( الســـاكسفونست ) المدهش .. خالد عبد الماجد ..

نادرا ما يشدني عزف احدهم .. أو تعامله مع الآلــه الموسيقية بي احترافية عالية .. وتمكن
الاصل في التعامل مع الآلـة الموسيقية أو .. التعامل مع أي آلــة كحرفـة تظهر بصمات المتعامل معها بشكل واضح
أما
الاتقــان ..
أو
عدمه أو المنطقة الوسطيــة التي ما بينهما .. إلا أن هناك منطقـة أخرى هي ما تشد المتلقي للمتابعة وهي نفس المنطقة التي يفرض فيها صاحب المهنة كل سطوته .. ويجبرك على احترام ذوقــه العالي الذي يبين فيه خبرته .. وقراءته لذاكرة المادة مهما كانت .. واظهار مهارة مقرونة بفطرة سليمة مقرونة بالتدريب الشاق المتواصل ..

Quote: واظهار مهارة مقرونة بفطرة سليمة مقرونة بالتدريب الشاق المتواصل ..

وتحس بهذا أكثر حينما تركز على خلفية المُغني وهو يردد كلمات الأغنية (أياً كانت ) ..
تسمع مداعبة هذا الفتى بهمس يضيف للأغنية أبعاد أخرى لا تجدها عند غالبية عازفينا ..
أحب هذا الفتى يا علاء ..
وأحبكـ انت كمان البتطلع الحاجات دي ..

Quote: تسمع مداعبة هذا الفتى بهمس يضيف للأغنية أبعاد أخرى لا تجدها عند غالبية عازفينا .. أحب هذا الفتى يا علاء ..

.. يا عمران الله يزيدك ويزيدني معاك في المحبة دي ..
خالد دا فنان جدا .. واحساسو عالي جدا .. وبيحترم وبيحب الآلة حقتو دي .. قبل فترة حضرت ليهو حلقة في النيل الأزرق - اصتضافة سريعة كدا كنت متمني لو اني سجلتها بالرغم من انو الفترة كانت صغيرة جدا لكن اشتغل زي تلاتة اعمال بتشكيلات مختلفة من انواع الساكس المختلفة .. جذبني ليهو التكنيك العالي والطريقة المختلفة حتى في الشغل مع المجموعة بتقدر تشعر بي النفس حقو مدي اضافة جمالية - والحمد لله انو ما طلعت انا براي الملاحظ للحاجة دي .. لانو فعلا طريقة الاداء حقتو بتلفت ( الاضان ) للسمع وبتوري انو الزول دا بيعمل في حاجة مميزة مختلفة عن كتيرين بتعاملو مع نفس الالة بشكل عااادي جدا ..

علاء تحياتي

لاحظت براعته علي الساكسفون مع نجوم الغد
وهو يعزف لهم
نادر جدا ان تجد شاب في عمره وهو يتقن هذه
الالة . والساكس من اصعب الات النفخ


تسلم ويسلم خالد

Quote: نادر جدا ان تجد شاب في عمره وهو يتقن هذه الالة . والساكس من اصعب الات النفخ

.. فعلا يا عصام .. خالد دا اكتشفتو فجأة ظهر في الساحة وتابعتو من فترة قبل نجوم الغد وسرني جدا انو يكون ضمن المجموعة الشغاله مع نجوم الغد..
معليش انا بختلف معاك شوية في مسالة الصعوبة دي لانو ماف آله موسيقية صعبة .. لو في صعوبة بتكون في المقومات المفترض تتوفر في الشخص البتعامل مع الاله سواء أن اكتشف ميولو الموسيقي الداخلي أو انحيازو لي آله محدده .. تعرف يا عصام أنا بعرف اصدقاء .. الواحد فيهم ماشاء الله عبارة عن اوركسترا متحركة .. يدو بتقع على اي آلة بيادبه ادب المدايح .. ممكن اتفق معاك في انو الساكس ومعظم الآت النفخ والنحاسيات .. بتحتاج لي كمية اوكسجين محددة في التعامل معاها ودا طبعا بيفرق من شخص لي لآخـر .. زي ما في وتريات محددة بتحتاج لي ( صوابع ) بي مقاسات ومواصفات محددة للتعامل معاها .. ودا الفرز البتتم بيهو عملية التآلف مع الآلة عند الناس العارفين بيها واساتذة الموسيقى ، لو اتوسمو فيك الخير موسيقيا .. ممكن يغيروا تجاهك خااالص من آلة لي آلة وتبرع فيها وتقدر تجيده وتتعامل معاها وتلقى فيها نفسك ..
خالد وبالرغم من حداثة سنو ربنا يحفظو لكن يظهر انو في علاقة قديمة جدا بينو وبين الساكس .. ويظهر انو برضو مدمن استماع للاعمال العالمية .. وحرامي ( تكانيك ) مدارس مختلفة بالاضافة لي انو مجتهد جدا في التمارين وبحب يطور نفسو ومثابر وبحب الساكس وبيناتم علاقة حميمة..

الأخ تمبس سلامات
أنا من أشد المعجبين بآلة الساكس، بس كلامك ده حاولت أفهم منو حاجة غلبني!!! آمل أن أجد منك توضيحاً يفك غموضه مع خالص شكري وتقديري

Quote: نادرا ما يشدني عزف احدهم .. أو تعامله مع الآلــه الموسيقية بي احترافية عالية .. وتمكن الاصل في التعامل مع الآلـة الموسيقية أو .. التعامل مع أي آلــة كحرفـة تظهر بصمات المتعامل معها بشكل واضح أما الاتقــان .. أو عدمه أو المنطقة الوسطيــة التي ما بينهما .. إلا أن هناك منطقـة أخرى هي ما تشد المتلقي للمتابعة وهي نفس المنطقة التي يفرض فيها صاحب المهنة كل سطوته .. ويجبرك على احترام ذوقــه العالي الذي يبين فيه خبرته .. وقراءته لذاكرة المادة مهما كانت .. واظهار مهارة مقرونة بفطرة سليمة مقرونة بالتدريب الشاق المتواصل ..

عمران .. وعصام .. ونادر ..
معليش يا شباب عندي مشكلة خلل في الاتصال من الجهة المزودة ..
من ما كتبت البوست دا .. الاتصال قاطع .. بحاول ارد كلما توفرت الفرصة واتصلحت المصيبة الاسمها انترنت دي ..
..
.
يا نــادر مبدئيا كدا لحدت ما اجيك حقو تدخل ليك كورس لغة صينية تجيب معاك لفتين ورق بردي ..
ياخ إنت زول مثقف .. قاعد تقرا زينا واحد بي اضنينك ..؟
أو كما قالو..

أخى تمبس

أنا من محبى الساكس جدا ومن وصفك قادر أتخيل مقدرة الأخ خالد
يا ريت لو ختيت أغنية مثال لانو النيل الأزرق دى ما عندنا هنا
كذلك بالنيل الأزرق هناك ساكسفونيست ممتاز أعتقد أسمه السر بابكر
وما تنسى فرقة أستاذنا شرحبيل

تسلم كتير على البوست

Quote: أنا من محبى الساكس جدا ومن وصفك قادر أتخيل مقدرة الأخ خالد يا ريت لو ختيت أغنية مثال لانو النيل الأزرق دى ما عندنا هنا كذلك بالنيل الأزرق هناك ساكسفونيست ممتاز أعتقد أسمه السر بابكر وما تنسى فرقة أستاذنا شرحبيل

الفنان ابراهيم عبد الحليم .. معليش على المثال الشكلو تعبان شوية خذلتنا المسالة بتاعت الاكواد دي عندي زي عملين في الجهاز كنت بتمنى اني اسمعك ليهم من خلال البوست دا ..
ما بعرف السر يا ابراهيم .. لكن غالبا اني اكون شفتو في النيل الأزرق .. وفي عديد من عازفي الساكس المميزين بالاضافة لي فرقة الاستاذ شرحبيل .. عندك المرحوم حامد كان في اوركسترا عبد العزيز المبارك .. عندك ياسر النور ابكر وكان برضو في مجموعة نجوم الغد .. وفي عامر ساكس .. وعبد الهادي .. والمرحوم وليد عجـاج .. وفي شباب ما قادر اتذكر اسمم في فرقة الجاز النابض .. وعددية مقدرة من الناس المجتهدة في آلة الساكس .. لكن الفترة الأخيرة اختفى معظم الناس ديل .. والشخص الوحيد الملفت للنظر هو خالد عبد الماجد بتمنى انو يواصل في كل مشاريعو المستقبلية زي ما سمعت انو بصدد مشروع انتاج كاسيت من اعمالو الخاصة صولو لآلة الساكس ..

