديل !!
لحدد حسي ما قادر افرق بين ناس الجديدة والحديسة والناس المشو مع ناس عادل وثروت ونور وديل كمان خايف عليهم من فيروس عادل وثروت يتنقل ليهم وبكره نسمع مليون ليبرالي .. المشكلة انو الفيروس دا ما عند الناس ( الحداس ) بس ... ناس من سنة ( دو ) وكتار كترة لامن تسد عين الشمش وبرضو يتقسمو ليك اكتر من كيمان ( الكمونية ) في جزارة ادبرا .. لكن عند الفعل الجد تلقاهم صفرا متخما بالفشل ..
انا يتخيل المسعلة دي مربوطة بالمزاج السوداني يعني جينات يمكن تكون عامل ( وحدة ) وميلاد هوية مستقبلا للسودان ( الجليد ) موش بقولو رب ضارة نافعة ؟؟ ياخي دي من اكبر الزعماء اللي بيكون ديمقراطي مع كل الناس ( بالخارج ) وديكتاتوري مع كل الناس ( بالداخل ) ... لحدد اصغر وليد سياسي وبرضو تلقى مؤسس فيهو فيهو نفس الصفات دي مع الاختلاف في الاسلوب والوسائل .. وفي النص قبيلة اليسار بكل الياتا القديمة عاوزة تولد ذرة بمركبات شربوت وآبري ورمضان كريم والله يعينكم علي الصيف في الكهرباء العاوزين يجيبوها من اثيوبيا دي ؟!!
|
Post: #22
Title: Re: ياجماعة ناس (حق) ديل كتار ولا (بتخيلنا)....ساكت
Author: حاتم الياس
Date: 07-23-2009, 10:48 AM
Parent: #21
ياعبد الرحمن..ياريت لو نزلوا فى ديوانى..حبابهم ألف
لو قريت من فوق لتحت بتلقى المعنى الحقيقى ورا موضوعى ده هو فرح حقيقى بالفعالية والحركية والتأثير لتنظيم مدعى عليه بالقلة والنخبوية وسط جو عام يكاد ينطق مواته ..أنا قادر اشوف دون أن يوصينى أحدهم بزيارة طبيب عيون بملامح مستقبل حركة حق الكبير والموعود..والبوست ده أصلاً بمثابة تحية لصديقنا فى الأعالي ود (اب رز) خالد سليمان...(يعنى بوست فوق راى)....
|
Post: #23
Title: Re: ياجماعة ناس (حق) ديل كتار ولا (بتخيلنا)....ساكت
Author: أبو ساندرا
Date: 07-23-2009, 03:55 PM
Parent: #22
يا حاتم
| Quote: ...(يعنى بوست فوق راى).... |
خليك راقد على رأيك ده
لكن في 3 حاجات مابفوتهم ليك
1- خروفي متحمدك ولو بعد الف عام ، علمآ بأن الدعوة كانت
شاي وزلابية متين صارن خروف
2- هوان عماد ده بنحوله لعماد كان ما إتغاغت عليك
3- حرم القلتها فوق دي مابتسير في بتنا وبنوصل ليها الكلام
وبعدين شيل شيلتك أصلو اليومين ديل الحقانية بهددوا الناس كده
|
Post: #24
Title: Re: ياجماعة ناس (حق) ديل كتار ولا (بتخيلنا)....ساكت
Author: حاتم الياس
Date: 07-23-2009, 04:41 PM
Parent: #23
عدل
|
Post: #25
Title: Re: ياجماعة ناس (حق) ديل كتار ولا (بتخيلنا)....ساكت
Author: Emad Abdulla
Date: 07-23-2009, 04:49 PM
Parent: #24
أها .. ؟!!
|
Post: #26
Title: Re: ياجماعة ناس (حق) ديل كتار ولا (بتخيلنا)....ساكت
Author: حاتم الياس
Date: 07-23-2009, 04:52 PM
Parent: #24
حبابهم ..وبتنطق فى الدارجة أيضاً حبابن بضم الباء وعصر النون عصرشديد يؤكد الجمع من الرجال والنساء على السواء أى القوم من الناس...شوف عون الشريف علييييك الله..
أما مسألة تهديد ناس حق للناس فدى جديدة يعنى نعمل حسابنا تانى ايزابلا بتكون(مفخخة)?
