|
جيب بقة فك النفس !!!
|
عبارات كتيرة بنسمعها في الازقة وداخل الاحياء وتحت عواميد الانارة ، ( يا فلان فك النفس ) و ( فكها ما تتشك ) و ( خلي لي خط معاك ).. المهم انتشرت عادات كتيرة في مجتمعنا السوداني وبين شبابنا وفتياتنا للاسف الشديد ، حتى البنات بقو بلفو وبشربو بنقو يعني حالة بطالة
تلقا الواحد واقف ( زط الا خط ) والخط دا بتمو عند فلان في صالون ناس علان في المربوع الجمب بسط الامن الشامل ..
قصة قصيرة :
هيثم وصلاح اصحاب شديد من زمان ومتربيين في الحلة سوا يعني ( زيتهم في بيتهم ) المهم اتعلمو البنقو والسكر سوا . يوم قاعدين يسكرو وكان هيثم مسطول شديد وسكران طينة قال لي صلاح جيب بقة ، قبل ما يمسك الكباية قال ليو فك النفس !!! صلاح على حسب السكرة زعل ، قال ليه انت شرفان مالك ، ردا هيثم قال ليو انت مالك انت دافع حاجة ... والشكلة دورت ..
نرجع للنص
المهم الظاهرة دي دايرة محاربة ووعي وارشاد من جميع شرائح المجتمع عشان نرتقي ونسمو ، ونحاول نصل لي مجتمع خالي من الافات والسموم والشباب الضايع و ..... جيب بقة فك النفس
|
|
|
|
|
|