يا علاء ، كيفك

أول مرة أشوف الشاب ده في برنامج نجوم الغد ، زول بيجود شغلو تمام ، ومتمكن من هذه الآلة الحرون
تابعتو باهتمام كبير أثناء عزفه على آلة الساكسفون ، لقيتو بيتونس بيها ومعاها
غايتو الله كان أدانا عمر بعد كم تاشر سنة كده ، إلا نقوم جارين منو


المفرح إن هذا الشاب وبقية أعضاء الفرقة شابات وشباب صغار في السن ، وبيضربوا مزازيك تحيّر الفيل..




حاجة تطمن وتفرح والله ..

تمبسكو

سلامات


في رأييي المتواضع شايف انو الفرقة الموسيقية السابقة إحساسها عالي و بيلعبو في الألحان بطريقة جميلة على العكس من الفرقة الحالية التي تؤدي الموسيقى كما هي بدون أي إضافات ، ما عدا هذا الشاب عازف الساكس العجيب ..



بالمناسبة رأيك شنو في نجوم الغد الحاليين؟؟

Quote: في رأييي المتواضع شايف انو الفرقة الموسيقية السابقة إحساسها عالي و بيلعبو في الألحان بطريقة جميلة على العكس من الفرقة الحالية التي تؤدي الموسيقى كما هي بدون أي إضافات ، ما عدا هذا الشاب عازف الساكس العجيب ..

.. كيفك يا حسكوووو ..
والله كلامك في الصميم .. تعرف انا برضو لاحظت للمسالة دي عندي مبرر للمسالة دي .. احتمال تتلاقى معاي فوقو
تعرف يا حسام المجموعة المكونة من ناجي .. وياسر واسماعيل التلاتة شبان ديل طلعو شغل جميل .. لانو كل واحد فوقم اساسا ( صولصت ) بتاعين ارتجالات اسماعيل بيرتجل في الكمان .. وياسر في الساكس وناجي بي هناك مقفل ليهم المناطق الميلودية والايقاع بشكل جيد .. والشي الجميل انو مجموعات نجوم الغد أوم الاصوات الاشتغلت مع المجموعة دي كانت بتديك احساس انها جزء مكمل ليها ومتوافقين مع بعض بشكل جميل .. بتحس فيهو بي التقارب الشديد بيناتم
مع احترامي للمجموعة الاوركسترالية الجديدة فعلا بتحس بيهم حافظين الاعمال في شكل نوته ما قادرين يطلعوا منها باستثناء خالد وخلفياتو البيعمل فيها أو انفرادو في الميلودي .. لكن الغريبة لو جينا مسكنا الشباب ديل كافراد النتيجة مختلفة خالص ومدهشين جدا ..

Quote: بالمناسبة رأيك شنو في نجوم الغد الحاليين؟؟

في حاجة غريبة يا حسام قاعد اللاحظ ليها في نجوم الغد .. تعرف بين كل دفعتين كدا .. بتظهر فلته أو صوت صوتين مميزات في المنافسة بيجبروك انك تتابع المنافسة بي اهتمام .. للاسف حاولت اقنع نفسي اني اقعد في المجموعة الجديدة ماف حاجة خلتني اقدر اتابع بنفس الاهتمام بتاع المجموعات القبلهاالحاصل شنو إنت الاصوات كملت خلاص ..؟؟

http://www.youtube.com/watch?v=9j1Zlod6Uo8
معليش يا عبد الحليم .. كنـا عايزين الاكواد تكون شغاله علشان نقدر نتفاكر في الموضوع دا كويس .. لكن القحة ولا صمت الخشم ..
الملف المرفق من حلقات نجوم الغـد .. التحية للنجمة فهيمة عبد الله والاوركسترا ..
ياريت نتابع تجليات واحساس خالد عبد الماجد في التعامل مع الساكس بطريقة مختلفة تبين مقدرتو العالية على التخـيل وصناعة لوحة صوتية .. ووقف بيها في نفس النقطة الاتكلمت عنها فوق .. وعمل اخونـا نادر ما فاهمه ..

يا نادر اسمع شغل الزول دا علشان تعرف انو في منطقة احترافيه بيصل ليها الصنايعي المتمكن من الالة بتاعتو بشكل جيد وعندو علاقة مميزة بيناتم الاتنين .. وح اجي راجع اكتب ليك في سلم صول يظهر انو سلم فــا حسب فهمك الشايلو معاك والجيت خاشي بيهو دا ما واقع ليك .. لكن انت قايل عندنا شنو خلاف انو نوري الحاجات للناس العامله ما قاعده تفهم ؟؟

أخى تمبس
بالرغم من أن التسجيل ولا بد لكن فعلا عازف الساكس عامل خلفيات جميلة
كذلك الأغنية سيرة و أغنية السيرة لانو لحنيتها محدودة ما بتدى العازف مساحة كبيرة للأنطلاق أرجو أن يكون عندك مثال آخر ويكون عازف الساكس بيلعب صولة لوحده
العازف فى عصرنا الحالى أخى تمبس هو عازف وفنان فى نفس الوقت والعازف لو ما حشر نفسه وإحساسه فى آلته بتكون ما فى فائدة وعازف اليوم لازم يتفوق على عازف أمس والله ما فى فائدة
فعلا بالأضافة للأحترافية المطلوب الفنيات فالعازف لازم يعرف كيف يضربك فى الوتر الحساس ويشد إنتباهك ويجعلك تندهش مرة تبكى مرة وتضحك مرات
تحية

إبراهيم عبد الحليم

الزول دة يا تامبا فعلا عنده احساس قوي بالاغنية
خصوصا لمن يشتغل شغل خلفيات في الاغاني









ياخي الهكر دة يا ربي يقع ليه في صاج سمك سخانتو تلوي

يا سلام عليه وعليك

تامباشتا

حلاوة العودة غنيناها في مول
بيحكي عن الولف
و أصلو الولف كتال

ياخي الساكس من الآلات البتحمي النوم
و بتجيبوا في نفس الوقت

انا عندي شريط مجهول الهوية
لحدي هسة ما عارف اسم العازف
لكن صدقني موووت احمر
فلو أمكن
لصق لينا هنا حاجة

Quote: يا سلام عليه وعليك

يا سلام عليك إنت ذاتك يا شــفت يا صاحبي ..

Quote: ياخي الساكس من الآلات البتحمي النوم و بتجيبوا في نفس الوقت

حبيب نورة اللذيذ .. ازيك كدا ؟؟ تعرف يا حبيب .. قبل فترة كنت جايط وراسي دا حاسي بيهو ماشي منفوخ .. واحتمال كبير يطرشق في اقرب لحظة .. تتخيل استعنت بي زولة في المجال بتاع تفريغ الراس منالحاجات الزايده وماف داعي ليها .. .. تخيل يا حبيب .. ادتني وصفه سريعة خلاص .. عملتها في لحظته .. ضلمت الغرفة وقعدت في كرسي مريح جدا .. ووصلت سماعات راس مع الكمبيوتر وشغلت اسطوانة بتاعت زول بتاع ساكسفون معاهو بيانو .. بلاي يا حبيب نوره بتقدر تنوم ليك في كرسي تلاتة ساعات نومه واحده كدا ؟؟ تخيل انا عملتها ومن وقتها بقيت كلما احس بي انو راسي فاضي .. بعبيهو ليك بالساكس دا ..

Quote: انا عندي شريط مجهول الهوية لحدي هسة ما عارف اسم العازف لكن صدقني موووت احمر فلو أمكن لصق لينا هنا حاجة

الموت مع الجماعة عرس طبعا .. كدي خلي البتاعات بتاعت بكري دي تشتغل .. والله اللصق ليك جنس لصيق .. بس ما تقوم تنوم لينا هنا دا

Quote: خصوصا لمن يشتغل شغل خلفيات في الاغاني

طارق .. فعلا خالد دا ليهو مقدرة عالية على صناعة جمل مفيدة من داخل الجمل الاساسية للحـن .. بتشدك وتجبرك للمتابعة من غير ما تخرج من المنطقة الاساسية..