لكن ماأكضب عليك أبوجوده ده من صورته ولغته ذات الجرس الأصولي الفخيم...(شكلو أنتحارى)
|
Post: #27
Title: Re: ياجماعة ناس (حق) ديل كتار ولا (بتخيلنا)....ساكت
Author: حاتم الياس
Date: 07-23-2009, 05:00 PM
Parent: #26
عماد عبدالله..ولا..صديق الرميلةــــــــ الزول ده
|
Post: #28
Title: Re: ياجماعة ناس (حق) ديل كتار ولا (بتخيلنا)....ساكت
Author: أبو ساندرا
Date: 07-23-2009, 05:03 PM
Parent: #26
Quote: ايزابلا بتكون(مفخخة)?
لكن ماأكضب عليك أبوجوده ده من صورته ولغته ذات الجرس الأصولي الفخيم
(شكلو أنتحارى) |
بتكون.
لكن ابوجودة يبرأ ويستبرأ
عدلت شنو يا حاتم
حتى أعطيت عماد فرصة فيك ؟
|
Post: #29
Title: Re: ياجماعة ناس (حق) ديل كتار ولا (بتخيلنا)....ساكت
Author: Emad Abdulla
Date: 07-23-2009, 05:11 PM
Parent: #28
غنج يا بركوتة .. غنج .
....
هو الليلة خميس ؟؟
|
Post: #30
Title: Re: ياجماعة ناس (حق) ديل كتار ولا (بتخيلنا)....ساكت
Author: محمد حسن العمدة
Date: 07-23-2009, 05:21 PM
Parent: #29
يا عمدة يكون فاض بيهو الحنين ولا شنو
كدي شوفو هنا كاتب شنو
Quote: طبعا دى معلومات من زول ود الباوقة صاح لكن مولود فى الدايات أمدرمان (لاسقنا) قبل كده لاجاتنا (سلكه) لكن السبيرتو جربناهو هههههههههه يعنى زى ود العمده ده ود مدن ..
(عدل بواسطة حاتم الياس on 23-07-2009, 02:21 م)
(عدل بواسطة حاتم الياس on 23-07-2009, 02:26 م) |
والحالة دي عدل مرتين !!
Re: الباوقة, سحر, وجمال, ومصير مجهول ... توجد صور ...
مع انو الموسم في الباوقة اليومين دي رطب ساي !!!!
|
Post: #31
Title: Re: ياجماعة ناس (حق) ديل كتار ولا (بتخيلنا)....ساكت
Author: أبو ساندرا
Date: 07-23-2009, 05:21 PM
Parent: #29
هلا يا عماد
خميسه بيض
وبالنسبة إلى ( حرم ) الفكاها أعلاه
غالبآ اليوم يكون بايت في بيت أهله
|
Post: #32
Title: Re: ياجماعة ناس (حق) ديل كتار ولا (بتخيلنا)....ساكت
Author: Elsanosi Badr
Date: 07-23-2009, 05:28 PM
Parent: #31
Quote: (عدل بواسطة حاتم الياس on 11-07-2009, 11:08 ص)
(عدل بواسطة حاتم الياس on 11-07-2009, 02:50 م)
(عدل بواسطة حاتم الياس on 11-07-2009, 12:31 م)
(عدل بواسطة حاتم الياس on 23-07-2009, 04:43 م)
(عدل بواسطة حاتم الياس on 23-07-2009, 04:42 م) |
يا عمده والله ود الياس ده تعديلات ساي بيحرق ... خلي يقبضو بهبابه...
___________________________
*ود الياس وعماد تحياتي
|
Post: #33
Title: Re: ياجماعة ناس (حق) ديل كتار ولا (بتخيلنا)....ساكت
Author: Emad Abdulla
Date: 07-23-2009, 05:40 PM
Parent: #32
ود العمدة و السنوسي ..
يسعد مساكم ياخ .
ثم .. الله يسألني حاتم رقد حُمبُك .
ذكرني المواطن الخش سيكوتوري لططططط .. و جا البيت بيالله و جلالا ..
مرتو خشت ليهو هيروشيما و نهرزة العدو , كل القدر عليهو اترمي في العنقريب الفي الحوش و شبكا ليك و الأصبع بس الشغال تهديد :
هووووي .. الليلة الدققققققق .
....
يسعد مساك يا حاتم ..
شكراً على ابتسامة في أول الليل هذا من هذا الخميس الدلقان .
