نيابة عن هارون دياب، المريخ - مازيمبي

يستضيف المريخ في الثامنة من مساء اليوم بملعبه مباراة الدور قبل الاخير لبطولة سيكافا عندما يستضيف مازيمبي الكنغولي في نصف النهائي في مباراة تتوفر لها كل عوامل القوة والاثارة وتحدي افريقي حقيقي للفريق لما يتمتع به مازيمبي الكنغولي من امكانيات عالية ونجوم من العيار الثقيل ومن
واقع ما قدمه الفريق من مستويات مبهرة في هذه البطولة جعلته من اقوى المرشحين للقب بجانب مستضيفه المريخ..
المريخ يخوض لقاء اليوم في ظروف بالغة التعقيد بعد تخطيه لانتر ستارز البورندي في ربع النهائي بفوز غير مقنع وخسائر فادحة تمثلت في اصابة وابعاد قائد الفريق فيصل العجب الذي تعرض لاصابة بالغة بكسر في اصبعه لقدمه اليسرى الشيء الذي ترتب عليه عدم اكماله للمباراة وادى الفريق المباراة ناقصاً بعد استنفاذ الجهاز الفني للتغييرات كما ان مشاركة بدر الدين قلق تبدو صعبة بعد الاصابة التي تعرض لها ايضاً امام انترستارز بجانب كدمات خفيفة للثلاثي لاسانا فانيه ، استيفن وارغو والهداف ايداهور.. الا ان المريخ سيعمل على التغلب على كل هذه الظروف وتحقيق الفوز للوصول للمباراة النهائية..
وقد اعلن القطاع الرياضي بقيادة الكابتن عادل ابو جريشة الطوارئ لمباراة اليوم وقام بنقل معسكر الفريق من فندق التاكا لفندق برج الفاتح .. والذي سيستمر حتى مباراة القمة الافريقية من جانبه يبحث رادان عن تثبيت التشكيل والدفع بتشكيلة انتحارية تقود الفريق لانتصار مقنع بعد المستويات المتذبذبة والمتأرجحة وغير المقنعة للفريق في هذه البطولة خصوصاً وانه يواجه خصماً من العيار الثقيل هو مازيمبي الذي سحق السوكرتا حي العرب بنصف دستة من الاهداف وتأهل لمواجهة المريخ.. ومن المتوقع ان يدفع المريخ بتشكيلة تضم اكرم الهادي في حراسة المرمى سفاري، العائد من الايقاف امير دامر في خط الدفاع، احمد الباشا وموسى الزومة ظهيري جنب، لاسانا فانيه ، نصر الدين الشغيل، سعيد السعودي، وبدر الدين قلق.. للوسط.. ايداهور وكليتشي اوسونو لخط المقدمة..
الطرف الثاني مازيمبي فقد ارسل انذارا شديد اللهجة للفرسان عقب اكتساحه لحي العرب بنصف دستة ويقوده هدافه الخطير موبوتو..
وقد اكملت اللجنة المنظمة الترتيبات الخاصة لهذه المباراة وستقوم بتعيين طاقم تحكيم على مستوى عال نسبة لصعوبة المباراة.

تمنياتنا للفرسان الحمر بفوز مؤزر.

الأخ الفكي عندي نمات من أخويا لينا مريخابي وشاعر أهديها لك ولصديقى العزيز هارون مع أني ما عندي شغلة لا بالمريخ ولا بالهلال لكن عجبني النميم والدوبيت دا وقلت اهديهن لك ولصيديقنا هارون

الــمــريـِّـخ تـألـَّـقْ، وطــيـَّـر الـبــورنــدي
قـال الـدور على الكـنغــولي واليـوغـنـدي
النشَـــرَ المبـاهـِــج من كـدوك لي شـنـدي
عندو عزيمــة أمضَى من الحُسـام الهندي


********************


نَجـِـمْ بـورنـدي غاب، وطلـع نجـِمْ وادينـا
قـدم الخـيـر، وغـرَّد بالـطــــرب شــاديـنـا
الـســــودان وطــنـَّـا، والـزعــيـم نـاديــنــا
ده الـزارع الفـرح في كلِّ ريـف ومـديـنــة


********************



خيول العِز مشت، شاهرة السيوف فرسانا
والصفـوة انتشــت تتغــنـَّى بي عـرســـانـا
هجـوم كالراجـمــات، خط الوسـط ترسـانة
والقـون والدفـاع حـائـط من الخـرســـانـة


********************



البـورنـدي هـذا طـريـقـتــو مـا مشكـــورة
ده مركِّـز على الأجسـام، وسـايـب الكورة
وكـت فـرقـتـنـا جـالـتْ، وشغَّـلـت بـابـورا
لـمَّ حـقـايـبــو، قـال وجهـتـنـا بوجُمْـبـورا

ابشر بالخير يا كمال
يا زول انت ما زول ماعندك علاقة بالكورة انت صفوة كامل الدسم.