Quote: ياخي الهكر دة يا ربي يقع ليه في صاج سمك سخانتو تلوي

معليش ياخ يعني هو بي ايدو يعمل ليكم شنو اكتر من كدا .. ما عندو ليكم غير الخراب ..

والعازف لو ما حشر نفسه وإحساسه فى آلته بتكون ما فى فائدة وعازف اليوم لازم يتفوق على عازف أمس والله ما فى فائدة.. العزيز ابراهيم عبد الحليم.. سلام تاني مرة ..
معليش على الملف الشكلو تعبان شوية .. لكن دا المتاح حاليا مع موضة الاكواد الوقفه دي ..
عازف اليوم والأمس يا ابراهيم بيناتم مقارنات كبيرة جدا وكل جيل عندو تعاملو مع الآلة وفق المرحلة اللي هو فيها وثقافة المرحلة .. لو اخدنا مثال لعازفينا من الجيل القديم والجيل الحالي وعقدنا مقارنة بنلقى العديد من القدامى يتفوقون من الحاليين بي عامل الموهبة الفطرية وتطوير نفسهم بشكل جيد بالرغم من بدائية الالات مقارنة بالتقنية الحالية وعلم الكمبيوتر الدخل في كل شي ..
وبي نفس الوقت الكثير من عازفي الجيل السابق الما زالو بيمارسو المهنة في مكانك سر بخصوص التكنيك والفنيات المختلفة بالرغم من طول الممارسة والتعودعلى الآلة ..
فعلا بالأضافة للأحترافية المطلوب الفنيات فالعازف لازم يعرف كيف يضربك فى الوتر الحساس ويشد إنتباهك ويجعلك تندهش مرة تبكى مرة وتضحك مرات.. دا الغرض تماما يا ابراهيم من البوست لفت الانتباه لهذا الشاب الذي يترجم بآلة الساكسفون ما كتبته اعــلاه ..

Quote: ومتمكن من هذه الآلة الحرون تابعتو باهتمام كبير أثناء عزفه على آلة الساكسفون ، لقيتو بيتونس بيها ومعاها غايتو الله كان أدانا عمر بعد كم تاشر سنة كده ، إلا نقوم جارين منو

.. والله يا اصلي ما قلت إلا الجد .. بعدين تعرف انو الشعب السوداني دا كلو علاقتو مع الساكس علاقة مميزة جدا ما عارف السر في كدا شنو .. وأول ما يكون في زول بيأدب ليهم الآله دي صدقني بيرمو الفي ايدم .. ويخلو حتى الفنان ويكونوا سارحين ليك معاهـو ..
انا غايتو يا صلاح ما حصل لقيت خالد دا في مكان وما سرحته معاهو واصلو ما خذلني خالص .. بتحس بيهو انو شغال براهو زي ما قلت وبيتونس مع الساكس وما شغال بي اي حاجة حوالينو ليها علاقة بالموسيقى لكن في نفس الوقت تلقاهو ظابط الشغل دا كلو ومطلع النكهة بتاعت المجموعة كلها ..
الشباب ديل كلهم والله ممتازين وبيطمنوا الواحد انو في جيل مهتم بالمزيكا ولي قدام كدا مع توفر الامكانيات السمعية دي ممكن نطلع منهم بي شغل كويس ..

Quote: الأخ تمبس سلامات أنا من أشد المعجبين بآلة الساكس، بس كلامك ده حاولت أفهم منو حاجة غلبني!!! آمل أن أجد منك توضيحاً يفك غموضه مع خالص شكري وتقديري

.. الأخ نادر الما فاهم .. حسنـا انك جبت كود بالكلام ودي حاجة كويسة لانو مفترض الواحد لو ما فاهم حاجة طوالي يقول أنا ما فاهم ..

Quote: نادرا ما يشدني عزف احدهم .. أو تعامله مع الآلــه الموسيقية بي احترافية عالية .. وتمكن

..الاصل في التعامل مع الآلـة الموسيقية أو .. التعامل مع أي آلــة كحرفـة تظهر بصمات المتعامل معها بشكل واضح أما
الاتقــان ..
أو عدمه أو المنطقة الوسطيــة التي ما بينهما
أحمـــر ... بقصد انو من الحالات النادرة جدا انو يلفت انتباهي عازف آلة موسيقية متمكن منها تماما بيتعامل بيها بطريقة مختلفة عن البقية وبصمتو فيها واضحة .. دي بتقابل طوالي مسالة انو الحروف الموسيقية معروفة سبعة .. لكن موزعة في الدنيا دي كلها ونفس السبعة حروف دي الدنيا دي كلها بتعزف بيها وبتغني بيها لكن كل شعب ليهو لونيتو الخاصة .. وكل مدرسة ليها طلابه .. يعني لما اللقى لي زول زي خالد دا بيعني لي نفس الفهم دا وبيشد انتباهي لي انو الشخص دا مميز في تعاملو مع آلتو دي عن غيرو .. ودا برضو ممكن ينعكس لي اي صاحب صنعه تانية .. تاجر شاطر .. جزار حريف في تقطيع اللحمة .. نشال يدو خفيفة يسرق الكحل من عينك .. طباخ يدو طاعمه .. إلخ .. يعني في مناطق مختلفه لو مسكنا الاله مثلا في زول بيعرف يشتغل بيها ناشفه كدا ويكون عامل ليك فيها انو بيعرف اي حاجة .. في زول متقدم منو درجة بي اكاديميتو لكن ما بضيف ليها اي موهبة في نوعية بي موهبته واكاديميته مساعداها بي موهبه خصاها بيها الخالص .. وخالد من النوعية دي وقعت ليك الحتة دي ؟؟
أزرق.. كل آله موسيقية برغم عاديتها ليها تكنيك واسرار وخفايا الشخص القادر على التعامل مع الآله ويوصل ليك الفكرة هو الشخص القدر يفك شفرته ويتعامل مع التكنيك حقها ودا عادي جدا ممكن يوصل ليك الغرض من الآله دي شنو ومعموله لي شنو .. بخلاف الشخص العادي في تعاملو معاها.
الجزو التحتاني دا ما عايز ليهو شرح .. مش كدا ؟؟
تعرف يا نادر ؟؟
الوالد الله يديهو الصحة والعافية استاذ بتاع نحاسيات زمان كنت عايز اتشبك في الساكس دا لي حبي ليهو .. قال لي انسى المسالة دي .. لانو ما عندي ولا نفس بقدر اعمل بيهو الحاجة دي .. وهو صادق فيها لاني حاولت اعمل مجنون وبديت اتمرن على آله اقل منها .. كنت بطرش كلما انتهي من التمرين .. ونسيت المسالة دي .. عندي اخوي بتاع كمان .. حاولت اتشبك فيها قال لي خليك في كورتك فحسع انت يا بوي .. كلامي دا جاي تطلعو لي خارم بارم .. قدرت تسمع الساكس دا كيفن بي حاجاتو السمحة دي .. أنا بقترح عليك نعمل لينا دويتو إنت تعال بي ( بنقزك ) وأنا بجيب لي ساكسفون وبجيب معاهو منفاخ .. اصلها بايظه بايظـه ..

Quote: وحرامي ( تكانيك )

بوست يشبهك يعني خمسة دقيقة صفا في عجاج الميدان الرابط برة
بورد فجة شكلة نهاية حفلة
المهم
الساكس زي ما قلت آله فيها إمكانيات كبيرة تتنوع بين الصولو والميلودي خلال الأداء لأي أغنية أو مقطوعة موسيقية
بعجبني شغل ود ابكر (ياسر أبكر) من زمن شغلو في البعد الخامس مع محمود عبد العزيز في الفندق الكبير
حينها ظهرت الفرقة بشكل جديد فيهو كل آله بتلعب بحرية لا تخل بالميلودي العام للحن
يخلعك كننه في الأكورديون وناصر في الليد جيتار والكردفاني واسماعيل عبد الجبار يسوقوا الجملة اللحنية (اللزمة الكاملة) أو المازورة بين السلالم الحادة والغليطة ويقوم بتاعين الإيقاع والطبلة يكتلوا الشغلانة إلا من خفيف ترترة
هم صنعوا محمود ومن ما فارفهم ما قامت ليهو قايمة تاني
تكنيك مختلف كتير من الكان سائد
تسمع الجملة اللحنية هي نفسها القالها المؤدي في غالب المجموعات الموسيقية
والببالغ كتير يوزع شغلو في كاسيت ويظهر الشغل خالي من الإحساس والتفاعل مع كتاحة الحفلة.
ياسر أبكر كان يغيب لامن تنسى إنو في ساكس ولما يضرب على حرف الهارموني يسرق انتباهك من باقي القروب
ياسر ابكر حاجة تانية ، صنع لي نفسو تكنيك
كل القروب داك صنعوا تكنيك عزف جديد.