كمان التحية لحق و الحقانيين و الحقانيات , و الشيوعيين و الشيوعيات ( ده فرز نوعي " تقدمي " = تقديم الرجال على الباقيات الصالحات ) و نزيد فوق البيعة تجلات و تحايا لكل قوى الديمقراطية " الجد " في هذا البلد البيض .
|
Post: #34
Title: Re: ياجماعة ناس (حق) ديل كتار ولا (بتخيلنا)....ساكت
Author: أبو ساندرا
Date: 07-23-2009, 05:49 PM
Parent: #33
يا عماد سجل معاي الدقسة دي :
Quote: يأخى بره نقة البورد ده حرم أنا كنت خروفى رابطه ليك بره
لكن شبكتنى المؤتمر المؤتمر ولمن الأختيار أتخطاك لمنصب السكرتير
رجعته قطر جددت أقامتك .. |
شايف ( حرم ) دي
بتكون أطاحت بي صاحبك
وهسع بتكون شنطتو برة
|
Post: #35
Title: Re: ياجماعة ناس (حق) ديل كتار ولا (بتخيلنا)....ساكت
Author: حاتم الياس
Date: 07-23-2009, 08:13 PM
أنت عارف ياابوساندرا أنا من زمان جداً وعندى أعتقاد قوى وراسخ بأنك رجل عظيم وبالمناسبة ودى حاجة ختيتها فى قلبى وماقاعد اقولها اٍلا للخواص من الأحباب بعد ماقابلتك فى السودان قلت ليهم وأنا منبهر بان أبوساندرا هذا فيهو شى روحانى غريب والرجل لومانحنا علمانيين أولاد لزينا ومابنعرف فى الأبحار فى المعانى الروحية وتفسير باطن الأمور لحلفت صادقاً بأنك من الأقطاب..وحين كتب (دكين) عنك وعن زيارته لقطر ومقابلته لك فى منزلكم حسدته على هذه اللقيا الفريدة والأستثنائية..شرف عظيم لنا أن تكون فى هذا البورد بل شرف عظيم لبكرى أبوبكر نفسه أن يضم موقعه رجل بمواصفاتك التى قل أن يجود بها الزمان...
لك كل حبى ياأبوساندرا وتقديرى العظيم..
___________________
فكنى شويه (عليك الله)
|
Post: #36
Title: Re: ياجماعة ناس (حق) ديل كتار ولا (بتخيلنا)....ساكت
Author: محمد أبوجودة
Date: 07-23-2009, 09:29 PM
Parent: #35
أهلاً بالدكتورة إيزا
ولعل البلاد الجديدة طابت لك ..
الكُل (ودي ضامّة الكُلاّت برضو ) يذكرونك بكل خير ماانعقد اجتماع ولا انرُبطتْ ورشة ؛ ولسان حالهم/ــن : شـذابيلا شالت معاها
البلد ومشت ..
تعودي بالسلامــة سالمة وغانمة .. والبلد ملحوقا.. الكلام الشـّالتا وتسلم رِباية أمّها وحبوبتا ..
دي التميرة ال في سبيطتا .. النّضار شابِك خُدرتا ..
عزيزي عماد
عظيم التهاني بموقعكم الجديد .. وقد ســرّنا كثيراً .. واعذروا قِلّة طروقنا للبورد المفتوح 24 ساعة .. وحاجات تانية
تُصـَعــِّب من خت اللوم ..
تحياتي .. لأبي ساندرا .. ويبدو أنّ أعراض ال حق .. لا تفارقك .. وهذا يُسعدنا
حاتم الياس .. شــنو يااخ ..؟ مشيت وين ؟
د. كوجان .. سلامات ، وعلّك عافية وتمام التمام
وتحايا للجميع وإلى عودة
|
Post: #37
Title: Re: ياجماعة ناس (حق) ديل كتار ولا (بتخيلنا)....ساكت
Author: Emad Abdulla
Date: 07-23-2009, 10:26 PM
Parent: #36
ابوجودة يا جميل ..
ياخي ( أنا حقاني ) بالفطرة و المزاج . ثبت دي في الأول كدي .
و تهانيك الحلوة لمست خاطرنا فطيبته .. يطيبن ايامك يا رجل .
أما صاحبنا ابوساندرا فهو بيتلكك ساكت ..
لكنه يعرف ( حق ) كويس .. و ناس حق ( أكوس ) , رغم ان بيجلي مرات و يشوتها مصرجة .. و يبيضها في روحو .
( غنى المغني : يجلي النظر يا صاحي ) .. أو كما قال .
أما حاتم السمح , فذاك ولد ..