محمد ..أخبارك ..

هو يعنى هارون دياب فايتو عليهو انو الليلة مريخ _مازيمبى ..
مافايت عليهو ..لكن خائف من الماشى عليهو ..
مزمل عمل مبررات الهزيمة من اسى ...ومهد الجماهير للجاى
عليهم ..

فتحتك البوست دى (رجالة بطاحين) نحييك عليها ..

يا محمد
الله يحييك

هارون مريض عشان كدا فتحنا البوست دا نيابة عنه.
غايتو انا متوقع انه مشغول في فحوصات وكدا لكن لو زولنا فاضي ومافتح البوست دي تكون عوجة وفعلاً غريبة الصفحة الاولى من المنبر ولا بوست واحد عن كورة المريخ.
مازيمبي ما شفته يلعب قبل كدا لكن من ملطتشه لحي العرب ربنا يستر.
احلى مافي الموضوع انه بكرة الجمعة لو اتهزمنا اتفسحوا في المنبر ونحن كنا نائمين بالنهار وصحينا صلينا الجمعة ومشينا تمينا نومتناتاني وبعدها مرقنا فسحنا الاولاد ولحدي السبت انتوا بتنسوا. (دي رجالة بطاحين" من زول عارف درب الزوغة بوين)
لكن لو فزنا والله احتمال الفجر والجمعة نصليهن بوضوء واحد.

الكورة يوم الجمعة اعتقد

مش يوم الخميس

يلا يا موبوتو اضرب الحمام

في استاد الحكومة

خليل الكورة اليوم الخميس ، بعدين ماشاء الله شايفكم مؤملين على موبوتو، والله املكم دا امل واحد في يجر جوكر بعد الجواكر الاربعة ما نزلت.
الكويس انه دا اعتراف بقوة المنافسة بعد ما كانت فطيسة ياباها مصطفى الاغا.

Quote: الــمــريـِّـخ تـألـَّـقْ، وطــيـَّـر الـبــورنــدي قـال الـدور على الكـنغــولي واليـوغـنـدي النشَـــرَ المبـاهـِــج من كـدوك لي شـنـدي عندو عزيمــة أمضَى من الحُسـام الهندي ******************** نَجـِـمْ بـورنـدي غاب، وطلـع نجـِمْ وادينـا قـدم الخـيـر، وغـرَّد بالـطــــرب شــاديـنـا الـســــودان وطــنـَّـا، والـزعــيـم نـاديــنــا ده الـزارع الفـرح في كلِّ ريـف ومـديـنــة ******************** خيول العِز مشت، شاهرة السيوف فرسانا والصفـوة انتشــت تتغــنـَّى بي عـرســـانـا هجـوم كالراجـمــات، خط الوسـط ترسـانة والقـون والدفـاع حـائـط من الخـرســـانـة ******************** البـورنـدي هـذا طـريـقـتــو مـا مشكـــورة ده مركِّـز على الأجسـام، وسـايـب الكورة وكـت فـرقـتـنـا جـالـتْ، وشغَّـلـت بـابـورا لـمَّ حـقـايـبــو، قـال وجهـتـنـا بوجُمْـبـورا

سلام


المريخ لا محالة منتصر اليوم وغدا.. وفي يوم 18 بالذات..
شكرا يا عكود

رغم تأخر المريخ بهدف في الشوط الاول
فان مريخ السودان وبقليل من التنظيم
قادر باذن الله علي
تعديل النتيجة والتفوق علي مازيمبي



في انتظار انتفاضة المريخ
وازالة الغبار عن شباك مازيمبي

الحمد لله
لم يخيب مريخ السودان الامل فيه
وتحقق التعادل بعد اقل من دقيقتين علي مداخلتي السابقة
مبروك للمريخ التعادل بهدف ايداهور

وفي انتظار هدف الحسم
ما مهم منو البيحرز الهدف
المهم ان مريخ السودان
سيواصل مسيرته باذن الله حتي كأس سيكافا(بس)

الـمـريـخ سـطــع، طيَّر رفـاق مـوبـوتـو
ده النجــم العـلي أنـدادو ظـاهـــر فـوتـو
إيداهــو الخطير زي الصواريـخ شـوتـو
والبجـي في طريقنا الينتظـر يوم مـوتـو

***************


فريق مازيمبي خاب ظنو،وبلِعْ تصريحو
كلب الرَّاعـي ما بهـِـز الرَّواسـي نبيحــو
صبـح مريخنا جاهــز، مكتمل تسليحـــو
والكنغـولي في أم درمان حصـل تشليحو

***************


الكنغـولي شال عفشـو، ورحـل كنشاسا
والخيَّالة يـرزم في المحـاصـــة نحاسـا
كـوكـبـة الزعـيـم العــزة شـالـت كاســا
تقدل بالنصـر، تاج الفخـار فـوق راسـا