وما تنسى عامر ساكس
وكفى



في صولة بتاعة ساكس في أغنية طريق الشوق لعبد العزيز المبارك

أما خالد عبد الماجد
فهو بالجد شايل القروب معاهو بتاع الأورغن
شغلو جميل بس مرات تشعر كأنو بفتش في الحتة المفروض يهابشك بيها
نجوم الغد فقدت بريقا وتحتاج لي تجديد
لكن التجديد ما بي تغيير اسماعيل وود ابكر
كنت بتمنى نشوفهم مع خالد والكردفاني وبس


تحياتي تمبس



زيدان في لقاء تلفزيوني والناس بتكلموا عن اللحن والتطريب وحاجات زي تنظيري الما علمي الفوق دا رد عليهم قال ياخي لو جدعت شلن في التربيزة دي بعمل نغمة ... خلونا نغني




أبنوسي

الحبيب تمبس ....

جميل إعطاء المبدع حقه بتسليط الضوء عليه.

أما آلة الساكسفون، فعلاقتي بها شخصية، لذا تجد بوست عنوانه يحمل إسم الساكسفون (شرك) لدخولي.

أثبّت أولاً المهارة والإحساس العالي لخالد عبدالماجد، وأضم صوتي لصوت أخونا إبراهيم عبدالحليم في أن الأغنية النموذج لم تتيح التعرّف الكامل لهذه الأنامل التي تبدو مهارتها، فليت يتوفر لنا نموذج أوضح. فمثلاً الأغاني بطيئة الإيقاع وذات الميلودية الواضحة تمنح مساحة أكبر لهذا النوع من العزف، سواء كان مرتجلاً أو من ضمن نوتة العمل.

تحياتي.

Quote: عندك ياسر النور ابكر

أمبارح كنا شغالين حفلة مع بعض ببروكسل بلجيكا هذا الرجل فعلا رائع ولقد حكى لى قصته مع محمد وردى
لكن الجديد خالد عبد الماجد برضوا حيكون شديد

إبراهيم عبد الحليم

ده بوست جميل جدا
التحيه للفنان خالد عبد الماجد
و بما اني من محبي آله الساكس
هديه ليكم جون كولتراين و دوك الينغتون
في جو عاطفي

http://www.youtube.com/watch?v=sR13ECD71xU

Quote: هديه ليكم جون كولتراين و دوك الينغتون في جو عاطفي

هديتك مقبولة يا حافظ .. بالرغم من اني ما لقيت الملف .. لكن بضمن تمام أنو الساكسفون متى ما دخل في اي عمل .. بيضيف لونية خاصة لكل المشاعر .. حزن عاطفه .. فرح .. إلخ .. ودا برضو في النهاية بعتمد على احساس الزول القاعد يوجه فوقو بي انفاسو .. وصوابعو.

Quote: أمبارح كنا شغالين حفلة مع بعض ببروكسل بلجيكا هذا الرجل فعلا رائع ولقد حكى لى قصته مع محمد وردى لكن الجديد خالد عبد الماجد برضوا حيكون شديد

سلامات يا عبد الحليم ...
الغريبة انو ما شفت ياسر دا اشتغل مع وردي خالص .. معظم الاشتغلو معاهو .. الراحل وليد عجاج ،عبد الهادي ، صلاح ..وبعضهم.
ياريت لو نعرف القصة شنو ..؟ خاصة انو ياسر من العازفين المهرة ومؤهلين للعمل في اوركسترا الاستاذ محمد وردي ..
خالد عبد الماحد بالرغم نم حداثة وجودو في الوسط إلا انو مؤهل ليكون صولو مميز وقاد فرقة بااارع ..

Quote: جميل إعطاء المبدع حقه بتسليط الضوء عليه.

العزيز أبو الريش كيفنك ؟
ياريت لو بنقدر كل مرة ندي الشباب ديل حفهم .. شوية تشجيع مع نقد بنا .. بيكون ليها دفع معنوي شديد..

Quote: أما آلة الساكسفون، فعلاقتي بها شخصية، لذا تجد بوست عنوانه يحمل إسم الساكسفون (شرك) لدخولي.

تعرف يا أبوالريش .. الشعب السوداني دا كلو ساكسفونست بالميلاد .. عندهم عشق عجيب لي الساكسفون لدرجة القداسة .. واي واحد بيتمنى انو يكون عازف ساكس .. علشان كدا الشرك بتاعي دا لازم يقبض اكبر كمية..

Quote: أن الأغنية النموذج لم تتيح التعرّف الكامل لهذه الأنامل التي تبدو مهارتها، فليت يتوفر لنا نموذج أوضح. فمثلاً الأغاني بطيئة الإيقاع وذات الميلودية الواضحة تمنح مساحة أكبر لهذا النوع من العزف، سواء كان مرتجلاً أو من ضمن نوتة العمل.

بضم صوتي ليكم الاتنين يا أبو الريش .. وطبعا البوستات ذات الطابع الموسيقي دي لابد من انو تكون مرفقه معاها نماذج واضحة كبيان بالعمل .. لكن يدنا ممسوكة عديل كدا من ناحية الاكواد في المنبر .. عندي زي عملين في الجهاز بضمن ليك انو يوصلو الفكرة بشكل جيد ..
بس فات علي تسجيل الحلقة الاستضافو فيها خالد في النيل الأزرق .. وقدم نماذج من خيالو بي قوالب موسيقية مختلفة بنوعين من الساكس .. آلطــو .. وتينور .. ووعد بي انو في شريط كاسيت ح ينزل قريباً الأسواق فيهو أعمال مختلفة ..
لي الوقت داك ياريت يدنا تنفكه ونقدر نجيب نماذج منو هنا دا ..

اوووه جنابو تبلدي ..
وين الحي بيك يا سعدتك ؟ ياخ والله جنس شوق حاصل ..

Quote: الساكس زي ما قلت آله فيها إمكانيات كبيرة تتنوع بين الصولو والميلودي خلال الأداء لأي أغنية أو مقطوعة موسيقية بعجبني شغل ود ابكر (ياسر أبكر) من زمن شغلو في البعد الخامس مع محمود عبد العزيز في الفندق الكبير حينها ظهرت الفرقة بشكل جديد فيهو كل آله بتلعب بحرية لا تخل بالميلودي العام للحن يخلعك كننه في الأكورديون وناصر في الليد جيتار والكردفاني واسماعيل عبد الجبار يسوقوا الجملة اللحنية (اللزمة الكاملة) أو المازورة بين السلالم الحادة والغليطة ويقوم بتاعين الإيقاع والطبلة يكتلوا الشغلانة إلا من خفيف ترترة

والله الفلم دا دخلتني بيهو السستم تاني من جديد .. تتخيل أنا لما بكتب في البوست دا دا بالضبط الحصل كأني قاعد احضر لي في حفلة لي محمود بي نفس التفاصيل دي ايام محمود كان محمود .. وايام ظهرت في الدنيا دي مجموعات شبابية قاعده تتفلهم ليك على اي آلة موسيقية .. ياسر ابكر كننو .. ناصر .. اسماعيل .. كردفاني .. ديل اظنهم بدو بالنورس بعداك لحدت ما وصلت للبعد الخامس.
تتخيل غير الالات البتحتاج للمعافرة دي .. كان في بهاء الدين بتاع الباركيشن .. عندو شنطة بتاعت ( عدة ) مليانة مليون نوع لحدت المثلث بتاع الحقيبة .. تتخيل مرات كدا فترة الايامات المفتوحة بتاعت الجامعة الفرع في القبطية .. كنت بتابع ليك حفلات الهادي ود الجبل .. تخيل كنت بقنج ليك بي بهاء الدين دا بس والبقية بخلهم على الجمب .. وباخد حقي كاش من الهادي فيما بعد ..
فعلا الشباب من فرقة النورس بمركز بحري .. هم الصنعو محمود وقتها لانهم كانوا فعلا مزيكاتيه مرتذقـة وكانو بيحبو محمود .. وبيحبو المزيكا وبيحبو آلاتهم الموسيقية وبحترموهـا ..