( برضو اشولنجي مرات و يدو طرشا و بيكفت من طرف .. و صايع جميل , حاله حالنا , لذلك - لكل ذلك - فأنا أحب الرجل كثيرا ) .
مودة ليك يا محمد ..
و سامحنا على التقصير في حقك ..
لكن .. العين بصيرة يا صاحب .
|
Post: #38
Title: Re: ياجماعة ناس (حق) ديل كتار ولا (بتخيلنا)....ساكت
Author: Sabri Elshareef
Date: 07-23-2009, 11:43 PM
Parent: #37
حاتم الياس
تحية شوق واحترام
والله سعيد بالسرد الرائع لك
وناس حق جديده او حديثه اصحاب قراب للفلب
وتحية لهم لهن ولضيوفك الكرام
برضو عماد عبد الله حرفو شبعان ومليان صور سمحه
انا اتنزه بحلاوة الحرف
تحية اخري لك
|
Post: #39
Title: Re: ياجماعة ناس (حق) ديل كتار ولا (بتخيلنا)....ساكت
Author: بهاء بكري
Date: 07-24-2009, 00:06 AM
Parent: #38
حاتم الياس ياصديقي سلام جاك
قبل مانبدا حقو تمشي لاخونا شاهين في مركز الخاتم وتجدع ليهو كتب مكتبة الراحل كانديك
كتر خيرك لميت لينا الحبايب في بوستك ده ...
لقد اهديت البوست لمناضل شرس يستحق الشكر والله ..... صديقنا المشترك خالد سليمان
بجيب بكرة برواقة عشان نتكلم في الكترة دي ونشوف خيالك وداك علي وين ....
لكن انت ركز علي الفعالية احسن لانو ناس محمد عبدالرحمن ديل كانصار وكدة بفتكروا الكترة دي ماركة مسجلة ليهم في سوق السياسة السودانية ده .
مودتي
|
Post: #40
Title: Re: ياجماعة ناس (حق) ديل كتار ولا (بتخيلنا)....ساكت
Author: BAKTASH
Date: 07-24-2009, 02:34 AM
Parent: #39
اتابع ما يدور هنا..... يعني مهتم...
|
Post: #41
Title: Re: ياجماعة ناس (حق) ديل كتار ولا (بتخيلنا)....ساكت
Author: حاتم الياس
Date: 07-24-2009, 01:22 PM
Parent: #40
بكتاش ناصر... يابهاء الدين فى أخر حديث جمعنا..بكتاش مدرسة الوفاق واحرف من دقه كوره فى الثوره (بعدى طبعاً)..فريق الزمالة نجوم التاسعة أو الشباب ثم لفريق بيت المال/
يابكتاش اجيب ليك نسخة من جريدة الصحافة بتاعت الدوره المدرسية القديمة ديك والتى يبدأ عنوانها (اليوم تنطلق منافسات الدورة المدرسية بالخرطوموتحت فيها صورتك)...تدفع كم؟(ده البهمنى من قولك متابع هنا لأنى أعرف جيداً بأنك كايس للجريده دى بالفتاشة)..حتى يتم تصديق تاريخ انك كنت حريف فى يوم من الأيام وهى معلومة متوفره هنا لى ولبهاء الدين فقط وغائبة عن الأخوة الهنود (الحمر) وغير الحمر
|
Post: #42
Title: Re: ياجماعة ناس (حق) ديل كتار ولا (بتخيلنا)....ساكت
Author: saif massad ali
Date: 07-24-2009, 03:06 PM
Parent: #41
الاخ الكريم
اظن كتب شخصي الضعيف قبل ثلاثة سنوات عن حق ونشاطهم
كنت وقتها اتابع حركة حق داخل الجامعات والسروح التعليمة الاخري
وحدثت الجميع بان الخطر القادم عل يسار الوسط ووسط اليسار هو حق
شكيت في سنة 2001 و2002 انو كل الحركة الطلابية تقودها حق وخاصة داخل جامعات العاصمة
ولكن الحق يقال هم من يقودون الحركة الطلابية اليوم رضينا ام ابينا
هم كثرة في قلة
|
Post: #43
Title: Re: ياجماعة ناس (حق) ديل كتار ولا (بتخيلنا)....ساكت
Author: قيقراوي
Date: 07-27-2009, 12:43 PM
Parent: #42
| Quote: ياجماعة ناس (حق) ديل كتار ولا (بتخيلنا)....ساكت |
انت سايق شنو ؟
الشغلةعلى حسب السايقو انت !