Quote: ياسر أبكر كان يغيب لامن تنسى إنو في ساكس ولما يضرب على حرف الهارموني يسرق انتباهك من باقي القروب ياسر ابكر حاجة تانية ، صنع لي نفسو تكنيك كل القروب داك صنعوا تكنيك عزف جديد. وما تنسى عامر ساكس وكفى

والله يا تبلدي .. في البورد دا اتكلمت كتير عن ياسر ابكر .. وكل مرة في نجوم الغد الحلقات البتنزل هنا كنت قاعد اخصص ليهو مساحة لانو عارفو شخص خطير وطبعا هو امتداد مدرسة عامر ساكس والراحل حامد .. لكن بيفرق منهم انو بتعامل مع الساكس .. سووفت بخطوط قصيرة جدا .. حتى ما بعتمد على نظام الصولو الطويل جدا .. لكن الجمل حقتو قصيرة .. ودسمة ومشبعة .. يعني بيعالج بالصدمة الموسيقية

Quote: في صولة بتاعة ساكس في أغنية طريق الشوق لعبد العزيز المبارك

طبعا دي اطول صولو استمع ليها وامتع صولو من احرف عازف ماهر .. استمعت ليها مرة عن طريق أحد الاصدقاء .. وعلقنا عليها كتير جدا .. كمية التكنيك الفيها من ( التفه ) على الريشة لي الانتقال على المفاتيح .. بتلقى انو احساس الزول دا بيجيك ماشي بي كرعينو عديل كدا .. وبيتنفس.

Quote: أما خالد عبد الماجد فهو بالجد شايل القروب معاهو بتاع الأورغن شغلو جميل بس مرات تشعر كأنو بفتش في الحتة المفروض يهابشك بيها

برضو بيجيك طالع من حيث لا تحتسب ..

Quote: لكن التجديد ما بي تغيير اسماعيل وود ابكر كنت بتمنى نشوفهم مع خالد والكردفاني وبس

والله يا تبلدي أ،ا ما عارف الحاصل شنو بالضبط .. لكن عندي يقين انو الحاجات الجميلة ما بتستمر طويل .. دا ما عدم اقتناع بالقروب الشغال دا .. لكن نجوم الغد والاصوات الجديدة دي .. بتحتاج فعلا لي ناس شفوت زي الجماعة ديل .. يتحايلو ليهم على الميلودي .. وعلى اللحن الاساسي وحتى على الايقاع يسنكبو ويجقلرو ويمدو لسانم لكل النوتة الموسيقية.. وفي النهاية يجوهم في الحتة البتظبط ليهم احساسم وتطلع منهم احساس الخوف .. اعتقد انو كل النجوم محتاجين لي عملية بتاعت ضبط وتدرج من الشباب ديل بعداك عادي جدا ممكن يضربو مع اي مجموعة ..

Quote: ياخي لو جدعت شلن في التربيزة دي بعمل نغمة ... خلونا نغني

ابو الزوز دا سيدا ياخ ..

يا ابنوسي ياخ اظهر وجيب حاجات زمان الحلوة .. خلينا نحاول نرجع شوية.

[B]( الســـاكسفونست ) المدهش .. خالد عبد الماجد .. (يوجد نحاس)كده العنوان بكون أحلى ..إنت يا تمبس ما شايف حمى (يوجد صور ، يوجد حب ، يوجد ..يوجد...الخ) تجتاح البورد

باين الرفدة خلتك ما مواكب

أصحى يا حبيب

على قول وليد طه...(يوجد روقه)!!!





....يا سلام عليك يا تمبس يا رايق..!!



-------------
خارج النص...ممكن تسلفنى الشريط حقو؟؟؟

تمبس
حمد الله علي السلامة..
وشكرا جزيلا... لهذا الجمال...
الساكسفون..و خالد...تناغم بلا حدود..
لفت نظري..منذ فترة...

اهديك..هذا المقطع لفرقة اثيوبية...تؤدي بمجوعة من الساكسفونيات..
(مقطوعة...عازة في هواك)...


http://www.youtube.com/watch?v=3fnINCq0nLA

اتمني ان ياتي اليوم و نشهد فيه فرقا موسيقية سودانية..تقيم حفلات..وتنتج البومات و كاسيت و سي دي
لك الشكر
هواري

صديقي العزيز تمبس

اولا اقول ليك حمد الله علي السلامه علي الطله واتمني ان لا ننحرم منك

حديثك عن الفنان خالد حديث الفنان اللي بيحس بالشيئ اكثر من غيرو

بالفعل الرجل فنان كونو لسه في بداية طريقو يعني اننا ننتظر منه الكثير

اتمني له ولك كل توفيق

انا لسه في الخرطوم

وبالسمنه وكده ... كما قال المغني...

سلامات أخونا علاء الدين
والتحية ليك وللعازف خالد ولكل احساس ينبض جمال

مرور للترحيب بعودتك والسلام
منور المنبر

التحايا

تمبس يا عزيز
صباح الخير

آلات النفخ بشكل عام بتعتمد في المقام الأول على
كفاءة العازف من حيث كمية ونوعية وإنسايبية الهواء
الطالع من قاع البطن زائداً اللعب على مفاتيح الهواء

وللأمانة خالد عازف ماهر ، وقداموا الكثير

عليك الله لو ما العزف على الساكس مهارة عمنا " عامر ساكس" كان من نفخة واحدة لحق امات طه


منتظرين نماذج

Quote: لكن القحة ولا صمت الخشم ..

بمناسبة القحة ، البت فهيمة عبد الله دي حا تكسب

يوجد سلام للجميع

تذكر يا تامبا أول مره سمعنا فيها الزول دا بيعزف كان تعليقنا واحد إنه زول فنان ..
في الحلقة الماضية من نجوم الغد سأله بابكر صديق عن آلة الساكس وقال ليهو ياخي مرات نحن والجمهور زي البنحس كده إنك مرات بتخرج عن الأغنية ..
كان رده لبابكر بأنه إطلاقاً لا يخرج عن الأغنية كما يلاحظ البعض ويسمع المتلقي وآلة الساكس لها خصوصية وقد لا تكون ملتزمة مع الفرقة حسب ما هو متعارف عليه وبيكون سعيد لما يعزف ( صولة ) خاصه به أثناء الغناء ..
يا ريت أهل الموسيقى يضيفوا لينا في الجزئية بتاعت خالد دي ..

الأيام دي أنا شايف ظهور عدد كبير من العازفين الشباب الواثقين من أنفسهم وبيلعبوا بالآلات لعب جميل ودا بخلينا نطمئن على شكل الموسيقى السودانية بس إذا كانت هناك فرقة سودانية متخصصة في هذا المجال ..

شكراً يا صاحب وادينا من نفحاتك دي طوالي ..

(*)










___

.
.
.
***اخونا تمبس سلامات يا راجل بعد الغيبه..

عندما نذكر اله الساكسفون في الساحة الــفنية
السودانيه لابد لنا لنا من اقحام اسم الــنجم الذي
تجد اسمه مطبوع علي كل غلاف لاي ألبوم موسيقي لاي فنان
سوداني.
تربع علي عرش هذة الاله حتي يومنا هذا وهو الاستاذ
......ياســـر ابـــكر.....
ابن قبيلة الفور الذي عزف مع اي فنان مشهور
في السودان.. ياسر ابكر في نظري ينافس العازف بيل
كلينتون الرئيس الامريكي السابق.
كنت مع الرجل الاستاذ العازف القدير ياسر ابـكر
في جول فنيه قبل ثلاث اعوام واذكر انهم قدمو الي اوربا
لتقديم برنامج ترفيهي للسودانين كالذي نشاهد في
الان في بالجيكا.. ولحسن حظي كان الاخ العازف
ياسر ابكر يجلس بجانبي في البص السفري في رحله
طويلة وكنا نقصد مدينة زيورخ السويسرية وكنا
قادمين من مدينة ميلانو الايطاليا بعد أن ابدع
العازف مع الفنان الكبير حمد الريح و عبد القادر
سالم.. حكي لي العازف عن سر علاقتة بالة الساكس
وكذلك زكر لي انه لا يحتاج الي نوته موسيقية و
بروفات علي اللحن وانما يدخل علي الاغاني بمييزه
وهبه الله تعالي اياها, فتجده يبدع وياتي بخلفيات
موسقية فريده.. وتجده يبدع اكثر عندما تكون الاغاني
في طابع هادي ورومانسي وعندها تستمع الي معزوفاته
السحرية ويتخيل لك انك تسمع هذة الاغنية اول مره بفضل
مجهوده رغم انه قد تكون سمعت الاغنية عشرات المرات من
أكثر من فنان.
وحكي لي عن تجربته مع الفنان محمود عبد العزيز وكيف
كان الفنان محمود عبد العزيز يحرجهم كفرقة موسيقة مع
الجمهور.. وذلك لان الفنان محمود مشهور بهروبه الكثير
من الحفلات التي ينتظره فيها الجمهور.. ونصحني بان لا
اتعاقد مع هذا الفنان.. وطلب مني أن انصح كل من اعرف
بأن لا يتعقد مع الفنان محمود, وأنا الان انقل لكم نصيحة
الاخ العازف ياسر ابكر.
**اعتقد أن الاستاذ ياسر ابكر الان في بلجيكا مع نخبة الفنان
الذين يحيون سماء بروكسل وانتويرب الان.

** اسمتعت للاخ خالد من أحدي اعماله التي تفضلت انت بها هنا
ووجدته لا يقل عن الذي أطربنا به العازف الشهير ياسر ابكر.

___________
كتب ابراهيم عبد الحليم

Quote: كذلك بالنيل الأزرق هناك ساكسفونيست ممتاز أعتقد أسمه السر بابكر

الاستاذ الفنان ابراهيم عبد الحليم...
اعتقد انك تقصد العازف ياسر ابكر في
استفسارك من الاخ تمبس ..

*** وياريت يا استاذ ابراهيم تحدثنا عن الاستاذ ياسر ابكر
ان جمعتكم الظروف و ان كانت لك اعمال معه.




لكم التحايا والتقدير..

الذي يظهر في الصوره ادناه ومشار اليه بالاحمر.. هو عازف الساكس المتمييز جدا
الاستاذ.. ياســر ابكر حدثتكم عنه في مداخلتي السابقة.. و كما توقعت الصوره في
بروكسل والمناسبة احتفالات الجالية التي كانت في الاسبوع الماضي..


ويظهر في الصور عازف الاوغ المتميز ناجي والفنانه هاجر كباشي
والفنان البعيوا..

Quote: إلا أن هناك منطقـة أخرى هي ما تشد المتلقي للمتابعة وهي نفس المنطقة التي يفرض فيها صاحب المهنة كل سطوته .. ويجبرك على احترام ذوقــه العالي الذي يبين فيه خبرته

مثال اخر :

اسامة على ........ عازف الاورغن .........

Quote: باين الرفدة خلتك ما مواكب أصحى يا حبيب

.. والله يا وليد لو كتبت ليك توجد دي ودخلتها بين (قوسين) .. كنت أول زول طفشت وخليت ليكم البوست دا ..
ياخ انا من اشد المناهضين لي حركة توجد دي .. ولحدت الان ما عارف الغرض الاساسي من كتابته شنو؟؟
الظاهر لي ما ح اللقى لي زول يقنعني لحدت ما اتعلم اعزف ساكسفون ..

Quote: الاصل في التعامل مع الآلـة الموسيقية أو .. التعامل مع أي آلــة كحرفـة تظهر بصمات المتعامل معها بشكل واضح أما الاتقــان .. أو عدمه أو المنطقة الوسطيــة التي ما بينهما

والاحساس العالي ده بكون ضمن الاتقان اعتقد..
شكرا تمبس
أجمل بوست مع الصباح

الحبيب / تامبا
سلامات واشواق
ومعليش ياحبة امسحه لي
والله اخوك عيان شدييييييييد
وربنا كرييييييييييييييييم
عدت فعاد الالق للمنبر
كن بخير دائما
ياولد ياشقي
لك تحيات الاسرة

أخى أحمد محمد بشير
فعلا أنا أقصد ياسر أبكر
الرجل التانى العلى شمال البعيو الفى صورة مهرجان بروكسل برضو عازف ساكس خطير وهو من فرقة عبدالله البعيو الرجل اللابس صديرى
ببروكسل أشتغلوا الأتنين معاى فى وقت واحد أعنى بالاتنين عازفين الساكس بالأضافة لناجى عازف الكيبورد اللهو يمين البعيو ماتتخيل كيف كان شعورى وانا فى المسرح اسمع أتنين من ابرع عازفى الساكس فى بلادى.

أخى أحمد بشير
عليك الله عنوانك عايز أرسل ليك الألبوم cd بتاعى قلبى الحنين

أخى تمبس
برضو قادر أفهمك كويس لأنو العازف البيخاطب وجدانك بيحيرك ويطربك من جوة

Danke Ms.. Ibrahim
Ihnen meine Adresse
Messenger in der privaten

In der Zwischenzeit CD

برنامج قوقل للترجمه الظاهر ما بيترجم صااااح

المهم رجع الماسنجر يا أستاذ ابراهيم.

______
وانشاء الله تكون سجلت سهرت بروكسل
أكيد زميلناالكوبي بيكون سجلها..

ازيك ياتامبا

تصدق انا كنت من اشد المعجبين بي جيمس لاست والات النفخ البتلمع في الظلام

اها من الزمن داك ماعاينت لي زول بينفخ الا زولك ده

عندو قعده عجيبة جدا للساكس خطف الاضواء من العازفين والعازفات بنجوم الغداة

تحياتي ياحلو

الشيراتون كان معاك كيف

زاتوووو

الشباب الجميل ..
البوست دا يكون فوق .. لحدت ما اجيهو بي مزاج .. ساعدوني بي اي حاجة لي خالد

ياتامبا
سلام

Quote: ساعدوني بي اي حاجة لي خالد

حاجة شنو يااخوي....؟
الاكواد اشتغلت يومين
وتاني لحقت امات طه....!!!!

في يوم ما يا تمبس ..
كان همبريب تلك الديار تحسه في كل أجزاء جسدكـ متى ما غابت الشمس ..
هواء طبيعي " مفلتر " بعشرات الأشياء من حولكـ ..
لا عوادم سيارات
ولا رمال ناعمة تتحرك كما تريد
ولا شمس حارقة تضرب بوهجها دون رحمة ..
فقط ...
دنيا خضراء من حولكـ
قطاطي قش ، درادر و ( صريف ) !! " بتعرف الصريف " .....
كهرباء محدودة في مركز البوليس ، ولمبة نيون في حوشنا الكبير دون داعي ..
يذهب الضوء بانتهاء صلاة العشاء في الزاوية المقابلة لمركز الشرطة ... ويزداد الهواء نقاءً وبرودة ..
لا تسمع سوي أصوات صراصير بعيدة ..
أو قطة تمؤ بحثاً عن العشاء ..... أو ليلتها الحمراء ...
في تلكـ اللحظة ، وأنت تتحسس برودة المرتبة القطنية الفاخرة ، وتمسح بطرف أصابعكـ شيئاً من برودة الهواء الذي أصاب طرف أنفكـ ..
وريحة دعاش جاية من بعييييييييييييد ،
فتمتلئ رئتيكـ " غصباً عنك " بذلك الهواء مع تنهيدة تخرج " سموماً " من صدركـ ،
وأصوات أغاني أثيوبية تأتيكـ من قطاطي السكَُان
وكلما أنصتَ أكثر ،
كلما شممت روائح أكثر .. صندل ، وصندليه أحياناً .
في تلكـ اللحظة يا صديقي تمد يديكـ إلى رفيقكـ الليلي ، الـ Panasonic
" ذو السماعة الواحدة " ويبدأ الشريط في الدوران ..
مرات كثيرة أغاني بالعود .. " في ذلك الصمت المُهيب " ..
أو شريط " ساكسفون " أهداني إياه أحد أبناء الأثيوبيين الذي جاء من أستراليا لزيارة أهلة بذلك المعسكر الذي كنا فيه مع مفوضية إغاثة اللاجئين بمعسكر يسمى سفاوا " جنوب شرق القضارف بحوالي 108 كلم "
كان هذا بالعام 1994م ..
العمر ربيع ، والفهم به كثير من الأحلام ،
والدنيا من حولي طبيعية بهوائها وناسها ونسيمها المعبأ برائحة الدعاش ... صمت ..
و
ساكفـــــــــــون ...
....
استمع لهذا الجنـــــــــــــون ...
http://www.youtube.com/watch?v=TJiPKltQPQI

Quote: الشباب الجميل .. البوست دا يكون فوق .. لحدت ما اجيهو بي مزاج

الحبيب تامبا
بالفعل الرائع خالد عبدالماجد فنان ومبدع ومجتهد ومستمع جدا للموسيقي
لدية اذن موسيقية مرهفه ،،، وقد تابعته فى برناج نجوم الغد
قمة فى الابداع







تخريمة
وعازفو الكمان !!!!