إن بقيت سايق " هايس " بتشيلم براااااااحة كان النفوس اطايبت . . . و لا عزاء لاصحاب الامجاد و الركشات و كل اعداء الوحدة الحقيقيين .
اقول قولي هذا و العهدة على الرواي وفي ذمتو هو براهو قبلو و قبالو . . .
الا الدخلني البوست دا كمية الجمال الفيهو ، و رغبة اكيدة ابارك ، سمعت في مضاربنا مقولة : الفضيحة و السترة متباريات - مع انو الجاب الخبر دا ما جاب النتيجة كم / كم - اها قلت : بعد ما فاتني بوست المواجبة الاصلي قلت الحق المرق ساي ان شاء الله .
التحية لشابات و شباب حق . . . و على قول سيد الضيافة هنااهي مدة في مشوار وحدة عريضة لقوى الديمقراطية
تحياتي للجميع برا فرز
|
Post: #44
Title: Re: ياجماعة ناس (حق) ديل كتار ولا (بتخيلنا)....ساكت
Author: محمد أبوجودة
Date: 08-03-2009, 08:20 AM
Parent: #43
عزيزي عماد عبدالله
ســـلامات ..
وهذي :
| Quote: ياخي ( أنا حقاني ) بالفطرة و المزاج . ثبت دي في الأول كدي |
ثابتة بما لايدع مجالاً لأيِّ شك ..
ودمتم بكل خير
-------
عزيزي حاتم الياس
ســـلامات ..
شكراً على " نحن العالم " .. ولو كان بيدي لأهديتك : كـمـِّل جميلك تمـِّموا
---
يا بهاء .. بانتظار عودتك .
وتحايانا للجميع ..
|
Post: #45
Title: Re: ياجماعة ناس (حق) ديل كتار ولا (بتخيلنا)....ساكت
Author: حاتم الياس
Date: 08-03-2009, 12:02 PM
Parent: #44
سلامات ياأبوجوده..
وأعتذر لبدوى السنوسى وصبرى الشريف وقريبى ودالعمده عن تأخرى فى الرد..
يابهاء الدين أنا عند وعدى السابق فيما يتعلق بالكتب وطالما أن الأمر يتعلق بتخليد أثر الراحلين عبر سنا المعرفة والثقافة فأننى سوف أتبرع بهذه الكتب عليها زيادة من شباب المغرب بالسودان وأصدقاء الراحل عادل أحمد يوسف كوقف لروح عادل فى مكتبة الراحل كانديك..وأعتقد واثقاً بأننى يمكن أن أضم لها مكتبة المرحوم عادل أحمد يوسف الشخصية..فأسرته يسعدها ذلك
|
Post: #46
Title: Re: ياجماعة ناس (حق) ديل كتار ولا (بتخيلنا)....ساكت
Author: أيزابيلا
Date: 08-03-2009, 02:40 PM
Parent: #45
Quote: Quote: ابو ساندرا دة فى اى بوست لى حق قاعد
انا خايفة يكون حسبو معانا
انا برضو خايف ، ف حسبو ده ما مضمون |
ابو ساندرا..البصر وركبو ليهو قرنية..البصيرة دي يركبو ليها شنو؟؟؟
| Quote: يابهاء الدين أنا عند وعدى السابق فيما يتعلق بالكتب وطالما أن الأمر يتعلق بتخليد أثر الراحلين عبر سنا المعرفة والثقافة فأننى سوف أتبرع بهذه الكتب عليها زيادة من شباب المغرب بالسودان وأصدقاء الراحل عادل أحمد يوسف كوقف لروح عادل فى مكتبة الراحل كانديك..وأعتقد واثقاً بأننى يمكن أن أضم لها مكتبة المرحوم عادل أحمد يوسف الشخصية..فأسرته يسعدها ذلك |
دة الكلام..
:)
|
Post: #47
Title: Re: ياجماعة ناس (حق) ديل كتار ولا (بتخيلنا)....ساكت
Author: ibrahim kojan
Date: 08-03-2009, 04:39 PM
Parent: #46
| Quote: ابو ساندرا..البصر وركبو ليهو قرنية..البصيرة دي يركبو ليها شنو؟؟؟ |
براحه يا شذي والله الله بسالك؟؟
اها دي شوته قون وضفاري وفي السسلك..
الرد دا غايتو زي ....(ستكون في مكانك حتي يغشاك الطوفان)!
والمعني واضح....
وبعدين انتي فرجينيا فيها عدس؟؟؟
|
|