الاخ الكريم تمبس

تحياتي وتقديري لهذا البوست الذي لمس وتراً حساساً فيني..
وقفت عند جملة قولتها..

Quote: علاقة قديمة جدا بينو وبين الساكس

الموسيقى دائما لها ارتباطات خاصة بأشياء معينة في حياة الانسان..
وقصة علاقتي مع الموسيقى ودراسة الساكسفون (تينور) انطلقت من علاقة حميمة منذ عمري 4 سنوات..لا تستغرب..

كنت اقيم مع جدي لأمي في اشلاق البوليس بمدينة عطبرة على بعد امتار من مقر فرقة جاز سكة حديد عطبرة، وفي نهايةالستينات وبداية السبيعنات كان لها صيتها الواسع في كل أنحاء السودان، وكان عندما يقولوا فلان جايب في زواجه فرقة جاز سكة حديد عطبرة كانت حاجة فلتة وزواج تأريخي لا يمحى من ذاكرة الناس.
نشأت بالقرب من مقر فرقة جاز سكة حديد عطبرة وكان الصوت الأعلى والظاهر بين الآلات الدرامز والساكسفون.. وكنت أصحى من النوم على صوت الساكس والدرامز وفجأة أجد نفسي أفتح الباب مهرولاً وبعد ثواني وانا بين العازفين واقفاً استمع فقط وما كنت من النوع الهباش اللباش، وكانت أول أغنية تخترق مسامعي (المانسونا قالوا ما نسوها نتمى دائماً..دائما يجونا) يااااا الله..

هذه الأغنية تحظى بلحن حنين يلعب فيه الساكسفون في المقدمة وفي نهاية الاغنية دور كبير بتصوير الاشواق والحنين ومدنية عطبرة باعتبارها أكبر محطات السكك الحديدة في السودانية ونقطة إلتقاء كل خطوط السودان بين المركز الخرطوم والشمال حلفا والشرق بورسودان وكسلا والأواسط الجزيرة وسنار، وارتبطت عطبرة بالأشواق والأحاسيس الانسانية المفعمة بالحب والتواصل الانساني الجميل ونجد ذلك من خلال أغنية (قطار الشوق بتين ترحل).
المهم في هذه الاجواء الموسيقية الجميلة وصوت الساكسفون الذي يلعلع في المدينة نشأت بالقرب من هذه الآلة العجيبة ولم أكن أتوقع يوما ما سأتعلمها وأعزفها..سبحان الله.
مرت السنين.. وكنت ضمن طلائع مايو فقام الرئيس نميري بتأسيس قصر الشباب والاطفال في مايو 1979م وكنت من ضمن الدفعة الثانية دخلت الدراسة في 1980م وأجرى لي المعاينة كل من الاستاذ الدرديري الشيخ أحد أعمدة معهد الموسيقى والمسرح واحد المُحكمين في برنامج (نجوم الغد) والاستاذ محمد عجاج والمرحوم استاذنا علي ميرغني والمرحوم ايضا استاذنا الكاركتيرست صلاح أبايزيد والمعاينة استمرت لمدة 10 دقائق وكانت جميلة جدا جدا والغرض منها معرفة إذا ما كان المتقدم يمتلك القابلية لدراسة الموسيقى ومن ثم الابداع في هذا المجال وكانت المعاينة تركز على سماع لحن والقيام بتردده كما هو من خلال آلة البيانو ولحن أيقاعي طويل وتقليده كما هو..
وكانت الدراسةالنظرية لمدة 6 شهور وبعدها الدراسة العملية للألة الموسيقية التي تمنح لك حسب نتيجة الامتحان النظري وكان الذي يحصل على المركز الاول في الامتحانات تحقق رغبته في الآلة التي يرغب فيها وكان غالبية الدارسين يتمنون البيانو والكمان، وكنت الأول على الدفعة (درست النوتة الموسقية في صغري بواسطة خالنا كان معلم في موسيقى شرطة عطبرة) فاستغرب كل الاساتذة عندما طلبت آلة الساكسفون سي تينور (الحجم الكبير) وليس الساكسفون مي ألطو الذي يعرفه الاخ خالد عبدالماجد.
المهم درست الساكسفون مع فطاحلة وزملاء أحببتهم كثيراً جدا مثل الاخ المرحوم وليد عجاج كان يعرف مع محمد وردي والاخ المرحوم طارق الذي ذاع صيته في كندا، وكنت انا الوحيد في آلة الساكسفون سي تينور، ودرسنا على يد اساتذة كوريين، وبعد ذلك لمتنا المناسبات الخاصة وكنا نعزف سوياً في حفلات الزملاء ونتذكر الايام الجميلة التي قضناها في قصر الشباب والاطفال.
آلة الساكسفون من أروع الألات الموسيقية وهي جاءتنا من دولة أثيوبيا في أواخر الخميسنات كما ذكر احد الفنانيين وأتى بها للسودان الفنان حسن عطية مع مجموعة من الآلات مثل الباص جيتار والليد جيتار، ودائما تكون آلة ارتكاز خاصة في فرق الجاز وتستخدم من أجل الامتاع الموسيقي حيث يخصص لها وقت في كل أغنية (صولو) بما يعرف بالعزف المنفرد لزوم (الهجيج والفت) ودائنا يوضع المايكرفون داخل الآلة لزيادة الصوت الخارج منها.
ومن أشهر عازفي الساسكفون حالياً الذين أعرفهم هم – عامر ساكس وهو أشهر عازف (ساكسفون سي تينور) مر على السودان- والاخ عبدالهادي الاخ يظهر كل يوم على الشاشات السودانية على آلة (الساكسفون مي ألطو) وفي الخارج الاخ العزيز حمودة الذي كان في السابق عازف كلارنيت لكنه تحول للساكسفون.. وهناك العشرات من أمهر عازفي هذه الآلة الجميلة الذي يجملون حياتنا وخاصة الذين يعملون في سلاح الموسيقي وموسيى الشرطة ويعتبر السودان من أكثر الدول التي تخرج هذا النوع من العازفين المهرة الذين أسست بهم الموسيقات العسكرية في كل دول الخليج العربي بدون استثناء.
ومن أشهر الراحلين من غازفي الساكسفون العم الاستاذ علي الحسن (السنجك) ويظهر دائماً في تسجيلات التلفزيون القديمة وأتذكر هو أول من ذهبت إليه في مقر الموسيقى الشرطة بالقرب من السوق الشعبي بالخرطوم وأهداني مجموعة من الاغاني السودانية المنوتة.

الاخ تمبس والاخوة جميعاً..

أشكركم ان فتحتوا لي باباً للتوثيق في هذا المجال الحيوي الذي اعتقد انه بعيدا عن اهتمامات المتخصصين في التوثيق.
ربما أعود..

Quote: انا كنت عارفك ما عندك شجاعة تواجه ..مشيت أديت الباسورد لتمبس..آآآ..؟ انا الليلة بفضحك.. رجالتك..يا جبان ..انا عارفك رجالة تواجه بيها ما عندك.. وعشان تعرف انك كيف غبي..خليت تمبس يكتب ليك بنفس اللغة والمفردات.. وعشان أأكد ليك اني صحفي يا جهلول..حا اوريك كيف انو الكتب الكلام الفوق دا تمبس وليس انت يا حمار أفندي.. بكرة من الصباح..حا أثبت ليك لغة تمبس الكتبت الكلام ده.. لكن انا مستغرب لمتين تستعين بتمبس كلما تتعصر تقوم جاري لتمبس ...

Re: مذيعات واعلاميات السودان.. أين انتن من أوبرا وينفري..يوجد رابط

Quote: الاخ الكريم تمبس تحياتي وتقديري

أمبارح تمبس عدو لدود
يستلف باسويردي ليشتمك
و اليوم أخٌ كريم
أحييييييييييييييييييييي أنا يا الهمر
ضمير الليلة دة مقاسو كم ولونو شنو و بتشتري من ويييييييييييييين و نقوطو كم !!!!!؟
ما رديت لي على سؤالي داك إعتبرناها ليك الروب
لو إتراجعت نقول ليك السؤال هنا تاني
نرسِّل سيرتك الحقيقية لإيميلات الجريدة و شنو كدة ما عارف الجوهرة!!؟
بالمناسبة كان معاي صحبي بحريني قبل أيام في المسنجر
صعلوك منتديات
حكيت ليهو عن قصة أجنبي مقيم معاهم بيشتمهم و بيكرهم و بيسترزق منهم وبلا شهادات كمان
قال لي بس لِمّني فيهو
أها رايك شنو يا الصحفي البلا شهادات

Quote: تعرف يا أبوالريش .. الشعب السوداني دا كلو ساكسفونست بالميلاد .. عندهم عشق عجيب لي الساكسفون لدرجة القداسة .. واي واحد بيتمنى انو يكون عازف ساكس .. علشان كدا الشرك بتاعي دا لازم يقبض اكبر كمية..

عارف يا تمبس .. أخوك مشكلتو أكتر من كده ... لأني فعلاً في يوم من الأيام كنت عازف ساكس .. قبل ما تشغلنا الدنيا عن الحاجات الجميلة دي. تعلمت النوتة الموسيقية والعزف على الكلارنيت والساكس في الخرطوم القديمة على يد عمّنا الراحل الصول/ رابح مرداس .. وده شخصية يمكن لو قدرت أجمّع الداتا المناسبة أكتب عنو بوست للتوثيق. وبالمناسبة فرقة الخرطوم القديمة دي مرت عليها أجيال ما تقدر تتخيلها .. يعني مثلاً في فترة من الفترات كان المغني الأساسي للفرقة هو (النيّل أبو قرون)

المدعو علاء الدين..
أراك تريد اخراج معركتنا خارج المنبر إلى الخارج..

Quote: نرسِّل سيرتك الحقيقية لإيميلات الجريدة و شنو كدة ما عارف الجوهرة!!؟ بالمناسبة كان معاي صحبي بحريني قبل أيام في المسنجر صعلوك منتديات حكيت ليهو عن قصة أجنبي مقيم معاهم بيشتمهم و بيكرهم و بيسترزق منهم وبلا شهادات كمان قال لي بس لِمّني فيهو أها رايك شنو يا الصحفي البلا شهادات

.

هذا هو التهديد الثالث منك..
انا مستعد لهذه الحرب..ارجو ان تجهز كل أسلحتك..
انا ليس لدي ما أخاف عليه..
انت تجيني في ملعبي خارج اسوار هذا المنبر..
يلا انت ابداء أي خطوة ..
رسل رسائل لأي جهة ما.. في البحرين
انا مستعد..
لكن أكرب حزامك..
ولعلمك..انا لا أعمل في هذه الصحيفة..
وليس لدي ما أخاف منه في البحرين..
وانت لا تعرف علاقتي بالبحرين والمجتمع.
وأتحداك أن ترسل رسالة لكل الصحافيين في البحرين كما قلت..
انا في الانتظار..وجهزت كل أسلحتي..


ملحوظة..

ارحتني كثيراً ..ان كشفت أني هزمتك شر هزيمة جعلتك تنقل المعركة للخارج..وبرضو سأهزمك خارج المنبر شر هزيمة..
قلت لي شركتك تنتج برمجيات لوزارة التربية والتعليم...؟؟.
ستكون عبرك لغيرك..يااأأ

الأخوان:
علاء الدين .. وخالد أبو أحمد ..

واضح أن لديكم معركةً ما، في مكانٍ ما. ولكن المؤكّد أن مكانها ليس هذا البوست.

أطلب راجياً عدم تخريب البوست.

شكراً لكما.

طبعاً بعد الضحكة الطويييييييييييييييييييلة
ملحوظتي إنك بقيت مؤدب و لم تستخدم الألفاظ البتشبهك ديك
و دي مرحلة متقدِّمة جداً وصلت ليها متأخِّر خالص خالص
ثانياً:

Quote: هذا هو التهديد الثالث منك..

أنا بما بعرف تهديد ولا دة أسلوبي
أنا بشوت تووووووووووووووووووشك في وش العدو وزي ما تجي تجي
أسلوب التهديد دة أسلوب رخيص بتعرِفو إنت ما أنا
أنا سألتك سؤال واضح و لِسّع عند كلامي
و تاني بسألك
أرسِّل؟؟؟؟؟؟؟

Quote: وأتحداك أن ترسل رسالة لكل الصحافيين في البحرين كما قلت..

دي بقى بحدِّدة ردّك على سؤالي
و الفِعل ما سترى لا ما تسمع

Quote: انا في الانتظار..وجهزت كل أسلحتي..

دي تموصة و تشرب مويتة
رد على قد السؤال و قول لي أيوة أو لأ
و أنا عارف بقدر أوصِّل رسايلي لحدي وين و ممكن تعمل ليك شنو الرسائل دي مع ناس بتسترزق منهم و تشتم فيهم و شغال معاهم بدون مؤهلات
دة فيما يخص ملعبك القلت ما خايف فيهو
فيما يخص ملعبي
أعلى ما في حميرك أركبو
و السواي ما حدّاث
أها رايك شنو!!!!؟
نرسِّل؟؟؟؟؟؟؟؟؟؟؟؟؟؟؟
رد على قدر السؤال

Quote: ارحتني كثيراً ..ان كشفت أني هزمتك شر هزيمة جعلتك تنقل المعركة للخارج

بدليل زوغتك من آخر بوست قلت فيهو الروووووووووووووووووووووووووووب بالزوغان
و حأخت ليك اللنك تحت

Quote: قلت لي شركتك تنتج برمجيات لوزارة التربية والتعليم...؟؟.

إسمها وزارة التعليم العام يا رترتة
و شان ما نخرِب للناس البوست
حاول زورنا هِنا في الحتة الكبِّيت فيها الزوغة دي و كبّرت منها اللفة يا رترتة
خبر عاجل: مواجهة بين الشرطة و المواطنين وعدد من الجرحى والقتلى
أو ياخ زي ما خوّفتني قبل كدة بإنك حتفتح لي بوست خاص زي الفتحتو قبل كدة و إنضربت فيهو ضرب غرائب الإبل لحدي ما فتحو ليك بوست مساندة
أُثنِّي فتح بوست خاص تهرشني فيهو
بالمناسبة إنت مش قلت لي لي أنا حآخد ليك إجازة من الشغل مخصوص و تتفرغ لي!!!؟
إنت بقيت كضّاب ولا أصلك كضّاب
نهايتو
نرسِّل؟

?

يا اخى قالو ساكسفونست ما شلاليت..!!!
لو عندك من البضاعه التمبسيه دى هاتها والا فحط ..ما ناقصنك يااخى..!!
صحبك عمر الفاروق بغادى بشلت فى ناس عقد الجلاد ممكن تساعدو بالله..

حاضر يا عريس
مع إنو للوهلة الأولى قرّبت أكتِب ليك بالأحمر
تاني قلت لالا ياخ دة برضو فردتنا داك
أنا مكسِّح
أصلو زولي دة طالبو (روب) وشايفو كشحو لي في كم حتة
نخلِّيهو (مؤقتاً)

اتمنى ان يتواصل هذا البوست بنفس الإمتاع الذي بدء به ..




ـــ
مع خالص معزتي للجميع ..

.